Haec pagina emendata est
74
tannereis.
Nec tantum haec imbelle genus, sed et acre, leonum
Corpora alit, viget hinc taurus et acer equus.
Quid quod et ipsa viros, humanaque pectora lympha 20
Roborat? exemplo durus arator erit:
Nonne sitim assuetus vitreo restinguere fonte
Corporis atque animi viribus ille valet?
Hac arte innixus duxit Rizzolius[1] ingens
Extremum incolumes tempus ad usque dies.
Dicuntur veteres currentia vina bibisse;
Verius ille fuit simplicis humor aquae.
Pavit et humani generis nonne unda parentes?
Quadrifida Edenis regna rigabat aqua.
- ↑ Celebre Chirurgo Bolognese, astemio.
