Haec pagina emendata est
130
HORACE,
Galloni prædonis erat acipensere mensa
Infamis. Quid ? tum rhombos minus æquor alebat ?
Tutus eral rhombus, tutoque ciconia nido,
Donec vos auctor docuit Prætorius. Ergo
Si quis nunc mergos suaves edixerit assos,
Parebit pravi docilis romana juventus.
Sordidus a tenui victu distabit, Ofello
Judice. Nam frustra vitium vitaveris illud,
Si te alio pravum detorseris, Avidienus,
Cui canis ex vero dictum cognomen adhæret,
Quinquennes oleas est, et sylvestria corna,
Ac, nisi mutatum, parcit defundere vinum, et
Cujus odorem olei nequeas perferre, ( licebit
Ille repotia, natales, aliosve dierum
Festos albatus celebret ), cornu ipse bilibri
Caulibus instillat, veteris non parcus aceti.
