Migne Patrologia Latina Tomus 121
Retractio
Retractio (Guntharius Coloniensis), J. P. Migne
Retractio
121.0381A| Profiteor ego Guntharius coram Deo et sanctis ejus, vobis, Domino meo Adriano summo pontifici et universali papae, ac venerandis tibi subditis episcopis reliquoque conventu, quoniam judicium depositionis in me a domno Nicolao canonice totum non reprehendo, sed humiliter porto. Unde nec ulterius sacrum ministerium contingere praesumo, nisi per misericordiam mihi subvenire volueritis, nec aliquando contra sanctam romanam Ecclesiam aut ejus 121.0382A| pontificem aliquod scandalum vel quidquam adversi movere volo, sed devotum me eidem sanctae matri Ecclesiae ejusque praesuli exhibere atque obedientem permanere protestor. Ego Guntharius huic professioni a me factae manu propria subscripsi. Data Kalendas Julii, indictione II, in ecclesia Sancti Salvatoris, quae est in monasterio Sancti Benedicti in Cassino.