Haec pagina emendata est
22
ornithogonia.
Instante exitio pallor mox inficit ungues
Informis, roseus nec iam rubor enitet ore,
Contrahitur cervix, solvuntur frigore membra,
Et distincta nigris turgescunt viscera venis. 220
Huic morbo tepido medicantur lacte, sed artis
Plerumque inventum sequitur spes nulla salutis.
Nec tantum implumes, fetus sed gentis adultos
Pertentat scabies; respergitur ulcere corpus
Turpiter, et virus subit exitiale medullas.
Quod nisi palladium properes adhibere liquorem,
Balsamaque, heu certae videas occumbere morti!
Quin et dira manent ipsas incommoda matres
Saepius: aut illas feturae tempore torquet
Ova labor parere, immiti quo funere vitam 230
