Migne Patrologia Latina Tomus 138
Probationes variae (Auctor incertus), J. P. Migne cc_id: cps_2.AucInc.ProVar, cc_idno: 9645 c
BENEDICTIO FERRI JUDICIALIS.(Ex cod. Vindob. Theol. 149, olim Augiensi saec. IX.)
138.1127B|
Benedic Domine per invocationem sanctissimi nominis tui ad manifestandum judicium tuum hoc genus 138.1127C| metalli, ut omni daemonum falsitate procul remota veritas veri judicii tui fidelibus tuis manifesta fiat. Per Dnm
138.1128B| Benedictio Dei Patris et Filii et Spiritus sancti descendat super hoc ferrum ad discernendum judicium Dei. Amen.
BENEDICTIO IGNIS ET FERRI SIVE AQUAE.(Ex cod. Th. Vind. 685 saec. X vel XI.)
138.1128C|
Deus judex justus, fortis et patiens, qui auctor pacis es, et judicas aequitatem, respice ad deprecationem 138.1129A| nostram, et dirige judicium nostrum, quia justus es, et rectum judicium tuum, qui respicis terram et facis eam tremere, et qui per adventum Unigeniti tui Dni nri Jhu Xpi seu passionem mundum salvasti, genusque humanum redemisti, tu hanc aquam vel ferrum igni ferventem sanctifica, et sicuti tres pueros Sydrac, Misac et Abdenaga jussu regis Babiloniae civitatis missos in fornacem succensam illaesos salvasti, angelumque tuum mittens exinde eduxisti, et Susannam de falso testimonio eripuisti, ita clementissime dominator oramus, et petimus, ut quisquis innocens de hoc crimine praenominato in hanc aquam manum miserit, vel ferrum portaverit sanam et illesam eam educat, per te salvatorem et redemtorem tocius orbis. Qui venturus est jud.
138.1129B| Alia. Omps sempiterne Ds, qui es servator occultorum cordium, te supplices exoramus, ut si homo hic culpabilis est de rebus praefatis, et diabolo ingruente cor ejus praesumserit in hanc aquam igne ferventem sive ferrum ignitum manum suam mittere, tua justissima veritas declaret, et in hujus opere tuam veritatem manifesta, ut per manifestam poenitentiam in corpore, anima ejus salvetur in extrema examinatione. Quod si per herbas aut per aliqua maleficia hoc peccatum tegere, caelareque voluerit, tuam sanctam dexteram evacuare dignetur per unigenitum Dnm nrm Jhm Xpm, qui venturus est judicare vivos et mort.
JUDICIUM AQUAE FRIGIDAE.(Ex cod. theol. Vind. 511, saec. X vel XI.)
138.1129C| Cum vis hominem in aquam mittere ad comprobationem, ista debes facere. Accipe illos homines quos in voluntate habes mittere in aquam, et duc eos in ecclesiam, et coram omnibus cantet presbyter missam. Cum autem ad communicationem venerint, antequam communicent, interroget eos sacerdos adjuratione 138.1130A| ista, dicens: Adjuro vos homines per Patrem, et Filium, et Spiritum sanctum, et per sanctam Trinitatem, et per invocationem unigeniti Filii, et per vestram christianitatem, quam suscepistis et per sanctum Evangelium, et per istas reliquias, quae in ista ecclesia sunt, ut non praesumatis ullo modo communicare, neque accedere ad altare, si hoc fecistis aut consentistis, aut scitis quis hoc fecerit. Si autem omnes tacuerint, et nullus hoc dixerit, accedat ad altare sacerdos et communicet illos, quos vult in aquam mittere. Cum autem communicant, dicat sacerdos per singulos: Corpus et sanguis Dni nri Ihu Xpi sit tibi hodie in comprobationem. Haec est celebracio missae ad judicium sive aquae sive ferri. Justus es Dne. Beati immac. Da qs omps sic nos tuam gratiam 138.1130B| promereri, ut nostros corrigamus excessus sic confitentibus relaxare delictum, ut coerceamus in suis pravitatibus obstinatos. Per. Expleta missa, faciat sacerdos aquam benedictam, et vadat ad locum ubi homines probantur. Et cum probati sunt de omnibus bibere de aqua benedicta: et cum dederit, dicat ad unumquemque eorum: Haec aqua fiat tibi hodie ad comprobationem. Postea vero convertat se sacerdos ad aquam, ubi illam mittit, et conjurat his verbis sequentibus imprimis dicendo: Deus in adjutorium meum intende. Ter. cum Gloria. Kyrie eleison. Xpe eleison. Ter et letaniam, et nominibus Sanctorum in eadem recitatis dicat hos versus. Pro hujus negotii qualitate te rogamus audi nos. V\. Ut justitiae non dominetur iniquitas, sed subdatur falsitas veritati. Te rogamus 138.1130C| audi nos. Ter. qua finita cantet presbyter Pater noster. Credo in Deum. Et dicat Dominus vobiscum. Adjuro te aqua in nomine Dei Patris omnipotentis, qui te in principio creavit, et te jussit ministrare humanis necessitatibus, qui etiam te jussit segregari ab aquis superioribus. Adjuro te etiam per 138.1131A| ineffabile nomen Dni nri Ihu Xpi Filii Dei omnipotentis, sub cujus pedibus mare, clementum aquarum calcabile se praebuit: qui etiam baptizari in elemento aquarum voluit, et per individuam Trinitatem, cujus voluntate aquarum elementum divisum est, et populus Israeliticus super illud siccis pedibus transivit. Ad cujus etiam invocationem Helias ferrum, quod de manubrio ceciderat, super aquam natare fecit, ut nullo modo suscipias hunc hominem, si in aliquo ex hoc est culpabilis, quod illi objicitur: scilicet, ut per opera aut per consensum, aut per scientiam, aut per ullum ingenium; sed fac eum natare super te, et nulla possit esse contra te aliqua facta causa, aut nulla praestigatio quod illud non possit manifestare. Adjurata autem per nomen Xpi 138.1131B| praecipimus tibi, ut per nomen ejus obedias, cui omnis creatura servit: quem Cherubim et Seraphim laudant dicentes Sanctus, Sanctus, Sanctus Dns exercituum, qui etiam regnat et dominatur per infinita saecula saeculorum. Amen.
Alia. Ds qui maxima quaeque sacramenta . . . . . . serviens ad diabolicas fraudes detegendas, et ad eorum figmenta, argumenta dissolvenda, atque ad multiformes eorum artes destruendas divinae gratiae sumat effectum. Discedant hinc omnes insidiae latentis inimici, quatenus veritas de his, quae a nobis divini sensus et alieni cordis ignaris requiruntur, tuo judicio expetita per invocationem sancti tui nominis patefacta clarescat. Et ne unde requirimus injuste innocens damnetur; neque nocens a te, qui 138.1131C| lux vera es, cuique non sunt obscurae tenebrae, et qui illuminas tenebras nostras, quaerentibus veritatem impune possit deludere te, quem occulta non transeunt, ostendente, et virtutem tuam, qui secretorum es cognitor declarante, fiat hinc nobis in te credentibus veri cognitio manifesta.
Alia. Omps Ds qui baptismum in aqua fieri jussisti, et hominibus remissionem peccatorum in eo concessisti, tu judex justus rectum judicium in ista aqua discerne, ita ut si culpabilis sit iste homo de praenominata causa, aqua quae in baptismo eum suscepit, nunc non recipiat. Si autem inculpabilis sit, nunc in se recipiat, nullumque maleficium tui examinis veritatem in isto judicio praevaleat immutare, sed contra cunctas demoniacas illusiones, 138.1131D| obstantibus sancti Joannis Baptistae meritis ad dignos fructus poenitentiae, qui culpabilis est, compellatur. Per.
Alia. Dne Ds omps, qui aquarum substantiam archanis tuis subter esse jussisti, nobisque Spiritu sancto cooperante per eam abolitionem omnium peccatorum remissionem dedisti, tu praesta per opera justitiae tuae ut haec aqua per virtutem sanctae Trinitatis, quamvis fluens, tamen sit sanctificata, et omnium fantasmatum adinventiones expellat, detque justis et innocentibus de praenominata causa, pro qua discutiendi sunt securitatem, reis quidem culparum 138.1132A| manifestatione, ut uterque in ea probatione qua inventus est, iste per probitatem justitiae, ille per correptionem obdurationis laudent nomen sanctum tuum in ea claritate qua permanes in saecula saeculorum. Amen.
Domine Deus omps, qui baptismum fieri jussisti in aqua, et per lavacrum regenerationis humano generi remissionem omnium peccatorum donare dignatus es, sanctifica qs hanc fluentem aquam, et justum in ea discerne judicium, qui solus es judex et fortis, ita, ut si innocens sit iste homo de praenominata causa, aqua, quae in baptismo eum suscepit, nunc in se recipiat, et mundus et innocens de imo profundo abstrahatur hujus aquae. Per.
Post conjurationem autem et benedictionem aquae 138.1132B| exuat illos vestimentis eorum, et faciat illos per singulos osculari evangelium et crucem Christi, et post haec de ipsa aqua benedicta aspergat super unumquemque conjuratus eum his verbis. Adjuro te N. per invocationem Dni nri Ihu Xpi et per judicium aquae frigidae, adjuro te per Patrem et Filium et Spiritum sanctum, et per Trinitatem inseparabilem et per Dnm nrm Ihm Xpm, et per omnes angelos, et archangelos, et per omnes sanctos Dei, et per diem tremendum judicii Dei et per XXIIII seniores, qui cottidie Deum laudant, et per quatuor evangelistas, et per XII apostolos, et per XII prophetas, per martyres, et confessores, atque virgines, et principatus et potestates, et per dominationes et virtutes, et per thronos, cherubim et seraphim, et per omnia secreta 138.1132C| coelestia te adjuro, et per tres pueros, qui cottidie Deum laudant Sidrac, Misac, et Abdenago et per CIX. IIII. millia, qui pro Christo passi sunt, et per sanctam Mariam matrem Dni nri Ihu Xpi, et per cunctum populum Dei, et per illud baptismum, quod sacerdos super te regeneravit, te adjuro, ut si tu de hoc furtu scis, aut vidisti, aut baiolasti, vel in domum tuam recepisti, aut consentiens aut consentaneus exinde fuisti. Aut si habes cor ingrassatum vel induratum, aut si culpabilis inde es, evanescat cor tuum, et non suscipiat te aqua, neque ullum maleficium contra hoc praevaleat. Hoc autem Dne Ihu Xpe fac ad laudem et gloriam per invocationem nominis tui, ut omnes agnoscant quia tu es Deus benedictus qui vivis et regnas per omnia.
138.1132D| Post aquae benedictionem dicat hos versus. Exurgat Deus et dissipentur inimici ejus, et fugiant qui oderunt eum a facie ejus. Sicut deficit fumus, deficiant. Sicut fluit cera a facie ignis, sic pereant a facie Dei. Ter cum Gloria. Tunc statim projiciet eos in aquam. Haec omnia debent jejuni facere; neque illi antea comedunt, qui ipsos mittunt in equam.
Inquisitus aliquis de furtu, vel luxuria, adulterio, vel qualicunque re alia, et nolens confiteri magistro seniori vel aliis, ista erit ratio. Pergens sacerdos ad ecclesiam induat se vestimentis sacris, excepta casula, ferens in leva sanctum evangelium cum chrismario, 138.1133A| et patrociniis Sanctorum, calicemque, crimine implicito, in atrio ecclesiae, dicat astanti plebi in ostio ecclesiae: Videte fratres christianae religionis officium. Ecce lex in qua spes et remissio peccatorum hic chrismatis unctio; hic corporis et sanguinis Domini consecratio. Videte ne tantae beatitudinis haereditate, et consortio privemini, implicantes nos sceleri alieno, quia scriptum est: non solum qui faciunt, sed etiam qui consentiunt facientibus, digni sunt morte.
ORDO PROBANDI PER AQUAM, IGNITOS VOMERES, PANEM ET CASEUM, etc.,.( Ex Cod. Rhenaugiensi saec. XI aut XII.)
. . . pec cata vestra. Quod si vos non dimiseritis, nec Pater vester qui in coelis est dim ittet vo bis peccata 138.1133B| vestra . . . Offert. De Profundis cla mavi ad te Dne.
Secreta.
Ab omni reatu nos, Domine, sancta quae tracta mus absolvant et eadem nos muniant a totius pravitatis et diabolicae illusionis incursu. Per.
Com. Amen dico vobis, quidquid.
Ad Complendum. Conspirantes contra tuae plenitudinis firmamentum dextrae tuae virtute prosterne, ut justitiae non dominetur iniquitas, sed subdatur falsitas veritati.
Alia. Ostende nobis Domine misericordiam tuam ad examinandum rectum judicium, ut per adventum Spiritus sancti omnis falsitas diabolicae artis procul remota existat. Per.
Conjuratio. Adj uro vos homines per Patrem, et Filium, 138.1133C| et Spiritum sanctum, et per sanctam Trinitatem, et per invocationem unigeniti Filii, et per vestram (tuam) Chri stianit atem, quam accepistis et per sanctum Evangelium, et per istas reliquias quae in ista ecclesia sunt, ut non praesumatis (mas) ullo modo communicare neque accedere ad altare, si vos (tu) hoc fecistis (ti), aut consensistis (ti), aut scitis (scisti) quis hoc fecerit. Hic incipiunt VII psalmi penitentie. Et sequens Letania.
Kyrieleyson. Xpel.
Christe audi nos.
Salvator mundi. adjuva nos.
Sca. Maria. or.
138.1133D|
S. Michael. or.
S. Gabriel. or.
S. Raphahel. or.
Omnes sci angeli et archangeli. orate pro.
S. Joannes. or.
S. Petre. or.
S. Paule. or.
S. Andrea. or.
138.1133C|
S. Jacobe. or.
S. Philippe. or.
S. Bartholomee. or.
S. Matthee. or.
S. Thoma or.
138.1133D|
S. Thathee. or.
S. Simon. or.
S. Mathia. or.
S. Barnaba. or.
S. Marce. or.
S. Luca. or.
Omnes sci Apli. or.
S. Stephane. or.
S. Laurenti. or.
138.1134A|
S. Clete. or.
S. Clemens. or.
S. Sixte. or.
S. Corneli. or.
S. Cypriane. or.
S. Alexander. or.
S. Felix. or.
S. Agappite. or.
S. Caliste. or.
S. Marcelle. or.
Omnes sci martyres, orate pro nobis.
. . . . . . . .
. . . . . . . .
. . . . . . . .
138.1134B|
S. Ambrosi. or.
S. Severine. or.
S. Augustine. or.
S. Jeromine. or.
S. Servaci. or.
S. Silvester. or.
138.1134A|
S. Damase. or.
S. Leo. or.
S. Eusebi. or.
S. Gregori. or.
Omnes sci Confessores orate pro nobis.
S. Felicitas. or.
S. Perpetua. or.
S. Petronella. or.
S. Agnes. or.
S. Agatha. or.
S. Cecilia. or.
S. Juliana. or.
S. Lucia. or.
S. Tecla. or.
138.1134B|
S. Affra. or.
S. Columba. or.
S. Anastasia. or.
S. Susanna. or.
S. Eugenia. or.
S. Eufemia. or.
Omnes scae Virgines et Viduae. orate pro nobis.
Omnes sci infantes et innocentes. or.
Omnes sci poenitentes. orate pro.
Omnes sci monachi et heremite. or.
Omnes sci orate pro nobis.
Propitius esto. parce nobis Dne.
Propitius esto. libera nos Dne.
Ab omni malo libera nos D.
138.1134C| Ut eis vitam, sanitatem atque victoriam donare
A periculo mortis. libera nos D.
Ab omni iniquitate. libera nos D.
Per crucem et passionem tuam. I.
Peccatores. te rogamus audi.
Ut pacem nobis dones. te.
Ut sanitatem nobis dones. te.
Ut remissionem peccatorum nobis dones. te rog
Ut aeris temperiem bonam nobis dones. te.
Ut fruges terrae nobis dones, te.
Ut domnum apostolicum in sancta religione conservare digneris, te rog.
Ut regem nostrum et exercitum Christianorum perpetua prosperitate conserves.
138.1134D|
digneris. Te rogam.
Pro hujus negotii qualitate. Te rog. audi.
Ut justicie non dominetur iniquitas, sed subdatur falsitas veritati. Te rog.
Ut justum judicium discernere digneris. Te rog.
Fili Dei, te rogamus audi.
Agnus Dei qui tollis peccata mundi. miserere nobis.
Agnus Dei qui tollis peccata mundi parce.
Christe audi nos.
138.1135A| Kyrieleyson. Christe el. Kyriel. Pater noster. Justus es Dne, et rectum judicium tuum. Ostende nobis Dne misericordiam tuam. Et salutare tuum da nobis. Fiat misericordia tua Dne super nos. Quemadmodum. Converte nos Deus. Et averte iram tuam a nobis. Miserere nostri Dne. Miserere nostri. Non nobis Dne non nobis. Sed nomini tuo da gloriam. Dne exaudi orationem meam. Ps. Deus misereatur nostri. Dne Deus virtutum converte. Et ostend. Dnus vobiscum. Et cum spiritu tuo.
BENEDICTIO FERRI JUDICIALIS OR.
Benedic Dne per potentiae tuae virtutem hoc genus metalli, ut in eo propter nomen sanctum tuum omni demonum falsitate procul remota omnique fascinatione et fallacia infidelium sublata, verissimi judicii 138.1135B| tui fidelibus tuis veritas patefiat, quatenus laudabile et gloriosum nomen tuum in sancta Ecclesia tua semper glorificetur. Per.
Oratio ante judicium facienda.
Deus plasmator hominum et totius bonitatis auctor, respice super nos famulos tuos ad te toto corde clamantes, et praesta propitius per interventum unigeniti Filii tui Domini nostri Jesu Christi, ut in hoc examinationis judicio non praevaleant aliqua falsitatis jacula inimici, sed manifestetur per te veritatis et declaretur rectitudo justicie. Per eundem.
BENEDICTIO FERRI FERVENTIS AD JUDICIUM DEI.
Deus omnipotens, Deus Abraham, Deus Isaac, Deus Jacob, Deus omnium bene viventium, Deus origo et manifestatio omnis justitiae, qui solus est 138.1135C| (es) justus judex, fortis et patiens; dignare nos exaudire famulos tuos orantes ad te pro benedictione hujus ferri. Unde rogamus te Domine judicem universorum, ut mittere digneris sanctam et veram benedictionem tuam super hoc ferrum, ut sit refrigerium illud portantibus et habentibus justitiam, et credentibus in tuam justitiam et fortitudinem; et sit ignis ardens iniqui, et facientibus iniqua, et credentibus in injustitiam suam, et injustam pompam diabolicam. Converte Domine incredulitatem injustorum per virtutem et per benedictionem tuam, et per invocationem sanctae Trinitatis, Patris, et Filii, et Spiritus sancti; et mitte in hoc ferrum vim virtutis tuae ac veritatis, ut in eo semper per misericordiam et veritatem tuam verissima justitia, quae 138.1135D| tibi soli cognita est, fidelibus tuis ad emendationem iniquorum manifestissime declaretur, de quacumque quaestione ratio fuerit agitata, et nullam potestatem habeat diabolica virtus veritatem tuam aut occultare aut depravare; sed sit servis tuis in munimentum fidei ad credulitatem divinae majestatis tuae, et ad certificationem manifestissimae misericordiae ac verissimae tuae veritatis. Per.
Alia. Deus judex justus, qui auctor pacis es, et judicas aequitatem, te suppliciter rogamus, ut hoc ferrum ordinatum ad justam examinationem cujuslibet dubietatis faciendam benedicere et sanctificare 138.1136A| digneris, ita ut si innocens de praenominata causa, unde purgatio querenda est, hoc ferrum ignitum in manus acceperit (int), vel pedes immiserit (int), illaesus (i. e) appareat (ant) et si culpabilis (es) sit (sint) aut reus (i. e) justissima sit ad hoc virtus tua, in eo cum veritate declarandum, quatinus justicie non dominetur iniquitas, sed subdatur falsitas veritati. Per. Benedictio Dei Patris et F. et Sp. sci descendat super hoc ferrum, ad discernendum verum Dei judicium.
Oratio aquae igne ferventis ad Dei judicium faciendum. Deus judex justus, fortis et patiens, qui auctor es pacis et judicas aequitatem, tu judica quod justum est Dne, et rectum judicium tuum, qui respicis super terram, et facis eam tremere. Tu Deus omnipotens, 138.1136B| qui per adventum Filii tui Domini nostri Jesu Christi mundum salvasti, et per sanctissimam passionem genus humanum redemisti, tu sanctifica hanc aquam igne ferventem, qui tres pueros Sydrac, Mysac et Abdenago jubente rege Nabuchodonosor in camino ignis accensa fornace salvasti illaesos, et per angelum tuum eduxisti. Tu clementissime dominator praesta, ut si innocens (tes) de hoc furto vel de hoc stupro hanc aquam igne ferventem manum (manus) suam (as) miserit (int), sicut tres pueros supra dictos in camino ignis solvisti, et Susannam de falso crimine liberasti, ita de hac aqua igne fervente salvum et inlaesum educas. Si vero culpabilis ingravante diabolo cor induratum praesumpserit, in hanc aquam igne ferventem manum suam mittere, tua justissima veritas 138.1136C| hoc declaret, et in hujus corpore tuam veritatem manifesta, ut anima per penitentiam salvetur, et si culpabilis per aliqua maleficia aut per herbas peccata sua contueri voluerit, tua dextera hoc evacuare dignetur. Per unicum Dominum nostrum Jesum Xpm Filium tuum. Qui tecum.
Alia. Benedico te creatura aquae per ignem ferventis in nomine Patris et Filii et Spiritus sancti, ex quo cuncta procedunt; adjuro te per eum, qui te ex fluminibus quatuor totam terram rigare praecepit, et de petra produxit, et te in vinum convertit, ut nullae insidiae diaboli neque malitia hominis te a veritate judicii separare possint, sed punias noxium (os am as), et illesum purifices, et innocentem. Per eum quem nulla latent occulta, et qui misit te per 138.1136D| diluvium super universum orbem, ut peccatores deleres, et adhuc venturus es (est) judicare vivos ac mortuos, et seculum per ignem.
Alia. Omnipotens Deus, te suppliciter deprecamur pro hujus negotii examinatione, quam modo hic inter nos ventilamus, ut justitiae non dominetur iniquitas, sed subdatur falsitas veritati, et si aliquis hanc praesentem examinationem per aliquod maleficium aut per herbas terrae tegere vel impedire voluerit, tua sancta dextera justissime judex evacuare digneris.
Alia. Oremus. Omnipotens sempiterne Deus, qui 138.1137A| tua judicia incommutabili dispositione justus ubique judex discernis, tu clemens in hoc judicio ad invocationem sancti tui nominis, quod a te intentio fidelium implorat, tua justissima examinatione declara. Per. Postea vero fumo myrrae odoretur et sumetur caldariata, subtus quam et in circuitu, et sic omne furtum probabitur.
BENEDICTIO AQUAE FRIGIDAE AD JUDICIUM DEI.
Omnipotens sempiterne Deus, adesto invocationibus nostris, et hanc aquam ad hunc (hos has) hominem (es) purificandum praeparatam virtute tuae benedictionis infunde, et salubritas per tui nominis invocationem expetita sit ab omni inpugnatione antiqui hostis defensa. Per.
Adjuratio.
138.1137B| Adjuro te (vos) homo (mines) per Patrem et Filium et Spiritum sanctum, per diem tremendi judicii, et per quatuor evangelistas, et per XXIIII seniores, qui indefessa voce Dnum laudant, et numquam concessant. Adjuro te per XII Aplos et per C quadraginta IIII millia innocentium, qui pro Christo passi sunt, per victoriam martyrum, et per invocationem sacri baptismatis tui, ut si tu de hac re culpabilis sis sive in facto aut aliquo modo indurato corde a diaboli suggestione ad hoc judicium non praesumptuosus accedas, et aqua te non suscipiat, et hoc signo crucis Christi tuae malitiae appareat, et virtus omnipotentis Dei manifestetur. Per eundem.
BENEDICTIO EJUSDEM AQUAE.
Dne Deus omnipotens, qui baptismum in aqua 138.1137C| fieri jussisti, et per lavacrum regenerationis humano generi remissionem peccatorum donare dignatus es, sanctifica quaesumus hanc aquam, et justum in ea discernendum judicium, qui solus es justus judex et fortis, ut si reus sit homo iste de praenominata re, aqua quae eum in baptismo suscepit, nunc non recipiet: si autem inculpabilis et innocens sit inde, aqua quae eum in baptismo suscepit, nunc in se recipiat, et si mundus et innocens sit inde, sanus de profundo hujus aquae abstrahatur. Per.
Adjuratio. Adjuro te aqua in nomine Patris omnipotentis, qui te in principio creavit, et te jussit ministrare humanis necessitatibus, qui te jussit segregari ab aquis superioribus. Adjuro te etiam per ineffabile nomen Jesu Christi Filii Dei omnipotentis, 138.1137D| sub cujus pedibus ambulanti in mari te calcabilem praebuisti, qui in te etiam baptizari voluit. Adjuro te etiam per Spiritum sanctum, qui super Dnum baptizatum ascendit. Adjuro te per nomen sanctae et individuae Trinitatis, cujus voluntate aquarum elementum divisum est, et populus Israel per illud, siccis pedibus transiit, ad cujus invocationem Helias ferrum, quod de manubrio exierat, super aquam natare fecit, ut nullo modo suscipias hominem hunc N. ut si in aliquo est culpabilis, quod eis objicitur. Per.
Tertia Adjuratio.
Si in aliquo est culpabilis ille, pro quo iste ad probationem mittendus est, scilicet aut per opera, 138.1138A| aut per consensum, aut per scientiam, aut per ullum ingenium, fac eum super te natare, et nulla possit a te causa esse aliquo modo facta, aut per ullum praestigium, quo illud non possit manifestari. Adjuro autem te per nomen Christi, et praecipio tibi, ut nobis obedias per nomen ejus, cui omnis creatura servit, quem Cherubim et Seraphim collaudant dicentes Sanctus sanctus sanctus Dnus Deus exercituum, qui etiam regnat et dominatur per infinita secula seculorum. Amen.
Quarta Adjuratio.
Deus qui maxima quaeque Sacramenta in aquarum substantia condidisti: adesto propitius invocationibus nostris, et elemento huic multimodis purificationibus praeparato virtutem tuae benedictionis infunde, 138.1138B| ut creatura mysteriis tuis serviens ad diabolicas et humanas fallacias detegendas, ad eorum argumenta et figmenta dissolvenda, atque multivomes ( lege multiformes) eorum artes destruendas divinae gratiae sumat effectum. Discedant hinc omnes insidiae latentis inimici, quatinus veritas de his, quae a nobis divini sensus et alieni cordis ignaris requiruntur, tuo judicio expetita, per invocationem tui sancti nominis patefacta clarescat: et ne unde requirimus, innocens injuste damnetur, neque nocens a te, qui lux vera es, cuique non sunt obscurae tenebrae, et qui illuminas tenebras nostras, quaerentibus veritatem impune possit deludere. Te, quem occulta non transeunt ostendente, et virtute tua, qui occultorum es cognitor, declarante fiant ( lege fiat) hinc nobis in 138.1138C| te credentibus veri cognitio manifesta. Per.
Quinta Adjuratio.
Adjuro te homo N. per invocationem Dni nostri Jesu Christi ad judicium aquae frigidae. Adjuro te per Patrem et Filium et Spiritum sanctum, et per Trinitatem inseparabilem, et per omnes. Desunt hic duo folia in Ms.
Verbum caro factum est et habitavit in nobis, et vidimus gloriam ejus, gloriam quasi Unigeniti a Patre, plenum gratia et veritate.
JUDICIUM AD VOMERES.
Dne Deus omnipotens, qui creasti coelum et terram, mare et omnia quae in eis sunt, qui hominem ad imaginem tuam formasti, qui Filium tuum unigenitum Dnum nrm Jesum Christum cooperante Spiritu sancto 138.1138D| in uterum intemeratae Virginis misisti, qui ex illa eum carnem humanam sumere voluisti, per illius dilectissimi Filii tui Dni nri Jesu Christi nomen atque per merita sanctae Dei genitricis Mariae te invocamus, tuamque majestatem supplices exoramus, ut in hoc examinationis judicio evanescere jubeas omnes versutias diabolicae fraudis calliditatisque, sive incantationes hominum sive mulierum, nec non et valitudines herbarum, ut omnibus circumstantibus appareat quia tu es justus et justitiam diligis, et non est qui resistat majestati tuae. Ideoque dominator Dne coelorum et terrae, creator aquarum, rex universae creaturae tuae, in tuo sancto nomine atque virtute benedicimus hos vomeres ad discernendum 138.1139A| judicium verum, ut ita, si iste homo innocens sit de hujus rei inquestione, quam inter nos ventilamus et tractamus, qui nudis pedibus super eos ambulaverit, tu Deus omnipotens sicut liberasti tres pueros de camino ignis ardentis, et Susannam de falso crimine, et Danielem de lacu leonum, sic innocentes pedes tua potenti virtute falsos (salvos) et illesos conservare digneris. Si autem iste homo culpabilis sit de praenominata re, et suadente diabolo tuam potentiam ausus tentare fuerit, et super eos ambulaverit, tu qui justus es et judex, fac manifestam in ejus pedibus apparere ustionem tibi ad honorem et laudem (et) gloriam, nobis autem servis tuis ad constantiam et confidentiam nominis tui, perfidis autem et obcaecatis ad confusionem et penitentiam 138.1139B| peccatorum suorum, ut inviti cognoscant, quod sponte noluerunt, te esse judicem vivorum atque mortuorum viventem atque regnantem in secula seculorum. Amen.
Relicto duarum linearum spatio, quarum litterae studio videntur erasae, pergit.
Adesto Dne supplicationibus nostris, ut quod nostrae humilitatis gerendum est ministerio, intercedentibus omnibus sanctis tuis tuae virtutis impleatur effectu. Per.
Perveniat ( l. praeveniat) nos quaesumus Dne misericordia tua, et voces nostras clementia tuae propitiationis anticipet. Per.
138.1140A| Exorcizo te creatura salis per Deum vivum, per Deum verum, per Deum sanctum, qui te per Heliseum prophetam in aquam mitti jussit, ut sanaretur sterilitas aquae; ut efficiaris sal exorcizatum ad salutem credentium, et sis omnibus te sumentibus sanitas animae et corporis: effugiat, atque discedat ab eo loco quo aspersus fueris, omnis fantasia et nequitia vel versutia diabolicae fraudis, omnisque spiritus immundus adjuratus, per eum, qui venturus est judicare vivos.
Exorcizo te creatura salis in nomine Dei Patris omnipotentis, et in caritate Dni nostri Jesu Christi, et in virtute Spiritus sancti: exorcizo te per Deum vivum, per Deum verum, per Deum sanctum, qui te ad tutelam humani generis procreavit, et populo venienti 138.1140B| ad credulitatem per servos suos consecrari praecepit, ut in nomine sanctae Trinitatis efficiaris salutare sacramentum ad effugandum inimicum.
Proinde rogamus te Domine Deus noster, ut hanc creaturam salis sanctificando sanctifices, et benedicendo benedicas, ut fiat omnibus accipientibus perfecta medicina, permanens in visceribus eorum in nomine Dni nostri Jesu Christi, qui.
Exorcizo te creatura salis per nomen Dni nri Jesu Christi, per gloriam et regnum ejus, per omnipotentiam et virtutem ejus, per illum redemptorem et salvatorem mundi te exorcizo, qui.
Quotation analysis