Psalmus 1.
Beatus vir qui diligit nomen tuum, Maria Virgo: gratia tua animam ejus confortabit.
Tanquam aquarum fontibus irrigatum uber: in eo fructum justitiæ propagabis.
Benedicta tu inter mulieres, per credulitatem cordis sancti tui.
Universas enim feminas vincis pulchritudine carnis: superas angelos et archangelos excellentia sanctitatis.
Misericordia tua et gratia ubique prædicatur: Deus operibus manuum tuarum benedixit.
Psalmus 2.
Quare fremuerunt inimici nostri: et adversum nos meditati sunt inania?
Protegat nos dextera tua, Mater Dei: ut acies terribilis, confundens et destruens eos.
Venite ad eam, qui laboratis et tribulati estis: et dabit refrigerium animabus vestris.
Accedite ad eam in tentationibus vestris: et stabilitet vos serenitas vultus ejus.
Benedicite illam in toto corde vestro: misericordia enim illius plena est terra.
Psalmus 3.
Domina, quid multiplicati sunt qui tribulant me? in tempestate tua persequeris et dissipabis eos.
Dissolve colligationes impietatis nostræ: tolle fasciculos peccatorum nostrorum.
Miserere mei, Domina, et sana infirmitatem meam: tolle dolorem et angustiam cordis mei.
Ne tradas me manibus inimicorum meorum: et in die mortis meas conforta animam meam.
Deduc me ad portum salutis: et spiritum meum redde Factori et Creatori meo.
Psalmus 4.
Cum invocarem exaudisti me, Domina: et e sublimi solio tuo, mei dignata es recordari.
A rugientibus præparatis ad escam: et de manibus quærentium liberabit me gratia tua.
Quoniam benigna est misericordia et pietas tua: in omnes, qui invocant nomen sanctum tuum.
Benedicta sis, Domina, in æternum: et majestas tua in sæculum.
Glorificate eam, omnes gentes, in virtute vestra: et cuncti populi terræ, extollite magnificentiam ejus.
Psalmus 5.
Verba mea auribus percipe, Domina: et ne avertas a me speciositatem vultus tui.
Converte luctum nostrum in gaudium: et tribulationem nostram in jubilationem.
Corruant ante pedes nostros inimici nostri: virtute tua eorum capita conterantur.
Benedicat te omnis lingua: et nomen sanctum tuum confiteatur omnis caro,
Spiritus enim tuus super mei dulcis: et hæreditas super mei et favum.
Psalmus 6.
Domina, ne in furore Dei sinas corripi me: neque in ira ejus judicari.
Propter honorem nominis tui, Domina: propitietur nobis fructus gloriosi ventris tui.
De porta inferi, et de ventre abyssi: tuis sanctis precibus libera nos.
Aperiantur nobis januæ sempiternæ: ut enarremus in æternum mirabilia tua.
Quia non mortui, neque qui in inferno sunt, laudabunt te, Domina: sed qui tua gratia vitam æternam obtinebunt.
Psalmus 7.
Domina mea, in te speravi: de inimicis meis libera me, Domina.
Conclude ora leonis et dentes ejus: labia persequentium constringe.
Non moreris propter nomen tuum: facere nobis misericordiam tuam.
Splendor vultus tui fulgeat super nos: ut servetur conscientia nostra apud Altissimum.
Si persequatur inimicus animam meam, Domina, adjutorio tuo conforter: ne vibret gladium suum contra me.
Psalmus 8.
Domina, Dominus noster factus est frater noster: et Salvator noster.
Ut ignis in rubo, et ros in vellere: descendit in te æternum Verbum Dei.
Spiritu sancto fœcundante: obumbravit tibi virtus Altissimi.
Benedictus sit mundissimus conceptus tuus: benedictus sit partus tuus virgineus.
Benedicta sit munditia carnis tuæ: benedicta sit dulcedo misericordiæ cordis tui.
Psalmus 9.
Confitebor tibi, Domina, in toto corde meo: et narrabo in populis laudem et gloriam tuam.
Tibi enim debetur gloria, et gratiarum actio: et vox laudis.
Invenient gratiam peccatores apud Deum: per te inventricem gratiæ et salutis.
Respirent ad indulgentiam humiles pœnitentes: sana contritiones cordis eorum.
In pulchritudine pacis, et requie opulenta: cibabis nos post laborem peregrinationis nostræ.
Gloria, etc.
Psalmus 10.
In Domina confido: propter dulcedinem misericordiæ nominis sui.
Oculi ejus in pauperem respiciunt: et manus ejus ad pupillum et viduam sunt extentæ.
Exquirite illam a juventute vestra: glorificabit vos ante faciem populorum.
Misericordia illius nostrorum auferat multitudinem peccatorum: et fœcunditatem nobis conferat meritorum.
Extende ad nos brachium tuum, Virgo gloriosa: et ne avertas a nobis gloriosum vultum tuum.
Gloria, etc.
Psalmus 11.
Salvum me fac, Mater pulchræ dilectionis: fons clementiæ et dulcor pietatis.
Gyrum terræ sola circuis: ut subvenias invocantibus te.
Pulchræ sunt viæ tuæ: et semitæ tuæ pacificæ.
In te refulget species castitatis: lumen justitiæ, et splendor veritatis.
Amicta solari lumine sicut vestimento: duodecim stellarum corona rutilans radianti.
Psalmus 12.
Usquequo, Domina, oblivisceris me: et non liberas me in die tribulationis?
Usquequo exaltabitur inimicus meus super me? potentia virtutis tuæ contere ipsum.
Aperi oculos misericordiæ tuæ: ne inimicus noster adversus nos prævaleat.
Magnificamus te gratiæ inventricem: per quam sæcula reparantur.
Exaltata super choros angelorum: ante thronum Dei ora pro nobis.
Psalmus 13.
Dixit insipiens adversarius noster in corde suo: Persequar et comprehendam, et interficiet eum manus mea.
Exurge, Domina, et præveni eum, et supplanta eum: destrue omnes conatus illius.
Tuam pulchritudinem Sol et Luna mirantur: tibi angelicæ potestates serviunt et famulantur.
Tuo tactu lenissimo sanantur infirmi: tuo odore roseo mortui reviviscunt.
Virgo Dei genitrix, quem totus non capit orbis: in tua se clausit viscera factus homo.
Psalmus 14.
Domina, quis habitabit in tabernaculo Dei? aut quis requiescet cum senatoribus populi?
Pauperes spiritu, et mundi corde: mites, pacifici, atque lugentes.
Recordare, Domina, ut loquaris pro nobis bona: et indignationem Filii tui avertas a nobis.
Amplectamur Marine vestigia peccatores: et ejus beatis pedibus provolvamur.
Teneamus eam fortiter, nec dimittamus: donec ab ea meruerimus benedici.
Psalmus 15.
Conserva me, Domina, quoniam speravi in te: mihique tuæ stillicidia gratiæ impartire.
Alvus tuus virginalis et viscera tua: Filium Altissimi genuerunt.
Benedicta sint ubera tua: quibus lacte deifico Salvatorem enutriisti.
Confitemini laudes Virgini gloriosæ: quicumque apud eam gratiam et misericordiam invenistis.
Date magnificentiam nomini ejus: et collaudate in sæculum conceptum atque partum ejus.
Gloria, etc.
Psalmus 16.
Exaudi, Domina, justitiam meam et amorem: amove a me tribulationem meam.
Confitebor tibi in voce exultationis: cum magnificaveris super me misericordiam tuam.
Imitamini eam, sanctæ Virgines Dei: ut imitatæ sunt Agnes, Barbara, Dorothea, et Catharina.
Honorificate eam in voce labiorum vestrorum: per hoc ejus gratiam Agatha, Lucia, Margarita, et Cæcilia susceperunt.
Sponsum dabit vobis Patris Filium: et de Paradisi liliis coronam incomparabiliter radiantem.
Gloria, etc.
Psalmus 17.
Diligam te, Domina cœli et terræ: et in gentibus nomen tuum invocabo.
Confitemini illi, tribulati corde: et roborabit vos contra inimicos vestros.
Stilla nobis, Domina, gratiam uberum tuorum: ex manante lacte dulcedinis tuæ refice viscera puerorum tuorum.
Religiosi omnes, honorate illam: quia ipsa est adjutrix, et vestra specialis advocata.
Esto refrigerium nostrum, gloriosa Mater Christi: quia tu es totius religionis mirabile firmamentum.
Psalmus 18.
Cœli enarrant gloriam tuam: et unguentorum tuorum fragrantia in gentibus est dispersa.
Respirate ad illam, perditi peccatores: et perducet vos ad indulgentiæ portum.
In hymnis et psalmis et canticis pulsate viscera ejus: et stillabit vobis gratiam dulcedinis suæ.
Glorificate eam, justi, ante thronum Dei: quia fructu ventris ejus estis justitiam operati.
Laudate eam, cœli cœlorum: et nomen ejus glorificet omnis terra.
Psalmus 19.
Exaudias nos, Domina, in die tribulationis: et precibus nostris converte clementem faciem tuam.
Ne projicias nos in tempore mortis nostræ; sed succurre animæ, cum deseruerit corpus suum.
Mitte angelum in occursum ejus: per quem ab hostibus defendatur.
Ostende ei serenissimum Judicem sæculorum: qui ob tui gratiam veniam ei largiatur.
Sentiat in poenis refrigerium tuum: et concede ei locum inter electos Dei.
Psalmus 20.
Domina, in virtute tua lætabitur cor nostrum: et in dulcedine nominis tui consolabitur anima nostra.
De sedibus mitte nobis sapientiam: per quam in omni veritate dulciter illustremur.
A carnalibus desideriis concede gratiam abstinendi: ut lumen gratiæ in nostris cordibus oriatur.
Quam dulcia diligentibus te eloquia tua, Domina! quam suavia sunt tuarum stillicidia gratiarum!
Gloriam et honorem psallam tibi: et in nomine tuo gloriabor in sæculum.
Psalmus 21.
Deus, Deus meus: respiciat in me meritis tuis, Virgo semper Maria.
Domina mea, clamavi ad te per diem et noctem: et fecisti cum servo tuo misericordiam tuam.
Quia ego speravi in misericordia tua: sempiternum a me opprobrium abstulisti.
Deriserunt me inimici mei undique: tu autem sub umbra manus tuæ contulisti mihi refrigerium bonum.
Adorent te familiæ gentium: et glorificent te omnes ordines angelorum.
Psalmus 22.
Dominus regit me, Virgo Dei genitrix: quia tu amabilem vultum ejus ad me convertisti.
Benedicti sunt oculi tui splendissimi: quos digneris misericorditer convertere super nos peccatores.
Benedictum sit lumen et splendor faciei tuæ: benedicta sit gratia vultus tui.
Benedicta sit misericordia manuum tuarum: benedicta sit emanatio virginei lactis tui.
Benedicant te apostoli tui et prophetæ Dei: martyres, confessores, et virgines psallant tibi.
Gloria, etc.
Psalmus 23.
Domini est terra et plenitudo ejus: tu autem, sanctissima Mater, cum eo regnas in æternum.
Gloriam et decorem induisti: omnis lapis pretiosus amictus et operimentum tuum.
Splendor Solis super caput tuum: lunaris pulchritudo sub pedibus tuis.
Sidera micantia ornant sedile tuum: astra te glorificant jugiter matutina.
Memento nostri, Domina, in beneplacito tuo: et fac nos dignos glorificandi nomen tuum.
Gloria, etc.
Psalmus 24.
Ad te, Domina, levavi animam meam: in judicio Dei, tuis precibus, non erubescam.
Neque illudant mihi adversarii mei: etenim præsumentes de te roborantur.
Non prævaleant adversum me laquei mortis: et castra malignantium non impediant gressus meos.
Collide impetum eorum in virtute tua: et cum mansuetudine occurre animas meæ.
Ductrix mea esto ad patriam: et me cœtui angelorum digneris aggregare.
Psalmus 25.
Judica me, Domina, quoniam ab innocentia mea digressus sum: sed quia speravi in te, non infirmabor.
Ure cor meum igne amoris tui: et cingulo castitatis restringe renes meos.
Quoniam misericordia tua, et clementia tua ante oculos meos: et delectatus sum in voce laudis tuæ.
Domina, dilexi decorem faciei tuæ: et veneratus sum sanctam majestatem tuam.
Confitemini nomini ejus, quoniam sanctum est: enarrentur in sæculum mirabilia ejus.
Psalmus 26.
Domina, illuminatio mea sit splendor faciei tuæ: et serenitas tuæ gratiæ refulgeat menti meæ.
Exalta caput meum: et ego psalmum nomini tuo decantabo.
Ne avertas faciem tuam a me: quia speciem et decorem tuum a juventute mea concupivi.
Te amavi et exquisivi, Regina cœlorum: misericordiam tuam et gratiam tuam ne subtrahas a servo tuo.
Confitebor tibi in nationibus: et thronum gloriæ tuæ honorificabo.
Psalmus 27.
Ad te, Domina, clamabo, et exaudies me: in voce laudis tuæ lætificabis me.
Miserere mei in die angustiæ meæ: et in luce veritatis tuæ libera me.
Benedicta sis, o Domina: in finibus omnibus orbis terræ.
Sanctuarium quod firmaverunt manus tuæ: est sanctum templum corporis tui.
Conscientia tua munda et immaculata est: locus propitiationis et habitaculum sanctum Dei.
Gloria, etc.
Psalmus 28.
Afferte Dominæ nostræ, filii Dei: afferte Dominæ nostræ laudem et reverentiam.
Da virtutem sanctis tuis, Mater sancta: et benedictionem laudantibus atque glorificantibus te.
Exaudi gemitus suspirantium ad te: et ne spernas vota invocantium nomen tuum.
Sit manus tua ad succurrendum mihi parata: et auris tua intendens ad deprecationem meam.
Benedicant tibi cœli et terra: mare et orbis terrarum.
Psalmus 29.
Exaltabo te, Domina, quoniam suscepisti me: ab iniquo adversario meo liberabis me.
Convertere ad me, et vivifici me, de portis mortis reduc me: et de fluctibus tribulationum, quæ circumdederunt me.
Propter imperium et magnificentiam dexteræ tuæ: contere et dissipa omnes adversarios meos.
Et ego offeram tibi sacrificium laudis: et gloriam tuam devotius exaltabo.
Exultate, cœli, et jucundare, terra: quia consolabitur Maria servos suos, et pauperum suorum miserebitur.
Psalmus 30.
In te, Domina, speravi, non confundar in æternum: in gratia tua suscipe me.
Tu es fortitudo mea et refugium meum: consolatio mea et protectio mea.
Ad te, Domina, clamavi, dum tribularetur cor meum: et exaudisti me de vertice collium æternorum.
Educas me de laqueo, quem absconderunt mihi: quoniam tu es adjutrix mea.
In manus tuas, Domina, commendo spiritum meum: totam vitam meam et diem ultimum meum.
Psalmus 31.
Beati, quorum corda te diligunt, Virgo Maria: peccata ipsorum a te misericorditer diluentur.
Sancta, casta et florigera ubera tua: quæ florem viriditatis perpetua eruperunt.
Decor pulchritudinis tuæ corruptionem non videbit: et vultus tui gratia in perpetuum non marcescet.
Benedicta tu, Virga Jesse sublimis: quia te usque ad sedentem in throno dilatasti.
O Virgo Regina, ipsa es via: per quam nos salus de supernis sedibus visitavit.
Psalmus 32.
Exultate, justi, in Virgine Maria: et in rectitudine cordis collaudate eam.
Accedito ad eam cum reverentia et devotione: et delectetur cor vestrum in salutatione ejus.
Impendite illi sacrificium laudis: et inebriamini ab uberibus dulcoris illius.
Influit enim vobis radios sute pietatis: et clarificabit vos fulgoribus misericordiæ suæ.
Suavissimus est fructus illius: in ore et in corde sapientis dulcescit.
Psalmus 33.
Benedicam Dominam in omni tempore: et non deficiet laus ejus in ore meo.
Magnificate eam mecum omnes: qui impinguati estis melle et lacte recreationis ejus.
In periculis, in rebus dubiis invocate eam: et in necessitatibus invenietis auxilium et refrigerium dulce.
Sumite exemplum conversationis ejus: et æmulamini studia charitatis et humilitatis illius.
Quia ergo, Domina, humillima fuisti: Verbum increatum ex te carnem suscipere coegisti.
Psalmus 34.
Judica, Domina, nocentes me: et contra eos exurge, et vindica causam meam.
Anima mea in te lætabitur: et tuis beneficiis devotus exultabo.
Gratia et dulcedine tua pleni sunt cœli et terra: undique tuis beneficiis irretisti nos semper.
Quocumque enim pergimus: occurrit nobis diffusio tui uteri virginalis.
Curramus ergo, carissimi, et ita nobilem et dulcifluam Virginem salutemus: ut in suæ dulcedinis gremio quiescamus.
Psalmus 35.
Dixit injustus, ut peccet in abscondito: per te a malo proposito discedat, Mater Dei.
Inclina vultum Dei super nos: coge illum peccatoribus misereri.
Domina, in cœlo misericordia tua: et gratia tua diffusa est super terram.
Potentia et virtus in brachio tuo: robur et fortitudo in dextera tua.
Benedictum sit imperium tuum super cœlos: benedicta sit magnificentia tua super terram.
Gloria, etc.
Psalmus 36.
Noli æmulari in malignantibus, Domina: furorem eorum dulcifica per gratiam tuam.
Sperate in illa, religiosi et claustrales: confidite in illa, clerici et sæculares.
Delectamini in laudibus illius: et exaudiet petitiones cordis vestri.
Melius est modicum cum gratia illius: quam thesauri argentei et lapides pretiosi.
Gloria semper sit tibi, o Regina cœlorum: et in ullo tempore noli nos oblivisci.
Psalmus 37.
Domina, ne in furore tuo arguat me Dominus: nobis veniam obtine de peccatis.
In conspectu tuo sit omne desiderium nostrum: spes nostra et confidentia nostra.
Cor meum conturbatum est in me: recedit lux de visceribus meis.
Illumina splendore tuo cæcitatem meam: dulcifica dulcore tuo contritionem meam.
Ne derelinquas nos, Domina mater Dei: gratia tua et virtus sit a dextris meis.
Psalmus 38.
Dixi: Custodiam vias meas, o Domina: cum per te gratia Christi mihi fuit data.
Dulcore tuo liquefactum est cor meum: amore tuo inflammata sunt viscera mea.
Exaudi orationem meam, Domina, et deprecationem meam: et contabescant adversarii mei.
Miserere mei de cœlis, et de altitudine throni tui: et ne permittas me in valle miseriæ conturbari.
Custodi pedem meum, ne lædatur: et in fine meo sit gratia tua.
Psalmus 39.
Expectans expectavi gratiam tuam: et fecisti mihi secundum multitudinem misericordiæ nominis tui.
Exaudisti preces meas: et eduxisti me de lacu miseriæ, et de fovea inimici.
Multa et mirabilia sunt dona tua, Domina; incomparabilia sunt munera gratiarum tuarum.
Exultent et lætentur super te omnes, qui diligunt te: qui oderunt nomen tuum, corruant in infernum.
Benedicta sis in æternum, Domina: in sæculum et in sæculum sæculi.
Psalmus 40.
Beata Maria intelligit super egenum et pauperem: in ejus laudibus permanentem.
Domina angelorum, Regina mundi: munda cor meum igne amoris et charitatis tuæ.
Tu es mater illuminationis cordis mei: tu es nutrix refovens mentem meam.
Te cupit os meum collaudare: te affectat mens mea affectuosissime venerari.
Te desiderat anima mea exorare: quia tuitioni tuæ se commendat tota substantia mea.
Psalmus 41.
Quemadmodum desiderat cervus ad fontes aquarum: ita ad amorem tuum anhelat anima mea.
Quia tu es genitrix vitæ meæ: et altrix Reparatoris carnis meæ.
Quia tu es lactatrix Salvatoris animæ meæ: initium et finis totius salutis meæ.
Exaudi me, Domina, mundentur sordes meæ: illumina me, Domina, ut illustrentur tenebræ meæ.
Accendatur amore tuo tepor meus: gratia tua expellatur torpor meus.
Psalmus 42.
Judica me, Domina, et discerne causam meam de gente perversa: a serpente maligno et a dracone pestifero libera me.
Sancta fœcunditas tua disperdat eum: beata virginitas tua conterat caput ejus.
Sanctæ præces tuæ corroborent nos contra eum: sancta merita tua exinaniant virtutem ejus.
Persecutorem animæ meæ mitte in abyssum: puteus infernalis deglutiat eum viventem.
Ego autem et anima mea in terra captivitatis meæ benedicam nomen tuum: et glorificabo te in sæcula sæculorum.
Psalmus 43.
Domina, auribus nostris audivimus: et patres nostri annuntiaverunt nobis.
Quia ineffabilia sunt merita tua: et valde stupenda mirabilia tua.
Domina, innumerabiles sunt virtutes tuæ: et inæstimabiles misericordiæ tuæ.
Exulta, anima mea, et lætare in illa: quia multa bona sunt laudatoribus præparata.
Benedicta sis, Regina cœlorum et angelorum: et benedicantur a Deo laudatores magnificentiæ tuæ.
Psalmus 44.
Eructavit cor meum verbum bonum, Domina: cum rore mellifluo extitit dulcoratum.
Per tuam sanctitatem peccata mea purgentur: per tuam integritatem mihi incorruptibilitas condonetur.
Per tuam virginitatem anima mea a Christo adamatur: et sibi amoris vinculo sociatur.
Per tuam fœcunditatem ego captivus sum redemptus: per tuum partum virgineum de morte perpetua sum ereptus.
Per tuam prolem dignissimam perditus sum restitutus: et de exilio miseriæ in patriam beatitudinis sura reductus.
Psalmus 45.
Domina, refugium nostrum tu es in omni necessitate nostra: et virtus potentior conterens inimicum.
Beneficiis tuis plenus est mundus: superant cœlestia, penetrant et inferna.
Plenitudine gratiæ tuæ, quæ in inferno erant: se lætantur liberata.
Obtentu fœcunditatis tuæ virgineæ, quæ supra mundum sunt: se gaudent restaurata.
Per gloriosum tuæ virginitatis sanctissimæ partum: homines angelorum fiunt socii et concives.
Psalmus 46.
Omnes gentes, plaudite manibus: psallite in jubilo virgini gloriosæ.
Quoniam ipsa est porta vitæ, janua salutis et via nostræ reconciliationis.
Spes pœnitendum, solamen lugentium: pax beata cordium, atque salus.
Miserere mei, Domina, miserere mei: quia tu es lux et spes omnium confidentium in te.
Per tuam salutarem fœcunditatem placeat: ut peccatorum venia mihi concedatur.
Psalmus 47.
Magna es, Domina, et laudabilis valde in civitate Dei cœli: in universa Ecclesia electorum ejus.
Ascendisti, alternantibus hymnidicis angelicis choris: archangelis constipata, rosis et liliis coronata.
Occurrite illi, Potestates et Principatus: obviate ei, Virtutes et Dominationes.
Cherubim, et Throni, et Seraphim, exaltate eam: et constituite eam a dextris Sponsi amantissimi Filii ejus.
O quam læto animo, quam sereno aspectu suscepisti eam, angelorum et hominum Deus: et dedisti ei principatum super omnem locum dominationis tuæ! Gloria Patri, etc.
Psalmus 48.
Audite hæc, omnes gentes: auribus percipite, qui ingredi cupitis regnum Dei.
Virginem Mariam honorate: et invenietis vitam et salutem perpetuam.
Pauperes servos tuos, Domina: felici confœderatione conjunge Christo.
Esuriem parvulorum tuorum: fructu ventris tui refice, et sustenta.
Remansisti enim incorrupta post partum: et inviolata post Filium.
Psalmus 49.
Deus deorum Mariæ locutus est: per Gabrielem nuntium suum, dicens:
Ave gratia plena, Dominus tecum: per te salus mundi reparatur.
Speciem et decorem tuum: Altissimi Filius concupiscit.
Adorna thalamum tuum, filia Sion: præparare in occursum Dei tui.
Per Spiritum enim Sanctum concipies: qui tuum partum faciet virgineum et jucundum.
Psalmus 50.
Miserere mei, Domina: quæ mater misericordiæ nuncuparis.
Et secundum viscera misericordiarum tuarum: munda me ab omnibus iniquitatibus meis.
Effunde gratiam tuam super me: et solitam clementiam tuam ne subtrahas a me.
Quoniam peccata mea confitebor tibi: et coram te me accuso de sceleribus meis.
Fructui ventris tui me reconcilia: et pacifica me ei, qui me creavit.
Psalmus 51.
Quid gloriaris in malitia: o maligne serpens, et draco infernalis?
Submitte caput tuum mulieri: cujus fortitudine demergeris in profundum.
Contere eum, Domina, pede virtutis tuæ: exurge, et dissipa malitiam ejus.
Eitingue potentiam ejus: et virtutem illius redige in favillam.
Ut viventes exultemus in nomine tuo: et læto animo dicamus tibi laudem.
Gloria, etc.
Psalmus 52.
Dixit insipiens inimicus in corde suo: Hominem ejiciam de tabernaculo filiorum Dei.
Egrediar, et ero spiritus mendax in ore serpentis: et per fœminam ejiciam virum, virum ejus.
Sicut exaltantur, o miser, cœli a terra: sic exaltatæ sunt cogitationes Dei a cogitationibus tuis.
Noli extolli de casu mulieris: quia mulier conteret caput tuum.
Tu illi foveam præparasti, et in sagena illius capieris.
Psalmus 53.
Domina, in nomine tuo salvum me fac: et ab injustitiis meis libera me.
Ut non noceat mihi calliditas inimici: sub umbra alarum tuarum protege me.
O Domina mea, adjuva me: gratiam tuam largire animæ meæ.
Voluntarie offeram tibi sacrificium laudis: et confitebor nomini tuo, quoniam bonum est.
Quoniam ex omni tribulatione liberabis me: et inimicos meos despiciet oculus meus.
Psalmus 54.
Exaudi, Domina, orationem meam: et ne contemnas deprecationem meam.
Contristatus sum in cogitatione mea: quia judicia Dei perterruerunt me.
Tenebræ mortis venerunt super me: et pavor inferni invasit me.
Ego autem in solitudine expecto consolationem tuam: et in cubili meo attendo misericordiam tuam.
Glorifica manum et dexterum brachium tuum: ut prosternantur a nobis inimici nostri.
Psalmus 55.
Miserere mei, Domina, quoniam conculcaverunt me hostes mei quotidie: omnes cogitationes eorum in malum contra me.
Excita furorem, et memento belli: et super eos effunde iram tuam.
Innova signa, et immota mirabilia: sentiamus adjutorium brachii tui.
Glorifica nomen tuum super nos: ut cognoscamus quoniam in sæculum misericordia tua.
Stilla nobis guttam suavitatis tuæ: quia tu es pincerna gratiæ dulcoris.
Psalmus 56.
Miserere mei, Domina, miserere mei: quia paratum est cor meum exquirere voluntatem tuam.
Et in umbra alarum tuarum requiescam: quia delectabile est mihi refrigerium tuum.
Manus tuæ distillant myrrham primam: et digiti tui unguenta gratiarum.
Et fragmenta mali punici est guttur tuum: et spiramen oris tui suave, compositum thymiama.
Tu enim es mater pulchræ dilectionis, et anchora spei: portus indulgentiæ, et janua salutis.
Psalmus 57.
Si vere utique justitiam loquimini: justitia et misericordiæ honorate Reginam.
Ad laudem enim et gloriam pertinet Salvatoris: quidquid honorificum suæ impensum fuerit Genitrici.
Rosæ Martyrum te circumdant, o Regina: et lilia virginum ambiunt thronum tuum.
Laudate eam simul, astra matutina: concentum illi facite, omnes filii Dei.
Glorificate eam, cœli et terra: mare et flumina, ac fundamenta orbis.
Psalmus 58.
Eripe me de inimicis meis, Domina mundi: exurge in occursum meum, Regina pietatis.
Aurum obryzum in ornamentis tuis: sardius et topazius in diademate tuo.
Jaspis et amethystus in dextera tua: beryllus et chrysolithus in sinistra tua.
Hyacinthus et achates in pectore tuo: carbunculi scintillantes in monilibus tuis.
Myrrha, thus et balsamum in manibus tuis: sapphirus et smaragdus in digitis tuis.
Psalmus 59.
Deus, reppulisti nos propter peccata nostra: et misertus es nobis per Virginem Mariam.
Intercede pro nobis, salutifera Mater Dei: quæ angelorum et hominum salutem peperisti.
Tu enim mœstis exultationem infundis: et mærentibus lætitiam et dulcorem.
Lætifica nos dulcifluo sono oris tui: et liquore tuo roseo perfunde corda nostra.
Tonate, cœli , desuper, et date illi laudem: glorifica illam, terra cum omnibus habitatoribus tuis.
Psalmus 60.
Exaudi, Domina, orationem meam super firmam petram stabilias mentem meam.
Esto mihi turris fortitudinis: me tuearis a facie crudelis vastatoris.
Ut castrorum acies, sis illi terribilis: et vivus corruat in profundum inferni.
Tu enim es rutilans et decora: nubes rorifera, et consurgens aurora.
Pulchra es et clara, ut luna plenissima: tanquam sol refulget, sacer aspectus tuus.
Psalmus 61.
Nonne, Domina, libi subjecta erit anima: qua; Salvatorem omnium genuisti?
Memento nostri, perditorum Salvatrix: exaudi planctus cordis nostri.
Infunde gratiam de thesauris tuis: et unguentis tuis placa dolorem nostrum.
Da nobis gaudium et lætitiam: ut confundas bonorum inimicos.
Ablue omnia peccata nostra: sana omnes infirmitates nostras.
Psalmus 62.
Deus, Deus meus: per Matrem te glorificabo.
Virginaliter enim te concepit: et sine angustia te parturivit.
Benedicta sis, o Domina nostra: et pro nobis assiste ante thronum Dei.
Species et claritas: in conspectu tuo.
Custodi animam meam, Domina: ut nunquam corruat in peccata.
Psalmus 63.
Exaudi, Domina, orationem meam, cum deprecor: a pavore crudelis libera animam meam.
Impetra nobis pacem et salutem: in die novissimo.
Benedicta sis super mulieres: et benedictus sit fructus ventris tui.
Illumina, Domina, oculos meos: et illustra cæcitatem meam.
Da mihi in te confidentiam bonam: in vita et in fine meo.
Psalmus 64.
Te decet hymnus, Domina nostra, in Sion: laus et jubilatio in Hierusalem.
Benedictionem omnium gentium dedit tibi Dominus: laudem et gloriam ante conspectum populorum.
Benedixit te Dominus in misericordia sua: et thronum tuum constituit super ordines angelorum.
Gratiam et decorem posuit in labiis tuis: et pallio gloriæ induit corpus tuum.
Coronam radiantem posuit in capite tuo: et virtutum monilibus te decenter ornavit.
Psalmus 65.
Jubilate Dominæ nostræ, omnis terra: psallite hymnum nomini ejus, date honorificentiam majestati ejus.
Benedictum sit cor tuum, Domina: cum quo ardenter et sinceriter Filium Dei dilexisti.
Respice paupertatem meam, gloriosa Virgo: miseriam et angustiam meam ne tardes removere.
Aufer tribulationem meam: dulcifica languorem meum.
Benedicat te omnis caro: glorificet te omnis lingua.
Psalmus 66.
Deus misereatur nostri, et benedicat nobis: per illam quæ eum genuit.
Miserere nostri, Domina, et ora pro nobis: in lætitiam bonam converte mœstitiam nostram.
Illumina me, Stella maris: clarifica me, Virgo clarissima.
Extingue ardorem cordis mei: refrigera me gratia tua.
Protegat me semper gratia tua: præsentia tua illustret finem meum.
Psalmus 67.
Exurgat Maria, et dissipentur inimici ejus: conterantur omnes sub pedibus ejus.
Impetum inimicorum nostrorum dissipa: destrue omnem iniquitatem eorum.
Ad te, Domina, clamavi in tribulatione: et serenasti conscientiam meam.
Non deficiat laus tua in ore nostro: et amor tuus de visceribus nostris.
Pax multa diligentibus te, Domina: anima eorum non videbit mortem in æternum.
Psalmus 68.
Salvum me fac, Domina: quoniam intraverunt concupiscentiarum aquæ usque ad animam meam.
Infixus sum in limo peccati: et aquæ voluptatis circumdederunt me.
Plorans ploravi in nocte: et dies lætitiæ ortus est mihi.
Salva animam meam, Genitrix Salvatoris: quia per te vera salus data est omni mundo.
Dum nuntiante Angelo fuisti obumbrata: et Patris sapientia prægnans et gravidata.
Psalmus 69.
Domina, in adjutorium meum intende: et luce misericordiæ tuæ illustra mentem meam.
Doce nos exquirere bonitatem tuam: ut enarremus mirabilia tua.
Ostende potentiam tuam contra inimicos nostros: ut sanctificeris in nationibus procul.
In ira flammæ tuæ mergantur in infernum: et qui conturbant servos tuos, inveniant perditionem.
Miserere servorum tuorum, super quos invocatum est nomen tuum; et ne sinas angustiari eos in tentationibus suis.
Psalmus 70.
In te, Domina, speravi; non confundar in æternum: in tua misericordia libera me, et eripe me.
Propter multitudinem iniquitatum mearum: oppressus sum vehementer.
Facti sunt hostes mei in capite meo: subsannaverunt et deriserunt me quotidie.
Vide, Domina, quoniam tribulor: expande manus tuas, succurre pereunti.
Ne moreris, propter gratiam nominis lui: ut efficiaris mihi in gaudium et salutem.
Psalmus 71.
Deus, judicium tuum Regi da: et misericordiam tuam Reginæ matri ejus.
In manu tua salus et vita consistunt: lætitia perpetua et æternitas gloriosa.
Resperge cor meum dulcedine tua: fac me oblivisci miserias hujus vitæ.
Trahe me post te vinculis misericordiæ tuæ: et fomentis gratiæ et pietatis tuæ sana dolorem meum.
Concupiscentias sempiternas excita in animam meam: et de gaudio Paradisi inebria mentem meam.
Psalmus 72.
Quam bonus Isræl Deus: his qui colunt matrem suam, et venerantur!
Ipsa est enim solatium nostrum: in laboribus subventio optima.
Obtexit caligine animam meam hostis: in visceribus meis, Domina, lumen fac oriri.
Avertatur a me ira Dei per te: placa eum meritis et precibus tuis.
In judicio pro me assiste: coram eo suscipe causam meam, et mea sis advocata.
Gloria, etc.
Psalmus 73.
Ut quid, Domina, reppulisti nos: nec subvenis in die tribulationis?
Ingrediatur oratio mea in conspectu tuo: et voces gementium ne despexeris.
Tetendit arcum suum contra nos inimicus: firmavit dexteram suam, et non est consolator.
Disrumpe in nobis ligaturam malitiarum suarum: et libera nos dextera tua.
Repelle eum in locum perditionis: sempiterna damnatio suscipiat eum.
Psalmus 74.
Confitebimur tibi, Domina, et laudabimus nomen tuum: fac nos in tuis laudibus delectari.
Cantate ei, habitatores terræ: et laudem ejus populis nuntiate.
Confessio et magnificentia coram illa: fortitudo et exultatio in throno illius.
Adorate illam in decore illius: glorificate opificem pulchritudinis illius.
Recordamini in sempiternum misericordiæ illius: retinete in mente virtutes et mirabilia illius.
Psalmus 75.
Notus in Judæa Deus: in Isræl honorificentia Matris ejus.
Dulcis est memoria ejus super mel et favum: et amor ejus super omnia aromata.
Salus et vita in domo illius: et in tabernaculo ejus pax et gloria sempiterna.
Honorificate illam, cœli et terra: quia summus Artifex hanc mirabiliter honoravit.
Date, illi, omnes creaturæ, laudem: et stupendam misericordiam ejus extollite gratulanter.
Psalmus 76.
Voce mea ad Dominam clamavi: et sua gratia intendit mihi.
Abstulit a corde meo mœstitiam et mœrorem: et suavitate sua cor meum dulcoravit.
Formidinem meam erexit in confidentiam bonam: et suo aspectu mellifluo mentem meam serenavit.
Adjutorio sancto suo evasi pericula mortis: et de manu crudeli subterfugi.
Gratias Deo et tibi, Mater pia, do omnibus, quæ assecutus sum: de pietate et misericordia tua.
Psalmus 77.
Attendite, popule Dei, præcepta Dei: et Reginæ gratiæ nolite oblivisci.
Aperite cor ad investigandum eam: et labia ad glorificandum illam.
Descendat amor ejus in cordibus vestris: concupiscite placere illi.
Pulchritudo ejus vincit Solem et Lunam: compositio ejus ad ornamenta virtutum.
Miserere mei, Regina gloriæ et honoris: et ab omni periculo custodi mentem meam.
Psalmus 78.
Domina, venerunt gentes in hæreditatem Dei: quas tu meritis tuis Christo confœderasti.
Sit eloquium tuum dulce coram ipso: et conjunge me illi, qui me redemit.
Extende brachium tuum contra hostem crudelem: et denuda mihi versutiam illius.
Vox tua dulcis super omnem melodiam: harmonia angelica ei non valet comparari.
Distilla mihi suavitatem gratiarum tuarum: et tuorum charismatum fragrantiam et odorem.
Psalmus 79.
Qui regis Isræl, intende ad me: Matrem tuam collaudare.
Expergiscere de pulvere, anima mea: perge in occursum Reginæ cœli.
Solve vincula colli tui, paupercula anima mea: et gloriosis laudibus accipe illam.
Odor vitæ de illa progreditur: et omnis salus de corde illius scaturizat.
Charismatum suorum fragrantia suavi: anime mortuæ suscitantur.
Psalmus 80.
Exultate Dominæ adjutrici nostræ: jubilate in lætitia cordis vestri.
Accendantur affectus vestri in illam: et inimicos vestros induet confusione.
Imitemur humilitatem ejus: obedientiam et mansuetudinem illius.
Omnes gratiæ radiant in illa: capacissima enim fuit capacitas illius.
Currite ad illam cum devotione sancta: et de bonis suis participabit vobis.
Psalmus 81.
Deus in synagoga Judæorum: de qua, ut rosa de sentibus, progressa est Mater Dei.
Terge fœditatem meam Domina: quæ semper rutilas puritate.
Fontem vitæ influe in os meum: ex quo viventes aquæ profluunt et emanant.
Omnes sitientes, venite ad illam: et de fonte suo gratanter vos potabit.
Qui hauriet ex eo, saliet in vitam æternam: et qui bibet ex eo, non sitiet unquam.
Psalmus 82.
Domina mea, quis similis erit tibi: quæ gratia et gloria superemines universos?
Sicut exaltantur cœli a terra: sic tu præcelsior cunctis, et nimis exaltata.
Vulnera cor meum charitate tua: fac me dignum gratia et muneribus tuis.
Liqueat cura mea in timore tuo: et concupiscentia tua cor meum inflammetur.
Fac me desiderare honorificentiam et gloriam tuam: ut per te recipiar ad pacem Jesu Christi.
Psalmus 83.
Quam dilecta tabernacula tua, Domina virtutum! quam amabilia tentoria redemptionis tuas!
Honorate illam, peccatores: et impetrabit vobis gratiam et salutem.
Super thus et balsamum oratio ejus incensum: preces ejus non revertuntur vacuas, nec inanes.
Intercede pro me, Domina, apud Christum tuum: neque derelinquas me in morte, neque in vita.
Benignus est enim spiritus tuus: gratia tua replet orbem terrarum.
Psalmus 84.
Benedixisti, Domine, domum tuam: consecrasti habitationem tuam.
Hæc est speciosa inter filias Hierusalem: cujus memoria est in benedictione.
Beatissimam prædicaverunt illam Angeli sancti: glorificate illam, Virtutes et Dominationes.
Populi gentium, exquirite prudentiam ejus: et investigate thesauros misericordiæ illius.
Sentite de illa in bonitate: et in simplicitate cordis exquirite illam.
Psalmus 85.
Inclina, Domina, aurem tuam, et exaudi me: converte vultum, et miserere mei,
Distillatio dulcoris tui oblectat animas sanctorum: et infusio charitatis tuæ super mei dulcissimum.
Irradiatio gloriæ tuæ dilucidat intellectum: et lux miserationum tuarum perducit ad salutem.
Fons bonitatis tuæ inebriat sitientes: et aspectus faciei tuæ retrahit a peccato.
Scire et cognoscere te est radix immortalitatis: et enarrare virtutes tuas est via salutis.
Psalmus 86.
Fundamenta vitæ in anima justi: perseverare in charitate usque in finem.
Gratia tua relevat pauperem in adversitate: et invocatio tui nominis immittit ei confidentiam bonam.
Miserationibus tuis repletur paradisus: et a terrore tuo hostis confunditur infernalis.
Qui sperat in te, inveniet thesauros pacis: et qui te non invocat in hac vita, non perveniet ad regnum Dei.
Fac, Domina, ut vivamus in gratia Spiritus sancti: et perduc animas nostras ad sanctum finem.
Psalmus 87.
Domina, auxiliatrix salutis meæ: in die clamavi et nocte coram te.
Ingrediatur oratio mea in conspectu tuo: consolare cum facie tua mœstitiam meam.
Multiplicata sunt mala in anima mea: expurga eam de sordibus et peccatis.
Virtus tua persequatur inimicos nostros: ne nos impediant ad salutem.
Confer gratiam animæ ad resistendum eis: conforta cor nostrum contra concupiscentias carnis.
Psalmus 88.
Misericordias tuas, Domina: in sempiternum decantabo.
Unguento pietatis tuæ medere contritis corde: et oleo misericordiæ tuæ refove dolores nostros.
Gratiosus tuus vultus mihi appareat in extremis: formositas faciei tuæ lætificet spiritum meum egredientem.
Excita spiritum meum ad amandam bonitatem tuam: excita mentem ad extollendam nobilitatem et pretiositatem tuam.
Libera me ab omni tribulatione mala: et ab omni peccato custodi animam meam.
Psalmus 89.
Domina, refrigerium facta es nobis: in cunctis necessitatibus nostris.
Diffusio gratiæ tuæ producit operationes tuas : et stillicidium dulcoris tui affectiones facit sanctissimas.
Miserationum tuarum, Domina, recordabor: sacrificium laudis et carmen lætitiæ psallam tibi.
Qui honorant te, coronam perennem pro cinere obtinebunt: et pallium laudis pro spiritu mœroris.
Qui sperant in te, amicti lumine induentur: gaudium et perpetuam lætitiam sortientur.
Psalmus 90.
Qui habitat in adjutorio Matris Dei: in protectione ipsius commorabitur.
Concursus hostis non nocebit ei: sagitta volans non tanget cum.
Quoniam liberabit eum de laqueo insidiantis: et sub pennis suis proteget eum.
Clamate ad illam in periculis vestris: et flagellum non appropinquabit tabernaculo vestro.
Fructus gratiæ inveniet, qui speraverit in illa: porta paradisi reserabitur ei.
Gloria, etc.
Psalmus 91.
Bonum est confiteri Virgini Mariæ: et psallere illi gloriam, prosperitas est mentis.
Annuntiare merita ejus, lætificat intellectum: et imitari opera ejus exhilarat angelos Dei.
Qui acquirit gratiam ejus: agnoscetur a civibus paradisi.
Et qui habuerit characterem nominis ejus annotabitur in libro vitæ.
Exurge, Domina, et judica causam nostram: et ab insurgentibus in nos, libera nos.
Ne retrahas a peccatore dexteram tuam: et excipe gladio tuo jacula vastatoris.
Psalmus 92.
Dominus regnavit, decorem induit: Matremque suam ornamento coronavit virtutum.
Adimpleat propitiationem suam in nobis Mater pacis: et viam æquitatis doceat servos suos.
Qui desideratis sapientiam Christi: servite Matri ejus animo reverenti.
Quis satisfaciet enarrare opera tua, Domina? et quis investigabit thesauros misericordiæ tuæ?
Sustine deficientes in tentationibus suis: destina illos in sortem veritatis.
Psalmus 93.
Deus ultionum Dominus: sed tu, Mater misericordiæ, ad miserandum inflectis.
Magnificentia tua, Domina, prædicatur in sæculum: qui autem colunt te, invenient viam pacis.
Servite illi reverenter exultantes: et sanabit vos benedictus fructus castissimi ventris illius.
Respice, Domina, humilitatem servorum tuorum: et laudabunt te in generationibus sæculorum.
Magnifica nomen tuum in multiplicatione gratiarum tuarum: et ne sinas servos tuos subjacere periculis.
Psalmus 94.
Venite, exultemus Dominæ nostræ: jubilemus salutiferæ Mariæ Reginæ nostræ.
Præoccupemus faciem ejus in jubilatione: et in canticis collaudemus eam.
Venite, adoremus, et procidamus ante eam: confiteamur illi cum fletibus peccata nostra.
Impetra nobis indulgentiam plenam: assiste pro nobis ante tribunal Dei.
Suscipe in fine animas nostras: et introduc nos in requiem æternam.
Psalmus 95.
Cantate plenæ gratiæ canticum novum: cantate Mariæ omnes terrigenæ orbis.
Quoniam omnes angelos sanctitate præcellit: et natos mulierum virtutibus mirabilibus et signis.
Formositas et gloria in vultu illius: et gratia in oculis ejus.
Afferte illi gloriam, patriæ gentium: exultate in ea, omnes creaturæ Dei.
Admirabile commercium habetis per eam: ex qua vocati estis filii Dei excelsi.
Gloria, etc.
Psalmus 96.
Dominus regnavit, exultet Maria: in omni imperio dominationis suæ.
Laudate eam, cives curiæ paradisi: exaltate eam, virgines speciosæ, filiæ ejus.
Quoniam elevata est super Principatus et Dominationes: exaltata est super Angelorum et Archangelorum legationes.
Patriarchæ et Prophetæ, concrepate illi laudem: concentum illi facite, Apostoli, Martyresque Christi.
Confessores cum Virginibus, de canticis Sion dicite canticum ei: et regratiamini ei, Monachi sancti, de acceptis triumphis.
Psalmus 97.
Cantate Dominæ nostræ canticum novum: quia mirabilia fecit.
In conspectu gentium revelavit misericordiam suam: in extremis terræ auditum est nomen ejus.
Recordare, Domina, pauperum et miserorum: et sustenta eos ope refrigerii sancti tui.
Tu autem, Domina, suavis et verax: patiens nimis et miseratione plena.
Conculca hostes animarum nostrarum: et contumaciam illorum elide brachio sancto tuo.
Psalmus 98.
Dominus regnavit, irascantur populi: Maria sub Cherubim sedet a dextris.
Magna est in Sion gloria tua, Domina: et in Hierusalem magnificentia tua.
Cantate ante eam, chori virginales: et adorate thronum ejus, qui sanctus est.
In dextera ejus ignea lex: et in circuitu ejus sanctorum millia.
Mandata ejus ante oculos ejus: et justitiæ regula in corde ejus.
Psalmus 99.
Jubilate Dominæ nostræ, homines terræ: servite illi in lætitia et jucunditate.
In toto animo vestro accedite ad illam: et in omni virtute vestra conservate vias ejus.
Investigate illam, et manifestabitur vobis: estote mundi corde, et apprehendetis eam.
Quibus auxiliata fueris, Domina, erit refrigerium pacis: et a quibus averteris vultum tuum, non erit spes ad salutem.
Recordare nostri, Domina, et non apprehendent nos mala: succurre nobis in fine, et inveniemus vitam æternam.
Psalmus 100.
Misericordiam et judicium cantabo tibi, Domina: psallam tibi in exultatione cordis, cum lætificaveris animam meam.
Laudabo nomen tuum et gloriam: et præstabis refrigerium animæ meæ.
Zelatus sum amorem tuum et honorem: ideo defendas causam meam ante judicem sæculorum.
Allectus sum gratia et bonitate tua: oro, ne frauder a spe et confidentia bona.
Conforta animam meam in novissimis: et in carne ista fac me conspicere Salvatorem.
Psalmus 101.
Domina, exaudi orationem meam: et clamor meus ad te veniat..
Non avertas sacrum aspectum tuum a me: neque abomineris me propter immunditiam meam.
Non derelinquas me in cogitatu et consilio inimicorum meorum: et ne sinas me cadere in exprobrationem illorum pessimam.
Qui confidunt in te, non timebunt colubrum tortuosum: et qui exaltant te præconiis, evadunt manus Acherontis.
Per virginalem conceptum tuum da mihi in te confidentiam bonam: et per admirabilem partum tuum lætifica animam meam.
Psalmus 102.
Benedic, anima mea, Matri Jesu Christi: et omnia præcordia mea, glorificate nomen ejus.
Ne obliviscaris beneficia ejus: nec gratiam et consolatus illius.
Gratia ejus peccata relaxantur: et misericordia ejus ægritudines reparantur.
Benedicite ei, omnes virtutes cœlorum: glorificate eam, chori Apostolorum et Prophetarum.
Benedicite, mare et insulæ gentium: hymnum dicite ei, cœli et habitatores eorum.
Psalmus 103.
Benedic, anima mea, Virgini Mariæ: honor et magnificentia ejus in perpetuum.
Formositatem et pulchritudinem induisti: amicta es, Domina, fulgenti vestimento.
De te procedit peccatorum medela: et pacis disciplina, ac fervor charitatis.
Imple nos servos tuos virtutibus sanctis: et ira Dei non appropinquet nobis.
Jucunditatem æternam da servitoribus tuis: et noli eos oblivisci in certamine mortis.
Psalmus 104.
Confitemini Dominæ nostræ, et invocate nomen ejus: cantate ei gloriose, narrantes virtutes ejus.
Laudate et exaltate eam, Virgines filiæ Sion: quia desponsabit vobis Regem angelorum.
Honorate Reginam plenam omni gratia: et contemplamini cum reverentia sanctissimum vultum ejus.
Salus sempiterna in manu tua, Domina: qui te digne honorificaverint, suscipient illam.
Clementia tua non deficiet a sæculis æternis: et misericordia tua a generatione in generationem.
Psalmus 105.
Confitemini Dominæ nostræ, quoniam bonum est: per cunctas tribus terre enarrate misericordias ejus.
Longe est ab impiis conversatio ejus: a via Altissimi non declinavit pes ejus.
Fons irrigantis gratiæ procedit de ore illius: et emanatio virginalis sanctificans animas castas.
Spes de gloria paradisi in corde illius: quæ devoto animo honorificaverit illam.
Miserere nostri, fulgentissima Regina cœli: et præsta consolationem de gloria tua.
Psalmus 106.
Confitemini Domino, quoniam bonum: confitemini Matri ejus, quoniam in sæculum misericordia ejus.
Innocentiam et viam prudentiæ ostende nobis, Domina: et viam intelligentiæ indica servis tuis.
Timor Dei illustrat intellectum: et amor tuus exhilarat illum.
Reatus vir, cujus eloquium est tibi gratum: illius ossa impinguabuntur adipe et pinguedine.
Eloquium tuum sustentat animam imbecillem: et labia tua esurientem animum refocillant.
Psalmus 107.
Paratura cor meum, Domina, paratum cor meum: laudes tibi psallere et cantare.
Major est charitas tua cunctis divitiis: et gratia tua super aurum et lapidem pretiosum.
Beatitudo et justitia donantur a Deo: qui autem de peccatis conversi fuerint ad te, pœnitentiæ remedium consequentur.
Emissionis tuæ gratia et pax: qui autem tibi placuerit, procul fiet a perditione.
Esto umbraculum protectionis in tentationibus nostris: expansio alarum tuarum defendat nos a devorante.
Psalmus 108.
Domina, laudem meam ne despexeris: et hoc dedicatum tibi psalterium digneris acceptare.
Respice voluntatem cordis mei: et allectionem meam fac libi beneplacentem.
Propera ad visitandum servos tuos: sub tegumento manus tuæ illæsi conserventur.
Illuminationem Spiritus sancti per te suscipiant: et refrigerium contra cupiditatis æstum.
Medere contritis corde, Domina: et refove eos unguento pietatis.
Psalmus 109.
Dixit Dominus Dominæ nostræ: Sede, Mater mea, a dextris meis.
Bonitas et sanctitas placuerunt tibi: ideo regnabis mecum in æternum.
Corona immortalitatis in capite sancto tuo: cujus fulgor et claritas non extinguetur.
Miserere nostri, Domina, mater luminis et splendoris: illumina nos, Domina veritatis et virtutis.
De thesauris tuis infunde nobis sapientiam Dei: et intellectum prudentis, ac formam disciplinæ.
Psalmus 110.
Confitebor tibi, Domina, in toto animo meo: glorificabo te in tota mente mea.
Opera gratis tuæ commorabuntur: et testamentum misericordiæ tuæ ante thronum Dei.
Per te missa est redemptio a Deo: populus pœnitens habebit spem salutis.
Intellectus bonus omnibus honorantibus te; et sors illorum inter angelos pacis.
Gloriosum et admirabile est nomen tuum: qui illud retinent, non expavescent in puncto mortis.
Psalmus 111.
Beatus vir, qui timet Dominam: et beatum cor, quod diligit illam.
Jucundus homo, qui non satiatur laude tua; et a relatu virtutum tuarum non fatigatur.
Exortum est in corde illius lumen Dei: Spiritus sanctus illuminat intelligentiam ejus.
Disperge, Domina, gratiam tuam pauperibus tuis: esurientes refove, et egenos.
In memoria æterna fiunt per te nomina: ab auditu terribili non trepidet cor nostrum.
Psalmus 112.
Laudate, pueri, Matrem Dei: glorificate, senes, nomen ejus.
Benedicta sit Maria Mater Christi: ipsa enim est via ad patriam sanctitatis.
Excelsus super Cherubim thronus ejus: et sedes ejus super cardines cœli.
Super humiles vultus ejus: et super confidentes in eam aspectus illius.
Misericordia ejus super omnem carnem: et eleemosyna illius usque ad extremum terree.
Psalmus 113.
In exitu animæ meæ de hoc mundo: occurre illi, Domina, et suscipe eam.
Consolare eam vultu sancto tuo; aspectus dæmonis non turbet illam.
Esto illi scala ad regnum cœlorum; et iter rectum ad paradisum Dei.
Impetra ei a Patre indulgentiam pacis; et sedem lucis inter servos Dei.
Sustine devotos ante tribunal Christi: suscipe causam eorum in manibus tuis.
Gloria, etc.
Psalmus 114.
Dilexi Matrem Dei Domini mei: et lux miserationum ejus infulsit mihi.
Circumdederunt me dolores mortis: et visitatio Mariæ lætificavit me.
Dolorem et periculum incurri: et recreatus sum gratia illius.
Nomen ejus et memoriale illius sit in medio cordis nostri: et non nocebit nobis ictus malignantis.
Convertere, anima mea, in laudem ipsius: et invenies refrigerium in novissimis tuis.
Psalmus 115.
Credidi, propter quod locutus sum: gloriam tuam, Domina, orbi terræ.
Compatere animæ meæ, et dirige illam: dignare beneplacitum tuum insinuare illi.
Statue illi testamentum pacis et dilectionis tuæ: præbe illi ingenui memoriam nominis tui.
De benedictione ventris tui da mihi sustentationem: et de pinguedine gratiæ tuæ dulcora animam meam.
Disrumpe vincula peccatorum meorum: et de virtutibus exorna faciem animæ meæ.
Psalmus 116.
Laudate Dominam nostram, omnes gentes: glorificate eam omnes populi.
Quoniam confirmata est super nos gratia et misericordia ejus: et veritas illius permanet in æternum.
Qui digne coluerit illam, justificabitur: qui autem neglexerit illam, morietur in peccatis suis.
Labia angelorum enarrabunt sapientiam ejus: et omnes cives paradisi cantabunt ejus laudem.
Bono animo accedentes ad illam: non capientur ab angelo devastante.
Psalmus 117.
Confitemini Domino, quoniam bonus: confitemini Matri ejus, quoniam in sæculum misericordia ejus.
Amor illius expellit peccatum a corde: et gratia illius expiat conscientiam peccatoris.
Via veniendi ad Christum est appropinquare ad illam: qui autem fugerit eam, non inveniet viam pacis.
Qui obduratus est in peccatis, sæpe invocet illam: et lux in suis tenebris orietur.
Qui tristatur in corde suo, clamet ad illam: et dulcoranti stillicidio inebriabitur.
Psalmus 118.
Beati immaculati in via: qui Matrem Domini imitantur.
Beati imitatores humilitatis ejus: beati participes charitatis illius.
Beati perscrutatores virtutum illius: beati conformes imagini illius.
Beati qui conceptum et partum illius venerantur: beati qui devote ei famulantur.
Beati qui in ea habent spem et confidentiam: beati qui per illam suscipient felicitatem sempiternam.
Retribue servo tuo, Domina: vivifica me, et faciam voluntatem tuam.
Incola ego sum in terra: nihil abscondas mihi de amore tuo.
Concupivit anima mea laudem tuam desiderare: omni tempore.
Tu enim salus mea in Domino: quæ me morti adjudicatum liberasti.
Quid pro his retribuam tibi, nisi me totum? Domina, suscipe me.
Legem pone mihi, Domina, voluntatis tuæ, sanctarum sanctissima: et exquiram eam semper.
Deduc me in semitam miserationum tuarum, mulierum pulcherrima: quia ipsam volui.
Inclina animam meam ad supernorum amorem, Domina: et non ad impudicitiam.
Ecce concupivi castimoniam tuam a juventute mea: in misericordia tua confirma me.
Et observabo viam testimoniorum tuorum in sæculum: et scrutabor mandata Filii tui, quæ dilexi.
Memor esto verbi lui, dominarum Primiceria: in quo milii spem dedisti.
Hæc in tempestatum fluctibus potenter tenuit me: quia eloquium tuum vivificabit me.
Circumdederunt me viri mendaces, et congregata sunt super me flagella: et ecce manus tua eripuit me.
Communicavi in bonis omnibus timentibus te: et custodientibus obnixe mandata tua.
Miserationibus tuis plena est terra: ideo viam justificationum tuarum exquisivi.
Gloria, etc.
Bonitatem fecisti cum servo tuo, Domina: de qua gaudent angeli.
Disciplinam morum tuorum et æquitatem tuam doce me: quia verbis tuis præ cunctis credidi.
Bonum mihi, quia onere tuo humiliasti me: ut sequar conversationem tuam.
Qui amant servientes tibi, venerabuntur; qui autem abominatus fuerit eos, ruet in æternum.
Veniant mihi semper desuper guttæ clementiæ tute, et vivam: quia lex tua sancta meditatio mea est.
Defecit in semitis tuis anima mea, Domina: et nisi miseratio maxima esset, periissem utique in infirmitate mea.
Defecerunt oculi mei in contemplatione tua: velut uter in pruina a te visa est anima mea.
Secundum bonitatem tuam vivifica me: et non obliviscar sermones tuos, quia tibi adhærere bonum est.
Dispositione tua perseverat mundus: quem et tu cum Deo fundasti ab initio.
Tuus totus ego sum, Domina, salvum me fac: quoniam desiderabiles erant laudes tuæ in tempore peregrinationis mete.
Quomodo dilexi legem tuam. Domina in conspectu meo semper.
Suavitatum tuarum affluentia cor meum alienavit a me: et caro mea mirabiliter exultavit in te.
Quam dulcia peccatoribus eloquia tua, Domina! super omnem melodiam refectio tua dulcis ori meo.
Illuminatio gressibus meis verbum tuum: et lumen ineffabile semitis meis.
Quoties exasperaverunt me peccatores inferni, quia a charitate tua declinare nolui! ego autem speravi in te, Domina.
Iniquos odio habui: et viam tuam dilexi, Domina gratiosa.
Adjuva me, et salvus ero, Domina mundi: et meditabor honorificentiam mandatorum tuorum.
Fac me semper stare in timore tuo: et non tradas me, Virgo, calumniantibus me.
Vernaculus tuus sum ego: minimus in familia tua.
Custodi me, Domina: a negligentibus judicia justitiæ tuæ.
Contemnes omnes discedentes a servitio tuo: quia injusta est conversatio eorum.
Gloria, etc.
Mirabilia tua testimonia, Mater alma: et sermonibus tuis illuminatum est cor meum.
Vultum tuum deprecabuntur omnes divites plebis: filiæ regum collaudant faciem tuam.
Ardens verbum labiorum tuorum vehementer: qui ad te properat, percipiat illud.
Arundo agitata sum in conspectu tuo: tene me, Domina, sub jugo tuo, et non confundar.
Servientes tibi plus aliis invadunt dracones inferni: sed tu, Domina, defende nos.
Clamavi in toto corde meo ad te, Domina: de necessitatibus meis clementer eripe me.
Vocem gemitus mei exaudi, Domina mea: doce me quid acceptum sit apud te omni tempore.
Longe a nescientibus te salus: qui autem perstat in obsequio tuo, procul fiat a perditione.
Misericordia tua rigat universum: Domina, in salutari tuo vivifica me.
Initium eloquiorum tuorum veritas in æternum: et legem tuam immaculatam non sum oblitus.
Principes persecuti sunt me gratis: et ab invocatione nominis tui trepidat spiritus malignus.
Pax multa observantibus nomen tuum, Mater Dei: et non est illis scandalum.
Septenis horis decantavi tibi laudes, Domina: juxta eloquium tuum da mihi intellectum.
Intret oratio mea in conspectu tuo, ut non derelinquam te, Domina, cunctis diebus vitee meæ: quoniam viæ tuæ misericordia et veritas.
Concupiscam in æternum laudare te, Domina: cum docueris me justificationes tuas.
Psalmus 119.
Ad Dominam, cum tribularer, clamavi: et exaudivit me.
Domina, libera nos ab omni malo: cunctis diebus vitæ nostræ.
Contere caput inimicorum nostrorum: pede insuperabilis virtutis tuæ.
Ut exultavit spiritus tuus in Deo salutari tuo: sic veram digneris infundere lætitiam cordi meo.
Ad Dominum accede rogatura pro nobis: ut per te nostra peccata deleantur.
Psalmus 120.
Levavi oculos meos ad te, Mater Christi: per quam venit solatium omni carni.
Auxilium tuum et gratiam tuam nobis impende: in omni tribulatione nostra.
Custodi nos, Domina Virgo Maria: ne peccatorum laqueo capiamur.
Non dormit neque dormiet pupilla oculi tui: ut tua semper custodia protegamur.
Angelorum et hominum te laudat omnis lingua: et ante te omnia genua curvantur.
Psalmus 121.
Lætatus sum in te, Regina cœli: quia te duce in domum Domini ibimus.
Hierusalem cœlestis civitas: ad Mariæ præmia veniamus.
Pacem et indulgentiam,Virgo, nobis impetra: et palmam de hostibus, et triumphum.
Conforta, et consolare cor nostrum: tuæ dulcedine pietatis.
Sic, Domina, nobis infunde clementiam: ut devote in Domino moriamur.
Psalmus 122.
Ad te levavi oculos meos, Regina: quæ regnas in cœlis.
Adjutorium nostrum in virtute sit nominis tui: per te omnia opera nostra dirigantur.
Benedicta sis in cœlo et in terra: in mari et in omnibus abyssis.
Benedicta sit fœcunditas tua: benedicta sit virginitas, et munditia tua.
Benedictum sit corpus tuum sanctum: benedicta sit anima tua sanctissima.
Psalmus 123.
Nisi quia Domina nostra erat in nobis: invenissent nos pericula multa.
Esto, Virgo, defensatrix nostra: et ante Deum advocata propitia.
Ostende nobis, Domina, misericordiam tuam: et conforta nos in servitio sancto tuo.
Benedicant te sancti angeli in cœlo: benedicant te omnes homines super terram.
Non tradas bestiis animas confitentium tibi: ora te canentium non obturentur.
Psalmus 124.
Qui confidunt in te, Mater Dei: non timebunt a facie inimici.
Gaudete et exultate, omnes qui diligitis eam: quia adjuvabit vos in die tribulationis vestræ.
Reminiscere miserationum tuarum, Domina: et releva peregrinationem incolatus nostri.
Converte amabilem vultum tuum super nos: confunde et destrue omnes inimicos nostros.
Benedicta sint omnia opera manuum tuarum, Domina: benedicta sint omnia sancta miracula tua.
Psalmus 125.
In convertendo faciem tuam serenissimam super nos: lætificabis nos, virginea Mater Dei.
Benedicta sis, o sacrarium Christi: præ cunctis mulieribus super terram.
Benedictum sit gloriosum nomen tuum: quod os Domini mirabiliter nominavit.
Non deficiat laus tua de labiis nostris; nec charitas tua de præcordiis nostris.
Qui te diligunt, benedicantur a Deo: et qui
te volunt diligere, non defraudentur a fide.
Psalmus 126.
Nisi, Domina, ædificaveris domum cordis nostri; non permanebit ædificium ejus.
Ædifica nos gratia et virtute tua: ut maneamus firmi in perpetuum.
Benedictum sit eloquium tuum: et benedicta sint omnia verba oris tui.
Benedicantur a Deo, qui te benedicunt: et in justorum numero computentur.
Benedic, Domina, te benedicentes: et ne unquam avertas ab cis gratiosum vultum tuum.
Psalmus 127.
Beati omnes, qui timent Dominam nostram: et beati omnes, qui sciunt facere voluntatem tuam, et beneplacitum tuum.
Benedicti sunt pater et mater qui te genuerunt: quorum memoria permanet in sæculum.
Benedictus est venter, qui te portavit: et benedicta sint ubera, quæ te lactaverunt.
Converte misericordiam tuam super nos: et deprecabilis esto super servos tuos.
Intuere, et respice opprobrium nostrum: aufer a nobis cunctas iniquitates nostras.
Psalmus 128.
Sæpe expugnaverunt me a juventute mea inimici mei: libera me, Domina, et vindica me ab ipsis.
Ne des illis potestatem in animam meam: custodi omnia interiora, et exteriora mea.
Obtine nobis veniam peccatorum: per te Spiritus sancti gratia nobis detur.
Fac nos digne et laudabiliter poenitere: ut beato fine ad Deum veniamus.
Placatum tunc et serenissimum nobis ostende: gloriosum fructum ventris tui.
Psalmus 129.
De profundis clamavi ad te, Domina: Domina, exaudi vocem meam.
Fiant aures tuæ intendentes: in vocem laudis et glorificationis tuæ.
Libera me de manu adversariorum meorum: confunde ingenia et conatus eorum contra me.
Erue me in die mala: et in die mortis ne obliviscaris animæ meæ.
Deduc me ad portum salutis: inter justos scribatur nomen meum.
Psalmus 130.
Domina, non est exaltatum cor meum: neque sublimati sunt oculi mei.
Benedixit te Dominus in virtute sua: qui per te ad nihilum redegit inimicos nostros.
Benedictus sit, qui te sanctificavit: et mundam de matris utero te produxit.
Benedictus sit, qui te obumbravit: et sua gratia te fœcundavit.
Benedic nos, Domina, et conforta nos in gratia tua: ut per te ante conspectum Domini præsentemur.
Psalmus 131.
Memento, Domina, David: et omnium invocantium nomen tuum.
Da nobis in nomine tuo fiduciam: et confundantur adversarii nostri.
Consolare nos in terra peregrinationis nostræ: et releva paupertatem nostram.
Da nobis panem lacrymarum, Virgo sancta: et dolorem peccatorum in terra incolatus nostri.
Redde nobis propitium benedictum fructum ventris tui: ut Spiritus sancti gratia repleamur.
Psalmus 132.
Ecce quam bonum, et quam jucundum, Maria: diligere nomen tuum.
Unguentum effusum, et aromaticum est nomen tuum: diligentibus ipsum.
Quoniam magna multitudo dulcedinis tua?, Domina: quam præparasti diligentibus et sperantibus in te.
Esto refugium pauperum in tribulatione: quia tu es baculus pauperum et miserorum.
Inveniant, quæso, gratiam apud Deum: qui te in suis necessitatibus invocabunt.
Psalmus 133.
Ecce nunc benedicite Dominam: omnes qui speratis in nomine sancto ejus.
Gaudete gaudio magno, qui exaltatis et glorificatis eam: quia lætabimini ab ubertate consolationis ejus.
Ecce nunc inundante ubertate declinabit in vos: ad consolandum et lætificandum corda vestra.
Benedicite illam, omnes servi ejus: et memoriale sit in desiderio animæ vestræ.
Benedicite illam, omnes angeli et sancti Dei: laudate in sæcula mirabilia ejus.
Gloria, etc.
Psalmus 134.
Laudate nomen Domini: benedicite nomen Mariæ matris ejus.
Mariæ precamina frequentate: et suscitabit vobis voluptates sempiternas.
In animo contrito veniamus ad illam: et non stimulabit nos cupiditas peccati.
Qui cogitat de illa in tranquillitate mentis: inveniet dulcorem et requiem pacis.
Respiremus ad illam in finitione nostra: et reserabit nobis atria triumphantium.
Psalmus 135.
Confitemini Domino, quoniam bonus est: quoniam per suam dulcissimam matrem Virginem Mariam datur misericordia ejus.
Impetra nobis, Domina, amicitiam Jesu Christi: et custodi nos, ne perdamus innocentiam nostram.
Comprime hostem nostrum imperio tuo: ne feriat in nobis virtutem charitatis.
Bona naturalia conserva in nobis: et bona gratiæ per te multiplicentur.
Illumina vias et semitas nostras: ut noscamus quæ beneplacita sunt Deo.
Psalmus 136.
Super flumina Babylonis fleverunt Hebræi: nos vero super iniquitates nostras lugeamus.
Clamemus humiles ad puerperam Virginem: offeramus ei planctus et suspiria nostra.
Non invenitur propitiatio sine illa: nec salus sine fructu illius.
Per illam peccata purgantur: et per fructum illius, animæ dealbantur.
Per illam fit satisfactio peccatis: per fructum illius, sanitas condonatur.
Psalmus 137.
Confitebor tibi, Domina, in toto corde meo: quia per te expertus sum clementiam Jesu Christi.
Audi, Domina, verba mea et preces meas: et in conspectu angelorum cantabo tibi laudes.
In quacumque die invocavero te, exaudi me: et multiplica virtutem in anima mea.
Confiteantur tibi omnes tribus et linguæ: quia per te salus restituta est nobis.
Ab omni perturbatione libera servos tuos: et fac eos vivere sub pace et protectione tua.
Psalmus 138.
Domina, probasti me, et cognovisti me: ruinam et transgressionem meam.
Copiosa facta est super me misericordia tua: et dilatata est super me clementia.
Imperfectum meum aspexit oculus tuus: et palpebræ tuæ noverunt vias meas.
Affluentiam desiderii sancti habeamus a Spiritu sancto: et macula peccati non turbet conscientiam nostram.
Serenet corda nostra lux misericordiæ tuæ; et recreet nos tuæ pacis dulcedo.
Psalmus 139.
Eripe me, Domina, ab omni malo: et ab hoste infernali defende me.
Contra me tetendit arcum suum: et in fraude sua insidiatur mihi.
Constringe vires ejus malignas: et obtunde potenter astutias ejus.
Converte iniquitatem ipsius in verticem illius: et in foveam quam fecit, cadat festinanter.
Nos autem exultemus in servitio tuo: et in tuis laudibus gloriemur.
Psalmus 140.
Domina, clamavi ad te, exaudi me: intende orationi meæ et postulationi meæ.
Dirigatur obsecratio mea velut incensum coram facie tua: et in tempore serotini sacrificii, et matutini.
Non declinet cor meum in verbis malignantibus: et nequitiæ cogitatus non subvertant sensum meum.
Fac me assentire beneplacito cordis : et tuis actionibus conformari.
Gladio intelligentiæ reverbera cor meum: et igniculo charitatis inflamma mentem meam.
Psalmus 141.
Voce mea ad Dominam clamavi: ipsamque humiliter deprecatus sum.
Effudi in conspectu ejus lacrymam meam: et dolorem meum sibi exposui.
Insidiatur hostis calcaneo meo: extendit contra me rete suum.
Adjuva me, Domina, ne corruam coram eo: fac ut conteratur sub pedibus meis.
Educ de carcere animam meam: ut confiteatur tibi, et psallat Deo forti in perpetuum.
Psalmus 142.
Domina, exaudi orationem meam: percipe tuis auribus supplicationem meam.
Persecutus est malignus vitam meam: deposuit in terra conversationem meam.
Denigravit me caligine sua: et anxiatus est nimis spiritus meus.
Ne avertas faciem tuam a me: ut non corruam cum descendentibus in lacum.
Emitte lucem tuam, et gratiam tuam: et repara denuo vitam meam, et conscientiam meam.
Psalmus 143.
Benedicta sis, Domina, quæ instruis servos tuos ad prælium: et eos roboras contra inimicum.
Fulgure et coruscatione dissipa illum: mitte jacula tua, ut confundas illum.
Clarifica de alto manum tuam: et cantent servi tui laudem et gloriam tuam.
Eleva de terrenis affectionem nostram: de sempiternis deliciis refice viscera nostra.
Concupiscentiam supernorum accende in cordibus nostris: et de gaudiis paradisi velis nos recreare.
Psalmus 144.
Exaltabo te, Mater Filii Dei: et per singulos dies cantabo laudes tuas.
Generationes et populi laudabunt opera tua: et misericordiam tuam insulæ expectabunt.
Abundantiam dulcoris tui angeli eructabunt: et suavitatem tuam sancti pronuntiabunt.
Oculi nostri sperant in te, Domina: mitte nobis cibum et escam delectantem.
Laudationem tuam loquatur lingua mea: et benedicam te in sæculum sæculi.
Psalmus 145.
Lauda, anima mea, Dominam: glorificabo eam, quamdiu vixero.
Nolite cessare a laudibus ejus: et per singula momenta recogitate illam.
Cum exierit spiritus meus, Domina, sit tibi commendatus: et in terra ignota præsta illi ducatum.
Non conturbent eum culpæ prius commissæ: nec inquietent ipsum occursus malignantis.
Perduc eum ad portum salutarem: ibi præstoletur secure adventum Redemptoris.
Psalmus 146.
Laudate Dominam, quoniam bonus est psalmus: jucunda, et decora sit illi nostra laudatio.
Ipsa enim medetur contritis corde: et refovet eos unguento pietatis.
Magna est virtus illius: et clementia ejus nullum habebit finem.
Præcinite ei in jubilatione: et in confessione psalmum canite illi.
Beneplacitum est ei super timentes Deum: et in eis qui sperant in misericordia ejus.
Psalmus 147.
Lauda, Hierusalem, Dominam: glorifica illam etiam, o Sion.
Ipsa enim construit muros tuos: et filios tuos benedicit.
Gratia sua te impinguat: pacemque donat terminis tuis.
Emisit Verbum suum Altissimus: et virtus ejus obumbravit illi.
Levemus corda nostra cum manibus ad illam: ut suam influentiam sentiamus.
Psalmus 148.
Laudate Dominam nostram de cœlis: glorificate eam in excelsis.
Laudate eam, omnes homines et jumenta: volucres cœli, et pisces maris.
Laudate eam, Sol et Luna: Stellæ, et circuli Planetarum.
Laudate eam, Cherubim et Seraphim: Throni et Dominationes, et Potestates.
Laudate eam, omnes legiones Angelorum : laudate eam omnes ordines spirituum supernorum.
Psalmus 149.
Cantate Dominæ nostræ canticum novum: laus ejus in congregatione justorum.
Lætentur cœli de gloria ejus: insulæ maris, et totus orbis.
Aqua et ignis laudent eam: frigus et æstus, splendor et lumen.
Exaltationes ejus in gutture justorum: et laudes ejus in cœtu triumphantium.
Civitas Dei, jucundare in illa: et pro incolis tuis frequenta illi carmen.
Psalmus 150.
Laudate Dominam in sanctis ejus: laudate eam in virtutibus et miraculis ejus.
Laudate eam, cœtus Apostolorum; laudate eam, chori Patriarcharum et Prophetarum.
Laudate eam, exercitus Martyrum: laudate eam, turmæ Doctorum et Confessorum.
Laudate eam in collegio Virginum et Continentium: laudate eam ordines Anachoretarum et Monachorum.
Laudate eam, conventus Religiosorum omnium: laudate eam, omnes animæ civium supernorum.
Omnis spiritus: laudet Dominam nostram.
Psalterium majus Beatissimae Mariae Virginis
Psalterium Majus Beatissimae Mariae Virginis
Saeculo XIII
editio: incognita
fons: incognitus
fons: incognitus