|
escendunt in altum ardua aggressi ? sed si vir es, suspice, etiamsi decidunt, magna conantes. Generosa res est, respicientem non ad suas, sed ad naturæ suæ vires, conari alta, tentare, et mente majora concipere, quam quæ etiam ingenti animo adornatis effici possint. Qui sibi hoc proposuit : « Ego mortem eodem vultu cum quo audiam, et videbo ; ego laboribus, quanticumque illi erunt, parebo, animo fulciens corpus ; ego divitias et præsentes et absentes æque contemnam : nec, si alicubi jacebunt, tristior ; nec, si circa me fulgebunt, animosior ; ego fortunam nec venientem sentiam, nec recedentem ; ego terras omnes tanquam meas videbo, meas tanquam omnium ; ego sic vivam, quasi sciam aliis me natum, et naturæ rerum hoc nomine gratias agam : quo enim melius genere negotium meum agere potuit ? unum me donavit omnibus, uni mihi omnes. Quidquid habebo, nec sordide custodiam, nec prodige spargam ; nihil magis possidere me cre-
|
