Migne Patrologia Latina Tomus 73
Auctores varii
- Praeludia
Praeludia (Auctores varii), J. P. Migne
(0101A)Gelasius, dist. 15, cap. Sancta Romana Ecclesia.
Vitas Patrum, Pauli, Antonii, Hilarionis et omnium eremitarum, quas tamen vir beatus scripsit Hieronymus, cum omni honore suscipimus.
Hieronymus, in Chronico, anno 19 Constantii Junioris.
Antonius monachus, centesimo quinto aetatis anno, in eremo moritur; solitus multis ad se venientibus, de Paulo quodam Thebaeo, mirae beatitudinis viro, referre complura: cujus nos exitum brevi libello explicavimus.
Idem, epist. 21 ad Paulum Concordiensem.
Misimus interim te tibi, id est, Paulo seni Paulum seniorem; in quo propter simpliciores quosque multum in dejiciendo sermone laboravimus. Sed nescio quomodo, etiamsi aqua plena sit, tamen eumdem (0101B)odorem lagena servat quo dum rudis esset imbuta est.
(0102A)Idem, Catal. illustr. Ecclesiae Script., cap. 135.
Scripsi vitam Pauli monachi.
Idem, epist. 22, ad Eustochium.
Hujus vitae auctor Paulus, illustrator Antonius, et ut ad superioria conscendam, princeps Joannes Baptista.
Idem, epist. 27, ad Eustochium.
Paula sola, si dici potest, et incomitata, ad eremum Antoniorum atque Paulorum pergere gestiebat.
Paulinus, prologo vitae sancti Ambrosii, 4 Aprilis.
14 Hortaris, venerabilis Pater Augustine, ut sicut beati viri, Athanasius episcopus et Hieronymus presbyter, stylo prosecuti sunt vitam sanctorum Pauli et Antonii, in eremo positorum, etc.
Sidonius, carmine XVI Eucharistico, ad Faustum.
(0102B)Nunc vocat in tunica nudus te Antonius illa, Quam fecit palmae foliis manus alma magistri.