Nos Rogerius miles Dei gracia comes Sicilie considerantes grata et accepta servicia nobis prestita per vos nobilem virum Giorlandum de Monteaperto, primogenitum Ioannis Mactei de Monteaperto baroni nostri in partibus Normandie, ex illustri prosapia regum Anglie ex quibus et vos descendistis nec non et multa maioraque prestiterunt predictus nobilis Ioannes Macteus pater tuus et venerabilis Giorlandus de Monteaperto consanguineus tuus episcopus huius nostre civitatis et qui a vestris sumptibus et expensis cum centum quadraginta equis strenue servistis ac multas victorias contra Mauros hostes nostros obtinuistis et modo Ali perfidum maurum post longos labores expugnasti intus proprium castrum Guastanelle et eius raffa destrussisti et captivum nobis presentasti, digno omni laude et premiis te iudicamus. Ideo damus et concedimus tibi et successoribus tuis in perpetuum castrum predictum Guastanelle, fortilicia et raffa que habebat et possidebat dictus Ali cum omnibus et singulis iuribus et pertinenciis quomodolibet ad eum spectantibus; concedimus quoque gentilicia novem rosarum cum jalno in medio earum tripartita cum quatuor faxeiis argenteis et in medio coloris azuvi unde ad certitudinem venture fidei et in futurum appareat hoc presens privilegium nostre proprie manus signatum et communi nostro sigillo munitum tibi tradi iussimus.
Datum Agrigenti, die VII octobris millesimo nonagesimo quinto.
Comes Rogerius normandus