IOANNIS RAPHAELIS
Comitis à Tarnow, Stud. Eloquen. [1]
PHALEVCVS,
IN
Mercurium ( si Dijs placet ) Gallobelgicum rerum gestarum, huius sæculi scriptorem mendaciß,
Qvis nescit primam esse Historiæ legem,ne quid falsi dicere audeat , deinde ne quid veri non audcat : ne qua suspicio gratiæ scribendo, ne qua simultatis. [3]
Mendalacissime Mercurî Nepotum,
Furacissime Mercurî Nepotum,
Quot sunt , q́uotq́ue fuêre Gallicorum,
Quot sunt , q́uotq́ue fuêre Belgicorum;
Quotq́ue post alijs erunt in annis,
Si qui post alijs erunt in annis,
Si qui retro alijs erant in annis.
Nam non post bile est scelestiorem
Qui furuus, furiat scelestiori
Ore, dente , maleuolentiâq́ue
Nam non possibile est ferociorem
Qui ferociat efferaciori
Cruditate , in opes beatiorum
Gentium magis; ac magis proteruum,
Qui proterurat impudentiore
Diritate , stylo , proteruitate, in
Æquitatis amabiles Quirites;
Nec qui proruat inquinatiori,
Cæno diuitias amæniores,
Gentis Sarmatiæ , potentis omni
Famâ , posteritatem in æuiternam ,
Futurum dare posse sæculum vt tu es!
Elapsumq́ue dedisse sæculum vt tu es!
Per mendacia, per dolosq́ue linguæ ,
Defædare genus POLONIARVM,
Iustum, magnanimum , fidele, forte,
Ausus es scelerate parricida?
Ausus es calamo insolentiori,
Ausus es calamo efferaciori
Ausus es calamo impotentiori ,
Euitare bonam ô ferox satelles,
Euirare piam, impie ô lanista,
Viscerare sacram ô Tyranne GENTEM?
Ingentem meritis in Orbe gentem!
Stupendam pietate in Orbe Gentem!
Potentemciuc viris in Orbe Gentem!
Quam BELLONA Parens tuetur armis,
Quam MARS purpureus tuetur armis,
Quam MINERVA sagax tuetur armis;
Armis eloquij suàuioris ,
Armis consilij potentioris,
Armis ingenuæ eruditionis.
GALLOBELGICE trux , vafer , cruente,
Excorsardelio , quid inde lucri
Effrons Morio, quid capessis inde
Spei perfidus vt nisi sis omni
Seclo proditor , elegantioris
Gloriæ , Fidei , Innocentiæq́ue ;
Fortitudinis , Æquitatis hostis :
Hostis Historiæ sonantioris
Bono Nomine , prosperâq́ue Famâ.
Nulla Sanguinis vtriusq́ue Gentis
Inest vena tibi. Alma sempiternum
Indixit tibi Veritas , ab omni
Cætu nobilium recessum. Inertes
Auser sarcinulas, miserrime exul
Exspes, perdite, nec dolende cuîquam,
Proscripte Historiæ sereniori
Albo, iam t̄en̄ebris obrut̄e v̄astis ,
Blattis, & tineis, manebis esca :
Ad Græcas tibi nam fidem Calendas
Arbitri folidæ: elocutionis
Dabunt. Conscelerate veritatis
Mastix , vappa vaferrime Æquitatis,
Insanissime sannio innocentum ,
Impurissime Natta Morionum,
Obscurissime talpa regionum,
Fallacissime prædo Principum Orbis.
Ignauissime Mercurî Nepotum
Perditissime Mercurî Nepotum ;
Quot sunt quotq́ue fuêre Gallicorum;
Quot sunt quotq́ue fuêre Belgicorum.