Pagina:Satires d'Horace et de Perse.djvu/310

310

PERSE,

Tun' mare transilias? Tibi torta cannabe fulto
Cœna sit in transtro, vejentanumque rubellum
Exhalet vapida læsum pice sessilis obba ?
Quid petis ? Ut nummi, quos hic quincunce modesto
Nutrieras, peragant avidos sudare deunces ?
Indulge genio ; carpamus dulcia ; nostrum est
Quod vivis ; cinis et manes et fabula fies ;
Vive memor leti ; fugit hora ; hoc quod loquor, inde est.
En quid agis ? duplici in diversum scinderis hamo ;
Hunccine, an hunc sequeris ? Subeas alternus oportet
Ancipiti obsequio dominos, alternus oberres.
Nec tu, cum obstiteris semel, instantique negaris
Parere imperio, rupi jam vincula, dicas.
Nam et luctata canis nodum arripit, at tamen illi
Cum fugit, a collo trahitur pars longa catenæ.
Dave, cito, hoc credas jubeo, finire dolores
Præteritos meditor ; ( crudum Chaerestratus unguem
Arrodens ait hæc ; ) an siccis dedecus obstem
Cognatis ? An rem patriam, rumore sinistro,