Haec pagina emendata est
272
PERSE,
SATIRA III.
IN JUVENUM DESIDIAM.
Nempe hoc assidue ? Jam clarum mane fenestras
Intrat, et angustas extendit lumine rimas :
Stertimus indomitum quod despumare falernum
Sufficiat, quinta dum linea tangitur umbra.
En quid agis ? Siccas insana canicula messes
Jam dudum coquit, et patula pecus omne sub ulmo est,
(Unus ait comilum). — Verum ne ? Ita ne ? Ocyus adsit
Huc aliquis ; nemo ? Turgescit vitrea bilis ;
Finditur ; Arcadiæ pecuaria rudere dicas.
Jam liber, et bicolor positis membrana capillis,
Inque manus chartæ, nodosaque venit arundo.
Tunc queritur, crassus calamo quod pendeat humor,
Nigra quod infusa vanescat sepia lympha ;
Dilutas queritur geminet quod fistula rimas.
