Pagina:Veterum Analectorum Tomus IV (Vetera Analecta 4).pdf/577

E Wikisource
Haec pagina nondum emendata est
Appendix.
Passio
sancti Maximiliani.

TUsco & Anulino Conſulibus, iv Id. Martii, Teveste* in foro induto* Fabio Victore una cum Maximiliano; & admiſſo Pompeiano Advocato, idem dixit: Fabius Viƈtor Temonariusa eſt conſtitutus cum Valeriano Quintiano præpoſito Cæſarienſi; cum bono timone Maximiliano filio Viƈtoris. Quoniam probabilis eſt, rogo ut intumetur*. Dionb Proconſul dixit: Quis vocaris? Maximilianus reſpondit: Quid autem vis ſcire nomen meum? mihi non licet militare, quia Chriſtianus sum. Dion Proconſul dixit: Intumetur*. Cumque intumatus fuiſſet, ex Officio recitatum est: Habet pedesc quinque, unicas decem. Dion dixit: Ad officium ſignetur. Cumque reſiſteret Maximilianus, reſpondit: Non poſſum militare.

  • Anno 295.
  • * al. Tebeſte, in Africa.
  • * f. induƈto.
  • * inſcribatur.
  • a Qui nimirum præfeƈtus erat præſtationi tironum, quos temones appellabant. Unde infra cum bono timone Maximiliano, pro quo mſ. codex, timore.
  • b Ille, ut videtur Caſſius Dio, qui aute quadriennium cum C. Junio Tiberiano Conſul fuerat, & poſt annum præfeƈtus Urbi.
  • c Nempe Romani metiri ſolebant tirones, quos militiæ adſcribebant, ita ut ſenos pedes, vel certè quinos & denas uncias habentes inter alares equites, vel in primis legionum cohortibus probarentur, teste Vegetio in lib. 1 cap. 5.
Receptum de "https://la.wikisource.org/w/index.php?title=Pagina:Veterum_Analectorum_Tomus_IV_(Vetera_Analecta_4).pdf/577&oldid=194257"