Haec pagina emendata est
15
ornithogonia.
Admovet os ori, velut oscula mollia libans,
Ingerit et rapido gratissima pabula nisu.
Excipit ore viri coniux, et gaudia pandit
Alarum plausu tremulo, lenique susurro.
Avolat ille procul, ramoque innixus amicae
Solatur longum cantu gliscente laborem. 130
At si forte nothos crocea de matre creandi
Cura tibi, genera alituum vix cetera possis
Flectere servitio, vetitisque iugare hymenaeis:
Namque licet nido a teneris detraxeris, acrem
Non unquam abiicient animum, aut mansuescere discent.
Haud tamen indocilis, nomen cui carduus asper
Imposuit, volucris (dixere acalanthida Graii,
