Migne Patrologia Latina Tomus 89
Sergius
SerI.Privil4 89 Sergius I Parisiis J. P. Migne 1850 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
Privilegium
Sergius gratia Dei pontifex Romanus Heroni Lingonum praesuli salutem et apostolicam benedictionem.
Quamprimum nobis attendendum, charissime, ne hostis malignus gregem Christi perturbet aliqua occasione; Divionensium namque monachorum martyri Benigno sub regione Wlfechranni abbatis devote famulantium reclamatio ad nos pervenit, clericos jam dicti castri ad se eorumque coemeterium trans ferre conari. Hoc, quia praedecessoris mei Joannis Benedicti utique successoris, contradicit decretis, auctoritate beati Petri et nostra prohibetur sub percussione anathematis. Nam sicut Gregorius olim praedecessor vester, adhortatu praefati martyris, monasterii ipsius constructor, utrisque vivis sancivit unum quo sanctus jacet concorditer coemeterium, ita nostrae auctoritatis litterae censuerunt corroborandum. Quique etiam a torrente qui utrumque Burgum dividit auferre ab eo Burgo vel claustro aliquid, excepto abbate vel monachis, praesumpserit, simili sententia se damnatum noverit. Bene valete. Data per manus Joannis, bibliothecarii sanctae sedis apostolicae, anno pontificatus domini Sergii universalis papae decimo, in sacratissima sede beati Petri apostoli, indictione undecima.