Haec pagina emendata est
CXXVI.
Una città della Penisola
Foeda bonis, jucunda malis, urbs invida, discors,
Non habitanda viris, non habitanda feris !
CXXVII.
Finale
Sic vivo, o lector, ventoso in litore Rhegî
Dulcia delibans oscula Pieridum.
Et procul a vulgo, vulgi praeconia temno:
Sat fuerit magnis complacuisse viris.
Huc aliquis forsan veniens de more viator
Quaeret, an hic vatis surgat amica domus:
Et florum nimbo conspergens limina, dicet:
Litore in extremo, care poeta, jaces!
