Pagina:Spinoza - Éthique, trad. Appuhn, 1913.djvu/503

499

de la servitude de l’homme

vel quod idem aptum reddit ad corpora externa pluribus modis afficiendum, homini est utile ; et eo utilius, quo Corpus ab eo aptius redditur, ut pluribus modis afficiatur, aliaque corpora afficiat ; et contra id noxium est, quod Corpus ad hæc minus aptum reddit.

DEMONSTRATIO

Quo corpus ad hæc aptius redditur, eo Mens aptior ad percipiendum redditur (per Prop. 14 p. II) ; adeoque id, quod Corpus hac ratione disponit, aptumque ad hæc reddit, est necessario bonum seu utile (per Prop. 26 et 27 hujus), et eo utilius, quo Corpus ad hæc aptius potest reddere ; et contra (per eandem Prop. 14 p. II inversam, et Prop. 26 et 27 hujus) noxium, si corpus ad hæc minus aptum reddat. Q. E. D.