Haec pagina emendata est
— 68 —
LXXXV.
Al Padre
Parthenope primo vidit te flore juventae
Extemplo Aonios congeminare sonos.
Postea flexanimae pollens tu munere linguae,
Rheginae fueras gloria prima togae.
Ergo incinge, pater, binis jam tempora sertis,
Quae tibi dat Phoebus, quae tibi sancta Themis.
LXXXVI.
La Gloria
Quid plausus hominum, vel quid sit gloria quaeris?
Aura levis, fumus, sibilus, umbra, nihil.
LXXXVII.
Narcisso scolpito da Angenida
Nunc me lucidulo quoties in fonte viderem!
Pulcrior a scalpro redditus Angenidae,
LXXXVIII.
Il tragitto dello stretto d’Abido
Nabat Abydenas Leander saepe per undas,
Cerneret ut vultus, Sesti puella, tuos.
Ast ego, ne informis videam Clitenidis ora,
Tranabo ingentem, Iuppiter!, oceanum.
