Haec pagina emendata est
PHYSIOPHILUS.
IDYLLIVM
| Rure ego viventem, tu dicis in urbe beatum. |
Securum famae, mordacibus hospita curis
Ne me regifico moveant magna atria luxu
Invidiosa; procul vestris clamoribus, urbes,
Aevum agitem, libeatque locis magalia solis,
Atque humiles habitare lares, ubi mira tuenti
Naturae alta quies, nullo turbante tumultu,
Suppetat, et statio minus opportuna procellis.
