Ad scholam nuper steteram canentis
parvulae turmae, per aperta vitra
carmen audivi: «Faciem benignam
sol mihi verte».
Aethra per stantem sonuere voces
praevio cantu fidium magistri.
Mente commotus fueram canoro
carmine totus.
Nam scholae limen puer atterebam,
cum rosis labrum nitidis rubebat
et sequebatur puerile corpus
umbra minuta.
At mei sensim cecidere crines
verticis, fluxit velut umbra vita.
Cur modo cantant: «Faciem benignam
sol mihi verte»?
Pueritiae memoria
Pueritiae memoria
Saeculo XX