Migne Patrologia Latina Tomus 86
Sanctorale (Auctor incertus), J. P. Migne
[CLXXXV] DIE IX JANUARII. IN SOLEMNITATE SANCTORUM JULIANI ET BASILISSAE, VEL COMITUM EJUS.
(1031D) Ad Vesperos. In nomine Domini nostri Jesu Christi lumen cum pace. R\. Deo gratias.
(1032D)Dominus sit. R\. Et cum.
Lauda. Exortum est in tenebris. Sono. Justorum animae. Require in communi. fol. CLXII.
Antiphona. Isti sunt Sancti pleni innocentia, quos et virginitas decoravit, P. Et Martyrii palma participes fecit in regno Dei. V\. Gaudete justi in Domino: (1033A)rectos decet collaudatio. P. Et Martyrii. V\. Gloria. P. Et Martyrii.
Dominus sit. R\. Et cum.
Lauda. Isti sunt Sancti, qui in isto saeculo non sunt polluti: Virgines enim sunt; P. Ideo laverunt stolas suas, et dealbaverunt illas. Alleluia, alleluia, alleluia. V\. Beati, quorum remissae sunt iniquitates: et quorum tecta sunt peccata. P. Ideo. V\. Gloria. P. Ideo.
Hymnus.
Insigne festum Juliani martyris,
Quo cara stringens Virginis consortia,
Coelos adeptus fit supernus incola:
Plebis dicatae multitudo personet,
Fidesque plena singulorum nunciat.
(1033B)Hic Julianus sorte claro germine,
Civis togatae urbis Antiochiae,
Imbutus omni disciplina artium,
Inlustre pignus unicum parentibus,
Vitam gerebat consecratam moribus.
Qui bis novenis annuis recursibus,
Spem cum serendae prolis in se ostenderet,
Adsunt parentes: Jure nuptum suggerunt,
Quo liberorum casta procreatio
Avos perenni consecraret nomine.
Sed ecce, Christi servus ad Deum ugit
Septem diebus, noctibusque pervigil:
Quid ipse dicat, quid velit, jam consulit.
Adest Deus, docet fidelem servulum:
Jubens, salutis appetit connubium.
(1033C)Firmatus idem gratiae oraculis,
Surgit, parenti laetior consentiens:
Ex more virgo tunc puella quaeritur;
Mox Basilissa sorte huic desponditur,
Decus decori compar hic adjungitur.
Adest et ipse nuptiarum jam dies:
Urbis vocata multitudo convenit:
Plebes vicinae civitatum confluunt;
Urbana laetae concinentes cantica,
Amore carnis perstrepentes cymbala.
Sparsis sonorum musicis conventibus,
Melos per omnem civitatem personat,
Cantu sonora concrepabant organa,
Lyrae strepentes tinniebant chordulae,
Clavis plateae perstrepebant citharis.
(1033D)Sed haec Beatus gestiens contemnere,
Mentem futurae praeparat victoriae:
At ipse victor, tradita cum Virgine,
Intrat sacratum jam thori cubiculum,
Illic reclines contuentur mox Deum.
Sed prima Virgo dona sentit munerum,
Quibus, beato mox odoris nectare
Thoris refusa, jam sacrata horresceret:
Hinc fundamenta contremescunt lectuli,
Et luce clara innovantur coelibes.
Fulgore jam post hinc praeeunte lampadum,
Rex Christus illis luce clara ostenditur,
Chori Angelorum, vel sacrarum Virginum
Visu salutis intuentur cernuo;
(1034A)Jam tunc foventur, tunc docentur amplius.
Hoc sacrosancto provocati munere,
Junguntur ambo junctione spiritus,
Et carnis actum nescientes lubricum,
Tenent beatum coelibes connubium,
Quo spirituales proferant partus Deo.
Functis deinde protinus parentibus,
Claro superstites liberorum nomine,
[CLXXXVI] Fundos, domosque praediorum dividunt
Quibus virorum, virginumque fulgida
Dicanda Christo consecrant coenobia.
Sed palma florens Juliani martyris,
Decem virorum millibus praetenditur,
Isdem paterno quos regebat ambitu.
Hinc et choreis Basilissa Virginum
(1034B)Stipata floret gratia charismatum.
Erat futuro Martyri hoc proprium,
Cum sacrosancta Basilissa conjuge,
Ut oris ejus igne tactus quispiam,
Statim supernam consecutus gratiam,
Terrena linquens, stringeret coelestia.
Sic sic docentes Plebium frequentiam,
Sic multa Christo consecrantes millia,
Duae lucernae candelabro impositae,
Lucent sereno claritatis lumine,
Fulgent perenni gratiarum lampade.
Hinc, Basilissa commonente virgines,
Columna lucis eminens apparuit,
Styli beatam scriptionem praeferens,
Quae deputatam Virginum frequentiam,
(1034C)Deo placente, praedicaret fulgidam.
Sui precatus Virgo vota obtinens,
Praemittit omnes jam locandas Virgines
Coelestis aulae in beato sidere,
Quas ipse claro fine mortis adsequens,
Orationi incubans, defungitur.
Sit Trinitati sempiterna gloria,
Honorque summus, et potestas inclyta:
Quae Trinitas Pater, Patrisque Filius,
Cum Spiritu, unus Deus substantia
Per cuncta regnat saeculorum saecula.
Amen.
Hymnus.
Jam passionis inchoandae gloria
Fidem beati Juliani provocat,
(1034D)Quam Marcianus nuntiatam non ferens,
Omnes fideles, Martyrum sacrichoros
Flammis peruri per satellem praecipit.
Ast Julianum, quem rebellem pertulit,
Jubet stupendis verberari fustibus:
Sed unus ex his caesor ausu pestifer,
Sacrata diris membra tundens ictibus,
Carens ocelli ultus est mox lumine;
Quem Julianus carne, corde illuminans,
Christo futurum praeparabat Martyrem:
Ast ipse tractus per plateas ducitur,
Torquendus omni saevitatum pondere,
Poenisque duris vulnerandus acriter.
Jam turbulenta Praesidalis optio
(1035A)Sanctum cruentis vinxerat doloribus;
Et ecce tractus Martyr ad locum venit,
Quo dulce pignus educatur Praesidis,
Celso vocatus, Celsius vocabulo:
Qui visionis glorioso lumine
Christi fidelem cominus mox intuens,
Fixosque vultus dirigens in Martyrem,
Stupet polorum legiones candidas
Blandis Beatum consolari affatibus.
Hoc rursus idem cernit aucta gloria;
Caputque supra Martyris coronulam,
Gemmis coruscam, ponderantes, auream,
Trium virorum aureolis vultibus
Melos supernum concrepabant suavius.
Talique visu, ipse, quippe cantica,
(1035B)Quae harmonia concinebat suavior,
Miratur idem: vestibus depositis,
Cursu petivit Martyrem Dei, celer
Se christianum corde et ore profitens.
Subtractus ex hinc, Martyris vestigia
Calore Christi jam sacer, deosculat,
Plagas relambit, sacra lingit vulnera,
Se Juliani profitens asseclam;
Nomen parentum, vel honorem abnegans.
Mox nuntiorum contabescunt taedio
Mater, paterque: hinc dolore tabidi
Funebre factum non ferentes filii,
Clamore terras luctuoso compluunt
Plangunt gemuntque: consolari nequeunt.
Sed ecce rursus Praesidis fremens furor
(1035C)Prolem jubet disgregari a Martyre;
Frustratur actus jussionis: immo
Videns quod quisque vellet proficere,
Contrahit vultum; ejulat, brachiis plodens.
Hinc noxiali claudit ambos carcere,
Quo furva essent tota, caeca, et foetida:
Sed sidus illic lucis almae splenduit,
Et luminoso nectar addit carceri;
Locusque horrens fit Beatis clarior.
Quod rite factum pertremescunt milites,
Et lumen hujus contuentes gratiae,
Conversa Christo corda votis offerunt;
Sternuntur almis Martyris vestigiis:
Christum honorant, nomen ejus praedicant.
(1035D)His convocatis ad fidem custodibus,
Bis dena eorum conflagrarunt pectora,
Septem fideles stirpe clara proditi,
Quos sacra Christo vinxerat germanitas:
Claro utebantur hi Magistro Antonio.
Ductore tali praeeunte Angelo,
Petunt ovantes claustra dira carceris,
Quibus beati consedebant Martyres;
Statimque florens Celsius, vel milites
Baptisma Christi consequuntur candidum.
Hinc agmen unum Christiani dogmatis
Facti, magistro Juliano, Antonio,
Uno tenentur mancipati vinculo,
[CLXXXVII] Unius acti carceris custodiam
Finire vitam cum triumpho, exaestuant.
(1036A)Fides probata Juliani martyris
Probanda signis rursus et virtutibus,
Corpus sepulchro mancipandum suscitat:
Plebe obstupente, vel tremente insignia,
Terrena vincens, vincit et mox tartara.
Sed ecce surgens, voce clamans intonat:
Accepta esse vota Christo Martyris,
Cujus precatu, glorioso munere
Infernus omnis contremescens palluit,
Vivum reportans, quem tenebat mortuum.
Truces ministros Inferorum viderat,
Quorum ducatu pronior per tartara
Deductus ipse, hinc abysso haeserat;
Hinc sorte mortis liberatus exiens,
Christum fatetur, Juliano nectitur:
(1036B)Qui consecutus gratiam baptismatis,
Athleta Christi fortis idem factus est:
Fide novatus, charitate fervidus,
Ex sacramento dictus Anastasius.
Agonis arce cum beatis utitur.
Aurora fulgens jam diem reduxerat;
Paratae poenae nuntiantur Praesidi:
Cupae minaces jam repletae sulphure,
Picisque, stuppae, copia bituminum
Suscepta membra non perurunt Martyrum.
Nam his cremandi Martyres depositi,
Adstante vulgo, Plebis et frequentia,
Probantur igne: mox, ut aurum fulgidum,
Clamore uno concrepantes singuli
Melos ab igne, carminis Davidici.
(1036C)Consumptus ignis gloriosos Martyres
Ostendit, aucta dignitatis gloria;
Tantaeque rei comprobans miraculum,
Praeses (quod ante Marcianus spoponderat
Matrem beato tradit idem Celsio.
Haec commorata promptior cum filio,
Gratos odorum nare fructus excipit:
Hinc suavitatis jam refecta nectare,
Oblivionem mox dolorum sustinet,
Confessa Christum laeta corde et corpore.
Quae tincta fontis sacrosancti gurgite,
Et prole nata sua, a patre filio,
Calore fervens Christiani nominis,
Se persequentes caecitate percutit,
Thorumque casta conjugale abnuit.
(1036D)Tunc Marcianus, hoc suorum funere
Percussus, adstans excipit vulnus novum:
Nam voce clara imprecatu Martyrum
Submersa templi pulchritudo deperit;
Templumque ipsum terrae hiatus absorbuit.
Ab hinc atrox jam Praesidis minax furor,
Sanctis crematis, et peremptis caeteris,
Mox Juliano, et beato Celsio
Cutem revulsit gloriosi verticis;
Quos et ferarum mox subegit morsibus.
Hinc jam theatro intromissi Martyres
Cum noxiali perditorum agmine
Mixto, mucronis enecantur verbere;
Sed candidato adprobantur sanguine
(1037A)Munus piorum massa rubra corporum.
Nam quisque supra corporis sui thecam
Apparuere Christiano coetui,
In virginali dedicato stigmate;
Quorum cruor late respersus, probat
Haec ipsa terra, quo operire nesciat.
Horum beata jam sepulta corpora
Fundunt perennem de sepulchris gurgitem;
Ex cujus undis fons sacratus gratiae
Impletur amplis cursibus lymphaticis,
Quibus stupenda prodeunt miracula.
Illic sacrato functionis tempore
Natalis horum, baptizandi confluunt;
Decem leprosi mox salutem perferunt:
Hinc vox tremenda de supernis intonat:
(1037B)Fides meretur Juliani haec omnia.
Jam jam, beate Martyr, audi supplices;
Jam Juliane confoveto servulos;
Et advocatus Martyrum consortio,
Fave redemptis; languidis jam subveni,
Adversa pellens, et secunda impertiens.
Tui sequaces adprobati, saeculum
Discamus omnes moribus contemnere;
Iram domare; fluxa carnis spernere:
Nullo tenacis blandimento corporis
Usi, polorum perfruamur gaudiis.
Nullis gravati criminum contagiis,
Semper supernis concrememur ignibus;
Semper superna charitate fervidi,
Compunctionis innovemur munere;
(1037C)Christum sequentes praestolemur Judicem.
Dies ut illa cum tremenda venerit,
Mundumque terror judicantis presserit,
Sponsore sacro te patrono vernulo
Dextram tenentes, evadamus tartara;
Regno potiti vestiamur gloria.
Sit Trinitati sempiterna gloria,
Honorque summus, et potestas inclyta:
Quae Trinitas Pater, Patrisque Filius,
Cum Spiritu, unus Deus substantia
Per cuncta regnat saeculorum saecula.
Amen.
Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut per intercessionem [CLXXXVIII] (1037D)sancti Juliani et Basilissae et Comitum ejus martyrum, remissionem peccatorum, et pacem nobis donare dignetur. R\. Praesta aeterne omnipotens Deus.
Kyrie eleison. R\. Christe eleison. Kyrie eleison.
Capitula. Domine Jesu Christe, qui beatissimis Juliano et Basilissae fida sibi charitate conjugibus, coelestis connubii consortia tribuisti, dans illis, et corruptionis nescire contagia, et sanctitatis perficere vota: dum in utroque sexu, et per Julianum virorum tibi multiplex numerus adgregatur, et per Basilissam sanctarum virginum multitudo conquiritur: dum et illa per confessionem suscipitur, et hic per passionem glorificatur: dum et illa in virginibus floret, et hic in passionibus gaudet, dans utrisque ad te (1038A)glorioso transitu evocari: dum et illa ad te post insultationem criminum evocatur; et hic post decisam cutem sui capitis glorioso passionis fine concluditur; horum precibus atque suffragiis junge nos tibi indisrupto foedere charitatis: ut, qui per eos tunc tibi consecrasti vasa mundissima, per te nos sanctificatos corpore et spiritu perducas ad coelestia regna.
Pater noster. Liberati a malo. fol. 2.
Benedictio. Christus Dominus, qui inter Julianum, et Basilissam spirituale jussit esse connubium, spirituali vos faciat florere dono virtutum: R\. Amen. Et qui beatum Celsium a latere Martyris non passus est dividi, in nullo vos patiatur a suo corpore segregari; R\. Amen. Atque per eos capiatis aeternae vitae praesidia, per quos sibi Christus multiplicia sacravit vasa (1038B)mundissima. R\. Amen.
Per misericordiam.
Lauda. Gaudium sempiternum. Quaere fol. CLXII.
Oratio. Sancti tui, Domine, Julianus et Socii ejus, ut palma in conspectu tuo florent; plantati radicatique assistunt tuis in atriis sanctis; qui in martyrii certamine constituti, adquisierunt de supplicio palmam victoriae; et de morte in domo tua perpetuam gloriam: Oramus ergo inclyte Deus, ut eorum inlustribus meritis, nobis ob facinora peccatorum veniam condonare digneris. R\. Amen.
Per misericordiam tuam.
In nomine Domini nostri.
Ad Matutinum.
(1038C)Antiphona. Da nobis laetitiam. Psalmus L. Oratio. Redde nobis Domine laetitiam. Fol. CLXIII.
Antiphona 1. Sancti sicut rosae germinant per diem, P. Et velut germen olivae per totam noctem. V\. Beata gens, cujus est Dominus, Deus ejus: populus, quem elegit Dominus in hereditatem sibi. P. Et velut germen. V\. Gloria, et honor. P. Et velut germen.
Oratio. Sancti tui itaque, Domine, Julianus et Basilissa ut rosa germinaverunt in te, qui es verus dies, et ut germen olivae per noctem meruerunt in certamine adipisci praemium salvationis aeternae; eorumque labor fuit in poena, quorum manet merces in gloria: fac ut nos qui Sanctorum tuorum meritis impares sumus, illorum intercessione, te juvante, (1038D)tuo in regno mereamur esse consortes. R\. Amen.
Per misericordiam.
Antiphona 2. Palmae fuerunt in manibus sanctorum: et magno clamore dicebant: P. Salus Deo nostro, qui sedet super thronum, et Agno. V\. Et adjuvabit eos Dominus, et liberabit eos: et salvos faciet eos: quoniam speraverunt in eum. P. Salus Deo nostro. V\. Gloria, et honor. P. Salus.
Oratio. Sancti tui itaque Domine, Julianus. Require in superioribus Vesperis.
Antiphona 3. Isti sunt viri sancti, qui adpropinquant Domino: P. Isti sunt viri justi, pleni justitia, et palmae in manibus eorum. V\. Haec est generatio quaerentium Dominum, requirentium faciem Dei (1039A)Jacob. P. Isti sunt. V\. Gloria, et honor. P. Isti sunt.
Oratio. Cognoscitur, Domine, manus tua in sanctis tuis, dum ad illustris pugnae certamen sublimat sanctum Julianum, Sociosque ejus; sicut herba germinare fecit inter fallacias, et mundi minas, fortissimaque congressione superando hostes iniquissimos: annue precibus Sanctorum misericors et clementissime Deus; ut exemplo tuorum martyrum Juliani et Basilissae nos facias, tuis inhaerendo vestigiis, coronari superno in regno. R\. Amen.
Per misericordiam.
R\. Audivi vocem de coelo dicentem: Julianus dilectus meus, P. Qui pro me Mundum contempsit, deputetur in numero Sanctorum: Basilissa nominis (1039B)sui digna, quae orabat: Haec me implere delectat. V\. Propter dilectum meum [CLXXXIX] Julianum reddatur anima. P. Qui pro me. V\. Gloria, et honor. P. Qui pro me.
Oratio. Ecce, Domine, dilecti tui Juliani et Sociorum ejus miraculorum insignia praedicamus; illi etenim praedicti Martyres in te credendo atque sequendo, ardentibus demersi in cupis, inlaesi, post ignis rutilante claritate resplendent; e quibus vox e supernis intonat.: Juliani dilecti mei fides haec omnia meruit, et majora horum meretur; cum et oculum cuidam credendi in nomine tuo reformat, corpus et animam suscitat, idolorum vanissima simulacra in pulvere redigit: obsecramus te Clementissime per (1039C)hujus Martyris intercessionem; ut inluminentur tenebrae cordis nostri, et resurgamus a sepulchris vitiorum, et templum corporis nostri inlaesum conservemus: ut in aeternum tecum, et cum Sanctis tuis sine fine vivamus. R\. Amen.
Per.
Antiphona 1. Justorum animae in manu Dei sunt, P. Et non tanget illos tormentum mortis. V\. Justi vero hereditate possidebunt terram: et inhabitabunt in saeculum saeculi super eam. P. Et non tanget illos. V\. Gloria. P. Et non.
Oratio. Domine Jesu Christe, coelestis gratiae largitor, qui sanctis tuis Juliano et Basilissae tantam gratiam praestitisti, ut abnegantes omnia, quae hujus mundi sunt, in numero Sanctorum, vel in congregatione (1039D)electorum eos consortes efficeres: oramus ergo te, inclyte Deus, obsequiis Sanctorum, ut nostris mentibus spiritale lumen insinues: ut omni cupiditate hujus mundi a nobis detersa, eorum inlustribus meritis, nobis ob facinora peccatorum veniam condonare digneris. R\. Amen
Per.
Antiphona 2. Filius Dei laetatus est super justos: P. Et in paradiso deliciarum constituet illos. V\. Quoniam Dominus amat judicium, et non derelinquet sanctos suos: in aeternum conservabuntur. P. Et in paradiso. V\. Gloria. P. Et in paradiso.
Oratio. Christe Dei Filius, qui es gloriosus in Sanctis, et admirabilis in majestate; cujus potentia (1040A)virtutis, pro nomine tuo certantibus Juliano athletae tuo et Sociis ejus, tantum doni attribuisti laudis, ut coronam acciperent pretiosam, auro, et gemmis ornatam; et omnia quae vellent fiducialiter a te facere possent: Horum intercessione nos quoque famulos tuos in commilitonum tuorum fideli promissione adjunge; ut, si delicta nostra male vivendo non merentur coronam, vel saltim misericordiae mercede nos pertrahas ad superna: ut eorum sanctis meritis nobis dona gratiae condere, et donare digneris. R\. Amen.
Per misericordiam.
Antiphona 3. Florete sancti sicut rosae plantatae super aquas, P. Et quasi lilium date odorem suavitatis. V\. Plantati in domo Domini, in atriis domus (1040B)Dei nostri florebunt. P. Et quasi lilium. V\. Gloria, et honor Patri. P. Et quasi.
Oratio. Gloriose omnium Rex Christe, cui justitia placet, et sanctitas florida nitet; qui tantam gratiam sanctitatis famulae tuae Basilissae praestitisti, ut, dum illa Virgines admoneret, columna lucis illi appareret, quae eas illuminaret, odorque suavissimus, qui eam confortaret, ut illa sic responderet: Insulto tibi diabole, quia ex grege mihi credito nullus est qui tecum pereat: tu solus de tua poena laetare: Horum intercessione rogamus te, piissime Deus, ut pietatis tuae medelam impertiaris criminibus omnium, qui non meremur gloria meritorum, ut nobis sit indulgentia pietatis ex dono. R\. Amen.
Per misericordiam.
(1040C)R\. Haec dicit Dominus: Visitabo Sanctos meos in medio ignis, et e medio flammae liberabo eos; et dabo eis regnum P. In aeternum, et in saeculum saeculi. V\. Exultabunt Sancti in gloria: laetabuntur in cubilibus suis. P. In aeternum, V\. Gloria, et honor. P. In aeternum.
Oratio. Deus omnipotens aeterne Christe Jesu, quo adjuvante, athleta tuus Julianus super oculum evulsum signum Crucis imposuit, et statim eum inluminare promeruit, invocato nomine Trinitatis: Tu pietate solita, et orantium suscipe vota, et coecitatis nostrae tenebras inlumina: tribue quoque nobis obtentu sanctorum Martyrum largam tuae benedictionis impensionem; quo et tenebrae a caligine (1040D)nostri cordis inluminentur, et peccatorum nostrorum vincula dissolvantur. R\. Amen.
Per misericordiam.
Antiphona 1. Prope timentes Deum salutare ipsius. P. Et super sanctos, et in eos qui convertuntur ad ipsum. V\. Fidelis Dominus in verbis suis: et sanctus in omnibus [CXC] operibus suis. P. Et super sanctos. V\. Gloria. P. Et super.
Oratio. Beatissimorum martyrum Juliani et Basilissae et ejus Comitum praesidiis animati, fida ad Dominum nostrum pergat oratio: ut quorum in hoc saeculo gloriosum celebramus triumphum, eorum in aeternum precibus adjuvemur. R\. Amen.
Per.
Antiphona 2. Justi epulentur, et exultent in conspectu (1041A)Domini: P. Et delectentur in laetitia. V\. Salus autem justorum a Domino: et protector eorum est in tempore tribulationis. P. Et delectentur. V\. Gloria. P. Et delectentur.
Oratio. Memento nostri, Domine; et sicut sanctis tuis Juliano et Basilissae et Comitibus ejus martyrii digna praemia reddis; ita nostris parce et miserere peccatis: ut absoluti de praeteritis, mereamur custodiam de futuris. R\. Amen.
Per misericordiam.
Antiphona 3. Justi susceperunt mortem, ut non confunderentur; sed confortati sunt, ut non praevaricarent testamentum sanctum: P. Et loquebantur omnes propter regnum Domini, et propter testamentum patrum nostrorum. V\. Adhuc multiplicabuntur (1041B)in senecta uberi: et bene patientes erunt. P. Et loquebantur. V\. Gloria, et honor. P. Et loquebantur.
Oratio. Ecce, Domine, clara est vox, quae nos invitat ad convivium, vel ad gaudium Sanctorum, ubi epulantur omnes amici tui: concede nobis famulis tuis, quaesumus, affectum tuae dilectionis, qui nos ad superna adtrahat; atque interventu martyrum tuorum Juliani et Comitum ejus, superno munere conquisisti, per ipsos introduci ad Sanctorum aeterna tabernacula; mereamur. R\. Amen.
Per misericordiam.
R\. Viri sancti, vobis apertus est paradisus, plantata est arbor vitae, praeparata est abundantia, aedificata est civitas, inventa est requies, P. Perfecta est (1041C)charitas, infirmitas a vobis extincta est. Dolores transierunt. V\. Ecce quam bonum, et quam jocundum habitare fratres in unum. P. Perfecta est. V\. Gloria, et honor. P. Perfecta est.
Oratio. Trinitas vera indivisa, Deus summe et une, et trine, qui per parvi temporis tribulationem, vel ad requiem aeternam ire promittis; praesta nobis per intercessum sanctorum Juliani et Sociorum ejus martyrum, ut spiritu ambulemus, et desideria carnis non perficiamus; et sic parentes nostros renuntiemus, ut a te non recedamus: ut, dum charitas tua, quae data est per Spiritum Sanctum, se in nostris diffuderit cordibus, tuis inhaerendo vestigiis, coronemur. R\. Amen.
(1041D)Per misericordiam.
In Laudibus.
Ad Canticum. Antiphona. Diligentes te, Domine, sicut sol in ortu suo resplendens, ita rutilant.
Canticum. Qui sponte obtulistis. Quaere fol. CLXIII.
Ad Benedictus. Antiphona. Sancti et humiles corde, Spiritus et animae justorum, benedicite Dominum.
Canticum. Benedictus es Domine. Fol. 6. Sono. Via justorum facta est. Lauda. Laudate Dominum de coelis Alleluia. Psalmus CXLVIII. Prophetia. Justorum animae in manu Dei sunt. Quaere fol. CLXVII.
Hymnus.
Juliam vita martyris
Amore Christi nobilis
(1042A)Excelsa mundi respuens,
Arcem tenere vult coeli.
Jubetur a Parentibus
Accipere conjugium:
Nec patri fuit obvius,
Nec Deo mente perfidus.
Consulto lucis Auctore,
Jussa complere suggerit:
Laetus pater inducitur,
Basilissaque poscitur.
Junguntur fide compares;
Agunt coelestes nuptias:
Sed illi cordis organo
Renibus uri postulant.
Intrantes in cubiculo
(1042B)Odor rosarum infunditur:
Consentit virgo integrum
Servare contubernium.
Qui captus Antiochiae
Sub Marciano praeside.
Torquetur membris omnibus,
Extinctum novat oculum.
Quo deprecante, perfida
Eversa sunt et idola.
[CXCI] Resurgit Anastasius,
Conversus est et Celsius.
Cupas implent incendii,
Stuppa, pice, et bitumine:
Inlaesi et hinc exeunt
(1042C)Ac templa eversa diluunt.
Adquirit Matrem Puer:
Fit Filius Pater Matris:
Secundae Nativitatis
Filius Matrem regenerat.
Missus in Amphiteatro
Bestiis, pardus leo blanditur:
Et percussus inde vulnere;
Raptus arce est in gloria,
Deo Patri sit gloria,
Ejusque soli Filio,
Sancto simul Paraclyto
In sempiterna saecula.
Amen.
Supplicatio. Oremus. fol. CLXXXVII.
(1042D)Capitula. Domine Jesu Christe, qui Julianum et Basilissam ita gratiae tuae opibus praemunisti, ut sic spiritualis conjugii copula necterentur, ne carnis commixtione ullatenus miscerentur: tu nos ad eorum exemplum efficias castimoniae sublimes, et in diligendo te, fervore Sancti Spiritus coaequales: et sicut illos effecisti tibi vasa mundissima, sic carnali in nobis voluptate devicta, plurimos exemplo eorum accendas ad coelestia regna.
Pater noster. Liberati a malo. fol. 2.
Lauda. Gaudium sempiternum. Quaere fol. CLXII. Benedictio. Christus Dominus, qui inter Julianum. Quaere fol. CLXXXVIII.
In nomine Domini etc.
DIE XIII JANUARII. IN FESTO SANCTORUM QUADRAGINTA MARTYRUM,
(1043A)
Omnia dicantur plurimorum Martyrum, fol. CLXVIII. praeter Officium de Vesperis et Capitula; et Benedictiones et Capitula de Matutinis, quae ut sequuntur.
Ad Vesperum.
Lauda. Lux orta est justis, P. Et rectis corde laetitia. V\. Gaudebunt justi cum omnibus sanctis. P. Et rectis corde.
Sono. Gaudete justi in Domino: rectos decet collaudatio. Alleluia. V\. Confitemini Domino in cithara: in psalterio decem chordarum psallite Deo. Alleluia.
Dominus sit semper. R\. Et cum.
Antiphona. Elevaverunt ad Dominum manus suas, P. Et dixerunt: Domine, quadraginta sumus, quadraginta (1043B)coronentur. V\. Lauda Hierusalem Dominum: conlauda Deum tuum Sion. P. Et dixerunt. V\. Gloria, et honor Patri. P. Et dixerunt.
Dominus sit semper. R\. Et cum.
Lauda. Sanguinem Sanctorum requiram ego, dicit Dominus; P. Et habitabo cum eis in regno meo. Alleluia, alleluia. V\. Fidelis Dominus in verbis suis: et sanctus in omnibus operibus suis. P. Et habitabo cum eis. V\. Gloria, et honor. P. Et habitabo.
Hymnus. Sanctorum meritis. Supplicatio. Oremus. fol. CLXII.
Capitula. Tolle, Deus, gladium de manu diaboli persequentis; ut pax tua abundet in Sanctis: non sinatur amplius vulnerare tentator, quibus talia remedia (1043C)voluit providere Salvator; ut in domo pacis inter filios pacis exclamemus e terris:
Pater noster. Liberati a malo.
Benedictio. Sanctorum suorum Quadraginta Martyrum vos Dominus muniat patrocinio, et expiet a peccato; R\. Amen. Illorum vos efficiat suffragatione felices, quorum nunc estis solemnitatibus obsequentes: R\. Amen. Quo cum illis pariter mereamini coelum, quorum in terra nunc celebratis triumphum. R\. Amen.
Per.
Dominus sit. R\. Et cum.
Lauda. Gaudium sempiternum. fol. CLXII.
DIE XIX JANUARII. IN FESTO SANCTORUM SEBASTIANI, ET EJUS COMITUM.
Ad Vesperum.
(1043D)
Lauda. Exortum est in tenebris lumen rectis corde: P. Misericors, et miserator, et justus Dominus. V\. Directam fecit viam justorum: et praeparavit iter Sanctorum. P. Misericors, etc.
Dominus sit semper. R\. Et cum.
[CXCII] Sono. Justorum animae in manu Dei sunt, et non tanget illos tormentum mortis. Alleluia. V\. Visi sunt in oculis insipientium mori: et extimata est malitia exitus illorum: illi autem sunt in pace. Alleluia.
Dominus sit semper. R\. Et cum.
Antiphona. Justi epulentur, et exultent in conspectu Domini: P. Et delectentur in laetitia. V\. Salus (1044A)autem justorum a Domino: et protector eorum est in tempore tribulationis. P. Et delectentur. V\. Gloria, et honor Patri. P. Et delectentur.
Dominus sit semper. R\. Et cum.
Lauda. Clamaverunt justi, et Dominus exaudivit eos Alleluia: P. Et ex omnibus pressuris eorum liberavit eos. Alleluia, alleluia. V\. Multae tribulationes justorum: et de his omnibus liberavit eos Dominus. P. Et ex omnibus. V\. Gloria, et honor. P. Et ex omnibus.
Hymnus.
Solemne festum ples benigna promite
Sebastiani martyris Sanctissimi,
Quo mundum linquens regna coeli possidet:
Omnes sonoro jubilo concinite,
(1044B)Christoque vota corde puro reddite.
Hic litterarum clarus, et Christicola,
Et Mediolani indolis indigena,
Charus Tyranno erat: nam Principibus
Sub veste ad hoc mundiali militans,
Fidei ut digna mulceret alloquia.
Duo gemelli ac fideles milites
Marcelianus frater et Marcus pius,
Christi dum prona nomen mente colerent,
Multantur diro carcerali vinculo;
Mox audiendi optimo Praesidi.
Ad haec parentes, vel modestae conjuges,
Mugitum dantes, ac petentes carcerem,
Cum blandimentis amicorum noxiis,
Natos demonstrant, ejulando flagitant;
(1044C)Non ut obire appetant, sed degere.
Inter parentum lachrymas vel conjugum,
Christi coeperunt milites mollescere,
Mentesque poenae ad dolores flectere:
Sed tunc eorum coram erat coetibus
Sebastianus belliger fortissimus.
Mox quibus sese objiciens in medio,
Consulto cunctos instruens alloquio,
Mundique falsa esse lucra indicat;
Coelestis regni praedicans insignia,
Vitam finiri propter Christum imperat.
His dum Beatus aptius discerneret
Chorus, cum lumen radians ab aethere,
Sebastianum afficit mox lucidum,
(1044D)Et palliatus juvenis sub lumine,
Quo fertur eum imbui plenissime.
Aedes sunt intra acta haec Nicostrati,
Cujusque prior Zoe uxor credidit,
Annos elinguis quae bis ternos duxerat,
Effecta jussu eloquens tunc Martyris
Ejusque dicta rite prorsus insequi.
Nam se notabat Angelum prospicere
Sacrum tenere ante ipsum codicem,
Per quem digesta hauriebat singula:
Confestim omnes ad hoc credi clamitant,
Ablutionemque ocyus expostulant.
Sed semper cautus, atque dignus praesagus
Sebastianus, imperat Nicostratum,
Ut vinclis tenti traditi carceribus
(1045A)Forent coacti; cum jam tunc credentibus
Baptisma cuncti consequantur aptius.
Quod rite factum credidit et Claudius
Natis cum charis, et cum chara conjuge:
Cum Polycarpus advocatus Presbyter,
Qui persequentum erat metu latitans,
Hic baptizandis nomen dare imperat.
Tunc nomen dantes universi proprium,
Sexdena et octo utrorumque sexuum
Per eum tincti sunt pio in gurgite:
Et jam renati sub divina gratia,
Dies per decem laeta psallunt cantica.
Romae Praefectus urbis sed Cromatius
Ad sciscitandum vocat sic Tranquillinum.
Qui de natorum diceret arbitrio;
(1045B)Fidemque Christi illi plene intimans,
Ipsum credendo sese natum indicat.
Cujus edoctus sospitate arbiter,
Venire Sanctos illico clam praecipit:
Venalem pensans esse Christi gratiam,
Despondet auri infinita pondera,
Artus mederi languidos expostulat.
Non hoc potiri distrahendo opines,
Nisi Christum credas prius, Sancti inquiunt:
Tuo medela erit nulla corpori;
Adest ipse, vovet statim Praeses credere,
Adempta omni pectoris formidine.
Sed mox beatior cernit eum commode,
Deorum ficta prius monstra frangere,
(1045C)Culturam nempe noxiam omnem pellere,
Cunctis delictis abnuere protinus:
Quod ut agatur, optat ille promptior.
At tunc coeperunt Martyres conterere
Delubra vana operis mechanici:
Decorus adstat juvenis Cromatio,
Qui cuncta curat, solvit, et podagricos
Nodos superno protinus calathico.
Sebastiani provido consilio
Tunc aegrotari aemulat Cromatius:
[CXCIII] Praefectus rei alter ait publicae;
Abjecta mundi istius ut dispendia,
Futura vitae rudimenta capiant.
Credit cum patre dulcis et Tiburtius,
Omnisque credit propria familia,
(1045D)Quater et dena centies promiscua
Sacro abluta lavacro discrimina,
Charismatumque consequuntur gratiam.
Antestari magnum galustum potissimum,
Sanctos tuendo qui colligit Cromaticos
Sacris praeceptis, propriis in aedibus;
Quos ille omnes sic fovet et commovet,
Ut pompa nullum saecularis occupet.
Furor sed quia ingruit tyrannidis,
Hoc nulla potest ratione contegi,
Ex sacro scripto jussus et Cromatius,
Causa ut medendi longius ab oppido
Suo, adiret cum suis commercio.
Sanctos utrosque tunc monet intentio
Sebastianum, Polycarpum sanctumque,
(1046A)Ut, quis de illis iret cum euntibus;
Sed ambo quaerunt passionis bravium:
In urbe ambo residere ambiunt.
Sumus sed Papas Polycarpus commonet,
Ut adquisitam plebem nollet linquere,
Novellam Christi rore ubi inriget:
Mox conticescens sacer ad hoc senior,
Blandumque vatis annuit imperium:
Tunc apud Papam remanere Martyres
Marcellianum, Marcum, Tranquillinumque,
Tiburtium, Castolium, Nicostratum;
Cum fratre vero Claudio, vel filio
Sebastianum et Zoe sanctissimam:
Hos autem ipse sancta in Ecclesia
Christo ministros rite omnes consecrat,
(1046B)Explentque sacra vegeti mysteria:
Pollent diverse singuli officiis,
Et praerogata sanitatum gratia.
Sit Trinitati sempiterna gloria,
Honorque summus et potestas inclyta;
Quae Trinitas Pater, Patrisque Filius
Cum Spiritu, unus Deus substantia
Per cuncta regnat saeculorum saecula.
Amen.
Supplicatio. Oremus. mutatis nominibus. folio CLXVII.
Capitula. Alumni tui, Christe, solemne adest Sebastiani festum militis almi; qui nobis recuperandae spei suffragia praebet, et coelestis vitae alimonia fovet: qui dum format devios, perlustrat dogmate indoctos (1046C)sublimis aulae terrenae; sublimi curiae coeli attrahat nos illuc prece, ubi tecum perpetim gaudet: et quibus agonizantibus palmiferum de hoste tulit triumphum, cum eis nos apud te foveat patrocinio indefeso; quem nos orare, et dicere:
Pater noster. Liberati a malo. fol. 2.
Benedictio. Sebastiani martyris nos Dominus suffragio servet, qui illum cum sociis evehit poli ad sedem: R\. Amen. Et qui, illo orante, os quondam obstructum reseravit Zoe, aperiat os vestrum in confessionibus laudis suae; R\. Amen. Ut flagrantes fide, et fulti bonorum opere, ovantes mereamini regna coelestia obtinere. R\. Amen.
Per.
Lauda. Gaudium sempiternum. fol. CLXXVI. Oratio. (1046D)Ecce laetatur in te Domine. Antiphona. Da nobis laetitiam salutaris tui. Psalmus L. Require infra in Matutinis de isto festo. Oratio. Redde nobis Domine laetitiam. Require fol. CLXIII.
Antiphona. 1. Exultabunt Sancti in gloria: P. Laetabuntur in cubilibus suis. V\. Beata gens, cujus est Dominus, Deus ejus; populus, quem elegit Dominus in hereditatem sibi. P. Et laetabuntur. V\. Gloria, et honor. P. Et laetabuntur.
Oratio. Exultare Sanctos in gloria, et laetari in cubilibus suis, divino Spiritu ac prophetica voce praedictum est: Nos igitur sancti Sebastiani patrocinio cohaerentes, in laudem beatissimi hujus Martyris matutina oratione vota solvamus; quos divino (1047A)munere coronatos, tenebrosa morte detersos, filios lucis eloquia Divinitatis testantur. R\. Amen.
Per.
Antiphona. 2. Laetamini in Domino, et exultate justi, P. Et gloriamini omnes recti corde. V\. Gaudete justi in Domino: rectos decet conlaudatio. P. Et gloriamini. V\. Gloria. P. Et gloriamini.
Oratio. Ecce laetatur in te, Domine, martyr tuus Sebastianus; et in te gloriatur, quia a te coronatur: Petimus ergo te, Domine Deus, quantis possumus precibus: ut quia ejus hodierna die festa solemnia celebramus, nostrorum veniam delictorum consequi mereamur. R\. Amen.
Per misericordiam.
Antiphona. 3. Exultationes Dei in faucibus Sanctorum. (1047B)P. Gloria haec est omnibus Sanctis. [CXCIV] Alleluia, alleluia. V\. Vox laetitiae et salutis in tabernaculis justorum. P. Gloria haec est. V\. Gloria, et honor. P. Gloria haec.
Oratio. Exultationes tuae, Domine, in faucibus amuli tui Sebastiani martyris; dum in te gloriatur, in te quoque laetatur: ut, qui pro Domino mirificus extitit triumphator, pro servis existat magnificus intercessor. R\. Amen.
Per misericordiam.
R\. Exultabunt Sancti cum fiducia; P. Et gaudentes, festinabunt videre faciem Dei, cui servierunt, et a quo incipiunt gloriosi mercedem recipere. V\. Exultabunt Sancti in gloria: et laetabuntur in cubilibus suis. P. Et gaudentes. V\. Gloria, et (1047C)honor. P. Et gaudentes.
Oratio. Charitas inclyta, spes certa, fides integra, Domine Deus noster; praesta, ut, dum tibi novum canticum decantamus, veteris malitiae a fermento purgemur: ut, dum in tua laude gloriamur, peccatorum nostrorum onere non premamur: atque ita, suffragantibus sanctis tuis Sebastiano et ejus Comitibus martyribus, potentiam tuam pio concinamus affectu, ut clementiae tuae assiduum mereamur adipisci praesidium. R\. Amen.
Per misericordiam.
In Laudibus.
Ad Canticum. Antiphona. Diligentes te Domine. Canticum. Qui sponte obtulistis. Ad Benedictus. Antiphona. (1047D)Sancti et humiles corde. Canticum. Benedictus es Domine Deus patrum nostrorum. Fol. 6. Sono. Via justorum. fol. CLXVII. Lauda. Laudate Dominum de coelis: Alleluia. Psalmus CXLVIII. Prophetia. Justorum animae in manu Dei sunt. Require fol. CLXVII.
Hymnus.
Jam nunc ad illum properare convenit,
Quia passionis tempus arguet immane
Apostolorum namque natalitio
Zoe beata dum oraret, promptior
Celso per sontem tradidit spiritum.
Dies deductos octo post, Tranquillinus
Pauli ad aulam orans, nihilominus
Diro est hic tunc dilapidatus saxo,
(1048A)Vasto dimersum corpus et in flumine;
Mens vero efflat arduo in sidere:
Horum protinus requirentes corpora
Nicostratus et Claudius cum sobole
Diebus tenti decem, cum Castorio
Mersi marinis amnibus in fluctibus,
Explerunt dignum passionis praemium.
Torquatus Sanctis fraudulenter nectitur,
Commento cujus capitur Tiburtius
Affectu saevo, atque diro vindice;
Quem et mucrone imperavit plectere,
Christoque fortem consecravit Martyrem.
Sanctorum hospes Castulus Zetarius
Captus est; Christi Martyr mox efficitur:
Postquam deinde verberati lanceis
(1048B)Marcellianus sanctus et Marcus probus,
Sic laureati fundunt coelo spiritum.
Togam Deo post acquisitam candidam,
Pulcer ut gregem pastor Christo traditum
Sebastianus, paedagogus optimus
Insidiatur; per crudoles vincitur,
Ac servis ductus principum obtutibus:
Quem jam, Tyrannus imperat mox impius
Duci in campum, et sagittis insui:
Sed Christi postea sanatus gratia,
Inter flagella demum vitam terminans,
Arcem sacratam evolat in aethera.
Adesto nunc beate jam precantibus
Sebastiane; jam tuere servulos
Sancto cum illo comitatu proprio:
(1048C)Dimitte culpam, atque praesta veniam;
Quo omnes fruamur gaudio coelesti.
Fraterna Clerum charitas conglutinet:
Nullum simultas a caterva disgreget:
Fucus, rubigo, luxus, avaritia
Abscedat; omnis impia conventio:
Christum ut mente semper pure ambiant.
Jugum, quo gens impie nunc nos comprimit,
Tuo depelle adjumento gratiae;
Hostis nec morbus adsit, vel penuria:
Adversa cuncta ocyus effugiant:
Pax sit perennis, functis quies placita.
Non nos in ira Judex tunc corripiat,
Cum terror ejus fulserit in gloria:
(1048D)Nec ignis vorax mancipandos adprobet,
Sed te sequentes praevium potissimum
Sanctorum simus compotes consortio.
Praesta, oramus, Trinitas indifferens
Desiderata tibi confitentibus;
Qui solus nomen Deitatis obtinens
Pater cum Verbo, atque Sancto Spiritu,
In Trinitate regnas in perpetuum.
Amen.
Supplicatio. Oremus. Mutatis nominibus. folio CLXII.
[CXCV] Capitula. Gloriosa est palma victoriae sanctorum tuorum Sebastiani et ejus Comitum martyrum Domine; quia quanta virtus est in meritis, tanta patientia probatur in factis: caro cecidit, mundus (1049A)erubunt, persecutor expavit; et quibus fuit in poena vitae, facta est in morte victoria. Te igitur, omnipotens Deus, rogamus, ut interventu eorum nobis venia non negetur omnium peccatorum.
Pater noster. Liberati a malo. fol. 2.
Lauda. Gaudium sempiternum. fol. CLXII.
Humiliate vos benedictioni.
Dominus sit semper vobiscum. R\. Et Cum spiritu tuo.
Benedictio. Benedicat vos omnipotens Dominus sanctorum martyrum Sebastiani et ejus Comitum passione laetantes. R\. Amen. Tribuat vobis omnimodae benedictionis plenitudinem, quibus condere dignatus est legem; R\. Amen. Ut et omnipotenti Deo laudis sacrificium offeratis, et vos indesinentes (1049B)invicem exhibeatis officium charitaatis. R\. Amen.
Per misericordiam ipsiius et, etc.
In festo S. Luciani Presbyteri et Martyris omnia dicantur unius Martyris novem lectionum, folio CLX. praeter Capitula, et Benedictiones de Vesperis; et Capitula de Matutinis, quae ut sequuntur.
Capitula. Beatissimi martyris sui Luciani Presbyteri agonem, divina virtute perfectum, votis solemnibus, fratres dilectissimi, celebremus; ut qui triumphalem palmam per fidei munimenta, Christo opitulante, promeruit obtinere, patrocinii sui nobis intercessum apud eum, cujus jam praesentia gratulatur, dignetur impendere: et ipse nobis peccatorum tribuat veniam, qui eidem contulit immortalitatis coronam.
(1049C)Pater noster. Liberati a malo. fol. 2.
Benedictio. Christus Dominus, qui martyri suo Luciano Presbytero patiendi contulit votum, patientiam vobis tribuat contra omnes inlaecebras vitiorum: R\. Amen. Et qui illi donavit, peracta passione, coronam, vobis conferat, peracto luctamine mundi, gaudia repromissa: R\. Amen. Ut qui in hoc die tanti Martyris ovantes solemnia celebratis, cum eodem post transitum conlocari in coelestibus sedibus gaudeatis. R\. Amen.
Per misericordiam.
Ad Matutinum, Captitula. Cum ex lege tua, Domine, noverimus in memoria aeterna esse justum, non pro illius, sed pro nostri commendatione hoc tibi (1049D)offerimus holocaustum: petentes, ut qui ejus animam fecisti in passione victricem, nostrum votum efficias in confessione victorem; quo, eodem suffragante, clamorem nostrae accipias vocis:
Pater noster. Liberati a malo. fol. 2.
DIE XX JANUARII. IN FESTO SANCTARUM AGNETIS ET EMERENTIANAE VIRGINUM.
Ad Vesperum.
Lauda. Laudaverunt te Domine omnes Angeli tui.
Sono. Alleluia. Justitia plena est dextera tua.
Antiphona. Ecce istae religiosae feminae. Lauda. Filiae tuae Hierusalem in latere surgent. Quaere folio CLXXXII.
Hymnus.
(1050A)
Agnae sepulchrum est Romulea in domo
Fortis puellae, Martyris inclytae:
Conspectu in ipso condita turrium
Servat salutem Virgo Quiritium.
Duplex corona est praestita Martyri,
Intacta ab omni crimine Virgo:
Mortis deinde gloria libera,
Ultro offerens se, nec renuens mori.
Ut vidit Agnes stare trucem virum
Mucrone nudo, laetior haec ait:
Jam te sequentem, Christe, animam voca
Cum virginali tunc Patris hostia.
Sic fata Christum vertice cernuo
Supplex adorat; vulnus ut imminens
(1050B)Cervix subiret prona paratius,
Ast ille tantam spem peragit manu.
Coelestis arcis nobilis incola,
Intende nostris conluvionibus
Vultu, gemello cum diademate;
Cui posse soli cuncti Parens dedit.
Sit Trinitati gloria unicae,
Virtus, potestas, summa potentia,
Regnum retentans; qui Deus unus est
Per cuncta semper saecula saeculis.
Amen.
Supplicatio. Oremus Redemptorem mundi. fol. CLXXXII. Mutatis nominibus.
[CXCVI] Capitula. Adesto, Domine, tibi supplicantibus; et invocantibus nomen sanctum tuum, occurre (1050C)placatus: atque interventu sanctarum Agnetis et Emerentianae virginum et martyrum erectos, ac redemptos, in saecula gaudere concede: ut calicis permixti, cujus nos effusione redemptos fatemur, ipsius transformatione ab hac ignobilitate ad aeternam gloriam perducas.
Pater noster. Liberati a malo. fol. 2.
Benedictio. Christus Dominus, qui virgines suas Agnetem et Emerentianam casto sibi desponsavit amore, indissolubiliter vos sibi suam charitatem ad, societ; R\. Amen. Quique in illis virginitatis contulit donum, conferat in vobis suae gratiae complementum. R\. Amen. Ut qui virginitatis decore non claretis, ex meritis Virginum potiamini gaudiis. (1050D)R\. Amen.
Per misericordiam ipsius Dei nostri, etc.
Lauda. Exaltatae sunt filiae Hierusalem; P. Et processerunt in gloria. Alleluia, alleluia, alleluia. V\. Laetetur mons Sion, et exultent filiae Judae, propter judicia tua Domine. P. et processerunt. V\. Gloria, et honor. P. Et processerunt.
Oratio. Deus, qui harum virginum tuarum Agnetis et Emerentianae non terrenos, sed divinos esse fructus enuncias; fac nos harum obtentu, non terrena sapere, sed mundato corde coelestia praestolari: ut qui harum Virginum devote incolimus festum, a nostrorum criminum sordibus explemur. R\. Amen.
Per misericordiam tuam, Deus noster, etc.
In nomine Domini nostri.
Ad Matutinum.
(1051A)
Antiphona. Da nobis laetitiam. Psalmus L. Oratio. Redde nobis Domine laetitiam. folio CLXIII.
Antiphona 1. Inluxit in cordibus nostris Dominus, qui dixit de tenebris lumen P. Splendescere, ad illuminationem scientiae claritatis Dei, in faciem Jesu Christi. V\. Praeoccupemus faciem ejus in confessione: et in psalmis jubilemus ei. P. Splendescere. V\. Gloria, et honor. P. Splendescere.
Oratio. Deus, qui in cordibus harum virginum Agnetis et Emerentianae martyrum inlucescens, fecisti de tenebris lumen splendescere: ut quae vitiatae fuerant per naturam, essent illuminatae per gratiam; inlucesce in cordibus nostris ad emolumentum aeternae salutis: ut caligine nostrorum vitiorum detersa, (1051B)sola nos lucis tuae claritas sempiterna possideat. R\. Amen.
Per misericordiam.
Antiphona 2. Nos omnes, revelata facie gloriam Domini speculantes, in ejusdem imaginem transformamur a claritate in claritatem, tanquam Domini spiritu. Non ambulamus P. In astutia, neque adulteremur verbum Dei, sed in manifestatione veritatis. V\. Cantate Domino canticum novum: bene psallite ei in jubilatione. P. In astutia. V\. Gloria, et honor Patri. P. In astutia.
Oratio. Revelata facie, tuam, Christe Domine, gloriam speculantes, rogamus, atque exposcimus, ut a claritate spei in claritatem illius perfectae rei, (1051C)mereamur perfectius transformari: ut sicut hae virgines tuae Agnes et Emerentiana de virtute passionis in virtutem aeternitatis proficientes, tanquam a claritate in claritatem translatae sunt; ita nos et in hac spe, qua consistimus, beate vivamus: et dum de hac vita ad illam pervenerimus, tecum sine fine regnemus. R\. Amen.
Per misericordiam tuam.
Antiphona 3. Audite me divini fructus, et benedicite Domino, P. Et confitemini illi in voce labiorum nostrorum, et dicite. Alleluia, alleluia. V\. Cantate, et psallite illi: narrate omnia mirabilia ejus. P. Et confitemini illi. V\. Gloria et honor Patri. P. Et confitemini illi.
Oratio. Deus qui harum virginum tuarum Agnetis, etc. Quaere retro in Vesperis de isto festo.
(1051D)R\. Simile est regnum coelorum decem virginibus, quae accipientes lampades suas, exierunt sponso in obviam. P. Et quae paratae erant, intraverunt cum eo ad nuptias: et clausa est janua. V\. Media nocte clamor factus est: Ecce sponsus venit, exite obviam ei. P. Et quae paratae erant. V\. Gloria, et honor Patri. P. Et quae paratae.
Oratio. Fac nos, Domine Jesu Christe, ut oleum laetitiae in vasis conscientiae pura mentis integritate servemus; quo, dum clamor factus fuerit, tibi sponso venienti ad judicium obviam exeamus, non cum fatuis, sed cum prudentibus Virginibus, coronandi [CXCVII] adnumeremur. R\. Amen.
Per misericordiam tuam Deus noster, et, etc.
In Laudibus.
(1052A)
Ad Canticum. Antiphona. Diligentes te Domine, sicut sol in ortu suo resplendens: ita rutilant.
Canticum. Qui sponte obtulistis. fol. CLXIII.
Ad Benedictus. Antiphona. Benedicimus te Domine, qui sedes super Cherubim, Rex Israel. Canticum. Benedictus es Domine. fol. 6. Sono. Alleluia. Justitia est plena. Lauda. Laudate Dominum de coelis. Prophetia. Audite me divini fructus. fol. CLXXX
Hymnus.
Necnon et ipsos protegit advenas
Puro ac fideli pectore supplices;
Duplex corona est praestita Martyri
Intactum ab omni crimine virginal
Mortis deinde gloria liberae.
(1052B)Ajunt maritali vix habilem thoro
Primis in annis fore puellulam
Christi calentem fortiter Impii
Jussis renisam: quominus idolis
Addicta, sacram desereret fidem.
Tentata binis nam prius artibus,
Nunc ore blandi judicis inlici:
Nunc saevientis carnificis minis
Stabat feroci robore pertinax;
Corpusque duris excruciatibus
Ultro offerebat, non renuens mori.
Tunc atrox tyrannus, si facile est, ait,
Poenam subactis ferre doloribus,
Et vita vilis spernitur: at pudor ejus
Dicatae virginitatis impetendus est.
(1052C)Hanc in lupanar tradere publicum
Certum est: ad aram ni caput applicet,
Ac de Minerva jam veniam roget;
Quam virgo pergit temnere virginem:
Omnis juventus irruet, et novum
Ludibriorum mancipium petet.
Haud (inquit Agnes) immemor est ita
Christus suorum, perdat, ut aureum
Nobis pudorem? nos quoque deserat?
Praesto est pudicis; nec patitur sacrae
Integritatis munera pollui.
Ferro, impia soboles, potes servire:
Non inquinabis membra libidine.
Sic elocutam publicitus jubet,
(1052D)Flexam in plateas sistere virginem:
Stantem refugit moesta frequentia
Aversa vultus, ne petulantius
Quisquam verendum conspiceret locum.
Intendit unus, forte procaciter,
Os in puellam, nec trepidat sacram
Spectare formam lumine lubrico.
Gehennalis ignis flaminis in modum
Vibratur ardens, atque oculos ferit:
Coecus corusco lumine corruit,
Atque in plateae pulvere palpitat.
Tollunt sodales seminecem solo,
Verbisque deflent exequialibus:
Ibat triumphans virgo, Deum Patrem
Christumque sacro carmine concinens,
(1053A)Quod sub profani labe periculi
Castum lupanar nec violabile
Aspecta victrix virginitas foret.
Sunt qui rogatam retulerint preces,
Fudisse Christo, redderet ut reo
Lucem jacenti; tum invenit halitum.
Vitae innovatum usibus integris
Primum; sed Agnes hunc habuit gradum:
Coelestis aulae mox alius datur.
Accensus iram, nam furor incitat,
Hostis cruentus, vincor, ait, gemens:
Stringe ferrum miles, et exere
Praecepta summi regia Principis.
Ut vidit Agnes, stare trucem virum:
Mucrone nudo, laetior haec ait:
(1053B)Exulto talis quod potius venit,
Vesanus, atrox, turbidus armiger,
Quam si veniret languidus ac tener,
Mollisque Ephoebus tinctus aromate,
Qui me pudoris funere perderet.
Hic hic amator, jam fateor, placet:
Ibo irruentis gressibus obviam,
Nec demorabor vota calentia,
Ferrum in papillas omne recepero,
Pectusque adimet vim, gladii traham;
Sic nupta Christo transiliam poli:
Omnes tenebras, aethere celsior.
Aeterne Rector divide januas
Coeli obseratas terrigenis prius,
Ac te sequentem, Christe, animam voca
(1053C)Cum virginali tunc Patris hostia.
Sic fata, Christum vertice cernuo
Supplex adorat; vulnus ut imminens
Cervix subiret prona paratius.
Ast ille tantam spem peragit manu.
Uno sub ictu, nam caput amputat,
Sensum doloris mors cita praevenit:
Exutus inde spiritus emicat;
Liberque in auras exilit, Angeli
Sepsere euntem tramite candido.
Miratur orbem sub pedibus situm:
Spectat tenebras ardua subditas;
Ridetque solis quod rota circuit;
[CXCVIII] Quod mundus omnis volvit et implicat;
Rerum quod atro turbine vivitur,
(1053D)Quod vana saecli mobilitas rapit
Reges, tyrannos, imperia, et gradus,
Pompasque honorum stulte tumentium,
Argenti et auri vim rabidam sitim,
Cunctis petitam per varium nefas,
Splendore multo structa habitacula,
Illusa pictae vestis inania,
Irati, mortem, vota, pericula,
Nunc triste longum, nunc breve gaudium,
Livoris atri fumificas faces,
Nigrescit unde spes hominum et decus:
Et quod malorum tetrius omnium est,
Gentilitatis sordida nubila
Haec calcat Agnes, ac pede proculcat,
(1054A)Stans, et draconis calce premens caput;
Terrena mundi, qui ferus omnia
Spargit venenis, mergit et inferis.
Nunc virginali perdomitus solo
Cristas Cerberi deprimit ignei;
Nec victus audet tollere verticem:
Cingit coronis interea Deus
Frontem duabus Martyris innubae;
Una decemplex edita sexies
Merces perenni lumine conficit;
Centenus extat fructus in altera.
O virgo felix, o nova gloria
Castum vel ipsum redde fornicem:
Purga jam corda propitiabili
Fulgore, nostrum si jecur impleas,
(1054B)Nil non pudicum est, quam pia viscera.
Digneris almo vel pede tangere
Quae tibi vota plebs pia dedicat;
Et a delictis servulos expia,
Quos tua cernis gaudia psallere.
Sursum volatu pernici volitans,
Mitte deorsum gaudia populis,
Qui tui psallunt munere cives,
Dans nobis cunctis vivere saeculis.
Sit Trinitati gloria unicae,
Virtus, potestas, summa potentia;
Regnum retentans, qui Deus unus est
Per cuncta semper saecula saeclorum.
Amen.
Supplicatio. Oremus Redemptorem. Mutatis nominibus. (1054C)fol. CLXXXII.
Capitula. Omnipotens Deus, qui bonitate inenarrabili redimis omnia; interventu sanctarum virginum Agnetis et Emerentianae orationi nostrae aurem tuae pietatis inclina; et contra invisibilis hostis amarissima tela, victricia nobis protectionis, ac fidelia porrige arma: ut qui altitudinem cordis nostri ad excelsa solii tui dirigimus, a conventu malignantium in hac humilitate terrarum verae fidei protectione salvemur, piissime.
Pater noster. Liberati a malo. fol. 2.
Lauda. Exaltatae sunt filiae Hierusalem; P. Et processerunt in gloria. Alleluia, alleluia. V\. Laetetur mons Sion, exultent filiae Judae, propter judicia tua Domine. P. Et processerunt. V\. Gloria, et honor. (1054D)P. Et processerunt.
Benedictio. Dominus Jesus Christus, qui virgines suas Agnetem et Emerentianam casto sibi servavit pudore, castitatis nos dono munificet: R\. Amen. Et qui illas subarrhavit sibi annulo fidei, nos suae connectat indissolubiliter charitati; R\. Amen. Ut eas pro nobis suffragatrices admittat, quas sibi incorrupto amore assumpsit sponsas. R\. Amen.
Per misericordiam.
DIE XXI JANUARII. IN SANCTORUM FRUCTUOSI, AUGURII, ET EULOGII.
Ad Vesperum.
Lauda. Exortum est. Quaere fol. CLXII.
Sono. Dum succenderetur fornax, praeparati sunt (1055A)Ananias, Azarias, et Misael ad comburendum: et ingressi in ignem sic, satiabantur ardore flammae: Angelus enim Dei stetit in medio, vento roris flante: intelligite, arguite. V\. Tunc pueri laetantes canebant: P. Deus omnipotens, terribilis, et metuendus in saecula. Amen: alleluia. V\. Tres pueri jussu regis in fornacem missi sunt: non verentes flammam ignis tamquam ex uno ore canebant: Deus omnipotens, terribilis, et metuendus in saecula amen: alleluia. V\. Tunc illi tres tamquam ex uno ore hymnum canebant, et benedicebant, et magnificabant Dominum de camino ignis ardentis, dicebantque: Deus omnipotens, terribilis, et metuendus in saecula amen: alleluia.
Dominus sit. R\. Et cum.
(1055B)Antiphona. Ut aurum igne probati Sancti, P. Et quasi hostia holocausti accepti sunt in conspectu Dei sui. V\. Justi vero hereditate possidebunt terram: et inhabitabunt in saeculum saeculi super cam. P. Et quasi hostia [CXCIX] V\. Gloria, et honor. P. Et quasi hostia.
Dominus sit semper. R\. Et cum.
Lauda. Columnam ignis ducem habuerunt itineris Alleluia, P. Per quam ostendit Deus lucem eis: Alleluia, alleluia: V\. Expandit nubem in protectionem eorum, et ignem ut luceret eis per noctem. P. Per quam ostendit. V\. Gloria, et honor Patri, etc. P. Per quam ostendit.
Hymnus.
O triplex honor, o triforme culmen,
(1055C)Quo nostrae caput excitatur urbis,
Cunctis urbibus eminens Iberis,
Quorum praesidio fovemur omnes.
Circumstans Chorus ex utroque sexu,
Vestrum psallite rite Fructuosum:
Laudans Augurium resultet hymnus,
Mixtis Eulogium modis coaequans.
Ii inter rapidos focos crepantes
Intrant passibus, et minantur ipsi
Flammarum crepitantibus caminis;
Quos olim fugiet perennis ignis.
Felices animae, quibus per ignem
Celsa scandere contigit Tonantis!
Cunctis pro populis rogate Christum,
Ut nos Tartareo tegat ab igne.
(1055D)Aeterno Genitori Gloria, Christo
Semper genito, sit tibi semper
Compar Spiritui; qui Deus unus
Polles perpetuis inclyte saeculis.
Amen.
Supplicatio. Oremus Redemptorem. Mutatis nominibus. Quaere fol. CLXII.
Capitula. Probata satis est, Domine, tuorum trium vita et festa Sanctorum, ut auri fulgidum radiantis metallum: quorum fidem, dum probabili camino examinas, laudabili judicio tibi placituram adsignas; Habes ergo in tribus his manipulis Sacerdotum, quos ad te mater nostra misit Ecclesia, discreta quidem ordinum, sed veneranda officia Sacerdotum: In (1056A)Fructuoso siquidem Pontificalis gratia fulgens; In Augurio, et Eulogio Leviticae dignitatis ministerium clarens: Nostra ergo vota ii tuis obtutibus sanctificanda insinuent: ille, ut pro te more Sacerdotii consecranda perornet; horum ministerio calicem salutarem sumamus ad vitam: illius invocatione sanctificati perducamur ad gloriam.
Pater noster. Liberati a malo. fol. 2.
Benedictio. Christus, Dei Filius, qui tribus Pueris in camino positis, quartum se dignatus est demonstrare, gratia vos suae visionis inluminet; R\. Amen. Et qui Fructuosum cum suis Diaconibus sacerdotem inter crepantes ignes calore amoris sui non est passus extingui, nullo vos tentationum igne patiatur aduri: R\. Amen. Ut refectionem, quam illi post (1056B)ignes saeculi percipere meruerunt, et vos post vitae hujus excursum capiatis in regione viventium. R\. Amen.
Per misericordiam ipsius.
Lauda. Clamaverunt justi, et Dominus exaudivit eos Alleluia: P. Et ex omnibus pressuris eorum liberavit eos. Alleluia, alleluia. V\. Multae tribulationes justorum: et de his omnibus liberavit eos Dominus. P. Et ex omnibus. V\. Gloria, et honor. P. Et ex omnibus.
Oratio. Mira satis, Domine, tuorum trium est constantia Sacerdotum, Fructuosi videlicet Episcopi, Augurii et Eulogii Levitarum: quorum unita, nec divisa devotio, dum succensione fornacis praeparantur ad comburendum, constanter persistunt in combustione (1056C)viriliter, plus calentes amore tuo, quam devicti incendio alieno: cum, etsi corpora cedunt flammis, victrices animae rapiuntur in aethera; Da ergo nobis, eorum meritis a tentationum igne non tangi, ab aeternis ardoribus erui, et post excursum saeculi, ignitis tibi desideriis copulari. R\. Amen.
Per misericordiam tuam, etc.
In nomine Domini nostri Jesu Christi.
Ad Matutinum.
Antiphona. Da nobis laetitiam salutaris. Psalmus L. Oratio. Redde nobis, Domine, laetitiam. Quaere fol. CLXIII.
Antiphona 1. Dum succenderetur fornax, praeparati sunt Ananias, Azarias, Misael ad comburendum: et (1056D)ingressi in ignem, tunc deambulabant per medium flammae: Angelus enim Dei stetit in medio, vento roris flante non tetigit eos ignis: sic pueri laetantes canebant: P. Deus omnipotens, terribilis, et metuendus in saecula amen, benedicimus te. V\. Clamaverunt justi, et Dominus exaudivit eos, et ex omnibus tribulationibus eorum liberavit eos. P. Deus omnipotens. V\. Gloria, et honor. P. Deus omnipotens.
[CC] Oratio. Mira satis, Domine, tuorum. Quaere retro in Vesperis praecedentibus.
Antiphona. 2. Hi tres missi sunt in medium forna cis conligati, et deambulabant per medium flammae. P. Et odor ignis non fuit in illis, et aspectus quarti similis Filio Dei. V\. Beata gens, cujus est Dominus Deus ejus: populus, quem elegit Dominus, in hereditatem (1057A)sibi. P. Et odor ignis. V\. Gloria. P. Et odor.
Oratio. Hi tres pro tuo nomine in fornacis medio constituti, quaesumus, Domine, mereamur pro nobis in camino saeculi consistentibus exaudiri; ut odor ignis, qui vitiorum fomento nutritur, nullo modo se nobis adtigisse laetemur: qualiter aspectus tui gloria inter flammas saeculi recreati, a lapsu criminum et absoluti reperiamur, et liberi. R\. Amen.
Per misericordiam, etc.
Antiphona 3. Tres pueri jussu regis in fornace missi sunt: non verentes flammam ignis dicebant: Benedictus es. P. Hi tres, quasi ex uno ore laudabant de camino ignis, dicebant: Alleluia. V\. Et clamaverunt ad Dominum, cum tribularentur: et de (1057B)necessitatibus eorum liberavit eos. P. Hi tres. V\.
Gloria. P. Hi tres.
Oratio. Tres pueri, Babylonico camino probati, laudis tibi hostiam, Christe Domine, inter ignes positi cecinerunt, quibus plus virtute tua calentibus non potuit nocere ignis admotus: Erue ergo nos de ignibus vitiorum, et succende vapore virtutum: ut, praecalidi charitatis tuae incendio, victoriam mereamur ferre de mundo. R\. Amen.
Per misericordiam.
R\. Haec dicit Dominus: Visitabo sanctos meos in medio ignis, et e medio flammae liberabo eos, et dabo eis regnum P. In aeternum et in saeculum saeculi. V\. Exultabunt sancti in gloria: laetabuntur in cubilibus suis. P. In aeterum. V\. Et dabo opus eorum (1057C)in veritate, et foedus perpetuum feriam eis. P. In aeternum. V\. Gloria, et honor. P. In aeternum.
Oratio. Domine Jesu Christe, qui Sanctos tuos in medio ignis visitare dignatus es, dum de medio flammae eos coronandos adsumis, quos viriliter pro te certantes martyrium peregisse cognoscis; erue vitam nostram a camino facinorum, et visita nos consolationibus gratiarum: ut cum his tribus Martyribus mereamur habere in coelestibus partem, quibus non passione, sed fide dignoscimur consortes effici. R\. Amen.
Per misericordiam.
Antiphona 1. Ananias, Azarias, Misael, benedicite Deo, P. Qui vos liberavit de camino ignis ardentis. (1057D)V\. Exultate Deo adjutori nostro: jubilate Deo Jacob. P. Qui vos liberavit. V\. Gloria, et honor Patri. P. Qui vos liberavit.
Oratio. Ananias, Azarias, Misael, tres illi pueri Babylonico igne probati, magnum specimen Sanctis, Domine, martyribus praebuerunt, quibus exemplum praebuit eorum veneranda victoria: In illis quidem ignis aufugit, ne morerentur; in istis admissus est, ut coronarentur: dum et in illis, nec dum tempore passionis alto, poenalis ignis non potuit corpora sacrata contingere; et in istis, tempore accepto, quo Christo moriente via jam paradisi aperta consisteret, applicita igni tunc corpora extingueret, quando jam Beatis aperta paradisi janua esset: Benedicimus ergo te Deum, qui et illos liberasti a flammis, (1058A)et istos coronasti post flammas: qui et pro liberandis illis ignes adspargis; et pro adsumendis istis ignes admittis. Da ergo nobis, utrorumque exemplis atque suffragiis, ut sic liberemur a vitiorum carnalium igne; ut ignita eloquiorum tuorum concremati dulcedine, ad te mereamur pervenire in pace. R\. Amen.
Per misericordiam.
Antiphona 2. Ananias, Azarias et Misael servi Dei excelsi. P. Magnus est Dominus, qui de igne liberavit nos. V\. Confitemini Domino, quoniam bonus: quoniam in saeculum misericordia ejus. P. Magnus est. V\. Gloria, et honor. P. Magnus.
Oratio. O beatissimi Martyres Christi, servi Dei excelsi; magnus est Dominus, qui de igne non vos (1058B)ad hoc liberare voluit, ut vita in vobis saeculi permaneret: Qui ergo inter calores ignium vitam meruistis perpetuam, nos inter vapores saeculi prece operite continua. R\. Amen.
Per misericordiam.
Antiphona. 3. Ananias, Azarias, et Misael timentes Dominum, qui eruit eos de medio ardentis flammae, P. Canebant: Alleluia de excelso. [CCI] V\. Exaltent eum in Ecclesia plebis: et in catedra seniorum laudent eum. P. Canebant alleluia. V\. Gloria, et honor, etc. P. Canebant alleluia.
Oratio. Ecce, ad instar trium illorum Puerorum, hi quoque Martyres tui, in ignes saeculi positi, et in camino pro tuo nomine constituti, simili te, Domine, (1058C)devotionis more conlaudant; et illi quidem, timentes te Dominum, canticum tibi concinunt gloriae, qui erueras eos de medio ardentis flammae: hi vero, non ut ab igne non contingantur, concinentes laudum offerunt precem, sed ut a te per ignis supplicia coronentur, hymnum tibi deferunt conscientiae libertate: Da ergo nobis, ut cursum vitae nostrae in pace ducentes, et ab ardoribus libidinum liberi, et a futuris mereamur suppliciis liberari. R\. Amen.
Per.
R\. Sancti, qui per fidem vicerunt regna, operati sunt justitiam, adepti sunt repromissiones, extinxerunt impetum ignis, fugaverunt aciem gladii, P. Fortes facti sunt in bello, V\. Steterunt contra hostes, et de inimicis se vindicaverunt. P. Fortes. V\. (1058D)Gloria, etc. P. Fortes.
Oratio. Admirabile satis est, Domine, Christianae Fidei sacramentum, per quod Martyres tui regna vicerunt, justitiam operati sunt, ignisque impetum extinxerunt: Fac nos ergo, ad instar illorum simili fidei calore fervescere: ut dum fortes extiterimus mundano in bello, aeterno mereamur munerari de praemio. R\. Amen.
Per misericordiam.
Antiphona 1. Notum tibi facimus, rex, quia non colimus deos tuos, et simulacra, quae constituisti, non adoramus. P. Habemus enim in coelis Deum, qui de manibus tuis, rex, potens est liberare nos V\. Da nobis auxilium, Deus, in tribulatione: et (1059A)vana salus hominis. P. Habemus. V\. Gloria. P. Habemus.
Oratio. Domine Jesu Christe, quem Martyres tui in Coelis se habere Deum professi sunt, qui de manibus persecutoris eos posses eripere, dum falsorum deorum simulacra contemnerent adorare: fac, nos te semper in veritate diligere, teque etiam fideliter adorare; ut, omnimoda simulacrorum superstitione devicta, placita tibi Martyrum tuorum imitantes sequamur vestigia. R\. Amen.
Per misericordiam.
Antiphona 2. Ignem, quem tu rex minaris nobis, Deus in coelo potens est liberare nos ex eo. P. Quod si noluerit, scito, quia non sacrificamus idolis. V\. Qui confidunt in Domino, sicut mons Sion: non (1059B)commovebuntur in aeternum, qui habitant in Hierusalem. P. Quod si noluerit. V\. Gloria, et honor, etc. P. Quod si noluerit.
Oratio. Ignis, qui Sanctis tuis, Domine, a persequentibus non solum minatus, sed et praeparatus est ad comburendum, mirabile illis adtulit vincendi compendium: dum ipsa acceleratio poenae cita im eos dirigit ad consummationem victoriae: ut per hoc quod cito flammis adusti sunt, per hoc quamtotius gradum coronae scandere promerentur: Quaesumus ergo, ut meritis Martyrum tuorum futurus ille ignis, impiorum cruciatibus praeparatus, in nullo nos adtingere audeat; sed, Deitatis tuae vexillo potentia liberati, sceptrum mereamur coelestis percipere regni. R\. Amen.
(1059C)Per misericordiam.
Antiphona 3. Tamquam aurum in fornace probavit justos Dominus, et quasi holocausti hostiam accepit illos: P. Et invenit dignos se. Alleluia, alleluia, alleluia. V\. Et eduxit eos in viam rectam; ut irent in civitatem habitationis. P. Et invenit. V\. Gloria, etc. P. Et invenit.
Oratio. Unigenitus Dei Filius, qui Justos tuos tamquam aurum fornacis igne examinas; cordium nostrorum, quaesumus, vires inspicias: et juxta posse nostrum, si placet tibi, ita nos igne tribulationum tentari permitte; ut de bono patientiae hereditatem mereamur in coelestibus obtinere. R\. Amen.
Per misericordiam, etc.
R\. Isti sunt sancti, qui pro testamento Dei ad (1059D)mortem animas tradiderunt; quos lima justitiae, velut aurum purissimum probavit: P. Regnant in perpetuum, nec ab invicem segregabuntur. V\. Sancti amabiles et decori, quomodo in vita sua dilexerunt se invicem; ita et in morte non sunt divisi. P. Regnant. V\. Gloria, et honor. P. Regnant.
Oratio. Domine Jesu Christe, pro cujus testamento Sancti tui ad mortem suas animas tradiderunt, tenti catenis, macerati carceribus, [CCII] perusti incendiis; eorum meritis, justitiae nos lima compone, et velut aurum purissimum in omni sanctitatis opere effice: ut, qui tibi devotis cordibus famulamur, nullo modo in perpetuum a Deitatis tuae consortio segregemur. R\. Amen.
(1060A)Per misericordiam.
Antiphona 1. Ut aurum igni probati sunt Sancti, P. Et tamquam hostiam holocausti accepti sunt in conspectu Dei sui. V\. Quoniam Dominus amat judicium, et non derelinquet Sanctos suos: in aeternum conservabuntur. P. Et tamquam. V\. Gloria, etc. P. Et tamquam.
Oratio. Christe, Filius Dei, qui Martyres tuos, ut aurum probatum igni, ita tibi in holocausti hostiam acceptos esse fecisti; annue precibus nostris, ut ignitis resultantes voluptatibus carnis, proventum mereamur obtinere aeternae felicitatis. R\. Amen.
Per misericordiam.
Antiphona 2. Descendit Angelus de coelo, et excussit flammam, et fecit medium fornacis quasi ventum (1060B)roris flantem, P. Et non tetigit justos ignis, neque molestus eis fuit. V\. Invocabant Dominum, et ipse exaudiebat eos: in columna nubis loquebatur ad eos. P. Et non tetigit. V\. Gloria, et honor. P. Et non tetigit.
Oratio. Deus, qui ministerio descendentis e coelo Angeli tui, trium Puerorum flammas mirifice dispersisti: ut vim naturae suae in illis urens ignis amitteret, qui tuis obtutibus placuissent: redde nos a concrematione vitiorum extraneos: a diaboli laqueis facito esse nos liberos; et tuis nos Martyribus post transitum adsocia coronandos. R\. Amen.
Per misericordiam, etc.
Antiphona 3. Sanctis tuis, Domine, magna erat lux; P. Propter quod igni ardentem columnam ducem (1060C)habuerunt. Alleluia, alleluia. V\. Beati immaculati in via: qui ambulant in lege Domini. P. Propter quod. V\. Gloria, et honor, etc. P. Propter quod.
Oratio. Magna, Domine, Sanctis tuis est lux, dum te in nocte hujus saeculi ignem ardentem columnam habere merentur, qua et inluminantur, quid faciant; et adjuvantur, ut intellecta perficiant: Praesta ergo nobis obtentu Martyrum tuorum; ut luminis tui ducatu tenebrosum saeculi hujus iter agentes, ad aethereas mansiones perveniamus felices. R\. Amen.
Per misericordiam.
R\. Probasti nos Deus: igne nos examinasti, sicut examinatur argentum: Posuisti tribulationes in dorso nostro. Transivimus per ignem et aquam: P. (1060D)Et induxisti nos in refrigerium. V\. Salvasti enim nos, Deus, ex affligentibus nos: et eos, qui nos oderunt confudisti. P. Et induxisti. V\. Gloria, et honor. P. Et induxisti.
Oratio. Deus, qui probatione solita pietatis probare Sanctos tuos voluisti in terris: nec plus eos tentari permittis, quam quod in eis donum tolerantiae adesse conlatum tuo munere praespicis: erue nos ab omni tentatione, quae nostram possit obruere mentem: ut placito tibi famulatu fideliter servientes, sic nos tentari permittas, ut tentatio ipsa non nos in confusionem erroris, sed in amplexum veritatis valenter adstringat. R\. Amen.
Per
(1061A)Antiphona 1. Sanctis tuis, Domine, magna erat lux. P. Eo quod ignem urentem columnam ducem habuerunt in nocte. V\. Invocabant Dominum, et ipse exaudiebat eos: in columna nubis loquebatur ad eos. P. Eo quod. V\. Gloria, etc. P. Eo quod.
Oratio. Deus, qui Sanctos tuos multiplicibus tormentis hominum subdere voluisti, ut haberent de patientia lucrum, de passione trophaeum; erue nos a suppliciis inferorum, ut et hic nos devotio tibi beneplacita jungat, et in futuro fides, qua te credimus, in aeternis sedibus introducat, R\. Amen.
Per misericordiam.
Antiphona 2. Quanta malignatus est inimicus in Sanctis tuis: et gloriati sunt qui te oderunt in medio atrio tuo. P. Eleva manum tuam, Domine, in superbia (1061B)eorum in finem. V\. Incenderunt igni sanctuarium tuum: in terra polluerunt tabernaculum nominis tui. P. Elevaverunt. V\. Gloria. P. Elevaverunt.
Oratio. Domine Jesu Christe, cujus potentia sancti Martyres tui rotantem ignis impetum extinxerunt, et justitiam operati sunt; peccatoribus nobis favorem tuae pietatis indulge: ut per fidem, qua Sancti regna vicerunt, per eam nos peccatores coeleste mereamur obtinere consortium. R\. Amen.
Per.
[CCIII] Antiphona 3. Sancti tui, Domine, quasi oves exultaverunt, P. Glorificantes te; quia liberasti eos. V\. Domine, in lumine vultus tui ambulabunt, et in nomine tuo exaltabunt tota die: et in tua justitia (1061C)exultabuntur. P. Glorificantes. V\. Gloria, et honor Patri. P. Glorificantes.
Oratio. Deus, qui ineffabili splendore pia tuorum martyrum pectora replevisti, coronas tuo munere refulgentes, quasi ut hic ex passione spei gratia mercaverunt, illic a te percipere in munere mererentur: fac, nos splendere et lucere de beneplacita tibi dulcedine proximorum, et dignitate operum perfectorum: ut, etsi effusione sanguinis coronas non meremur accipere, ex fructu dilectionis verae perpetuam mereamur apud te obtinere hereditatem. R\. Amen.
Per misericordiam.
R\. Beati oculi, qui vident, quae vos videtis; et aures, quae audiunt, quae audistis, quia in multis tribulationibus mecum permansistis, dicit Dominus. P. (1061D)Amen dico vobis, quia vobis datum est nosse mysterium regni coelorum, et nomina vestra scripta sunt in coelo. Alleluia. V\. Venite benedicti Patris mei, possidete vobis regnum paratum a constitutione mundi. P. Amen dico vobis. V\. Gloria. P. Amen.
Oratio. Adesto nobis, Omnipotens Deus, sanctorum tuorum Fructuosi Agurii, et Eulogii triumphalem celebrantibus diem, et laetitiam spiritualium tribue gaudiorum concedens eorum intercessione sepultis requiem, offerentiumque tibi corporibus sospitatem: quorum sic fides membris igne decidentibus arsit, ut sentirent corruptibilis naturae defectum, et nescirent coelestis animi mutare propositum, R\. Amen.
Per.
In Laudibus.
(1062A)
Ad Canticum. Antiphona. Diligentes te, Domine, sicut sol in ortu suo resplendens, ita rutilant.
Canticum. Qui sponte. fol. CLXIII.
Ad Benedictus. Antiphona. Tres pueri jussu regis in fornacem missi sunt; non verentes flammam igni, dicebant: Benedictus es. V\. Hi tres, quasi ex uno ore decantabant regi magno, dicebantque: Benedictus es.
Canticum. Benedictus es, Domine. fol. 6.
Sono. Dum succenderetur fornax. Quaere retro in istis Vesperis praecedentibus.
Lauda. Laudate Dominum de coelis Alleluia, alleluia: laudate eum in excelsis. Alleluia. Psalmus CXLVIII.
(1062B)Prophetia. Lectio libri Sapientiae Salomonis (cap. XVI).
R\. Deo gratias.
Passi sunt justi digna tormenta, et per multitudinem bestiarum exterminati sunt. Pro quibus tormentis bene disposuisti populum tuum, quibus dedisti concupiscentiam delectamenti sui, novum saporem, escam parans eis ortygometram: ut illi quidem concupiscentes escam propter ea, quae illis ostensa et missa sunt, etiam a necessaria concupiscentia averterentur. Hi autem in brevi inopes facti, novam gustaverunt escam. Oportebat enim illis quidem sine excusatione supervenire interitum exercentibus tyrannidem: his autem tantum ostendere, quemadmodum inimici illorum exterminarentur. Etenim dum (1062C)pervenit illis saeva bestiarum ira, morsibus perversorum serpentium exterminabantur. Non in perpetuum permansit ira tua, sed ad correptionem in brevi turbati sunt, signum habentes salutis ad commemorationem mandati legis tuae. Qui enim convensus est, non per hoc, quod videbat, sanabatur. sed per te omnium Salvatorem. R\. Amen.
Hymnus.
Felix Tarraco, Fructuoso vestiris
Adtolit caput ignibus chorus
Cum Levitis geminis procul relucens:
His piis nos Deus adspicit benignus.
Arcem quandoquidem potens Iberam
Trino Martyre Trinitas coronat:
(1062D)Ardens Agurius capescit aethera;
Necnon Eulogius, simul supernum
Christi lucidus ad sedile tendit.
Dux et praevius, et magister illis
Ad tantum decus, ex Episcopali
Clarus nomine Fructuosus ibat.
Accitus quia Praesidis repente
Jussu, venerat ad forum Sacerdos,
Levitis comitantibus duobus:
Inde ad carceream viros catenam
Pastus sanguine carnifex trahebat:
Gaudet currere Fructuosus ultro.
Ac, ne quis socios timor feriret,
Praeceptor vehemens eundo firmat,
Incenditque fidem calore Christi.
(1063A)Mecum state viri: vocat cruentus
[CCIV] Ad poenam coluber Dei ministros:
Ne mors terreat, en parata palma.
Carcer Christicolis gradus coronae est,
Carcer provehit ad superna coeli,
Carcer conciliat Deum beatis:
His dictis, adeunt specum reorum.
Exercent ibi mysticum lavacrum,
Et purgamen aquae: stupent tenebrae.
Sex hic continuis latent diebus,
Tandem stant trucis ad tribunal hostis.
Fratres tergeminos tremunt catastae.
Judex Aemilianus imminebat,
Atrox, turbidus, insolens, profanus
Aras daemoniacas coli jubebat.
(1063B)Tu, qui Doctor, ait, seris novellum
Commenti genus, ut leves puellae
Lucos destituant, Jovem relinquant:
Damnes, si sapias, Augusti dogma.
Jussum est Caesaris ore Galiaeni,
Quod princeps colit, ut colamus omnes.
Haec fanti, placidus refert Sacerdos:
Aeternum colo principem, dierum
Factorem, Dominumque Galiaeni,
Et Christum Patre prosatum perenni,
Cujus sum famulus, gregisque Pastor.
Subridens ait ille: Jam fuisti.
Nec differt furor, aut refrenat iram,
Saevis destinat ignibus cremandos:
Exsultant, prohibentque flere vulgum.
(1063C)Quosdam de populo videt sacerdos
Libandum sibi poculum offerentes:
Jejunamus, ait, recuso potum;
Nondum nona diem resignat hora:
Numquam conviolabo jus dicatum,
Nec mors ipsa meum sacrum resolvet:
Sic Christus sitiens Crucis sub hora
Oblatum sibi poculum recusans
Nec libare volens, sitim peregit.
Intrant interea locum rotunda
Conclusum cavea, madens ferarum
Multo sanguine, quem furor frequentat,
Cum spectacula perstrepunt cruenta.
Ac vilis gladiator, ense duro,
Percussus cadit, et fremit voluptas,
(1063D)Hic flammante pyra, niger minister
Ardens supplicium parare jussus,
Construxit fascibus rogum supremis:
Qui cum corpora concremanda solvit,
Ferventes animas amore lucis,
Fracto carceris expediret antro.
Certant officiis pii sodales:
Plantis calciamenta dissolutis,
Pronus detrahere studebat unus.
Sed sanctus vetat ora Fructuosus
Inclinata premi: facessite, inquit,
Ne nostram gravet obsequela mortem.
At quin ipse meos pedes resolvam,
Ne vestigia praepedita vinclis
(1064A)Tardis gressibus inruant in ignem.
Cur lamenta rigant genas madentes?
Cur vestri memor, ut fiam, rogatis?
Cunctis pro populis rogabo Christum.
Vix haec ediderat, relaxat ipse
Indumenta pedum, velut Moyses,
Quondam fecerat ad rubum propinquans:
Non calcare sacram cremationem,
Aut adstare Deo prius licebat,
Quam vestigia pura figerentur.
Stabat calce mera: resultat ecce
Coelo spiritus, et serit loquelam,
Quae cunctos tremefecit audientes.
Non est, credite, poena, quam videtis,
Quae puncto tenui citata transit;
(1064B)Nec vitam rapit illa, sed reformat.
Felices animae, quibus per ignem
Celsa scandere, contigit Tonantis!
Quas olim fugiet perennis ignis.
Haec inter rapidis focos crepantes
Intrant passibus, et minantur ipsi
Flammarum crepitantibus caminis.
Nexus denique, qui manus retrorsum
In tergum renovaverant revinctas,
Intacta cute decidunt adusti.
Non ausa est cohibere poena palmas
In morem Crucis ad Patrem levandas:
Solvit brachia, quae Deum precentur.
Priscorum specimen trium putares,
Quos olim Babylonicum per ignem
(1064C)Cantantes stupuit tremens Tyrannus.
Illis sed pia flamma tunc pepercit
Nondum tempore passionis apto,
Nec mortis decus inchoante Christo.
Hos, cum diffugeret vaporeus ardor,
Orant, ut celer ignis advolaret,
Et finem daret anxiis periculis.
Exorata suos obire tandem
Majestas famulos, jubet caducis
Missos corporibus, sibique reddi.
Vidit Praesidis ex domo Satelles
Coelum Martyribus patere apertum,
Insignesque viros per astra ferri.
Quin, et filiolae monens herili
(1064D)Ostendit sceleris notam paterni,
Coelo vivere, quos ferus peremit.
Haec tum virginitas palam videre
Perfidum meruit parentem coecum,
Ut crimen Domini domus timeret.
Tunc corporibus sacris favillae,
[CCV] Et perfusa mero leguntur ossa,
Quae raptim sibi quisque vindicabat.
Fratrum tantus amor domum referre
Sanctorum cinerum dicata dona,
Aut gestare sinu fidele pignus.
Sed et reliquias resuscitandas,
Et mox cum Domino simul futuros,
Discretis loco dividant sepulchris:
Cernui niveis stolis amicti
(1065A)Mandant restitui, cadaveraque claudi,
Mixto marmori pulvere sacranda.
O triplex honor, o triforme culmen,
Quo nostrae caput excitatur urbis,
Cunctis urbibus eminens Iberis,
Exultare tribus libet Patronis:
Quorum praesidio fovemur omnes
Terrarum populi Pyrinaearum.
Circumstet chorus ex utroque sexu,
Heros, virgo, puer, senex, anicla:
Vestrum psallite rite Fructuosum,
Laudans Agurium resultet hymnus,
Mixtis Eulogium modis coaequans,
Reddamus paribus pares Camaenas.
(1065B)Hinc aurata sonent in arce tecta.
Blandum littoris extet inde murmur,
Et carmen freta feriata pangant.
Olim tempus erit ruente mundo,
Quum te Tarraco Fructuosus acri
Solvet supplicio tegens ab igne.
Fors dignabitur, et meis medelam
Tormentis dare, prosperante Christo,
Dulces Hendecasyllabos revolvens,
Atque tripudians coelo admixtus Chorus
Per saecula vivens in aethera.
Aeterno Genitori gloria, Christo
Semper genito sit tibi semper,
Compar Spiritui; qui Deus unus
Polles perpetuis inclyte saeculis.
(1065C)Amen.
Supplicatio. Oremus, mutatis nominibus, f. CLXII.
Capitula. Christe, Dei Filius, qui et tribus in camino positis pueris liberator mirificus adfuisti; et tribus his martyribus Fructuoso, Agurio, et Eulogio, probatis ignibus claruisti: dum et illis paratam camino mortem evadere, et istis coronas invenire, flammis corpora extinguentibus, concessisti: praebens in utrisque discreta gratiarum officia, dum et illos ignis non tangeret, et istos adtingens facilius coronaret: suspendens ab illis mortem, consumens in istis laudabilem passionem; utrorumque votis obsequenti famulatu ignis ipse deserviens, dum et ab illis, ne morerentur, recederet; et ad istos, ut corona praeoptata veniret: da nobis, ut in utrorumque (1065D)sanctitate laetantes, sic victorias Martyrum celebremus, ut infinita cum eis laetitia gaudeamus.
Pater noster. Liberati a malo.
Lauda. Columnam ignis. Fol. CXCIX.
Benedictio. Christus Dominus, qui Fructuosum Episcopum cum suis Diaconibus examinatos igne perduxit ad regnum, liberatos vos a camino libidinum heredes efficiat regni Coelorum. R\. Amen. Et qui corporum illorum cineres, usurpatos a fratribus, uno in loco tumulandos voluit congregare, ab unitate vos non dividat sanctae matris Ecclesiae: R\. Amen. Ut eum inter flammas concupiscentiae liberatorem mereamini invenire, in quo illi post esuriem meruerunt invenire refectionem. R\. Amen.
(1066A)Per misericordiam.
In nomine Domini.
DIE XXII JANUARII. IN FESTO SANCTI VINCENTII LEVITAE ET MARTYRIS.
Ad Vesperum.
Lauda. Speravit anima mea. Fol. CLVI.
Sono. Spes mea tu es, portio mea in terra vivorum. P. Respice Deus ad orationem meam. Alleluia. V\. In conspectu Domini effundam orationem meam, tribulationem meam ante ipsum pronuntiabo. Cum defecerit a me spiritus meus, et tu cognovisti Domine. P. Respice. V\. Domine in via ista, per quam ambulabam, absconderunt muscipulam mihi. Intendebam in dexteram, et videbam: et non erat, qui recognosceret me. P. Respice Deus. V\. Fuga mea a me periit, nec est qui (1066B)quaerat animam meam. Domine clamavi ad te: P. Respice Deus.
Dominus sit semper. R\. Et cum.
Antiphona 1. Libera me Domine de luto, ut non inhaeream: eruar ex his qui oderunt me. P. Et de profundo aquarum. Non me dimergat tempestas aquae, nec obsorbeat me [CCVI] profundum. V\. Salvum me fac Deus: quoniam introierunt aquae usque ad animam meam. P. Et de profundo. V\. Gloria, et honor. P. Et de profundo.
Oratio. Deus, qui multis passionum generibus mirifice vincentem Vincentium coronasti, liberans illum ab omni exitio tormentorum, ut vestigia ejus, quae luto non inhaeserant vitiorum, mirifice calcarent omne crudelitatis supplicium: ne aquarum obsorberetur (1066C)profundo, qui mente saeculum calcans, jam heres esset proximus coelo: praebe nobis precibus tanti Martyris, nec luto vitiorum adtingi, nec profunda desperationis voragine operiri; sed candida conscientiae libertate decori tibi praesentemur in die judicii. R\. Amen.
Dominus sit. R\. Et cum.
Antiphona. Ego in laboribus multis fui, et in carcere. Ter virgis caesus sum, nocte et die in profundo maris fui; P. Et ex his omnibus liberavit me Deus, qui est benedictus in saecula. V\. Multiplicati sunt super capillos capitis meis, qui oderunt me gratis. P. Et ex his omnibus. V\. Gloria, et honor. P. Et ex his omnibus.
Dominus sit. R\. Et cum.
(1066D)Lauda. Circumdederunt me aquae usque ad animam: Alleluia. P. Pelagus undique me vallavit; in medio mare novissime liberasti me Domine. Alleluia, alleluia, alleluia. V\. De profundis clamavi ad te Domine: Domine exaudi vocem meam. P. Pelagus undique. V\. Gloria, et honor. P. Pelagus.
Hymnus.
Adest miranda passio
Levitae Sancti martyris,
Cui clara virtute flagrans
Corona Vincenti datur.
Beatus ille spiritus,
Quem post triumphum praelii
Post vincla dira carceris
(1067A)Coelestis aula suscipit.
Omnes mirantur perpetim
Post factum cruorem Martyrem,
Quem testularum fragmina
Mucrone acuto vulnerant.
Dolore nullo frangitur
Nullaque poena vincitur,
Flammas ferens per ungulas
Robusta permansit fides.
Ex hinc reponunt mollibus
Christi fidelem militem
Carnis relicto pondere,
Ad astra migrat Spiritus.
Vesanus Imperator feris
Jactum cadaver mandat:
(1067B)Custode Corvo, corpore
Fames lupina pellitur.
Gravis Tyrannum excitat
Furor, jubetque Martyrem
Insutum parvo eculeo
Ponti profundo immergere.
Honor summus tunc redditur,
Jubente Christo, littori;
Refectis undis levibus
Praevenit omnes remiges.
Tu solus o bis inclyte,
Solus bravii duplicis
Palmam tulisti, tu duas
Simul parasti laureas.
Adesto nunc, et percipe
(1067C)Voces precantum supplices,
Nostri reatus efficax
Orator ad Thronum Patris.
Per te, per illum carcerem
Honoris augmentum tui,
Per vincla, flammas, ungulas,
Per carceralem stipitem,
Per fragmen illud testeum,
Quo parta crevit gloria,
Per quem trementes posteri
Exosculamur lectulum.
Miserere nostrarum precum,
Placatus ut Christus suis
Inclinet aurem prosperam;
(1067D)Noxas nec omnes imputet.
Si rite solemnem diem
Veneremur ore, et pectore
Si sub tuorum gaudio
Vestigiorum sternimur:
Paulisper huc inlabere,
Christi favorem deferens,
Sensu gravati ut sentiant
Levamen indulgentiae.
Sic nulla jam restat mora,
Quum excitatam nobilis
Carnem resumat spiritus,
Virtute perfunctam pari.
Ut quae laborum particeps,
Commune discrimen tulit,
(1068A)Sit et coheres gloriae
Cunctis in aevum saeculis.
Praesta Pater piissime,
Patrique compar Unice,
Cum Spiritu Paraclito,
Regnans per omne saeculum.
Amen.
[CCVII] Supplicatio. Oremus. mutato nomine. folio CLXVII.
Capitula.
Adest, Domine, testis tui solemne illud, atque famosissimum festum, quod annuis recursibus mortalium obtutibus praesentatur, in quo hic Vincentius martyr tuus mirabiliter vincens, et solo probatus et pelago, nec terrenis suppliciis vincitur, nec marinis (1068B)gurgitibus compeditur, vincens et tenebras pariter et catenas: dum praedicator luminis nec vinculorum vincitur poenis, nec tenebrosis remoti carceris superatur angustiis; sed potius, qui vere confessus nomen fuerat veritatis, in veritate famulantia sibi videret coelestis obsequia lucis: Qui ergo devoti annua devotione tanti Martyris solemne festum suscipimus, quaesumus, ut susceptionis hujus apud te praemio muneremur, quo memorati Martyris interventu removeas a nostris finibus plagam, et totius nocibilitatis incommoda: quo et proventus frugum placidos terra parturiat, et animae nostrae divinis fonte virtutibus concalescant: ut expulsis tenebrarum operibus in tuo Christe lumine cuncta superantes adversa, et hic et in futuro gaudia nobis in commune exoptata (1068C)proveniant; qui nos orare praestas, et dicere:
Pater noster. Liberati a malo. fol. 2.
Benedictio. Christus Dominus, qui viriliter vincenti Vincentio, tenebroso adsistenti in carcere, et lumine est infusus et munere, sic luce sua nos visitet, ut aeterni muneris conlatione ditificet; R\. Amen. Quique illi refulsit inter tenebras carceris, inlucescat in cordibus vestris ad evadenda futurae supplicia ultionis: R\. Amen. Ut, qui ipso vocabulo sui nominis victor comprobatus est, passionis suae nos precibus consortes efficiat in coelestibus regnis. R\. Amen.
Per.
Lauda. Dilectio tua sicut fons vitae permanet: P. Et sapientia tua velut ornamentum aureum. Alleluia, (1068D)alleluia, alleluia. V\. Non det in commotionem pedem tuum: neque dormi et qui custodit te. P. Et sapientia. V\. Gloria, et honor. P. Et sapientia.
Oratio. Deus, qui mirabiliter vincenti Vincentio daturum te manna absconditum promissisti, ut qui mortalium devicerat genera tormentorum, immortalitatis utique munere ditaretur; concede nobis meritis ejus, qui te fide nomine et passione secutus est, ut nomen novum, quod nobis in Christianitatis titulo est conlatum, et in hac vita possessionem bonorum operum novam nobis adcumulet, et in futuro aeternum nobis regnum, et gaudium praeparet sine fine. R\. Amen.
Per misericordiam.
In nomine Domini.
Ad Matutinum.
(1069A)
Antiphona. Labia mea Domine aperies: et os meum annuntiabit laudem tuam. Psalmus
Oratio. Exultent Domine. fol. CLXXX.
Antiphona 1. Probasti me Domine quasi aurum. Posuisti tribulationes in dorso meo. P. Transivi per ignem et aquam: et induxisti me in requiem. V\. Introibo in domum tuam cum holocaustis: reddam tibi vota mea, quae distinxerunt labia mea. Et locutum est os meum, in tribulatione mea. P. Transivi. V\. Gloria, et honor, P. Transivi.
Oratio. Benedicimus te, omnipotens Deus, qui beatissimum Vincentium martyrem tuum, sicut quondam tres pueros, ab ignis incendio liberasti: cum ejus utique membris adhibita flamma, et si esset (1069B)quae exureret, non tamen esset quae vinceret; ejus ergo precibus rorem misericordiae tuae nostris infunde visceribus, ut madefacto igne carnalis incendii, flamma in nobis tepescat peccati: quae et si a nobis naturaliter non desistat, quaesumus, ne fragilitatem nostram materialiter succensam comburat; sed ita gratia naturae subveniat, ut quod origine caremus, munere restinguere valeamus. R\. Amen.
Per misericordiam.
Antiphona 2. Protector tuus ego sum, noli timere, dicit Dominus. Si transieris per ignem, non comburet te. P. Flumina non concludent te, quia tenebo manum tuam. V\. Per diem sol non uret te; neque luna per noctem. P. Flumina. V\. Gloria, et honor. P. Flumina.
(1069C)Oratio. Christe Filius Dei, protector beatissimi Vincentii martyris gloriosi, qui ejus manum mirabiliter auxilii vice sustentans, nec flammis aduri, nec aquis passus es superari; da nobis, ut nec ignes libidinum nos in quocumque contaminent, nec flamina odiorum in quocumque conturbent: sed [CCVIII] protectionis tuae dextera, qua testis tuus adjutus est, ut marina superaret discrimina; nos quoque adjuvemur, ne futuram veniamus in poenam. R\. Amen.
Per.
Antiphona 3. Tamquam unum ex principibus elegit me Dominus, et ut virum fortem constituit me in praelium. P. Dedit mihi Dominus stolam candidam, et ornavit me corona. V\. Benedictus Dominus Deus (1069D)meus, qui docet manus meas ad bellum, digitos meos ad praelium. P. Dedit mihi Dominus. V\. Gloria, et honor. P. Dedit mihi.
Oratio. Omnipotens Deus, qui Martyrem tuum aeterno nomine munerasti, et eum ex principibus in passione elegisti; ut qui causa nominis tui blasphemantem sustinuisset invidiam, in tuo nomine laudantium sumeret obsequelam, et ornares illum corona: tribue ergo exultantibus famulis indefessum triumphantis auxilium, ut intercessione sedula reformet male scissa indumenta baptismatis, quem pro te dimicantem martyrii cruore respersa stola induisti decoris. R\. Amen.
Per misericordiam.
Probasti me, Domine, sicut probatur argentum. (1070A)Posuisti tribulationes in dorso meo: transivi per ignem et aquam: et induxisti me in requiem. Introibo in domum Domini, P. Qui exaudivit deprecationem meam. V\. Venite, et audite, et narrabo vobis, omnes qui timetis Deum, quanta fecit animae meae. P. Qui exaudivit. V\. Gloria, et honor. P. Qui.
Oratio. Deus, qui probatione solita pietatis probari Sanctum tuum voluisti in terris, nec plus eum tentari permittis, quam quod in eum donum tolerantiae adesse conlatum tuo munere praespicis; erne nos ab omni tentatione, quae nostram possit obruere mentem: ut placito tibi famulatu fideliter servientes, sic nos tentari permittas, ut tentatio ipsa non nos in confusione moeroris, sed in amplexu veritatis valenter adstringat. R\. Amen.
(1070B)Per misericordiam.
Antiphona 1. Vocavi te nomine tuo, dicit Dominus. Si transfretaveris aquas, flumina te non concludent. P. Et si per ignem transire coeperis, flamma non ardebit in te. V\. Labores fructuum tuorum manducabis: beatus es, et bene tibi erit, P. Et si per ignem. V\. Gloria, et honor. P. Et si per ignem.
Oratio. Domine Jesu Christe, qui tuum esse Vincentium martyrem ex nomine ipso pronuncias, dum tibi utique vicit, pro tuo nomine militans, et in transfretatione aquarum, et combustione ignium: dum illi adesse dignaris, insuperabilem illum in ipsis passionibus tuo reddis auxilio; quaesumus pietatem tuam, protegas supplicationibus nostris, ut qui in illo vicisti pondus aquae, et flammas a nobis (1070C)aeternorum ignium extinguas. R\. Amen.
Per misericordiam.
Antiphona 2. Perfectio, et doctrina viro sancto tuo, quem probasti Domine in tentatione. Ponent thymiama in conspectu tuo: P. Et adolebit incensum super altare tuum. V\. Desiderium animae ejus tribuisti ei: et voluntate labiorum ejus non fraudasti eum. P. Et adolebit. V\. Gloria, et honor Patri. P. Et adolebit.
Oratio. Domine Jesu Christe, qui es Ecclesiae tuae caput, praesta, ut Vincentius beatissimus martyr tuus in corpore Ecclesiae constitutus, qui tunc membra pro capite dedit, nunc Caput pro membris adire non cesset; Capitique proximus regat totum. (1070D)et protegat corpus: id impendens uberius, quod se exultat obtinuisse felicius. R\. Amen.
Per misericordiam.
Antiphona 3. Qui habet aurem, audiat quid Spiritus dicat Ecclesiis: P. Vincenti dabo edere de ligno vitae, quod est in paradiso Dei mei. V\. Manus enim mea auxiliabitur ei: et brachium meum confortabit eum. P. Vincenti. V\. Gloria, et honor. P. Vincenti.
Oratio. Domine Jesu Christe, qui beatissimo martyri tuo Vincentio obedientiae aurem tribuere dignatus es, qua salubri cordis intellectu agnosceret, quid sibi Spiritus diceret; da nobis meritis ejus, edere de ligno vitae, et fructum capere hereditatis perpetuae: ut cives Paradisi tui mereamur existere; (1071A)qui tui nunc Martyris incolimus devotissime passionem. R\. Amen.
Per misericordiam.
R\. Vocavi te nomine tuo: meus es tu. Si transfretaveris aquas, ego tecum sum, nec flumina te concludent: P. Per ignem si transire coeperis, flamma non contaminabit. V\. Et dedi homines pro te, et populos pro anima tua. Noli timere, serve meus rectissime, [CCIX] quem elegi. P. Per ignem. V\. Gloria, et honor. P. Per ignem.
Oratio. Omnipotens Dominus, qui beatissimum Vincentium martyrem tuum passionis stimulis, quasi minantium fluctuum cumulis, probari, non obrui, permisisti: cum eum dimicantem nec poena superaret, nec immersum unda supprimeret: quia ei et illic (1071B)adfuisti, ne cruciatibus vinceretur, et hic praestitisti, ut contra naturam fluctibus portaretur; miraculis tantis fidem omnibus praesta, ut vota celebrantibus devotissime conferantur. R\. Amen.
Per.
Antiphona 1. Qui vicerit, et servaverit usque in finem opera mea, P. Dabo illi potestatem super Gentes, et reget eas in virga ferrea. V\. Et ponam in mari manum ejus: et in fluminibus dexteram ejus. P. Dabo illi. V\. Gloria, et honor. P. Dabo illi.
Oratio. Domine Deus, praesta propitius; ut beatissimus Vincentius martyr tuus vincat suis meritis nostra flagitia, qui non suis, sed divinis viribus saevientium potuit superare supplicia: et qui dudum in illis vicit impietatis atrocitatem; in nobis malae cupiditatis (1071C)superet voluntatem. R\. Amen.
Per misericordiam tuam, etc.
Antiphona 2. Adpropiate ad me populi, et congregate vos in domum disciplinae Dei nostri. Videte Vincentii gloriam, quoniam propter quod laboravit, invenit multam requiem: in faciendo eam confirmatus est. P. Laetetur anima nostra in misericordia Dei. V\. Magnificate Dominum mecum: et exaltemus nomen ejus in unum. P. Laetetur. V\. Gloria, et honor. P. Laetetur.
Oratio. Unigenite Filius Dei Patris, qui beatissimum Vincentium martyrem tuum in tuo nomine laborantem fecisti in misericordia tua laetari; quaesumus divinitatis tuae potentiam, ut imitamento ejus, et vota (1071D)nostra pro tuo nomine sint accepta, et nostrorum operum efficientia tibi maneat in omnibus placitura: ut vincentes mundi discrimina, mereamur effici perennis aedificii constructura. R\. Amen.
Per misericordiam
Antiphona 3. Vincenti dabitur corona vitae, et a morte non laedetur; P. Sed dabitur illi stella matutina: V\. Et ego primogenitum ponam illum, et excelsum apud reges terrae. P. Sed dabitur. V\. Gloria, et honor. P. Sed dabitur.
Oratio. Deus, qui vincenti Vincentio potentialiter semper in cunctis ejus et operibus et passionibus claruisti; dum pro his omnibus, et corona illum vitae ditificas, et, ut a morte non laederetur, matutinae stellae promissione conroboras: quae utique resurrectionis (1072A)lucem insinuans, matutina proinde vocata, quia noctem fugat, et lucem adnuntiat: dum, depulsa nocte saeculi, promittitur sydus muneris sempiterni: hujus ergo stellae matutinae nos, Domine Jesu Christe, facito compotes esse: ut promissionis tuae consolatione laetantes, ad fructum justitiae tuae mereamur pervenire indemnes. R\. Amen.
Per.
R\ Vincenti dabo coronam, et faciam illum columnam in templo Dei: P. Adscribam super eum nomen civitatis Hierusalem, et nomen meum novum. V\. Omnis qui vicerit, faciam illum sedere in throno Patris mei. P. Adscribam. V\. Gloria, et honor. P. Adscribam.
Oratio. Domine Jesu Christe, qui mirabiliter (1072B)Vincenti huic martyri tuo et coronam de victoria praestas, et columnam in templo tuo, quasi decorem aedificii, futurum esse adsignas: dum ei et coronanda vincendi studia suggeris, et invictam perseverantiae voluntatem in passionibus praelargiris; da nobis exemplo ejus, et diligendi te votum aequale, et vincendi voluntatem: ut ita nomen civitatis illius novae Hierusalem nostris in pectoribus sit adscriptum, qualiter, dum indesinenter obtutum mentis nostrae in illius visione defigimus, in ejus pace perenniter jocundemur. R\. Amen.
Per misericordiam.
In nomine Domini.
In Laudibus.
Ad Canticum. Antiphona. Circumdederunt me aquae (1072C)usque ad animam: abyssus vallavit me, pelagus cooperuit caput meum. Clamavi ad te Domine, exaudi me.
Canticum. Clamavi ad Dominum. f. 315.
Ad Benedictus. Antiphona. Benedictio Domini in mercedem justi festinat.
[CCX] Canticum. Benedictus es. fol. 6.
Sono. Projecerunt me in medio mari: et facta est mihi tranquillitas magna. P. Quia liberasti me Domine de abysso, et misertus es mei. Alleluia, alleluia. V\. Qui conscendunt mare in navibus, operantes in aquis multis; ipsi viderunt mirabilia tua. P. Quia liberasti me. V\. Abominatus sum in medio aquae: et habitavi in corde maris, et invocavi te Domine. P. Quia liberasti me. V\. Imperasti procellae, et stetit in (1072D)aura: et fluctuatae sunt undae maris, et congratulatus sum nimis. P. Quia liberasti. V\. Gloria, et honor. P. Quia liberasti me.
Lauda. Laudate Dominum de coelis, Alleluia: laudate eum in excelsis. Alleluia. Psalmus CXLVIII.
Lectio libri Esaiae Prophetae (Cap. XLIII, XLIV).
R\. Deo gratias.
Haec dicit Dominus, creans te Jacob, et formans te Israel: Noli timere, quoniam redemite, et vocavi te nomine tuo: meus es tu. Cum transieris per aquam. tecum ero, et flumina non operient te: cum ambulaveris in igne, non combureris, et flamma non ardebit in te: Quia ego Dominus Deus tuus sanctus Israel salvator tuus. Ex quo honorabilis factus es in oculis meis, et gloriosus: ego dilexi te, ego dabo homines (1073A)pro te, et populos pro anima tua. Noli timere, quoniam tecum ego sum. Haec Dominus dicit faciens et formans te, ab utero auxiliator tuus: noli timere serve meus Jacob rectissime, quem elegi. Effundam enim aquam super sitientem, et fluenta super aridam: effundam enim spiritum meum super semen tuum, et benedictionem meam super stirpem tuam. Et germinabunt inter herbas, quasi salices juxta fluentes aquas. R\. Amen.
Hymnus.
Beate Martyr prospera
Diem triumphalem,
Quo sanguinis merces tibi,
Corona Vincenti datur.
Hic te ex tenebris saeculi,
(1073B)Tortore victo, et judice,
Evexit ad coelum dies,
Christoque ovantem reddidit.
Nunc Angelorum particeps,
Nunc lucis insignis stola,
Quam testis indomabilis
Rivis cruoris laveras.
Cum te satelles Idoli,
Praecinctus atris legibus,
Litare diis Gentium
Ferox catenis cogeret.
Ac verbo Principum molli
Suadendo blande effudit,
In catastas ne vita
Libera rapta decidat.
(1073C)Rex, inquit, maximus Orbis,
Qui sceptra gestat Romulea,
Servire sanxit omnia
Priscis deorum cultibus.
Vos Nazareni adsistite,
Fidemque et ritum spernite,
Haec saxa, quae princeps colit,
Placate fumo, et victima.
Exclamat hic Vincentius,
Levita de Tribu sacra
Minister altaris: Deum
Excolimus nos verum.
Tibi ista praesint numina,
Tu saxa, tu lignum colas,
(1073D)Tu mortuorum mortuus
Fias deorum pontifex.
Nos lucis auctorem Patrem,
Ejusque Christum filium,
Quem solum ac verum Deum,
Datiane, confitemur.
Hic ille jam commotior:
Audesne, infelix, ait,
Jussa deorum, et principum
Violare verbis asperis?
Jus est sacratum, et publicum,
Cui cedit humanum genus,
Nec te jubente fervide
Infans periclum permovet?
Hoc namque decretum cape,
(1074A)Aut ara, thure, et cespite
Precanda jam nunc est tibi,
Aut mors luenda sanguine.
Respondit ille altrinsecus:
Age ergo quicquid virium,
Quicquid potestatis tibi est,
Palam reluctor, exerce.
Vox nostra quae sit accipe:
Et Christus, et Pater est Deus,
Servi hujus et testes sumus,
Extorque, si potes, fidem.
Tormenta, carcer, ungulae,
Stridens flammis flamma,
Atque ipsa poenarum ultima,
Mors Christianis ludus est.
(1074B)Vestra insanis vanitas,
Scutumque vestri Caesaris,
Condigna vestris sensibus
Coli jubetis numina.
[CCXI] Excissa fabrili manu,
Cavis recocta, et follibus,
Quae voce, quae gressu carent,
Immota, caeca ligna sunt.
His sumptuosa a splendido
Delubra crescunt marmore:
His colla mugientium
Percussa taurorum cadunt.
Adsunt et illic spiritus:
Sunt et magistri criminum,
Vestraeque salutis aucupes
(1074C)Vagi, impotentes, sordidi:
Qui vos latenter incitos
In omne compellunt nefas,
Vastare justos necibus,
Plebem piorum carpere.
Norunt et ipsi, ac sentiunt
Pollere Christum, et vivere,
Ejusque jam jam adfore
Regnum tremendum perfidis.
Clamant patenter denique
Pulsi ex latebris corporum,
Virtute Christi et nomine,
Denique iidem daemones.
His intonantem Martyrem
Judex profanus non tulit,
(1074D)Conclamat: Os obstruite,
Ne plura jactet improbus:
Vocem loquentis claudite,
Raptumque lictores date,
Illum seorsum canibus
Pastum, manusque exercite.
Infixus in praetorium
Convitiator sentiat,
Impune ne quos sibi
Diis extruendis jusserit.
Tibi ergo soli contumax
Tarpeia calcentur sacra?
Tu porro solus obteras
Romam, Senatum, Caesares?
(1075A)Vinctum retortis brachiis,
Sursum, ac deorsum extendite,
Compago donec ossium
Divulsa, membratim crepent.
Post hinc diversis ictibus
Nudata costarum sunt abdita,
Ut per lacunas vulnerum
Jecur retectum palpitet.
Ridebat haec miles Dei,
Manus cruentas increpans,
Quod fibra non profunditus
Intraretque artus ungula.
Ac jam omne robur artium
Eviscerando cesserat,
Nisusque avenis solverat,
(1075B)Fesso lacertorum toro.
Ast ille tanto laetior,
Omni vacantem nubilo
Frontem serenam lumine
Te, Christe, praesentem videns.
Quis vultus iste, proh pudor!
Datianus ajebat furens:
Gaudet, revinctus, et provocat
Tortorem tortus acrior.
Nil illa vis exercita
Tot noxiorum mortibus
Agone in isto proficit,
Ars idolorum vincitur.
Sed vos alumni carceris,
Parcite, ait, invicto,
(1075C)Cohil ete paulum dextras,
Respiret ut lassus vigor.
Per sicca rursus ulcera,
Dum sese cicatrix colligit
Refrigerati sanguinis
Manus resulcans diruit.
His contra Levites refert:
Suam tuorum praespicis
Languere virtutem canum
Age ipse major carnifex.
Ostende, quo pacto queant
In recessus rescindere
Manus et ipse intersere,
Rivosque ferventes bibe.
(1075D)Erras, cruente, si meam
Te reris poenam sumere,
Cum membra morti obnoxia
Dilaniata interficis.
Est alter homo intrinsecus,
Violare quem nullus potest:
Liber, quietus, integer,
Exors dolorum tristium
Hoc, quod laboras perdere
Tantis furoris viribus,
Vas est solutum, ac fictile,
Quovis frangendum modo.
Quinimo nunc enitere
Illud secare, ac plectere:
Cum perstat intùs, qui tuam,
(1076A)Calcat, Tyranne, insaniam.
Hunc tu lacesse, hunc distorre
Invictum, insuperabilem,
Nullis procellis subditum,
Soli hunc subjectum Deo.
Haec fatur, et stridentibus
Laniatur uncis denuo,
Cui Praetor ore subdolo
Anguinat verba et sibilat:
[CCXII] Si tanta callidi pectoris
Praedurat obstinatio,
Pulvinar ut nostrum inane
Abomineris tangere:
Saltem latentes paginas,
Librosque opertos deroga,
(1076B)Quibus sectam pravam seminas:
In istis crementur ignibus.
His, Martyr, auditis, ait:
Quem tu maligne mysticis
Minaris ignem litteris,
Flagrabis ipse hoc justius.
Nonne scimea coelestis
Vindex erit voluntas,
Tanti veneni interpretem
Linguam perurens fulmine.
Vides favillas indices
Gomorrhaeorum criminum:
Sodomitae cladis cinis
Testes perennis funeris.
Exemplar hoc semper tuum est;
(1076C)Fuligo quem mox sulphuris,
Bitumen, et mista pice
Imo implicabunt tartaro.
His persecutor saucius
Pallet, labescit, et statim
Insana torquens lumina,
Spumasque frendens egerit.
Tunc deinde cunctatus diu,
Decernit extrema omnium:
Ignis, gravati, et luminis
Exerceatur quaestio,
Haec ille sese ad munera
Gradu citato prorupit,
Ipsosque pernix gaudio,
(1076D)Poenae ministros praevenit.
Ventum ad palaestram gloriae,
Spes certat, et crudelitas:
Luctamen anceps conserunt
Hic Martyr, illic carnifex.
Serra lectulum regula
Dente frequenti exasperant,
Cum multa carbonum strues
Vivum vaporat halitum.
Hunc sponte conscendit rogum.
Vir sanctus, ore interrito,
Coeli et coronae conscius,
Celsum tribunal scandere.
Subter crepante aspergine
Scintillat excursus salis,
(1077A)Punctisque fervens stridulis
Sparsimque artus figitur.
Arvina post hinc igneum
Impressa cratem lambit,
Vix unda foris fumida
In membra sensim liquitur.
Hic interim immotus manet,
Tamquam dolorum nescius,
Tenditque in altum lumina:
Nam vincla palmas presserant:
Sublatus inde fortior,
Lugubre in antrum truditur:
Ne liber ortus luminis
Animaret altum spiritum.
Est intus imo ergastulo
(1077B)Locus tenebris nigrior,
Quem saxa mersi fornicis
Angusta clausu strangulant.
Aeterna nox illic latet
Expers diurni sideris.
Hic carcer horrendus suos
Habere fertur inferos.
In hoc barathrum conjecit
Truculentus hostis Martyrem,
Lignoque plantas inserit;
Divaricatis cruribus.
Quin addit ad haec poenam novam,
Crucis pericli artificis,
Nulli tyranno cognitam,
(1077C)Nec fando compertam retro.
Fragmenta testarum jubet
Hirta impolitis ungulis
Acuminata, informia,
Tergo jacentis sternere.
Totum cubile spiculis
Armant dolore saxisque:
Insomne qui subter latus
Mucrone pulset obvio.
Hac ille versatur umbra
Meditare artes, quas struxerat;
Sed Beelzebud callida
Commenta Christus destruxit.
Nam carceralis caecitas
(1077D)Splendore lucis fulgurat,
Duplexque morsus stipitis
Ruptis cavernis dissilit.
Agnoscit hic Vincentius
Adesse, quod speraverat,
Tanti laboris praemium,
Christum datorem luminis:
Cernit deinde fragmina
Jam testularum, mollibus
Vestiri semet floribus,
Redolente nectar carcere.
Quin et frequenter Angeli
Stant, et loquuntur cominus,
Quorum unus ore augustior
Compellat his dictis virum:
(1078A)[CCXIII] Exurge Martyr inclyte,
Exurge securus tui,
Exurge, et almis coetibus
Noster sodalis adhaere.
Praesta Pater piissime,
Patrique compar Unice,
Cum Spiritu Paraclito
Regnans per omne saeculum. Amen.
Supplicatio. Oremus Redemptorem. Fol. CLXXXVII.
Capitula. Domine Clementissime Deus, tribue; ut fortissimus Vincentius martyr tuus, qui, pro te viriliterdimicans, tuo munere vicit, ita nobis in tuo nomine jugiter adsit, ut victor eculei, victor existat peccati: quotidianas abluat culpas, qui tot tantasque supergressus est poenas; ut, qui pro Domino mirificus extitit (1078B)triumphator, pro servis existat magnificus intercessor.
Pater noster. Liberati. fol. 2.
Lauda. Alleluia. Dilectio tua sicut. fol. CCV.
Benedictio. Dominus Jesus Christus, qui potenter vincenti martyri suo Vincenti matutinam stellam donavit in munere, et primae resurrectionis et futurae vos gaudiis ditet; R\. Amen. Et qui eidem Vincenti manna dedit absconditum, obtentu ejus glorioso vos immortalitatis vestiat indumento: R\. Amen. Ut exemplo memorati martyris et carceres vincentes et flammas; educti e carcere saeculi, flammas evadatis aeterni supplicii. R\. Amen.
Per misericordiam.
In nomine Domini.
In exeunte Vespera.
(1078C)Lauda. Speravit anima mea in Domino.
Sono. Spes mea tu es portio mea. fol. CCV.
Antiphona. Vincentius sanctus, ut solis radius splendet, et sicut lilia campi floret. P. Portans odorem suavitatis in conspectu Domini. V\. Domine in virtute tua laetabitur Rex: et super salutare tuum exultabit vehementer. P. Portans. V\. Gloria, et honor. P. Portans
Dominus sit. R\. Et cum.
Lauda. Coronam splendidam sempiternam Alleluia. P. Vincenti dabo. Alleluia, alleluia. V\. Manus enim mea auxiliabitur ei, et brachium meum confortabit eum. P. Vincenti. V\. Gloria, et honor P. Vincenti.
Hymnus. Adest miranda passio.
(1078D)Supplicatio. Oremus Redemptorem. fol. CLXXXVII.
Capitula. Deus, qui Levitam tuum Vincentium tanto virtutum munere decorasti, ut ministerii sacri fretus officio, Filium tuum Dominum nostrum secuturus in passione, ejusdem Christi tui calicem ministraret prius credentibus in salutem: tu nos facitu coram te digne tractare suscepta ministeriorum officia, quorum gestandam suscepimus obsequelam, quo martyr tuus Vincentius divino auctus spiritu persequentem Datianum objectibus duris adgreditur, cum contra Valerium Episcopum suum leviter musitasse conqueretur: meritis suis tribuat omnibus in hac vita feliciorem excursum, in futuro regnum beatitudinis infinitum: ut sicuti eum inter poenas suscepisti te confitentem; ita nunc jubeas exaudire pro (1079A)nobis orantem, cum ad te proclamaverimus e terris.
Pater noster. Liberati a malo. fol. 2.
Benedictio. Deus, lumen aeternum, qui nova luce martyri suo Vincentio posito refulsit in carcere, inlucescat in cordibus vestris ad aeternam remunerationem: R\. Amen. Et qui corpus ejus in medio mari demersum marinis gurgitibus revocavit ad littus, revocet vitam vestram ab interitu, et noxiis actibus: R\. Amen. Quique, corvo obsequente, dilatavit praedicti Martyris gloriam, devotionem vestram solita propitiatione suscipiat. R\. Amen.
Per.
Lauda. Alleluia. Dilectio tua sicut fons vitae permanet.
Oratio. Deus qui mirabiliter. fol. CCVII.
DIE XXV JANUARII. IN FESTO SANCTI BABILAE EPISCOPI, ET TRIUM PUERORUM.
(1079B)
Ad Vesperum.
Lauda. Exortum est in tenebris. Sono. Justorum animae. fol. CLXII.
Antiphona. Justi epulentur, et exultent in conspectu Domini, P. Et delectentur in laetitia. V\. Salus autem justorum a Domino: et protector eorum est in tempore tribulationis. P. Et delectentur. V\. Gloria, et honor. P. Et delectentur.
[CCXIV] Lauda. Justi jocundentur Alleluia, P. Et laetentur, Alleluia, alleluia. V\. Vox laetitiae, et salutis in tabernaculis justorum. P. Et laetentur. V\. Gloria, et honor. P. Et laetentur: Alleluia alleluia.
Hymnus.
(1079C)
O Sacerdotum inclyta corona,
Atque coruscum Levitarum ordo,
Clero adscito, praecinamus hymnum
Mente benigna.
Formam exempli Babilas Antistes
Nobis tenendam dimicans impressit:
Ne templi Dei ostia pandamus
Callido hosti.
Hic vir virtute fidei munitus
Antiochenam dum regeret arcem,
Sprevit profanum atriis sanctis
Numerianum.
Illico captus sistitur tyranno,
In fola verus Christo immolandus:
(1079D)Versutiosa abdicat asserta,
Vera utendo.
Reputans namque dogmata perversa,
Rerum fatetur omnium Auctorem,
Celsi Parentis coaeternam prolem,
Orbem creasse.
Aris hortatur daemonum litare,
Spernens arctatur vacis catenarum,
Colo gravatur pondere bolarum,
Compede pede.
Fit gregi pastor magnum documentum,
Urbi mostratur veluti contemptus:
Hinc ovans defert Christo vota laudum
Victor insignis.
Fictilem vicit ratiocinando;
(1080A)Vanas perdocet liberales artes;
Indicit sensum potius disertum
Trium puerorum,
Soboles sequens genitrix, quos mittit
Agonizandos Praesule cum almo:
Qualia pati Patrem et Magistrum
Eumdem dicunt.
Hic quippe parens verus ut Abraham est,
Hostia qui se tribus cum Pueris
Obtulit sacra stipitis in ara
Regi polorum.
Inter insontes lotis ulnis ambit
Sacrum altare stipiti elatus,
Dira dum perfert vincla vel tormenta,
Comitans docet.
(1080B)Simul confessi nomen Trinitatis,
Sustinent simul lacerantem ictus;
Sed rapuere ab hoste trophaeum
Dono divino.
Ad perimendum postmodum producti,
Alacres pergunt, carmen praecinentes
Tripudii psalmi, ultricem quadragenum,
Voce sonora.
Tunc Praesul plebem contestans affatur;
Ita ut esse vinclis oneratus,
Ad confundendum judicem profanum
Sepeliretur.
Parvulos quoque Babilas litandos
Patri adsignat ense verberandos;
(1080C)Quorum agonem pulchrius consumat
Sanguine fuso.
Quique concepti urna sepulchrali,
Vigent perenni memoria passi,
Sede promissa potiti in arcem
Diademate.
Bino in ipsis munere per ipsos
Obtines missos, civitas quaesita:
Nimium gaude, glorians in Christo
Jubilo magno.
Hic obsequenda membra rediviva
Possidet; sursum animas victrices
Stolis indutas candidis, fulgentes,
Palmas gerentes.
Inde Redemptor cerne de supernis
(1080D)Ratem redempti gregis, incubantem
Saecli in mare, turbina impulsantem
Tentationum.
Dexterae tuae auxilium praebe,
Eamque cunctis a malis defende:
Tecum victuram vehens in supernis
Aevo perenni.
Gloria summa, Christe, tibi semper,
Simul cum Patre, Spirituque Sancto:
Sit nunc, et semper soli, tibi Deo
Trino, et uno.
Amen.
Supplicatio. Oremus Redemptorem, mutatis nominibus, fol. CLXXXVII.
Capitula. Intendite, fratres charissimi, sacerdotis (1081A)Babilae inconvulsae spei virtutem, triumque Puerorum robustiorem animi fidem, quam valentem corporis qualitatem; quos praedictus doctor egregius gladio continuo percussuros, sacris ulnis congeminando, complectitur; gratias flebiliter referens Creatori, quod eos, quos de manu ejus acceperat coronandos, obtulerit illi: Horum igitur exemplum constantiae imitantes, mores corrigamus in melius, charitatem teneamus ad invicem, per dilectionem exceptum ministerium expleamus; et ad servitutem Dei caeteros inflammemus: Operari justitiam delectemur, [CCXV] noxia fugiamus, spiritu oremus, atque dicamus:
Pater noster. Liberati, a malo. fol. 2.
Benedictio. Babilae precibus solvantur vestra peccata; (1081B)cujus virtute Numeriano domus Dei obserata sunt limina; R\. Amen. Ejusque suffragio animarum vestrarum vos gaudeatis obtinuisse lucrum, cujus documento trium Puerorum societas meruit subire Martyrium: R\. Amen. Ut sicut iidem infantuli, magistro subsequente, gladii pro Christo parili animadversione truncati sunt; sic vos unita vincti societate, divinum semper agatis obsequium. R\. Amen.
Per misericordiam.
Lauda. Gaudium sempiternum. fol. CLXII.
Oratio. Praesta, Domine, ut dum Sanctorum Babilae, et trium Puerorum veneranda templa suscipimus; ipsi tibi templum puri cordis, et impolluti corporis effici mereamur: atque in domus tuae receptaculis (1081C)perdurantes, electorum tuorum mereamur esse participes. R\. Amen.
Per misericordiam.
In nomine Domini.
Ad Matutinum.
Antiphona. Da nobis laetitiam. Psalmus
Oratio. Redde nobis Domine laetitiam. Fol. CLXIII.
Antiphona 1. Fecisti Domine in mari viam, et inter fluctus semitam firmissimam ostendens: P. Quia potens es, transeuntes mare salvare. V\. Juxta est Dominus his, qui tribulato sunt corde: et humiles spiritu salvabit. P. Quia potens. V\ Gloria, et honor. P. Quia potens es.
Oratio. Noli nos, Domine, nostris onerare ponderibus: (1081D)et qui Judaeae partibus innotesceris, plurimum deprecamur; ut nostris pectoribus immoreris: et cujus Hierusalem nomen est magnum; intercessione Sanctorum Babilae, et trium Puerorum martyrum sit in nostra conversatione praecipuum. R\. Amen.
Per misericordiam.
Antiphona 2. Transierunt mare rubrum, quasi per aridam terram, haec dicit Dominus. Transite, transite: P. Quia ego vos deducam de terra mea. V\. Gaudete justi in Domino: rectos decet collaudatio. P. Quia. V\. Gloria, et honor. P. Quia.
Oratio. Omnipotens Deus, qui oculos tuos dirigis super justos, meritis eorum preces nostras dignanter intende: ut et a peccatis nostris vultus visitatione (1082A)purgemur, et numero tuorum misericordiae tuae munere sociemur.
Antiphona 3. Deus qui glorificaris in concilio Sanctorum, P. Magnus et metuendus es: Alleluia. V\. Lauda Hierusalem Dominum: conlauda Deum tuum Sion. P. Magnus. V\. Gloria, et honor. P. Magnus.
Oratio. Praesta Domine, ut dum Sanctorum.
Quaere in istis Vesperis praecedentibus.
R\. In paradiso Dei requiescunt sancti, quorum fructus indeficiens perseverat, in quo est satietas et medella. P. Supra stellas fulgebunt facies eorum. V\. Fulgebunt justi, et tamquam scintillae in arundineto discurrent. P. Supra stellas. V\. Gloria, et honor. P. Supra.
In Laudibus.
(1082B)Ad Canticum. Antiphona. Diligentes te Domine sicut sol in.
Canticum. Qui sponte obtulistis. Ad Benedictus. Antiphona. Sancti et humiles. fol. CLIV. Canticum. Benedictus es Domine. fol. 6. Sono. Salus justorum a Domino. Lauda. Laudate Dominum de coelis. Psalmus CXLVIII. fol. CLXIV. Prophetia. Justorum animae. fol. CLXVII. Hymnus. O Sacerdotum. fol. CCXIV. Supplicatio. Oremus, mutatis nominibus. fol. CLXXXVII.
Capitula. Deus, Sanctorum gloria, et copiosus misericordia, exaudi plebem tibi supplicem, per Sanctorum te suffragia postulantem: rege nos per alternas temporum vices, et per dispares dierum, ac noctium successiones pari protectione custodi; ut adjuti sanctorum tuorum Babilae, et trium Puerorum (1082C)martyrum precibus, qui diem hunc per misericordiam tuam prosperum duximus, noctem quoque hanc beneplacita tibi animarum, et corporum puritate ducamus.
Pater noster. Liberati a malo. fol. 2.
Lauda. Laus Domini in Ecclesia Sanctorum. Alleluia. P. Laetetur Israel in eo, qui fecit ipsum. Alleluia, alleluia, alleluia. V\. Cantate Domino canticum novum: quia mirabilia fecit. P. Laetetur. V\. Gloria, et honor. P. Laetetur.
[CCXVI.] Benedictio. Beatissimorum martyrum suorum Babilae, et trium Puerorum vos Dominus intercessione custodiat: R\. Amen. Sperantium in se necessitates placatus intendat; R\. Amen. Et supplicantium culpas propitiatus omittat. R\. Amen.
(1082D)Per misericordiam.
In nomine Domini.
DIE XXVIII JANUARII. IN FESTO SANCTI TYRSI MARTYRIS.
Ad Vesperum.
Lauda. Lux orta est justis. P. Et rectis corde laetitia. V\. Gaudebunt justi cum omnibus Sanctis. P. Et rectis corde.
Dominus sit. R\. Et cum.
Sono. Gaudete justi in Domino: rectos decet collaudatio. P. Alleluia. V\. Confitemini Domino in cithara: in psalterio decem chordarum psallite Deo. P. Alleluia.
Dominus sit. R\. Et cum.
(1083A)Antiphona. Contempserunt Sancti vitam mundi, et pervenerunt ad praemium regni, P. Et laverunt stolas suas in sanguine Agni. V\. Quoniam Deus amat judicium, et non derelinquet Sanctos suos: in aeternum conservabuntur. P. Et laverunt. V\. Gloria, et honor. P. laverunt.
Dominus sit. R\ Et cum.
Lauda. Beati mundo corde, quoniam ipsi Deum videbunt. P. Alleluia, alleluia, alleluia. V\. Beati, qui custodiunt judicium, et faciunt justitias in omni tempore. P. Alleluia. V\. Gloria et honor. P. Alleluia.
Hymnus.
Exulta nimium, turba Fidelium;
Solemne hodie Martyris inclyti
Est festum: modula carmina fortiter
(1083B)In laudem Domini, atque potentiam.
Coelestis patriae gaudia cogitans
Tyrsus, vir pepulit omnia saeculi
Sanctus; cum minime crederet in Deum,
Afflatus subito flamine sancto est.
Saevum conspiciens judicem, increpat:
Cur sanctos Domini, inquit, atrocior
Poenis discrucias valde crudelibus?
Infelix! Erebi igne cremandus es.
Illico rabidus tempore presserat
Hostis Cumbricius, membra colentium
In terra Dominum multa perempta sunt,
Sanctorum nitida millia Martyrum.
Sanctus pro Domino Leucius nititur
Electam animam tradere: potius
(1083C)Diversa genera pertulit innocens
Poenarum, cupiens praemia coelica.
Athleta pedibus impiger ambulans
Tyrsus, regem ubi reperit impium,
Apprehendens tenuit, admonet, et docet,
Jam falsa ut colere idola temneret.
Tunc laeto simulans ore locutus est:
Te, Tyrse, cupio consilio meo
Adsensum tribuens, ut sacrifices diis;
Ut magnas accipias copias munerum.
Sanctus, perspicuum est, ait, impie,
Quod totus habitet ille nequissimus
In te nunc coluber pravus, et invidus:
Cum tali pereas principe horride.
(1083D)Gastrum perniciter adfore praecipit
Plenum lympha, caput Martyris suffocat:
Corpus, quod superest, fustibus caedere
Nodosis acrius pestifer imperat.
Sed servus Domini voce piissima
De vase miserum judicem increpat:
Agnosce Dominum, lubrice et invide,
Cum cernis opera magna et inclyta.
Turris construitur altius eminens,
Per gyrum gladiis fixis in ordinem
Almus ut fastigio positus decidens
Ense susciperet membra fidelia.
Magnus tu, Domine, prae diis omnibus!
Multum mirificus in te credentibus!
Pravis muscipula sis! Sanctus in aethera
(1084A)Christi glorificat omnipotentiam.
Victus non valuit insatiabilis
Saevus terribilis, et nova cogitat
Tormenta, sitiens vincere Martyrem;
Sed Sanctus Dominus conterruit malum.
Ne Tyrse timeas, sic ait Angelus:
Directus ego sum a Domino Deo
A te supplicia auferam omnia;
Hostemque poteris vincere pessimum.
Exaudi, Domine. Cogitat impius
Inferre onera, vincula et omnia:
Fervens oleum, plumbum, et ungulas;
Ut Sanctum superet martyrem, et necet.
Cernens proficere nil suis viribus,
Sanctum praecipitem in mari praecipit
(1084B)Jactari, videant ne oculi hominum
Ter dena stadia a littore longius.
Quam mira, Domine, sunt opera tua!
Adducunt manibus Martyrem Angeli,
Et dulci resonant carmine canticum:
Judex non meruit cernere Angelos.
[CCXVII] Debemus penitus facta retexere,
Quae sanctis meritis reddiderit bona,
Tribus judicibus culpa labentibus,
Quos terra repulit mortuos saepius.
Exorant populi Martyrem; Inquiunt:
Oramus, Domine, praecipe protinus;
Terra ut suscipiat corpora judicum,
Quae scatens putrida, vermibus funditur.
Clementer lachrymas sarculum accipit,
(1084C)Designans locum ubi corpora condere
Deberent: veniam da, Pie poscimus
Martyr; nos humiles credimus in Deum.
Laetentur omnium corda volentium
Coelestis patriae quaerere gaudia;
Et pravi faciant nulla nocentia,
Ut venti a facie stipula pervolent.
Te Martyr lachrymis vernule poscimus:
Per te omnipotens Conditor ocyus
Durum quo premimur hoc jugum auferat;
Et laetos faciat saecla in omnia.
Jam Summe Domine respice saucium
Delictis populum: dele chirographum;
Et nostrum gemitum cerne propitius,
Dans nobis auxilium tempore congruo
(1084D)Defunctis requiem omnibus, Optime
Concede: tempora prospera tribue;
Victum pauperibus; subsidium viduis:
Omnes percipiant, quod pie postulant.
Te nostra jubilet gloria perpetim,
Qui solus Dominus trinus et unus est
Jugi imperio saecula continens,
Et cuncta dominans omnibus imperans.
Sit Trino Domino gloria sedula,
Regnum perpetuum, atque potentia;
Virtute solita, qui regit omnia
Sustentans condita pie per saecula.
Amen.
(1085A)Supplicatio. Oremus Redemptorem. mutatis nominibus. fol. CLXXXVIII.
Capitula. Auctor lucis, fons luminis, et immensi claritas splendoris, Christe, ingeniti Patris unigenita proles, qui athletae tuo Tyrso perenni fontis lavacro sitienti portitorem luminis nuntium coelis destinasti; ut ille eum exterius luminaret, quem ab intus accenderas; ut fieret lucerna pedibus, qui esset lustrator mentis assiduus: arde quaesumus in mentibus nostris almo ignis tui fervore, quem te ab arce missurum tuo es pollicitus ore: ut flagrans interius ad exurenda vitia, lustret exterius ad capienda praemia sempiterna, piissimus.
Pater noster. Liberati a malo. fol. 2.
Benedictio. Christus Dei Filius, a quo beatissimus (1085B)martyr Tyrsus ante est passione fruitus, quam lavacro, ipse nos munificet dono aeternitatis, et remuneret praemio sempiterno benedictionis: R\. Amen. Et qui illum mari projectum Angelis vehentibus reportavit ad littus, vos secum adsociet in polorum sedibus laetabundos; R\. Amen. Ut illum semper invocetis Deum et Patrem, quem idem martyr Tyrsus et sub aquis libera invocavit voce. R\. Amen.
Per misericordiam.
Lauda. Respexit eos cum tribularentur. fol. CLXVIII.
Oratio. Venientes ad te benedicti Patris tui, Christe Dei Filius, percipere a te regnum, quod eis praeparatum esse praedixisti ab origine mundi; fac ergo nos etsi immeriti eos adsequi: ut qui beatissimi (1085C)martyris tui Tyrsi vel sociorum ejus festum incolimus, perenniter cum eisdem Sanctis jocundemur: et sicut idem Martyrem tuum sectoribus serra non permisisti secari; ita nos ejus suffragio a gremio matris Ecclesiae nulla patiaris occasione divelli; sed cum benedictis percipiamus regnum, quod Sanctis tuis pollicitus es in aeterna saecula saeculorum. R\. Amen.
Per misericordiam.
In nomine Domini.
Ad Matutinum.
Antiphona. Da nobis laetitiam. Psalmus L. Oratio. Redde nobis. fol. CLXIII.
Antiphona. 1. Venite ad me Sancti mei, dicit Dominus: Vindemiate fructum laborum vestrorum, (1085D)germen justitiae; P. Cujus odor est magnus, sicut odor liliorum, et rosarum in tempore suo. V\. Plantati in domo Domini, in atriis domus Dei nostri florebunt. P. Cujus odor. V\. Gloria, et honor. P. Cujus.
Oratio. Venientes ad te Sancti tui, Domine, invitati, ut vindemient fructus laborum suorum; fac nos per misericordiam eos adsequi in viventium terra: ut qui beatissimum athletam tuum Tyrsum prius martyrio consecrasti, quam lavacro, prius fide, quam regeneratione, prius etiam supplicio, quam baptismo; tu omnibus dimittas nobis peccata, et dones nobis regnum hereditatis perpetuae: ut per bonam operationem, et conversationem perveniamus in paradisum delitiarum. [CCXVIII] et gaudentes de (1086A)laborum nostrorum fructu, vindemiemus fructus nostros in gaudio aeterno. R\. Amen.
Antiphona 2. Venite ad me omnes Sancti mei, dicit Dominus, P. Qui laboratis, et onerati estis, et ego reficiam vos. V\. Venite filii, audite me: timorem Domini docebo vos; P. Qui laboratis. V\. Gloria, et honor. P. Qui.
Oratio. Venientes ad te, Sancte Deus, omnes qui laboraverunt, et pro te multum sustinuerunt, ut eos requiescere facias, sicut promissisti eis dicens: Ego reficiam vos: fac ergo nos in Ecclesia tua orantes, eos tota mentis intentione adsequi, ut consequamur misericordiam tuam, ut pro merito non damnemur in poena, qui ex nostro merito non meremur veniam: qui beatissimum Tyrsum praevenisti in benedictionem (1086B)gratiae, ostendens illi in tenebris lumen, et perfectionem gratiae post laborem: rogamus ergo etsi immeriti, ut suffragio praedicti Martyris, labore nostro onerati, reficiamur cum Sanctis tuis verbi tui melliflua doctrina in viventium terra. R\. Amen.
Antiphona 3. Venite benedicti patris mei, dicit Dominus, P. Percipite regnum, quod praeparatum est ab origine mundi. V\. Accedite ad me, et illuminamini: et vultus vestri non erubescent. P. Percipite regnum. V\. Gloria, et honor. P. Percipite regnum.
Oratio. Venientes ad te benedicti Patris mei. Quaere retro in Vesperis praecedentibus.
R\. Clarificatum est nomen Domini Jesu Christi in Sanctis pro patientia, et fide, in omnibus persecutionibus, (1086C)quas sustinuerunt, P. Ut digni haberentur in regno Dei, pro quo et passi sunt. V\. Deduxit eos in viam rectam: ut irent in civitatem habitationis. P. Ut digni. V\. Gloria, et honor. P. Ut digni.
In Laudibus.
Ad Canticum. Antiphona. Diligentes te, Domine, sicut sol. Canticum. Qui sponte obtulistis. fol. CLXIII. Ad Benedictus. Antiphona. Sancti, et humiles corde. Canticum. Benedictus es Domine. fol. VI Sono. Via justorum. Lauda. Laudate Dominum de Coelis, Alleluia. Psalmus CXLVIII. fol. CLXIX. Prophetia. Justi in perpetuum vivent, et apud. fol. CLXIV. Hymnus. Exulta nimium turba. Quaere retro in istis Vesperis praecedentibus. Et Supplicatio. Oremus (1086D)Redemptorem.
Capitula. Domine Deus omnipotens tuorum ante mundi constitutionem praescius electorum, Tyrsi martyris tui et Comitum ejus annuis recursibus solemnia alacri voto suscipientibus dele cuncta delicta propitius: Et qui pro tuo nomine tot tantasque pertulit poenas, suffragio suo nostras deleat culpas; ut ejus precibus a cunctis peccaminum nexibus absoluti, ad te post transitum mereamur pervenire stola decoris induti Piissime.
Pater noster. Liberati a malo. fol. 2.
Lauda. Laus Domini in Ecclesia Sanctorum. Alleluia. P. Laetetur Israel in eo, qui fecit ipsum. Alleluia, alleluia, alleluia. V\. Cantate Domino canticum (1087A)novum: quia mirabilia fecit. P. Laetetur Israel. V\. Gloria, et honor. P. Laetetur Israel.
Benedictio. Interventu sanctorum Tyrsi et Comitum ejus coelitus inlapsa Dei benedictio vos protegat, et ab omni malo defendat. R\. Amen. Eorum precibus a cunctis incommodis tueamini, quorum festa amando suscipitis. R\. Amen. Ut cum eis in aeterna beatitudine participes sitis, quorum solemnia devotissime celebratis. R\. Amen.
Per misericordiam.
In nomine Domini.
DIE II FEBRUARII. IN FESTO PURIFICATIONIS SANCTAE MARIAE.
Ad Vesperos.
Lauda. Laudaverunt te Domine, omnes Angeli (1087B)tui, et hymnum dixerunt, dum perficeres fabricam coeli. Tuus est dies, et tua est nox: P. Tu fecisti solem et lunam. V\. Tu confirmasti in virtute tua mare. Tu contribulasti capita draconum super aquas. P. Tu fecisti.
Oratio. Laudant te, Domine, omnes Angeli tui, dum a te se creatos agnoscunt; et cunctam creaturam coelestem atque terrenam te opifice subsistere ac disponi non ambigunt. [CCXIX] Dona ergo mentibus nostris, in omnibus operibus tuis tibi gloriam dare; et te solem justitiae, perpetuo nobis fulgore clarescere lumen: quatenus nocturnas tenebras tua semper valeamus inluminatione vitare. R\. Amen.
Per misericordiam.
Sono. Alleluia. Justitia est plena dextera tua. Laetetur (1087C)mons Sion, et exultent filiae Judae, P. Propter judicia tua. Alleluia, alleluia. V\. Alleluia: Magnus Dominus et laudabilis valde in civitate Dei nostri, in monte sancto ejus. Dilatans exultationes universae terrae. P. Propter judicia.
Dominus sit semper. R\. Et cum.
Antiphona. Viderunt omnes fines terrae salutare Dei nostri. P. Jubilate Deo universa terra: Cantate, et exultate, et psallite. V\. Cantate Domino canticum novum: quia mirabilia fecit. P. Jubilate Deo. V\. Gloria, et honor. P. Jubilate Deo.
Oratio. Domine, quem hominem natum homines conspexerunt; et praedictum fines terrae viderunt; qui ante aliqua tempora praedictus es vocibus Prophetarum, (1087D)et in tempore visus glorificatus es modulis populorum; concede propitius, vasa nos tua tibi permanere purissima: ut lucis auctor nos et jugiter inlustres, et indesinenter inhabites. R\. Amen.
Per misericordiam.
Antiphona. Viderunt oculi mei salutare tuum, Domine, quod parasti in conspectu populorum. P. Lumen ad revelationem gentium, et gloriam plebis tuae Israel. V\. Domine Dominus noster, quam admirabile est nomen tuum in universa terra! P. Lumen ad. V\. Gloria, et honor. P. Lumen ad.
Dominus sit semper. R\. Et cum.
Lauda. Notum fecit Dominus salutare suum: P. Ante conspectum gentium revelavit justitiam suam. Alleluia, alleluia. V\. Memor fuit in aeternum testamenti (1088A)sui: verbi, quod mandavit in mille generationes. P. Ante conspectum. V\. Gloria, et honor. P. Ante conspectum.
Hymnus.
Sacer Puritatum dies
Hodiernus rutilat,
Quo secundum carnem Christus
Templo Simeon traditur
Patri non adoptione
Sed coaeternus genere.
Spiritu completur alvus
Incorruptae Virginis,
Quae pariens mansit caelebs
Virgo, quam puerperam
Illibatam Genitricem
(1088B)Proles castam elegit.
Inde Simeon grandaevus
Ovans ulnis accipit,
Amplexusque videbatur
Salutare Domini:
Resolve jam nunc in pace
Artus istos fragiles.
Sed nec illa impar Anna
Continentia gradiens,
Quam in flore juventutis
Conjux viduaverat,
Vagientem, confitetur,
Fore mundi Principem.
Tunc veneranda ex lege
Offeruntur munera
(1088C)Turturum, columbarumque
Bina in sacrificio,
Quae corporis, animaeque
Puritatem docerent.
Gloria Deo potenti
In excelsis resonet;
Gloriam canamus Christo,
Atque Sancto Spiritui;
Cui laus et potestas
In aeterna saecula.
Amen.
Supplicatio. Oremus pium et exaudibilem Dominum nostrum Jesum Christum, cum omni supplicatione rogemus; ut nos gratia Presentationis ipsius, et Purificationis (1088D)ejus genitricis Mariae nobis sal tem animae, et corporis, et remissionem, et pacem propitius tribuere dignetur. R\. Praesta aeterne omnipotens Deus.
Kyrie eleison. R\. Christe eleison, Kyrie eleison.
Capitula. Jesu Domine, cujus admirabile nomen Angelus praedixit, Mater imposuit, Simeon cognovit, Anna laudavit; salva populum tuum in universo mundo, cujus extat nomen magnificum in coelo: ut, qui solus es potentia gloriosus, sis etiam perditis miserationis indulgentia pius.
Pater noster. Liberati a malo. fol. 2.
Benedictio. Et, qui Simeonis justi manibus est susceptus, vos sibimet adsociet benedictione perpetua laetabundos. R\. Amen. Idem, qui praecepto legis (1089A)suae signum desectae carnis accepit, omnes a nobis sordes [CCXX] sui amoris connexione depurget; R\. Amen. Et, qui vos filios Abrahae in seipso, qui est semen ejus, benedicere promisit, hereditatis beatae conlatione munificet. R\. Amen.
Per misericordiam.
Lauda. Adnuncietur in Sion nomen Domini: P. Et laus ejus in Hierusalem. Alleluia, alleluia, alleluia. V\. Et timebunt gentes nomen tuum, Domine, et omnes reges terrae gloriam tuam. P. Et laus. V\. Gloria, et honor. P. Et laus.
Oratio. Omnipotens Deus Pater et Domine, largire credenti tuo populo pacem: ut in templo tuo videamus Salutare tuum; quem Simeon justus ulnis suis accepit: ut, qui lumen ad revelationem gentium (1089B)extitit, indultor criminum ipsemet credentium sentiatur. R\. Amen.
Per misericordiam tuam.
In nomine Domini.
Ad Matutinum.
Antiphona. Domini est salus: et super populum tuum benedictio tua. Psalmus III.
Oratio. Tu es, Domine, salus, et tua est salus: hanc gaudemus in nobis largitam; hanc etiam usque in finem a te petimus largiendam: Effunde, quaesumus, super populum tuum benedictionem tuam: ut privetur maledictio poenae, et ditescat in nobis fructus justitiae. R\. Amen.
Per misericordiam.
Antiphona 1. Cum inducerent parentes puerum (1089C)Jesum in templo, ut facerent pro eo secundum legem Moysi: P. Accepit Simeon in manibus, et benedixit Deum. V\. Magnus Dominus, et laudabilis nimis in civitate Dei nostri, in monte sancto ejus. P. Accepit Simeon. V\. Gloria, et honor. P. Accepit.
Oratio. Omnipotens Deus Pater. Quaere retro in istis Vesperis praecedentibus.
Antiphona 2. Simeon in templo elevavit vocem, dicens: Nunc dimittis servum tuum in pace: P. Quia viderunt oculi mei salutare populi tui. V\. Notum fecit Dominus salutare suum: ante conspectum gentium revelavit justitiam suam. P. Quia viderunt. V\. Gloria, et honor. P. Quia viderunt.
Oratio. Beatam, Domine, illam justi tui Simeonis vocem fac in nobis pari diligentia personare: ut (1089D)quia vidimus et credimus Salutare tuum; in pace, cum jusseris dimittamur: non quo a te dimissos fines vitae accipiamus; sed, per te absolutos a debito, in fine pacem sempiternam possideamus. R\. Amen.
Per misericordiam.
Antiphona 3. Vidimus gloriam Domini, gloriam quasi Unigeniti. P. A Patre plenum gratiae, et veritatis. V\. Sicut audivimus, ita et vidimus in civitate Domini virtutum, in civitate Dei nostri: Deus fundavit eam in saecula. P. A Patre. V\. Gloria, et honor. P. A Patre.
Oratio. Vidimus gloriam tuam, Domine, gloriam quasi Unigeniti a Patre, Unigenitum Deitate, Primogenitum (1090A)munere: illic unicum Patris, hic praecipuum inter fratres: ibi cum Patre unum, hic in fratribus primum: illic aequaliter subsistentem, et in sinu Patris manentem, hic socios non derelinquentem; Largire ergo tuo fieri participes regno, quibus es propitiatus in Mundo: quibusque advenisti prius redemptor, existe in futuro remunerator. R\. Amen.
Per misericordiam.
R\. Iste, qui natus est, redemptio nostra est, et Dominus, et Deus est. P. Iste consolabitur nos a plaga nostra, et a labore in terra captivitatis nostrae. V\. Parvulus natus est nobis, filius datus est nobis, et factus est principatus ejus super humerum ejus. P. Iste consolabitur. V\. Gloria, et honor. P. Iste consolabitur.
(1090B)Oratio. Domine Jesu Christe, qui es redemptio nostra et salus nostra, sana plagam contritionis notrae: qui suscepisti carnem fragilitatis humanae; et qui veniens onera nostra sublevare dignatus es, quaesumus, ut a malis operibus nostros labores evacues, nostra que studia pius in bono confirmes. R\. Amen.
Per misericordiam.
Antiphona 1. Viderunt oculi mei salutare tuum Domine, P. Quod praeparasti ad revelationem gentium. V\. Bonum est confiteri Domino, et psallere nomini tuo Altissime: P. Quod praeparasti. V\. Gloria, et honor. P. Quod praeparasti.
Oratio. Fac nos, Domine, ut Salutare tuum, quem oculis fidei vidimus, placabilem in judicio (1090C)sentiamus: ut, qui ad revelationem praeparatus est Gentium, non ad punitionem, sed ad salvationem se judicem ingerat redemptorum. R\. Amen.
Antiphona 2. Tulerunt Jesum in Hierusalem, ut sisterent eum Domino, sicut scriptum est [CCXXI] in lege Domini. P. Quia omne masculinum adaperiens vulvam, sanctum Domino vocabitur. V\. Cantate Domino, et benedicite nomen ejus: bene nunciate de die in diem salutare ejus. P. Quia omne. V\. Gloria, et honor. P. Quia omne.
Oratio. Domine Deus, qui omne masculinum, adaperiens vulvam, sanctum esse testaris; fac nos tibi in sanctitate, et justitia deservire: ut, qui vulvam materni uteri incorruptione sanctificas, aeternae sanctificationis praemio credentes adtollas: ut, qui (1090D)gloriosum nomen tuum in gentibus nuntiant, remuneratorem te suum in futuro cognoscant. R\. Amen.
Per.
Antiphona 3. Alleluia. Dederunt hostiam pro Jesu secundum quod scriptum est in lege Domini P. Par turturum, aut duos pullos columbarum: alleluia. V\. Laudate nomen Domini: laudate servi Dominum. P. Par turturum. V\. Gloria, et honor. P. Par turturum,
Oratio. Deus, qui in expiatione parientium par turturum, vel duos pullos tibi offerri praecipis columbarum; in vivam nos praepara hostiam, qui pro nobis ipse factus es hostia: ut, qui legem implere (1091A)venisti, non solvere, in nobis Evangelii gratiam digneris opulentius propagare. R\. Amen.
Per misericordiam.
R\. Nunc, Domine, dabis populo tuo pacem: quia viderunt oculi mei salutare tuum. P. Lumen ad revelationem Gentium. V\. Jocunditatem fecisti cum servo tuo, Domine, secundum verbum tuum. P. Lumen. V\. Gloria, et honor. P. Lumen.
Oratio. Omnipotens Deus Pater et Domine, largire credenti tuo populo pacem: ut, qui Salutare tuum vidimus, visione gratiae tuae muneremur: Ut, qui lumen ad revelationem extitit Gentium, indultor criminum ipsemet credentium sentiatur. R\. Amen.
Per.
In Laudibus.
(1091B)
Ad Canticum. Antiphona. Laetabuntur omnes. Canticum. De nocte vigilat. Oratio. Deus, qui notum fecisti. fol. 64.
Alia Antiphona de Cantico. Ego in Domino gloriabor: gaudebo in Deo Jesu meo.
Canticum (Lucae I).
Nunc dimittis servum tuum, Domine, * secundum verbum tuum in pace:
Quia viderunt oculi mei salutare tuum, * quod parasti ante faciem omnium populorum.
Lumen ad revelationem gentium, * et gloriam plebis tuae Israel.
Ad Benedictus. Antiphona. Tibi soli Deo honor, et gloria, virtus, et potestas in saecula saeculorum.
(1091C)Canticum. Benedictus. fol. 6. Sono. Alleluia. Justitia est plena dextera tua. fol. CLXXXII.
Lauda. Laudate Dominum de Coelis alleluia: laudate eum in excelsis alleluia. Laudate eum omnes Angeli ejus: laudate eum omnes virtutes ejus: Alleluia, alleluia, alleluia. Psalmus CXLVIII.
Prophetia. Audi me, Jacob, et Israel, quem. fol. 65. Hymnus. Sacer Puritatum dies. Quaere in Vesperis precedentibus. Et Supplicatio. Oremus Redemptorem. Capitula. Notum factum est salutare Domini. fol. 65. Lauda. Adnuncietur in Sion nomen Domini, et laus. Benedictio. Et qui Simeonis justi manibus. Quaere in Vesperis praecedentibus, fol. CCXIX.
DIE V FEBRUARII. IN FESTO SANCTAE AGATHAE VIRGINIS ET MARTYRIS.
(1091D)
Ad Vesperum.
Lauda. Speravit anima mea in Domino. fol. CLXXIX.
Sono. Dominus Deus coeli benedicat tibi: honor regni dabitur in manu tua; P. Et adorabunt coram te filii multarum gentium: alleluia. V\. Audi, filia Sion, quia exaltata es, et facies tua fulget in templo Dei: Sol justitiae in gressu tuo orietur: alleluia. P. Et adorabunt.
Antiphona. Virgo prudentissima, quo progrederis? Lauda. Specie, et pulchritudine tua. fol. CLXXX.
Hymnus.
Adesto, plebs fidissima,
(1092A)Venustum festum: gratia
[CCXXII] Laudum deprome carmina,
Christoque vota maxima.
Beata virgo Agatha,
Fide et clara germine,
Mundi refellens noxia,
Adepta est coelestia.
Haec graviter Christum amans,
Ipsumque solum praedicans,
Extenta jussu Praesidis,
Arctatur in imo carceris.
Saevi furore judicis
Christi puella territur;
Sed virgo sancta impiis
Libare renuit aris.
(1092B)Tu nunc demum Martyr acrius
Adficeris verberibus;
Pectoris papilla tollitur,
Castumque corpus tunditur.
Magnus sed Christi senior.
Disrumpit claustra carceris:
Reddit papillam integram,
Curatque omnia vulnera.
Sic sic puella sanctior
Tanto adepta praemio,
Genu orando flectitur,
Fuditque coelo spiritum.
Mox namque clarus juvenis
Tabellam scriptam deferens,
Mente sacra pronuncians
(1092C)Defensionem Patriae.
Nam, montis Aethnae incendium
Cursu dum rapidissimo
Ad urbem pronum flectitur,
Claret puellae meritum.
Tunc e sepulchro Martyris
Plebs sacrum velum deferunt,
Cujus pia praesentia
Extinguit mox incendia,
Jam Virgo nunc sanctissima
Plebi fideli proroga
Peccatorum indulgentiam.
Pacis reddendo commoda:
Quae olim concives tuos
(1092D)Magno ab igne eruis,
Tu redde nos jam liberos
Jugo remoto pessimo.
Sit cunctis, sit fidelibus
Locus quiete placidus:
Tutelam praesta orphanis,
Subsidiumque viduis.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
Supplicatio. Oremus, mutato nomine. folio CLXXXVIII.
Capitula. Deus conlator justitiae, et castimonia (1093A)praerogator, a quo Agatha famula tua visitatam se fore respiciens, et in vulneratis membris recipit sanitatem; et noctis medio revincta carcere, coelesti promeretur inlustrari ex lumine; tu luce illa Sancti Spiritus nostram inradians mentem, ad videndum te et corpore valentes et animo puriores effice: quo, dum spiritualis affectus in interno se diffuderit corde, fideli ad te ore proclamando conlaudent.
Pater noster. Liberati a malo. fol. 2.
Benedictio. Animarum vestrarum Christus Dominus vulnera tergat, qui beatissimam Agatham pro suo nomine abscisam non destitit curare mamillam: R\. Amen. Atque, cujus meritis a finibus removit ac detraxit incendia, ejus nunc opitulatione flammam a vobis malae cupiditatis retorqueat; R\. Amen. (1093B)Ut, quae coelesti inscriptione liberatrix advocata est patriae, omnes in commune patrocinio indefesso conservet. R\. Amen.
Per misericordiam.
Lauda. Sicut palma exaltata sum. fol. CLXXX.
Oratio. Deus, qui sanctae Agathae fidei baptismo stolam induis, et gloriae tuae vestimentis exornas, dum eam post martyrii palmam laureando coronas; concede nobis, precibus ejus, ut confessionis veridicae vestiti decore, justitia induti et sanctitate, futura tibi praesentemur in requie. R\. Amen.
Per misericordiam.
In nomine Domini nostri Jesu Christi.
Ad Matutinum.
Antiphona. Labia mea, Domine, aperies: et os (1093C)meum annuntiabit laudem tuam. Psalm.
Oratio. Exultent, Domine, labia. fol. CLXXX.
Antiphona 1. Virgo sapiens benedicetur: timorem autem Domini ipsa conlaudat. Date ei de fructu manuum suarum, P. Ut laudentur in portis opera ejus. V\. Labores fructuum tuorum manducabis: beatus es, et bene tibi erit. P. Ut laudentur. V\. Gloria, et honor. P. Ut laudentur.
Oratio. Virgo Christi Agatha, quae utique sapiens benediceris, et Dei in atriis [CCXXIII] coronaris, dum de fructu manuum tuarum a Domino veniam promereris; detur nobis, quaesumus, tui merito sapientiae laudationem habere, et in Christi timore te adjuvante permanere, ut mereamur ab illo in perpetuum (1093D)benedici. R\. Amen.
Per misericordiam.
Antiphona 2. Virgo prudentissima, quo progrederis quasi aurora valde rutilans? filia Sion, P. Tota formosa et suavis es: pulchra, ut Luna, electa, ut Sol. V\. Specie tua, et pulchritudine tua intende, prospere procede, et regna, propter veritatem, et mansuetudinem, et justitiam: et deducet te mirabiliter dextera tua. P. Tota formosa. V\. Gloria, et honor. P. Tota formosa.
Oratio. Virgo tua, Christe, Agatha prudenter gloriosa effecta est, quae, consurgenti aurorae comparata, pulchra atque electa, ut Sol, probatur, et Luna; dum clariori rutilans lumine, ut Luna plena clarescit in sanguine; et, ut Sol flagrans atque imminutionem (1094A)sui nesciens, sanctitatis persistit in opere. Da ergo nobis, ut interventu praedictae Martyris apud te obtinere indulgentiam mereamur, qui nunc pro delictis lachrymas fundimus, vel gemitus exhibemus. R\. Amen. Per misericordiam.
Antiphona 3. Virgo Israel, expandi amictum meum super te, dicit Dominus, P. Et indui te stola decoris. Alleluia, alleluia. V\. Aedificans Hierusalem Dominus: et dispersiones Israel congregans. P. Et indui te. V\. Gloria, et honor. P. Et indui te.
Oratio. Deus, qui Sanctae Agathae. Quaere retro in Vesperis praecedentibus.
R\. Egredere inter lilia, o pulchra filia Hierusalem; quia perfecta es et decora et reprehensio in te non est: ascende quasi sponsa Libanum. P. Et percipe (1094B)benedictionem fidei a Domino Deo tuo. V\. Surge propera, amica mea formosa, et veni. P. Et percipe. V\. Gloria, et honor. P. Et percipe.
Oratio. Domine Jesu Christe, qui ita in spiritu tuo sanctam Agatham martyrem inflammasti, ut et lasciviae superaret flammam, et eam ignis exterior non ureret, eadem interveniente, misericordiae tuae nobis rorem infunde: ut naturale incendium extinguamus, dum salutare remedium obtinemus. R\. Amen.
Per misericordiam.
In Laudibus.
Ad Canticum. Antiphona. Benedictus Dominus, qui induit me. Canticum. Gaudens gaudebo in Domino. Ad Benedictus. Antiphona. Filia Sion, benedic. Canticum. Benedictus es Domine. Sono. Dominus (1094C)Deus coeli benedicat tibi. Lauda. Laudate Dominum de coelis. Psalmus CXLVIII. Prophetia. Longe Dominus apparuit. fol. CLXXXI.
Hymnus.
Festum insigne prodit coruscum:
Voces in aula resonent cunctorum:
Deo, dicata plebs alumna tota
Pandite vota.
Haec virgo sancta, germineque clara
Saeculi cuncta respuit caduca;
Christum secuta, acriori poenae
Subdidit membra.
Judex iniquus ipse Quintianus,
Virginem sanctam Agatham cum vidit,
(1094D)Decem malignis feminis obscoenis
Tradi praecepit:
Quam cum vidissent, blandiuntur verbis:
Audi praeceptum Judicis monentis:
Adora deos, et lucrare vitam,
Praemiaque multa.
Sed fide plena nobilis puella
Execrat cuncta vanitatum verba;
Spemque fixam retinet in Christo
Semper invicta:
Quam Quintianus praesentari jubens,
Idola vana cogit adoranda;
Fortis puella retinet in Christo
Fidem perfectam.
Iratus judex sibilat crudelis:
(1095A)Tortores suos excitat immanis,
Torqueri jubet delicatum corpus
Puellae sacrum.
Poenas inlatas viriliter portat:
Corpus intactum Domino conservat:
Fide, qua credit, omnia tormenta
Fortiter vincit.
Additur poena crudelis et saeva:
Virginis sacrae torquetur mamilla:
Diuque torta, abscidi praecepit
Ubera sacra.
Tunc virgo sancta in carcere trusa,
Fortis in Christo facta est athleta,
[CCXXIV] Cujus e coelis Angelica cura
Sanat mamillam.
(1095B)Splendor sanctus tenebras inlustrat:
Per totam noctem lux e coelis emicat:
Pavore multo territi custodes
Fugiunt omnes.
Furore plenus ultroneus tortor
Testas acutas, ignitos carbones
Corpus sacratum volutari jubet
Latere nudo.
En terraemotus factus est immanis,
Moerorque cunctos terruit tortores:
Unum oppressit nomine Silvanum
Pars parietis.
Omnis conventus ille civitatis,
Tremore viso, sic concurrunt omnes
Judicem saevum volentes occidi;
(1095C)Fugiit ipse.
Post virgo laeta ergastulis clausa,
Expandit manus, Dominum exorans,
Sacram efflavit animam in coelos
Toga cum Sanctis.
Angelus Dei descendit de coelo,
Corpusque sanctum tumulat, honoris
Tabulas signat aureis scriptas
Litteris sacris.
Judex iniquus, numquam erubescens,
Volvens inquirit ejus facultates:
Pessima morte morsibus equorum
Nece vastatur.
Mira tam satis prodierunt signa
Anni vertentis facta comprobantia:
(1095D)Aethnaeus ipse mons eructavit
Ignem ardentem.
Videntes cuncti rogum venientem,
Velum sepulchri simul expandentes,
Ignis stetit, honorificandum
Corpus beatum.
Deus, qui tanta tribuisti dona
Virgini tuae coelestia regna;
Nobis indignis ob honorem ejus
Dilue culpas.
Ob cujus laudem Clerus decantans,
Precibus ejus tibi sit acceptum
Ratumque reddat plebis tuae victum
Honore sacrum.
(1096A)Sacerdos vita habeatur clarus:
Moribus bonis tibi sit ornatus,
Ut digne possit tuum immolare
Corpus beatum.
Cujusque festum annuis recursibus
Laudum honoris persolvimus votum,
Ejus obtentu laetemur cum Sanctis
Tuis in coelo.
Haec in honorem, carminaque dixit,
Virginis sacrae et merita narravit,
Tuo ex dono heres sit in coeli
Sanctorum choro.
Gloria tibi Patri glorioso,
Et Jesu Christo Redemptori nostre
Qui tecum regnat cum Spiritu Sancto
(1096B)Juge per aevum.
Amen.
Supplicatio. Oremus, mutato nomine, fol. CLXXXVIII.
Capitula. Domine Jesu Christe, cui virgo, et martyr Agatha, et integritate jungitur, et sanguine sociatur, dum tibi et castimoniam vovit, et pro te sanguinem fudit; praesta famulis supplicantibus, ut, expiati a peccatis tibi ita adhaereamus, ne a te ulterius recedamus.
Pater noster. Liberati a malo. fol. 2.
Lauda. Sicut palma. fol. CLXXX. Benedictio. Animarum vestrarum Christus. Quaere in Vesperis praecedentibus.
DIE VII FEBRUARII. IN FESTO SANCTAE DOROTHEAE VIRGINIS ET MARTYRIS.
Ad Vesperum.
(1096C)
Lauda. Exortum est. Sono. Justorum animae. fol. CLXII. Antiphona. Sancti sicut rosae germinant. fol. CLXV. Lauda. Sanguinem Sanctorum requiram eum. Fol. CLXII.
Hymnus.
Christe, lux lucis vera, Deus Angelorum,
Vita sanctorum, salus innocentum,
Plebs pia optat celebrare festum:
Accipe votum.
En tua virgo Dorothea sancta
Te sequens, semper puro corde amat,
Et suum corpus tibi castum optat
Menteque pura.
Duplici portat merito coronam,
(1096D)Dum manet virgo, fudit et beatum
Sanguinem prompte proprium, volendo
Vincere mortem.
Judicis jussu capitur cruenti,
Sicque flagellis cruciatur diris;
[CCXXV] Sed manet constans, deridendo nigra
Idola muta.
Tum duas lapsu graviter ruentes,
Una Crystetes vocitata soror,
Sive Callistes, tibi conquisivit
Igne pietas.
Tenditur post hinc in catasta Martyr,
Sustinens poenas diu, verberata:
Sic Deo dignam animam donavit
(1097A)Sanguine fuso.
Theophilo mittit niveum puerum
Cum rosis tribus, totidemque malis:
Vidit, et stupet nimium sagace
Munus, et aptum.
Hic fide plenus vocitando Christum
Intimat: Credi potuit Tyranno,
Vertex abscissus meruisse claram
Aetheris aulam.
Nunc fave, Virgo, precibus tuorum:
Servulis praebe veniam malorum:
Fac tuos nobis socios patronos
Longum in aevum.
Simus ut vestro placidi amore,
Festa qui digno colimus honore:
(1097B)Pacis utamur pariter connexi
Munere digno.
Pestis abscedat, fugiatque languor:
Quod jugum premit populos, depelle:
Sit quies defunctis, medicina aegris;
Vitaque apta.
Simul ut tecum, Dorothea sancta,
Aulam coelorum teneamus amplam,
Nostraque Christo sint reboantia
Ora canora.
Gloriam psallat chorus, et resultet:
Gloriam dicat, canat, et revolvat:
Nomini trino, Deitati soli
Sidera clament.
Amen.
(1097C)Supplicatio. Oremus, mutato nomine, folio CLXXXVII.
Capitula. Fac nos, Domine Jesu Christe, ad te converti, et in tui timore permanere, qui Theophilum martyrem tuum ad te converti fecisti ex aspectu delectabilis pomi: quod sicut menti ejus in tribus malis, totidemque rosis sacramentum insinuans Trinitatis ad culmen eum perfectae fecisti pertingere passionis, supplicio eum glorificans crucis; sic nos odore charitatis tuae reficiens, et actu fac tibi placabiles et corpore fortiores: ut utraque virtute valentes post te in odorem unguentorum tuorum curramus, et paternis affectibus implorantum te erga nos semper placabilem sentiamus, cum ad te proclamaverimus:
(1097D)Pater noster. Liberati a malo. fol. 2.
Benedictio. Redemptor vester ac Dominus Dorotheae vos virginis suffragio muniat, qui per eam Crysteten et Callisten poenitudinis acceptavit lamenta: R\. Amen. Ac sicut illae post lapsum ad salutis viam reversae sunt, sic vos, relictis superstitionibus mundi, sequamini Christum; R\. Amen. Ut ejus sequendo vestigia exemplo Theophili odore Christi repleamini et gratia. R\. Amen.
Per misericordiam.
Lauda. Gaudium sempiternum. fol. CLXII.
Oratio. Memoriae sanctae ac venerabilis Dorotheae virginis ac martyris tuae, sicut rosa floruit ejus martyrii sanguis: Domine Deus, qui electos inter poenas (1098A)confortas, et peccatores sine mora justificas; qui tribus malis, totidem rosis Dorotheae votis expetita concessisti, et Theophilum regni tui coheredem fecisti: eorum precibus emundemur ab omni contagione peccaminum; pacemque cum eis capiamus in terra viventium. R\. Amen.
Per misericordiam.
In nomine Domini.
Ad Matutinum.
Antiphona. Da nobis laetitiam. Psalmus L. Oratio. Redde nobis, Domine. fol. CLXIII.
Antiphona 1. Sanctorum ossa germinabunt de loco suo; P. Et nomina eorum sicut lilia munda floruerunt. V\. Multae tribulationes justorum: et de his omnibus liberavit eos Dominus. P. Et nomina. V\. (1098B)Gloria, et honor Patri. P. Et nomina.
Oratio. Deus desperantium salus, et errantium via, et peccantibus medicina, qui beatissimas virgines Crysteten et Callisten, quas insidiis hostis antiquus a proposito submoverat Christi tui, praedicamentis simul ac precibus famulae tuae Dorotheae ad cultum Christianae fidei revocasti; pietas tua a nobis ita peccandi casum depellat: ac praesta nobis, ut germinemus de loco nostro in diem adventus tui; et sicut lilia munda, floreamus in conspectu tuo ab omni delicto securi ac liberi. R\. Amen.
Antiphona 2. Germinabunt sancti sicut lilium, P. Et florebunt sicut rosae memoriae eorum. [CCXXVI] V\. Justus, ut palma florebit: et sicut cedrus, quae est in Libano, multiplicabitur. P. Et florebunt. V\. (1098C)Gloria, et honor. P. Et florebunt.
Oratio. Memoriae sanctae ac venerabilis. Quaere retro in Vesperis praecedentibus.
Antiphona 3. Florete Sancti sicut rosa plantata super aquas: P. Et quasi lilium date odorem suavitatis. V\. Plantati in domo Domini, in atriis domus Dei nostri florebunt. P. Et quasi lilium. V\. Gloria, et honor. P. Et quasi lilium.
Oratio. Domine Jesu Christe, cui sancta virgo tua Dorothea, velut rosa plantata, floruit, dum in martyrio pro te sanguinem fudit; et sicut lilium odorem suavissimum dedit (te enim annuente respectu ornatur, fide adjuvatur, ex opere consecratur in passione) supplicum precibus benignus intende: et per poenitentiam nos tibi facias complacere, et per honestos (1098D)mores tibi conjungi. R\. Amen.
Per misericordiam.
R\. Justi in perpetuum vivent, P. Et apud Deum est merces eorum. V\. Justorum animae in manu Dei sunt, et non tanget illos tormentum mortis, P. Et apud Deum. V\. Gloria, et honor. P. Et apud.
In Laudibus.
Ad Canticum. Antiphona. Diligentes te Domine. Canticum. Qui sponte obtulistis. fol. CLXIII. Ad Benedictus. Antiphona. Sancti, et humiles. Canticum. Benedictus es Domine. fol. 6. Sono. Salus justorum a Domino. Lauda. Laudate Dominum de coelis. Psalmus CXLVIII. Prophetia. Justorum animae. fol. (1099A)CLXVII. Hymnus. Te decet. fol. XCVI. Capitula. Fac nos, Domine. Lauda. Gaudium sempiternum. Benedictio. Redemptor vester. Quaere retro in Vesperis praecedentibus.
DIE XII FEBRUARII. IN FESTO SANCTAE EULALIAE VIRGINIS, BARCHINONENSIS.
Ad Vesperum.
Lauda. Speravit anima mea in Domino. Sono. Alleluia. Psallam nomini tuo, Deus. Antiphona. Virgo prudentissima. Lauda. Specie et pulchritudine tua. fol. CLXXIX.
Hymnus.
Fulget hic honor sepulchri
Martyris Eulaliae,
Quem sacro signavit idem
(1099B)Passionum stigmate;
Huc vocat adesse cunctos:
Convenit occurrere.
Germinis hujus propago,
Vel caterva confluens,
Barchinona augusta semper,
Stirpe aucta insigni,
Civium florens corona,
Plebs fidelis inclyta.
Virginem videte vestram,
Quam sit index gloriae;
Quae fide probata terret
Sic furentem judicem,
Praedicans Crucis honorem,
Vel salutis Judicem.
(1099C)Haec enim caesa catomis
Sistitur equuleo,
Caeditur, exungulatur,
Atque flammis uritur;
Terminum habere laudis
Inter ista nesciens.
Ambiens Crucis patronum,
In Cruce suspenditur:
Corpus illic ad honorem
Nix polorum protegit:
Sic calore plena sancto,
Passionem sustulit;
Hujus ex ore columba,
Jam solutis artubus,
(1099D)Prosilit mire per auras,
Ceu volatu percito;
Virginem vicisse clamans
In supernis sedibus:
Quam tamen Dei puella
Gestiens praecurrere,
Lege jam mortis peracta,
Gaudiis adtollitur:
Sicque risu corporato,
Corda mulcet flentium.
Lucida felix per orbem
Barchinon adtolleris,
Quae sinu pignus retentans
Tam salubre, tam pium;
Scilicet, tanti habendo
(1100A)Corporis consortium.
O beata sponsa Christi
[CCXXVII] Virgo clementissima,
Suscipe jam singulorum
Vota, vel suspiria:
Postulans Christum precatu,
Quo gementes audiat:
Non iniquis serviamus
Mente factionibus;
Non caro jugum rebellis
Suave Christi renuat;
Sed sacri caloris omnes
Sanctitate fulgeant:
Solve quod taedet, quod urget
Mortis ad perniciem,
(1100B)Pestilens morbus recedat;
Mucro hostis subruat;
Vita sit tranquilla cunctis;
Sint quieta tempora:
Civibus occurre, Civis,
Et salutem porrige;
Esto sic patrona nobis
In relatu gratiae,
Sicut es vicina coelis
Ad favorem gloriae.
Inter haec admixtus ipse
Conquirat et Quiricus,
Qui tui locum sepulchri
Regulis monasticis
Ad honorem consecravit
(1100C)Sempiterni numinis:
Ut mei post claustra carnis
Sis memor in aethere;
Et minus, quod hic peregi,
Tu valenter suppleas:
Haec tibi perlata vota,
Vel camoena consecrans.
Gloria Patri, Natoque
Semper, et Paraclito;
Laus, potestas, atque virtus,
Gratiarum copia:
Quem Deum cuncta fatentur
Saeculorum saecula
Amen.
(1100D)Supplicatio. Oremus, mutato nomine, fol. CLXXXII.
Capitula. Adest, Domine, beatae virginis Eulaliae festum, quod annuis recursibus suscipimus incolendum, in quo eadem martyr Barchinonensium civis et incola genitale solum meritorum titulis praetulit, honore etiam inlustravit sepulchri; dum, quod vivae vocis aedificat verbo, effusi sanguinis docet exemplo: haec enim ad passionem laeta prosiliens, forum adit intrepida, et verbis tonantibus profanum Judicem correptura, passioni se obtulit non quaesita. Rogamus ergo te piissime Deus, ut facias nos simili accensione amoris tui strenuos, et sanctitatis perfectione idoneos: ut sicut in hac die praedictae Martyris tuae passionem veneramur et sepulchrum; (1101A)ita a passionibus nostris vel sepulchris nostrorum criminum liberati perducamur ad coelum.
Pater noster. Liberati a malo. fol. 2.
Benedictio. Christus Dei Filius, qui exanime beatae Virginis corpus niveo candore vestivit, vestiri vos faciat justitiae stolis et operibus sanctitatis: R\. Amen. Et qui eam ultra aetatem fecit esse victricem, ejus interventu peccata vestra habeant finem, et in futuro suis meritis mereamur invenire quietem; R\. Amen. Ut, qui illi post flammas contulit Coelum, nobis post lapsum tribuat consortium Angelorum. R\. Amen.
Per misericordiam.
Lauda. Sicut palma exaltata. fol. CLXXX.
Oratio. Domine Jesu Christe, qui ita in Spiritu (1101B)tuo sanctam Eulaliam martyrem inflammasti, ut et lasciviae superaret flammam, et eam ignis exterior non ureret; eadem interveniente misericordiae tuae nobis rorem infunde: ut naturale incendium extinguamus, dum salutare remedium obtinemus. R\. Amen.
Per misericordiam.
In nomine Domini.
Ad Matutinum.
Antiphona. Labia mea, Domine, aperies. Psalmus L.
Oratio. Exultent, Domine, labia. fol. CLXXX.
Antiphona 1. Benedicta igitur tu Deo altissimo, prae omnibus mulieribus; P. Propter hoc non discedet (1101C)laus tua ab ore hominum usque in saeculum. V\. Non det in commotionem pedem tuum: neque obdormitet, qui custodit te. P. Propter hoc. V\. Gloria, et honor. P. Propter hoc.
Oratio. Benedicta igitur virgo Eulalia a te Deo altissimo et rege aeterno, dum illam victricem fecisti de glorioso martyrio: quapropter sanctam clementiam tuam rogamus atque exposcimus, ut laus tua jugiter ab ore nostro nullatenus discedat; sed ob meritum praedictae virginis corda nostra in lege tua praepolleant. R\. Amen.
Per misericordiam.
[CCXXVIII] Antiphona 2. Grandis pulchritudo ejus exaltata est super sidera, et brachium ejus in nubibus coeli; P. Et nomen ejus in aeternum permanet. (1101D)V\. Deus, cum egredieris coram populo tuo, dum pertransieris per desertum. P. Et nomen. V\. Gloria Patri. P. Et nomen.
Oratio. Grandis itaque est pulchritudo beatae virginis Eulaliae, Domine Deus, quam tu utique super sidera exaltasti, dum per martyrii gloriam eam coronasti: praebe nobis precibus ejus, peccatis nostris carere, et in aeternum tecum sine fine gaudere. R\. Amen.
Per.
Antiphona 3. Induta es vestimentis gloriae, et ornata es ornamentis sanctis; P. Et facta es speciosa, invocata a Domino. Alleluia, alleluia, alleluia. V\. Qui posuit fines tuos pacem? et adipe frumenti (1102A)satiat te. P. Et facta es. V\. Gloria, et honor. P. Et facta es.
Oratio. Indue nos, Domine Jesu Christe, vestimentis gloriae, quibus possimus ad convivium mensae tuae pervenire; ut, qui beatissimam Eulaliam virginem per sanguinis effusionem corona decoris laureasti: nos quoque speciosi ante te appareamus in diem judicii, dum veneris. R\. Amen.
Per.
R\. Egredere inter lilia opaca, filia Hierusalem, quia perfecta es et decora, et reprehensio in te non est: adscende, quasi sponsa, Libanum, P. Et percipe benedictionem fidei a Domino Deo tuo. V\. Surge, propera amica mea, formosa, et veni. P. Et percipe benedictionem. V\. Gloria, et honor. P. Et (1102B)percipe.
Oratio. Domine Jesu Christe, qui ita in Spiritu. Quaere retro in istis Vesperis praecedentibus.
In Laudibus.
Ad Canticum. Antiphona. Benedictus Dominus, qui induit me. Canticum. Gaudens gaudebo. fol. LXXXI.
Ad Benedictus. Antiphona. Filia Sion, benedic.
Canticum. Benedictus es Domine Deus.
Sono. Dominus Deus coeli.
Lauda. Laudate Dominum. Psalmus CXLVIII.
Prophetia. Longe Dominus apparuit. Quaere fol. CLXXXI. Hymnus. Fulget hic honor sepulchri. Quaere retro in Vesperis praecedentibus.
Capitula. Deus qui beatam Eulaliam ante passionis (1102C)gratiam, dum scanderet, quid oraret, misericorditer docuisti; dum in eam non facis perire, quicquid a te docta fortiter credisset: dona nobis, ut quod de te scimus et credimus, ad aeternam profecisse nobis laetitiam gratulemur: ut, quod illa effusione per te meruit sanguis, nos in his famuli tui Domini nostri mereamur adipisci verbis.
Pater noster. Liberati a malo. fol. 2.
Lauda. Sicut palma exaltata. Quaere fol. CLXXX.
Benedictio. Christus Dominus, qui Eulaliam virginem inter flammas fecit esse victricem, faciat vos ejus precibus, et incentiva carnis vestrae devincere; et perfecte devicto mundo, victoriam in coelestibus reportare. R\. Amen. Et qui in sepulchro virginis corpus nivalibus prunis vestivit ad gloriam, ipse (1102D)corda vestra et corpora vestiat ad perfectionem sanctitatis; R\. Amen. Ut cum illa perfectionis mereamini palmam, cujus nunc obsequentes celebratis solemnitatem. R\. Amen.
Per misericordiam.
In nomine Domini nostri.
DIE XXII. IN CATHEDRA SANCTI PETRI APOSTOLI.
Ad Vesperum.
Lauda. Speravit anima. Sono. Deus praecinxit Quaere fol. CLVI.
Antiphona. Tu es Petrus, et super hanc petram aedificabo Ecclesiam meam. P. Et tibi dabo claves regni coelorum. V\. Posui adjutorium super potentem: (1103A)et exaltavi electum de plebe mea. P. Et tibi dabo. V\. Gloria, et honor. P. Et tibi dabo.
Lauda. Statuit Dominus. fol. CLVII.
Hymnus.
O Petre, petra Ecclesiae,
Isto beatus nomine,
Quo Petrus a Christo Petra,
Non Petra Christus a Petro.
Tu es Petrus, qui Filii
Confessor es primus Dei,
Hinc primus in membris manens;
[CCXXIX] Ob quod Cephas vocatus es.
Adest dies, quo Romula
In urbe consecratus es;
In quo Cathedrae nobilis
(1103B)Scandens Thronum adtolleris:
Conlata ergo gloriae
In te potestas affluens,
Ligata solvat crimina,
Portasque Averni obstruat.
Hinc Pastor ut piissimus,
Oves guberna creditas;
Intus forisque pervigil,
Ne subruamur, pretege.
Et clave illa coelica
Solvens catenas criminum,
Illic reos inducito,
Quo clarus extas Janitor.
Ut cum polorum Principi
Recisa membra jusseris,
(1103C)Sit Trinitati gloria
Per cuncta semper saecula.
Amen.
Supplicatio. Oremus Redemptorem mundi, mutato nomine, fol. CLXXXVII.
Capitula. Christe, Dei Filius, qui supra petram aedificaturus Ecclesiam tuam, beatissimo Petro Apostolorum omnium principi claves regni coelorum dedisti: ut in illo primum aedificata Ecclesia surgeret, qui te non solum diligere, sed et confiteri prior ceteris meruit; da nobis, ut in die, qua ille recturus Ecclesiam, suscepit pontificalis gratiae culmen, suscipiamus nos perfectionis omnimodae sanctitatem: ut per eum, cui ligandi et solvendi concessisti in Ecclesia (1103D)potestatem, per eum nostra jubeas peccata dimittere, et ad regnum nos vitae perpetuae introire.
Pater noster. Liberati a malo. fol. 2.
Benedictio. Christus Dei Filius, qui in beatissimo Petro Apostolo suo primam fundavit Ecclesiam, fundatos vos in se sine macula et ruga possideat. R\. Amen. Et, qui illum elegit primum sibi clavicularium regni, vos conservatores efficiat sui praecepti. R\. Amen. Ut jussu, per quem patescit janua coeli, per eum peccatores evadatis portas inferni. R\. Amen.
Per.
Lauda. Diligam eum ex toto corde meo, dicit Dominus. P. Et erit, sicut ros: Israel germinabit sicut lilium, et florebit. Alleluia, alleluia. V\. Et ego primogenitum ponam illum excelsum apud reges (1104A)terrae. P. Et erit. V\. Gloria, et honor. P. Et erit sicut.
Oratio. Christe, Dei Filius, qui oves tuas sub testimonio dilectionis tuae Apostolorum omnium principi Petro commendasti; quo, et te interrogante, et illo respondente, dignus probaretur esse Pastor Ecclesiae: fac nos veridice amatores tuos semper existere: ut per eum, cui claves datae sunt regni, per eum nos intrare mereamur januam Paradisi. R\. Amen.
Per misericordiam.
In nomine Domini.
Ad Matutinum.
Antiphona. Labia mea, Domine. Psalmus
Oratio. Exultent, Domine, labia nostra.
Quaere folio CLXXX.
(1104B)Antiphona 1. Beatus es Simon Bar-Jona: P. Quia caro et sanguis non revelavit tibi; sed Pater meus, qui in coelis est, ipse elegit te. V\. Deus deorum Dominus locutus est: et vocavit terram, a solis ortu usque ad occasum: ex Sion species decoris ejus. P. Quia caro. V\. Gloria. P. Quia caro.
Oratio. Hiesu Salvator noster et Dominus, qui primatum Apostolicae dignitatis in beatissimo Petro Apostolo tuo conferre dignatus es; cujus prima vocatio nominis Bar-Jona legis dilectam generationem significat, Petrique vocabulum in Christo firmamentum Ecclesiae sonat: largire nobis, eo suffragante; ut et doctrinis ejus vocatorum obsequia dependentes, perpetuae hereditatis mereamur esse consortes: ut caro et sanguis, quae revelationem tui ignorant, in nobis (1104C)dominatum non habeant; sed Spiritus tuus, quo ille plenus te confessus est Filium Dei, nos impleat ad promerendum praemium judicii post futuri. R\. Amen.
Per misericordiam.
Antiphona 2. Si diligis me, Simon Petre, pasce oves meas: tu nosti, Domine, quia amo te, P. Et animam meam ponam pro te. V\. Tibi dixit cor meum, quaesivi faciem tuam: vultum tuum Domine requiram. P. Et animam. V\. Gloria, et honor. P. Et animam.
Oratio. Christe, Dei Filius, qui oves. Require retro in istis Vesperis praecedentibus.
Antiphona 3. Tamquam unum ex principibus elegit me Dominus, et ut virum fortem constituit me in (1104D)praelium: P. Dedit mihi Dominus stolam candidam, et ornavit me corona. V\. Benedictus Dominus Deus meus [CCXXX] qui docet manus meas ad bellum, et digitos meos ad praelium. P. Dedit mihi. V\. Gloria, et honor. P. Dedit mihi.
Oratio. Deus, Dei Filius, qui in te solidissima petra exaltasti Petrum, et per Petrum Ecclesiam, effectus illi in tribulatione fiducia, quo posset adversa cuncta superare praesentia; porrige nobis auxilium dexterae tuae, ut per eum qui in te post negationem redditus saluti meruit solidari, per eum nos digneris a vitiorum tentationibus eruere: ac fides nostra in nullo coram te apparens nutabunda, et animas et corpora pertrahat ad superna. R\. Amen.
Per.
(1105A)R\. Gratias agimus Deo, qui elegit te Pontificem e medio fratrum tuorum, et dedit tibi honorem sacerdotii; P. Ut immaculatam offeras oblationem Deo tuo. V\. Ecce constituit te Dominus principem: et praefectum in Gentibus dedit te. P. Ut immaculatam. V\. Gloria, et honor. P. Ut immaculatam.
Oratio. Christe, Filius Dei vivi, quem Petrus super petram solidatus vere confessus est, quia utique non petra a Petro, sed Petrus vocatus est a petra, in qua est fundata Ecclesia; te supplices deprecamur, ut idem, qui accepit claves regni coelorum, peccatoribus pandat coelestis viae introitum: ut per quem doctrinae sublimis exempla suscepimus, per eum aeternae vitae nos suscepisse commoda sentiamus. R\. Amen.
(1105B)Per misericordiam.
In Laudibus.
Ad Canticum. Antiphona. Thronum gloriae hereditans illi: dat votum optanti, et benedicet annos justi.
Canticum. Confirmatum est. fol. LXXXVI.
Ad Benedictus. Antiphona. Benedictio Domini in mercedem.
Canticum. Benedictus es, Domine Deus. fol. 6. Sono. Deus praecinxit. fol. CLVI.
Lauda. Laudate Dominum de coelis Alleluia, alleluia: laudate eum in excelsis. Alleluia, alleluia, Psalmus CXLVIII.
Prophetia. Lectio libri Esaiae Prophetae (Cap. XXXII).
R\. Deo gratias.
(1105C)Haec dicit Dominus: Ecce in justitia regnabit rex, et principibus ejus in judicio praeerit. Non caligabunt oculi videntium, et aures audientium diligenter auscultabunt. Et cor stultorum intelliget scientiam, et lingua balborum velociter loquetur et plane. Non vocabitur ultra is, qui insipiens est, princeps: neque fraudulenter appellabitur major. Stultus enim fatua loquetur, et cor ejus faciet iniquitatem, ut perficiat simulationem, et loquatur ad eum fraudulenter, et vacuam faciat animam: esurientis vasa pessima sunt: ipse enim cogitationes concinnavit ad perdendos mites in sermone mendacii, cum loquetur pauperi judicium. Princeps vero ea, quae digna sunt principe, cogitabit, et ipse super duces stabit. Mulieres (1105D)opulentae surgite, et audite vocem meam: filiae confidenter percipite auribus eloquium, meum, donec effundatur super vos spiritus de excelso: et erit desertum in Cermel, et Cermel in saltum reputabitur. Et habitabit in solitudine judicium, et justitia in Cermel sedebit. Et erit opus justitiae pax, et cultus justitiae silentium, et securitas usque in sempiternum. Et sedebit populus in pulchritudine pacis, et in tabernaculis fiduciae, in requie opulenta, ait Dominus omnipotens. R\. Amen.
Hymnus. O Petre petra Ecclesiae. Supplicatio. Oremus Redemptorem. Quaere retro in istis Vesperis praecedentibus.
Capitula. Apostole Dei beatissime Petre, petra Ecclesiae, pastor coelestis aulae, qui ob hoc, quod primus, (1106A)filium Dei esse, confessus es Christum, claves meruisti percipere regni coelorum; perceptae hujus privilegio potestatis nostrorum omnium vincula dissolve, et illis gloriosus janitor adsta, nosque peccatores feliciter introducas.
Pater noster. Liberati a malo. fol. 2.
Lauda. In psalterio et cithara. fol. CLVIII. Benedictio. Christus Dei Filius. Quaere in istis Vesperis praecedentibus.
DIE XXIV. IN FESTO SANCTI MATHIAE APOSTOLI.
Omnia dicantur unius Martyris praecipui folio CLVI, et post Prophetiam legatur haec Epistola.
Lectio Actuum Apostolorum (Cap. I).
R\. Deo gratias.
(1106B)In illis diebus exurgens Petrus in medio fratrum, dixit: Viri fratres, oportet impleri scripturam, quam praedixit Spiritus [CCXXXI] Sanctus per os David de Juda, qui fuit dux eorum, qui comprehenderunt Jesum: qui connumeratus erat in nobis, et sortitus fuerat sortem ministerii hujus. Hic itaque adquisivit agrum de mercede iniquitatis, et suspensus crepuit medius: et diffusa sunt omnia viscera ejus. Et notum factum est omnibus habitantibus Hierusalem, ita ut appellaretur ager ille, lingua eorum, Acheldemach, hoc est, ager sanguinis. Scriptum est enim in libro Psalmorum: Fiat commoratio ejus deserta, et non sit, qui habitet in ea: et episcopatum ejus accipiat alius. Oportet ergo ex his viris, qui nobiscum (1106C)congregati sunt in omni tempore, quo intravit et exivit inter nos Dominus Jesus, incipiens a baptismate Joannis usque ad diem, qua assumptus est a nobis, testem resurrectionis ejus nobiscum fieri ex istis. Et statuerunt duos viros, Joseph, qui dicitur Barsabas, qui cognominatus est Justus, et Mathiam. Et orantes dixerunt: Tu Domine, qui corda omnium nosti, ostende, quem elegeris ex his duobus unum, accipere locum ministerii hujus, et Apostolatus, de quo praevaricatus est Judas, ut iret in locum suum. Et dederunt sortes eis, et cecidit sors super Mathiam, et adnumeratus est cum undecim Apostolis. R\. Amen.
FESTA MARTII. DIE III. IN FESTO SANCTORUM HEMETERII, ET CELEDONII MARTYRUM.
(1106D)
Omnia dicantur plurimorum Martyrum quatuor capparum fol. CLXV, excepto Hymno ad Vesperas, Capitula, Benedictione, et Hymno ad Matutinum.
Ad Vesperos.
Hymnus.
Scripta sunt Coelo duorum
Martyrum vocabula,
Aureis quae Christus illic
Adnotavit litteris:
Sanguinis notis eadem
Scripta terris tradidit.
Pollet hoc felix per orbem
(1107A)Terra Ibera stemmate:
Hic locus dignus tenendis
Ossibus visus Deo,
Qui beatorum pudicus
Esset hospes corporum.
Hic calentes hauxit undas,
Caedit ictu duplici:
Inlitas cruore sancto
Nunc arenas incolae
Confrequentant obsecrantes
Voce, votis, munere,
Exter, hic nec non et urbis
Ut colonus advenit:
Fama nam terras in omneis
Praecucurrit proditrix,
(1107B)Hic patronos esse mundi,
Quos precantes ambiunt.
Nemo puras hic rogando
Frustra congessit preces:
Laetus hinc tersis revertit
Supplicator fletibus:
Omne, quod justum poposcit,
Impetratum sentiens:
Tanta pro nostris periclis
Cura suffragantum est;
Non sinunt inane, ut ullus
Voce murmur fuderit;
Audiunt, statimque ad aurem
Regis aeterni ferunt.
(1107C)Inde largo fonte abyssi
Dona terris influunt,
Supplicum causas petitis
Quae medelis inrigant:
Nil suis bonis negavit
Christus umquam testibus:
Isti sunt quos nec catena
Dura, nec mors terruit,
Unicum Deum fateri
Sanguinis dispendio;
Sanguinis sed tale damnum
Lux rependit longior:
Hoc genus mortis decorum est:
Hoc probis dignum viris
Membra morbis excidenda
(1107D)Texta venis languidis,
Hostico donare ferro,
Morte et hostem vincere:
Pulchra res! ictum sub ense
Persecutoris patitur:
Nobilis per vulnus amplum
Porta justis panditur;
Lota mens in fronte
Rubrosi decoris exilit.
Nec rudem crudi laboris
Ante vitam duxerant
Milites, quos ad perenne
Cingulum Christus vocat:
[CCXXXII] Sueta virtus bello ense
Armis militat sacratis,
(1108A)Caesaris vexilla linquunt;
Signum Crucis eligunt:
Proque ventosis draconum,
Quos gerebant palliis,
Praeferunt insigne lignum,
Quod draconem subdidit.
Vile censent expeditis
Ferre dextris spiculum,
Machinis murum ferire,
Castra forte cingere,
Impias manus cruentis
Inquinare stragibus.
Forte tunc atrox, secundos
Israelis posteros,
Auctor aulae mundialis
(1108B)Ire ad aram jusserat:
Idolis litare nigris,
Esse Christi refugas.
Liberam succincta ferro
Pestis urgebat fidem:
Illa virgas, et secures,
Et bissulcas ungulas
Ultro fortis expectabat
Christi amore interrita,
Carcer inligata duris
Colla baccis impetit,
Barbaras forum per omne
Tortor exercet manus,
Veritas crimen putatur,
Vox fidelis plectitur:
(1108C)Tunc et ense caesa virtus
Triste percussit solum,
Et rogis ingesta moestis
Ore flammas sorbuit:
Dulce tunc justis cremari,
Dulce ferrum perpeti.
Aeterno gloriam regi
Votivis cum gaudiis
Laetius saeculum per omne
Ovando concinite;
Girum volventem, qui mundi
Usquequaque sustinet.
Amen.
Supplicatio. Oremus Redemptorem mundi, mutatis nominibus, folio CLXXXVII.
(1108D)Capitula. Ecce sacrorum Fratrum sacra solemnia celebrantes, te Deum pietatis intentione rogamus; ut, quorum conditione corporum Iberam dedicas terram, eorum precibus in pace omnem in tuo sanguine redemptam tuearis Ecclesiam: quo, eisdem suffragantibus, a te promereamur audiri, a quo praeceptum suscipimus exorandi:
Pater noster. Liberati a malo. fol. 2
Benedictio. Omnipotens Deus, ad quem beatissimi Hemetherius et Celedonius martyres ob confessionis fideique signaculum orarium atque anulum coelis subvehenda miserunt, conservet vos utroque munere gratiarum; R\. Amen. Ut per eos et fidei et confessionis virtute pollentes; aeterni coelestis patriae habeamini (1109A)cives, quorum hodie geminum festum celebratis ovantes. R\. Amen. Quo, sicut alumna plebs de eorum gemina susceptione corporum gratulatur, sic tota Ecclesia eorum se tueri ac defendi patrociniis gratulemur. R\. Amen.
Ad Matutinum hymnus
Hic duorum chara fratrum
Concalescunt pectora;
Fida, quos per omne tempus
Junxerat sodalitas:
Stant parati ferre, quicquid
Sors tulisset ultima:
Seu foret praebenda cervix
Ad bipennem publicam:
Verberum post vim crepantum,
(1109B)Post catastas igneas:
Sive pardis offerendum
Pectus, aut leonibus.
Nosne Christo procreati
Mammonae dicabimur?
Et Dei formam gerentes
Serviemus saeculo?
Absit, ut coelestis ignis
Se tenebris misceat:
Sit satis, quod capta primo
Vita sub chirographo,
Debitum persolvit omne
Functa rebus Caesaris:
Tempus est Deo rependi
(1109C)Quicquid est proprium Dei.
Ite signorum magistri,
Et vos tribuni adsistite,
Aureos offerte torques
Sauciorum praemia:
Clara vox hic Angelorum
Vocat stipenda;
Christus illic candidatis
Praesidet cohortibus,
Et throno regnans ab alto,
Damnat infames deos:
Quaeque deridenda nobis
Monstra divos fingitis.
[CCXXXIII] Haec loquentes obruuntur
Mille poenis Martyres:
(1109D)Nexibus manus utrasque
Flexus involvit rigor:
Et calybs adtrita colla
Duriter ambit circulis
O vetustatis silentis
Obsoleta oblivio!
Invidentur ista nobis,
Fama et ipsa extinguitur,
Chartulas blasphemus olim
Nam satelles abstulit;
Ne tenacibus libellis
Erudita saecula
Ordinem, tempus, modumque
Passionis proditum,
Dulcibus linguis per aures
(1110A)Posterorum spargerent:
Hoc tamen solum vetusta
Subtrahunt silentia,
Jugibus longum catenis
Ad capillum tracti,
Quo viros dolore tortor
Quave pompa ornaverit.
Illa laus occulta non est,
Nec senescit tempore:
Missa quod sursum per auras
Evolarunt munera,
Quae viam patere coeli
Praemicando ostenderent,
Illius fidem figurans
Nube fertur anulus:
(1110B)Hic sui dat pignus oris
Ut ferunt, orarium;
Quae superno rapta flatu
Lucis intrant intimum.
Per poli liquentis axem
Fulgor auri absconditur;
Ac diu visum sequacem
Textilis candor fugit;
Subvehuntur usque in astra,
Nec videntur amplius:
Vidit hoc conventus adstans,
Ipse vidit carnifex,
Et manum repressit haerens,
Ac stupore obpalluit;
Sed tamen peregit ictum,
(1110C)Ne periret gloria.
Jam ne credis, bruta quondam
Vasconum gentilitas,
Quam sacrum crudelis heroum
Immolarit sanguinem?
Credis in Deum relatum
Hostiarum spiritum?
Cerne quam palam feroces
Hic domantur daemones,
Qui lupino capta ritu
Deformant praecordia;
Strangulant mentes et ipsas,
Seque miscent sensibus.
Tunc suo jam plenus hoste,
(1110D)Sistitur furens homo,
Spumans, efflans salivas,
Cruda torquens lumina;
Expiandus quaestione
Non suorum criminum.
Audiens haec tortor adest,
Ejulatu flebili:
Scinditur per flagra corpus,
Nec flagellum cernitur;
Crescit et suspensus ipse
Vinculis latentibus est.
His modis spurcum latronem
Martyrum virtus quatit,
Haec coercet, torquet, urit,
Haec catenas incutit
(1111A)Praedo vexatus relictis
E medullis exilit:
Linquit inlaesam rapinam,
Faucibus siccis fugit,
Ungue ab imo usque ad capillum
Salva reddit omnia,
Confitens ardere sese,
Nec gehennae est incola.
Quid loquar, purgata longis
Alba morbis corpora?
Algidus cum decoloros
Horror artus concutit:
Hinc tumor vultum relinquit,
Hinc color verus redit.
Hoc bonum Salvator ipse,
(1111B)Quo fruamur, praestitit,
Martyrum quod membra
Nostro consecravit oppido:
Sospitantque nunc Colonos
Quos Iberus alluit.
State nunc invictae matres
Pro receptis parvulis,
Conjugum salute laeta
Vox maritarum strepet:
Sit dies haec festa nobis,
Sit sacrata gaudiis.
Gloria Patri, Natoque,
Semper et Paraclito
Laus, potestas, atque virtus,
(1111C)Gratiarum copiaque;
Deum cuncta fatentur
Saeculorum saecula.
Amen.
[CCXXXIV] FESTA APRILIS. DIE XVI. IN FESTO SANCTAE ENGRATIAE, VEL DECEM ET OCTO MARTYRUM.
Omnia dicantur plurimorum Martyrum. fol. CLXII. excepto Hymno, qui est iste: Bis novem noster. fol. CL.
FESTA MAII. DIE I. IN FESTO SANCTI TORQUATI ET COMITUM EJUS EPISCOPORUM.
(1111D)
Ad Vesperum.
Lauda. Exortum est. fol. CLXII.
Sono. Alleluia. In omnem terram exivit sonus Sanctorum: P. Et in fines orbis terrae verba illorum Alleluia. V\. Alleluia. Non sunt loquelae neque sermones: quibus non audiantur voces eorum. P. Et in.
Dominus sit. R\. Et cum.
Antiphona. Alleluia. Isti sunt viri nominati in virtute: P. Doctores populi facientes judicium in doctrina sua. V\. Coeli enarrant gloriam Dei, et opera manuum ejus annunciat firmamentum. P. Doctores. V\. Gloria, et honor. P. Doctores.
Dominus sit. R\. Et cum.
Lauda. Disciplina et sapientia replevit illos Dominus. (1112A)Alleluia; P. Creavit in illis gratiam Spiritus sancti sui: intellectu replevit corda eorum. Alleluia, alleluia. V\. Et clamaverunt ad Dominum, cum tribularentur: et de necessitatibus eorum liberavit eos. P. Creavit in illis. V\. Gloria, et honor P. Creavit in illis.
Hymnus.
Urbis Romuleae jam toga candida
Septem Pontificum destina promicat,
Missos Hesperiae, quos ab Apostolis
Adsignat fidei prisca relatio.
Hi sunt perspicui luminis indices
Torquatus, Tesiphons, atque Hesychius;
Hinc Indaletius, sive Secundus est,
Juncti Euphrasio, Caecilioque sunt.
Hi evangelico lampade praediti
(1112B)Lustrant Occiduae partis arentia;
Quo sic catholicis ignibus ardeant,
Ut cedant facibus furna nocentia.
Accis continuo proxima fit Viris
Bis senis stadiis, qua procul insident:
Mittunt adseclas escula quaerere,
Quo fessa dapibus membra reficerent.
Illic discipuli Idola Gentium
Vanis inspiciunt ritibus excoli:
Quos dum sic agere fletibus immorant,
Terrentur potius ausibus impiis.
Mox insana fremens turba satellitum,
In his cum fidei stigmata nosceret,
Ad pontem fluvii usque per ardua
Incursu celeri hos agit in fugam.
(1112C)Sed pons praevalido murice fortior
In partes subito pronus resolvitur,
Justos ex manibus hostium eruens,
Hostes flumineo gurgite subruens.
Haec prima fidei est via plebium,
Inter quos mulier sancta Luparia
Sanctos adgrediens cernit, et obsecrat,
Sanctorum monita pectore conlocans.
Tunc Christi famula obsequio parens
Sanctorum statuit condere fabricam,
Quo Baptisterii unda patesceret,
Et culpas omnium gratia tergeret.
Illic Sancta Dei femina tinguitur,
Et vitae lavacro tincta renascitur:
(1112D)Plebs hic continuo pervolat ad fidem,
Et fit catholico dogmate multiplex.
Post haec Pontificum chara sodalitas
Partitur properans septem in urbibus,
Ut divisa locis dogmata funderent,
Et sparsis populos ignibus urerent.
Per hos Hesperiae finibus indita
Inluxit fidei gratia praecocax:
In signis variis, atque poteentia
Virtutum, homines credere provocant.
Ex hinc justitiae fructibus inclyti
Vitam multiplici foenore terminant,
Consepti tumulis, urbibus in suis:
Sic sparso cinere, una corona est.
Hinc te turba potens unica septies
(1113A)Oratu petimus pectoris abdita;
Ut vestris precibus, sidus in aetheris
Portemur socii civibus Angelis.
Sit trino Domino gloria unico,
Patri cum Genito, atque Paraclito;
Qui solus Dominus Trinus et Unus est,
Saeclorum valide saecula continens.
Amen.
Supplicatio. Oremus, mutatis nominibus, fol. CLXII.
Capitula. Ecce Domine, nostrorum Praesulum memoriam facientes, quorum doctrinis fides Christiana nostris primum inlapsa est partibus; Torquati videlicet, Secundi, Indaletii, Tesiphontis, Euphrasii, Caecilii [CCXXXV] et Hesychii, vespertinum tibi hoc lumen offerimus, obsecrantes, ut eorum nos precibus a (1113B)criminum squalore depurges, et spiritualium charismatum gratia innoves, quorum praesentia occiduae partis plagam visitare dignatus es.
Pater noster. Liberati a malo. fol. 2.
Benedictio. Deus, qui Torquati et Sociorum ejus itineri gloriosus effectus est ductor, ipse vestrorum criminum sit indultor: R\. Amen. Et, qui eorum Discipulos miro pontis fragmine liberavit ab impiis, vos eripiat a cunctis vitiorum carnalium incentivis; R\. Amen. Ut illo ardore spiritus quo Christi nomen vestris partibus credimus praedicasse, eo valeatis et terrena respuere, et coelestia semper animo retinere. R\. Amen.
Per misericordiam.
Lauda. Vos estis vasa sancta Domino auro fulgente: (1113C)Alleluia. P. Quia sponte obtulistis Domino Deo animas vestras. Alleluia, alleluia, alleluia. V\. Benedicti vos a Domino, qui fecit coelum et terram. P. Quia sponte. V\. Gloria, et honor. P. Quia sponte
Oratio. Beati vere, Domine, et nimio honore digni sunt, quorum tu portio esse dignatus es; ideoque interventu sanctorum tuorum Torquati et Sociorum ejus quicquid tibi ex nobis non militat, amor coelestis patriae in nobis flagrans usquequaque interimat: et post cum his Sanctis, quorum animae in manu tua sunt, nos pietas tua coelesti in regno adjungat. R\. Amen.
Per misericordiam.
(1113D)In nomine Domini.
Ad Matutinum.
Antiphona. Da nobis. Psalmus L. Oratio. Redde nobis, Domine. fol. CLXIII.
Antiphona. 1. Hi sunt, qui missi sunt per orbem terrarum, et prostraverunt se ante Agnum, P. Habentes phialas aureas plenas incensu, quae sunt memoriae Sanctorum, cantantes canticum novum. V\. In omnem terram exivit sonus eorum: et in fines orbis terrae verba illorum. P. Habentes phialas. V\. Gloria, et honor. P. Habentes.
Oratio. Hi sunt, Domine, septem faculae hujus Hesperiae finibus inditae ad effugandam ejus tetrae noctis infidelitatem coelitus missae: ob hujus ergo munus gratiae a te nobis conlatae reficiat nos fragrantia (1114A)odoris evangelicae doctrinae ac thymiamatum praeceptorum digne redolentium; ex quo dogmate plenius referti, id ipsum corda et mens nostra parturiat, quod a te judicii tempore remunerari merito digna petitio nostra efflagitat. R\. Amen.
Per misericordiam tuam, etc.
Antiphona 2. Beati, et multo honore digni, quorum portio Deus est: P. Quibus a principio praeparatum est regnum, horumque animae in manu Dei sunt. V\. Clamaverunt justi, et Dominus exaudivit eos: et ex omnibus tribulationibus eorum liberavit eos. P. Quibus a principio. V\. Gloria, et honor. P. Quibus a principio.
Oratio. Beati vere, Domine, et nimio. Quaere retro in Vesperis praecedentibus.
(1114B)Antiphona 3. Legem tuam splendide docuerunt, quorum sunt opera multa. P. Reposita apud te, Domine. V\. Qui confidunt in Domino, sicut mons Sion non commovebitur in aeternum, qui habitat in Hierusalem. P. Reposita. V\. Gloria, et honor. P. Reposita.
Oratio. Deus Dei Filius, lumen astrorum, fulgor siderum, stella splendida et matutina, claritas sempiterna, et sanctorum eruditio copiosa, erudiat nos, quaesumus, justitiae tuae virga per sanctorum tuorum Torquati et Sociorum ejus intercessionem assiduam: sicque, quod praedicaverunt splendide inluminati, agendo existamus corde; ut ad illud, quod apud te repositum est (quod oculus non vidit, nec auris audivit) post obitum accedamus indemnes, et a nexu (1114C)peccaminum liberi. R\. Amen.
Per misericordiam.
R\. Sancti, qui in justitia erudierunt multos, fulgebunt, sicut splendor firmamenti. P. Et sicut stellae coeli in perpetua aeternitate. V\. Isti sunt viri sancti, quos elegit Dominus in charitate non ficta; et ab eorum doctrina fulget Ecclesia, ut Sol, et Luna. P. Et sicut stellae. V\. Gloria, et honor. P. Et sicut stellae.
Oratio. Christe, Dei Filius, qui Sanctos tuos praesciens, ante mundi constitutionem eos eligis, et in exemplum nostrum hic eos constituis; fac nos ita Sanctorum praedicamento obedientes existere, ut adoptione filiorum post nostrum obitum merea;mur (1114D)compotes esse. [CCXXXVI] R\. Amen.
Per misericordiam.
In Laudibus.
Ad Canticum. Antiphona. Qui propria voluntate obtulistis vos discrimini, benedicite Dominum narrantes justitias ejus et clementiam in fortes Israel.
Canticum. Qui sponte obtulistis. fol. CLXIII.
Ad Benedictus. Antiphona. Sancti et humiles corde, spiritus et animae justorum, benedicite Dominum. V\. Justi, et sacerdotes sancti et humiles corde, benedicite Dominum.
Canticum. Benedictus es, Domine. fol. 6. Sono. Alleluia. In omnem terram. Quaere retro in Vesperis praecedentibus.
Lauda. Laudate Dominum de coelis Alleluia, alleluia: (1115A)laudate eum in excelsis, alleluia, alleluia. Psalmus CXLVIII.
Lectio libri Sapientiae (Cap. XLIV).
R\. Deo gratias.
Multam gloriam fecit Dominus magnificentia sua a saeculo. Dominantes in potestatibus suis, homines magnos virtute, et prudentia sua praediti, nunciantes in dignitate prophetarum, et imperantes in praesenti saeculo, et virtute prudentiae populos sanctissima verba. In pueritia sua requirentes modos musicos, et narrantes carmina scripturarum. Omnes divites in virtute, pulchritudinis studium habentes: pacificantes in domibus suis. Omnes isti in generationibus gentis suae gloriam adepti sunt, et in diebus suis habentur (1115B)in laudibus. Qui de illis nati sunt, requirunt nomen narrantes laudes eorum: et sunt quorum non est memoria: perierunt quasi non fuerint: et nati sunt, quasi non nati, et filii ipsorum cum ipsis. Sed illi viri misericordes sunt, quorum pietas non defuit, et cum semine ipsorum perseverat bona hereditas nepotum illorum, et in testamentis stetit semen illorum: et filii illorum propter illos. Usque in aeternum manebit semen eorum, et gloria eorum non derelinquetur. Corpora eorum in pace sepulta sunt, et nomen eorum manebit in generatione. Sapientiam ipsorum narrant populi, et laudem eorum nunciat Ecclesia. R\. Amen.
Hymnus. Urbis Romuleae. Supplicatio. Oremus Redemptorem. Quaere retro in Vesperis praecedentibus.
(1115C)Capitula. Adest, Domine, clara et enitens tuorum illa septem Pontificum revoluti temporis annua celebritas: alma solemnitas! per quos dudum occidentalis plagae novellae fidei germine praedicationis sarculo plantare dignatus es normam; per quos nefariae superstitionis coruscante luminis radio effugare dignatus es dogma. His ergo intervenientibus ardeant in conspectu gloriae tuae desideriorum nostrorum clibana: deferantur precum veridica holocausta: acceptentur votorum pura libamina: his orantibus, tribuatur cunctis sacrosancto altario tuo deservientibus, nivei candoris munditia castitatis; Virginibus almi pudoris mentis: et corporis remuneranda integritas; continentibus, et omnibus in commune fidelibus, (1115D)operis sancti effectus a te in futuro examine rite beandus. Torquatus ex his nobis proroget monilium ornamenta virtutum: Tesiphons a te, qui es fons vitae, uberrimo doctrinae gurgitis poculo satiet: Hesychius sceleris nostri piacula mundet: Indaletius index bonorum operum spiritualium alimenta ministret: Secundus futuri adventus tui gaudio electorum participio jungat: Euphrasius quadrifluo Evangeliorum amne Catholicae fidei dogmata firmet: Caecilius coetibus Angelorum nos adsociet. Sic quoque plebs alumna Sanctorum tuorum in canticis labiorum et laudis jubilo festa rite excolens, septempliciter dono gratiarum exuberet; ut ad id, quod oculus non vidit, nec auris audivit, quod praeparasti his, qui te diligunt, criminum mole dempta, (1116A)aethereis sedibus contutanda praedictorum ducatu perducatur ad regnum.
Pater noster. Liberati a malo. fol. 2.
Lauda. Vos estis vasa sancta Domino. Benedictio. Deus, qui Torquati et Sociorum ejus. Quaere retro in Vesperis praecedentibus.
DIE II MAII. IN FESTO SANCTI FELICIS DIACONI HISPALENSIS.
Ad Vesperum.
Lauda. Speravit anima. fol. CLVI. Sono. Fac mecum, Deus. fol. CLVIII.
[CCXXXVII] Antiphona. Beatus vir, qui non est lapsus verbo oris sui, et non est compunctus tristitia delicti. P. Felix, qui non habuit moestitiam in animo (1116B)suo. V\. Beatus, qui intelligit super egenum, et pauperem: in die mala liberavit eum Dominus. P. Felix, qui non. V\. Gloria, et honor Patri. P. Felix, qui non.
Dominus sit semper vobiscum. R\. Et cum.
Antiphona. Beatus, cujus Deus Jacob adjutor, est spes ejus in Domino Deo ipsius: P. Qui fecit coelum, et terram, mare, et omnia, quae in eis sunt: V\. Qui ingreditur sine macula, et operatur justitiam: qui loquitur veritatem in corde suo: P. Qui fecit coelum. V\. Gloria, et honor. P. Qui fecit coelum.
Dominus sit semper. R\. Et cum.
Antiphona. Beatus vir, cujus est auxilium abs te, Domine: ascensum in corde ejus disposuisti. P. (1116C)Ambulabit de virtute in virtutem. V\. Domine Deus virtutum, converte nos, et ostende faciem tuam, et salvi erimus. P. Ambulabit. V\. Gloria, et honor. P. Ambulabit.
Dominus sit semper. R\. Et cum spiritu.
Lauda. Beatus servus ille, quem adveniens Dominus ejus invenerit benefacientem. P. Verum dico vobis, quod super omnia bona constituet illum: Alleluia, alleluia. V\. Beatus vir, qui implevit desiderium suum ex ipsis: non confundetur, dum loquetur inimicis suis in porta. P. Verum. V\. Gloria, et honor. P. Verum.
Hymnus. Deus tuorum. fol. CLVIII. Supplicatio. Oremus, mutato nomine, folio CLVII.
(1116D)Capitula. Felix martyr tuus, Domine, et nomine probatus et munere consecratus, dum eum ex nomine vocas, et munere consecras: ut eum et nuncupares praescitum, et glorificares electum; Confessionis ergo hujus nos participes effice, et beatitudinis compotes redde: ut, te annuente, infelices eruat de ergastulis inferorum, cum ipse Felix permanet in aeternum.
Pater noster. Liberati a malo. fol. 2.
Benedictio. Christus Dominus, qui beatissimum hunc Martyrem et merito felicem fecit esse et nomi ne, ab omni vos infelicitatis labe expurgei; R\. Amen. Ut, qui per illum feliciter temporales infeli cium infelicitates devicit, felicitati vos aeternae jubeat munerari: R\. Amen. Ut, qui per hunc Martyrem indultae felicitatis privilegio gaudet, in aeterna vos (1117A)feliciaque [ F. felicitate] sine fine laetabundos oblectet. R\. Amen.
Per misericordiam ipsius.
Lauda. Alleluia. Benedictio ejus sicut fluvius inundans in throno honoris. P. Docuit sapientiam; haec omnia justo in bono. Alleluia. V\. Ecce sic benedicetur homo, qui timet Dominum. P. Docuit sapientiam. V\. Gloria, et honor Patri. P. Docuit sapientiam.
Oratio. Felix martyr tuus, Domine, quem utique felicem esse et nomine voluisti et merito, suo nos suffragio tueatur in saeculo; ut cum tristitia animi et si fuit temporaliter quae accideret, non tamen extitit, quae noceret: tristitiam nocituram a nostris cordibus sua submoveat prece; ut, qui illum nomine hereditasti (1117B)aeterno, nos, ne pereamus, supplicio digneris liberare perpetuo. R\. Amen.
Per misericordiam tuam.
In nomine Domini nostri Jesu Christi.
Ad Matutinum.
Antiphona. Labia mea, Domine, aperies. Psalmus L. Oratio. Exultent, Domine, labia nostra. folio 60.
Antiphona 1. Felix in gloria est imitandus in timore Domini; P. Quia in bonitate, et alacritate animi placuit Deo Israel. V\. In memoria aeterna erit justus: et ab auditu malo non timebit. P. Quia in bonitate. V\. Gloria, et honor. P. Quia in bonitate.
Oratio. Omnipotens Christe, Filius Dei Patris Altissimi, qui in sensu Felicis martyris circumspectiones (1117C)tuas dedisti, adimplens illum spiritu sapientiae, et vestiens stola gloriae sempiternae: quo infelicitatem saeculi feliciter vincens, felicitatis illius sanctae Hierusalem mereatur effici heres; da nobis felici ejus merito triumphare, ut infelicitates nostrae felici ejus suffragio propellantur, et vita ipsa in melius commutetur. R\. Amen.
Per misericordiam, etc.
Antiphona 2. Felix, qui non habuit animi sui tristitiam, et non excidit ab spe sua. P. Jocunditate et exultatione thesaurizavit super eum Dominus, et nomine aeterno hereditavit illum. [CCXXXVIII] V\. Cibavit illum pane vitae et intellectus, et aqua sapientiae salutaris potavit illum: P. Jocunditate. V\. Gloria, et honor. P. Jocunditate.
(1117D)Oratio. Felix tuus, Domine. Quaere retro in Vesperis praecedentibus.
Antiphona 3. Felix, qui potuit transgredi, et non est transgressus; et facere mala, et non fecit: P. Ideo stabilita sunt opera ejus in Domino, et eleemosynas illius enarrabit Ecclesia sanctorum. V\. Benignus vir, qui miseretur et commodat, disponet sermones suos in judicio: quia in aeternum non commovebitur. P. Ideo stabilita. V\. Gloria, et honor Patri. P. Ideo stabilita sunt.
Oratio. Felix est, Domine, quem ita tuo munere facis esse felicem, ut transgressionis nesciat voluptates: ut, cum possit transgredi, transgressum se esse non noverit: nec male facere, cum utique possit (1118A)a rectis semitis deviare; Qui ergo non suo sed tuo munere felicitatis hujus promeruit donum, nostrae infelicitatis suis precibus detergat opprobrium: quo, tanti Martyris ducatu in saecula gubernati, et voluntatem peccandi nesciamus habere, et transgressionis culpas ignoremus perficere. R\. Amen.
Per misericordiam tuam, etc.
R\. Felix vir, qui inventus est sine macula: et qui post aurum non abiit, nec speravit in pecunias et thesauros. P. Quis est hic, laudabimus eum, fecit mirabilia in vita sua: V\. Ideo stabilita sunt dona ejus in Deo suo, et eleemosynas illius enarravit Ecclesia sanctorum. P. Quis est. V\. Gloria, et honor. P. Quis est.
Oratio. Deus auctor felicitatis aeternae, qui in (1118B)tantum fecisti Felicem martyrem tuum esse felicem, ut nec post aurum abiret, nec in thesauros et pecunias speraret: cum sine avaritiae contagio margaritas fulgens praedicando seminaret in populo; da nobis, ut totius avaritiae retinacula perhorrentes, justitiae verbum in ore portemus: quo legem et misericordiam in lingua habentes, infelicitatem saeculi Felicis tui merito superemus, et felicitatem vitae aeternae feliciori ejus suffragio capiamus. R\. Amen.
Per misericordiam.
In Laudibus.
Ad Canticum. Antiphona. Thronum gloriae hereditans illi: dat votum optanti, et benedicite annos justi.
Canticum. Confirmatum est cor meum. Quaere folio LXXXVI. Canticum. Benedictus es, Domine Deus. (1118C)folio 6.
Sono. Septies in die laudem dixi tibi, Domine Alleluia, alleluia: V\. Super judicia justitiae tuae. Alleluia. alleluia.
Lauda. Laudate Dominum de coelis. Alleluia. alleluia: laudate eum in excelsis, Alleluia, alleluia. Psalmus CXLVIII.
Lectio libri Sapientiae Salomonis (Cap. XIV, XV).
R\. Deo gratias.
Beatus vir, qui non est lapsus verbo ex ore suo, et non est stimulatus tristitia delicti. Felix, qui non habuit in animo suo tristitiam, et non excidit a spe sua. Beatus vir, qui in sapientia sua moratur, et qui in justitia sua meditatur, et in sensu cogitavit inspectionem (1118D)Dei. Qui timet Deum, faciet bonum: et qui continens est justitiae, apprehendet illud, et obviabit illi quasi mater honorificata, et quasi similiter a virginitate suscipiet illum. Cibabit illum panis vitae et intellectus, et aqua sapientiae salutaris potabit illum. Et firmabitur in illo, et non flectetur: et continebit illum, et non confundetur: et exaltabit illum apud proximos suos, et in medio Ecclesiae aperiet os ejus: adimplebit illum spiritus sapientiae et intellectus, et stola gloriae vestiet illum. Jocunditatem et exultationem thesaurizavit super eum, et nomine aeterno hereditavit illum. R\. Amen.
Hymnus. Deus tuorum militum. Fol. CLVIII. Supplicatio. Oremus Redemptorem. Capitula. Felix martyr tuus. Lauda. Alleluia. Benedictio ejus sicut fluvius. (1119A)Benedictio. Christus Dominus, qui beatissimum. Quaere in Vesperis praecedentibus. Exeunte Vespera Lauda. Speravit anima mea. folio CCV. Sono. Fac mecum, Deus, signum in bono. Quaere fol. CLIX.
Antiphona. Orate ad Dominum, viri sancti, ut concedat populo suo salutem; P. Et omnis infirmitas auferatur a nobis. V\. Confitemini Domino, quoniam bonus: quoniam in saeculum misericordia ejus. P. Et omnis. V\. Gloria. P. Et omnis.
Dominus sit. R\. Et cum.
Lauda. Corpora sanctorum quiescentium in loco [CCXXXIX] isto, orate pro nobis ad Dominum; P. Ut donet pacem super terram et requiem temporibus nostris. Alleluia, alleluia. V\. Laudate Dominum, omnes Gentes: et conlaudate eum omnes populi. P. (1119B)Ut donet. V\. Gloria. P. Ut donet.
Hymnus. Deus tuorum militum. fol. CLVIII. Supplicatio. Oremus. Capitula. Felix martyr tuus. Benedictio. Christus Dominus. Lauda. Alleluia. Benedictio ejus. Oratio. Felix tuus, Domine. Quaere retro in proximis Vesperis praecedentibus.
DIE III. IN FESTO INVENTIONIS SANCTAE CRUCIS.
Ad Vesperum.
Lauda. Laudaverunt te, Domine, omnes Angeli tui, et hymnum dixerunt, dum perficeres fabricam coeli. Tuus est dies, et tua est nox: P. Tu fecisti Solem et Lunam. V\. Tu confirmasti in virtute tua mare: contribulasti capita draconum super aquas. P. Tu fecisti.
(1119C)Dominus sit. R\. Et cum.
Sono. O bona Crux, quae decorem et pulchritudinem de manibus Domini suscepisti, quia diu desiderata, solicite amata, sine intermissione quaesita. Alleluia. V\. Sancta Crux, antequam te Dominus adscenderet, timorem terrenum habuisti; modo vero, quia inventa es amorem coelestem obtinens, pro voto susciperis. Alleluia.
Dominus sit. R\. Et cum.
Antiphona. Alleluia. Gloriemur in Cruce Domini nostri Jesu Christi; P. Per quem nobis mundus crucifixus est, nosque mundo. V\. Cantate Domino canticum novum: quia mirabilia fecit. P. Per quem nobis, (1119D)V\. Gloria, et honor. P. Per quem nobis.
Dominus sit. R\. Et cum.
Lauda. Pacificavit omnia per sanguinem Crucis suae, sive quae in coelis, sive quae in terris sunt, Dominus Jesus Christus: P. Quoniam in ipso habitat omnis plenitudo Divinitatis corporaliter: P. Qui est caput omnis principatus. Alleluia, alleluia. V\. Omnes gentes plaudite manibus: jubilate Deo in voce exultationis. P. Quoniam in ipso. V\. Gloria, et honor. P. Qui est caput.
Hymnus.
Pange, lingua gloriosi
Praelium certaminis,
Et super Crucis trophaeum
Dic triumphum nobilem:
(1120A)Qualiter Redemptor orbis
Immolatus vicerit.
De parentis protoplasti
Fraude Factor condolens,
Quando pomi noxialis
Morte morsu corruit:
Ipse lignum tunc notavit,
Damna ligni ut solveret.
Hoc opus nostrae salutis
Ordo depoposcerat,
Multiformis proditoris
Ars ut artem falleret,
Et medelam ferret inde,
Hostis unde laeserat.
Quando venit ergo sacri
(1120B)Plenitudo temporis,
Missus est ab arce Patris
Natus orbis Conditor,
Atque ventre virginali
Carne factus prodiit.
Vagit infans inter arcta
Conditus praesepia:
Membra pannis involuta
Virgo mater alligat;
Et manus, pedesque, crura
Stricta cingit fascia.
Lustra sex qui jam peracta
Tempus implens corporis,
Se volente natus ad hoc,
Passioni deditus,
(1120C)Agnus in Cruce levatur
Immolandus stipite.
Hic acetum, fel, arundo,
Sputa, clavi, lancea
Mite corpus perforatur:
Sanguis unda profluit:
Terra, pontus, astra, mundus
Quo lavantur flumine!
Crux fidelis inter omnes
Arbor una nobilis:
Nulla talem silva profert
Fronde, flore, et germine;
Dulce lignum, dulcem clavum
Dulce pondus sustinet.
(1120D)Flecte ramos, arbor alta,
Tensa laxa viscera;
Et rigor lentescat ille,
Quem dedit nativitas,
Ut superni membra Regis
[CCXL] Mite tendas stipite.
Sola digna tu fuisti
Ferre pretium saeculi;
Atque portum praeparare
Nautae mundi naufrago,
Quem sacer cruor perunxit
Fuso Agni sanguine.
Gloria, et honor Deo
Usquequaque altissimo,
Una Patri, Filioque,
(1121A)Inclyto Paraclito,
Cui laus, et potestas,
Per aeterna saecula.
Amen.
Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut nos vexillo Crucis suae propitius justificare dignetur. R\. Praesta, aeterne omnipotens Deus.
Kyrie eleison, R\. Christe eleison, Kyrie eleison.
Capitula. Domine Jesu Christe noster Conditor et Redemptor, qui nosti nos cecidisse saucios in delictis; erige nos in virtute et victoria sanctae Crucis: da nobis salutis esse praemium, quod tibi pro nobis fuit poenale supplicium: ut eo quod tu mortem sustulisti (1121B)ad mortis victoriam, nos habeamus ad peccatorum veniam, et vitam aeternam.
Pater noster. Liberati a malo. fol. 2.
Benedictio. Christus Dei Filius, qui pacificavit omnia per sanguinem. Crucis suae, vera nos crucifixione mortificet: R\. Amen. Ut erecti semper in victoriam Crucis, devicto semper diabolo triumphemus; R\. Amen. Quo venerabile Crucis festum devotione promptissima celebrantes, et hic et in aeternum mereamur esse felices. R\. Amen.
Per misericordiam.
Lauda. Dominus Jesus Christus, qui est testis fidelis, primogenitus mortuorum, et princeps regum terrae. P. Ipse dilexit nos, et lavit nos a peccatis nostris sanguine suo. Alleluia. V\. Lapidem, quem (1121C)reprobaverunt aedificantes, hic factus est in caput anguli. P. Ipse dilexit nos. V\. Gloria, et honor. P. Ipse dilexit.
Oratio. Christe Dei Filius, in cujus nomine per Crucis mysterium omne genu flectetur; da nobis in Cruce tua copiosius exultare, ut in ejus victoria, et illaesi mare saeculi transeamus, et ad te coronandi post nostrum transitum accedamus. R\. Amen.
Per misericordiam.
In nomine Domini.
Ad Matutinum.
Antiphona. Ego dormivi: et resurrexi, quoniam Dominus suscitavit me. Psalmus III.
Oratio. Domine Jesu Christe, qui pro nobis soporem (1121D)mortis ideo suscepisti, ne nos amplius obdormiremus in mortem; dona, ut qui te moriente renascimur, te etiam vivificante a peccatorum lecto surgamus: nec ultra jam obruamur poena peccati, qui nos redemptos congaudemus pretio sacri sanguinis tui. R\. Amen.
Per misericordiam.
Antiphona 1. In nomine Domini omne genu flectatur coelestium, terrestrium et infernorum; P. Quia Dominus obediens usque ad mortem, mortem autem Crucis. P. Ideo Dominus Jesus Christus in gloria est Dei Patris. V\. Audite haec omnes gentes: auribus percipite, qui habitatis orbem: P. Quia Dominus. V\. Gloria, et honor. P. Ideo Dominus.
(1122A)Oratio. Christe Dei Filius. Quaere in Vesperis praecedentibus.
Antiphona 2. Christus Jesus, qui, cum in forma Dei esset, non rapinam arbitratus est, esse se aequalem Deo, sed semetipsum exinanivit, P. Formam servi accipiens, humiliavit se usque ad mortem, mortem autem Crucis. V\. Ipse fecit nos, et non ipsi nos; nos autem populus ejus, et oves pascuae ejus. P. Formam servi accipiens. V\. Gloria, et honor Patri. P. Formam servi.
Oratio. Christe Jesu, qui, mortalitatis nostrae forma suscepta, mortis nostrae et Crucis voluisti sustinere injuriam; da nobis, ut Crucis tuae munimine circumsepti devincamus omnes laqueos inimici. R\. Amen.
(1122B)Per misericordiam.
Antiphona 3. Juste judicans peccata nostra portavit corpore suo super lignum; P. Ut a malis separati cum justitia vivamus. V\. Jubilate Deo omnis terra: servite Domino in laetitia. P. Ut a malis. V\. Gloria, et honor Patri. P. Ut a malis.
Oratio. Juste quidem, Domine, judicans peccata nostra in corpore tuo super lignum portasti, cum diabolum non potestate, sed justitia devicisti: ut qui per debitam mortem nostram servituti ejus subjugati eramus, per indebitam mortem tuam ad libertatis gratiam redeamus; [CCXLI] fac nos ergo ut in te semper liberi esse possimus, qualiter tecum et hic et in aeternum sine fine vivamus. R\. Amen.
Per misericordiam.
(1122C)R\. Jesum Nazarenum, quem unxit Deus Spiritu Sancto, et virtute, quem Judaei repulerunt, et occiderunt suspendentes in ligno: Hunc Deus suscitavit post diem tertium, et dedit illum manifestum fieri non omni populo; sed nobis praedestinatis ab eo, qui cum ipso manducavimus, et conversati sumus. P. Posquam resurrexit a mortuis. V\. Apparuit Dominus, januis clausis, discipulis suis. P. Postquam. V\. Gloria, et honor Patri. P. Postquam.
Oratio. Jesu Nazarene, qui a Judaeis suspensus in ligno, magno resurrectionis devicta morte triumphasti miraculo; dignare te manifestum fieri in cordibus nostris: et, qui post mortem Crucis resurgens, tuis es manifestatus discipulis; post vulnera nostrae corruptionis, tuae nos subsequantur munera pietatis. (1122D)R\. Amen.
Per misericordiam.
In Laudibus.
Ad Canticum. Antiphona. Cantemus Domino: gloriose enim honorificatus est.
Canticum. Cantemus Domino: gloriose. Quaere fol. 369.
Ad Benedictus. Antiphona. Tibi soli Deo honor, et gloria, virtus, et potestas in saecula saeculorum.
Canticum. Benedictus es Domine Deus. fol. 6.
Sono. O bona Crux. Quaere in Vesperis praecedentibus.
Lauda. Laudate Dominum de Coelis Alleluia: laudate (1123A)eum in excelsis Alleluia, alleluia. Psalmus CXLVIII.
Prophetia. Ego Joannes fui in spiritu, et ostendit mihi. fol. 392.
Hymnus. Pange lingua gloriosi.
Supplicatio. Oremus Redemptorem mundi Dominum. Quaere in Vesperis praecedentibus.
Capitula. Ineffabile satis est, Domine, mysterium Crucis tuae, quo et mortis potestatem evacuas, et resurrectionis luce coruscas; Da ergo nobis et initia, et perfectionem sanctae virtutis: ut, dum praedicamus gloriam Crucis, ad praemium mereamur pertingere immortalitatis.
Pater noster. Liberati a malo. folio 2.
Lauda. Dominus Jesus Christus.
(1123B)Benedictio. Christus Dei Filius. Quaere in Vesperis praecedentibus.
DIE XX. IN SANCTORUM CYRIACI, ET PAULAE, MARTYRUM.
Omnia dicantur plurimorum Martyrum, fol. CLXII, excepto Hymno, qui est iste: Sacrum tempus in calculo. folio CII.
FESTA JUNII. DIE XVII. IN FESTIVITATE SANCTI ADRIANI ET NATALIAE.
Ad Vesperum.
Antiphona. Exortum est in tenebris. fol. CLXII.
Sono. Alleluia. Judicium datum est Sanctis. P. In hora sacrificii vespertini. Alleluia, alleluia. V\. Ecce Michael unus principum priorum veniet, ut sanctificentur (1123C)multi. P. In hora.
Dominus sit. R\. Et cum.
Antiphona. Desiderium bonum justis dabitur. P. Et mulier gratiosa inveniet gloriam. V\. Justi vero hereditate possidebunt terram: et inhabitabunt in saeculum saeculi super eam. P. Et mulier. V\. Gloria, et honor. P. Et mulier.
Dominus sit semper. R\. Et cum.
Lauda. Desiderium justorum omne bonum est Alleluia, P. Et mulier servans semitas justitiae, vias sanctorum custodiens. Alleluia, alleluia. V\. Salus autem justorum a Domino: et protector eorum est in tempore tribulationis. P. Et mulier. V\. Gloria, et honor. P. Et mulier.
Hymnus.
(1123D)
Hierusalem gloriosa,
Mater una Martyrum,
Sors beata post labores,
Jus pium post turbines,
Quae tuorum laeta cursu
Promptior adtolleris;
Terge luctum, sume plausum,
Pande portum civibus:
Excipe quos sustinebas
Post triumphos laetior,
In quibus victrix resultas,
Da decus victoriae.
[CCXLII] Adrianus cum beata
Conjuge Natalia,
(1124A)Ferculum duplex amoris,
Unio charismatis,
Munus igneum, pignus almum,
Coelibe connubium:
Hoc die tibi dicantes
Vota conscientiae,
Cursibus ad te recurrunt:
Hinc ovantes invicem,
Dant Deo dona vicissim
Conjugalis gratiae.
Enitet ille supremo
Passionis stigmate;
Haec piae compassionis
Destinato munere:
Cursus est diversus illis,
(1124B)Sors, et una gloria.
Hic viris pro spe superna
Conligatis miscitur;
Adnotari cum Beatis
Semper optat illico:
Hincque vaccis inligatur,
Huicque rursus traditur.
Uxor hunc visura surgens
Percitis congressibus,
Carceres adit remotos,
Castra cernit Martyrum;
Osculat vincla beata,
Fert viro constantiam.
Suadit utpote Palaestrae
Vim sacrae certaminis;
(1124C)Suadit hinc promissa coeli,
Suadit et plus perpetim
Voce, voto et impetrato,
Muneris instantia.
Liber hujus evocatu
Vinculis carnalibus
Caeditur, exenteratur,
Nexibus distenditur;
Et pedum compage truncus
Corpore dissolvitur.
Chara hujus in supremis
Mota conjux osculis,
Surge, dixit, pone dextram,
Quam recisam conjugi
Des mihi pignus amoris,
(1124D)Des stipem dulcedinis.
His manum libens tetendit,
Quam recisit carnifex:
Nec mora mox inter ipsa
Enecatus vulnera,
Conjugem dote secunda
Sanguinis hereditat;
Quae sacri laboris usum
Prorogans certantibus,
Quicquid est poenale, substat
Molle tritum debile:
Praemonet, jubet, fovetque
Provocatrix gloriae.
Cerneres virile robur
(1125A)Fervidis conatibus,
Artubus fessis mederi,
Conligare vulnerum
Inditis plagas fomentis,
Vel medelis congruis
Serviens manu, vel ore
Martyrum discrimini,
Fert eis consulta pacis,
Fert cibum solaminis;
Obsequens effecta cunctis,
Plectitur in singulis;
Quae tamen viri corona
Per triumphos reddita,
Dum suum corpus piorum
Inlinit cruoribus,
(1125B)Nil minus perfert ab illis,
In quibus haec vicerit.
O sacrum vere honestum
Vinculum connubii!
O novus cursus laborum
Junctionis unicae!
Ambo currunt, ambo vincunt;
Est utrisque gloria.
Haec tua, Custos Superne,
Munerum diversitas,
Pertrahas, signes ad illam
Laureandos Patriam,
Qua tibi laudes Beati,
Post agones insonant.
Clarus ille hic coruscat
(1125C)Michael Archangelus,
Utpote Deus patrandis
Eminens virtutibus:
Dat locum nomen vigoris
De favore muneris.
Hujus ergo imprecatu,
Vel tuorum Martyrum,
Ferto nobis hanc medelam,
Qua reatum diluas,
Criminum nodos resolve,
Da fomentum gratiae;
Quo tremenda judicantis
Cum dies inluxerit,
Festa, quorum praedicamus,
Misceamur gaudiis;
(1125D)Et quibus non est corona,
Sit fides ad gloriam.
[CCXLIII] Laus tibi per omne tempus
Trinitas indifferens,
Laus, honor, virtusque summa,
Singularis gloria;
Quae Dominum te saeculorum,
Personet in saecula.
Amen.
Supplicatio. Oremus Redemptorem, mutatis nominibus, fol. CLXXXVII.
Capitula. Christe, qui multiplici diversitate virtutum, et copioso certamine passionum beatos martyres Adrianum atque Nataliam provexisti ad regnum: (1126A)dum et illum robore patiendi, et istam praevenis gratia obsequendi: cum et per illum substernis fidei hostes, et per hanc vinctos pro te reficis martyres; da nobis, utraque virtute posse adipiscere quod optamus, et evadere quod pavescimus: ut, vitiorum carnalium victores effecti, bonorum exhibitione obsequiorum coram te efficiamur idonei: et qui corporei sanguinis effusione non meremur coronam, votorum impensione perducamur ad veniam.
Pater noster. Liberati a malo. fol. 2.
Benedictio. Christus Dominus, qui sanctos suos Adrianum atque Nataliam alterna decertandi decoravit virtute, devotionem vestram unione charitatis exornet; R\. Amen. Quique potentiali obsequio famulae suae Nataliae Martyres refrigeravit in poenis, (1126B)corda vestra justificet a delictis, et vota remuneret pro susceptione hujus festivitatis: R\. Amen. Ut per quem Sanctis ministravit solatii verbum, per eum nobis praeroget petitionis effectum. R\. Amen.
Per misericordiam.
Lauda. Corona Sanctorum timor Domini; gratia autem mulieris sedulae delectabit virum suum. Alleluia: P. Quia mandata Domini in corde mulieris sanctae. Alleluia, alleluia. V\. Beata gens, cujus est Dominus Deus ejus; populus, quem elegit Dominus in hereditatem sibi. P. Quia mandata. V\. Gloria, et honor. P. Quia.
Oratio. Christe, qui diversis beatorum certaminibus, Adriani scilicet atque Nataliae, et Martyrum mederis discrimini, et exemplum secuturae praerogas (1126C)plebi: dum et illi corpus ad agones corroboras, et hujus os beneficientiae satisfactione inflammas; esto inluminatio nostra, et salus: valeat corpus nostrum servitutis tuae ducere jugum: os salutis meditare praeconium: nihil possit caro, quod tibi displiceat: nulla os praedicet, quae a tua praeceptione dissentiant; exultet ergo cor nostrum, et caro nostra in te Deum vivum: ut te opitulante illis jungamur post transitum, quibus hic viventes dependimus famulatum. R\. Amen.
Per misericordiam.
In nomine Domini.
Ad Matutinum.
Antiphona. Da nobis laetitiam. Psalmus
Oratio. Redde nobis. Fol. CLXIII.
(1126D)Antiphona 1. Pars bona, mulier bona, in parte bona timentium Deum. P. Dabitur viro pro factis bonis. V\. Beati, qui custodiunt judicium, et faciunt justitias in omni tempore. P. Dabitur. V\. Gloria, et honor. P. Dabitur.
Oratio. Christe, qui diversis beatorum. Quaere retro in Vesperis praecedentibus.
Antiphona 2. In congregatione Sanctorum multa gloria, P. Et lex clementiae in lingua mulieris sanctae. V\. Salus autem justorum a Domino: et protector eorum est in tempore tribulationis. P. Et lex clementiae. V\. Gloria, et honor. P. Et lex.
Oratio. Deus, qui Beatorum gaudio atque certamini votum Adriani tui martyris miscuisti, dum et (1127A)aeterna promissa solicitat, dumque se adnotari cum Martyribus condemnatis exoptat; concede nobis ejus meritis, elui funditus a delictis: ut, eraso nostrorum chirographo criminum, nomen nostrum adnotetur in catalogo electorum. R\. Amen.
Per misericordiam.
Antiphona 3. Radix justorum proficiet. P. Mulier autem diligens corona est viro suo. V\. Et erit, tamquam lignum, quod plantatum est secus decursus aquarum, quod fructum suum dabit in tempore suo. P. Mulier autem. V\. Gloria, et honor Patri. P. Mulier autem.
Oratio. Omnipotens sempiterne atque ineffabilis Deus, praesta nobis; ut obtentu beatae famulae tuae Nataliae salvemur in mundo, quae repausatio Sanctis (1127B)tuis extitit in ergastulo: et, quae plagis Beatorum exhibuit diligentiam, peccantibus curam proroget indefessam. R\. Amen.
Per misericordiam.
R\. Justi omnes quasi virens folium germinabunt: [CCXLIV] et mulier fortis annos viri sui. P. In pace implevit. V\. Mulier fortis oblectat virum suum, et annos vitae illius. P. In pace implevit. V\. Gloria, et honor. P. In pace.
In Laudibus.
Ad Canticum. Antiphona. Datio Dei permanet justis, et profectus illius successus habebit in aeternum.
Canticum Ecclesiastici Salomonis (Cap. XI, XXVI).
(1127C)Datio Dei permanet justis, * et profectus illius successus habebit in aeternum.
Mulieris bonae beatus vir: * numerus enim annorum ejus duplex.
Mulier fortis oblectat virum suum, * et annos vitae illius in pace implebit.
Pars bona, mulier bona, * in parte bona timentium Deum dabitur viro pro factis bonis:
Gratia mulieris castae delectabit virum suum, * et ossa illius impinguabit.
Columnae aureae super bases argenteas, * et pedes firmi super plantas stabilis mulieris.
Fundamenta aeterna super petram solidatam, * et mandata Dei in corde mulieris sanctae.
Gloria, et honor, etc.
(1127D)Ad Benedictus. Antiphona. Sancti et humiles corde, spiritus et animae justorum benedicite Dominum.
Canticum. Benedictus es Domine fol. 6. Sono. Alleluia. Judicium datum. Quaere in Vesperis praecedentibus.
Lauda. Laudate Dominum de Coelis. Alleluia, alleluia: laudate eum in excelsis. Alleluia, alleluia: laudate eum in excelsis. Alleluia, alleluia. Psalmus CXLVIII.
Lectio libri Ecclesiastici Salomonis (Cap. XI, XXVI).
R\. Deo gratias.
Datio Dei permanet justis, et profectus illius successus habebit in aeternum. Mulieris bonae beatus vir: numerus annorum ejus inaestimabilis. Mulier fortis oblectat virum suum, et annos vitae illius in pace implebit. Pars bona, mulier bona, in parte bona timentium Deum dabitur viro pro factis bonis. Gratia (1128A)mulieris sedulae delectabit virum suum, et ossa illius impinguabit. Disciplina illius, datum Dei. Mulier sensata et tacita, non est immutatio eruditae animae. Gratia super gratia, mulier sancta et pudorata. Omnis autem ponderatio non est digna continentis animae. Sicut Sol oriens in mundo altissimi Dei, sic mulieris bonae species in ornamento domus est: lucerna splendens super candelabrum sanctum, species faciei super aetatem stabilem. Columnae aureae super bases argenteas, et pedes firmi super plantas stabilis mulieris. Fundamenta aeterna super petram solidatam, et mandata Dei in corde mulieris sanctae. R\. Amen.
Hymnus. Hierusalem gloriosa. Supplicatio. Oremus. Quaere in Vesperis praecedentibus.
(1128B)Capitula. Ingeniti Dei Patris Filius alme, qui alternantem viri vel conjugis fidem Adriani videlicet atque Nataliae, alternanti favore corroboras, alterno voto coronas: dum contra sexum virorum femina fingens, et ultra naturam vir per feminam valens, alter in alterius virtute tripudiat, alterque in altero victor exultat; da nobis, ut, alternis amicitiae profectibus gratulantes, proficiamus in melius: habeamusque socios in virtute, quos innoxos tenemus in foedere: per hos provocati ad gloriam, quibus consimiles consistimus in natura: ut, alterutro exemplo accensi, habeamus meritis alternis post transitum veniam, qui singulari bonorum operum efficacia non meremur promereri coronam.
Pater noster. Liberati a malo. fol. 2.
(1128C)Lauda. Corona Sanctorum. Benedictio. Christus Dominus. Quaere in Vesperis praecedentibus. Exeunte Vespera Lauda. Exortum est in tenebris. Sono. Alleluia. Judicium datum. Quaere in primis Vesperis praecedentibus.
Antiphona. Exultatio justi multa gloria: P. Et gratia mulieris sedulae delectabit virum suum. V\. Justi vero hereditate possidebunt terram: et inhabitabunt in saeculum saeculi super eam. P. Et gratia. V\. Gloria, et honor. P. Et gratia.
Dominus sit. R\. Et cum.
Lauda. Gloria justorum timor Domini. P. Et gratia super gratia, mulier sancta et pudorata. Alleluia. V\. Beati immaculati in via: qui ambulant in (1128D)lege Domini. P. Et gratia. [CCXLV] V\. Gloria, et honor. P. Et gratia.
V\. Gloria, et honor. P. et gratia.
Hymnus. Hierusalem gloriosa. Supplicatio. Oremus. Quaere in primis Vesperis.
Capitula. Deus, qui peccatores sine merito salvas et justos ex gratia praecedente glorificas; quique Adrianum ex infidelitate revocasti ad fidem, et Nataliam obsequiali coronasti ex munere: nostris, quaesumus, in eorum festo et iniquitatibus parce, et spirituali nos ardore succende: quo spiritaliter accensi in intimis ad te proclamemus e terris:
Pater noster. Liberati a malo. fol. 2.
Benedictio. Omnipotens Dominus respiciat vota vestra, qui Adrianum martyrii palma, et Nataliam obsequendi (1129A)glorificavit ex gratia; R\. Amen. Illorum quoque nos suffragio tueatur, quorum plagis Natalia famulatus sui dependit obsequium. R\. Amen. Ut praesentis diei solemnitate ovantes et hic et in futuro eorum gaudiis mereamini esse participes. R\. Amen.
Per misericordiam.
Lauda. Lux justorum laetificat eos: sapiens autem P. Mulier aedificat domum suam. Alleluia. V\. Potens in terra erit semen ejus: generatio rectorum benedicetur. P. Mulier aedificat. V\. Gloria, et honor. P. Mulier aedificat.
Oratio. Christe, qui diversis. Quaere in primis Vesperis praecedentibus.
DIE XIX.
IN FESTO SANCTORUM GERVASII ET PROTASII, MARTYRUM.
(1129B)Omnia dicantur plurimorum Martyrum, novem lectionum, excepto hymno, qui est iste:
Grates tibi Jesu novas
Novo reperto munere,
Protasio et Gervasio
Martyribus inventis, cano.
Piae latebant hostiae,
Sed non latebant; nam Sacer
Latere sanguis non potest,
Qui clamat ad Deum Patrem.
Coelo refulgens gratia
Artus revelavit sacros:
Nequimus esse martyres,
Sed reperimus martyres.
His qui requirat testium
(1129C)Voces, ubi facta est fides;
Sanatur impos mentis,
Ope fatetur martyres.
Caecus recepto lumine,
Mortisque sacrae meritum probat:
Severus est nomen viri;
Visus ministri publici.
Ut martyris vestem adtigit,
Et ora tersit nubila,
Lumen refulget illico,
Fugitque pulsa caecitas.
Soluta turba vinculis,
Spiris draconis libera
Emissa totis urbibus
(1129D)Domum redit cum gaudio.
Vetusta saecla vidimus,
Jactataque daemonia,
Tactuque et umbra corporum
Aegris salutem redditam.
Deo Patri sit gloria,
Ejusque soli Filio,
Sancto simul Paraclito,
In sempiterna saecula.
Amen.
IN DOMINICO PRO ADVENTU SANCTI JOANNIS BAPTISTAE.
Ad Vesperum.
Lauda. Die mandavit Dominus misericordiam suam, P. Et nocte declaravit. V\. Apud me oratio Deo vitae meae, dicam Deo meo: Susceptor meus es.
(1130A)Oratio. Deus, qui tuam in die mandas misericordiam; et in nocte declaras: quaesumus, ut in die nos protegas ad salutem; et in nocte defendas ad requiem. R\. Amen. Per misericordiam.
Sono. Deus praecinxit me virtute: et posuit immaculatam viam meam. Alleluia. Dextera tua Domine, suscepit me: et disciplina tua ipsa me docuit.
Dominus sit. R\. Et cum.
Antiphona. Alleluia. Benedicam te Domine Deus meus: P. Et laudabo nomen tuum, quia tu es, qui facis mirabilia solus. V\. Exultabo te Domine Rex meus, et Deus meus: et benedicam nomini tuo in saeculum, et in saeculum saeculi [CCXLVI] P. Et laudabo. V\. Gloria, et honor. P. Et laudabo.
Dominus sit. R\. Et cum.
(1130B)Lauda. Laudem Domini loquetur os meum. Alleluia: P. Et benedicet omnis caro nomen sanctum ejus. Alleluia, alleluia, alleluia. V\. Propter hoc delectatum est cor meum, et exultavit lingua mea: insuper et caro mea requiescit in spe. P. Et benedicet. V\. Gloria, et honor. P. Et benedicet.
Hymnus. O lux beata Trinitas. fol. 113.
Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut gratia adventus sancti Joannis Baptistae et praecursoris sui nobis remissionem peccatorum et pacem propitius largiri dignetur. R\. Praesta, aeterne omnipotens Deus.
Kyrie eleison, R\. Christe eleison, Kyrie eleison.
Capitula. Deus auctor luminis, conditor claritatis, (1130C)qui submovisti omnia opera tenebrarum, ut in nobis lucis tuae plenitudo regnaret; respice, quaesumus, super hoc lumen accensum, et hanc gratiam benedictionis a nobis omnibus exoratus infunde: ut sicut haec flamma ad altaris tui obsequium constituta vincit tenebras ac repellit; ita illuminatio tua a sensibus nostris superet omnem fomitem vitiorum.
Pater noster. Liberati a malo. fol. 2.
Benedictio. Christus Dominus vos custodiat propitius, et benedicat placatus: R\. Amen. Clementia sua vos protegat, et a cunctis malis incessanter defendat. R\. Amen. Ejus vos gaudeatis munere dignos, qui peccatorum veniam concedit benignus. R\. Amen.
(1130D)Per.
Lauda. Misit me sanare contribulatos corde Alleluia: P. Praedicare captivis redemptionem, et caecis reddere lumen. Alleluia, alleluia. V\. Tunc dixi: Ecce venio: in capite libri scriptum est de me, ut faciam voluntatem tuam, Deus meus, et legem tuam, in medio cordis mei. P. Praedicare. V\. Gloria, et honor. P. Praedicare.
Oratio. Domine Deus, qui ad adventum Unigeniti Filii tui Joannem puerum praecurrere voluisti, ut missus a te viam Christo incredulorum cordibus praeparet, sanando contribulatos corde, et caecis restituendo luminis claritatem; suffragio ejus et caecitatem cordis nostri inlumina, et tribulationes cordium nostrorum in aeternum gaudium muta: ut, qui (1131A)in nativitate Unigeniti Filii tui gaudio Christiano adtollimur, in adventu judicii ejus nullis poenarum vinculis contristemur. R\. Amen.
Per misericordiam.
In nomine Domini.
Ad Matutinum.
Hymnus. Aeterne rerum Conditor. fol. 2.
Oratio. Domine Deus Pater omnipotens inspirator precum, teque invocantium velox auditor; voci nostrae, oramus, clementiae tuae aurem appone, et nostrorum vincula peccaminum potenti miseratione dissolve: ac sicut nos gallorum canoribus ad matutinum gratia provocas consurgere, et prophetali vaticinio in lucem gentium unicae redemptionis praenuncias; ita nunc hymnizantibus nobis intuitu superno (1131B)adsiste: sic quaesumus, famulatus nostri vota suscipias; ut ad lucem lucis abundanti nos misericordia sublevando perducas. R\. Amen.
Per misericordiam.
Antiphona. Voce mea ad Dominum clamavi: et exaudivit me de monte sancto suo. Psalmus III.
Antiphona. Labia mea, Domine, aperies: et os meum adnunciabit laudem tuam. Psalmus
Antiphona. Confitebor tibi in populis, Domine: psallam tibi inter gentes. Psalmus LVI.
Oratio. Ad te Domine clamorem nostrae vocis emittimus; tibique, ut nos de monte sancto tuo exaudias, supplicamus: et, quia tu nosti subjectionis nostrae infirma, virtute nos dexterae tuae corrobora: dele mala nocentia; et ad sequendum te corda excita nostra: (1131C)nam quia salvari per se non confidit humana fragilitas; eripiat animas nostras emissa de coelo misericordia tua. R\. Amen.
Per misericordiam.
Antiphona 1. Omnis lex, et prophetae usque ad Joannem prophetaverunt: et si vultis scire, ipse est Helias, qui venturus est. P. Qui habet aurem audiendi, audiat. V\. Audi, populus meus, et loquar; Israel, et testificabor tibi: Deus Deus tuus sum ego. P. Qui habet. V\. Gloria, et honor. P. Qui habet.
[CCXLVII] Oratio. Credimus Domine Jesu, quod Praecursor tuus Joannes, quod Prophetae in aenigmate prophetaverunt, ipse digito ostendit, dicens: Ecce Agnus Dei, qui tollit peccatum mundi. Proinde (1131D)te quaesumus et rogamus, ut, qui primi adventus tui venturum te praedicavit, in secundo adventu tuo, dum judicare veneris vivos et mortuos, nos ad dexteram tuam coronandos statuas. R\. Amen.
Per misericordiam.
Antiphona 2. Joannes erit gaudium et exultatio: erit enim magnus coram Domino: P. Et Spiritu Sancto replebitur adhuc in matris utero. Beatus vir, qui timet Dominum: in mandatis ejus cupiet nimis. P. Et spiritu. V\. Gloria, et honor. P. Et spiritu.
Oratio. Domine Jesu Christe, qui non solum nativitate Praecursoris tui Joannis multos gaudere et exultare praenuncias, sed ipsum quoque Joannem gaudium et exultationem futurum esse significas: ut, qui te in mundo magnificis vocibus nunciaret, ab ipso (1132A)matris utero sanctificatus procederet; sanctificationis tuae nos indue libertate, ut Spiritu Sancto repleti, mundialium curarum fasce deposito, Angelorum mereamur adunari consortio. R\. Amen.
Per misericordiam.
Antiphona 3. Fuit homo missus a Deo, cui nomen erat Joannes. Hic venit in testimonium: P. Ut testaretur de luce; ut omnes credunt per eum. V\. Ecce sic benedicetur homo, qui timet Dominum. P. Ut testaretur. V\. Gloria, et honor. P. Ut testaretur.
Oratio. Homo missus a te, Christe, Joannes, tibi redditurus testimonium in mundo advenit: qui utique effectus initium gratiae testaretur de luce convertente corda filiorum ad patres eorum; da ergo nobis meritis ejus, ut conversis cordibus te sequamur; (1132B)ut, et si vita nostra testimonio proprii lapsus impeditur, tuis tamen muneribus decoretur: ut cum tuam fecerimus in omnibus voluntatem, tibi soli videatur vita nostra testimonium reddidisse. R\. Amen.
Per misericordiam.
R\. Spiritus Domini super me, propter quod unxit me: bene nunciare gentibus. P. Misit me, sanare contribulatos corde, praedicare captivis redemptionem, et caecis reddere lumen. V\. Joannes testificabatur Deum, et clamavit, dicens: Post me venit, qui ante me factus est. P. Misit. V\. Gloria, et honor. P. Misit.
Oratio. Deus Pater, qui unctionis tuae Spiritum super Joannem puerum contulisti, quo praecursor (1132C)effectus Unigeniti Redemptoris pacem praedicaret in populis, et lugentium daret gaudium votis, qui plenus esset spiritu veritatis; praebe nobis tanti vatis munimine annum placabilem ducere, et in sanctitate et justitia tibi usque ad nostrum obitum deservire: quo et in hac vita tuae dulcedinis fructum, et in aeternum capiamus gaudium sempiternum. R\. Amen.
Per misericordiam.
In Laudibus.
Ad Canticum. Antiphona. De nocte vigilat spiritus meus ad te, Deus: quia lux praecepta tua sunt super terram.
Canticum. De nocte vigilat. fol. 64.
(1132D)Ad Benedictus. Antiphona. Servi Dei, Dominum benedicite: quia vos eruit ab inferis, et de manu mortis liberavit vos.
Canticum. Benedictus es, Domine. fol. 6.
Sono. Deus praecinxit me. Quaere in Vesperis praecedentibus.
Lauda. Laudate Dominum de coelis Alleluia: laudate eum in excelsis Alleluia. Psalmus CXLVIII.
Lectio libri Esaiae Prophetae (Cap. XL).
R\. Deo gratias.
Consolamini, consolamini populus meus, dicit Dominus Deus vester. Loquimini ad cor Hierusalem, et vocate eam: quoniam completa est malitia ejus, dimissa est iniquitas illius: suscepit de manu Domini duplicia pro omnibus peccatis suis. Vox clamantis (1133A)in deserto: Parate viam Domino, rectas facite semitas Dei nostri in solitudine. Omnis vallis exaltabitur, et omnis mons, et collis humiliabitur, et erunt prava in directa, et aspera in vias planas. Et revelabitur gloria Domini, et videbit omnis caro pariter quod os Domini locutum est. Vox dicentis: Clama. Et dixi: Quid clamabo? Omnis caro foenum, et omnis gloria ejus quasi flos agri. Et siccatum est foenum, et cecidit flos; verbum autem [CCXLVIII] Domini Dei nostri stabit in aeternum. R\. Amen.
Hymnus. Splendor paternae. fol. 67. Supplicatio. Oremus, ut supra.
Capitula. Jam fulget oriens, jam properat dies: jam fugatis tenebris aurora rubescit in luce: jam claret luce purissima coelum, et Sol refulgens radios (1133B)suos infert mundo: cuncta properant, cuncta festinant: optant te Dominum habere propitium, quem suum auctorem semper agnoscunt pariter et defensorem.
Pater noster. Liberati a malo. fol. 2.
Lauda. Alleluia. Ego sum vox clamantis in deserto: P. Parate viam Domino, rectas facite semitas ejus. Alleluia, alleluia. V\. Vox Domini in virtute: vox Domini in magnificentia. P. Parate viam. V\. Gloria, et honor. P. Parate.
Benedictio. Christus Dominus. Quaere in Vesperis praecedentibus.
DIE XXIV. IN NATIVITATE SANCTI JOANNIS BAPTISTAE.
Ad Vesperum.
(1133C)Lauda. Speravit anima mea. Folio CLVI.
Sonus. Priusquam te formarem in utero, novi te: et antequam exires de ventre, sanctificavi te, P. Et prophetam in gentibus posui te. Alleluia. V\. Extendit Dominus manum suam ad me, et tetigit os meum: et dixit mihi: Ecce dedi sermones meos in ore tuo: et constitui te in hodierna die super gentes, et regna. P. Et prophetam.
Dominus sit. R\. Et cum.
Antiphona 1. Multi in nativitate ejus gaudebunt: erit enim magnus coram Domino: et Spiritu sancto replebitur: P. Et multos filiorum Israel convertet ad Dominum Deum ipsorum. V\. Potens in terra erit semen ejus: generatio rectorum benedicetur. P. Et multos. P. Gloria, et honor Patri. V\. Et multos.
(1133D)Oratio. Deus, qui nos in Nativitate Praecursoris tui Joannis voluisti gaudere; fac nos plenum gaudium a te in futura examinatione percipere: ut meritis ejus, qui adventum tuum in spiritu et virtute Heliae praecessisse agnoscitur, et hic et in aeternum copiosis gaudiis conlaetemur. R\. Amen.
Per.
Antiphona 2. De ventre matris meae vocavit me Dominus nomine meo. Et posuit os meum ut gladium acutum: P. Sub velamento manus suae protexit me: posuit me quasi sagittam electam. V\. Benedictus Dominus Deus meus, qui docet manus meas ad bellum, digitos meos ad praelium. P. Sub velamento. V\. Gloria, et honor. P. Sub velamento.
(1134A)Dominus sit. R\. Et cum.
Lauda. Vox clamantis in deserto: Parate viam Domino, P. Rectas facite semitas Dei vestri. Alleluia, alleluia. V\. Vox Domini super aquas, Deus majestatis intonuit: Dominus super aquas multas. P. Vox Domini. V\. Gloria, et honor. P. Vox Domini.
Hymnus.
Nativitatem Pueri,
Prophetamque Altissimi
Esse dicit, quem merito
Corde canamus, et ore.
Vetulisque Parentibus,
Alvo conceptus sterili,
Extrema Mundi tempora,
(1134B)Partum praecessit Virginis.
Ut vox clamans in invio,
Adnuncians Justitiam,
Christi clarus praeconio
Viam pararet cordibus.
Intra materni corporis
Adhuc locatus viscera,
Accepto sensit spiritu,
Mundi salutans Dominum.
Exultat Infans gaudio,
Et lucem lucis Filium
Intra naturae tenebras
Nec dum progressus indicat.
Mater: Propheta nuntiat,
Te esse plenam gratia;
(1134C)Non ex virili commercio,
Sed Dei foetam mysterio.
Ac sic in diem saeculi
Verbum ructandum fit Dei;
Facta Mater haec sterilis,
Fructum praesagit Virginis,
Matre majorem Filium,
Sanctum Ministrum Baptismi:
Sic se priorem post natum,
Lumen perfudit Dominum.
Deum Patrem cum Filio,
[CCXLIX] Simul cum sancto Spiritu,
Unum potentem nomine
Fusis oremus precibus.
Amen.
(1134D)Supplicatio. Oremus Redemptorem, mutato nomine, fol. CLXXXVII.
Capitula. Adsunt, Domine, principia Christianae laetitiae, quibus olim, nasciturum in carne, Verbum vox sanctificata praecessit, et Luminis ortum Lucis protestator insigniter nunciavit: ex quo et Christianae fidei sacramenta, et salutaris lavacri prodierunt insignia: cujus conceptus miraculum, cujus nativitas gaudium approbatur; quaesumus ergo, ut qui natalem nunc Praecursoris tui ovantes suscipimus, ad festum quoque natalis tui purgatis cordibus accedamus: ut vox, quae te praedicavit in eremo, nos purget in saeculo; et qui viam venturo Domino praeparans. corpora viventium suo lavit baptismate, nostra (1135A)nunc corda suis precibus a vitiis et errore depurget: qualiter Vocis sequentes vestigia ad Verbi mereamur pervenire promissa, quia te jubente oramus:
Pater noster. Liberati a malo. fol. 2.
Benedictio. Omnipotens Deus Pater, qui Unigenito suo nascituro in carne Joannem voluit fieri praecursorem, Angelicis vos custodiis munitos a malis omnibus dignetur eripere: R\. Amen. Et qui in nativitate ejus multis tribuit gaudium, in prece quoque illius vota supplicantium munificet populorum: R\. Amen. Ut per eum, quem voluit fieri lucernam Luminis, inreprehensibiles vos efficiat discipulos veritatis. R\. Amen.
Per misericordiam ipsius.
(1135B)Lauda. Ex utero matris meae vocavit me, prophetam in gentibus posuit me, P. Et sub velamento manus suae protexit me. Alleluia, alleluia. V\. Et retribuit mihi Dominus secundum justitiam meam: et secundum innocentiam manuum mearum in conspectu oculorum ejus. P. Et sub velamento. V\. Gloria, et honor Patri. P. Et sub velamento.
Oratio. Vox Verbi, amicus sponsi, qui, Christum in eremo venturum esse pronuncias, viam illi in infidelium cordibus praeparans; esto nobis cordium nostrorum et mentium praeparator pariter et purgator: ut quod illis olim egisti praedicatione vocis, in nobis nunc exores quotidianis suffragiis: quo sicut per te Domino in Israel praeparata est, via, ita per (1135C)te nobis praeparetur post transitum mansio in coelestibus laetabunda. R\. Amen.
Per.
Ad Matutinum.
Antiphona. Labia mea, Domine, aperies: et os meum adnunciabit laudem tuam. Psalmus
Oratio. Exultent in te, Domine, labia nostra praeconio veritatis; ne resolvantur vaniloquio falsitatis: et tibi semper gloriam dicant, ne indecenter rixarum litigiis perstrepent; anima quoque nostra, quam redemisti, martyris tui Joannis Baptistae et Praecursoris tui laudando triumphum, ejusdem patrocinio te mereatur habere propitium. R\. Amen.
Per misericordiam tuam.
Antiphona 1. Apparuit Angelus Zachariae a dextris (1135D)altaris, dicens ei: Ne timeas, quia exaudita est deprecatio tua: P. Ecce nascetur tibi filius: erit enim magnus coram Domino. V\. Audiam quid loquatur in me Dominus Deus: quoniam loquetur pacem in plebem suam; et super sanctos suos, et in eos qui convertunt cor ad ipsum. P. Ecce nascetur. V\. Gloria, et honor Patri. P. Ecce nascetur.
Oratio. Plena sunt, Domine, et redundantia beneficia tua, quibus sacerdotis Zachariae senectutem, Angelo apparente a dextris altaris, dignatus es perlustrare: dum ille et audire meruit: Ne timeas, quia exaudita est deprecatio tua, ut visu foveretur pariter, et sermone: quo munere ditatus agnosceret, vel quid in praeteritis figuris typicis tenuisset, vel quid in ostensa sibi novitatis gratia appareret. His (1136A)ergo exemplis instructi, te quaesumus sanctissime Deus, ut credula semper arcana pectoris nostri te capiant, et in tuis nunciis praefixam fidem adponant: ut Praecursoris tui suffragio ita tibi via in nostris cordibus praeparetur, quo aeternum te in nobis permanente, evadamus supplicium. R\. Amen.
Per.
Antiphona 2. Cum vidisset Mariam Elisabeth, exultavit infans in utero ejus: P. Et repleta Spiritu sancto exclamavit, et dixit: Unde hoc mihi, ut mater Domini mei veniret ad me? V\. Veritas de terra orta est: et justitia de coelo prospexit. P. Et repleta. V\. Gloria, et honor Patri. P. Et repleta.
[CCL] Oratio. Deus, qui sterili Elisabeth, senioque infructuosae, Joannem promissionis Filium condonasti, (1136B)qui, dum adhuc inclusus ejus utero portaretur, Deum in hospitium Virginis habitantem sua salutatione prophetavit; te petimus, et rogamus, ut qui praedicatione ejus regni coelestis aperuisti credentibus januam, suffragio ejus in regno tuo nos perducas ad gloriam. R\. Amen.
Per misericordiam.
Antiphona 3. Ex utero matris vocavit nomen meum. Praedicare pacem: populis dare gaudium: P. Lugentibus in Sion parare viam in deserto. V\. Deus, qui praecinxit me virtute: et posuit immaculatam viam meam. P. Lugentibus. V\. Gloria, et honor Patri. P. Lugentibus.
Oratio. Christe, Dei Filius, qui Praecursorem (1136C)tuum, et ante ortum suo nomine vocas, et post ortum nomine ipso glorificas: dum et ab Angelo ex nomine nasciturus praedicitur, et natus in ipso nomine a populis admiratur; te quaesumus, ut per eum, quem praedicare pacem populis voluisti, per eum tergas sordes nostri piaculi: ut, qui plebem tibi perfectam paraturus advenit, credentium populos tuae inlustrandos restituat claritati. R\. Amen.
Per misericordiam.
R\. Hic est Praecursor, qui directus est; et lucerna lucens ante Deum: ipse est enim Joannes, P. Qui viam Domino praeparabat in eremo: et, ut Agnum Dei demonstraret, inluminabat mentes hominum praeconio suavitatis suae vocis. V\. Non surrexit inter natos mulierum major Joanne Baptista. P. Qui viam (1136D)Domino. V\. Gloria, et honor Patri. P. Qui viam.
Oratio. Deus, qui Joannem praecursorem tuum ardentem lucernam atque lucentem in templo tuo constituisti; ut ardore fidei, quo calebat, aliis quoque inlucesceret suorum operum flamma; da nobis ejus meritis, et ardorem tuae dulcedinis habere, et lucem aeternitatis tuae attingere, concedens fragilitati nostrae, ut sic lucernae tuae sint animae nostrae, qualiter dum illis oleum suavitatis infundis, futuris eas gaudiis consoleris. R\. Amen.
Per.
In Laudibus.
Ad Canticum. Antiphona. Tu autem puer, propheta Altissimi vocaberis: praeibis enim ante faciem Domini (1137A)parare vias ejus, ad dandam scientiam salutis plebi ejus.
Canticum Zachari (Lucae I).
Benedictus Dominus Deus Israel, * quia visitavit, et fecit redemptionem plebis suae:
Et erexit cornu salutis nobis, in domo David pueri sui. * Sicut locutus est per os sanctorum prophetarum suorum, qui ab aevo sunt:
Et liberavit vos de inimicis vestris, et de manu omnium, qui oderunt nos: * Ad faciendam misericordiam cum patribus nostris:
Et memorari testamenti sancti sui. * Jusjurandum, quod juravit ad Abraham patrem nostrum, daturum se nobis:
Ut sine timore, de manu inimicorum nostrorum (1137B)liberati, * serviamus in sanctitate et justitia coram ipso omnibus diebus nostris.
Et tu puer, propheta Altissimi vocaberis: * praeibis enim ante faciem Domini parare vias ejus:
Ad dandam scientiam salutis plebi ejus, * in remissionem peccatorum eorum:
Per viscera misericordiae Dei nostri: * in quibus visitavit nos, oriens ex alto:
Inluminare eis, qui in tenebris, et in umbra mortis sedent: * ad dirigendos pedes nostros in viam pacis.
Antiphona. Tu autem.
Oratio. Christe Dei Filius, qui sanctificatum tibi Joannem Praecursorem tuum, prophetam tibi eligis; (1137C)praeparans tibi viam in principio viarum tuarum; et per te puerum illum ante te boni nuncium destinas; concede nobis sursum semper corda habere: ut Verbum, quod Vox adhuc tenta praedicavit in utero, peccatores indultae pietatis munificet dono. R\. Amen.
Per.
Ad Benedictus. Antiphona. Benedictio Domini in mercedem justi festinat.
Canticum. Benedictus es Domine. fol. 6.
Sono. Haec dicit Dominus: Priusquam te formarem in utero, novi te: et antequam exires de vulva, P. Sanctificavi te. Alleluia; V\. Prophetam quoque gentibus dedi te: Et omnia quaecumque mandavero tibi, loqueris. Ne timeas: Ecce dedi verba mea in ore tuo: et posui te principem super gentes, et super (1137D)regna. P. Sanctificavi te.
[CCLI] Lauda. Laudate Dominum de coelis Alleluia: laudate eum in excelsis Alleluia. Psalmus CXLVIII.
Lectio libri Esaiae Prophetae (Cap. LXI).
R\. Deo gratias.
Spiritus Domini super me, propter quod unxit me: ad adnunciandum mansuetis misit me, ut mederer contritis corde, et praedicarem captivis indulgentiam, et clausis apertionem: ut praedicarem annum placabilem Domino, et diem ultionis Deo nostro: ut consolarer omnes lugentes: ut ponerem lugentibus gaudium in Sion; et darem eis coronam pro cinere, oleum gaudii pro luctu, pallium laudis pro spiritu moeroris: et vocabuntur in ea fortes justitiae, plantatio Domini ad glorificandum. Et dabo opus eorum (1138A)in veritate, et foedus perpetuum feriam cum eis. Et scietur in gentibus semen eorum, et germen eorum in medio populorum: omnes, qui viderint eos, cognoscent eos, quia isti sunt semen, cui benedixit Dominus. R\. Amen.
Hymnus.
Clange lyram Zacharias
Sacerdotum Princeps,
Cui copulata conjunx
Ab Aaron filiabus
Thalamorum inhaerebat
Solita praenuntiis.
Operibus Sanctiores
Praepollebant ceteris;
Ac synceris in mandatis
(1138B)Incedebant Domini,
Et, nulla prole conlata,
Pergebant ad senium.
Mox enim hora refulsit
Incensorum tempore,
Suetum gestabat vates
Ignem in thuribulis
Sacris deferens odorem
Nectareum atriis.
Audit coelitus affatum,
Et sonorum Nuncium,
Cujus candore praeviso,
Tremor vatem inruit,
Quem blandis robustiorem
(1138C)Reddidit sermonibus.
Ecce juncta thorum tibi
Conjunx parit sobolem;
Quam protinus nuncupabis
JOANNEM vocabulo:
Cujus totum praedicatur
Per Orbem Nativitas.
Hic coram Domino Magnus
Matris infra uterum
Repletus Spiritu Sancto,
Praecursurus Dominum;
In virtute, spirituque
Praemissurus Heliae.
Talia, Sacer; e contra
Sic respondit Angelo:
(1138D)Ecce jam nostra sub annis
Emarcuerunt viscera:
Ac vetulis denegatur
Sensibus posteritas.
Ego sum missus ab Astris
Angelorum socius;
Et tu Divinis videris
Praeceptis incredulus,
Propter quod carens loquela
Eris tacens labiis.
Temporibus jam completis,
Natus infans cernitur,
Cujus nomen praenotavit
Pater in volumine;
Vinculo soluto linguae
(1139A)Conlaudavit Dominum.
Gloria, et honor Deo
Usquequaque altissimo,
Una Patri, Filioque,
Inclyto Paraclito;
Cui laus, et potestas
Per aeterna saecula.
Amen.
Supplicatio. Oremus Redemptorem mundi Dominum nostrum.
Capitula. Omnipotens Deus, te supplices petimus et rogamus, ut in hac festivitate Praecursoris et Baptistae tui Joannis Nativitate populo tuo tribuas eruditionem spiritualium gaudiorum, et omnium fidelium mentes dirige in viam salutis et pacis: ut, quem (1139B)manifestavit absolutio nuntii, impleat praesentia nunciati.
Pater noster. Liberati a malo. fol. 2.
Lauda. Ex utero matris meae vocavit me.
Benedictio. Omnipotens Deus Pater, qui Unigenito. Quaere in Vesperis praecedentibus.
Exeunte Vespera.
Lauda. Lucernam pedibus meis. fol. CLX. Sono. Priusquam te formarem. Quaere in primis Vesperis.
Antiphona. Nazaraeus vocabitur puer iste: vinum et siceram non bibet, P. Et omne immundum non manducabit ex utero matris suae. V\. Maxima est gloria ejus in salutari tuo: [CCLII] gloriam et magnum decorem impones super eum. P. Et omne.
(1139C)Dominus sit semper. R\. Et cum.
Lauda. Confortabitur puer, alleluia: et magnus erit ante Deum Alleluia; P. Et multorum corda convertet ad Dominum. Alleluia, alleluia. V\. Hic accipiet benedictionem a Domino: et misericordiam a Deo salutari suo. P. Et multorum. V\. Gloria, et honor. P. Et multorum.
Hymnus.
Puer hic sonat Joannes,
Geniti Dei alumnus,
Domini potens amicus,
Rutilis lucerna orbis,
Rutilo peracto Sole,
Sapientia loquelae,
Deitatis aptus Index,
(1139D)Vetulae refusus alvo,
Uteri senilis ortus,
Patrio decore clarus.
Precibus fave, rogamus,
Pietas redundet alma,
Miseris adesto nobis,
Repleat salus labentes,
Facinus remitte cunctis.
Patriam regat modestus,
Acies recedat, ensis
Perimens ruat, prementem.
Gladium retundat ignis,
Jugulum reclinet hostis.
Sit honor Deo, et Uni-Genito
ab ore Patris.
(1140A)Sit Paraclito perenni
Similis tenax potestas,
Et apex honoris alti.
Amen.
Supplicatio. Oremus Redemptorem, ut supra.
Capitula. Deus, in cujus laude et gloria dependitur, quicquid sanctorum tuorum cultibus atque officiis exhibetur; accipe devotionem nostram, et inlustra festivitatem, quam hodierno die Baptista Dominicus consecravit, lucerna luminis accendit, Verbi vox intulit, testis veritatis apparuit: cujus spiritus praescius exultavit in utero, cujus effusio gaudium sparsit in saeculo, cujus ortus adnunciavit fidei sacramenta, cujus conceptus infidelis oris clausit officia. Tribue, petimus, Domine, in nobis extremam saltem fidei (1140B)lineam, qua inhaerentes mereamur adtingere, et gradatim vestigiis eorum, ne relabamur, insistere: ut sicut, publica nunc communibus gaudiis vota persolvimus, ita propria, quae quotidianis profectibus placeant, exolvamus.
Pater noster. Liberati a malo. fol. 2.
Benedictio. Christus Dei Filius, qui Joannem adventus sui Praevium lucenam sibi accendit, per quam videretur; accensionis sanctae vos ignibus concremare dignetur: R\. Amen. Et, qui illum matris effecit exultare in utero, vos spiritualium gaudiorum munificet incremento; R\. Amen. Ut, quem ille nasciturum praecessit in spiritu et virtute Heliae, ipse vos introducat ad gaudia vitae perpetuae. R\. Amen.
(1140C)Per misericordiam.
Lauda. Repleatur os meum, Deus, laude tua, Alleluia; P. Ut possim cantare gloriam tuam. Alleluia, alleluia. V\. Quoniam magnus Dominus, et laudabilis valde: terribilis super omnes deos. P. Ut possim. V\. Gloria, et honor. P. Ut possim.
Oratio. Vox verbi amicus sponsi. Require in primis Vesperis.
DIE XXVII. IN FESTO SANCTI ZOILI MARTYRIS.
Omnia dicantur unius Martyris, novem lectionum, folio CLX, excepto Hymno, qui est iste:
Hymnus.
Martyris gestans, Zoili coronam
Obviam Christo properanter ibit
(1140D)Civitas quoque pretiosa portans
Dona victoris.
Hoc colunt cives, velut ipsa membra
Cespes includat, suos et paternos
Servet amplectens tumulo beati
Martyris ossa.
Noster, et nostra puer in palaestra
Arte virtutis, fidei collybo
Cunctis horrendum didicit domare
Viribus hostem.
Martyrum nulli, remeante vita,
Contigit terris habitare nostris:
Solus tu morti propriae superstes
Vivis in Orbem.
Martyres servas: Patriam corones
(1141A)[CCLIII] Deditam sacris: Chorus inde surgit;
Tendit in Coelum niveus togatae
Nobilitatis.
Solus occurrens numerosiores
Martyrum turbas Domino parasti:
Solus praedives pietate, multa
Luce frueris.
En Zoile tuae victoriae palmam.
Clerus hic tantus peperit triumphum:
Hic sacerdotum infolata domus
Celebret votum.
Gloriam psallat Chorus, et resultet.
Gloriam dicat, canat, et revolvat:
Nomini Trino, Deitati soli.
Sidera clament.
(1141B)Amen.
DIE XXVIII. IN VIGILIA APOSTOLORUM PETRI ET PAULI.
Ad Matutinum.
Antiphona. Da nobis laetitiam. Psalmus L. Oratio. Redde nobis, Domine laetitiam. Quaere folio CLXIII.
Antiphona 1. Dedi eis praecepta mea, dicit Dominus: P. Et judicia mea ostendi illis propter nomen meum, ut laudetur in Sion. V\. Beati, qui custodiunt judicium, et faciunt justitias in omni tempore. P. Et judicia mea. V\. Gloria, et honor. P. Et judicia mea.
Oratio. Domine Jesu Christe, qui ad vocem conquirentis Petri promittis te sequentibus in regeneratione (1141C)daturum, ut supra thronos duodecim sedeant, et potestatem duodecim tribus judicandi accipiant; quo promissionis munere et Petrum post negationem oblectas, et Paulum post excursum infidelitatis remuneras: dum illi post poenitentiam non obfuit, quod negavit, et isti post conversionem remissibile extitit, quod deliquit; da nobis utriusque meritis evitare delictum, ubertim flere commissum, lacrymis errata detergere, eleemosynis perpetrata punine: ut relinquentes mundum ex animo, aeternitatis mereamur consolari promisso. R\. Amen.
Per.
Antiphona 2. Ego elegi vos, ut fructum plurimum afferatis: P. Et fructus vester maneat in aeternum. V\. Accedite ad Deum, et inluminamini: et vultus (1141D)vestri non erubescent. P. Et fructus. V\. Gloria, et honor. P. Et fructus vester.
Oratio. Christe, Dei Filius, qui gratuito vocationis munere, et Petrum primum, et Paulum ultimum Apostolum elegisti: ut et ille praecedens et hic sequens unius vocationis et Apostolatus gratia praediti, dum doctrina sua mundi agrum spargerent, fructum tibi plurimum deportarent; praebe nobis eisdem suffragantibus, ita laborare in saeculum, ut fructus laborum nostrorum a te comprobatus maneat in aeternum. R\. Amen.
Per misericordiam tuam.
Antiphona 3. Mihi autem nimis honorificati sunt amici tui, Deus: P. Valde confortatus est principatus eorum. V\. Ecce tu, Domine, cognovisti omnia (1142A)novissima et antiqua: tu formasti me, et posuisti super me manum tuam. P. Valde confortatus est. V\. Gloria, et honor Patri et Filio. P. Valde confortatus.
Oratio. Domine Jesu Christe, qui summos Apostolos tuos Petrum et Paulum, unum cruce, alterum gladio consecrasti; praesta nobis, ut et Petrus crucem suam tollens te sequendo nos adtrahat, et Paulus pro te dimicando atque spirituali affectu carnalia desecando nos tibi conjungat; ille doceat in cruce manere, iste gladio triumphare: ut tibi nos et per Petrum crux offerat conjungendos, et per Paulum gladio consociet coronandos. R\. Amen.
Per misericordiam.
R\. Sancti, qui justitia eru dierunt multos, fulgebunt, (1142B)sicut splendor firmamenti. P. Et sicut stellae coeli in perpetua aeternitate. V\. Isti sunt viri sancti quos elegit Dominus in charitate non ficta: et ab eorum doctrina fulget Ecclesia, ut Sol, et Luna. P. Et sicut stellae. V\. Gloria, et honor. P. Et sicut stellae.
In Laudibus.
Ad Canticum. Antiphona. Diligentes te, Domine. Canticum. Qui sponte obtulistis. Quaere folio CLXIII.
Ad Benedictus. Antiphona. Sancti et humiles corde, spiritus et animae justorum, benedicite Dominum. Justi et Sacerdotes, sancti et humiles corde, benedicite Dominum.
[CCLIV] Canticum. Benedictus es Domine. fol. 6.
Sono. Salus justorum a Domino est. P. Et salvavit (1142C)eos. Alleluia, alleluia; V\. Quoniam speraverunt in Deum vivum. P. Et salvavit.
Lauda. Laudate Dominum de Coelis. Alleluia: laudate eum in excelsis. Alleluia, alleluia. Psalmus CXLVIII. Prophetia. Justi in perpetuum. Fol. CLXIV. Hymnus. Laudes Sanctorum. Fol. CLXV. Supplicatio. Oremus Redemptorem, mutatis nominibus, fol. CLXXXVII.
Capitula. In duobus ecce famulis atque Apostolis tuis Christe Deus mira, te concedente, gratiarum dona partita sunt; dum et Petrus signorum est ostensione magnificus, et Paulus legis eruditione perfectus: dum et ille virtutibus pollet, et hic litteris claret: dum et ille umbra sua sanat infirmos, et hic verbo suscitat mortuos. Quaesumus, ergo, ut haec (1142D)duo candelabra in conspectu tuo semper lucentia pro nobis omnibus te rogatura adsistant: qualiter quicquid de illorum doctrina percepimus, effectu operum impleamus.
Pater noster. Liberati a malo. fol. 2.
Lauda. Respexit eos. Benedictio. Meritis Sanctorum. Quaere folio CLXV.
DIE XXIX. IN FESTIVITATE SANCTORUM PETRI ET PAULI APOSTOLORUM.
Ad Vesperum.
Lauda. Exortum est in tenebris. fol. CLXII.
Sono. Alleluia. In omnem terram exivit sonus sanctorum: P. Et in fines orbis terrae verba illorum. (1143A)Alleluia, alleluia. V\. Non sunt loquelae neque sermones: quibus non audiaantur voces eorum. P. Et in fines.
Dominus sit. R\. Et cum.
Antiphona. Alleluia. Hi sunt, qui missi sunt per orbem terrarum, et prostraverunt se ante Agnum, P. Habentes phialas aureas plenas incensu, quae sunt memoriae sanctorum, cantantes canticum novum. V\. In omnem terram exivit sonus eorum: et in fines orbis terrae verba illorum. P. Habentes. V\. Gloria, et honor Patri. P. Habentes.
Dominus sit. R\. Et cum.
Antiphona 2. Isti sunt viri nominati in virtute, P. Doctores populi facientes judicium in doctrina sua. V\. Coeli enarrant gloriam Dei, et opera manuum ejus (1143B)adnunciat firmamentum. P. Doctores. V\. Gloria, et honor. P. Doctores.
Oratio. Domine Jesu Christe, qui singulari electionis tuae munere in hoc voluisti tuos discipulos demonstrare connexo amore charitatis, quo perfectione claresceret; ut, quorum doctrina fundaretur Ecclesia, dilectionis potius quam signorum decoraretur potentia; ut omne aedificium ejus potius charitate quam signis monstraretur esse mirificum; dum in ipsa dispensatione tui muneris doctrinam signa sequuntur, non doctrina signorum ordines antecedat; dum veritatis praedicatio signorum roboratur auxilio; te quaesumus, te rogamus, ut in charitate beneplacita tibi corda nostra permansura statuas, auferens (1143C)a nobis dolosi pectoris locum, et expians male consuetae discordiae signum: quo per eos, quorum doctrina fulget Ecclesia, fulgorem mereamur obtinere in viventium terra. R\. Amen.
Per.
Antiphona 3. Isti sunt viri sancti, quos elegit Dominus in charitate non ficta, P. Et dedit eis gloriam sempiternam: quorum doctrina fulget Ecclesia, ut Sol, et Luna. V\. Beata gens, cujus est Dominus, Deus ejus; populus, quem elegit Dominus in hereditatem sibi. P. Et dedit eis. V\. Gloria, et honor. P. Et dedit.
Oratio. Ineffabilem satis, Christe, mellis tui credimus esse favum, quod in ore tuorum tribuisti Apostolorum: quia suavitas verbi, quae illis erat in (1143D)pectore, haec in illorum ore flammescentes scientiae rivulos formans, et auditum plebium reservat, ut crederent, et corda nutriebat, ut amare facerent, quod audissent: intus illis aderat, quod foris aliis redundabat: unde et per hoc tibi appropinquare merentur, quia, quae vocibus docuerunt, operibus exequuti sunt. Tribue ergo nobis, ut, quia in eorum praedicatione surrexit Ecclesia, in eorum prece roborata consistat: ut, quorum doctrina favis est satiata, eorum precibus vitae hujus naufragia ad Christum coronanda pertranseat. R\. Amen.
Per misericordiam.
Antiphona 4. Laetitia sempiterna erit electis meis. P. Cum dedero opera eorum in ligno vitae. [CCLV] V\. Beati, qui custodiunt judicium, et faciunt justitias in (1144A)omni tempore. P. Cum dedero. V\. Gloria, et honor. P. Cum dedero.
Dominus sit. R\. Et cum.
Lauda. Disciplina et sapientia replevit illos Dominus. Alleluia. P. Creavit in illis gratiam spiritus sui, et intellectu replevit corda eorum. Alleluia, alleluia. V\. Et clamaverunt ad Dominum, cum tribularentur: et de necessitatibus eorum liberavit eos. P. Creavit in illis. V\. Gloria, et honor. P. Creavit in illis.
Dominus sit semper. R\. Et cum.
Lauda 2. Laetitia sempiterna erit vobis, dicit Dominus. P. Quia in terra vestra duplicia possidebitis. Alleluia, alleluia. V\. Benedicti vos a Domino, qui fecit coelum, et terram. P. Quia in terra. V\. Gloria, (1144B)et honor. P. Quia.
Hymnus.
Apostolorum passio
Diem sacravit saeculi,
Petri triumphum nobilem,
Pauli coronam proferens.
Conjunxit aequales viros
Cruor triumphalis necis;
Deum secutos; Praesulem
Christi coronavit fides:
Primus Petrus Apostolus;
Nec Paulus impar gratiae:
Electionis vas sacrae
Petri adaequavit fidem.
Verso Crucis vestigio,
(1144C)Simon honorem dans Deo,
Suspensus ascendit, dati
Non immemor Oraculi.
Praecinctus, ut dictum est,
Senex elevatus ab altero,
Quo nolet, ibit, sed volens
Mortem subegit asperam.
Hic Romae celsus vertice,
Devotionem extulit;
Fundata tali sanguine,
Et Vatis tanti, nobilis.
Tantae per Urbis ambitum
Stipata tendunt agmina,
Trinis celebratur viis
(1144D)Festum sacrorum Martyrum.
Prodire quis Mundum putet,
Concurrere plebem Deo
Electam: Gentium caput,
Fides magistra Gentium?
Deo Patri sit gloria,
Ejusque soli Fiilio.
Cum Spiritu Paraclito
In sempiterna saecula
Amen.
Supplicatio. Oremus Redemptorem, mutatis nominibus, fol. CLXXXVII.
Capitula. Domine Jesu Christe, qui primum atque novissimum Apostolos tuos Petrum et Paulum in summa perfectionis arce locasti; ut electio Apostolicae (1145A)dignitatis et in illo prima, et in isto consummata dignosceretur; hos Ecclesiae tuae concede praesules, quos principes elegisti; hos gubernatores justitiae, quos duces et egregios deputasti; ut eam foveant praesidiis indefessis, quam fundaverunt praeceptis optimis et exemplis.
Pater noster. Liberati a malo. fol. 2.
Benedictio. Christus Dominus, quem et virtus Petri et doctrina Pauli Unigenitum esse Filium Dei Patris declaravit in mundo, ab omni vos mundanae conversationis dignetur emundare contagione: R\. Amen. Idem quoque, pro quo et Petrus cruce, et Paulus gladio interempti sunt, possessores vos faciat regni coelorum; R\. Amen. Ut regnum coelorum, de quo ipsi claves per Apostolatus gratiam acceperunt, (1145B)nunquam vobis pro merito eisdem aperientibus obclaudatur. R\. Amen.
Per.
Lauda. Vos estis vasa sancta Domino auro fulgente alleluia; P. Quia sponte obtulistis Domino Deo animas vestras. Alleluia, alleluia, alleluia. V\. Audi populus meus, et testificabor tibi: Israel, si me audieris. P. Quia sponte. V\. Gloria, et honor Patri. P. Quia sponte.
Oratio. Domine Jesu Christe, qui ad vocem conquirentis Petri promittis te sequentibus in regeneratione daturum, ut supra thronos duodecim sedeant, et potestatem duodecim tribus judicandi accipiant: quo promissionis munere et Petrum post negationem oblectas, et Paulum post excursum infidelitatis (1145C)remuneras; dum illi post poenitentiam non obfuit, quod negavit, et isti post conversionem remissibile extitit quod deliquit; da nobis utriusque meritis oblitterare delictum, et ubertim flere commissum: lacrymis errata detergere, eleemosynis perpetrata punire; ut relinquentes mundum [CCLVI] ex animo, aeternitatis mereamur consolari promisso. R\. Amen.
Per misericordiam.
In nomine Domini nostri.
Ad Matutinum.
Antiphona. Da nobis. Psalmus
Oratio. Redde nobis. Quaere fol. CLXIII.
Antiphona 1. Honorati sunt amici tui, Deus: valde (1145D)confortatus est principatus eorum. P. Dinumerabo eos, et super arenam multiplicabuntur: V\. Ecce tu, Domine, cognovisti omnia, novissima et antiqua: tu formasti me, posuisti super me manum tuam. P. Dinumerabo. V\. Gloria, et honor. P. Dinumerabo.
Oratio. Honorati sunt amici tui Christe; dum in omnem terram exiret sonus eorum; non quo mundiali municipatu in terrenis exercerent; sed quo praedicandi potestate orbem implerent; et in faciendis virtutibus principarentur; dum et in Petro virtus ostensa, et in Paulo scientia clara tumentem mundi potentiam miti jugo tuo substernendam humiliat: annue precibus nostris; ut, beneficia, quibus principati sunt mundo, numquam desint a populo (1146A)christiano: sed interminabili illo affectu dulcedinis, quo se in hac vita positi invicem dilexerunt, et votis et precibus supplicantium adesse dignentur. R\. Amen.
Per misericordiam.
Antiphona 2. Isti sunt amici tui, Domine, qui tradiderunt corpora sua in mortem, P. Ne servirent idolis, neque adorarent deos alienos. V\. Domine, in lumine vultus tui ambulabunt, et in nomine tuo exaltabunt tota die: et in tua justitia exaltabuntur. P. Ne servirent. V\. Gloria, et honor Patri. P. Ne servirent.
Oratio. Isti sunt, Christe Domine, amici tui Petrus et Paulus, qui tradentes corpora sua ad mortem, effecti sunt ductores gratiae, fundatores Ecclesiae: (1146B)quos et unitas praedicandi et felicitas moriendi nec dividi passa est, nec elidi. Quaesumus ergo, ut, qui illorum doctrina populos tibi fecisti esse credentes, eorum prece nos efficias regni coelestis coheredes. R\. Amen.
Per misericordiam.
Antiphona 3. Viriliter certati sunt, et transierunt de morte ad vitam: P. Isti sunt amici tui, Domine. V\. Qui confidunt in Domino, sicut mons Sion: non commovebitur in aeternum, qui habitat in Hierusalem. P. Isti sunt. V\. Gloria, et honor. P. Isti sunt.
Oratio. Domine Jesu Christe, qui Petrum et Paulum viriliter certantes, unum cruce et alterum gladio dignatus es consecrare: ut pro amore tui nominis (1146C)fida dilectione, et ille crucis exitium, et hic gladii susciperet ictum; da nobis, ut simili te dilectione sequentes et per Petrum crucis intremus in secretum, et per Paulum spiritualis verbi semper gladio muniamur: quo et per crucem Christi cruciatus evadamus inferni, et per gladium spiritus penetremus abdita coeli. R\. Amen.
Per misericordiam.
R\. Hi ostenderunt caerimonias populo et ritum: demonstraverunt hominibus colere Deum, quoniam praedestinati erant de cunctis plebibus, quod essent timentes Deum; P. Eo quod in hominibus praecepta ejus impleverunt. V\. Hi sunt, qui in generationibus gentis suae gloriam adepti sunt, et in diebus suis in laudibus habentur. P. Eo quod. V\. Gloria, et honor. (1146D)P. Eo quod.
Oratio. Hi sunt, Domine, Apostoli tui Petrus, et Paulus, qui legis caerimonias et ritum colendi te populis demonstrantes, dum diffuso ore invictaque constantia semen verbi tui per incredulorum corda spargerent, optabili necati sunt passione; cum et Paulus dissolvi cupiens, gladio necatus interiit, et Petrus inversis se poscit vestigiis crucifigi. Unde tuam poscimus pietatem, ut, qui illos glorioso coronasti martyrio, nos futuro liberes a tormento: ut verbum tuum, quod illis gloriosis in mundo vocibus sparserunt, nos sanctificatum in receptaculum nostri pectoris conservemus. R\. Amen.
Per misericordiam.
In Laudibus.
(1147A)
Ad Canticum. Antiphona. Qui propria voluntate obtulistis vos discrimini, benedicite Dominum, narrantes justitias ejus et clementiam in fortes Israel.
Canticum. Qui sponte obtulistis. fol. CLXIII.
Oratio. Christe Dei Filius, qui praecedentibus Prophetis, novae gratiae filios introducis; dum Apostolos Prophetis, quasi filios patribus, [CCLVII] succedere facis; qui propria voluntate animas suas offerunt: quorum sors utique inter Sanctos inventa; quia praedicatio Apostolorum, praecedentium Prophetarum est vaticinio roborata: te poscimus et rogamus, ut, qui utrorumque testamentorum radiis dispositione mirifica ordinasti, quo in veritatis ostensione digne facis atque pulcherrime veteribus nova succederent; (1147B)facias nos ipsis Apostolis tuis heredes semper existere: ut quia per illos suscepimus fidem; cum his etiam habeamus te semper hereditatem. R\. Amen.
Per misericordiam.
Ad Benedictus. Antiphona. Sancti et humiles corde, spiritus et animae justorum, benedicite Dominum. Justi et sacerdotes, sancti et humiles corde, benedicite Dominum.
Canticum. Benedictus es Domine. fol 6. Sono. Alleluia. In omnem terram. Quaere in Vesperis praecedentibus.
Lauda. Laudate Dominum de Coelis Alleluia: laudate eum in excelsis Alleluia. Psalmus CXLVIII.
(1147C)Prophetia. Multam gloriam fecit Dominus. fol. CLXXIX. Hymnus. Apostolorum passio. Supplicatio. Oremus. Quaere in Vesperis praecedentibus.
Capitula. Domine Jesu Christe, qui adversas potestates per summos Apostolos tuos Petrum et Paulum destruis et disturbas; ut praedicationi veritatis Apostolico ore depromptae, nec nequitia malorum nec versutia possit obviare magorum: dum et Simonem magum Petrus dejecit, et Elimam Paulus caecitate percussit; adesto nobis, ut in Ecclesia tua omnes corruant, qui conturbant: et turbentur, qui venientes ad fidem praepedire conantur; cum potius tendentes ad regna coelestia, quo Pauli docentis adduxerit pietas, intromittat Petri potestas.
Pater noster. Liberati a malo. fol. 2.
(1147D)Lauda. Vos estis vasa. Benedictio. Christus Dominus. Quaere in Vesperis praecedentibus.
Exeunte Vespera.
Lauda. Exortum est. Sono. Alleluia. In omnem terram. Quaere in primis Vesperis.
Antiphona. Legem tuam splendide docuerunt; P. Quorum sunt opera multa reposita apud te, Domine. V\. Qui confidunt in Domino, sicut mons Sion: non commovebitur in aeternum, qui habitat in Hierusalem. P. Quorum sunt. V\. Gloria, et honor. P. Quorum sunt.
Dominus sit. R\. Et cum.
Lauda. Induit eos alleluia P. Stolam gloriae: vitam in te et disciplinam dedit eis Alleluia, alleluia. V\. Mirabilis facta est scientia tua ex me: confortata (1148A)est, et non potero ad eam. P. Stolam. V\. Gloria et honor. P. Stolam.
Hymnus. Apostolorum passio. Supplicatio. Oremus. Quaere in primis Vesperis.
Capitula. Pretiosam in conspectu Domini mortem sanctorum tuorum Petri et Pauli Apostolorum annuis recursibus honorantes, damus gloriam laudi tuae, quia luminaria pretiosa a te vero lumine indeficiente succensa non solum dum leguntur, sed dum coluntur, inlustrant: quia hi sunt duae olivae, et duo candelabra aurea in conspectu tuo, atque in universa terra exiit sermo oris eorum; quorum intercessionibus exoratus dum suscipis devotionis officium, precum, quaesumus, largiaris effectum, dum clamaverimus e terris.
(1148B)Pater noster. Liberati a malo. fol. 2.
Benedictio. Omnipotens Deus, qui omne remedium pietatis tribuit miseris, det vobis Petri lacrymis emundari ab omnibus culpae contagiis. R\. Amen. Concedat doctrina Pauli suscipere vos sapientiam verbi; R\. Amen. Ut ille per poenitentiam, iste per doctrinam faciat vos pervenire ad vitam aeternam. R\. Amen.
Per misericordiam.
Lauda. Lex veritatis habitavit in ore eorum, Alleluia. P. Quoniam iniquitas non est inventa in labiis eorum: fructum vitae in pace perfecerat. Alleluia, alleluia. V\. Dominus dabit verbum evangelizantibus, virtute multa. P. Quoniam iniquitas. V\. Gloria, et honor. P. Quoniam iniquitas.
(1148C)Oratio. Christe, Dei Filius, qui praecedentibus. Quaere retro in Laudibus praecedentibus.
FESTA JULII. DIE XII. IN FESTO SANCTAE MARTIANAE VIRGINIS, ET MARTYRIS.
CCLIII. Ad Vesperum.
Lauda. Speravit anima mea in Domino. Sono. Alleluia: Psallam nomini tuo Deus. Antiphona. Ostende mihi faciem tuam, Sion. Lauda. Sicut palma exaltata. fol. CLXXIX.
Hymnus.
Sacrae triumphum martyris.
Celebret vox Ecclesiae:
(1148D)Camaena sit cunctis una
Martianae in laudem virginis.
Quae, passionis praemium,
Dum tendit adipisci:
Ultro ad palaestram gloriae
Audet prompta concurrere.
Haec namque adstantem daemonis
Cernens adlisit effigiem;
Sub cujus larga perpetim
Fluebat unda gressibus.
Mox flagris caesa trahitur
Celsa ad Praetoris atria:
Atque ille ludis allicit,
Prosternit membra Virginis,
Quam praedo pudicitur,
(1149A)Dum inter umbras sequitur,
Oble tata extemplo coelitus
Secluditur maceria.
Vincta deinde stipite
Pro vana voce includitur;
Sed poenas fert blasphemia,
Ruinas, et incendia.
Emissa namque bestiis,
Leo praecurrit percitus;
Adoraturus veniens,
Non consumpturus Virginem.
Taurus dehinc prosiliens
Forma et mugitu horribili
Sulcabat ejus teneras
Papillas, ictu vulnerans.
(1149B)At fera pernix corpore
Et maculoso tegmine
Letali dente ad ultimum
Membra Puellae laniat.
Post hos triumphos anima
Vinclis elapsa corporis,
Plaudens petit ad libera
Summi Poli fastigia.
Deo Patri sit gloria,
Ejusque soli Filio,
Sancto simul Paraclito
In sempiterna saecula.
Amen.
Supplicatio. Oremus. mutato nomine, folio CLXXXII.
(1149C)Capitula. Domine Jesu Christe, cujus imperio rabidissimus non solum a nece beatissimae virginis et martyris Martianae abstinuit, verum etiam feritate deposita ejus immaculatum corpus adoratus praesens moleste contingere non praesumit; praesta nobis, ut nitore tui Sancti Spiritus circumsepti, immanitatem non timeamus Leonis horrendi; sed majestatis tuae virtute repulsus semper a laesione nostra maneat alienus.
Pater noster. Liberati a malo. fol. 2.
Benedictio. Omnipotens Dominus, qui beatissimam Martianam virginitatis ac pudicitiae ornavit decore, mentes vestras expiet ab omni mundanae corruptionis contagione: R\. Amen. Quique huic praestitit suam idolis non inclinare cervicem, a vobis arceat (1149D)spirituum malignorum tentationem; R\. Amen. Ac, sicut illa post victoriam laetatur cum Christo, ita eadem patrocinante reduces vos gaudeatis fieri paradiso. R\. Amen.
Per misericordiam.
Lauda. Speciosa facta es et suavis in deliciis tuis Alleluia. P. Pulchritudo tua similis est palmae: indesinenter in plenitudine claritas. Alleluia, alleluia, alleluia. V\. Lauda Hierusalem Dominum: conlauda Deum tuum Sion. P. Pulchritudo.
Oratio. Domine Jesu Christe, qui specie, et pulchritudine tua beatissimam virginem ac martyrem tuam Martianam speciosam pulchramque, dum diligis, facis, et ingenti amore despondes; munere superno adesto nobis beatissimae martyris tuae Martianae (1150A)patrociniis indefessis; ut, quoniam tanta pietas, triumphantem provexit ad laudem, perducat supplices ad salutem. R\. Amen.
Per misericordiam.
[CCLIX] Ad Matutinum.
Antiphona. Labia mea, Domine, aperies: et os meum adnunciabit laudem tuam. Psalmus
Oratio. Exultent, Domine. Antiphona 1. Dilectione aeterna. Quaere folio CLXXX.
Oratio. Beata Dei virgo Martiana, quae in Sion speculatione gloriosa mansisti, quam Deus ipse dilexisse testatur, ex quo non recessura ultra misericordia pollicetur; da nobis meritis tuis, ut amore divino flagrantes, in futuro Judicio inveniamur indemnes. (1150B)R\. Amen.
Per misericordiam.
Antiphona 2. Una es proxima. Fol. CLXXX.
Oratio. Una et bona est, Domine, proxima tua virgo Martiana, quae, dum proxima tibi efficitur, serva tua de sanguine speciosa monstratur per propriam passionem: ejus ergo interventu passionum a nobis maculas terge; ut speciosi et votis et operibus redditi, portas aeternae Hierusalem mereamur introire beati. R\. Amen.
Per misericordiam.
Antiphona 3. Veni, sponsa, a Libano: veni a montibus pascuae: curramus P. In odore unguentorum tuorum. V\. Audi filia, et vide, et inclina aurem tuam: et obliviscere populum tuum, et domum (1150C)patris tui. P. Audi.
Oratio. Speciosa, Christe Dei Filius, in oculis fidelium de Libano veniens virgo Martiana annuis recursibus quodammodo revidetur, dum honor ejus humanis obtutibus praesentatur, et obsequendis honorifice aperitur: bonus ergo odor vestimentorum ejus super omnia aromata flagrant; quia judicia virtutum illius exundanti claritate fructificant. Concede ergo nobis, ut odor virtutum ejus sopitum cordis nostri sensum ad poenitentiam excitet: ut, qui nunc percipimus ex odore laetitiam, post percipiamus ex poenitentia gloriam indefessam. R\. Amen.
Per misericordiam.
R\. Gaude Filia Sion. Fol. CLXXXI.
(1150D)Oratio. Jesu, Dei Filius, qui hortum Electorum ingrediens, inter lilia opaca pasceris quando in corpore tuo, quod est Ecclesia, Sanctarum Virginum coetibus decoraris, ubi beatissimam Martianam mirabiliter introductam, ita mirifice eam floribus maluisti fulciri, ut odor virginitatis ejus, tamquam flosculus aromatum ejus ad nos usque adscenderet: te supplici intentione rogamus, ut, amotis figuris veteris Testamenti, quae velut umbrae, in typicis observationibus praecesserunt, dies ille, Evangelica utique traditio, in nobis adspirando proficiat, qualiter ita exemplo beatae virginis Martianae Evangelii lucem tota devotione sequamur; ut umbras praeteriti et erroris et criminis nesciamus. R\. Amen.
Per misericordiam.
(1151A)Ad Canticum. Antiphona. Benedictus Dominus. Canticum. Gaudens gaudebo. Fol. CLXXXI.
Ad Benedictus. Antiphona. Filia Sion. Canticum. Benedictus es Domine. Fol. 6.
Sono. Dominus mihi dat linguam eruditionis Alleluia; ut sciam, quando oporteat me dicere alleluia. P. Posuisti me in matutinum, et adposuit mihi aurem audiendi alleluia, alleluia. V\. Petivi Deum meum sapientiam, et dixit ad me: Ecce feci secundum verbum tuum, et dedi tibi cor sapiens et intelligens, ita ut scias et intelligas, quomodo te dicere oporteat alleluia, alleluia. V\. Ego quasi terebynthus expandi ramos meos. Ego feci, ut oriretur lucifer in coelo alleluia. Ego, omnes qui me amant, diligo: exitus enim mei exitus vitae sunt. (1151B)Transite ad me omnes qui me concupiscitis, et a generationibus meis implemini: quia spes mea est alleluia, et supra melle dulcis est alleluia. P. Posuisti me.
Lauda. Laudate Dominum de coelis Alleluia, alleluia: laudate eum in excelsis: Alleluia, alleluia. Psalmus CXLVIII.
Lectio libri Esaiae Prophetae (Cap. LIV).
R\. Deo gratias.
Haec dicit Dominus: Lauda sterilis quae non paris: decanta laudem, et quae non pariebas: quoniam multae filiae desertae, magis quam ejus quae habet virum, dicit Dominus. Dilata locum tentorii tui, et pelles tabernaculorum tuorum extende, ne parcas; (1151C)longos fac funiculos tuos, et clavos tuos consolida. Ad dexteram enim tuam et ad laevam penetrabis: et semen tuum gentes [CCLX] possidebit, et civitates desertas hereditabit. Noli timere, quia non confunderis, nec erubesces: non enim te pudebit, quia confusiones adolescentiae tuae oblivisceris, et obprobrium viduitatis tuae non recordaberis amplius. Quia dominabitur tui qui fecit te, Dominus exercituum nomen ejus: et redemptor tuus sanctus Israel, Deus omnes ad te revocabit. Quia ut mulierem derelictam et moerentem spiritu vocavit te Dominus, et uxorem ab adolescente abjectam, dixit Dominus Deus tuus. Ad punctum in modico derelinqui te, et in miserationibus magnis congregabo te. In momento indignationis meae abscondam faciem meam parumper a te, et in (1151D)misericordia sempiterna misertus sum tui: dixit redemptor tuus sanctus Israel Dominus omnipotens. R\. Amen.
Hymnus. Sacrae triumphum. Supplicatio. Oremus. Quaere in Vesperis praecedentibus.
Capitula. Audi, Domine, vocem nostri clamoris, et affectum dona petitionibus nostris: pelle a nobis dolum: procul effuga jurgium: interime vitium, ac praesta alterna dulcedinis incrementa: nostrum namque agnoscimus meritum, sed tuum sequimur salubre praeceptum. Ob hoc, quaesumus, in nullo confundamur, sed nos exaudire digneris e coelis, cum ad te proclamaverimus e terris.
Pater noster. Liberati a malo. fol. 2.
(1152A)Lauda. Speciosa facta. Benedictio. Omnipotens Dominus. In Vesperis praecedentibus.
In Exeunte Vespera.
Lauda. Speravit anima. Sono. Alleluia. Psallam nomini. Fol. CLXXIX.
Antiphona. In petra exaltasti me. Deduxisti me, quia factus es spes mea: turris P. Fortitudinis a facie inimici. V\. Inhabitabo in tabernaculo tuo in saecula: protegar in velamento alarum. P. Fortitudinis. V\. Gloria, et honor. P. Fortitudinis.
Dominus sit. R\. Et cum.
Lauda. Quam dulcia faucibus meis eloquia tua. Alleluia. Super mel et favum. Alleluia. V\. Quomodo dilexi legem tuam Domine: tota die meditatio (1152B)mea est.
Hymnus. Sacrae triumphum. Supplicatio. Oremus. Quaere in Vesperis praecedentibus.
Capitula. Deus salvator noster, qui aeternam integritatem custodis, corruptionem nostrae carnis sustentas indulgentia, corporis compositioni parcis: quique integritatem custodis a te virginibus collatam, ut eam faceres ad destinatum pervenire meritum; te quaesumus, ut ejus obtentu ita nos eluas a libidinum incentivis, quo cunctis resistendo adversis fiducialiter ad te proclamemus e terris.
Pater noster. Liberati a malo. fol. 2.
Benedictio. Dominus Jesus Christus, qui virginem suam Martianam casto sibi desponsavit amore, castitatis vos dono munificet: R\. Amen. Et qui illam (1152C)subarrhavit sibi annulo fidei, vos suae connectat indissolubiliter charitati; R\. Amen. Ut eam pro vobis apud se suffragatricem admittat, quam sibi incorrupto amore adsumpsit sponsam. R\. Amen.
Per misericordiam.
Lauda. Speciosa facta es. Quaere in primis Vesperis. Oratio. Domine Jesu Christe, ut supra.
DIE XVI. IN FESTO SANCTAE JUSTAE VIRGINIS.
Ad Vesperum.
Lauda. Speravit anima mea in Domino. A custodia matutina P. Usque ad noctem, V\. Sustinuit anima mea in verbo tuo, Domine. Fiant aures tuae intendentes, in orationem ancillae tuae. P. Usque (1152D)ad noctem.
Dominus sit. R\. Et cum.
Sono. Diffusa est gratia in labiis tuis Alleluia: P. Propterea benedixit te Deus in aeternum. Alleluia, alleluia, alleluia. V\. Eructavit cor meum verbum bonum: dico ego opera mea regi: Alleluia. V\. Nati sunt tibi filii: constitues eos principes super omnem terram. Memores erunt nominis tui, Domine in progenie et generatione. P. Propterea.
Dominus sit. R\. Et cum.
Antiphona. Alleluia. Memoria Justae cum laudibus, [CCLXI] quae apud Deum nota est et apud homines; et in perpetuum coronata triumphat. V\. Potens in terra erit semen ejus: generatio rectorum benedicetur. P. Nota. V\. Gloria, et honor. P. Nota.
(1153A)Dominus sit. R\. Et cum.
Antiphona. Benedicta tu Deo altissimo, prae omnibus mulieribus. P. Propter hoc non discedet laus tua ab ore hominum usque in saeculum. V\. Non det in commotionem pedem tuum: neque obdormiet qui custodit te. P. Propter. V\. Gloria, et honor. P. Propter.
Dominus sit. R\. Et cum.
Antiphona. Hierusalem civitas sancta ornamento Justae decorata, P. Cujus plateae resonant laudes de die in diem. V\. Gloriosa dicta sunt de te, civitas Dei. P. Cujus. V\. Gloria, et honor. P. Cujus.
Dominus sit. R\. Et cum.
Lauda. Alleluia. Gaude filia Sion: laetare et exulta in omni corde filia Hierusalem: P. Quoniam abstulit inimicos tuos rex Israel Dominus. Alleluia, alleluia. (1153B)V\. Lauda Hierusalem Dominum: conlauda Deum tuum Sion. P. Quoniam abstulit. V\. Gloria, et honor. P. Quoniam.
Hymnus.
Virginis sacrae triumphum
Plebs alumna parili
Concentu Justae coelesti
Paratum ex gratia,
Resonet, piisque modis,
Almis pandat cantibus.
Cliens ex te, Christe, coetus
Addit vota dedicans
Martyris, ut prece queat
Propriis, ut piaculis
(1153C)Horrendis semper carere,
Munitus suffragiis.
Haec saepe mundum, hostemque
Vicit simul impium:
Te cordis amore sequens
Tetrum calcat Zabulon:
Gemella serta corona
Coelo pollet perpetim.
Hujus incolatu magis
Haec sors claret occidens
Recinens semper triumphum
Locis praestet caeteris;
Cespite sacrum cruorem
Coelo arrham vindicans.
Intrepida Deo saepe
(1153D)Famulans, comminuit
Tenacis mundique vitam,
Simulacrum prophanum;
Illico Regis tremendam
Patitur sententiam.
Variis afflicta poenis,
Mentis calens ignibus;
Gladio confossa hostis,
Coelo reddit spiritum:
Hinc loco mutatur corpus
Vivens Deo perpetim.
Sacris Virginum supernis
Accita consortiis,
Sanguine contemnit hostem,
Mente vicit Zabulon:
(1154A)Gemina proinde cluit
Laureata gloria.
Haec superno soli Regi
Ovans, sic perpetuis
Angelorum mixta choris,
Novum pangit canticum:
Triumphat potita regno
Sempiternae gloriae.
Inde cernui precamur,
Rex Serene, servuli,
Et simul piaculorum
Pandentes facinora;
Jam medelis fove Pater,
Quos trementes conspicis.
Hujus sacro impetratu
(1154B)Terge nostra crimina,
Scelerum nodos resolve;
Da fomenta gratiae;
Et tecum semper victuri
Gloriemur Agie.
Pelle iram, arce pestem
A nostris confinibus:
Gladium hostis retunde
Hujus prece Martyris;
Et supernam praesta quietem,
Tuis Christe famulis.
Gloriam Patri canamus,
Christoque perpetuo;
Etiam cum Sancto simul
Utriusque Spiritu;
(1154C)Qui Deus unus aeternus
Regnat ante saecula.
Amen.
Supplicatio. Oremus, mutato nomine, folio CLXXX.
Capitula. Domine Jesu Christe, qui carnis virginitatem servantibus fructum promittis repensare centesimum; intercessu virginis tuae [CCLXII] Justae nostrorum vincula solve peccatorum: ut, qui carnis fragilitate dejicimur, ejus patrocinio sublevemur.
Pater noster. Liberati a malo. fol. 2.
Benedictio. Dominus Jesus Christus, qui virginem suam Justam casto servavit pudore, castitatis vos dono munificet: R\. Amen. Et, qui illam subarrhavit sibi annulo fidei, vos suae connectat indissolubiliter (1154D)charitati; R\. Amen. Ut eam pro vobis apud se suffragatricem admittat, quam sibi incorrupto amore adsumpsit sponsam. R\. Amen.
Per misericordiam.
Lauda. Providebam Dominum in conspectu meo semper: quoniam a dextris est mihi, ne commovear. P. Propter hoc jocundatum est cor meum, et exultavit lingua mea. Alleluia. V\. Audi filia, et vide, et inclina aurem tuam: et obliviscere populum tuum, et domum patris tui. P. Propter. V\. Gloria, et honor. P. Propter.
Oratio. Deus, qui virginalis pudicitiae titulo passionis vexillo beatas virgines et martyres tuas Justam et Rufinam glorificasti, da nobis sic sacrae castitatis floribus exornari, ut cum fructu bonorum operum (1155A)supernae beatitudinis attingamus consortium. R\. Amen.
Per.
Ad Matutinum.
Antiphona. Labia mea aperies: et os meum annuciabit laudem tuam.
Oratio. Exultent in te Domine labia nostra praeconio veritatis, ne resolvantur vaniloquio falsitatis; et tibi semper gloriam dicant; ne indecenter rixarum litigiis perstrepent: Anima quoque nostra, quam redemisti, martyris tuae Justae laudando triumphum, ejusdem patrocinio te mereatur habere propitium. R\. Amen.
Per.
Antiphona 1. Memoria ejus in benedictione honoris (1155B)in omni ore quasi mel indulcabitur nomen ejus; P. Quoniam direxit ad Deum cor suum: Dominus autem exaudivit vocem ipsius. V\. Tota die miseretur et commodat: et semen ejus in benedictione. P. Quoniam direxit. V\. Gloria, et honor. P. Quoniam direxit.
Oratio. Domine Jesu Christe, qui nomine et meritis Justam vocare jussisti; ut te sequendo, qui justus es, particeps tuae justitiae fieret, nec deficeret inquirendo, ne potiretur martyrii praemio: praesta nobis ejus intercessione, ut, sicut illa pro tuo nomine dimicavit, et vicit, ita nos justitiae sequaces effecti pietatis tuae intuitu mereamur justificari. R\. Amen.
Per.
Antiphona 2. Justitias Domini non repulia a me. P. (1155C)Et ero immaculata coram eo. V\. Et retribuit mihi Dominus secundum justitiam meam: et secundum innocentiam manuum mearum retribuit mihi. P. Et. V\. Gloria, et honor. P. Et ero.
Oratio. Deus largitor divitiarum coelestium et mirabilis patrator munerum aeternorum, qui beatissimam Justam in saeculo pauperem elegisti, sed pro te certando aeternis opibus sublimasti; paupertatem spiritus nos sequi semper attribue, qua poscimus, tuae majestati per omnia complacere. R\. Amen.
Per.
Antiphona 3. Justa cognovit justitiam, et vidit mirabilia Dei, et exoravit Altissimum, P. Et ingressa est in numero sanctorum. V\. Desiderium animae (1155D)ejus tribuisti ei: et voluntate labiorum ejus non fraudasti eam. P. Et ingressa. V\. Gloria, et honor. P. et ingressa.
Oratio. Domine Jesu Christe, in cujus virtute beatissima Justa confidens monstrum horrendum dejecit, quod etiam potentia majestatis tuae ob roborem martyrii comminuit et attrivit; da nobis eadem patrocinante omnium inlecebrarum cavere pericula: ut dum inspiratorem nequitiarum conterimus, cum tua Justa victoriarum laureis potiamur. R\. Amen.
Per.
R\. Justa cum Domino gloriatur, quoniam confessa est Deum coram hominibus, propter hoc exaudiet eam Dominus orantem pro populo; P. Ut auferatur a nobis ira Domini. V\. Justa cognovit justitiam, (1156A)et vidit mirabilia Dei, et exoravit Altissimum. P. Ut auferatur. V\. Gloria, et honor. Reiteretur R\. Justa.
Oratio. Domine Jesu Christe, a quo piae animae proteguntur et coronantur, quae in [CCLXIII] hoc saeculo tuo amore fervescunt, et tempore, quo martyrium imminet, sibi negantes ad te pervenire promptissime concupiscunt, animam quoque sanctissimae Justae, quam in tuo gremio conlocasti, pro nobis intercessorem statue: ut ejus auxilio non destituamur, cujus memoriae canticum laudationis impendimus. R\. Amen.
Per misericordiam.
Antiphona 4. Ut columbae mansuetae plaudent sibi de alis suis, et gloriabuntur in itinere suo: P. Populus autem gaudeat gaudio magno in laetitia earum. (1156B)V\. Laetetur mons Sion, et exultent filiae Judae, propter judicia tua Domine. P. Populus. V\. Gloria, et honor. P. Populus.
Oratio. Domine Deus, qui virginibus tuis glorioso amore flagrantibus concessisti, et quaerere, et in delectu ardere; concede nobis, ita te ferventiori voto exquirere, ut fructuosi laboris mereamur reportare mercedem. R\. Amen.
Per misericordiam tuam.
Antiphona 5. Offerentur regi virgines post eam: proximae ejus. P. Adducentur nobis in laetitia et exsultatione. V\. Memores erunt nominis tui, Deus, in omni progenie et generatione. P. Adducentur. V\. Gloria, et honor. P. Adducentur.
Oratio. Domine Jesu Christe, quem filiae Tyri in (1156C)muneribus, filiae utique gentium, adorare praedictae sunt, dum una ex omnibus gentibus Ecclesia tibi copulata dignoscitur; in muneribus utique non quaestu pecuniae conquisisti, sed in actionibus sanctitatis: quibus tibi omnis pia anima jungitur, et a quo sic credentibus munera tribuantur: da nobis ut vultum reginae tuae in sanctitatis operibus deprecemur, quo justitiam et misericordiam facientes non ea voto placendi hominibus, sed ut soli Deo innotescat et votis et operibus exequamur. R\. Amen.
Per misericordiam.
Antiphona 6. Omnis gloria ejus filiae Regis ab intus: virgines sequuntur eum: ducentur in laetitia et exsultatione. P. Ducentur in templum regis. V\. Pro (1156D)patribus tuis nati sunt filii: constitues eos principes super omnem terram. P. Ducentur. V\. Gloria, et honor. P. Ducentur.
Oratio. Deus, qui in cordibus harum Virginum inlucescens, fecisti de tenebris lumen splendescere: ut quae vitiatae fuerant per naturam, essent inluminatae per gratiam; inlucesce in cordibus nostris ad emolumentum aeternae salutis, ut caligine nostrorum vitiorum detersa, sola nos lucis tuae claritas sempiterna possideat. R\. Amen.
Per misericordiam.
R\. Simile est regnum coelorum decem virginibus: quae accipientes lampades suas exierunt sponso in obviam. P. Et quae paratae erant, intraverunt cum eo ad nuptias, et clausa est janua. V\. Media nocte (1157A)clamor factus est: Ecce sponsus venit, exite obviam ei. P. Et quae. V\. Gloria, et honor. Reiteretur Responsorium.
Oratio. Fac nos, Domine Jesu Christe, ut oleum prudentiae in vasis conscientiae pura mentis integritate servemus: quo, dum clamor factus fuerit, ut tibi sponso venienti ad judicium obviam exeamus, non cum fatuis, sed cum prudentibus Virginibus coronandi adnumeremur. R\. Amen.
Per misericordiam.
In Laudibus.
Ad Canticum. Antiphona. Audite Reges, auribus percipite principes: Ego sum quae Domino canam, psallam Deo Israel:
Canticum. Qui sponte obtulistis. fol. CLXIII.
(1157B)Oratio. Deus, qui omnem Virginum gloriam, filiarum utique Regis, intrinsecus esse vis; ut testimonium alienae laudis non appetant, quas virtus in aeterna laetificat; annue nobis earum Virginum precibus, et ut humanas laudes effugere, et boni operis intra nos testimonium deportare: quo et virgines persistamus in fide, et incorruptam ex hoc capiamus hereditatem. R\. Amen.
Per misericordiam.
Ad Benedictus. Antiphona. Filia Sion, benedic Domino Deo excelso in omni benedictione et laude.
Canticum. Benedictus es Domine Deus. Sono. Dominus mihi dat linguam. Quaere fol. 378.
Lauda. Alleluia. Laudate Dominum de coelis (1157C)[CCLXIV] Alleluia, alleluia: laudate eum in excelsis Alleluia, alleluia. Psalmus CXLVIII.
Lectio libri Jesu (Cap. XXXIX).
R\. Deo gratias.
Audite me divini fructus, et quasi rosa plantata super rivos aquarum fructificate. Quasi libanus odorem suavitatis habete. Florete flores, quasi lilium, date odorem, frondete in gratiam et conlaudate canticum, et benedicite Dominum in operibus suis. Date nomini ejus magnificentiam, et confitemini illi in voce labiorum vestrorum, in canticis labiorum, et citharis, et sic dicetis in confessione: Opera Domini universa bona valde. Amen.
Hymnus.
Concentu parili Justam canamus
(1157D)Virgo, quae Deo placuit pudore
A primis pudica rudibus annis,
Devicto libitu caelebs permansit.
Haec quaestu laboris, vasis fictilibus,
Victum pauperibus praebet; sibique
Contemnens saeculum, Christum secuta
Sic perenniter vivit semper in aethera.
Aeternis denique pollens oraculis,
Confossum perimit portentum vibrans
Coelestis spicula Regis, retundit
Sceptrum, perfidiamque saevi hostis.
Illico subiens dura tormenta,
Altis suppliciis vitam reperit
Coelestem, meruit quam terra potens,
(1158A)Solersque famula victrix quaesivit.
Hanc pro piaculis jam Christe nostris
Suffragatricem admitte semper:
Ut cives strenue protegat, suo
Sanguine muniens, preceque tutans.
Aeternae Proli, ingenito Patri
Cum Sancto Spiritu perenni, honor
Sit tibi, gloria semper,
Pollens perpetim sit.
Amen.
Supplicatio. Oremus Redemptorem mundi Dominum nostrum, ut supra in Vesperis.
Capitula. Deus, qui gressus sanctissimae Justae in Evangelii pacis praeparatione ita munisti, ut nec lassitudo laboriosi itineris teneritudinem corporis (1158B)emolliret, nec roborem mentis poenarum diversitas enervaret: da nobis humilibus tuis mundanae dilectionis itinera declinare atque contemnere, et per viam pacis, qua ad te perveniamus, gressus nostros clementer impone.
Pater noster. Et ne nos. Sed libera. Liberati a malo. Quaere fol. 2.
Humiliate. Dominus. R\. Et.
Lauda. Providebam Dominum, ut supra in vesperis.
Benedictio. Custodiat vos Dominus omnipotens sanctarum suarum Justae et Rufinae precibus exoratus: R\. Amen. Sit vobis ubique propitius, qui in Sanctis suis semper est gloriosus; R\. Amen. Atque ipsius pietate ab omnibus malis erepti chrismate (1158C)repleamini Spiritus Sancti. R\. Amen.
Per misericordiam tuam.
In nomine Domini nostri.
DIE XVI. IN FESTIVITATE SANCTAE RUFINAE VIRGINIS ET MARTYRIS.
Ad Vesperum.
Lauda. Speravit anima mea in Domino. A custodia matutina. P. Usque ad noctem. V\. Sustinuit anima mea in verbo tuo, Domine. Fiant aures tuae intendentes, in orationem ancillae tuae. P. Usque ad noctem. V\. Gloria, et honor. P. Usque ad noctem.
Dominus sit semper. R\. Et cum.
Sono. Audi filia, et vide, et inclina aurem tuam. (1158D)P. Quia concupivit rex pulchritudinem tuam. Alleluia. V\. Ipse est Dominus Deus tuus; et adorabunt eum Filiae: in muneribus vultum tuum deprecabuntur omnes divites terrae. Omnis gloria ejus. P. Quia concupivit.
Dominus sit semper. R\. Et cum.
Antiphona. Laudabit usque ad mortem anima mea Dominum, qui eruit me a rege injusto: P. Et a pressura flammae, quae circumdedit, et in medio ignis non sum aestuata. V\ Benedicam Dominum in omni tempore: semper laus ejus in ore meo. P. Et a pressura V\. Gloria et honor Patri. P. Et a pressura.
Dominus sit semper. R\. Et cum.
Lauda. Igne me examinasti Domine, P. Et [CCLXV] (1159A)non est inventa in me iniquitas. Alleluia, alleluia. V\. Exaudi Deus justitiam meam: intende deprecationem meam. Auribus percipe orationem meam, et non in labiis dolosis. P. Et non est. V\. Gloria, et honor Patri. P. Et non est.
Hymnus.
Adsunt punicea floscula virginum,
Coelesti placido rore virentia,
Quarum vasa Poli stigmate siderum
Saecli flammigero igne probata sunt.
Haec primum olei imbribus inlita
Ignescit facibus cordis in aethera;
Noctis perfidiam, hostis et impetum
Vincens fidei lumine optimo.
En JUSTA pariter, atque RUFINA est,
(1159B)Quae clarent meritis, moribus inclytis:
Discreto siquidem nomine Virgines,
Uno sed studii munere Martyres.
Thesaurum Domini legibus inclytum
Vasis fictilibus corporis unici
Gestantes, pretio vascula distrahunt,
Quo quaestu satient viscera pauperum;
Sed his subsidiis callidus artifex
Frangit testacea vascula invidens;
Ne testa hominum scanderet aethera,
Et pulvis fieret gloria coelica.
Hinc robusta fides fragmine fictili
Gliscens martyrium corporis excipit;
Praestans femineo praemia sexui,
Quo celso valeant sidere inlabi.
(1159C)Ob hoc vita, salus, et via, veritas
Te summis precibus rex Christe poscimus;
Harum suffragio nos tibi consecres,
Quarum tu fidei voce placatus es.
Mente nos facito lampade virgines;
Fluxu corporeo effice liberos;
Ut votis rigidis corda calentia
Gestantes habeant regna perennia.
Te nostra jubilet gloria perpetim;
Qui solus Dominus Trinus, et unus es:
Jugi imperio saecula continens,
Et cuncta dominans, omnibus imperans.
Amen.
Supplicatio. Oremus. Mutato nomine, ut supra.
(1159D)Capitula. Domine Jesu Christe, cujus imperio rabidissimus leo non solum a nece beatissimae virginis et martyris Rufinae abstinuit, verum etiam feritate deposita ejus immaculatum corpus odoratus praesenti molestia contingere non praesumit; praesta nobis, ut nitore tui Sancti Spiritus circumsepti immanitatem non timeamus leonis horrendi, sed majestatis tuae virtute repulsus semper a laesione nostra maneat alienus.
Pater noster. Liberati a malo. fol. 2.
Benedictio. Omnipotens Deus, qui beatissimam Rufinam virginitatis ac pudicitiae ornavit decore, mentes nostras expiet ab omni mundanae corruptionis contagione: R\. Amen. Qui huic praestitit suam idolis non inclinare cervicem, a vobis arceat (1160A)spirituum malignorum tentationem; R\. Amen. Et, sicut illa post victoriam laetatur cum Christo, ita eadem patrocinante reduces vos gaudeatis fieri paradiso. R\. Amen.
Per misericordiam.
Lauda. Rami mei rami honoris et gratiae. Alleluia. P. Ego quasi vitis fructificavi suavitatem odoris: Alleluia, alleluia, alleluia, alleluia. V\. Ego autem, sicut oliva fructifera in domo Domini, sperabo in misericordia Dei mei in aeternum, et in saeculum saeculi. P. Ego quasi. V\. Gloria, et honor. P. Ego quasi.
Oratio. Domine Jesu Christe, qui specie, et pulchritudine tua beatissimam virginem ac martyrem tuam Rufinam speciosam pulchramque, dum diligis, (1160B)facis, et ingenti amore despondes: adesto nobis beatissimae martyris tuae patrociniis indefessis; ut, quam tanta pietas triumphantem provexit ad laudem, perducat supplices ad salutem. R\. Amen.
Per misericordiam tuam.
Ad Matutinum.
Antiphona. Laudabit lingua mea. Psalmus L. Oratio. Laudet te, Domine, lingua nostra. fol. CLXXI.
Antiphona 1. Confirmavit Dominus brachia ejus in opus bonum; P. Et probavit eam, quia bonum est operari: non extinguetur lucerna ejus per totam noctem. V\. Confessio et magnificentia opus ejus: et justitia ejus manet in saeculum saeculi. P. Et probavit. V\. Gloria, et honor. P. Et probavit.
Oratio. Domine Jesu Christe, qui carnis virginitatem (1160C)servantibus fructum promittis repensare centesimum; intercessu virginis ac martyris tuae Rufinae nostrorum solve vincula peccaminum: ut, qui carnis fragilitate [CCLXVI] dejicimur, ejus patrocinio sublevemur. R\. Amen.
Per.
Antiphona 2. In congregatione sanctorum sicut cedrus P. Exaltata sum in Libano, et quasi cypressus in montibus Hermon elevata sum. V\. Ego autem, sicut oliva fructifera in domo Domini, sperabo in misericordia Dei mei, in aeternum, et in saeculum saeculi. P. Exaltata. V\. Gloria. P. Exaltata.
Oratio. Domine Jesu Christe, cui virgo et martyr Rufina et integritate jungitur, et sanguine sociatur, (1160D)dum tibi et castimoniam vovit, et pro te sanguinem fudit; praesta famulis supplicantibus, ut expiati a peccatis tibi ita pareamus, ne a te ulterius recedamus. R\. Amen.
Per misericordiam.
Antiphona 3. Stolam gloriae induit eam Dominus. Jocunditatem et exultationem thesaurizavit super eam, et nomine aeterno hereditavit illam. V\. Potens in terra erit semen ejus: generatio rectorum benedicetur. P. Et nomine. V\. Gloria. P. Et nomine.
Oratio. Domine Jesu Christe, qui beatissimam tuam Rufinam tibi, et testem, et virginem consecrasti, dum te incorrupta sequitur, et pro te gloriosa mactatur; annue nobis precibus ejus, ut, eadem suffragante, quamvis indigni, et castitatis donum, (1161A)et confessionis mereamur obtinere triumphum. R\. Amen.
Per.
R\. Filia Sion, quiescat vox tua a ploratu, et oculi tui a lacrymis: quia est merces operi tuo, et spes novissimis tuis. P. Revertere, quia miserans miserebor tibi, et dirigam cor tuum in viam directam, per quam ambulasti. V\. Recordatus sum tui, miserans adolescentiam tuam, et charitatem desponsationis tuae. P. Revertere. V\. Gloria, et honor. Reiteretur R\. Filia Sion.
Oratio. Domine, cujus munere gemino exultat martyr Rufina praemio, dum vel ad pudicitiam ornamenti, et cunctorum sit ad martyrium documento; praesta nobis in Ecclesia illas vernare floribus, quae (1161B)aeternis dignae sunt fructibus: et ita vel voto, vel effectu tanta vestigia Martyris persequamur; ut nec libido nos subruat, sed castitas teneat, et proprios confessio probet liberos, et perfectio ambiat munerandos. R\. Amen.
Per.
Ad Canticum. Antiphona. Ego in Domino gloriabor: gaudebo in Deo Jesu meo.
Canticum. Domine audivi auditum tuum. Quaere fol. 22.
Antiphona. Ego in Domino.
Ad Benedictus. Antiphona. Filia Sion, benedic Domino Deo excelso in omni benedictione et laude.
Canticum. Benedictus es Domine. fol. 6.
Sono. Dominus mihi dat linguam. fol. CCLIX. Lauda. (1161C)Laudate Dominum. Psalmus CXLVIII. Prophetia. Haec dicit Dominus: Lauda sterilis, quae non paris. Quaere fol. CCLIX. Hymnus. Adsunt punicea floscula Virginum. Supplicatio. Oremus Redemptorem. Quaere retro in primis Vesperis. Capitula. Audi, Domine, vocem nostri clamoris. Quaere fol. CCLX. Lauda. Rami mei rami honoris et gratiae. Quaere retro in Vesperis praecedentibus. Benedictio. Omnipotens Deus. Quaere folio CCLXV.
In exeunte vespera sanctarum virginum Justae et Rufinae.
Lauda. Laudaverunt te, Domine, omnes. Sono. Alleluia. Justitia plena est. Quaere fol. CLXXXII.
Antiphona. In Hierusalem cum maximo solatio (1161D)eritis; videbitis, P. Et gaudebitis corde: ossa quoque vestra velut herba renascentur. V\. Gaudete justi in Domino: rectos decet conlaudatio. P. Et gaudebitis. V\. Gloria, et honor. P. Et gaudebitis.
Dominus sit. R\. Et cum.
Lauda. Corpora Sanctorum quiescentium in loco isto, orate pro nobis ad Dominum, P. Ut donet pacem super terram, et requiem temporibus nostris. Alleluia, alleluia. V\. Laudate nomen Domini, laudate servi Domini. P. Ut donet. V\. Gloria, et honor. P. Ut donet.
Dominus sit semper. R\. Et cum.
Lauda. Sanctorum ossa pullulent de loco suo; consolati sunt Jacob, P. Et redemerunt se fide virtutis suae: Alleluia, alleluia. V\. Dominus custodit (1162A)te, Dominus protectio, super manum dexterae tuae. P. Et redemerunt V\. Gloria, et honor. P. Et redemerunt.
[CCLXVII] Hymnus. Jesu corona Virginum. Supplicatio. Oremus. fol. CLXXXII.
Capitula. Domine Jesu Christe, qui beatissimas virgines Justam et Rufinam vasa misericordiae tibimet effecisti, ut quaestu fictilium vasculorum contentae, regnum mererentur futurae vitae intrare; da nobis earum intercessu, ut valeat unusquisque nostrum vas suum possidere in honorem et sanctificationem: quo, devictis voluptatum carnalium incentivis, ad coronam mereamur pertingere sanctitatis.
Pater noster. Liberati a malo. fol. 2.
Benedictio. Omnipotens Deus, qui Justam et Rufinam (1162B)vasa sibi consecravit mundissima, vos in vasis virtutum eligat coronandos; R\. Amen. Et, qui per illas fragmine vasculorum non passus est dejici, vos de adversis faciat semper victoriam promereri: R\. Amen. Ut earum suffragio, quomodo fecit esse vasa virtutum, lutei corporis in vobis fragmen solidare dignetur: R\. Amen. Qualiter sanctificatione praediti animarum et corporum, regna mereamur. introire coelorum. R\. Amen.
Lauda. Exaltatae sunt filiae Hierusalem. Quaere fol. CLXXXII. Oratio. Deus, qui virginalis. fol. CCLXII.
DIE XXI. IN FESTO SANCTI SPERATI ET COMITUM EJUS.
Ad Vesperum.
(1162C)Lauda. Exortum est in tenebris lumen. Sono. Justorum animae in manu Dei. Quaere fol. CLXVII.
Antiphona. Justi in perpetuum vivent. Ideo accipient regnum decoris, et diadema pulchritudinis de manu Domini. V\. Et adjuvabit eos, et liberabit eos: et eripiet eos a peccatoribus, et salvos faciet eos: quoniam speraverunt in eum. P. Ideo. V\. Gloria, et honor. P. Ideo.
Dominus sit. R\. Et cum.
Lauda. Beati mundo corde, quoniam ipsi Deum.
Hymnus.
Sperati Sancti martyris
Palmam virtutis inclytam
Alternis invicem choris
(1162D)Hymnis canamus mysticis.
Hunc urbs praepollens Africae
Carthago servat Martyrem:
Amplectitque Occiduus
Christo dicatus Populus.
Floret ejusdem tumulus
Eximiis virtutibus;
Ut passionis gloriam
Amplificent miracula.
Hic sacris cum sodalibus,
Dum cogitur ad victimam,
Negavit, esse, fortiter,
Thura libanda idolis.
Exclamat namque protinus.
(1163A)Christi minister ego sum,
Quosque videtis Socios,
Tales adesse credite.
His dictis Praesul impius
Commotus ira insaniae,
Ferire jubet gladio
Colla piorum Martyrum.
Per hoc trophaeum fidei
Evolaverunt animae;
Petentes Patris solium
Pares coronas capiunt.
Sicque gerentes stigmata
Christi in carne propria,
Conformes facti sunt Christo
Coelesti regno, ac praemio.
(1163B)Deo Patri sit gloria,
Ejusque soli Filio,
Cum Spiritu Paraclito
Regnans per omne saeculum.
Amen.
Supplicatio. Oremus Redemptorem mundi, mutato nomine. Quaere fol. CLXXXVII.
Capitula. Mirabilis es, Domine, et inaestimabilis in Sanctis tuis, qui es auctor praeclarus omnium mirabilium, et gloriosi certaminis in futura beatitudine clemens remunerator. Te igitur ineffabilis et misericors Deus, poscimus, et mente cernui flagitamus; ut Sperati tui martyris prece sperantium in te votis faveas, et sacrificii vespertini odoramen a (1163C)suscipias, et nostrorum elogia delictorum pius abeleas a pressuris mundialium, jugum intolerabile tuo a populo suspendas, frugum opulentiam tribuas, intemperantiam arceas, et cunctis fidelium [CCLXVIII] languoribus antidoti salutaris medelam impertias: ut igne tribulationis examinati tibi, quocumque ieris, stolis albis induti, coetibus sanctorum Sperati et Comitum ejus admisti depromamus jugiter, atque dicamus:
Pater noster. Liberati a malo. fol. 2.
Benedictio. Meritis sanctorum suorum Sperati et Comitum ejus benedictio coelestis adhaereat sensibus vestris, et ditet vos muneribus sempiternis. R\. Amen. Et, quorum festa ovantes suscipitis, eorum patrocinio defensati ad Christum indemnes post (1163D)transitum pervenire possitis. R\. Amen. Vos omnes, qui in hoc die fidei alacritate Deum devotione cernua precaturi convenistis, aeterna praemia in futuro adipiscamini. R\. Amen.
Per misericordiam.
Lauda. Invocabant Dominum, P. Et ipse exaudiebat eos: in columna nubis loquebatur ad eos. Alleluia, alleluia. V\. Et clamaverunt ad Dominum, cum tribularentur: et de necessitatibus eorum liberavit eos. P. Et ipse. V\. Gloria, et honor. P. Et ipse.
Oratio. Deus exultatio et palma sanctorum Sperati et Comitum ejus martyrum tuorum, exaudi nos supplices tuos, et praesta; ut, quorum in tuo amore reliquias veneramur, et emolumenta recolimus, (1164A)eorum meritis ab omnibus malis liberari et conservari mereamur. R\. Amen.
Per misericordiam
Ad Matutinum.
Antiphona. Da nobis. Psalmus
Oratio. Redde nobis. Quaere fol. CLXIII.
Antiphona 1. Palmae fuerunt in manibus sanctorum: et magno clamore dicebant: P. Salus Deo nostro, qui sedes super thronum, et Agno. V\. Et adjuvabit eos Dominus, et liberabit eos: et eripiet eos a peccatoribus, et salvos faciet eos, quoniam speraverunt in eum. P. Salus. V\. Gloria, et honor. P. Salus.
Oratio. Deus exaltatio et palma, ut supra in Vesperis.
(1164B)Antiphona 2. Filius Dei laetatus est super justos: P. Et in paradiso deliciarum constituet illos. V\. Et clamaverunt justi, et Dominus exaudivit eos: et ex omnibus tribulationibus eorum liberavit eos. P. Et in paradiso. V\. Gloria, et honor. P. Et in paradiso.
Oratio. Memento nostri, Domine, et sicut sanctis tuis Sperati vel C mitum ejus digna praemia reddis, ita nostris parce et miserere peccatis; ut absoluti de praeteritis, mereamur custodiam de futuris. R\. Amen.
Per misericordiam tuam.
Antiphona 3. Salus justorum a Domino: protector eorum est, in die pressurae. Adjuvabit eos Dominus, P. Et liberabit eos: et eripiet eos a peccatoribus, (1164C)V\. Et salvos faciet eos: quoniam speraverunt in eum. P. Et liberabit. V\. Gloria, et honor P. Et liberabit.
Oratio. Gaudium nostrum et salus nostra, virtus, atque justitia, Domine Deus omnipotens, fac nos, quaesumus, placita tibi sanctorum Sperati et Comitum ejus martyrum sorte gaudere: et illic laudes tuas Rectorum munere perpetim decantare. R\. Amen.
Per misericordiam.
R\. Justi in perpetuum vivent, P. Apud Deum est merces eorum. V\. Justorum animae in manu Dei sunt, et non tanget illos tormentum mortis. P. Apud Deum. V\. Gloria, et honor Patri. Reiteretur (1164D)R\. Justi.
In Laudibus.
Ad Canticum. Antiphona. Diligentes te, Domine. Canticum. Qui sponte obtulistis. fol. CLXIII. Ad Benedictus. Antiphona. Sancti et humiles corde. Canticum. Benedictus es. Sono. Salus justorum. Lauda. Laudate Dominum de coelis. Prophetia. Justi in perpetuum vivent. Quaere folio CLXIV. Hymnus. Sperati sancti martyris. Supplicatio. Oremus, ut supra in Vesperis praecedentibus.
Capitula. Ingeniti Patris Unigenite Filius Dei, Spiritui Sancto coaeternus et consubstantialis, qui ab arce sedis aethereae hujus mundi infima petens ad adoptandum hominem non horruisti vestimentum sumere carnis, et ad liberationem fidelium non es (1165A)dedignatus in forma servi salvare, et in statera appendere Crucis, et perferre exitium mortis: [CCLXIX] interventu Sanctorum tuorum Sperati et Comitum ejus hodierna solemnia celebrantibus existe mitis; ut orationem, quam tuis docuisti tenendam discipulis, Patrem cordis officio proclamemus e terris:
Pater noster. Liberati a malo. fol. 2.
Lauda. Laus Domini in Ecclesia sanctorum. Alleluia. P. Laetetur Israel in eo, qui fecit ipsum. Alleluia, alleluia, alleluia. V\. Cantate Domino canticum novum: quia mirabilia fecit. P. Laetetur Israel. V\. Gloria. P. Laetetur.
Benedictio. Meritis sanctorum. Quaere supra in Vesperis praecedentibus.
DIE XXIV. IN FESTO SANCTAE CHRISTINAE VIRGINIS ET MARTYRIS.
(1165B)
Omnia dicantur unius Virginis, folio CLXXIX, excepto
Hymno.
Virginis sacrae triumphum
Prosequamur laudibus,
Quae viriliter certando
Hostem vicit improbum;
Et servando castitatem
Meruit praeconium.
Haec namque virgo, dum esset
Parvula temporibus,
Concupivit regem Christum
Adorare Dominum;
Et neglectis simulacris,
Thus offerre pudicum.
(1165C)Quae, paterna deridendo
Flagra vel supplicia,
Non adtendit prava verba,
Cor ad haec nec posuit;
Sed sereno poenas vultu
Sustulit viriliter.
Ipso nomine beata,
Quod Christina dicitur
Appellari virgo pia:
Sed a Christi nomine
Derivatum patet suum
Esse sic vocabulum.
Paternam fide probata
Iram temnens despuit;
(1165D)Celso gaudio oblectata
Divinitus, gratulat:
Depellebat, ac supernis
Incumbebat praemiis.
Nullum hanc tormentum fregit,
Nulla mors perterruit;
Sed alacri corde cuncta
Perferens certamina,
Inridebat cruciatus
Perdita vesania.
Caeditur namque suspensa,
Virgisque pertunditur,
Aeneumque vas repletum
Resina, et oleo,
Pice, simulque torrente
(1166A)Ibi alma mittitur.
Undis impressa marinis
A Christo eripitur:
Serpentium omnigenam
Depulit saevitiam,
Mortem simul, ac tormenta
Reputans pro nihilo.
Tribus itaque devictis
Profanis judicibus,
Trinitatem confitendo,
Triumphat feliciter:
Sic e saeculo vocata
Migrat ad coelestia.
Tuo namque in honore,
Virgo sancta, canimus,
(1166B)Juva cunctos supplicantes:
Tege tuos famulos:
Funde preces pro delictis
Christo regi Domino.
Et tu, Christe rex immense
Audi preces supplicum:
Vocem accipe cunctorum:
Culpas dele scelerum:
Haec in festa hic orantes
Esto in subsidium.
Gloria, et honor Deo
Usquequo altissimo,
Una Patri, Filioque,
Inclyto Paraclito;
Cui laus, et potestas
(1166C)Per aeterna saecula.
Amen.
DIE XXV. IN FESTO SANCTI CHRISTOPHORI ET COMITUM EJUS.
Lauda. Exortum est. Sono. Justorum animae. fol. CLXVII. [CCLXX] Antiphona. Dabo Sanctis meis. Lauda. Sanguinem Sanctorum. fol. CLXII.
Hymnus.
O beate Mundi Auctor,
Atque rerum Conditor,
Qui non es acceptor omnis
Personae, nec munerum;
Sed, dum quisque te requirit,
Ades clementissimus:
Qui beatum coeli civem
(1166D)Christophorum martyrem
Eximens a caenulento
Limo pravi germinis,
Glorioso tuo nutu
Praesciendo adtrahis:
Spreta quoque vir devotus
Generis flagitia,
Ut veritatis sequeretur
Promptior vestigia;
Ac proinde tua, Christe,
Potiretur gratia.
Deciusque Imperator
Captum a Comitibus,
Necti suis hunc Beatum
(1167A)Nititur militibus;
Quem virilem prorsus esse
Bello adprobaverat.
Elegansque statura,
Mente elegantior
Visu fulgens, corde vibrans,
Et capillis rutilans;
Ore Christum, corde Christum
Christophorus insonat.
Iste nempe linguae nostrae
Nesciens eloquia,
Christi in virtute dari
Sibi Patrem imprecans:
Illico, Deo favente,
Loquebatur omnia.
(1167B)Tunc deinde Aulam Christi
Precaturus adhaerens,
Postulata impetravit
Virgam suam frondere;
Virtute corroboratus
In agone proficit.
Veritatis plena fide
Insequens vestigia
Militum se persequentum
Fragmina multiplicat,
Quod veherent saturati
Plena cuncti saccula.
Ad fidem Christi proinde
Evocati milites
Cum beato Christophoro
(1167C)Fonte almo lavacri
Expiati gestiebant
Rudimento gratiae.
Vatem hunc, deinde isti
Conligatum milites,
Una voluntate sistunt
Decii conspectibus;
Quem diro sermone Sanctos
Protinus adgreditur.
Nec moratus Rex crudelis
Furibundus acriter,
Sanctum jubet Christophorum:
Pensum radi ungulis;
Denudatis ejus costis,
(1167D)Carnibus excerperent.
Aquilinam tunc deinde,
Sanctamque Galleniam
Vehementer poenis actas
Litat Christo Martyres:
Pugione consecravit
Memoratos Milites.
Ignibus post haec Beatum
Deputat atrocibus:
Adtigit nusquam illum
Flammae Pyrus validus;
Nam secus, ut aurum fulgens
Rutilans adgreditur:
Sociis dehinc ad astra decem
Missis militibus;
(1168A)Quos pro Christo dessecavit
Gladius tyrannicus;
Ense idem verberatus
Aethera provehitur.
Inde omnes, te precamur
Sponsor fidelissime,
Ut tuae promissionis
Foedera non adneges,
Quae cum sancto Christophoro
Pepigisti dulciter:
Sed per eum mereamur
Adsequi coelestia,
Amputata prorsus a nobis
Omnia piacula;
Et fulgeat perennis
(1168B)Deus in aeterna saecula.
Amen.
Supplicatio. Oremus redemptorem mundi, ut supra.
Capitula. Christe Deus, rex Sanctorum, conditor et inluminator omnium saeculorum, qui mirabilibus remuneras almum videlicet donis Christophorum; testem utique tuum, alienigena licet abstractus a gente, tuoque prorsus clementissime magno docuisti [CCLXXI] exemplo, belligerator ut efficeretur fortissimus, in adversis expugnatorque clareret: dum captivus inter hostes, et grandis de minimo appareret utique gloriosus, fieretque de milite dux fidelium populorum; te quaesumus, te rogamus, acclives exposcimus, vocisque cum gemitibus tuam omnipotentiam invocamus; ut nos digneris tuis in atriis (1168C)patrocinio indefesso martyris tui Christophori et Comitum ejus, benignissime tueri, gemitusque singulorum misericors propitius exaudite: flentes precamur, et lamentantium precem, votaque fidelium, exposcimus, clementer benigneque ut audias: et, qui amissa deplorant, postulatis fruantur. Tuis coram conspectibus sit, Domine, populorum haec oratio deprecatione assidua, fore tuae clementiae majestatis acceptabilis: sit, Domine, in hac solemnitate testis tui Christophori fidelium conventus exorabilis, sitque tui spiritus virtute roboratus. Inspice, clementissime, devotionem acceptabilem: tibi, Christe, effice purissimam voluntatem: clementer operationem tribue justam; ac per omnia misericors (1168D)et clemens concede, quod digne suscipias, et incessanter nobis miserere, placabiliter dignos ut efficias:
Pater noster. Liberati a malo. fol. 2.
Benedictio. Deus sanctificationum, et dominator coelestium virtutum, preces suorum populorum exaudire dignetur sui per suffragia testis Christophori Sociorumque ejus annua devotione excolentes: R\. Amen. Ipse remunerator adsiduus sancti martyris Christophori solemnitate faciat adesse devotos, quos inspicit suo nunc obsequentes in templo: R\. Amen. Suae conventicula plebis vota libens accipiat interventu Christophori gloriosique martyris sui; placatusque ipse Omnipotens, pius, ut pater, singulorum crimina parcat; R\. Amen. Quia pius (1169A)est, et misericors in omnia saecula saeculorum. R\. Amen.
Per misericordiam.
Lauda. Gaudium sempiternum super caput Sanctorum: P. Laus, et jocunditas apprehendit eos. Alleluia, alleluia. V\. Multae tribulationes justorum: et de his omnibus liberavit eos Dominus. P. Laus, et jocunditas. V\. Gloria, et honor. P. Laus, et jocunditas.
Oratio. Deus exultatio, et palma Sanctorum Christophori et Comitum ejus martyrum tuorum, exaudi nos supplices tuos, et praesta; ut, quorum in tuo amore reliquias veneramur, et emolumenta recolimus, eorum meritis ab omnibus malis liberari et conservari, mereamur. R\. Amen.
(1169B)Per misericordiam.
Ad Matutinum.
Antiphona. Da nobis laetitiam salutaris tui: spiritu principali confirma nos, Domine. Psalmus
Oratio. Redde nobis Domine laetitiam salutaris tui; quam amissimus inique gerendo, et praetermissimus negligendo: tu ad eam nos revoca; et eam nobis restaura: ut peccato expulso succedat justitia; et moestitia repulsa adsit laetitia: Da, quaesumus, hanc jocunditatem, ut pervenire mercamur ad aeternam salutem. R\. Amen.
Per misericordiam.
Antiphona 1. Palmae fuerunt in manibus sanctorum: et magno clamore dicebant: P. Salus Deo nostro, qui sedet super thronum, et Agno. V\. Et adjuvabit eos (1169C)Dominus, et liberabit eos: et eripiet eos a peccatoribus, et salvos faciet eos: quoniam speraverunt in eum. P. Salus. V\. Gloria, et honor Patri. P. Salus.
Oratio. Deus exultatio, et palma, ut hic supra.
Antiphona 2. Filius Dei directus est super justos; P. Et in paradiso deliciarum constituet illos. V\. Et clamaverunt ad Dominum, cum tribularentur: et de necessitatibus eorum liberavit eos. P. Et in paradiso. V\. Gloria, et honor Patri. P. Et in paradiso.
Oratio. Memento nostri, Domine, et, sicut sanctis tuis Christophoro et Comitibus ejus digna praemia reddis, ita nostris parce et miserere peccatis; ut absoluti de praeteritis, mereamur custodiam de futuris. R\. Amen.
(1169D)Per misericordiam.
Antiphona 3. Salus justorum a Domino: protector eorum est in die pressurae. Adjuvabit eos Dominus. P. Et liberabit eos: et eripiet eos a peccatoribus, V\. Et salvos faciet eos: quoniam speraverunt in eum. P. Et liberabit. V\. Gloria, et honor. P. Et liberabit.
[CCLXXII] Oratio. Gaudium nostrum et salus nostra, virtus, atque justitia, Domine Deus omnipotens; fac nos, quaesumus, placita tibi sanctorum Christophori et ejus Comitum Martyrum sorte gaudere: et illic laudes tuas Rectorum munere perpetim decantare. R\. Amen.
Per misericordiam.
R\. Sancti, qui per fidem vicerunt regna, operati sunt justitiam, adepti sunt repromissiones, extinxerunt (1170A)impetum ignis, fugaverunt aciem gladii, P. Fortes facti sunt in bello, V\. Obturaverunt ora leonum, convaluerunt de infirmitate. P. Fortes. V\. Gloria, et honor. P. Fortes.
In Laudibus.
Ad Canticum. Antiphona. Omnes Sancti in manu. Canticum. Dominus de sina veniet. Ad Benedictus. Antiphona. Sancti, et humiles corde. Canticum. Benedictus es Domine. Sono. Via justorum. Lauda. Laudate Dominum. Psalmus CXLVIII. Prophetia. Justorum animae. fol. CLXVII. Hymnus. O beate mundi auctor. Supplicatio. Oremus Redemptorem mundi. Capitula. Christe Deus, rex. Quaere in Vesperis praecedentibus. Lauda. Laus Domini. fol. CCLXIX Benedictio. Deus sanctificationum. Quaere in Vesperis (1170B)praecedentibus.
DIE XXX. IN DIE SANCTI CUCUFATI.
Omnia dicantur unius Martyris, novem lectionum, fol. CLXII.
Hymnus.
Barchinon laeto Cucufate vernans,
Corporis sancti tumulum honorans,
Et locum sacri venerans sepulchri,
Sparge ligustris.
Munus hoc clarum tibi Scillitana
Civitas misit, dedit et beatum
Quando Felicem populus Gerundae
Sorte colendum.
Hi, sequestrato tumuli honore,
(1170C)Proprias sedes adeunt tuendas:
Barcinone Hic celebratur aura
Ille Gerunda.
Hinc cruor hujus Cucufatis almi
Factus est nostrae regionis heres:
Inde hic nobis sua membra ponens,
Vivere praestat.
Hic fide plenus, redamando Christum,
Lucis infestum patitur tyrannum;
Moxque bis seno territur beandus
Milite tortus.
Caede percussus nimia furentis,
Viscera fudit quasi peritura;
Quae reformata recipit in alvum
(1170D)Sanus ad horam.
Missus in flammis, precibus minacem
Ignis admoti perimit vigorem;
Nequit adurere nimis in beato
Corpore flammam
Cratis ignitae facibus cremari
Jussus ardoris nutrimenta gliscunt;
Sed nihil Christi famulo nocetur
Suppliciorum.
Sustinet post hinc pius ille cardos
Ferreos in se ferientis ictum:
Sicque decisi capitis in aethera
Spiritus efflat.
Jam fave, Martyr, precibus clientum;
Instrue et civem; populum tuere;
(1171A)Et sacerdotum pia corde mulce
Pacis amore.
Crimine dempto, animus virescat:
Pane coelesti satiemur omnes:
Carnis elapsae vitiata membra
Spiritus ornet.
Non ruinoso perimamur actu,
Non cibis corpus, vitiisque pressum
Non in occultis animus cremetur
Igne malorum.
Ut pia tecum, Cucufas beate,
Regna coelorum meritis tenentes,
Det Deo nostra resonans placentem
Lingua canorem,
Goriam Patri celebrant honore:
(1171B)Gloriam Nato recinent perenni,
Cum quibus Sanctus sociatus extat
Spiritus unus.
Amen.
FESTA AUGUSTI. DIE I. IN FESTO SANCTI FELICIS MARTYRIS.
Ad Vesperum.
Lauda. Speravit anima mea in Domino. fol. CLVI.
Sono. Alleluia. Beatus vir, qui timet Dominum Alleluia: P. In mandatis ejus cupiet [CCLXXIII] nimis. Alleluia, alleluia. V\. Gloria, et divitiae in domo ejus: et justitia ejus manet in saeculum saeculi. P. Alleluia, alleluia. Antiphona. Justus si morte (1171C)praeoccupatus fuerit, P. Anima ejus in refrigerio erit. V\. Beatus vir, qui timet Dominum: in mandatis ejus cupit nimis. P. Anima ejus. V\. Gloria. P. Anima.
Oratio. Praecinge nos, Domine, virtute, qua sanctum tuum Felicem conlatione sanctitatis firmasti, ut, sicut est ille victor ex poena, sic nos sentiat invictos inlecebra: atque ita in nos cupiditatum pullulantium vires attenua, sicut Martyr tuus, passione devicta, aeterna jam manet in gloria. R\. Amen.
Per misericordiam tuam, Deus noster, etc.
Lauda. Justus ut palma florebit. Quaere folio CLIX.
Hymnus.
Fons Deus vitae perennis,
Lux origo luminis,
(1171D)Aspice plebem canentem
Festa summi Martyris,
Excipe vota precantum,
Sume laudum carmina.
En tui Felicis almi
Pangimus insignia:
Tu resolve vincla linguae,
Dans sonora cantica;
Ut tua rite queamus
Promere magnalia.
Iste namque Caesareae
Urbis Mauritaniae
Mundialis disciplinae
Dum studeret litteris,
Artium fumosa fabra
(1172A)Te sequendo deserit.
Audiens plecti fideles,
Mox Gerundam pervenit
Praesidis jussu retentus,
Truditur in carcere:
Ferreis baccis onustum,
Conloquuntur Angeli.
Sistitur Arae, cruentis
Ut litaret idolis:
Respuit infame factum
Voce Christum profitens
Perstrepit turba bisulcis
Ossa nudans ungulis;
Nempe mulis alligatus
Dissipatur artubus;
(1172B)Fluctibus presso marinis,
Unda turgens subditur:
Angelus immixtus, almis
Ora pandit canticis.
Omnia tormenta forti
Praecucurrit pectore;
Postque poenas, et catenas,
Ungulas, ac verbera,
Carnea claustra relinquens,
Migrat ad coelestia.
O nimis Gerunda felix
O beata civitas!
Nil malorum tu pavescis
Freta tanto Martyre:
Postulata promeretur,
(1172C)Quisquis hic confluxerit
Hic Dei virtute pressi
Lancinantur daemones,
Verberantur, vinciuntur,
Et cremantur acriter;
Utque fumus, et favilla
Nil vigoris obtinet.
Hic salus optata fessis,
Sed e coelis profluit,
Visio caecis patescit:
Lingua mutis advenit,
Surdus aures hic receptat,
Atque claudus exilit.
Inde cuncti te precamur,
Una summa Trinitas:
(1172D)Martyris ut impetratu
Nostra tollas crimina,
Noxia cuncta repellas,
Et secunda impertias.
Clerus hic vita nitescat,
Et Sacerdos flereat:
Plebs fidelis, quod requirit,
Impetrasse sentiat:
Omnis aetas, atque sexus
Hoc patrono gaudeat.
Gloria Patri, Natoque,
Semper et Paraclito
Laus, potestas, atque virtus,
Gratiarum copia
(1173A)Quae Deum cuncta fatentur
Soeculorum saecula.
Amen.
Supplicatio. Oremus Redemptorem mundi Dominum, ut supra, mutato nomine.
Capitula. Felix martyr tuus, Domine, in mandatis tuis floret nimis, et fructu justitiae dilatatur in praemiis, quia tuis paruit omnino praeceptis; ut cui felicitas erat ex nomine, perennitas proveniret ex opere; et quod vocaretur, hoc esse dignosceretur; dum miseria caret patiendo, et felicitatem [CCLXXIV] obtinet triumphando. Interventu tanti martyris proficiat nobis aeterna benignitas; ut, dum Felicem felicitate perpetua laetificat, miseratione solita nos ab infelicitatis jugo absolvat.
(1173B)Pater noster. Liberati a malo. fol. 2.
Benedictio. Deus summus, qui illum vocat esse felicem, quem in beatae illius Hierusalem affectu cernit esse gaudentem, Felicis sui prece in ejusdem civitatis amore vos faciat feliciter permanere: R\. Amen. Infelicitates quoque actuum vestrorum feliciter tergat, et felicitatis perpetuae dona felicioribus votis vestris propitiatus adtribuat; R\. Amen. Ut Felicis hujus martyris interventu infelicitatem hujus saeculi feliciter fugiendo, ab infelicitatis perpetuae mereamini liberari supplicio. R\. Amen.
Per misericordiam.
Lauda. Justus ut palma florebit. Quaere fol. CLIX.
Oratio. Felix martyr tuus, Domine, quem elegisti et adsumpsisti, dum eum et electio testem, et adsumptio (1173C)probat esse felicem; ejus intercessio habitare nos faciat in tabernaculis tuis, in quibus perpetuus munerator et suscipis decertantes et perpetuas triumphantes.
Per misericordiam tuam.
Ad Matutinum.
Antiphona. Labia mea, Domine. Psalm.
Oratio. Exultent, Domine, labia nostra. Quaere fol. 60.
Antiphona 1. Homo justus erit, quasi flos agri; et redolebit gratus odor ejus: P. Et omnis, qui sperat in Deum, laudabit eum. V\. Beatus vir, qui timet Dominum: in mandatis ejus cupiet nimis. P. Et omnis. V\. Gloria, et honor Patri. P. Et omnis.
Oratio. Felix martyr tuus, Domine, quem elegisti. (1173D)Quaere in Vesperis praecedentibus.
Antiphona 2. Iste homo in certamine fortis factus est; P. Et a persequentibus liberatus est; quoniam perseveravit in innocentia sua. V\. Maxima est gloria ejus in salutari tuo: gloriam et magnum decorem imponens super eum. P. Et a persequentibus. V\. Gloria. P. Et a persequentibus.
Oratio. Felix est, Domine, martyr tuus iste Felix, qui a te justificatus, et per te in omni certamine apparuit gloriosus. Annue ergo nobis, ut illius felicitatis in futuro compotes simus, de cujus nunc felici martyrio conlaetamur. R\. Amen.
Per.
Antiphona. 3. In paradiso deliciarum. folio CLVII.
(1174A)Oratio. Felix martyr, qui testificatus hominibus, spe a te susceptus est: in te manet sine fine Felix qui pro te occidi meruit; Felix, ut nos tuo munere obtineat fieri participes, et tibimet serviendo faciat esse felices. R\. Amen.
Per.
R\. Sanctus Felix dum vapularet ab inimicis suis, P. Venit Angelus Domini, et dixit ad eum: Confortare, Felix, noli timere, ego enim missus sum a Domino Deo, ut liberem te de manu persequentium te. V\. Dum intento corde extensis in coelum manibus orabat sanctus Felix ad Dominum, P. Venit Angelus. V\. Gloria, et honor Patri. P. Venit Angelus.
Oratio. Deus, cujus honor sanctitas est, quem (1174B)diligere salus est, et amare perfectio; inlabere in cordibus nostris, da in omni Ecclesia tua meritis tui Felicis lucere vestigia: ut te regente omnium gressus ea via perducat ad vitam, quae Martyrem tuum extulit ad coronam. R\. Amen.
Per misericordiam tuam, etc.
In Laudibus.
Ad Canticum. Antiphona. Laetor in sanctitate tua. Quoniam non est alius Deus, quomodo Deus noster.
Canticum. Confirmatum est cor meum. fol. 55.
Oratio. Praesta nobis, Omnipotens, beatissimi tui Felicis assiduum patrocinium; ut ejus quoque praeclarum assequi mereamur exemplum: ut sentientes impensissime suffragantem, sequamur fortissime praeliantem. R\. Amen.
(1174C)Per misericordiam tuam.
Ad Benedictus. Antiphona. Benedictio Domini in mercedem justi festinat.
Canticum. Benedictus es Domine
Sono. Septies in die laudem. Lauda. Laudate Dominum. Psalmus CXLVIII. Prophetia. Beatus vir, qui non est lapsus. Quaere fol. CCXXXVIII. Hymnus. Fons Deus vitae. [CCLXXV] Supplicatio. Oremus Redemptorem. In Ve peris praecedentibus.
Capitula. Deus, qui martyrem tuum Felicem in miseratione et misericordia coronasti, dum in te crederet, et pro te pati voluisset, ut temporalem sustinens poenam, coronam raperet sempiternam; intercessione ejus praesta nobis famulis tuis, ut, si passionis eminentia non attingimus, ignominia careamus, (1174D)ut, quibus virtutum tituli non adscribunt ad gloriam, vitiorum dedecora deleantur, ne veniamus in poenam.
Pater noster. Liberati a malo. fol. 2.
Lauda. In psalterio. fol. CLVIII. Benedictio. Deus summus. In Vesperis praecedentibus.
In exeunte Vespera omnia dicantur, ut in primis Vesperis, exceptis Capitula, Benedictione, et Lauda.
Capitula. Adesto, Domine, celebritatibus Ecclesiae tuae; et mysteria, quae dependit in laudem martyris tui Felicis, sint grata in oculis tuis; neque fuscemur in nocturnis actibus, qui gloriosum martyrem tuum vespertinis officiis frequentamus: sitque vita nostra devotioni sacrae non dissona, ut, (1175A)quem honorifice recolimus martyrem, ipsius vitae teneamus sanctissimae dignitatem.
Pater noster. Liberati a malo. fol. 2.
Benedictio. Postulationes vestras gratia superna exaudiat, et dona coelestia vobis intercessu martyris sui Felicis impertiat: R\. Amen. Impertiendo ditet, ditando multiplicet, multiplicando conservet, et conservando laetificet; R\. Amen. Ut, qui votis fidei festum martyris honoratis, cuncta, quae competunt, ejus merito capiatis. R\. Amen.
Per misericordiam ipsius.
Lauda. Justus, ut palma. fol. CLIX. Oratio, ut supra in primis Vesperis.
DIE VI. IN FESTO SANCTORUM JUSTI ET PASTORIS MARTYRUM.
Ad Vesperum.
(1175B)
Lauda. Exortum est in tenebris. fol. CLXII. Sono. Alleluia. Justi in perpetuum vivent. fol. CLXVIII. Antiphona. Viri justi, germinate sicut. fol. CLXII. Lauda. Rexpexit eos, cum tribularentur. fol. CLXV.
Hymnus.
O Dei perenne Verbum,
Patris ore proditum,
Organum, qui imbecille
Admoves Infantium
Dans eis spirare flatum,
Vocis ut promant sonum:
Tu pius adesto nobis,
Salve fibras gutturis,
Ora instrue loquelis,
(1175C)Corda reple lacrymis;
Ut sacrorum festa dignis
Praecinamus canticis.
Ecce Justus, ecce Pastor,
Ambo juncti sanguine,
Quos pia fraternitatis
Vinxerat germanitas,
Junxit aequalis sacratae
Passionis unitas.
Hi tamen scholis retenti,
Dum instruuntur litteris,
Audientes, quod tyrannus
Intrat urbem persequens,
Illico scholam relinquunt,
(1175D)Et tabellas abnuunt:
Appetunt cursu deinde
Praesidis praesentiam,
Et crucem Christi sequendo,
Corpus armant debile,
Quo triumphos passionis
Expedirent fortiter.
Hoc repente Daciano
Nunciantes, inquiunt:
Ecce advenire Christum
Profitentes parvuli,
Mortis ultro passiones,
Atque caedes perpeti.
Turbidus ast inde Praeses
Concitans sententiam,
(1176A)Ad suos fruces ministros,
Ut teneantur clamitat:
Fustibus jubens tenella
Dissecari corpora.
Tunc sacrata voce sese
Adloquuntur invicem:
Temnerent ut temporales
Rite poenas corporis,
Quo futurum possiderent
[CCLXXVI] Gaudium cum Angelis.
Audiens mox Dacianus
Martyrum constantiam,
Excitatus in furore
Dictat hanc sententiam:
Ut perempti ambo fratres
(1176B)Morte dira intercidant.
Protinus eos furentes
Pertrahunt satellites
Ad locum campi patentem,
Quem ferunt Laudabile:
Ense illic verberantur,
Laureantur sanguine.
O locum vere beatum,
Quo cruor reconditur
Sanctus ille Parvulorum
Ad salutem plebium!
Quove multa sanitatum
Signa aegris efluunt.
Nempe hic Divina virtus
Vincit iras Daemonum;
(1176C)Curat ulcus, membra sanat,
Et dolores temperat,
Vota cunctorum receptat,
Et ruentes sublevat.
Jam tuorum passione
Freta gaudet civitas
Jure Complutensis, almo
Quo laveris sanguine;
Et Gemellis mox camoenas
Redde voto debitas.
Hinc, Deus, te postulamus,
Ut precantes audias:
Pelle morbos, solve vincla,
Et relaxa crimina;
(1176D)Atque inlaesi futuram
Appetamus Patriam.
Nominis tui amorem
Da tuis in servulis,
Temporale nil amemus,
Diligamus invicem:
Te sequamur, te canamus,
Te fruamur perpetim.
Laus tibi per omne tempus,
Trinitas indifferens,
Laus, honor, virtusque summa,
Singularis gloria;
Quae Deum te saeculorum
Personet in saecula.
Amen.
(1177A)Supplicatio. Oremus, mutato nomine fol. CLXXXVII.
Capitula. Adest, Domine, oculis praesentata mortalium clara illa et enitens solemnitas Innocentium, in qua pignus geminum et geminatum dulcedinis ferculum Coelum intrare meretur: dum clara sibimet societate germanitas et in Justo justissima, et in Pastore agnoscitur pia; dum charorum ora infantium invicem se ad passionis gloriam exhortantur. Da ergo nobis Justi tui precibus justitiam servare dum vivimus, et Pastoris protectione evadere quod timemus: ut et Justus justitiam, quam in nomine portat, in supplicantium meritis clariorem ostendat, et Pastor benignitatis gubernaculo nos protecturus excipiat: ut et per Justum justi, et per Pastorem gubernacula pastoris egregii mereamur (1177B)introire beati.
Pater noster. Et ne nos. Liberati a malo. fol. 2.
Benedictio. Deus, qui justus coronator justorum et pastor pius est animarum, et per Justum vos ab injustitia liberet, et per Pastorem pastoris Christi vos protectione sanctificet. R\. Amen. Per Justum vos efficiat amatores justitiae, et per Pastorem pastu vos foveat gloriae infinitae: R\. Amen. Ut, dum justitia Justi commendabiles vos fecerit Deo, Pastoris gubernaclo heredes mereamini esse in coelo. R\. Amen. Per misericordiam ipsius Dei nostri, etc.
Lauda. Sicut lilia munda floruerunt sancti: Alleluia. P. Et odor Dei apparet super illos. Alleluia, alleluia. V\. Plantati in domo Domini, in atriis domus Dei nostri florebunt. P. Et odor Dei. V\. Gloria, (1177C)et honor Patri et Filio. P. Et odor Dei.
Oratio. Indue nos, Domine, candore justitiae, qui, pro te occisis parvulis, Justum et Pastorem perpetuam donasti muneris claritatem: ut, qui illos per martyrium candidatos supra nivem pulchriores constituis, nos per confessionem purifices a delictis. R\. Amen.
Per misericordiam tuam, Deus noster.
Ad Matutinum.
Antiphona. Da nobis laetitiam salutaris tui. Psalmus L. Oratio. Redde nobis. Quaere fol. CLXIII. Antiphona 1. Palmae fuerunt in manibus Sanctorum. Fol. CLXVIII.
Oratio. Magno te, Domine, clamore Sancti omnes (1177D)mirabiliter impetunt, dum ultionem persequentium non vocibus corporeis [CCLXXVII], sed desideriis praestolantur. Et ideo petimus, ut, qui illorum voces vel desideria exaudis ad votum, confitentium te animas non patiaris aeternum pertrahi ad tormentum. R\. Amen.
Per misericordiam tuam, Deus noster.
Antiphona 2. Hi sunt, qui mortales tunicas deposuerunt, P. Et immortalem vitam sumpserunt: modo coronantur, et accipiunt palmas. V\. Adhuc multiplicabuntur in senecta uberi: et benepatientes erunt. P. Et immortalem vitam. V\. Gloria, et honor Patri. P. Et immortalem.
Oratio. Indue nos, Domine, ut supra in Vesperis.
Antiphona 3. Filius Dei laetatus est super justos; (1178A)P. Et in paradiso deliciarum constituet illos. V\. Clamaverunt justi, et Dominus exaudivit eos: et ex omnibus tribulationibus eorum liberavit eos. P. Et in paradiso. V\. Gloria, et honor Patri. P. Et in paradiso.
Oratio. Vide, Domine, et audi gementis Ecclesiae vocem quae suorum deflet infantium necem. Esto ergo illi consolator de filiis, qui filiorum ejus pater agnosceris; ut in te et de interemptorum numero gaudeat, et de adversariorum reditu hilarescat. R\. Amen.
Per misericordiam tuam, Deus noster.
R\. Viri sancti. Quaere fol. CLXXVII.
Oratio. Fac nos, Domine, innocentes et rectos tibi semper adsistere, quo tuae rectitudini compage indissolubili (1178B)adhaerentes pro te occisorum parvulorum mereamur esse participes. R\. Amen.
Per misericordiam tuam.
R\. Diligentibus Deum omnia cooperantur in bonum, iis, qui secundum propositum Dei vocati sunt sancti. P. Quos praescivit, et praedestinavit conformes fieri imagini Filii Dei. V\. Quos vocavit, hos et justificavit: quos autem justificavit, et illos magnificavit. P. Quos praescivit.
Oratio. Sanguis innocens et justus innocentium animarum indefesso vocis clamore te postulet pro nobis, Unigenite Filius Dei Patris; quo illic numerositas fidelium coronanda perveniat, ubi ipsorum innocentia coronata perdurat. R\. Amen.
Per misericordiam.
In Laudibus.
(1178C)
Ad Canticum. Antiphona. Quaesumus Sancti. Canticum. Dominus de Sina. Ad Benedictus. Antiphona. Sancti et humiles. Canticum. Benedictus es Domine Deus. Sono. Via justorum recta. Lauda. Laudate Dominum de coelis: Alleluia, alleluia. Psalmus CXLVIII. Quaere folio CLXVII. Prophetia. Justorum animae in manu Dei sunt. Quaere fol. CLXVII. Hymnus. O Dei perenne. Supplicatio. Oremus Redemptorem mundi Dominum nostrum. Quaere in Vesperis praecedentibus.
Capitula. O filiorum Dei beatissime sanguis, qui cum judicii tempore vindicaberis: ante judicium succurre populis Christianis: ut, quia pro te ultio (1178D)restituetur a Domino inimicis, per te peccatorum remissio donetur omnibus Christianis.
Pater noster. Liberati a malo. fol. 2.
Lauda. Sicut lilia munda floruerunt. Benedictio. Deus, qui justus coronator. Require in Vesperis praecedentibus.
DIE X. IN FESTO SANCTI LAURENTII ARCHIDIACONI ET MARTYRIS.
Ad Vesperum.
Lauda. Gloria et honore coronasti eum, P. Domine: V\. Gloriam et magnum decorem imposuisti super eum. P. Domine.
Dominus sit semper. R\. Et cum spiritu
Sono. Dispersit, et dedit pauperibus Alleluia: justitia (1179A)ejus manet in aete num. Alleluia. V\. Cornu ejus exaltabitur in gloria. Alleluia.
Dominus sit semper. R\. Et cum.
Antiphona. Vir, qui pronus est ad misericordiam, benedicetur: P. De panibus suis dedit pauperi. V\. Beatus qui intelligit super egenum, et pauperem: in die mala liberabit eum Dominus: Alleluia. P. De panibus suis. [CCLXXVIII] V\. Gloria, et honor Patri. P. De panibus suis.
Dominus sit semper. R\. Et cum.
Antiphona. Qui obtinet sapientiam, salvus erit. Qui dat pauperibus, numquam egebit. P. Justus autem in gaudio et jocunditate erit: V\. Beatus vir, qui timet Dominum: in mandatis ejus cupit nimis. P. Justus autem. V\. Gloria, et honor Patri. P. Justus (1179B)autem.
Dominus sit semper. R\. Et cum.
Lauda. Consolatus est pauperem: consolabitur ipse in eum. P. De suis panibus tribuit inopi: victoriam et honorem accepit: Alleluia. V\. Benignus vir qui miseretur et commodat, disponet sermones suos in judicio: quia in aeternum non commovebitur. P. De suis panibus. V\. Gloria, et honor. P. De suis.
Hymnus.
En martyris Laurentii
Armata pugnabat fides,
Postquam vapor diutinus
Decoxit exustum latus.
Fore hoc sacerdos dixerat,
Jam Xystus affixus cruci,
(1179C)Laurentium flentem videns
Crucis sub ipso stipite:
Desiste discessu meo
Fletum dolenter fundere:
Praecedo, frater; tu quoque
Post hoc sequeris triduo.
Extrema vox Episcopi
Praenunciatrix gloriae
Nihil fefellit: nam dies
Praedicta palmam praestitit.
Hinc sancte Laurenti tuam
Nos passionem quaerimus:
Quod quisque supplex postulat,
Cunctis favendo proroga.
(1179D)Deo Patri sit gloria
Ejusque soli Filio,
Cum Spiritu Paraclito
Regnans per omne saeculum.
Amen.
Supplicatio. Oremus Redemptorem mundi, mutato nomine. Quaere fol. CLXXXVII.
Capitula. Domine Jesu Christe, qui beatissimum Laurentium igne charitatis tuae ardentem, et cupiditatum et passionum incendia fecisti evincere: dum et aurum calcat et flammam, et in pauperum erogationem munificus, et in combustionem sui corporis reperitur devotus; da nobis obtentu suffragii illius, ut vapore Spiritus Sancti accensi flammas superemus libidinis, et igne concrememur omnimodae sanctitatis: (1180A)quo inter Sanctos illos sors nostra inveniatur post transitum, pro quibus nunc tibi dependimus famulatum.
Pater noster. Et ne nos. Sed libera. Liberati a malo. fol. 2.
Benedictio. Dominus Jesus Christus, cui beatus Laurentius decoctum sui corporis praebuit holocaustum, mentes vestras concremet coelestium incensione virtutum: R\. Amen. Et, quem ille assatus in craticula confiteri non destitit, confessionis sanctae vos dignetur praemiis consolari: R\. Amen. Et inter flammas saeculi constituti ipsi soli flammescatis per studia sanctitatis, cui hic martyr inhaesit post incendia passionis. R\. Amen.
Per misericordiam ipsius.
(1180B)Lauda. Statuit Dominus. fol. CLXVII.
Oratio. Domine Jesu Christe, qui beatissimum Laurentium martyrem tuum respuentem vilissimum Mundum, aurum ostendisti purissimum quod ignis utique non consumeret, sed approbaret: et quanto plus arderet, tanto amplius rutilaret; tribue nobis, ut cupiditatis incendia non consumant, quos tam fulgenda Martyris tui exempla clarificant. R\. Amen.
Per misericordiam tuam, Deus noster.
Ad Matutinum.
Antiphona. Labia mea. Psalmus L. Oratio. Exultent, Domine. Require folio CLXXX.
Antiphona 1. Manifesta sunt dona ejus in Deo suo. P. Et eleemosynas illius enarrabit Ecclesia sanctorum. (1180C)V\. Melius est modicum justo super divitias peccatorum multas. P. Et eleesynas. V\. Gloria, et honor Patri, et Filio. P. Et eleemosynas illius.
Oratio. Domine Jesu Christe, qui beatissimum Laurentium martyrem tuum amplius refulgere meritis quam flammis affici praestitisti: ut fortissimus Martyr plus amore quam fervore ferveret, tribue, ut scintilla fidei ejus ita inflammemur, ne ab igne saeculi consumemur. R\. Amen.
Per misericordiam tuam, etc.
Antiphona 2. Vir misericordae invenit gratiam in oculis omnis carnis. P. Dilectus a Deo, et hominibus: cujus memoria in benedictione est. V\. A Domino gressus hominis [CCLXXIX] dirigetur: et viam ejus cupiet nimis. P. Dilectus a Deo. V\. Gloria, (1180D)et honor Patri. P. Dilectus a Deo.
Oratio. Domine Jesu Christe, qui beatissimum Laurentium martyrem tuum suscepisti in tuo nomine in morem holocausti decocti, ut totus tibi integer membris offerretur et animis: meritis ejus annuendo concede, ut sacrificium contriti cordis in nobis clementer acceptes, quos Martyris tui supplices cultores agnoscis. R\. Amen.
Per misericordiam tuam, etc.
Antiphona 3. Tamquam unum ex principibus elegit me Dominus, et ut virum fortem constituit me praelium. P. Dedit mihi Dominus stolam candidam, et ornavit me corona. V\. Benedictus Dominus Deus meus, qui ducet manus meas ad bellum, digitos (1181A)meos ad praelium, P. Dedit mihi. V\. Gloria, et honor Patri. P. Dedit mihi.
Oratio. Domine Jesu Christe. Require ut supra, in Vesperis.
R\. Manum suam aperuit inopi, et palmas suas extendit ad pauperes, P. Date ei de fructu manuum suarum: et laudent eum in portis opera ejus. V\. Os suum aperuit sapientiae, et lex clementiae in lingua ejus. P. Date ei. V\. Gloria, et honor. P. Date ei.
Oratio. Christe Deus noster, qui manus beatissimi martyris tui Laurentii et palmas pauperibus voluisti largitionis jure esse porrectas; da nobis de laboribus manuum ejus fructum utilitatis in aliquo reportare, ut labor manuum ejus non solum illi sed et nobis proficiat: dum et illi de perfectione operum (1181B)dederis gloriam, et nos imitamento ejus et prece perduxeris ad coronam; sicque, dum justum consummati operis perfectio laudabilem Sion ostendit in portis, peccatores exemplo ejus meritum obtineant sanctitatis. R\. Amen.
Per misericordiam.
Antiphona 4. Probasti me Domine quasi aurum. Posuisti tribulationes in dorso meo. P. Transivi per ignem et aquam: et induxisti me in requiem. V\. Introibo in domum tuam cum holocaustis: reddam tibi vota mea, quae dixtinxerunt labia mea, et locutum est os meum in tribulatione mea. P. Transivi. V\. Gloria, et honor Patri. P. Transivi.
Oratio. Illius, Domine, justitia manet in saeculum saeculi, cujus misericordia in pauperum se consolatione (1181C)diffuderit. Fac nos Archidiaconi tui Laurentii imitatores existere: ut primum miseratores nostri effecti, dignas nos eleemosynas prorogantes, et a nobis male gestis parcamur, et in proximis bona, quae poscimus impendamus. R\. Amen.
Per misericordiam.
Antiphona 5. Protector tuus ego sum: noli timere, dicit Dominus. Si transieris per ignem, non comburet te: P. Flumina non concludent te; quia tenebo manum tuam. V\. Per diem Sol non uret te: neque Luna per noctem. P. Flumina. V\. Gloria, et honor. P. Flumina.
Oratio. Jesu Deus noster et Domine, qui inlustrem merito Laurentium Archidiaconum ita fecisti (1181D)sapientiam custodire, ut in gloria spiritus ejus et in jocunditate consisteret; da nobis, Domine, sapientiae intellectum et sanctae operationis studium, ut pauperibus praerogantes substantiam, facinorum nostrorum evadamus vindictam. R\. Amen.
Per misericordiam.
Antiphona 6. Justus miseretur et commodat; et semen ejus in benedictione erit, P. Et hereditas ejus in aeternum. V\. Potens in terra erit semen ejus: generatio rectorum benedicetur. P. Et hereditas. V\. Gloria, et honor. P. Et hereditas.
Oratio. Tota die, Domine, justus tuus miseretur, et commodat: qui in toto hujus mortalis vitae curriculo temporalia donat, ut aeterna recipiat: Semen ergo ejus super nos benedictione fructificet: ut meriti (1182A)ejus partem habentes, praemiorum quoque illius mereamur esse participes. R\. Amen.
Per misericordiam.
R\. Probasti me, Domine, sicut probatur argentum. Posuisti tribulationes in dorso meo: transivi per ignem et aquam, et induxisti me in requiem: introibo in domum Domini; P. Quia exaudivit deprecationem meam. V\. Venite et audite et narrabo vobis, omnes, qui timetis Deum, quanta fecit animae meae. P. Quia exaudivit. V\. Gloria. P. Quia exaudivit.
Oratio. Deus, qui probatione solita pietatis probari sanctum tuum Laurentium martyrem voluisti in terris: nec plus eum tentari permittis, quam quod in eum donum tolerantiae adesse conlatum tuo munere (1182B)praespicis: [CCLXXX] erue nos ab omni tentatione, quae nostram possit obruere mentem: ut placito tibi famulatu fideliter servientes sic nos tentari permittas, ut tentatio ipsa non nos in confusionem erroris, sed in amplexu veritatis valenter adstringat. R\. Amen.
Per misericordiam.
In Laudibus.
Ad Canticum. Antiphona. Thronum gloriae. Canticum. Confirmatum est. fol. 55. Ad Benedictus. Antiphona. Benedictio Domini in mercedem justi festinat.
Canticum. Benedictus es Domine Deus Patrum. Sono. Dispersit, dedit. Quaere in Vesperis praecedentibus. Lauda. Laudate Dominum. Psalmus CXLVIII.
(1182C)Lectio libri Ecclesiastici Salomonis (Cap. XXXI).
R\. Deo gratias.
Fili, qui aurum diligit, non justificabitur: et qui insequitur consummationem, replebitur ex ea. Multi dati sunt in auri casus, et facta est in facie ipsius perditio illorum. Lignum offensionis est aurum sacrificantium: vae illis, qui sequuntur illud, et omnis imprudens disperiet in illo. Beatus vir dives, qui inventus est sine macula: et qui post aurum non abiit, nec speravit in pecunias et thesauros. Quis est hic, et laudabimus eum? fecit enim mirabilia in vita sua. Quis probatus est in illo, et perfectus est, et erit illi in gloria aeterna: qui potuit transgredi, et non est transgressus; et facere mala, et non fecit: ideo stabilita (1182D)sunt bona ejus in Deo, et eleemosynas illius enarrabit Ecclesia sanctorum. R\. Amen.
Hymnus. En martyris Laurentii. Supplicatio. Oremus Redemptorem. Quaere in Vesperis praecedentibus.
Capitula. Domine Jesu Christe, qui corpus beatissimi Laurentii Archidiaconi tui ignis combustione decoctum, purissimum tibi efficis holocaustum, dum idem martyr mysterii sui non immemor, in offerendo semetipsum placitus tibi et Sacerdos extitit et Minister; adsistat tibi, rogamus, pro salvatione fidelium, qui inter flammas membris liquescentibus te confitendo spiritu laetabatur: ut, qui humana superavit devotione incendia, prece sua debita a nobis repellat supplicia.
(1183A)Pater noster. Liberati a malo. fol. 2.
Lauda. Consolatus est pauperem.
Benedictio. Dominus Jesus Christus. Quaere in Vesperis praecedentibus.
In exeunte Vespera.
Lauda. Gloria et honore. Sono. Dispersit, et dedit pauperibus. Quaere in Vesperis praecedentibus.
Antiphona. Ingressus sum in tabernaculum Caesaris: P. Interrogatus, Christum confessus sum: accusatus, non denegavi: pertractus, Deum meum tenui, et tenebo. V\. Transivi per ignem et aquam: et induxisti me in requiem. P. Interrogatus. V\. Gloria, et honor. P. Interrogatus.
Dominus sit. R\. Et cum.
Lauda. Igne me examinasti, Domine, P. Et non (1183B)est inventa in me iniquitas: Alleluia, alleluia. V\. Exaudi Deus justitiam meam: intende deprecationem meam. Auribus percipe orationem meam, et non in labiis dolosis. P. Et non est. V\. Gloria, et honor. P. Et non est.
Hymnus. En martyris Laurentii. Quaere in Vesperis praecedentibus. Et Supplicatio. Oremus.
Capitula. Deus, qui in veri holocausti hostiam igne examinatum Levitam suscepisti Laurentium; quo more holocausti decoctus ad te perveniret integer, pro miseris rogaturus; ejus, quaesumus suffragiis, in nobis omnibus ignis coelestis faces accende, ut purgata conscientia ad te mereamur proclamare et dicere:
Pater noster. Liberati a malo. fol. 2.
(1183C)Benedictio. Christus Dominus ad vota nostra respiciat, pro quo Xystus maceratus, et Laurentius consumptus est flamma. R\. Amen. Eoque favente sic per Xystum grex Catholicus tueatur, ut per Laurentium salutaris calicis potatione salvetur. R\. Amen. Quo et illo tuente et isto suffragante sic illius accendamur exemplo, ut istius relevemur suffragio; R\ Amen. Ipso praestante et auxiliante, qui cum Patre et Spiritu Sancto unus Deus vivit, et regnat in aeterna saecula saeculorum. R\. Amen.
[CCLXXXI] Lauda. Statuit Dominus. Fol. CLVII. Oratio. Domine Jesu Christe, qui beatissimum, ut supra.
DIE XIII. IN FESTO SANCTI HIPPOLYTI MARTYRIS.
(1183D)
Ad Vesperum
Lauda. Speravit. fol. CLVI. Sonus. Benedic, anima. fol. CLX.
Antiphona. Sanctus tuus induit justitiam; et in nomine tuo meruit victoriam. P. Pius es, Domine, qui sine praemio das coronam. V\. Vitam petiit: et dedisti ei in longitudinem dierum in aeternum, et in saeculum saeculi. P. Pius es. V\. Gloria, et honor. P. Pius es.
Dominus sit. R\. Et cum.
Lauda. Benefecit Dominus. fol. CLXI.
Hymnus.
Adsunt, o populi, festa celebria,
Quae felix revehit temporis orbita,
(1184A)In sese rediens axe volubili:
Laudem sidereo redite Principi.
Hic namque Hippolytus tempore terrea
Despectus, nivea scandit ad aethera,
Cum solvens animam corpore, vividam
Coelestem meruit sumere lauream.
Dum dux belligerus esset hic agminis,
Jussis Caesareis carcere Martyrem
Servandum recipit, qui Cruce praevia
Dat caecis oculis perdita lumina.
Cernens Hippolytus signa faventia,
Mox Christo Domino credit, et impia
Spernens daemonici dogmatis idola,
Junctis Christicolis vocibus increpat.
Tunc Caesar rabido fervidus impetu
(1184B)Os sanctum lapide scindere praecipit:
Longe dissiliunt fragmina dentium;
Sed vox Unigentium praedicat unicum.
Ferreis percalidus unguibus artifex
Armat spiniferi spicula cardui:
Corrupta penitus viscera Martyris
Perfundunt rosei flumina sanguinis.
Hinc ad cornipedum terga ferocium
Innexu religant: tractus in aspera,
Vitalem subito liquit anhelitum,
Dirum quo valuit vincere saeculum.
Ob hoc suppliciter Rex Deus omnium
Rogantes petimus, Martyr ut inclytus
Adsistat miseris fautor, et impetret,
Confessis veniam corde piacula.
(1184C)Sit vita locuples, frugibus affluens,
Rerum prospicitas congrua polleat:
Bellum dispereat, pax bona profluat,
Virtutes vigeant, crimina transeant.
Sit Patri ingenito gloria maxima,
Sit compar Genito, atque Paraclito,
Unus qui retinet sceptra perenniter
Vivens perpetuis tempora saeculis.
Amen.
Supplicatio. Oremus, ut supra.
Capitula. Lux Angelorum, et hominum splendor, dierum et temporum candor, animarum et corporum Christe Domine Deus, ob reverentiam tui testis Hippolyti flammicomae claritudinis munus oblatum lucifluo Sancti Spiritus respergens inlapsu tuis (1184D)effice nutibus placitum, nobis redde prodificum: ut et visibili fulgore nigroris noctisvagi furva coerceat, et invisibili munere maledulcium scabra peccaminum errata consumat.
Pater noster. Liberati a malo. fol. 2.
Benedictio. Martyris Hippolyti det vobis immensa gaudia Christus: R\. Amen. Prospera tribuat, et vitae dura repellat: R\. Amen. Concedat veniam culpis, et praemia votis. R\. Amen.
Per misericordiam.
Lauda. Statuit Dominus. fol. CLVII.
Oratio. Domine Jesu Christe, qui tantam Hippolyto testi tuo virtutem animi contulisti, ut ferreis praecissus aculeis, te Deum esse proclamaret in (1185A)coelis; aculeo deceptoriae voluptatis in nobis obtunde, nomenque tuum sanctum nobis jugiter confiteri permitte: ut carnulentae faecis inlecebras evincentes, Sanctorum mereamur consortia gloriantes. R\. Amen.
Per.
Ad Matutinum.
Antiphona. Labia. Psalmus L. Oratio. Exultent. fol. CLXXX.
Antiphona 1. Ego clamavi, quia exaudisti me Deus: P. Inclina aurem tuam mihi, et exaudi verba mea, V\. Custodi me, ut pupillam oculi: sub umbra alarum tuarum prolege me. V\. Exaudi Deus justitiam meam: intende deprecationem meam. Auribus percipe orationem meam, et non in labiis dolosis. [CLXXXII] P. Custodi. V\. Gloria, et honor. P. Exaudi.
(1185B)Oratio. Domine Jesu Christe, ut supra in Vesperis.
Antiphona 2. Iste sanctus clamavit, et Dominus exaudivit eum: P. Et ex omnibus tribulationibus liberavit eum. V\. Potens in terra erit semen ejus: generatio rectorum benedicetur. P. Et ex omnibus. V\. Gloria, et honor. P. Et.
Oratio. Perarma, Domine, os nostrum ad praedicandae veritatis officium, qui os Hippolyti tui caesum reddidisti invictum: et, sicut illius meruit confessio gloriam, ita nostra supplicatio exaudiri mereatur ad veniam. R\. Amen.
Per misericordiam.
Antiphona. 3. Ecce intelligens puer meus excelsus erit et sublimis; P. Et ego suscipiam eum: V\. (1185C)Manus enim mea auxiliabitur ei: et brachium meum confortabit eum. P. Et ego. V\. Gloria, et honor. P. Et.
Oratio. Christe Domine omnipotens, qui sanctum martyrem tuum Hipolpytum, dum equina feritate per spinarum traheretur acumina, Angelicis evectum manibus in regna conlocasti siderea; naturae nostrae substantiam, quam luxuria petulans defrenatorum more cornipedum pernoxiorum aculeos distrahendo dilacerat, gratiae subvenientis evectu coelestem reduc ad patriam: ut, quia mole criminum adgravati sursum adsurgere non valemus, pietatis tuae favoribus erigamur. R\. Amen.
Per.
R\. Invocavi Altissimum potentem, et expugnavit (1185D)ministros meos; quia adstabilem me fecit contra hostes, et confregit murmuria malitiae eorum. P. Dominus fortis permansit mecum in aeternum. V\. Statuit Dominus supra petram pedes meos: et direxit gressus meos. P. Dominus. V\. Gloria, et honor. P. Dominus.
Oratio. Sancte martyr Hippolyte, virtutum titulis inclyte, ac laudum copia gloriose, adsiste nobis orantibus, precesque nostras divinis offer auditibus: ut tua nobis passio quaesitum praestet remedium, quae certandi praebuit mirabile documentum. R\. Amen.
Per.
In Laudibus.
Ad Canticum. Antiphona. Thronum gloriae. Canticum. (1186A)Confirmatum. Ad Benedictus. Antiphona. Benedictio Domini. Canticum. Benedictus. Sono. Septies in die. Lauda. Laudate. Psalmus CXLVIII. Prophetia. Justus si. fol. 53. Hymnus. Adsunt, o populi. Quaere in praecedentibus Vesperis. Et Supplicatio. Oremus.
Capitula. Post piceum fuscae noctis atra caligine chaos luce pura Phoebi praevia jam surgit aurora, quae peplo lactis palliata monstriferae quietis extrema conterminat, et redivivi luminis initia repraesentat; ob hoc, celsi luminis immensa Potestas, omnimodo te poscit nostra fragilitas, ut sacri memor Hippolyti pro te quondam trucidati, nobis placidus hodie et benignus adsistas: ac, sicut illi tolerantiam tribuisti discriminis subeundi, ita nobis adtribuas fortitudinem squalentem labem criminis evincendi.
(1186B)Pater noster. Liberati a malo. fol. 2.
Lauda. In psalterio et cithara dicam: P. In decem chordarum dulcisona est: Alleluia. V\. Cantate Domino canticum novum: quia mirabilia fecit. P. In decem. V\. Gloria, et honor. P. In decem.
Benedictio. Martyris Hippolyti. In Vesperis praecedentibus.
DIE XV. IN FESTO ASSUMPTIONIS BEATAE MARIAE.
Ad Vesperum.
Lauda. Virgo Israel, ornare tympanis tuis, P. Et egredere in choro psallentium. V\. Beata es Regina, quae prospicis, quasi lumen. P. Et egredere.
Dominus sit. R\. Et cum.
Sono. Dominus Deus coeli benedicat tibi: honor (1186C)regni David in manu tua. P. Et adorabunt coram te filii multarum gentium. Alleluia. V\. Audi, filia Sion, quia exaltata es, et facies tua fulget in templo Dei: Sol justitiae ingressu tuo orietur. P. Et adorabunt.
Dominus sit. R\. Et cum.
[CCLXXXIII] Antiphona. Benedicta tu Deo altissimo, prae omnibus mulieribus: P. Propter hoc non discedet laus tua ab ore hominum usque in saeculum. V\. Non det in commotionem pedem tuum: neque dormiet qui custodit te. P. Propter. V\. Gloria, et honor. P. Propter.
Dominus sit. R\. Et cum.
Lauda. Alleluia. Gaude, filia Sion: laetare, et (1186D)exulta in omni corde, filia Hierusalem: P. Quoniam abstulit inimicos tuos rex Israel Dominus. Alleluia, alleluia. V\. Lauda Hierusalem Dominum: conlauda Deum tuum Sion. P. Quoniam. V\. Gloria, et honor. P. Quoniam.
Hymnus.
O! Decus sacrum Virginum,
Quem virgo vehit unicum,
Et virgines almificum
Sequuntur sanctae Dominae.
Qui plaustrum domicilium
Faxisti jam virgineum,
Quo cum cuneis virginum
Cluit caput praecipuum.
Hoc templum jam terrigenum
(1187A)Numen cudit coelicolum,
A quo redemptum saeculum
Extat, et omne tartarum.
Qui Matrem, ac Discipulum
Consimiles in exitu
Fecisti, ut prodigium,
Propter decus virgineum.
Quorum dum tumba corpora
Lege suscepit propria;
Elata hinc divinitus
Sunt, ubi cernit Filium.
Nec credi fas ullo modo
Potest jam tali Filio
Matris interire tabida
Sic dilabi sacra caro.
(1187B)Quam et si sopor adiit,
Et lacu terrae latuit,
Qualiter hinc adsumitur,
Postea sed coelo traditur.
Qui sic suscepit Virginem
Poli terraeque reginam,
Et Angelorum compotem
Fecit in arcem sublimem.
Dies, quo haec subducitur
Mater cunctarum gentium,
Coeli quo petit intimum
. . . . . . . . . . . . .
Illic virgo sanctissima
Nostra defer precamina,
Quo tu tranasti gloria
(1187C)Adsumptionis inclyta.
Per tuum Unigenitum,
Quem genuisti Dominum,
Coeli petamus gremium
Diu per omne saeculum.
Amen.
Supplicatio. Oremus Redemptorem mundi, Dominum nostrum Jesum Christum cum omni supplicatione rogemus; ut nos gratia ipsius, et per intercessionem Assumptionis Sanctae Mariae Virginis et genitricis suae propitius justificare dignetur. R\. Praesta, aeterne omnipotens Deus.
Kyrie eleison. R\. Christe eleison. Kyrie eleison.
Capitula O inlibatum donum, o decus certe virgineum! (1187D)o sacrae prolis opus dicatum, et vas septiformi dono digne farcitum sacra Virgo Maria, omnisque pudicitiae praemium! cujus conceptio mysterium, cujus manifestatio privilegium, cujusque parturitio salutem gignit et gaudium, quam neque virile aliquando commercium, neque titillans umquam lascivum, neque ullum contaminavit obstinans delictum; jam precamina vere credentium ibidem defer, ubi assumpta permanes sanctorum serta vel virginum: Illic, quaesumus, nobis esto refugium, quo de terrenis meruisti adtolli divinitus ad poli fastigium. Et, sicut per tuum hoc totum digna fuisti consequi simplum, sic mereamur, quamtotius per nostrum semivivum duplum in utroque revivisci per Christum Dominum nostrum, quo docente didicimus:
(1188A)Pater noster. Liberati a malo. fol. 2.
Benedictio. Christus Dominus, qui Matrem suam olim de deorsum, ubi voluit, pie adsumpsit, dignetur nos sibi semper trajici mente, quos clementer creavit. R\. Amen. Et, sicut ex ea Natus potenter mundo praebuit lumen, sic corde inluminati per eam superam mereamur conscendere sedem. R\. Amen. Quo, sicut illa militiae coelestis exercitus sui Assumptione sistit gavisa, sic omnium nostrorum criminum moestitia defaecati quandoque mereamur beatiores adtolli in coelestia regna. R\. Amen.
Per misericordiam.
[CCLXXXIV] Lauda. Rami mei rami honoris et gratiae. Alleluia. P. Ego quasi vitis fructificavi suavitatem odoris. Alleluia, alleluia, alleluia. alleluia. V\. Ego (1188B)autem, sicut oliva fructifera in domo Domini, sperabo in misericordia Dei mei in aeternum, et in saeculum saeculi. P. Ego quasi. V\. Gloria, et honor, P. Ego quasi.
Oratio. Haec est, Domine Deus, gloriosa illa virgo Maria, quae hodie a convalle lachrymarum et mundi deserto cognoscitur superassumi incumbens super dilectum Unigenitum tuum, Filiumque suum loco videlicet inenarrabili: cujus vero quasi signaculum et monile detegitur pretiosum, dum unius naturae illud corpus confitemur Dominicum istius inlibatae genitricis a Divinitate assumptum. Proinde quaesumus, ineffabilis summe Deus, ut illic extendatur nostra intentio, quo per fortem dilectionem hodie praecessit digna suffragatrix pro nobis ac beatissima (1188C)virgo. R\. Amen.
Per misericordiam.
Ad Matutinum.
Antiphona. Labia mea. fol. CLXXX. Psal. L.
Oratio. Exultent in te, Domine, labia nostra praeconio veritatis ad conlaudandam veram Assumptionem inlibatae Mariae genitricis; et quae de terris potentialiter meruit subduci, supernisque sedibus divinitus adtolli; mereamur per ejus favorem ab omnibus hic peccatis erui, et illuc Beatorum fulgentibus choris misericorditer introduci. R\. Amen.
Per.
Antiphona. 1. Dilectione. fol. CLXXX. Oratio. Haec est. In Vesperis praecedentibus.
Antiphona 2. Virgo prudentissima. folio CLXXX.
(1188D)Oratio. Domine Jesu Christe, qui hodie a deserto mundano et tristifica Aegypto gloriosam coeli reginam assumpsisti Mariam, tecumque in supernam sedem pulchram ut Lunam, et electam ut Solem, esse voluisti; fac nos Solis ardore insolenter per diem nusquam aduri, neque per noctem Lunae aestibus indecenter concremari: ut tam animae quam corporis moerore novati mereamur per Assumptionem genitricis tuae ibidem, ubi praecessit, beatiores induci. R\. Amen.
Per misericordiam.
Antiphona 3. In congregatione sanctorum hereditas mea. Sicut cedrus exaltata sum in Libano. P. Et quasi cypressus in montibus Hermon, elevata sum: (1189A)V\. Ego autem, sicut oliva fructifera in domo Domini, sperabo in misericordia Dei mei in aeternum, et in saeculum saeculi. P. Et quasi. V\. Gloria, et honor. P. Et quasi.
Oratio. Ecce Domine, sicut cedrus exaltata hoodie in coelis gloriosa virgo Maria permanet, dum, sicut oliva speciosa, in fatuis mentibus prudentiae oleum impendit, et, ut vitis fructificans, suavitatem bonae vitae terris emisit. Proinde quaesumus, ut odore virtutum per ejus obtentum propinati in terris, sic foetorem lascivae carnis omnimodo respuamus, ut de bonorum operum meritis coram te sine fine gloriemur. R\. Amen.
Per.
R\. Vox de coelo facta est ad eam, dicens: Veni, (1189B)accipe coronam, quam tibi ab initio promisi: suscipient te Angeli mei; P. Et perducent te in civitatem illam sanctam Hierusalem. V\. Quoniam Angelis suis mandavit de te: ut custodiant te in omnibus viis tuis: in manibus enim suis portabunt te. P. Et perducent. V\. Gloria, et honor. P. Et perducent.
Oratio. Virgo Christi Maria, cujus hodie processio sacra inter lilia opaca, virginum videlicet super agmina, mirabilis mansit in sede superna; efficiatur, quaesumus, per sacrum favorem tuum nobis indignis requies futura, quo tu potuisti assumi tanti miraculi gloria: quatenus Dominicam vocem illam aure cordis mereamur audire, quae de supernis te assumendo inquit: Adscende: ibidem vero percepturi cum omnibus Sanctis aeternam requiem, ubi a Domino te (1189C)credimus adquisisse fidei sincerissimae benedictionem. R\. Amen.
In Laudibus.
Ad Canticum. Antiphona. Benedictus Dominus. Canticum. Gaudens. Ad Benedictus. Antiphona Filia Sion. Canticum. Benedictus. Sono. Dominus de coelo. Quaere in Vesperis praecedentibus. Lauda. Laudate Dominum de coelis.
[CCLXXXV] Lectio libri Canticorum (Cap. I).
R\. Deo gratias.
O pulchra Dei virgo inter mulieres, egredere, et abi post vestigia gregum tuorum. Adsimilavi te amica mea. Quam pulchrae sunt genae tuae, sicut turris. Ecce tu pulchra es amica mea, ecce tu pulchra es, oculi tui columbarum. (Cap. II.) Surge, propera amica mea, (1189D)et veni. Jam enim hiems transiit, et recessit. Flores apparuerunt in terra. Surge, ostende mihi faciem tuam, et sonet vox tua in auribus meis: vox enim tua dulcis, et facies tua decora. (Cap. III.) Quae est ista, quae ascendit super desertum, sicut virgulta fumi ex aromatibus myrrhae, et thuris, et universi pulveris pigmentarii? (Cap. IV.) Quam pulchra es! oculi tui columbarum, absque eo quod intrinsecus latet, sicut turris David. Tota enim pulchra es, et macula non est in te. Veni de Libano sponsa mea, veni de Libano, et coronaberis. Hortus conclusus soror mea sponsa, hortus conclusus, fons signatus. Emissiones tuae paradisus plenus malorum punicorum cum pomorum fructibus. (Cap. VI.) Una est columba mea, (1190A)et perfecta mea, una est matris regina, electa genitrici suae. Viderunt illam filiae Hierusalem, et beatissimam praedicaverunt; reginae et concubinae laudaverunt eam. Quae est ista, quae progreditur quasi aurora consurgens, pulchra ut Luna, et electa ut Sol, terribilis ut castrorum acies ordinata? (Cap. VIII.) Quae est ista, quae ascendit de deserto, deliciis affluens, enixa super dilectum suum? Pone me ut signaculum super cor tuum, et quasi monile in brachio tuo, ut signaculum super brachium tuum, et vera Dei permanet dilectio. R\. Amen.
Hymnus.
Hymnum Mariae Virginis
Decantemus cum Angelis,
Quam Christus Dei Filius
(1190B)Sanctificavit utero.
Adsumptionem ipsius
Celebremus cum Angelis,
Concessa nobis requie,
Remotis pravis hostibus.
Mater, quae virum renuit,
Mater, quae Christum meruit;
Virgo ante partum, quae fuit;
Virgo post partum claruit.
Jam Christus de Deo genitus,
Non raptum faciens Deo,
Formam servi suscipiens,
Servile corpus inserit.
Nec fessum fregit Virginis
Egressus templum atriis;
(1190C)Sed claustrum, quod invenerat,
Clausum reliquit Virginis.
O vere sacer alveus!
Cujus milesque gloriae,
Quem coelum terraque non capit;
Virginis vero uterus!
Sed nos ad te concurrimus,
Alma Parens, et poscimus:
Erue nos de gentibus
Tuis beatis precibus.
Per tuum Unigenitum,
Quem genuisti Dominum,
Coeli petamus gremium
Diu per omne saeculum.
(1190D)Amen.
Supplicatio. Oremus, ut supra.
Capitula. Matutinis precibus te Dominum exoramus piissimum; ut, sicut inlustris gloriosissima Virgo hodie Maria per decus virginitatis supernam adepta est sedem, sic per meritum illius acceptabilissimi favoris apud te conlaetari mereamur in coelestibus regnis:
Pater noster. Liberati a malo. fol. 2.
Lauda. Rami mei. Benedictio. Christus Dominus. Quaere in Vesperis praecedentibus.
In exeunte Vespera omnia dicantur ut in primis Vesperis, exceptis Capitula et Benedictione.
Capitula. Domine Jesu Christe, qui sic Virginem matrem honorificasti, quousque Assumptionis gratia (1191A)eam coram te suffragatricem pro nobis effecisti incomparabilem; indigni quaesumus Divinitatis tuae clementiam, quatenus per obtentum illius beatissimae Genitricis, quam caelibem hodie fecisti in coelestibus regnis, emundati ab universis contagiis audeamus exclamare, et dicere:
Pater noster. Liberati a malo. fol. 2.
Benedictio. Exoratu Virginis sacrae Mariae vestra sint merita radicitus coram Christo et abolita piacula: R\. Amen. Et, sicut illa hodie conlaetatur in sede superna cum Angelis sanctis, sic vos gaudeatis adquisisse paradisum [CCLXXXVI] aeternae felicitatis: R\. Amen. Quo anima simul et corpore integri et sani hinc exeuntes, ad illam feliciter et digne perveniatis sedem, quo ipso miserante ab ea divelli (1191B)nullatenus possitis. R\. Amen.
Per.
DIE XXIV. IN FESTIVITATE SANCTI BARTHOLOMAEI APOSTOLI.
Ad Vesperum.
Lauda. Speravit anima mea. Sonus. Fac mecum, Deus, signum in bono.
Antiphona. Oculus Dei adspexit justum. fol. CLIX.
Lauda. In memoria aeterna erit justus Alleluia: P. Ab auditu malo non timebit. Alleluia, alleluia, alleluia. V\. Beatus vir, qui timet Dominum: in mandatis ejus cupit nimis. P. Ab auditu. V\. Gloria, et honor. P. Ab auditu.
Hymnus.
Aeterni Proles Patris, et inclyte
(1191C)Compar et illi esse qui nosceris
Spiritus almus, certam potentiam
Tenens per aevum rebus in omnibus:
Bartholomaeus ecce discipulus
Tuus ab intus sanctus et ephebus
Apostolorum, sorte mirificus:
Nunc ecce fulget aethere sublimis,
Cujus dicata festa se prodeunt,
Nunc et perenni munere populos
Certe refoveant; nec non et imbuant
Caduca saeculi temnere fortiter;
Cujus precatu, sublimis Pontifex,
Te te rogamus infirmi servuli,
Probra dimittas, munera praebeas;
Tua sit gratia miseris servulis.
(1191D)Bartholomaee martyr Apostole,
Dignare nobis esse per omnia
Saecula patronus, et fave cernuos,
Nosque beatos effice servulos:
Tui precatu gratia faveat,
Quos obsequelam conspicis affatim,
Tibi dedisse supplices annua
Cursu labentis tempora saeculi.
Sit tibi laus, Christe, per omnia,
Aeterno Patri sitque potentia;
Sit dono quoque gloria perpetim,
Unus qui regis omnia saecula.
Amen.
Supplicatio. Oremus, mutato nomine, fol. CLXXXVII.
(1192A)Capitula. Christe Dei Filius, Dei virtus, et Dei sapientia, qui per uterum Virginis nasci dignatus es verus Deus invisibilis, et verus homo in carne apparuisti visibilis; per intercessum sancti Bartholomaei Apostoli et Martyris tui peccatorum abluamur a crimine, et mereamur terram repromissionis, illam scilicet beatitudinem perfectionis intrare: quatenus per te, qui eumdem martyrem tuum Bartholomaeum Apostolum, cujus solemnitatem hodie ob laudem tui nominis vel miraculum Deitatis devotissime celebramus, multis sanctorum Angelorum custodiis seu adminiculis roborasti; cujusque intima sancti Spiritus calore perflasti, facias nos illaesos evadere laqueos inimici: Ut, sicut ille a te potestatem accepit ponere pedes suos super serpentes et scorpiones et supra (1192B)virtutem inimici, ita et nos sumamus invictum de tua sancta potestate auxilium, ut conculcemus et extinguamus regulum et basiliscum, qui nonnumquam per negligentiam nostram regnant in nos regno peccati; Qualiter puro corde et purgatis labiis tibi mereamur dignissime deservire in terris:
Pater noster. Liberati a malo. fol. 2.
Benedictio. Christus Dominus, qui per martyrem suum Bartholomaeum Apostolum insigne fecit miraculum, dum ad sui nominis fidem et regem convertit et populum, faciat vos adipisci regnum coelorum: R\. Amen. Et, qui per illum calliditatem Zabuli manifestam fecit cuneis populorum, per ejus interventum adsistat vos in congregatione Sanctorum suorum: R\. Amen. Et per hunc eumdem Apostolum (1192C)suum Bartholomaeum, qui et aurum et gemmarum, ut lutum, repulit ornamenta; per eum vos Christus Dominus faciat adscendere sursum, ubi ejus interminabile super omnem creaturam regnat imperium. R\. Amen.
Lauda. Diligam eum. fol. CLVI.
Oratio. Deus immense et gloriose, quem in passionibus Martyrum colimus, in Beatorum solemnitatibus veneramur, atque in certaminibus Vincentium conlaudamus; adesto precibus supplicantium interventu [CCLXXXVII] martyris tui Bartholomaei Apostoli: ut, qui te pro admissis terribilem metuimus, ejus precibus exoratus in misericordia placitum inveniamus. R\. Amen. Per misericordiam.
Ad Matutinum.
(1192D)
Antiphona. Labia mea aperies. Psalmus L. Oratio. Exultent te, Domine. fol. CLXXX.
Antiphona 1. Coronam gloriae ponam super caput ejus, dicit Dominus; et induam illum stolam candidam; P. Quia servavit mandata mea, et propter nomen meum effusus est sanguis ejus in terra. V\. Et veritas mea et misericordia mea cum ipso: et in nomine meo exaltabitur cornu meum. P. Quia servavit. V\. Gloria, et honor. P. Quia servavit.
Oratio. Dona nobis, Domine, sapientiam, per quam et insipientiae nostrae ignavia auferatur, et beatitudinis gloria conferatur; ut, dum martyrem tuum Bartholomaeum Apostolum decoris stola circumdas, in nobis indumentum Baptismi, quod peccando polluimus, (1193A)eodem intercedente propitius abluas; et cum sanctus ille martyr tuus coronatur in vasis virtutum, nos expiemur a contagione peccaminum. R\. Amen.
Antiphona 2. Coronavit eum Dominus, et benedixit; et dilexit illum: P. et supra multa munera constituet illum. V\. Qui ingreditur sine macula, et operatur justitiam: qui loquitur veritatem in corde suo. P. Et supra. V\. Gloria. et honor. P. Et supra.
Oratio. Aeternum tuae virtutis nomen, omnipotens Deus, oramus, ut nos martyris tui Bartholomaei Apostoli et omnium sanctorum meritis socios fide, pares devotione, strenuos passione, consimiles et in resurrectione felicium facias coaequari. R\. Amen.
(1193B)Antiphona 3. Certamen bonum certavi, cursum consummavi. P. De caetero reposita est mihi corona justitiae. V\. Quia custodivi vias Domini, nec impie gessi a Deo meo. P. De caetero. V\. Gloria, et honor. P. De caetero.
Oratio. Deus immense. Quaere, ut supra in Vesperis praecedentibus. Responsorium. Ego sum lux. fol. CLVIII.
In Laudibus.
Ad Canticum. Antiphona. Tu solus Dominus, quia non est alius; neque justus praeter te Deum nostrum.
Canticum. Confirmatum est cor meum.
Ad Benedictus. Antiphona. Benedictio Domini. Canticum. Benedictus es.
(1193C)Sono. Septies in die. Lauda. Laudate Dominum. Psalmus CXLVIII. Prophetia. Justus si. fol. 53. Hymnus. Aeterni Proles. Quaere in Vesperis praecedentibus. Supplicatio. Oremus Redemptorem.
Capitula.
Ecce Domine, Apostoli tui et martyris Bartholomaei annua suscipitur incolenda festivitas, quae totam Catholicae plebis togam ad gaudia provocat, dum se ejus miraculis toto jam mundo dilatat. Quaesumus proinde; ut, qui illi per Spiritum Sanctum dedisti potestatem imperandi demonibus, gratiam misericordiae tuae a nobis non auferas ad te in ejus honore humili voto currentibus: ut, qui gravati delictis, ejus venerabile nunc incolimus festum, ejus (1193D)meritis beati coeleste veniamus ad regnum; ut, si de propriis non meremur justificari, ejus patrocinio Sanctis tuis mereamur in perpetuum sociari:
Pater noster. Liberati a malo. fol. 2.
Lauda. Diligam eum ex toto. Quaere in Vesperis praecedentibus. Benedictio. Christus Dominus, qui per martyrem, ut supra.
DIE XXV. IN FESTO SANCTI GENESII.
Ad Vesperum.
Lauda. Speravit anima mea. fol. CLVI. Sono. Benedic anima mea. fol. CLX. Antiphona. Sanctus tuus. Quaere in Sancto Hippolyto. Lauda. Benefecit Dominus eum. fol. CLXI.
Hymnus.
(1194A)
O rerum Domine conditor omnium,
Plectrum continuo gutturis admove,
Certamen tribuens pandere naviter
Athletae tui inclyti.
[CCLXXXVIII] Gliscit nam nimium pectoris intimum
Malens belligeri promere militis
Actus conspicuos, gestaque fortia,
Et dona tua optima.
Genesius igitur ille juvenculus
Civis eximius Arelatis oppidi,
Aetatis peragens floscula primulae
Injuncto paret ordini.
Exceptor itaque dumque nitesceret
Ac jussa tabulis publica scriberet
(1194B)Afflatus subito munere coelico,
Quo vota cumulat pia.
Extemplo officium abnuit impium,
Et ceris renuit imprimere manum
Coelestis cupiens effici accola
Vita, votisque, moribus.
Post evangelicus sermo ut intonat,
Diversas latebras per loca appetens
Sese occulte recipit in abditis
Horrore nimis territus.
Quem quaerens valide turba satellitum,
Nec, ut cuperat, reperit uspiam;
Vastis tum reboans rictibus arbiter
Ferrum sumite, clamitat:
Festinis propere percite gressibus;
(1194C)Inventum refugam plectite percite;
Qui nostra monita temnere ausus est
Nec sacros deos incolit.
Quod fama referens Martyris auribus,
Ablutum, neque se nosceret, aequore
Ferventi Rhodanum spiritu appetit,
Quo sorde queant ablui.
Auro lucidior inde regrediens
Repertus, jugulis sternitur impetu,
Coeli agminibus illico jungitur
Comptus vertice laurea.
Ob hoc Cunctipotens, quaesumus affatim,
Testis quoque tui ipse precantibus
Acceptes placide vota fidelium,
Dimittasque piaculum.
(1194D)Ac culpae cumulus funditus subruat;
Subcrescat jugiter gratia aptior;
Ut Sancti meritis caelibes redditi
Abscedat procul ultio.
Sit trino Domino gloria sedula,
Regnum perpetuum, atque potentia,
Virtute solita qui regit omnia
Sustentans pie condita.
Amen.
Supplicatio. Oremus redemptorem mundi, ut supra.
Capitula. Unigenite Dei Filius, qui beatissimum athletam tuum Genesium primaevae aetatis floscula peragentem duplici victoriae titulo coronasti, dum (1195A)et rabiem persecutoris declinando Rhodani laticibus infusum sacrosancti baptismatis lavacro decorasti, et exceptoris, quo fungebatur, officium relinquentem verum tuum sequipedam consecrasti; fac nos ejus suffragiis viam gradiri saeculi hujus indemnes, et idoneos effici vestigiorum tuorum imitatores: quo nullis vitiorum nidoribus offuscati, et cursum vitae, sicut hic miles tuus, deducamus in pace, eodemque patrocinante ad tuam pervenire mereamur conspicuam claritatem:
Pater noster. Et ne. Liberati a malo. fol. 2.
Benedictio. Christus Dominus, qui beatissimum Genesium transeuntem Rhodani alveum non passus est ullis aeribus impediri algarum, ipse pedes vestros dissolvat a nexu criminum, et dirigat per semitas (1195B)mandatorum suorum. R\. Amen. Et, qui illum positum in aetatis primulae circulis ab executionalibus divertere fecit inlecebris, ac reddidit sortem caelicolis, ipse vos ab omnibus incentivis emaculet carneae titillationis. R\. Amen. Quo tempore judicii, defaecati ab omni nexu peccaminum caelibes effecti cum eodem aeternae pacis mereamini locum. R\. Amen.
Per misericordiam ipsius.
Lauda. Beatus vir, qui timet Dominum Alleluia: P. In mandatis ejus cupit nimis. Alleluia, alleluia. V\. Potens in terra erit semen ejus: generatio rectorum benedicetur. P. In mandatis ejus. V\. Gloria, et honor. P. In mandatis.
Oratio. Praesta nobis, Deus, beatissimi martyris (1195C)tui Genesii assiduum patrocinium; ut ejus quoque praeclarum assequi mereamur exemplum: ut sentientes impensissime suffragantem, sequamur fortissime praeliantem. R\. Amen.
Per.
Ad Matutinum.
Antiphona. Labia mea. Psalmus. 50. Oratio. Exultent, Domine. fol. CLXXX.
Antiphona 1. Ego clamavi, quoniam exaudisti me Deus: inclina aurem tuam mihi, et exaudi verba mea. P. Custodi me, ut pupillam oculi: sub umbra alarum tuarum protege me. V\. Exaudi Deus justitiam meam: intende deprecationem meam. Auribus percipe orationem meam, et non in labiis dolosis. (1195D)P. Custodi me. V\. Gloria, et honor. P. Custodi.
[CCLXXXIX] Oratio. Praesta nobis, in Vesperis praecedentibus.
Antiphona. Iste sanctus clamavit, et Dominus exaudivit eum: P. Et ex omnibus tribulationibus ejus liberavit eum. V\. Ecce sic benedicetur homo, qui timet Dominum. P. Ex omnibus. V\. Gloria, et honor. P. Ex omnibus.
Oratio. Sit, Domine, praecedente et orante martyre tuo Genesio nobis famulis tuis te amandi prompta voluntas, ut in nullo impediat carnis infirmitas. Sic eodem docente a nobis calcetur mundi cupiditas, ut eodem intercedente perveniamus ad victoriam charitatis. R\. Amen.
Per misericordiam.
(1196A)Antiphona 2. Ecce intelliget puer meus: excelsus erit et sublimis: P. Et ego suscipiam eum: V\. Manus enim mea auxiliabitur ei: et brachium meum confortabit eum. P. Et ego suscipiam. V\. Gloria, et honor. P. Et ego.
Oratio. Fac nos, Domine, beatissimi martyris tui Genesii pedissequos: ut ejus muniti suffragio respuamus fallacias daemonum; cujus instructi patrocinio videamus bona in terra viventium. R\. Amen.
Per.
R\. Invocavi Altissimum potentem et expugnavit inimicos meos, quia stabilem me fecit contra hostes, et confregit murmuria malitiae eorum: Dominus fortis permansit mecum. P. In aeternum. V\. Statuit Dominus supra petram pedes meos: et direxit (1196B)gressus meos. P. In aeternum. V\. Gloria, et honor Patri. P. In aeternum.
Oratio. Omnipotens Dominus, qui beatissimum Genesium martyrem tuum passionis stimulis et minantium fluctuum cumulis probari, non obrui, permissisti, cum eum dimicantem nec poena superaret, nec immersu unda supprimeret; quia ei et illic adfuisti, ne cruciatibus vinceretur, et hic praestitisti, ut contra naturam fluctibus portaretur; miraculis tantis fidem omnibus praesta, ut vota celebrantibus devotissime conferantur. R\. Amen.
Per.
Antiphona. Sapientia justum a pereuntibus impiis liberavit: P. Et induit pro lorica justitiam: et galea salutis in capite ejus. V\. Beatus vir, qui timet (1196C)Dominum: in mandatis ejus cupit nimis. P. Et induit. V\. Gloria, et honor. P. Et induit.
Oratio. Aeternum virtutis tuae nomen, omnipotens Deus, oramus, ut nos martyris tui Genesii et omnium Sanctorum meritis socios, fide pares, devotione strenuos, passione, consimiles; et in resurrectione felicium facias coaequari. R\. Amen.
Per misericordiam.
Antiphona. Iste homo in certamine. folio. CLXI.
Oratio. Deus immense et gloriose, quem in passionibus Martyrum colimus, in Beatorum solemnitatibus veneramur, atque in certaminibus vincentium conlaudamus; adesto precibus supplicantium interventu gloriosi martyris tui Genesii: ut, qui te (1196D)pro admissis terribilem metuimus, ejus precibus exoratus in misericordia placitum inveniamus. R\. Amen.
Per misericordiam.
Antiphona. Coronam gloriae ponam super caput ejus, dicit Dominus: et induam illum stolam candidam, P. Quia servavit mandata mea. Et propter nomen meum effusus est sanguis ejus in terra. V\. Et ponam in mari manum ejus, et fluminibus dexteram ejus. P. Et propter. V\. Gloria, et honor Patri. P. Et propter.
Oratio. Deus, cujus honor sanctitas est, quem diligere salus est, et amare perfectio; inlabere in cordibus nostris: da in omni Ecclesia tua gloriosi martyris tui Genesii lucere vestigia; ut te gerente (1197A)omnium gressus, ea nos via perducat ad vitam, quae martyrem tuum extulit ad coronam. R\. Amen.
Per.
Responsorium. Ego sum lux. fol. CLVIII.
Oratio. Domine Jesu Christe, qui mirabiliter Genesio huic martyri tuo et coronam de victoria praestas, et columnam in templo tuo quasi decorem aedificii futurum esse adsignas, dum ei et coronanda vincendi studia suggeris, et invictam perseverantiae voluntatem in passionibus praelargiris; da nobis exemplo ejus et diligendi te votum aequale, et vincendi voluntatem: ut ita nomen civitatis illius novae Hierusalem nostris in pectoribus sit adscriptum, qualiter, dum indesinenter obtutum mentis nostrae in illius visione defigimus, in ejus pace perenniter (1197B)jocundemur. R\. Amen.
Per misericordiam.
[CCXC] In Laudibus.
Ad Canticum. Antiphona. Tu solus Dominus, quia non est alius; neque justus praeter te, neque sanctus praeter Deum nostrum.
Canticum. Confirmatum est cor meum.
Ad Benedictus. Antiphona. Benedictio. Canticum. Benedictus es Domine. fol. 6.
Sono. Benedic, anima mea, Dominum. fol. CLX. Lauda. Laudate. Psalmus CXLVIII. Prophetia. Sapientia justum deduxit. fol. 56. Hymnus. O rerum Domine conditor. Supplicatio. Oremus. Quaere in Vesperis praecedentibus.
(1197C)Capitula. Adest, Domine, famosissimi athletae tui Genesii martyris festum, cui tuo pro nomine certanti viriliter caput a corpore gladii mucrone desectum est valide. Et ideo piis supplicationibus exoramus tuam largam potentiam, Omnipotens Deus; ut eodem patrocinante ita corda corporaque nostra ab omnibus vitiis desecare digneris, quatenus atria coeli, quae ille adiit per triumphum martyrii, nos abluti maculis delictorum introisse gratulemur in hymnis confessionum.
Pater noster. Liberati a malo. fol. 2.
Benedictio. Christus Dominus, qui beatissimum Genesium, in Vesperis praecedentibus.
In exeunte Vespera omnia dicantur, sicut in primis Vesperis, exceptis Capitula, et Benedictione, quae sequuntur.
(1197D)Capitula. Deus, qui volentes praevenis fide, atque credentes subsequendo facis non frustra in te credidisse; quique beatissimum Genesium prius gratia praevenisti dulcedinis, quam regeneratione baptismatis; te suppliciter deprecamur, ut jam praeveniamur miserationibus tuis, quo ad te fiducialiter possimus proclamare e terris:
Pater noster. Liberati a malo. fol. 2.
Benedictio. Gratia Christi, quae beatissimum Genesium martyrem praevenit fide, vos subsequatur in munere. R\. Amen. Et, qui illum aquis Rhodani originali solvit a vinculo, vos hujus calicis vivificet sacramento. R\. Amen. Atque qui illum fluviali consecravit (1198A)ex gurgite, vos mundiali non subruat tempestate. R\. Amen.
Per misericordiam.
DIE XXVI. IN FESTO SANCTI GERONTII EPISCOPI.
Ad Vesperum.
Lauda. Confessionem et decorem. Sono. Confitebor tibi, Domine. fol. CLXIX. Antiphona. Confitebor tibi, Domine. folio CLXIX. Lauda. Confitebor tibi, Domine rex. folio CLXIX.
Hymnus.
Sacratum Christi Antistitem,
Gerontium Confessorem,
Dignis canamus laudibus,
Et celebremus vocibus.
(1198B)Hic fertur Apostolico
Vates fulsisse tempore
Et praedicasse supremum
Patrem potentis Filii.
Quique dum per occiduam
Percurreret clarus plagam,
Tandem ira Gentilium
Ad passionem trahitur.
Sed mox praecepto Praesulis
Nodis gravatur ferreis:
Horrendis umbris carceris
Datur in jus carnificis.
Quem ferunt vinctum vinculis
Inter pallentes tenebras,
Raptam e sacro corpore
(1198C)Dedisse coelo animam.
Sic inter Apostolica
Locatus jam consortia,
Gaudet coelesti gloria,
Et clara Christi gratia.
Namque infolatus gemino
Fulget et nitet praemio;
Sacerdotali titulo
Confessionis merito.
Gloria Patri personet,
Christoque Unigenito,
Paraclitoque Spiritui
In saeculorum saecula.
Amen.
Supplicatio. Oremus, mutato nomine, folio CLXXXVII.
(1198D)[CCXCI] Capitula. O gloriose ac misericors Domine, qui beatissimo confessori tuo Gerontio Episcopo tibi nimis in ore suo confiteri dedisti; teque in medio justorum ejus confessione laudari voluisti, ut eum in terris confitentem et in concilio Sanctorum glorificans faceres exultantem: exposcimus tui muneris donum; ut ejus precibus tribuas a peccati contagione purgari, ab ardoribus perpetuis erui, et gloriae tuae beatitudinem consequi.
Pater noster. Liberati a malo. fol. 2.
Benedictio. Christus Dominus, qui beatissimum confessorem suum Gerontium Episcopum se digne coram hominibus confiteri fecit in terris, confiteatur vos coram Patre suo, qui est in coelis: R\. (1199A)Amen. Et, qui in ore suo accepta sibi confessionis contulit cantica, ipse confessionem vestram remunerandam suscipiat; R\. Amen. Ut exemplo beatissimi confessoris Gerontii Episcopi confitendo et laudando nomen Jesu Christi in saeculum, participes ejus, quem confessi estis, mereamini esse in coelo. R\. Amen.
Per misericordiam.
Lauda. Germinabunt ossa tua, quasi salices Alleluia P. Juxta fluentes aquae: Alleluia, alleluia. V\. Et erit tamquam lignum, quod plantatum est secus decursus aquarum, quod fructum suum dabit in tempore suo. P. Juxta. V\. Gloria, et honor. P. Juxta.
Oratio. Deus Dei Filius, quem beatissimus Gerontius Episcopus in toto corde suo confessus, nomen (1199B)tuum honorificando, perductus est ad coronam; da in ore nostro confessionem, quae nos expurget a crimine: ut quidquid in tuae laudis honore depromimus, in lucro nobis prodesse aeterni muneris sentiamus. R\. Amen.
Per misericordiam.
Ad Matutinum.
Antiphona. Labia mea. Psalmus L. Oratio. Exultent, Domine. fol. CLXXX.
Antiphona 1. Caro mea requiescet in spe. Quaere fol. CLXX.
Oratio. Deus, qui confessorem tuum Gerontium Episcopum in saecula saeculorum gaudere et exultare fecisti, ut tibi soli sine fine psallens laudis deferat hymnum, cujus ex confessione meruit obtinere (1199C)consortium; te devotis cordibus poscimus, ut meritis ejus vita nostra refloreat, et a malis actibus emendata nitescat: ut, qui jam merebamur pro criminibus poenam pro confessione et cultu fidei Christianae futuram pervenire mereamur ad gloriam. R\. Amen.
Per misericordiam.
Antiphona 2. Facies tua. fol. CLXXI.
Oratio. Beatum satis, Domine, confessorem tuum Gerontium Episcopum esse fecisti: qui in toto corde suo tibi confessus, in concilio Justorum et congregatione probatur esse conspicuus. Da ergo nobis meritis ejus, ut confessione simplici oris mundari a crimine, et Sanctorum mereamur congregationi (1199D)in coelestibus interesse. R\. Amen.
Per misericordiam.
Antiphona 3. Custodisti corpus meum. folio CLXXI. Oratio. Deus Dei Filius. Require supra in Vesperis. Responsorium. Ecce Domine, in toto corde suo. fol. CLXXI.
Oratio. Ecce Domine, in toto corde suo te solum confessor tuus Gerontius Episcopus confitetur et credit, dum et perfectum amorem tuae fidei narrat, et mirabilia devoto ore pronunciat. Laetare ergo, et exultare nos fac in te et jugiter et evidenter; ut in te habeamus post discrimina requiem, in quo ille post confessionem meruit invenire mercedem. R\. Amen.
Per misericordiam.
In Laudibus.
(1200A)
Ad Canticum. Antiphona. Confitebor tibi Domine. Canticum. Confitebor tibi Domine rex. Ad Benedictus. Antiphona. Benedictio Domini. Canticum. Benedictus es, Domine. Sono. In conspectu Angelorum. Lauda. Alleluia. Confessio ejus. Prophetia. Ecce servus meus. Quaere folio CLXXII. Hymnus. Sacratum Christi Antistitem. Supplicatio. Oremus Redemptorem mundi Dominum. Require in Vesperis praecedentibus.
Capitula. Deus, quem fidelium lingua confitendo conlaudat, et Confessorum devotio copiose exaltat; praebe nobis obtentu confessoris tui [CCXCII] Gerontii Episcopi obtinere, quae poscimus, et evadere, quae timemus: Deus enim noster es tu, et confitebimur (1200B)tibi: te quoque Deum in nostris cordibus exaltemus devoti. Fac nos ergo tibi indesinenter et opere simul et verbo haerere, qui nos fecisti veritatem fidei Christianae cognoscere:
Pater noster. Liberati a malo. fol. 2
Lauda. Germinabunt ossa tua, quasi salices. Benedictio. Christus Dominus, qui. Require in Vesperis praecedentibus.
In exeunte Vespera omnia dicantur, ut in primis Vesperis, exceptis Capitula, et Benedictione, quae sequuntur:
Capitula. Beatum satis, Domine, confessorem tuum Gerontium Episcopum esse fecisti: qui in toto corde suo tibi confessus in concilio Justorum et congregatione probatur esse conspicuus. Da ergo nobis (1200C)meritis ejus, ut confessione simplici oris mundari a crimine, et Sanctorum mereamur congregationi in coelestibus interesse:
Pater noster. Liberati a malo. fol. 2.
Benedictio. Dominus Jesu Christus, qui est Confessorum remuneratio, confessoris sui Gerontii suffragio vos sanctae confessionis suae munificet dono. R\. Amen. Detque vobis se confitendi votum, qui eidem confessionis contulit praemium; R\. Amen. Ut tanti Confessoris veraciter imitando exemplum, ad coeleste mereamini pervenire promissum. R\. Amen.
Per misericordiam tuam.
DIE XXVIII. IN FESTO SANCTI AUGUSTINI EPISCOPI ET DOCTORIS.
(1200D)
Omnia dicantur unius Confessoris Pontificis, fol. CLXIX, excepto
Hymno.
Lux Deus Christe, pietas redundans,
Qui tuum vatem haerese reductum
Rite Augustinum amans alumnum
Efficis aptum;
Hujus obtentu dolum hinc remove,
Patriam serva, populos guberna;
Omnis lis absit, affluat redemptis
Gratia pacis.
Charitas efflet copulam recisis:
Sit procul ira, abeat ruina:
(1201A)Clades abscedant, fames, atque languor,
Noxia quaeque.
Clerus doctrina rutilet corusca:
Pontifex celsum apicem retentet
Labe abstersa, operibusque almis
Post placitura.
Laus tibi insultet jubilo perenni,
Trinitas simplex, Deitasque una,
Cuncta qui condens, opifex in aethere,
Crederis auctor.
Amen.
FESTA SEPTEMBRIS.
Jejunium observatur tribus diebus ante Festum sancti Cypriani. Si volueris recitare, quaere fol. (1201B)431.
DIE XIV. IN FESTO SANCTI CYPRIANI EPISCOPI.
Ad Vesperum.
Lauda. Gloria, et honor.
Sono. Fac mecum. Quaere fol. CLIX.
Antiphona. Posuisti, Domine, super caput ejus coronam de lapide pretioso: P. Gloriam et magnum decorem super eum impones. V\. Vitam petiit, et dedisti ei longitudine dierum in aeternum et in saeculum saeculi. P. Gloriam et magnum decorem. V\. Gloria, et honor. P. Gloriam.
Dominus sit semper. R\. Et cum.
Lauda. Alleluia. Omnis qui vicerit, faciam illum sedere in throno Patris mei Alleluia: P. Sicut et (1201C)ego vici, et sedeo in illum: Alleluia, alleluia. V\. Beatus, qui intelligit super egenum, et pauperem: in die mala liberabit eum Dominus. P. Sicut. V\. Gloria, et honor. P. Sicut.
Hymnus.
Urbis magister Tasciae
Tu Cypriane Pontifex,
Fax luminosa, et efficax,
Verbo docens, et sanguine.
Tu martyr, et doctor pius,
Utroque clarus dogmate:
Et stultis verba imbuis,
Et doctis exemplis foves.
Coelestis ille Spiritus,
(1201D)Qui in Prophetis praefuit,
Te inrigavit coelitus,
Implevit, egit, compluit.
[CCXCIII] Hinc fonte claro luminum
Mentes foves fidelium;
Artus pererras invios,
Cibis palatum recreans.
Tu passionis gloriam
Quaestu oblato distrahis,
Mercede mortem comparans,
Cum te feriret carnifex.
Sic sic docens quod verum est,
Fundis beatum sanguinem
Ditas cruore Africam,
Verbo docens Hesperiam.
(1202A)Tu Doctor in terra pius,
Tu Martyr in coelestibus,
Quod praedicasti dogmate
Fac nos tenere per precem.
Deo Patri sit gloria,
Ejusque soli Filio,
Cum Spiritu Paraclito
Regnans per omne saeculum.
Amen.
Supplicatio. Oremus, mutato nomine, ut supra.
Capitula. O decus orbis, o doctor unice, veritatis magister catholice, Catholicorum ducator Ecclesiae, Cypriane martyr sanctissime! qui Christum et voce praedicando et sanguine, et lingua amoenus, et passione monstraris esse conspicuus: dum, quae doces, (1202B)agis, et quae agis, posteris docendo derelinquis: in utrosque admirabilis et praeclarus; dum et Doctor mirificus, et martyr agnosceris gloriosus; dum et doctrina clares in saeculo, et de effuso sanguine laetaris in coelo: te quaesumus, te rogamus, rege, fove, instrue nos tuis semper suffragiis pariter et doctrinis: imbue ore nescios, precibus tuere infirmos, verbis doce, quid agere, meritis obtine, quo possimus intrare: illinc riga ignorantiam verbis; hic continuis fragilitatem nostram foveto suffragiis: ut per Deum unum in Trinitate perfecta, quem tu et doctrina praedicasti et sanguine, nos et dictorum tuorum fructus hic libentius hauriamus, et meritorum tuorum gaudiis post transitum satiemur per (1202C)ipsum; qui nos docuit orare et dicere:
Pater noster. Liberati a malo. fol. 2.
Benedictio. Christus Dominus, qui beatissimum Cyprianum Ecclesiae suae Praesulem, et doctrinae magisterio clarum, et Martyrem fecit esse conspicuum; impleat vos et gratia sanctae doctrinae, et amoris sui opulentiae dulcedine; R\. Amen. Ut et in verbis Martyris correctionem vitae integram adsumatis, et in exemplis ejus adipiscamini, quod vos heredes efficiat in coelestibus regnis: R\. Amen. Quo et per ejus doctrinam peccatorum a vobis rubigo effugiat, et per ejus suffragia vita vobis concedatur aeterna. R\. Amen.
Per misericordiam.
Lauda. Beatus vir, qui timet Dominum Alleluia: (1202D)P. In mandatis ejus cupit nimis Alleluia, alleluia, alleluia. V\. Potens in terra erit semen ejus: generatio rectorum benedicetur. P. In mandatis. V\. Gloria, et honor. P. In mandatis.
Oratio. Debitas tibi, Domine aeterne, referimus grates, et Jesu Christo Domino nostro, in cujus similitudinem beatissimus Cyprianus, dum offert victimam, ipse est victima; dum sacerdotium eligit, martyrium devotus implevit. Obtineat igitur apud te, Deus summe; ut des miseris indulgentiam post delictum, qui meruit post sacerdotium subire martyrium. R\. Amen.
Per.
Ad Matutinum.
(1203A)
Antiphona. Labia mea. Psalmus L. Oratio. Exultent, Domine. fol. CLXXX
Antiphona 1. Homo Dei, ostendit tibi Dominus sacramentum: multam vidit enim perseverantiam tuam. P. Quia multum tristatus es pro populo suo, et orabas pro Israel: V\. Non det in commotionem pedem tuum: neque dormiet qui custodit te. P. Quia. V\. Gloria, et honor. P. Quia.
Oratio. Debitas tibi, Domine. Quaere in Vesperis praecedentibus.
Antiphona 2. Homo iste perfecit omnia, quae praeceperat ei Deus: et dixit ad eum: Ingredere in requiem meam, P. Quia te elegi justum coram me ex omnibus gentibus. V\. Beatus vir, qui timet Dominum: (1203B)in mandatis ejus cupit nimis. P. Quia te. V\. Gloria, et honor Patri. P. Quia te.
Oratio. Aeternum tuae virtutis nomen, omnipotens Deus, oramus: ut nos martyris tui Cypriani Episcopi et omnium Sanctorum meritis socios, fide pares, devotione strenuos, passione consimiles, et in resurrectione felicium facias coaequari. R\. Amen.
Per misericordiam
Antiphona 3. Iste homo honorificatus est valde, et confregit Deus cor inimicorum ejus, [CCXCIV] et properavit in domo Domini Dei sui perfecto corde; P. Et viderunt omnes, quae manifesta fecit Deus per ipsum. V\. Maxima est gloria ejus in salutari tuo: gloriam et magnum decorem impones super (1203C)eum. P. Et viderunt. V\. Gloria, et honor. P. Et viderunt.
Oratio. Deus immense gloriose, quem in passionibus martyrum incolimus, in beatorum solemnitatibus veneramur, atque in certaminibus vincentium conlaudamus; adesto precibus supplicantium interventu martyris tui Cypriani Pontificis: ut, qui te pro admissis terribilem metuimus, ejus precibus exoratus in misericordia placitum inveniamus. R\. Amen.
Per misericordiam.
R\. Labia sacerdotis custodiunt scientiam, et legem exquirunt de ore ejus: quia Angelus Domini est. P. Lex veritatis in ore ejus, et iniquitas non (1203D)est inventa in labiis ejus: in pace dirigens ambulavit, et multos convertit ab iniquitate. V\. Sacerdos, qui de ore suo profert justitiam, et exquirentibus se annunciat veritatem: Angelus enim Dei omnipotentis est. P. Lex. V\. Gloria, et honor. P. Lex.
Oratio. Deus, qui os beatissimi martyris Cypriani Episcopi ita sapientiae ubertate replesti, ut diversitate virtutum circumseptus apparens jocunditate, et decore illum coelesti gloriosum ostenderes; quo et labiis custodiens scientiam, legem in ore ejus exquireres; porrige ori nostro scientiae lucem, et sapientiae verae perfectionem: ut in eo quo tibi ille multos convertit ab iniquitate, nos jubeas perenniter converti et jocundari. R\. Amen.
Per misericordiam.
In Laudibus.
(1204A)
Ad Canticum. Antiphona. Thronum gloriae. Canticum. Confirmatum est. fol. 55. Ad Benedictus. Antiphona. Benedictio Domini in mercedem justi festinat. Canticum. Benedictus es. fol. 6
Sono. Alleluia. Cantabo virtutem tuam, Domine. Alleluia. V\. Alleluia. Salvator meus, tibi psallam; quia Deus susceptor meus et refugium in die pressurae meae. Alleluia.
Lauda. Laudate Dominum de coelis Alleluia: laudate eum in excelsis Alleluia. Psalmus CXLVIII.
Lectio libri Ecclesiastici Salomonis (Cap. L).
R\. Deo gratias.
Vir iste conservavit legem Dei excelsi, et in tentatione inventus est fidelis. Et statuit ei Dominus (1204B)testamentum aeternum, et dedit illi sacerdotium gentis: et beatificavit illum in gloria, et circumcinxit illum zonam gloriae, et induit illum in vasis virtutum. Qui curavit gentem suam, et liberavit illam a pernicie. Qui praevaluit aedificare civitatem, qui adeptus est gloriam in conversatione gentis: et ingressus domus et atrii amplificatus est. Quasi stella matutina in medio nebulae, et quasi Luna plena in diebus suis lucet. Et quasi Sol refulgens, sic ille refulsit in templo Dei. Et quasi flos rosarum in diebus verni, quasi lilia, quae sunt in transitu aquae, et quasi thus redolens in diebus aestatis. Quasi ignis effulgens, et thus ardens igni. Quasi vas auri solidum ornatum omni lapide pretioso. Quasi oliva pullulans et cypressus in altitudinem se tollens, in accipiendo (1204C)ipsam autem stolam gloriae, et vestiri consummatione virtutis. In ascensu altaris sancti gloriam dedit sanctitatis amictum, in accipiendo autem partes de manu sacerdotis, et ipse stans juxta aram. Et circa illum corona fratrum: quasi plantatio cedri in monte Libano, sic circa illum steterunt. Quasi rami in palma, porrexit manum suam in libatione: libavit de sanguine uvae, et fudit in fundamentum altaris odorem Divino excelso principi. Tunc exclamaverunt filii Aaron, in tubis productilibus sonaverunt, et auditam fecerunt vocem in memoriam coram Deo. R\. Amen.
Hymnus. Urbis magister. Supplicatio. Oremus Redemptorem. Capitula. O decus orbis. Lauda. Beatus (1204D)vir. Benedictio. Christus Dominus, ut supra in Vesperis praecedentibus.
DIE XVI. IN FESTIVITATE SANCTAE EUPHEMIAE VIRGINIS ET MARTYRIS.
Omnia dicantur unius Virginis, fol. CLXXIX, excepto
Hymno.
En festum prodiit Virginis inclytae
Micans Euphemiae martyris optimae,
[CCXCV] Omnes nunc populi psallite modulis.
Reddentes vota gnaviter.
Occurrens Dominus purget ut intima
Clemens adtribuat munera gratiae,
Qui se nunc militum carmina promere
Sanctorum queat Laudibus.
(1205A)Haec namque Domino Augusta deserviens,
Semet dum dedicat Principi coelico,
Livore daemonum pungitur illico,
Ne Christum voce praedicet.
Felix Euphemia, sed pia permanens;
Ut ad illam perfidus venit rugitu
Murmur, subito munere Spiritus
Et mente clara redditur.
Pudica moribus, inclyta genere,
Immixta populis Calcedonensibus,
Ut Christo militat, mente deliberat,
Ut virgo quoque maneat.
Sed hostis noscitur ipse, qui invidus
Furorem judicis concitat invidi;
Sanctam ut idolis thura libaminis
(1205B)Offerre cogat impie.
Virgo sed sociis juncta piissimis,
Quos septem numero septies indidit
Dicatos nisibus passioni Martyrum,
Certamen laeta suscipit.
Flammas ingreditur, cingitur ignibus,
Se Christo reddere vocibus intonat,
Coelestem gratiam, ut flectat orantibus,
Persolvens vota laudibus.
Inlaesa prodiens, carcere traditur,
Mirantur milites talia cominus
Vidisse: sed Praesul ipse nec territus,
Saevus monet aliter.
Arena subito ponti demergere
Dicatam Domino virginem imperat,
(1205C)Insontem rabidus perducere cupiens;
Et Martyr vota solvere.
Sed Martyr Domini talia sustinens,
Jam suum spiritum suscipi cogitat;
Ut mixta coelitus agmina Martyrum
Valerent vota consequi
Unde nunc avidi, Virgo, te gnaviter
Oramus populi, lavacri filii,
Mittens, miseransque coelica munera,
Piorum preces audias.
Jam Christe miseris esto misericors,
Et Sanctae meritis solve piacula,
Nobis perpetua gaudia tribuens,
Domine Deus, omnibus.
Sit trino Domino gloria sedula,
(1205D)Regnum perpetuum, atque potentia,
Virtute solita, qui regit omnia,
Sustentat pie condita.
Amen.
DIE XXI. IN FESTIVITATE SANCTI MATTHAEI APOSTOLI ET EVANGELISTAE.
Ad Vesperum.
Lauda. Gloria et honore. Sono. Fac mecum. Antiphona. Oculus Dei. fol. CLIX.
Lauda. In memoria aeterna erit justus Alleluia: P. Ab auditu malo non timebit Alleluia, alleluia. V\. beatus vir, qui timet Dominum: in mandatis ejus (1206A)cupit nimis. P. Ab auditu. V\. Gloria, et honor. P. Ab auditu.
Hymnus.
Praeclarum Christi militem
Virtutum donis nobilem
Laudis concentus canere
Plebem (adtende) condecet.
Matthaeus namque iste est,
Quem clara voce Dominus
Sese defluxa arcessens
De telonio rapuit.
Cuique celsum apicem
Apostolatus tribuit;
Et clarum Evangelici
Deinde decus contulit.
(1206B)Qui solus axem fervidum
Adgressus, truces populos
Ardentiori spiritu
Flammavit igne coelitus.
Fugavit magos improbos,
Serpentium virus expulit,
Armavit sacris monitis
Dicatos Christo populos.
Castis edoctus regulis,
Plebem lucratus arduam,
Regalibusque atriis
Vitae fundit oracula.
Qui multa post miracula
Et sanctae vitae praemia
Hoc sacri praedicaminis
(1206C)Caesus dicto occubuit.
Nostrisque libens precibus
Adsit patronus optimus,
Et pio clemens animo
Celsum exoret Principem.
Nobis adquirat gaudia
Praesentis aevi, ac super
Adversa cuncta arceat,
Et, quaeque prosunt, tribuat.
Deo Patri sit gloria,
[CCXCVI] Ejusque soli Filio,
Cum Spiritu Paraclito,
Regnans per omne saeculum.
Amen.
(1206D)Supplicatio. Oremus, mutato nomine, fol. CLXXXVII.
Capitula. Domine Jesu Christe, qui elegisti tua ex plebe Matthaeum, qui Levi sumpsit cognomen, Apostolum et Evangelistam; itaque in vertice Ecclesiae eum statuisti ex publicano a te, Christe, electum, primum in Judaea quidem evangelizare fecisti, et postmodum in Macedonia te praedicans pastorum sic requiescit in montibus; annue precibus nostris, ut ejus interventu nos futuro liberes a tormento: ut verbum tuum, quod ille gloriosus in mundo vocibus sparsit, nos sanctificatum in receptaculum nostri pectoris conservemus; qui nos docuisti orare et dicere:
Pater noster. Liberati a malo. fol. 2.
Benedictio. Dominus Jesus Christus, qui ingenti (1207A)pietate Apostolum suum Matthaeum Evangelistam ex publicano fecit mirificum, nos de adversis faciat semper victoriam promereri: R\. Amen. Et, qui illum exaltavit vocatione promptissima, ab omni nos mundanae conversationis dignetur eruere contagio: R\. Amen. Et, qui voce praedicationis et Apostolatus gratia illum ditavit in mundo, nos spiritualium gaudiorum munificet incremento. R\. Amen.
Per misericordiam.
Lauda. Diligam eum ex toto corde meo, dicit Dominus; P. Et erit sicut ros Israel; germinabit sicut filium et florebit. Alleluia, alleluia. V\. Et erit tamquam lignum, quod plantatum est secus decursus aquarum, quod fructum suum dabit in tempore suo. P. Et erit sicut. V\. Gloria, et honor. P. Et erit.
(1207B)Oratio. Dona nobis, Domine, sapientiam, per quam et insipientiae nostrae ignavia auferatur, et beatitudinis gloria conferatur: ut, dum martyrem tuum Matthaeum Apostolum et Evangelistam decoris stola circumdas, in nobis indumentum Baptismi, quod peccando polluimus, eodem intercedente, propitius abluas: et, cum sanctus ille Martyr tuus coronatur in vasis virtutum, nos expiemur a contagio peccaminum. R\. Amen.
Per.
Ad Matutinum.
Antiphona. Labia. Psalmus L. Oratio. Exultent. folio CLXXX.
Antiphona 1. Coronam gloriae ponam super caput ejus, dicit Dominus; et induam illum stolam candidam: (1207C)P. Quia servavit mandata mea, et propter nomen meum effusus est sanguis ejus in terra. V\. Et veritas mea et misericordia mea cum ipso: et in nomine meo exaltabitur cornu ejus: P. Et propter. V\. Gloria, et honor. P. Et propter.
Oratio. Da nobis, ut hic supra.
Antiphona 2. Coronavit eum Dominus, et benedixit, et dilexit illum, P. Et supra multa munera constituet illum. V\. Qui ingreditur sine macula, et operatur justitiam: qui loquitur veritatem in corde suo. P. Et supra. V\. Gloria, et honor Patri. P. Et supra.
Oratio. Aeternum tuae virtutis nomen, omnipotens Deus, oramus: ut nos martyris tui Matthaei Apostoli et Evangelistae, et omnium Sanctorum meritis socios, (1207D)fide pares, devotione strenuos, passione consimiles; et in resurrectione felicium facias coaequari. R\. Amen.
Antiphona 3. Certamen bonum certavi, cursum consummavi: P. De cetero reposita est mihi corona justitiae; V\. Quia custodivi vias Domini, nec impie gessi a Deo meo. P. De cetero. V\. Gloria, et honor. P. De cetero.
Oratio. Deus immense et gloriose, quem in passionibus Martyrum colimus, in Beatorum solemnitatibus veneramur, atque in certaminibus vincentium conlaudamus; adesto precibus supplicantium interventu martyris tui Matthaei Apostoli et Evangelistae: ut, qui te pro admissis terribilem metuimus, (1208A)ejus precibus exoratus in misericordia placitum inveniamus. R\. Amen.
Per misericordiam.
Responsorium. Ego sum lux. fol. CLVIII.
Oratio. Deus, cujus honor sanctitas est, quem diligere salus est, et amare perfectio; inlabere in cordibus nostris: da in omni Ecclesia tua martyris tui Matthaei Apostoli et Evangelistae lucere vestigia; ut, te regente omnium gressus, ea nos via perducat ad vitam, quae Martyrem tuum extulit ad coronam. R\. Amen.
[CCXCVII] In Laudibus.
Ad Canticum. Antiphona. Tu solus Dominus, quia non est alius; neque justus praeter te, neque sanctus praeter Deum nostrum.
(1208B)Canticum. Confirmatum est cor.
Ad Benedictus. Antiphona. Benedictio Domini. Canticum. Benedictus es. fol. 6.
Sono. Septies in die. Lauda. Laudate Dominum. fol. CLX. Psal. CXLVIII. Prophetia. Justus si morte praeoccupatus. fol. 53.
Hymnus.
Solemne rutilat ac venerabile
Nunc festum: Populi, pectora pandite:
Coelesti Domino munera solvite,
Et grates pie reddite.
Electus Domini namque discipulus
Matthaeus vocatus nimis et inclytus,
Colendus populis affuit omnibus:
Clarete bene moribus.
(1208C)Hic Christi socius, factus Apostolus,
Dat sancta populis munera litteris;
Et clarus opere floruit aetheris
Ostendens bona meritis.
Clarens officiis iste Deificus
Videtur regiis imperiis Deus
In mundo positus celsus hominibus;
Ut vitam daret omnibus.
Dum membra relevat hic puerilia:
Gubernans dicitur cuncta polifera:
Rex dare illi jubet illico munera
Admirans sibi placita.
Sed Sanctus negat hinc se fore mox Deum,
Seseque intonat omnino servulum
(1208D)Creantis minimum plebis Apostolum
Tenentem quoque saeculum.
Sed coelum aspiciens terrena despicit,
Et celsa resonans infima respuit:
Temnens pestifera, magnifica appetit,
Et Christo rata suggerit.
Pudica cupiens optima praedicat,
Et Christo Domino sic pie mancipat,
Quas illi famulas antea noverat,
Ac vota pia cumulat.
Qui sacerdotio dum bene fungitur,
Mucrone gladii subito feritur,
Ac sanctis populis aethere jungitur,
Et coelo pius inditur.
Hic talis, quaesumus, Conditor inclyte,
(1209A)Adsistat miseris, ac sine crimine
Nos tibi societ aetherea in sede,
Qui cuncta regis inclyte.
Nos ejus meritis facito compares;
Nec non precantibus reddito caelibes:
Ac celsis populis aethere pariles,
Sanctorum quoque compotes.
Te, Christe, celebrent omnia condita
Telluri imposita, maria, et abdita,
Vel cuncta modulis et reboantia
Per cuncta tibi saecula.
Amen.
Supplicatio. Oremus. Capitula. Domine Jesu Christe, qui. Lauda. Diligam eum. Benedictio. Dominus Jesus Christus, ut supra in Vesperis praecedentibus.
DIE XXIV. IN FESTO DECOLLATIONIS SANCTI JOANNIS BAPTISTAE.
(1209B)
Ad Vesperum.
Lauda. Speravit anima mea. fol. CLVI. Sono. Benedic, anima mea, Dominum. Antiphona. Bene nunciavi. fol. CLX. Lauda. Statuit Dominus supra petram pedes. Quaere fol. CLVII.
Hymnus.
Hic Joannes mire natus
De senili viscere
Ante judicem prophetans,
Quam sit index editus,
Praeiit, nascendo, Christum,
Praeiit et mortuum.
(1209C)Hunc thori vino repletus
Sanguine jubet rui:
Quare stuprum cedit audax
Conjugalis criminis;
Sed sacram sumit coronam
Laureatus gloriam.
Hic Dei praecessit unum
Matre natum Filium,
Tempore quo subsequentem
Praeco verax praeit,
Mortis et Praecursor ipse
Morte primus concidit.
Nuntiat Redemptionem,
Esse Christum saeculis:
(1209D)Nuntiat vitale munus,
Esse Christum mortuis;
Quare Christum probra, dixit,
Posse mundi tollere.
[CCXCVIII] Hunc rogemus abditorum
Corda moesta pectorum;
Ut scelus nostrum repellat,
Motus indulgentiam
Conferat, et dona vitae
Cum perenni gaudio.
Arceat iram superni,
Quam pavemus, Judicis;
Provocet Patris benignam,
Quam sitimus, gratiam;
Donet et cunctis beatam
(1210A)Possidere patriam.
Laus tibi per omne tempus,
Trinitas indifferens;
Laus, honor, virtusque summa,
Singularis gloria,
Quae te Deum saeculorum
Personet in saecula.
Amen.
Supplicatio. Oremus redemptorem, ut supra.
Capitula. Domine Jesu Christe, qui beatissimum Joannem Baptistam tuum et martyrem, et tuae nativitatis et tuae mortis praecursorem dignatus es facere: ut fax luminis veritatis lumine ardens, et stuprum verbis conjugalis criminis prohibens, gladio interemptus te moriendo praeiret, quem nascendo (1210B)in carne visus fuerat praecessisse: ut, quem nunciaverat voce, praedicaret et sanguine: dum pro eo, quem in deserto praeconatur, in carcere decollatur; obtentu ejus da in ore nostro tuae dignationis oraculum: da etiam in opere justitiae fructuum utrorumque munere clariores effecti, sicut ille est pro veritate et carcerem perpessus et gladium, ita nos in veritate et carceres aeternos evadamus et tartarum:
Pater noster. Liberati a malo. fol. 2.
Benedictio. Christus Dominus, qui beatissimum Joannem mortis suae voluit praecursorem efficere, praemium se dignetur vestris precibus demonstrare; R\. Amen. Et qui illum permisit pro veritate decollari in carcere, ipse vos in veritate sine fine conservet: (1210C)R\. Amen. Ut sicut ille moriendo praecursor factus est Dominicae mortis, ita vos beate vivendo sequaces sitis unici Redemptoris. R\. Amen.
Per misericordiam ipsius Dei nostri, etc.
Lauda. Diligam eum ex toto corde meo, dicit Dominus. P. Et erit sicut ros Israel, germinabit sicut lilium, et florebit: Alleluia, alleluia. V\. Et erit tamquam lignum, quod plantatum est secus decursus aquarum, quod fructum suum dabit in tempore suo. P. Et erit sicut ros. V\. Gloria, et honor, Patri. P. Et erit sicut ros.
Oratio. Deus Dei Filius, qui cruce tua et salutem regibus donas, et humiles tuos ad victoriam semper armas; tempera jam tandem miseriarum nostrarum aerumnas: ac, ne gladio maligno nostrae feriantur (1210D)cervices, obtentu gloriosi praecursoris tui Joannis Baptistae gladio verbi tui nos reddito efficaces. R\. Amen.
Per misericordiam tuam, Deus noster, etc.
Dominus sit semper. R\. Et cum.
Ad Matutinum.
Antiphona. Labia mea, Domine, aperies. Psalmus L. Oratio. Exultent, Domine, labia. Quaere fol. CLXXX.
Antiphona. Deus, qui das salutem regibus: P. Libera me de gladio maligno, et de manu filiorum alienorum. V\. Eripe me Domine ab homine malo: a viro iniquo libera me. P. Libera me. V\. Gloria, et honor Patri. P. Libera me.
(1211A)Oratio. Deus Dei Filius, qui in cruce tua. Quaere supra in Vesperis.
Antiphona. Educ, Domine, de carcere animam meam ad confitendum nomini tuo: P. Me expectant justi, donec retribuas mihi. V\. Intende ad orationem meam: quia humiliatus sum nimis. P. Me expectant justi. V\. Gloria, et honor. P. Me expectant.
Oratio. Educ, Domine, de carcere animas nostras; qui sputa pro nobis perpessus es et flagella: ut precibus justi hujus Joannis Baptistae et martyris tui ex hoc mundo educti de carcere, triumphos Crucis tuae debita post obitum nostrum tibi praeconia cum Sanctis omnibus praeconemur cum laude assidua. R\. Amen.
(1211B)Per misericordiam tuam, Deus noster.
Antiphona 3. In vita sua fecit mirabilia, et post mortem suam operatus est. P. Multa dejecit a se ignem terrae; et in verbo Domini exultavit. V\. Ecce sic benedicetur homo, qui timet Dominum. P. Multa dejecit. V\. Gloria, et honor. P. Multa dejecit.
[CCXCIX] Oratio. Pretiosa est, Domine, in conspectu tuo mors beatissimi Joannis Baptistae, qui, dum petulantis Principis facinus arguit, justitiam exequendo promeruit in carcere decollari: ut qui haberet vigorem in verbo, non perferret pavorem ex gladio, cum sanguis ejus meretriciae saltationis compensatione taxatus eo tibi pretiosior esset, quo effundi pro justitia meruisset. Concede ergo nobis, ut sanguis illius, qui pro veritate effusus est, pro nobis (1211C)te in supplicatione adire non cesset: voxque illa, quae pro stupri crimine percussit adulterum regem, pro fidelium populorum indulgentia te exorare non cesset. R\. Amen.
Per misericordiam tuam.
R\. Cum essem clausus in vestibulum carceris, factus est sermo Domini ad me, dicens: Eruens liberabo te de gladio, P. Quia fiduciam habuiisti in me, ego salvabo te: V\. Liberabo te de manu pessimorum, et eruam te de manu fortium. P. Quia. V\. Gloria, et honor. P. Quia.
Oratio. Christe Dei Filius, quem Joannes filium hominis, et nascendo praecessit, et moriendo praecucurrit; annue nobis precibus tanti vatis, ut justitiam (1211D)pro qua ille meruit decollari in carcere, nos semper retentemus in opere: ut, sicut ille eam praedicando pro veritate est mortuus, ita nos eam servando in veritate vivamus. R\. Amen.
Per misericordiam tuam.
In Laudibus.
Ad Canticum. Antiphona. Thronum gloriae. Canticum. Confirmatum est cor meum. folio 55.
Oratio. Christe Dei Filius, de quo Joannes, praecursor nativitatis tuae et mortis existens, prophetiae suae vaticinio testatus est, quod te crescere, et illum minui oporteret, cum et Dominus sublimatus sis Cruce, et famulus comminutus sit capite: da nobis, ut ea fide, qua tanta pietatis mysteria veneramur, ea etiam, gaudia patriae coelestis intremus. R\. Amen.
(1212A)Per misericordiam tuam
Ad Benedictus. Antiphona. Benedictio Domini. Canticum. Benedictus es Domine Deus patrum. Quaere fol. 6.
Sono. Benedic anima mea Dominum. Lauda. Laudate Dominum. Psalmus CXLVIII. Prophetia. Justus si morte. Require fol. 53.
Hymnus.
Almi Prophetae progenies pia,
Clarus Parente, nobilior Patre,
Quem matris alvus claudere nescius,
Ortus senili prodiit indice.
Quem virginalis regia gloria
Summi Tonantis nomine pigneris,
(1212B)Gestaret aulae nobilis intimo
Claustro pudoris fertilis integro
Vox suscitavit missa puerporam,
Fovitque vatis gaudia parvuli:
Matres pro tanto munere pigneris,
Mutus locutus nomine filii est.
Scribendus hic est, vocis ut audiat
Nostrae canorem, diraque vincula
Dissolvat ore largo, prophetico,
Verborum habens litteram nominis.
Vox namque Verbi, vox Sapientiae est:
Major Prophetis, sed minor Angelis,
Qui praeparavit corda fidelium,
Stravitque rectas justitiae vias.
Assertor, qui non ope regia,
(1212C)Nec morte dura liquerat tramitem
Veri, ac actus: Non licet, ait, tibi
Uxorem habere Fratris adulteram.
Hinc ira Regis, saevaque funera
Saltationis munere vendita:
Mensas Tyranni, et virginis ebrios
Luxus replevit sanguine sobrio.
Hic vitricus dat dona vesanior,
Quam si venenum pocula traderet:
Negare praestat, quam dare, vitrico
Odisse praestat; plus nocet et hic amor.
Gloria Patri aeterno Domino,
Gloria Christo regi perpetuo,
Qui dominatur cum Sancto Spiritu,
(1212D)Et regnum ejus per omne saeculum.
Amen.
Supplicatio. Oremus Redemptorem, ut supra.
Capitula. Deus, qui beatissimum Joannem multiplicium palmarum floribus coronasti: dedisti enim ei, ut esset Sanctus ante ortum, Propheta post ortum, Baptista in Jordane, Evangelista in solitudine, Martyr morte; da nobis supplicibus servis tuis, ut sicut ille secutus est vestigia Unigeniti filii tui Domini Salvatoris, sic nos vias sequamur Dominici praecursoris: Et, sicut illi donare [CCC] dignatus es, ut pro veritate moreretur, sic nobis tribue, ut in veritate vivamus.
Pater noster. Liberati a malo. fol. 2.
Lauda. Diligam eum ex toto corde meo. folio CLVI.
(1213A)Benedictio. Christus Dominus, qui beatissimum. Quaere in Vesperis praecedentibus.
In exeunte Vespera omnia dicantur, ut in primis Vesperis, exceptis Capitula et Benedictione.
Capitula. Educ, Domine, de carcere animas nostras; qui beatissimum Joannem Herodiano gladio consecrasti: detur per eum nobis poenitentiae optio, qui poenitudinis extitit praedicator: conservet in fide populos, qui arguit de infidelitate superbos: deferat ad te confessionem humilium, qui redargutor factus est contemptorum. Quique nuncius extitit Verbi, gratiam nobis praeroget nunciati, cum ad te nunc proclamemus e terris.
Pater noster. Liberati a malo. fol. 2.
Benedictio. Beatissimus Joannes Baptista, cujus (1213B)caput cruento regi hodie desectum inter pocula allatum est disco, sit pro vobis omnibus apud Deum intercessor; R\. Amen. Idem quoque, qui fraternum prohibens violare connubium, hodie in carcere peregit martyrium, suis vos precibus faciat incentiva superare libidinum: R\. Amen. Ut, sicut idem Domini praecursor factus est mortis, ita vestris intercessor existat praevius pro delictis. R\. Amen.
Per misericordiam.
DIE XXIX. IN FESTO SANCTI MICHAELIS ARCHANGELI.
Ad Vesperum.
Lauda. Laudaverunt te, Domine, omnes Angeli tui, et hymnum dixerunt, dum perficeres fabricam coeli. Tuus est dies, et tua est nox: P. Tu fecisti (1213C)Solem et Lunam. V\. Tu confirmasti in virtute tua mare: contribulasti capita draconum super aquas. P. Tu fecisti.
Dominus sit. R\. Et cum.
Sono. Alleluia. Judicium datum est Sanctis P. In hora sacrificii vespertini. Alleluia, alleluia. V\. Ecce Michael unus principum priorum veniet, ut sanctificentur multi. P. In hora sacrificii.
Dominus sit. R\. Et cum.
Antiphona. Thronus tuus Deus inaestimabilis, et gloria incomprehensibilis: cui adstat omnis exercitus Angelorum cum tremore; P. Cujus adspectus arefacit abyssos, et indignatio facit tabescere montes. V\. Domine Deus noster, quam admirabile est (1213D)nomen tuum in universa terra! P. Cujus adspectus. V\. Gloria, et honor. P. Cujus adspectus.
Dominus sit. R\. Et cum.
Lauda. Alleluia. Spiritus tuus bonus, Deus. P. Deducat nos in viam rectam. Alleluia, alleluia. V\. Ad te Domine levavi animam meam: Deus meus in te confido, non erubescam. P. Deducat nos. V\. Gloria, et honor Patri. P. Deducat nos.
Hymnus.
O coelorum alme Princeps
Michael potissime,
Summi Regis Christi summus
Portitorque rutilus,
Agius nuncupatus Michael,
Quis, ut Dominus?
(1214A)Tu polorum aulae basis,
Tu thronorum civis es:
Dominationum arce tu
Virtutumque praeminens;
Principatuum, Potestatum
Lux coruscans enites.
Cherubim deinde sacro
Tu cluis ignichoro:
Seraphim deinde pollens
Coetu nixus Augusto:
Arcem vehens Legionum
Primus rite Senior.
Tu quaterno seniorum
Ordine cursu viges:
Tu bis duo senatorum
(1214B)Globo quarto flumen es:
Conditoris throno situs
Rite missus adstans
Tu ter terno sacro vultus
Angelorum ordine,
Mille centies urbana
Legionum compage:
Juge carmen Trinitatis
Concrepans ter Agie.
Tu perennis Dei summi
[CCCI] Vultum, pedesque tegis:
Invicem tribusque illis
Innuens adspectibus
Urieli, Gabrieli,
Raphaeli socius.
(1214C)Hincque flantes flavos flammis
Bis ternis volatibus,
Scilicet tegentes summa
Ante mundi exordia:
Immane! peracto fine,
Cuique sunt novissima.
Tu creatus, Creatoris
Obsequens officio;
Humilem praelatus axem
Non linquis fastigio:
Ille dum refuga plectitur
Insolens in tartaro.
Inde tibi summa virtus
Pollet, vigor inclyte
(1214D)Tenebrosis dominari
Turbis daemoniacis,
Judicare censor suis
Zabulum cum angelis.
Tu plebis Judaeae salus,
Coelo missus lator es,
Almo vati jubar ferens
Danieli oraculo:
Fortem, inquit, te bellare
Pro fideli populo.
Inde nos quaesumus, alme
Miles victor inclyte:
Exhibe cunctis renatis
Nunc demum baptismate;
Quae praestabas olim pie
(1215A)Veteri aenigmati.
Tu remove tela lapsa,
Sontes iras daemonum:
Pelle ulcus, arce morbum,
Aufer omne scandalum;
Pax, salus, fidesque fervens
Omnem tegat animum.
Ecce cuncti conglobati
Revoluto temporis
Anno, alleluia Aulae tuae
Dedicatum solvimus;
Sit ratum ut regi Christo
Tu fave, dum vivimus.
Praebe nobis mente caecis
Esse mundos corpore,
(1215B)Ne cadamus coeno molli
Saucii libidine;
Quo surgamus ad salutem,
Tu clementer subleva.
Tempora fave tranquilla,
Auge pacis foedera;
Ensis urbis nostrae fines
Hostilis non dissecet:
Labes ullum, plagae ullum,
Te duce, non trucident.
Discat sexus, omnis aetas
Cassa mundi linquere:
Verum Christi callem clives
Discamus concurrere:
Quo queamus coeli portam
(1215C)Transitum post petere.
Ultimo die, cum ille
Resurgendo fulserit,
Non reorum sorte vincti
Mancipemur tartaro;
Sed urbano lucis loco
Deputemur libero.
Duplex tunc honor, dum Sanctis
Digna merces redditur;
Non indignis mala nobis
Obligent, quae gessimus;
Sed nutandi transferamur
Ex fide sideribus.
Quo tibi precanti, alme
(1215D)Michael fortissime,
Hierusalem gloriosae
Sint enixi carmine;
Ut immenso perfruamur
Rite lucis lumine.
Laudem soli Trino fantes
Numini multimodam;
Spiritus, Patris, et Agni
Mox adepti dexteram,
Gaudeamus, exultemus
Affatim per saecula
Amen.
Supplicatio. Oremus Redemptorem, mutato nomine, fol. CLXXXVII.
Capitula. Domine Deus Pater omnipotens creator (1216A)omnium et conditor elementorum, qui Michaelem tuum praeferre dignatus es agminibus nunciorum, quorum exhibitio tuo obsequium dat imperio, nec tali umquam fatigantur officiorum nomine; sonat ex mysterio, et virtus pollet ex merito; ut cum sint semper spiritus, dum tamen a te mittuntur, et aere corporati Angeli nuncupantur, ut omnium visibus visibiliter pareant; quorum incorporea manet substantia, et cum localiter circunscribantur, indefesse tamen Creatoris conspectu fruantur; concede nobis, quaesumus, obtentu hujus Archangeli et omnium Angelorum consequi veniam delictorum: ut, qui in eorum honore [CCCII] tibi Deo nostro laudem depromimus, aeternae beatitudinis etiam consequamur veniam sempiternam.
(1216B)Pater noster. Liberati a malo. fol. 2.
Benedictio. Christus Dei Filius unici Patris unicum Verbum, cui serviunt militiae Angelorum, gloriari vos faciat de perfectione operum bonorum: R\. Amen. Et, qui Michaelem Archangelum sublimem fecit honore, vos suo faciat flagrare ex amore: R\. Amen. Et, qui illum fideli populo censuit defensorem, vestrarum precum illum semper faciat promptiorem. R\. Amen
Per misericordiam ipsius.
Lauda. Dominus de coelo paravit sedem suam Alleluia: P. Et regnum ejus omnium dominabitur. Alleluia. P. Benedicite Dominum omnes Angeli ejus. Alleluia, alleluia, alleluia. V\. Benedicite Angeli Domini Domino: benedicite coeli Domino. P. Et regnum. V\. (1216C)Gloria, et honor Patri. P. Benedicite Dominum.
Oratio. O! Michael princeps exercitus Angelorum, veni, quaesumus, ad liberandas animas fidelium populorum: ut et justitiam obtinendo in bonis semper fructificent, et injusti ad poenitentiam conversi veniam non desperent accipere. Sicque nos invicem provocemus in melius, ut praemium consequi mereamur aeternum. R\. Amen.
Per.
In nomine.
Ad Matutinum.
Antiphona. Da nobis laetitiam salutaris. Psalmus L. Oratio. Redde nobis, Domine, laetitiam. folio CLXIII.
Antiphona 1. Vidi Angelum volantem per medium coelum, habentem Evangelium aeternum, et dicentem: (1216D)P. Timete Dominum Deum nostrum, et date illi gloriam, et honorem, V\. Qui statis in domo Domini, in atriis domus Dei nostri. P. Timete Dominum. V\. Gloria, et honor. P. Timete Dominum.
Oratio. O! Michael princeps. Quaere in Vesperis praecedentibus.
Antiphona 2. Ego Jesus mitto Angelum meum, testificari hominibus. P. Ecce venio cito, et merces mea mecum est, sanare languores populi mei. V\. Audite haec omnes gentes: auribus percipite, qui habitatis orbem. P. Ecce venio cito. V\. Gloria, et honor. P. Ecce venio cito.
Oratio. Mitte nobis, Deus clemens, Michaelem coelestis militiae principem, ut nos de manu inimicorum (1217A)nostrorum liberet, et tibi Domino Deo nostro illaesos praesentet; et ipsum semper in adjutorium habeamus, quem in tuo munere sublimatum agnoscimus: ut ejus suffragio resistendo vitiis, floreamus virtutibus, et deposito piaculorum elogio conscriptos nos in perpetuum liber vitae aeternae contineat. R\. Amen.
Per misericordiam tuam, Deus noster, etc.
Antiphona 3. Positi sunt throni, et antiquus dierum sedebit: vestitum ejus sublime: P. Et thronus ejus flamma ignis: millia millium serviebant ei, et decies centena millia assistebant ei. V\. Omnes gentes plaudite manibus: jubilate Deo in voce exultationis. P. Et thronus ejus. V\. Gloria, et honor Patri. P. Et thronus.
Oratio. Domine Deus omnipotens, qui Angelos (1217B)tuos, spiritus facis; et ministros tuos, flammam ignis: accende in nobis, quaesumus, ignem illum charitatis tuae, quem sacri oris alloquio mittendum dignatus es polliceri: et sic in nos ardeat fide et opere; ut, desectis vitiis, polorum civibus faciat sociari. R\. Amen.
Per misericordiam.
R\. Dominus de Sina veniet: descendet super montem Pharan, et apparebit ab oriente: solus ante illum vadit Angelorum exercitus, et cum eo sanctorum millia. P. Legem in dextera portans, ut accipiant omnes de doctrina ipsius: ipse thalamo suo, ut sponsus procedens, cujus benedictione omnis terra fructificat. V\. Exultavit ut gigas ad currendam viam, a summo coelo. P. Legem in dextera. V\. Gloria, (1217C)et honor Patri. P. Legem in dextera.
Oratio. Tuam, clementissime Pater, supplices exoramus clementiam, ut hodierna solemnia, quae pro beatissimi Archangeli tui Michaelis veneratione suscepimus, ipse tibi commendes: et, sicut illi coronam sanctae perfectionis tribuisti, ita nobis ejus intercessione omnium delictorum veniam et indulgentiam largiaris. R\. Amen.
Per misericordiam tuam.
[CCCIII] In Laudibus.
Ad Canticum. Antiphona. Apparuit de monte Pharam Dominus, et cum eo sanctorum millia.
Canticum. Dominus de Sina veniet. Oratio. Venisse te Dominum. Quaere fol. CLXVII.
Ad Benedictus. Antiphona. Benedicimus te, Domine, (1217D)qui sedes super Cherubim rex Israel.
Canticum. Benedictus es Domine Deus, fol. 6.
Sono. In conspectu Angelorum psallam tibi, Domine Alleluia: V\. Adorabo ad templum sanctum tuum, et confitebor tibi, Domine. Alleluia.
Lauda. Laudate Dominum de coelis Alleluia: laudate eum in excelsis Alleluia. Psalmus CXLVIII.
Lectio libri Danielis Prophetae (Cap. X).
R\. Deo gratias.
In illis diebus: Anno tertio Cyri regis Persarum, verbum revelatum est Danieli cognomento Balthasar, et verum verbum, et fortitudo magna: intellexitque sermonem: intelligentia enim est opus in visione. In diebus illis ego Daniel lugebam trium (1218A)hebdomadarum dies, panem desiderabilem non comedi, et caro et vinum non introierunt in os meum, sed nec unguento unctus sum; donec complerentur trium hebdomadarum dies. Die autem vicessima et quarta mensis primi, eram juxta fluvium magnum, qui est Tigris. Et levavi oculos meos, et vidi: et ecce virum vestitum lineis, et renes ejus accincti auro obrizo: et lumbi ejus accincti colore opham, et corpus ejus quasi crysolithus, et facies ejus velut species fulguris, et oculi ejus ut lampas ardens: et brachia ejus, et quae erant deorsum usque ad pedes, quasi species aeris candentis: et vox sermonum ejus ut vox multitudinis. Vidi autem ego Daniel solus visionem: porro viri, qui erant mecum, non viderunt: sed terror nimius irruit super eos, et fugierunt (1218B)in abscondito. Ego autem relictus solus vidi visionem grandem hanc: et non remansit in me fortitudo, sed et species mea immutata est in me, et emarcui, nec habui quicquam virium. Et audivi vocem sermonum ejus: et audiens jacebam consternatus super faciem meam, vultusque meus haerebat terrae. Et ecce manus tetigit me, et erexit me super genua mea, et super articulos manuum mearum. Et dixit ad me: Daniel vir desideriorum, intellige verba mea, quae loquor ad te, et sta in gradu tuo: nunc ergo missus sum ad te. Cumque dixisset mihi sermonem istum, steti tremens. Et ait ad me: Noli timere Daniel: quia ex die primo, quo posuisti cor tuum ad intelligendum ut te affligeres in conspectu Domini Dei tui, exaudita sunt verba tua: et ego (1218C)veni propter sermones tuos. Princeps autem regni Persarum restitit mihi viginti et uno diebus: et ecce Michael unus de principibus primis venit in adjutorium meum, et ego remansi ibi juxta regem Persarum: veni ut docerem te, quae ventura sunt populo tuo in novissimis diebus, quoniam adhuc visione indiges. Cumque loqueretur mihi hujuscemodi verbis, dejeci vultum meum in terra, et tacui. Et ecce quasi similitudo filii hominis tetigit labia mea: et aperuit os meum, et locutus sum, et dixi ad eum qui stabat contra me: Domine mi, in visione tua dissolutae sunt compages meae, et nihil in me remansit virium. Et quomodo potest servus Domini mei loqui cum Domino meo? nihil in me remansit virium, sed halitus meus intercluditur. Rursum ergo (1218D)tetigit me quasi visio hominis, et confortavit me, et dixit: Noli timere vir desideriorum: pax tibi: confortare, et esto robustus. Cumque loqueretur mecum, convalui, et dixi: Loquere Domine mi, quia confortasti me. Et ait: Numquid scis quare venerim ad te? et nunc revertar ut praelier adversus principem Persarum: cum enim egrederer, apparuit princeps Graecorum veniens. Verumtamen annunciabo tibi quod expressum est in scriptura veritatis: et nemo est adjutor meus in omnibus his, nisi Michael princeps vester (Cap. XI). Ego autem ab anno primo Darii Medi stabam ut confortaretur et roboraretur. Et nunc veritatem annucio tibi (Cap. XII). In tempore autem illo consurget Michael princeps (1219A)magnus, qui stat pro filiis populi tui: et veniet tempus quale numquam fuit ab eo quo gentes esse coeperunt usque ad tempus illud. Et in tempore illo salvabitur populus tuus, omnis qui inventus fuerit in libro scriptus. Et multi de his qui dormierunt in terrae pulvere, evigilabunt: alii in vitam aeternam; alii opprobrium ut videant semper. Qui autem docti fuerint, fulgebunt quasi splendor firmamenti: et qui ad justitiam [CCCIV] erudiunt multos, quasi stellae in perpetuas aeternitates. Tu autem Daniel claude sermonem, et signa librum usque ad tempus statutum: pertransibunt plurimi, et multiplex erit scientia. Et vidi ego Daniel, et ecce quasi duo albi stabant, unus hinc super ripam fluminis, et alius inde ex altera ripa fluminis. Et dixi viro, qui indutus (1219B)erat lineis, qui stabat super aquas fluminis: Usquequo finis horum mirabilium? Et audivi virum, qui indutus erat lineis, qui stabat super aquas fluminis, cum levasset dexteram et sinistram suam in coelum, et jurasset per viventem in aeternum, quia in tempus temporum, et dimidium temporis. Et cum completa fuerit dispersio manus populi, complebuntur universa haec. Et ego audivi, et non intellexi. Et dixi: Domine mi, quid erit post haec? et ait: Vade Daniel, usque ad tempus praefinitum. Eligentur, et dealbabuntur, et quasi ignis probabuntur multi: et impie agent impii, neque intelligent omnes impii, porro docti intelligent. Et a tempore cum ablatum fuerit juge sacrificium, et posita fuerit abominatio in desolationem, dies mille ducenti nonaginta. Beatus, (1219C)qui expectat, et pervenit usque ad dies mille trecentos et triginta et quinque. Tu autem vade ad praefinitum: et requiesces, et stabis in sorte tua in fine dierum. R\. Amen.
Hymnus.
Prompta cuncta Catholicae
Plebs alumnae gloriae,
Vota simul exhibete,
Et crimina pandite;
Ut cunctorum auctor clemens
Cunctis praestet praestita.
Michael etenim ille
Sublimatus nomine,
Aulae coeli conspicuus
Amori, summi Dei
(1219D)Princeps Angelorum factus,
Celsusque vocabulo.
Cujus nomen ex virtute,
Et opus ex munere
Ab Omnipotentis manu
Obtinuit servandum;
Ut in Deo glorietur
Cum sociis consortibus.
Summus Domini est iste
Magnus factus nuncius,
Qui tetrum illum horrendum
Refugumque angelum,
Debellando praecipitem
Demersit in erebo.
(1220A)Iste semper est protector,
Et defensor omnium:
Ut cunctotum postulata
Regi Deo offerat;
Et ab illo destinatam
Plebi praestet gratiam.
Magna siquidem est ista
Dei festivitas,
Hujus almi Archangeli
Michaelis Nuncii;
Quam nos celebrare oportet
Suscipereque devote;
Ut ex ejus impetratu
Mereamur omnium
Obtinere apud Deum
(1220B)Veniam peccaminum:
Et beatae vitae regno
Perfrui post transitum.
Laus tibi per omne tempus
Trinitas indifferens:
Una Patri, Filioque,
Inclyto Paraclito;
Cujus laus, et potestas
Per aeterna saecula.
Amen.
Supplicatio. Oremus Redemptorem, ut supra.
Capitula. O lux luminis, splendor inenarrabilis, Christe Deus, sapientia, virtus, et gloria Patris, qui in hoc mundo visibus omnium apparuisti in carne sidus salutis, et debellato principe tenebrarum, ad (1220C)superos remeasti Verbum caro factum; praebe nobis supplicibus tuis in hujus saeculi obscuritate splendoris tui profusissimam claritatem: constitue nobis patronum vel defensorem summum Angelum Michaelem, qui introitum nostrum, exitumque custodiat, et in dexterae tuae partem nos coronaturus admittas.
Pater noster. Liberati a malo. fol. 2.
Lauda. Dominus in coelo.
Benedictio. Christus Dei Filius. Quaere in Vesperis praecedentibus.
DIE XXX. IN FESTO SANCTI HIERONYMI PRESBYTERI.
Omnia dicantur unius Confessoris non Pontificis, CLXXIII, excepto
Hymno.
(1220D)
Christus est virtus, Patris sapientia
Cunctis, quos replet spirituali gratia.
[CCCV] Ut possint probe dirigere normulam,
Et proximorum inlustrare opaca:
Ut digne queant frui coelestibus.
Ipsius dono perflatus egregius
Olim hic vates nomine Hieronymus,
Omnibus notus doctrinarum fontibus,
Cunctos inrigans ex almis dogmatibus;
Ut sol resplendet in ortu ignicomus.
Hic procul cuncta saeculi negotia
Percalcans pede, velut spurcissima
Indecorosa, respuitque saecula
(1221A)Alens inopum egenaque viscera,
Sibi aeterna adquirens stipendia.
Sic quoque vitam appetit monasticam,
Et sese valde stringit a regula;
Parentes, domos, emittens, et patriam,
Bethlehem invenit rura beatissima,
In qua peregit consummata opera.
Dum esset fervens calensque ingenio,
Gentiliumque summo cum studio
Pro elegante lepore prosatico,
Opusculum animo reconderet,
Tali meretur corrigi oraculo.
Nam ecce morbus invadit corpusculum
Jamque reclinis dolore in lectulo
Ex more quippe funerum vulgarium
(1221B)Obsequiorum tantum ut spiritum
Redderet polo, et membra tumulo
Reconderentur repente: sed concito
Alta penetrans ducitur in spiritu,
Sistitur nempe Principi aethereo,
Procul adstabant milliarum legio
Exercitantum illi absque numero:
Mox tonans verba feriendo conquerit:
Christique servum mox ut esse comperit,
Non ita verbis, ut testatur, asserit:
Cordis thesaurum judicando aperit,
Tullianumque veraciter protulit.
Verbera jubet per membra inducere:
Corpori densa flagella ingerere:
(1221C)Propere lingua ululato gemere
Coepit testari: Si umquam hunc legere
Ausus fuero, te negavi, Domine.
Tunc Angelorum adstantium millia
Supplici prece flexa orant genua;
Ut illi quaeque donaretur venia:
Sicque reversus dissecata corpora
Cunctis ostendit, ut gesta veracia
Hoc probarentur; non falsa somnifera,
De quibus saepe inludimur improba:
Sicque correctus a Divina gloria
Ambit praecelsa coeleste Deifica;
Nec sibi affectat ultra mundialia.
Tanto doctrinae fulget ex hinc lumine:
Tanto corusco jubar pollet, floride
Instructu ut suo rutilet insplendide
(1221D)Plebs Christi, quae est redempta sanguine,
Ipsius dono refice nos Agie.
Tu noster splendor, tu nobisque destina,
Per te clarescit ubique Ecclesia:
Tu praeliator in fide catholica,
Aries ingens fortis es in dogmata
Haereticorum destruens maceriam.
Te invidorum insequitur actio,
Te criminatorum stultorum factio,
Tibique cedit falsa commentatio,
Minime valens lubrica intentio,
Frivola, quia revertitur in nihilo.
Tibi resistens probatur haereticus,
Moxque rejectus leputatur inscius:
(1222A)Annuens tibi quisquis hic Catholicus
Noscitur fore confestim in actibus
Idoneus, probus, doctrinisque profluus.
Tutare plebem hanc sanctis suffragiis,
Corda perlustra ex coelicis donis,
Et solidata in pacis dogmatibus
Floreant verbo: foecundi in fructibus
Adsistant cunctis in supernis sedibus.
Praesta tu, Pater Deus clementissime,
Unus cum Prole simul cum Sancto
Spiritu; qui cuncta gubernas imperio
Jugiter, semper, per aevi spatium,
Per infinita saeculorum saecula.
Amen.
FESTA OCTOBRIS, DIE I. IN SANCTORUM VERISSIMI, MAXIMAE ET JULIAE.
(1222B)
Omnia dicantur ut in Communi plurimorum Martyrum, excepto Hymno, qui est iste: Jucundum nobis nunc diem. fol. CIV.
DIE XVIII. IN FESTO SANCTI LUCAE EVANGELISTAE
Ad Vesperum.
Lauda. Confessionem et decorem. Sono. Confitebor tibi. Lauda. Confitebor. Quaere folio CLXIX.
Hymnus.
En Evangelistae adest
Festum Lucae, Domine,
[CCCVI] Quem a saeculo sublimasti,
(1222C)Pauli nam Apostoli
Medicus sistit coelestis
Spiritui vel corpori.
Hic dies canendus dignus
Musicis sic placidis,
Quem debemus celebrare
Intimis fortissimis;
Ut a Christo eruamur
Pessimis periculis:
Iste virgo extitisse
Junctus nam caelibibus
Sine crimine servivit
Domino in omnibus:
Sic a Deo diadema
Accipit felicius.
(1222D)Sancto Spiritu instigante
In Achajae partibus
Evangelium descripsit
Plebibus fidelibus,
Quod didicit a Paulo
Vel Missum optimis in manibus.
Posteaquam namque exaravit
Actus Apostolicos;
Nam in civitate Romae
Ad docendos populos
Per quem et perfecit almos
Placidos Catholicos.
Hic civis Antiochenus
Lucas arte medicus;
(1223A)Rursus et alumnus Doctor
Gregis; nam sermonibus
Atris dedit sospitatem
Membris et spiritibus.
Septemdenis annis vixit,
Bis duo in arida,
Sancto Spirituque plenus
Obiit et in Bithynia,
Post impleta Christi jussa
Possidet coelestia.
Unde te precamur, Christe
Auctor fidelissime;
Ut per ejus impetratum
Careamus crimine;
Et per illum te fruamur
(1223B)Firma beatitudine.
Sit per ejus interventum
Vera infidelium fides,
Fideique firma veritas
Credentium polleat,
Nihil mali arbitrantes
In suorum cordibus.
Sit terrae suae pax,
Moribus temperies;
Duplicentur agri messes
Centum quoque septies;
Sit Catholicis defunctis
Sempiterna gloria.
Amen.
Supplicatio. Oremus, mutato nomine. folio CLXXXVII.
(1223C)Capitula. Beatum satis, Domine, Confessorem tuum Lucam Evangelistam esse fecisti: qui in toto corde suo tibi confessus in concilio Justorum et congregatione probatur esse conspicuus: Da ergo nobis meritis ejus; ut confessione simplici oris mundati a crimine, Sanctorum mereamur et congregationi coelesti interesse.
Pater noster. Liberati a malo. fol. 2.
Benedictio. Dominus Jesus Christus, qui est confessorum remuneratio, confessoris sui Lucae Evangelistae suffragio vos sanctae confessionis munificet dono. R\. Amen. Detque vobis se confitendi votum, qui eidem confessionis contulit praemium; R\. Amen. Ut tanti confessoris sui Lucae Evangelistae veraciter imitando exemplum, ad coeleste mereamur pervenire (1223D)promissum. R\. Amen.
Per.
Lauda. Germinabunt. fol. CLXX.
Oratio. Deus, qui confessorem tuum Lucam Evangelistam in saecula saeculorum gaudere et exultare fecisti; ut tibi soli sine fine psallens laudi deferat hymnum, cujus ex confessione meruit obtinere electorum consortium: te devotis cordibus poscimus, ut meritis ejus vita nostra refloreat, et a malis actibus emendata nitescat: ut, qui jam merentur pro criminibus poenam, pro confessione et cultu fidei Christianae futuram mereantur pervenire ad gloriam. R\. Amen.
Per.
Ad Matutinum
(1224A)
Antiphona. Labia mea. Psalmus L. Oratio. Laudet te, Domine. fol. CLXX. Antiphona Caro mea. fol. CLXX. Oratio. Deus, qui confessorem, hic supra.
Antiphona 2. Facies tua tamquam aqua munda illuminabitur; P. Vultus autem tuus sicut lucifer orietur a meridiana parte: germinabit tibi vita V\. Per diem Sol non uret te: neque Luna per noctem. P. Vultus. V\. Gloria, et honor. P. Vultus.
[CCCVII] Oratio. Deus Dei Filius, quem Lucas Evangelista Antistes toto corde confessus, nomen tuum honorificando perductus est ad coronam; da in ore nostro confessionem, quae expurget a crimine: ut, quicquid in tuae laudis honore depromimus, in lucro prodesse aeterni muneris sentiamus. (1224B)R\. Amen.
Per.
Antiphona 3. Custodisti corpus meum ab omni pollutione. P. Odor tuus, Domine, concupiscentias in me excitavit aeternas. V\. Notas mihi fecisti vias vitae, adimplebis me laetitia cum vultu tuo: delectationes in dextera tua usque in finem. P. Odor tuus. V\. Gloria, et honor. P. Odor tuus.
Oratio. Deus, qui beatissimi Lucae Evangelistae confessionem acceptans, ita omnia verba oris ejus plenissima exaudisti, ut participem efficeres regni tui, quo in conspectu Angelorum psalleret tibi; accipe nunc per eum confessionis nostrae votum, qui illum perduxisti ad praemium: et, qui illum confessorem voluisti esse beatum, nos post lapsus, quibus (1224C)in hoc mundo decidimus, ad aeternam coronandos pertrahas Patriam. R\. Amen.
Per.
Responsorium. Iste homo. fol. CLXXVI.
Oratio. Mirabilis in Sanctis tuis Domine virtutum, exaudi supplices tuos; et peccatoribus nobis beatissimi confessoris tui Lucae Evangelistae patrocinia largire, et charitatis perpetuae ubertatem attribue: Illeque coronam virtutis ut meruit; et nos ejus suffragiis, te donante, veniam criminum et pacem perpetuae charitatis consequi mereamur. R\. Amen.
Per.
In Laudibus.
Ad Canticum. Antiphona. Confitebor tibi. Canticum. (1224D)Confitebor. Ad Benedictus. Antiphona. Benedictio. Canticum. Benedictus es. Sono. In conspectu. Lauda. Laudate. Psalmus CXLVIII. Prophetia. Haec dicit Dominus. fol. CLXXII. Hymnus. En Evangelistae adest. Supplicatio. Oremus. In Vesperis praecedentibus.
Capitula. Deus, quem fidelium linguae confitendo conlaudant, et confessorum devotio copiose exaltat; praebe nobis obtentu confessoris tui Lucae Evangelistae obtinere quae poscimus, et evadere quae timemus: Deus enim noster es tu, et confitebimur tibi; te quoque Deum in nostris cordibus exaltemus devoti. Fac nos ergo tibi indesinenter et opere simul et verbo haerere, qui nos fecisti veritatem fidei Christianae cognoscere:
Pater noster. Liberati a malo. fol. 2
(1225A)Lauda. Germinabunt. Benedictio. Dominus Jesus Christus. In Vesperis praecedentibus.
DIE XIX. IN FESTO SANCTORUM FAUSTI, JANUARII ET MARTIALIS, MARTYRUM.
Ad Vesperum.
Lauda. Exortum. Fol. CLXII.
Sono. Dum succenderetur fornax, praeparati sunt Ananias, Azarias, et Misael ad comburendum: et ingressi in ignem sic satiabantur ardore flammae: Angelus enim Dei stetit in medio, vento roris flante: intelligite, arguite. V\. Tunc pueri laetantes canebant: P. Deus omnipotens terribilis metuendus in saeculum. Amen. Alleluia. V\. Tres pueri jussu regis in fornacem missi sunt: non verentes flammas ignis (1225B)tamquam ex uno ore canebant: P. Deus omnipotens.
Dominus sit. R\. Et cum.
Antiphona. Ut aurum igni probati sunt sancti, P. Et quasi hostia holocausti, accepti sunt in conspectu Dei sui. V\. Justi vero hereditate possidebunt terram: et inhabitabunt in saeculum saeculi super eam. P. Et quasi. V\. Gloria, et honor. P. Et quasi.
Dominus sit. R\. Et cum.
Lauda. Columnam ignis ducem habuerunt itineris Alleluia, P. Per quam ostendit Deus lucem eis Alleluia, alleluia. V\. Misit verbum suum, [CCCVIII] et sanavit eos: et eripuit eos de interitu eorum. P. Per quam. V\. Gloria, et honor. P. Per quam.
Hymnus.
(1225C)
Gaudet caterva nobilis
Dei repleta gratia:
Trium sanctorum Martyrum
Praeclara est solemnitas.
Templum Beata Trinitas
Perenne condidit sibi;
Ex quo novum depromitur
Dulcissimumque canticum.
Hi tres viri concorditer
Ad passionem veniunt:
In Trinitatis nomine
Hostem vicerunt pessimum.
Faustus benignus primus est,
Affatur: Hujus temporis
(1225D)Condigna non est passio
Fratres, futuram ad gloriam.
Beatus Januarius,
Aperta, inquit, anua
Est nobis, jam gaudio
Coelo fruamur optimo.
En Martialis pervehit
Ascensus almis omnibus
Sanctis Dei ad gloriam
Gaudet laetus consortio.
Tunc Martialis orsus est:
Propter aeternam gloriam
Debemus temnere idola,
Et Judicis saevitiam.
Mox Praeses coepit fremere.
(1226A)Dentes, nares, auriculae
Labra, sed supercilia
Sanctis jussit abscindere.
Inquiunt almi Martyres:
Judex inique et pessime,
Servos Dei cur afficis?
Cur falsos deos suscipis?
Furore tunc Tyrannus
Accensus; inquit: Mittite
In igne istos; monita
Qui nostra audent temnere.
Judex inique et pessime,
Servos Dei cur afficis?
Cur vana profanus colis
Deosque falsos suscipis?
(1226B)Intrant beati Martyres
Laeti caminum; concinunt
Hymnum Deo, et canticum
Novum piis concentibus.
Abjecta carnis sarcina,
Mittunt in Astris spiritum:
Christum vident, quem diligunt.
Sancti Dei cum Angelis.
Orate, Sancti, ad Deum;
Repellat cito ut mala,
Et conferat nobis bona,
Donetque pacem congruam.
Precamur, almi Martyres,
Per Unum et Trinum Deum;
Dirum ut jugum ocius,
(1226C)Quod sustinemus, auferat.
Clemens Deus propitius
Solatium viventibus,
Et mortuis fidelibus
Loca amoena conferat.
Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
Supplicatio. Oremus, mutatis nominibus, fol. CLXXXVII.
Capitula. Christe Dei Filius Sanctorum gloria et vera Martyrum beatitudo remuneratioque sempiterna; (1226D)fidelium tuorum alacriter ad memoriam Martyrum tuorum concurrentium suscipe vota, a pressuris releva; et a totius vitae incommodis atque aerumnis, quibus plebs tua affligitur, benignus suspende flagella. Et, qui olim tribus in camino positis mediator existens, ne comburerentur, visibilem extinxisti flammam; nunc intervenientibus Sanctis tuis exurentium nos extingue incendia. Faustus precibus suis faveat miseris et oppressis: Januarius ducator egregius aperiat nobis januam viae coelestis: Martialis obtineat meritis, quicquid plebs alumna mente devota sibi fieri exoptat pro delictis: ut utrorumque salvati suffragio, et praesenti careamus aerumna, et post, caelibes effecti, aeternam perducamur ad patriam.
(1227A)Pater noster. Liberati a malo. fol. 2.
Benedictio. Trinitatis almae ineffabile mysterium arceat a vobis inlatae cladis dispendium. R\. Amen. Faustus ardentia vota vestra in conspectu Domini deferat, vestrisque desideriis sit optimus suffragator. R\. Amen. Januarius holocausti vestri suscipiat libamina, et suis precibus ab omni criminum vos abstergat labe: R\. Amen. Martialis quoque vestra suspiria Spiritui commendet, et medelam, quam ab eo exposcitis, quantocius [CCCIX] impetret. R\. Amen.
Per misericordiam.
Lauda. Gaudium sempiternum. fol. CLXVIII.
Oratio. Laetifica, Domine, populum tuum in hac celebritate beatissimorum Fausti, Januarii et Martialis: (1227B)ut, qui de nostris peccatis contristamur, corum orationibus consolemur. R\. Amen.
Per.
Ad Matutinum.
Antiphona. Da nobis. Psalmus L. Oratio. Redde nobis. Quaere fol. CLXIII. Antiphona 1. Sanctis tuis, Domine. folio CLXVI.
Oratio. Magna est, Domine, Sanctis tuis lux; dum te in nocte hujus saeculi ignem ardentem columnam habere merentur, qua et illuminantur quid faciant, et adjuvantur, ut intellecta perficiant. Praesta ergo nobis obtentu Martyrum tuorum; ut in luminis tui ducatu tenebrosum saeculi iter agentes, ad aethereas mansiones perveniamus felices. R\. Amen.
Per.
(1227C)Antiphona 2. Quanta malignatus. fol. CLXVI. Oratio. Laetifica, Domine, ut supra in Vesperis. Antiphona 3. Sancti tui. fol. CLXVI.
Oratio. Domine Jesu Christe, cujus potentia Sancti Martyres tui rotantem ignis impetum extinxerunt, et justitiam operati sunt: peccatoribus nobis favorem tuae pietatis imperti: ut per fidem, qua Sancti vicerunt regna, peccatores coelestem mereamur obtinere coronam. R\. Amen.
Per.
Responsorium. Haec dicit Dominus. folio CLXXXIX.
Oratio. Domine Jesu Christe, qui Sanctos tuos in medio ignis flammae coronandos adsumis, quos viriliter per te certantes martyrium peregisse cognoscis; (1227D)erue vitam nostram a camino facinorum, et visita nos conlationibus gratiarum; ut cum his tribus Martyribus mereamur habere in coelestibus partem, quibus non passione sed fide dignoscimur consortes existere. R\. Amen.
Per.
Antiphona. Anania, Azaria, et Misael, servi Dei excelsi, P. Magnus est Dominus, qui de igne liberavit vos. V\. Confitemini Domino, et invocate nomen ejus: annunciate inter gentes opera ejus. P. Magnus. V\. Gloria, et honor. P. Magnus.
Oratio. Anania, Azaria, et Misael, tres illi pueri Babylonico igne probati magnam spem istis, Domine, Martyribus praebuerunt, quibus exemplum praebuit eorum veneranda victoria. Illis quidem ignis aufugit, (1228A)ne morerentur; in istis admissus est, ut coronarentur: dum et in illis ne dum tempore passionis apto poenalis ignis non potuit corpora sacrata contingere; et in istis, tempore accepto, quo Christo moriente via paradisi aperta consisteret, adplicita igni tunc corpora extingueret, quando jam Beatis aperta paradisi janua esset. Benedicimus ergo te Deum, qui et illos liberasti a flammis: qui et pro liberandis illis ignes adspargis; et pro adsumendis istis ignes admittis. Da ergo nobis utrorumque exemplis atque suffragiis, ut sic liberemur a vitiorum carnalium igne; ut ignis eloquiorum tuorum concremati dulcedine ad te mereamur pervenire in pace. R\. Amen.
Per.
Antiphona. Tres pueri. fol. CC.
(1228B)Oratio. Ecce, ad instar trium illorum Puerorum, hi quoque Martyres tui in igne saeculi positi, et in camino pro tuo nomine constituti simili te, Domine, devotionis more conlaudant; et illi quidem, timentes te Dominum, canticum tibi concinunt gloriae, qui erueras eos de medio ardentis flammae: hi vero, non ut ab igne non contingantur, concinentes laudis offerunt preces; sed ut ad te per ignis supplicia coronentur, hymnum tibi deferunt conscientiae libertate: Da ergo nobis, ut cursum vitae nostrae in pace ducentes, et ab ardoribus libidinum liberi, et a futuris mereamur suppliciis liberari. R\. Amen.
Per.
Antiphona. Ignem. fol. CCI.
Oratio. Ignis, qui Sanctis tuis, Domine, a persequentibus (1228C)non solum minatus sed et praeparatus est ad comburendum, mirabile illis adtulit vincendi compendium: dum ipsa acceleratio poenae citatim eos dirigit ad consummationem victoriae; et per hoc, quod cito flammis adusti sunt, per hoc quantocius gradum coronae scandere promerentur: Quaesumus ergo, ut meritis Martyrum tuorum futurus ille ignis impio um cruciatibus praeparatus in nullo nos adtingere audeat, sed [CCCX] Deitatis tuae ex illo potentia liberati sceptrum mereamur coelestis percipere regni. R\. Amen.
Per misericordiam.
Responsorium. Probasti nos, Deus. folio CCII.
Oratio. Deus, qui probatione solita pietatis probari sanctos tuos voluisti Faustum, Januarium, Martialem (1228D)in terris: nec plus eos tentari permitteres, quam, quod in eis donum tolerantiae adesse conlatum tuo munere, perspicis; erue nos ab omni tentatione, ne nostram possit obruere mentem: ut placito tibi famulatu fideliter servientes, sic nos tentari permittas, ut tentatio ipsa non nos in confusione erroris, sed valenter in amplexum adstringat veritatis. R\. Amen.
Per misericordiam.
In Laudibus.
Ad Canticum. Antiphona. Diligentes te, Domine. Canticum. Qui sponte obtulistis. fol. CLXIII. Ad Benedictus. Antiphona. Tres pueri jussu regis. folio CCIII. Canticum. Benedictus es Domine. Sono. Dum (1229A)succenderetur. Quaere in Vesperis praecedentibus. Lauda. Laudate Dominum. Psalmus CXLVIII. Prophetia. Passi sunt. fol. CCIII. Hymnus. Mysticum melos persolvat. folio. CIV. Supplicatio. Oremus, ut supra.
Capitula. Deus lumen aeternum, lucerna inextinguibilis, et lux veritatis, qui beatissimos martyres tuos Faustum, Januarium, Martialem ita inradiare dignatus es, ut saevientium impiorum minas nullomodo formidarent; sed ad te unum et verum Deum, qui eos ante saecula praedestinare dignatus es, potius properarent: Concede nobis indignis et peccatoribus famulis tuis; ut, quorum festa alacres ovantesque veneramur, eorum consortium consequi mereamur.
Pater noster. Liberati a malo. fol. 2.
Lauda. Columnam ignis. fol. CXCIX. Benedictio, ut (1229B)supra in Vesperis.
In exeunte Vespera omnia dicantur, ut in primis Vesperis, exceptis Capitula, Benedictione et Lauda.
Capitula. Deus, qui ad supplementum legis et Prophetarum unicum tuum Dominum nostrum Jesum Christum in hujus saeculi Vespera destinare dignatus es, ut ambulantibus in tenebris et in umbra mortis tuae lucis aeternae iter ostenderet, et perpetuae mortis tenebras aperiret; praesta nobis, ut in hac festivitate sanctorum tuorum Fausti, Januarii et Martialis, ita eorum intercessu gressus nostri firmi permaneant, ut a tuis semitis non recedant.
Pater noster. Liberati a malo. fol. 2.
Benedictio. Obtentu martyrum suorum Fausti, Januarii et Martialis, benedictio Domini vos comitetur (1229C)in terris, quae illos provehit ad coelos: R\. Amen. Trinitas sancta, quae in illis fuit usque in finem, vobiscum permaneat in aeternum; R\. Amen. Ut, sicut illi per justitiam certati sunt usque ad mortem, ita vos eorum sequendo vestigia liberi properetis ad coelestia regna. R\. Amen.
Per misericordiam.
Lauda. Gaudium sempiternum. fol. CLXVIII. Oratio. Laetifica, Domine, ut in primis Vesperis.
DIE XXI. IN FESTIVITATE SANCTORUM COSMAE ET DAMIANI MARTYRUM.
Ad Vesperum.
Lauda. Exortum est. Sono. Justorum animae. fol. (1229D)CLXII.
Antiphona. Dabo sanctis meis regnum in Hierusalem: lignum enim vitae in odorem unguenti: P. Et non laborabunt; neque fatigabuntur. V\. Qui confidunt in Domino, sicut mons Sion: non commovebuntur in aeternum, qui habitant in Hierusalem. P. Et non. V\. Gloria, et honor. P. Et non.
Lauda. Respexit eos. fol. CLXV.
Hymnus.
Plebs Deo dicata, pollens
Et caterva multiplex,
Coetus, et conventus omnis,
Temtus orbis ambitu
[CCCXI] Sanguinis quos mundat unda.
Singularis victimae.
(1230A)Aurium claros meatus,
Et profunda pectoris,
Cordis intima, simulque
Mentis alta pandite:
Res pia narratur: omnes
Huc venite praepetes.
En nova processione
Prosilit miraculum,
Dum medellae substat ordo
Plenus omni munere;
Nam vigent Cosmas, et alter
Damianus inclyti.
Ore, tactu, posse jussu,
Cum medendi gratia,
Igne ferri, igne verbi
(1230B)Cuncta siccant morbida:
Arte libri, arte coeli
Tota curant languida.
Quicquid illis esse substat
Ad salutem, proficit:
Una virtus format ipsa:
Quaeque sunt vitalia,
Dum viget totum, quod ore,
Quod manu determinant.
Ossa, nervi, vel medulla,
Sanguis, artus, viscera,
Spiritus, et omne pectus
Anxiosum taediis:
Tot a Sanctis ferre plenam
Sic medellam postulant;
(1230C)Ut ruat Daemon, et horror,
Languor, ulcus decidat,
Gratia culpam sequatur,
Et scelus clementia:
Sit malis omnino finis
Et bonis aeternitas.
Laus tibi per omne tempus,
Trinitas indifferens,
Laus, honor, virtusque summa,
Singularis gloria,
Quae Deum te saeculorum
Permanet in saecula.
Amen.
Supplicatio. Oremus, mutato nomine, folio CLXXXVII.
(1230D)Capitula. Deus medicina languentium, sanitas infirmorum, curator corporum, sanator providus animarum, qui beatissimos viros Cosmam et Damianum gemina medendi arte fecisti esse industrios: quo et verbo et opere humanis languoribus subvenirent: qui curatores et animarum et corporum eodem genere medendi gemino extitissent: dum et signis utraque curant, et in utrorumque artificio manuum mirabiles extant: dum et mundiali arte corporibus, et coelesti medentur medicamine animabus: Te quaesumus, te rogamus; ut eisdem patrocinantibus, vulneribus nostris providam medendi curam impertias; internas externasque passiones removeas: quo sanatis cordibus atque corporibus, dum in hac peregrinatione beneplacitam tibi persolvimus servitutem, (1231A)consummatae salutis mereamur pervenire ad requiem.
Pater noster. Liberati a malo. fol. 2.
Benedictio. Christus Dominus, qui sanctos suos Cosmam et Damianum gloriosa medendi arte fecit esse conspicuos, a cunctis vos languoribus efficiat alienos; R\. Amen. Et, quos voluit infirmitatibus curationes impendere, per eorum preces sanitatum praeroget ubertatem; R\. Amen. Ut eorum curatione atque suffragio latens patensque in vobis peccatorum languor effugiat, quibus a Deo curandi potestas concessa est manifesta. R\. Amen.
Per.
Lauda. Gaudium sempiternum. fol. CLXVIII.
Oratio. Deus, qui sanctis tuis Cosmae et Damiano (1231B)geminas contulisti ante mortem coronas, dando illis et in medendi arte affectum et victoriam per supplicium: te rogamus et petimus, ut animae atque corpori nostro horum interventu salutem impertias; et vita nostra incentivorum careat morbo; et desideriorum concrescat spiritualibus documentis. R\. Amen.
Per misericordiam.
Ad Matutinum.
Antiphona. Da nobis laetitiam. Psalmus
Oratio. Redde nobis. fol. CLXIII. Antiphona 1. Palmae fuerunt. fol. CLXVIII.
Oratio. Mirabilem te in sanctis tuis Cosma et Damiano Dominum Deum virtutum plurimum deprecamur: ut des nobis ad adversa expellenda virtutem, (1231C)qui Sanctis tuis tribuisti ad promerenda coelestia dignitatem: fortitudinem quoque plebi tuae, quaesumus, ut iisdem suffragantibus largiaris, quos tuae amicitiae sociare ingen ta bonitate dignaris. R\. Amen.
Per misericordiam.
Antiphona 2. Justi, quorum opera multa [CCCXII] reposita, P. Apud te, Domine, ex propriis operibus mercedem recipiunt. V\. Justi vero hereditate possidebunt terram, et inhabitabunt in saeculum saeculi super eam. P. Apud te. V\. Gloria, et honor. P. Apud te.
Oratio. Deus sanator noster et medicus sempiterne, qui Cosmam et Damianum inconcussos fide, insuperabiles in virtute fecisti, ut per suscepta vulnera vulneribus mederentur humanis, qui ante passionem ex (1231D)terreno medicamine salutis operarii essent in populis; hos, quaesumus, nostris infirmitatibus et custodes et medicos deputa: per hos sanentur infirma: per eos adquiratur animae medicina. R\. Amen.
Antiphona 3. Sanctorum ossa germinabunt de loco suo, et nomina eorum, sicut lilia munda, floruerunt. V\. O Domine, salvos nos fac: o Domine, bona prospera. P. Et nomina eorum. V\ Gloria, et honor. P. Et nomina.
Oratio. Deus, qui, ut supra in Vesperis.
R\. Sancti, qui per fidem vicerunt regna, operati sunt justitiam, adepti sunt repromissiones, extinxerunt impetum ignis, fugaverunt aciem gladii: P. Fortes facti sunt in bello: V\. Obduraverunt ora (1232A)leonum, convaluerunt de infirmitate. P. Fortes. V\. Gloria, et honor. P. Fortes.
Oratio. Deus, in cujus conspectu facta est commemoratio martyrum tuorum Cosmae et Damiani: qui pro te nervis caesi, marinis fluctibus dediti, flammis injecti, equuleo impositi, Cruci affixi, et invicti per passionem triumphatores extiterunt per mortem: te votis supplicibus imploramus, ut in hoc die passionis eorum sit populo fideli spiritualis laetitia, et gaudia tribuantur aeterna. R\. Amen.
In Laudibus.
Ad Canticum. Antiphona. Omnes Sancti. Canticum. Dominus de Sina. fol. CLXVI. Ad Benedictus. Antiphona. Sancti et humiles. Canticum. Benedictus es, Domine. Sono. Via justorum. Lauda. Laudate Dominum. (1232B)fol. CLXVII. Psalmus CXLVIII.
Lectio libri Esaiae Prophetae (Cap. LXI).
R\. Deo gratias.
Haec dicit Dominus: Vos omnes sancti Dei vocabimini: et ministri Domini Dei nostri, dicetur vobis: Fortitudinem gentium comedetis, et in gloria eorum superbietis. Pro confusione vestra duplici et robore laudabunt partem eorum: propter hoc in terra sua duplicia possidebunt, laetitia sempiterna erit eis. Quia ego Dominus diligens judicium, et odio habens rapinam in holocaustum: et dabo opus eorum in veritate, et foedus perpetuum feriam cum eis. Et scietur in gentibus semen eorum, et germen eorum in medio populorum: omnes, qui viderint eos, cognoscent illos, quia isti sunt semen, cui benedixit (1232C)Dominus. R\. Amen.
Hymnus. Plebs Deo. Supplicatio. Oremus Redemptorem. Capitula. Deus medicina. Lauda. Gaudium. Benedictio. Christus Dominus, qui. In primis Vesperis.
DIE XXIII. IN FESTO SANCTORUM SERVANDI ET GERMANI.
Ad Vesperum.
Lauda. Exortum est. fol. CLXII. Sono. Gaudete, justi. fol. CLXV.
Antiphona. Magnum odorem dederunt Sancti: flores apparuerunt in terra nostra. P. Laetata est Hierusalem, et exultaverunt civitates Judae. V\. Domine, in lumine vultus tui ambulabunt, et in nomine tuo exultabunt tota die, et in tua justitia exaltabuntur. (1232D)P. Laetata est. V\. Gloria, et honor Patri. P. Laetata est.
Dominus sit semper. R\. Et cum.
Antiphona. Beati, et multo honore digni, quorum portio Deus est, P. Quibus a principio praeparatum est regnum; P. Horumque animae in manu Dei sunt. V\. Clamaverunt justi, et Dominus exaudivit eos: et ex omnibus tribulationibus eorum liberavit eos. P. Horumque. V\. Gloria, et honor. P. Horumque.
Dominus sit semper. R\. Et cum.
Lauda. Sanctis praeparatum est ab Altissimo [CCCXIII] regnum: ipse pascit eos. P. Et dedit eis montem germinantem rosas et lilia. Alleluia, alleluia, alleluia. V\. Qui confidunt in Domino, sicut mons (1233A)Sion: non commovebitur in aeternum, qui habitat in Hierusalem. P. Et dedit. V\. Gloria, et honor. P. Et dedit eis.
Hymnus.
Christus verus rex Sanctorum,
Et sacrator martyrum,
Tu es veritas et via,
Vitaque credentium;
Tu optantibus das votum
Et Beatis brabium
Tibi laudum vota pandit
Cuncta chors fidelium;
Qui Servando et Germano
Robur mox eximium
Concessisti, ut vincerent
(1233B)Dimicando Zabulum.
Praeses namque mundialis
Ire ad Aram praecipit:
Idolis litare vanis,
Fortes Christi milites;
Noxiumque hostiarum
Immolari sanguine.
Illi poenas expectabant
Christi amore interriti:
Dulce tunc illis cremari,
Dulce ferrum perpeti,
Validisque offerenda
Corpora suppliciis.
Nos Christum nempe fatentes
Execramus idola;
(1233C)Et coelestem adorantes
Temnimus terrestria:
Absit, ut ritu prophano
Inclinemus corpora.
Haec loquentes obruuntur
Mille poenis Martyres:
Nexibus manus utrasque
Flexus involvit rigor:
Et calybs adtrita colla
Duris ambit circulis.
Nobilis per vulnus amplum
Porta justis panditur;
Quosque Christus candidatis
Adgregat cohortibus:
Miscet choris Angelorum,
(1233D)Et coronat praemiis.
State nunc, hymnistae cuncti
Voce, votis, munere;
Atque in laudem Sanctorum
Vox cunctorum insonet:
Hic dies et festa nobis,
Sit sacratum gaudium.
Gloria Deo parenti
In excelsis resonet:
Gloriam canamus Christo,
Atque Sancto Spiritui;
Cui laus et potestas
Per aeterna saecula.
Amen.
(1234A)Supplicatio. Oremus, ut supra.
Capitula. In hac tuorum martyrum Servandi et Germani, Christe Deus, passionis die laetantes, veniam de nostris dare flagitamus offensis; poscentes, ut, qui eorum gladii animadversione non terruisti constantiam, nostra eisdem intervenientibus et abluas crimina, et suscipias postulata.
Pater noster. Liberati a malo. fol. 2.
Benedictio. Servandi prece Christus Dominus in sui vos nominis timore conservet, et Germani obtentu germinare vos faciat semine multiplicato justitiae; R\. Amen. Horum quoque instrumento floreatis pariter et suffragiis, qui divisi corpore indivisa fruuntur praesentia veritatis; R\. Amen. Ut ad instar eorum amabiliter vestris divinum suscipiatis cervicibus (1234B)jugum, sicut illi suo pro Domino meruerunt suscipere gladium R\. Amen.
Per.
Lauda. Accipite jocunditatem gloriae vestrae, Alleluia, P. Gratias agentes Deo, qui vos ad coelestia regna vocavit. Alleluia, alleluia, alleluia. V\. Venite filii, audite me: timorem Domini docebo vos. P. Gratias agentes. V\. Gloria, et honor. P. Gratias.
Oratio. Deus, qui sanctis tuis Servando et Germano tantam gratiam in passione dedisti, ut insigniter apertum fidei vincerent hostem, qui primum spiritualiter in se bella sui corporis devicissent; praebe nobis auxilium de tua pietate firmissimum, quo muniti atque praecincti et rebellantem spiritui carnem valeamus compescere, et nos ipsos intrepidos (1234C)studeamus bellis spiritualibus praeparare. R\. Amen.
Per misericordiam tuam.
Ad Matutinum. Antiphona. Da nobis. Psalmus L. Oratio. Redde nobis. fol. CLXIII.
Antiphona. Sancti tui, Domine, mirabile consecuti sunt iter, deservientes praeceptis tuis, ut invenirentur inlaesi in aqua valida. [CCCXIV] P. Terra apparuit arida, et in mari rubro via sine impedimento. V\. Confiteantur Domino misericordiae ejus: et mirabilia ejus filiis hominum. P. Terra. V\. Gloria, et honor. P. Terra.
Oratio. Deus, qui sanctis tuis Servando, ut supra.
Antiphona. Dedit eis Dominus potentiam regni adversus eos, qui persequebantur illos; P. Et fuit illis (1234D)in velamento diei, et in luce stellarum tota nocte: V\. Misit verbum suum, et sanavit eos: et eripuit eos de interitu eorum. P. Et fuit. V\. Gloria, et honor Patri. P. Et fuit.
Oratio. Dei Filius Christe, qui melius contritione cordis, quam munerum oblatione placaris; respice, Deus, ad preces servorum tuorum, ut in hac die, quo praedicti Martyres pro te vibrantis gladii mucrone desecti sunt, utrobique a te congrua remedia nobis flagitantibus largiantur. R\. Amen.
Antiphona. Venite ad me, omnes Sancti mei, dicit Dominus: vindemiate fructum laborum vestrorum germen justitiae; P. Cujus odor est magnus, sicut odor liliorum et rosarum in tempore suo. V\. Venite (1235A)filii, audite me: timorem Domini docebo vos. P. Cujus. V\. Gloria et honor. P. Cujus.
Oratio. Deus, in cujus conspectu facta est commemoratio; qui martyrum tuorum corpora unius gloriae remuneratione indivise ferventia divisis in regionibus locans, et Servandum Gaditano situi donas, et Germanum Emeritensium civibus commodas; praesta nobis, gratiae tuae luce inluminati, corporaliter divisi, unitatem retentemus dulcedinis, et collecti in unum redundemus munere charitatis. R\. Amen.
Per.
R\. Sancti iter fecerunt per deserta, quae non inhabitabantur: in locis secretis fixerunt castra: de inimicis se vindicaverunt. P. Sitierunt, et invocaverunt (1235B)te: et data est illis aqua de petra altissima. V\. Panem coeli dedit eis: panem Angelorum manducaverunt. P. Sitierunt. V\. Gloria, et honor. P. Sitierunt.
In Laudibus.
Ad Canticum. Antiphona. Qui propria voluntate. Canticum. Qui sponte obtulistis. fol. CLXIII.
Ad Benedictus. Antiphona. Justi, et sacerdotes, sancti et humiles corde, benedicite Dominum.
Canticum. Benedictus es.
Sono. Via justorum. Lauda. Laudate. Psalmus CXLVIII.
Lectio libri Sapientiae Salomonis (Cap. XI).
R\. Deo gratias.
Sancti iter fecerunt per deserta, quae non habitantur, (1235C)et in locis secretis fixerunt castra. Steterunt contra hostes, et de inimicis se vindicaverunt. Sitierunt: et invocaverunt te, et data est illis aqua de petra altissima, et requies sitis de lapide duro. Et reddidit justis mercedem laborum suorum, et deduxit illos in via mirabili, et fuit illis in velamento diei et in luce stellarum tota nocte: transtulit illos mare rubrum, et transtulit illos per aquam nimiam. Inimicos illorum dimersit in mare, ex altitudine inferorum eduxit illos. Ideo justi tulerunt spolia impiorum, et decantaverunt, Domine, nomen sanctum tuum, et victricem manum tuam laudaverunt pariter. R\. Amen.
Hymnus. Christus verus rex Sanctorum. Supplicatio. (1235D)Oremus Redemptorem. Capitula. In hac tuorum. Lauda. Accipite. Benedictio. Servandi prece. In Vesperis praecedentibus.
DIE XXVII. IN FESTO SANCTORUM VINCENTII, SABINAE, ET CHRYSTETAE MARTYRUM.
Omnia dicantur plurimorum Martyrum sex capparum, fol. CLXII. excepto
Hymno.
Huc vos gratifice, plebs pia convocat
Virtutum Dominus, testium atria
Conferte dapibus vota calentia,
Coelorum locet in intima.
Juncti Martyribus jungite gaudia;
Vincentii teneat munera vox pia:
(1236A)Sabina recinat coelica littera,
Chrystetes bona aethera.
Hi mundi misera, lucra per ardua,
Spernunt hominum vafra dolentia:
[CCCXV] Caedunt punicea colla per omnia,
Rex Christe, tibi laureantia.
Simplex ac Trinitas te Deus unitas
Rogamus, precibus horum ut audias,
Quae ipsi petimus: corda calentia,
Immense bone, proroga.
Sit Trina Deitas, ac tibi gloria,
Qui unus retinens omnia, judicas
Large continua perpetim saecula:
Sed ultra bene prosperans.
Amen.
DIE XXVIII. IN FESTO APOSTOLORUM SIMONIS ET JUDAE.
(1236B)
Ad Vesperum.
Lauda. Exortum est in tenebris. Sono. Alleluia. In omnem terram. Quaere fol. CLXXVII.
Hymnus.
Itote populi, psallite praepetes:
Judas cum socio Simone caelibes
In festa vadant coetibus inclytis,
Jam cunctis tribuunt gaudia servulis.
Vox ecce resonat principis ephebi;
Voventes illico reddite, servuli,
Vota, quae Domino promittis; inclyti
Ut vestrum accipiant munus Apostoli.
Dignum nunc precibus promere canticum,
(1236C)Dignumque Superum stringere Principem,
Det suis populis nunc pie gratiam,
Det post aetheream consequi Patriam.
Ac, nexu scelerum jam sibi tradito,
Adesse valeant Principi coelico:
Ac, dempto crimine tramite pervio,
Afflati maneant rite Paraclito
Sic Judas populus instruat, et Simon
Sub Christo placido currat in tramite,
Servare monita legibus indita;
Suprema ut valeant consequi praemia.
Sit trino Domino gloria unico
Patri cum Genito, sive Paraclito;
Qui solus Dominus Trinus et Unus est,
(1236D)Saeculorum valide saecula continens.
Amen.
Supplicatio. Oremus Redemptorem mundi, ut in aliis.
Capitula. Deus Sanctorum gloria, et copiosus misericordia; exaudi supplicem tibi plebem per Sanctorum te suffragia postulantem: rege nos per alternas temporum vices, et dispares dierum ac noctium successiones pari protectione custodi: ut adjuti sanctorum tuorum Simonis et Judae Apostolorum precibus, qui diem hunc per misericordiam prosperum duximus; noctem quoque hanc placitam tibi animarum et corporum puritate ducamus.
Pater noster. Et ne nos. Liberati a malo. fol. 2.
Benedictio. Sanctorum suorum Simonis et Judae (1237A)Apostolorum vos Dominus muniat patrocinio, et expiet a peccato: R\. Amen. Illorum vos efficiat suffragatione felices, quorum nunc estis solemnitatibus obsequentes: R\. Amen. Quo cum illis pariter mereamini ingredi coelum, quorum nunc in terra celebratis triumphum. R\. Amen.
Per misericordiam.
Lauda. Vos estis vasa sancta Domino auro fulgente Alleluia; P. Quia sponte obtulistis Domino Deo animas vestras. Alleluia, alleluia, alleluia. V\. Audi populus meus, et testificabor tibi: Israel, si me audieris. P. Quia sponte. V\. Gloria, et honor. P. Quia.
Oratio. Deus, qui sanctis Apostolis tuis Simoni et Judae durum martyrii gradum scandere et velle (1237B)tribuis, et posse concedis; (tu das voluntatis initium, tu operis largiris effectum), exaudi nos famulos tuos, et tu nobis da fervendae devotionis initium, et tribue bonae consummationis effectum. R\. Amen.
Per misericordiam tuam.
Ad Matutinum. Antiphona. Da nobis. Psalmus L. Oratio. Redde nobis. Quaere fol. CLXIII.
Antiphona. Honorati sunt amici tui, Deus: valde confortatus est principatus eorum. P. Dinumerabo eos, et super arenam multiplicabuntur. V\. Ecce tu, Domine, cognovisti omnia novissima et antiqua: tu formasti me, et posuisti super me manum tuam. P. Dinumerabo. V\. Gloria, et honor Patri. P. Dinumerabo.
(1237C)Oratio. Deus, sub cujus altare sanctorum Apostolorum Simonis et Judae animae placide requiescunt, et stolam charitatis accipiunt; nos quoque famulos tuos in commilitonum numero fidelis promissor adjunge: ut vita saltim nostra perveniat ad misericordiam; si mors non provenerit ad coronam. R\. Amen.
Per misericordiam.
[CCCXVI] Antiphona. Isti sunt amici tui, Domine, qui tradiderunt corpora sua in mortem: P. Ne servirent idolis, neque adorarent deos alienos. V\. Domine, in lumine vultus tui ambulabunt, et in nomine tuo exultabunt tota die: et in tua justitia exaltabuntur. P. Ne servirent. V\. Gloria, et honor. P. Ne (1237D)servirent.
Oratio. Deus qui sanctis, ut supra. Antiphona 3. Viriliter certati. fol. CCLVI.
Oratio. Sanctorum omnium decus, et gloria, Deus, quibus et certantibus praemium condonasti, et ut vincerent fortitudinem praestitisti: quaesumus sanctam clementiam tuam, ut nos humiles famulos tuos ab omnibus malis ereptos, eorum vestigiis facias sociatos. R\. Amen.
Per misericordiam.
Responsorium. Hi ostenderunt caerimonias. fol. CCLVI.
In Laudibus.
Ad Canticum. Antiphona. Qui propria. Canticum. Qui sponte. fol. CLXIII. Ad Benedictus. Antiphona. (1238A)Justi, et sacerdoptes. Canticum. Benedictus es Domine. Sono. Alleluia. In omnem terram. folio CLXXVIII. Lauda. Laudate Dominum. Psalmus CXLVIII. Prophetia. Multam gloriam. fol. CCXXVI. Hymnus. Itote populi. Supplicatio. Oremus Redemptorem. Quaere in Vesperis praecedentibus.
Capitula. Hi sunt, Domine, veridici Patroni, qui suscipientes securi sententiam, currunt laetantes ad palmam, festinant hilares ad coronam: per quorum intercessionem tu, Domine Deus omnipotens, quemadmodum martyres et Apostolos tuos Simonem et Judam a diaboli versutia liberos praestitisti; ita nos indignos famulos tuos eorum facias misericordiam adipisci.
Pater noster. Liberati a malo. fol. 2.
(1238B)Lauda. Vos estis. fol. CLXXVIII. Benedictio. Sanctorum suorum, ut supra in Vesperis praecedentibus.
In exeunte Vespera omnia dicantur, ut in primis Vesperis, exceptis Capitula et Benedictione.
Capitula. Domine Jesu Christe, qui convenientibus nobis in honorem sanctorum tuorum Apostolorum et martyrum Simonis et Judae, propitius adesse dignaris; fac nos eorum doctrinae sequaces: fac amabiles, et docibiles: ut ab eis nos inveniamur indemnes, quos fidei scimus egregios ductatores. Habeat cum illis spes nostra gloriae praemium, qui postquam magistri doctrina fulserunt, meruerunt obtinere martyrio. Fulgeat Ecclesia illorum doctrina, quorum in illa habeatur praedicatio gloriosa. Adsint miseris nobis in omnibus adjutores, qui Ecclesiae (1238C)mirabiles extiterunt doctores. Erigant lapsos ad poenitentiam, qui eximii facti sunt per doctrinam. Impetrent peccatoribus scelerum veniam, qui doctrinis fundaverunt Ecclesiam: ut, qui illorum victoriis excitati, eorum solemnia celebramus; eorum meritis a criminibus absoluti, ad te post transitum veniamus.
Pater noster. Liberati a malo. fol. 2.
Benedictio. Christus Dei Patris Unigenitus Filius, qui sanctis Apostolis suis Simoni, et Judae potestatem dedit daemonibus imperandi, gratia vos protegere, et munire dignetur Spiritus Sancti. R\. Amen. Et qui illis dedit; ut, contemptis divitiis, temporalem appeterent paupertatem, de praesenti et temporali vita feliciter vos duci jubeat ad beatam: R\. Amen. (1238D)Ut, qui pro illius amore Sanctorum suorum memoriam recolitis, coram illo post, cum eisdem in coelestibus gaudeatis, R\. Amen. Cum eodem Domino nostro Jesu Christo, qui cum Patre, et Spiritu Sancto regit omnia in saecula saeculorum. R\. Amen.
Per misericordiam.
DIE XXX. IN FESTIVITATE SANCTI MARCELLI MARTYRIS. Omnia dicantur unius Martyris, excepto
Hymno.
Martyris festum rutilat, beati
Ecce Marcelli: Populi venite,
Carminis Deo resonemus Hymnum
Voce sub una.
(1239A)[CCCXVII] Mores doces cives, populos sequaces,
Indui Christum, fugere caduca,
Spiritus probra studio domare
Tempore toto.
Abnuit pompas, refugit honores;
Atque dum miles haberetur atrox,
Cominus cessit manibus habita
Regia jussa.
Arripit mentis gladium, dicato
Munere pollens, Domini Tonantis
Terrea tranat celeri volatu
Omnia vincens.
Rite compunctus animum perarmat,
Spiritu doctus superat profanum
Judicem; verbis placidus cruorem
(1239B)Fundere gliscens.
Rectus ab hinc famulus Tonantis,
Mentis insistit precibus vigore:
Novit et vota Dominus, et reddit
Mente potenti.
Celsos honores et opes fugaces
Spernit, effulgens animi nitore;
Votaque Christo celebrans, retentat
Pectore grates.
Caelica mente, religione mallens
Fieri civem, dicat hic se totum
Aethere Tonanti, jugiter manenti
Omne per aevum.
Ecce, qui jussus patriam tueri,
Arma projecit, Domini se servum
(1239C)Gliscit aeterni, resonans dicata
Carmina Christo.
Exinde exclamat rabidus tyrannus:
Iste Marcellus, mea qui praecepta
Temnit, et arma putat abneganda,
Morti ne detur?
Laeta Marcelli famuli Beati
Inde vox coepit resonare Christum;
Et bene truci veniat ut ipsi
Praesidi poscit.
Laus enim non est, quaeriturque verbis,
Martyr resonat merito cruoris,
Sermo nil potest, animus rependat
Munera laudis.
(1239D)Licet hic sensus maneat acutus,
Mentis et vigor habeatur omnis;
Quod tamen Sanctis datur in futuro
Tempore munus!
Loqui nec ullus valet unquam homo
Carne vestitus fragili, beandus
Claustra cum carnis liquerit, resurgens
Judice Christo.
Vocibus ergo placidis rogamus
Te, Deus, omnes, humilique mente,
Dones defunctis requiem misertus,
Gaudia vivis.
Ut sine culpa famuli, Beati
Festa Marcelli celebremus, una
Teque laudemus pariter per aevum
(1240A)Dulcibus Hymnis.
Sic tuae plebi veniam canenti
Proroga; ut nostra scelera dimittas
Testis, et prece reseres Marcelli
Abdita coeli.
Sit honor una Pater alme semper,
Et tibi Christo, pariterque dona
Cuncta qui cingis, Deus unus extans
Saecla saeclorum.
Amen.
In Dominico Kalendarum Novembrium. Quaere in Dominicali, fol. 429.
Officium jejuniorum Kalendarum Novembrium observatur tribus diebus ante Festum Sancti Martini. Quaere in fine Dominicalis, fol. 441.
FESTA NOVEMBRIS. DIE XI. IN FESTO SANCTI MARTINI EPISCOPI. (1240B) Ad Vesperum. Lauda. Confessionem et decorem. Sono. Confitebor tibi. Antiphona. Confitebor tibi Domine in toto. fol. CLXIX. Lauda. Confitebor Domino. fol. CLXXIII.
Hymnus.
Martine Confessor Dei
Valens vigore spiritus,
Carnis fatiscens artubus
Mortis futurae praescius:
Qui pace Christi affluens,
In unitate Spiritus,
(1240C)Divisa membra Ecclesiae
Pacis reformas unicae:
Quem vita fert probabilem,
Quem mors cruenta non taedet,
Cum callidi versutiam
In mortis hora derogas.
Haec plebs, fide promptissima,
Tui diei gaudia
Votis colit fidelibus;
Adesto mitis omnibus.
Per te quies sit temporum,
Vitae detur solatium;
Pacis redundet commodum,
[CCCXVIII] Sedetur omne scandalum.
(1240D)Ut charitate Spiritus
Sic affluamus invicem,
Quo corde cum suspiriis
Christum sequamur intimis.
Deo Patri sit gloria,
Ejusque soli Filio,
Cum Spiritu Paraclito
Regnans per omne saeculum.
Amen.
Supplicatio. Oremus Redemptorem, mutato nomine, fol. CLXXXVII.
Capitula. Beatus est, Domine, Martinus ille tuus confessor mirificus, qui cogitando de paupere, ultimam pervenire meruit ad mercedem: et ideo in die mala salvatus, quia a te, Domine, adjutus. Da ergo (1241A)nobis ejus suffragiis, ut nuditatem nostram aspicientes ad tui tegminis umbraculum convolemus: et ita vestiamur dono virtutum, ut participes ejus fieri, cujus nunc festum incolimus, mereamur.
Pater noster. Liberati a malo. fol. 2.
Benedictio. Christus Dominus, qui beatissimum Martinum confessionis decoravit honore, illam in vobis confessionem adtribuat, qua extinguat peccata. R\. Amen. Et qui per eum inopiam satiavit egentium, ipse per illum remuneranda vota suscipiat populorum; R\. Amen. Ut eodem intercedente munerentur vota fidelium, quo largiente debilitas refecta est egenorum. R\. Amen.
Per misericordiam.
Lauda. Germinabunt ossa. fol. CLXX.
(1241B)Oratio. Tota die, Domine, justus tuus miseretur et commodat: qui toto hujus mortalis vitae curriculo temporalia donat, ut aeterna recipiat; Semen ejus super nos in benedictione fructificet; ut meritorum ejus partem habentes, praemiorum quoque illius mereamur esse participes. R\. Amen
Per misericordiam.
Ad Matutinum. Antiphona. Labia mea, Domine. Psalm. L. Oratio. Laudet te, Domine, lingua nostra. fol. CLXI. Antiphona. Caro mea requiescet. fol. CLXX.
Oratio. Jucundus satis est Domine, homo, qui te Christe inspirante miseretur et commodat: quod Martinum confessorem tuum implesse mirabiliter credimus: dum geminae eleemosynae officiosus, et (1241C)corpora dono, et corda pascit eloquio: Unde flebiles te quaesumus et rogamus, ut utroque dono in hac vita muniti, ad te quandoque perveniamus ad transitum coronandi. R\. Amen.
Per misericordiam.
Antiphona. Facies tua tamquam. fol. CLXVI.
Oratio. Illius, Domine, justitia manet in saeculum saeculi, cujus misericordia in pauperum se consolatione diffuderit; fac nos ergo confessoris tui Martini imitatores existere: ut primum miseratores nostri effecti, dignas nobis eleemosynas praerogantes, et nobis a male gestis parcamus, et in proximis bona, quae possumus, impendamus. R\. Amen.
Per misericordiam.
(1241D)Antiphona. Custodisti corpus meum. folio CLXXI.
Oratio. Jesu, Deus noster et Domine, qui inlustrem meritis Martinum confessorem atque pontificem ita fecisti sapientiam custodire, ut in gloria mereretur, et jocunditate consistere; da nobis verae sapientiae intellectum, et sanctae operationis studium: ut pauperibus erogantes substantiam, facinorum evadamus vindictam. R\. Amen.
Per misericordiam.
Responsorium. Ecce, Domine, in toto. fol. CLXXI.
Oratio. Ecce, Domine, in toto corde suo te solum confessor tuus Martinus confitetur et credit; dum conceptum amorem tuae fidei confitendo narrat, et mirabilia tua devoto ore pronunciat. Laetari ergo et exultare nos fac in te et jugiter et evidenter: ut in (1242A)te habeamus post discrimina requiem, in quo ille post confessionem meruit invenire mercedem. R\. Amen.
Per misericordiam.
In Laudibus. Ad Canticum. Antiphona. Confitebor tibi Domine. Canticum. Confitebor tibi Domine rex. fol. CLXXI.
Oratio. Fac nos, Domine, intentis cordibus die ac nocte in legis tuae meditatione versari: ut meditantes eloquia tua intento cordis studio, fructum tibi reportemus in tempore [CCCXIX] opportuno: quo beatissimi Martini Confessoris tui adjuti suffragiis, coelum, quod ille mercatus est meritis, nos facias intrare tuae gratiae donis. R\. Amen.
Per misericordiam.
(1242B)Ad Benedictus. Antiphona. Benedictio Domine. Canticum. Benedictus es, Domine.
Sono. In conspectu Angelorum psallam. Lauda. Alleluia. Confessio ejus super. Psalmus. CXLVIII. Prophetia. Haec dicit Dominus: Canticum. Ecce servus meus. fol. CLXI. Hymnus. Martine Confessor Dei. Supplicatio. Oremus Redemptorem. Quaere in Vesperis praecedentibus.
Capitula. Adspirat ecce, Domine, dies illa multiplici gaudiorum decore vestita, quam beatissimi Confessoris tui Martini Episcopi inlustrat Excessio: in qua dum praescius futurae mortis, coelum laetus vellet intrare, obsistentem sibi diabolum mira verborum potentia visus est terruisse; unde tuam proni quaesumus pietatem; ut obtentu ejus adversarius (1242C)idem a nobis semper effugiat, qualiter nec viventes nos in quocumque supplantet, nec morientes quolibet modo contaminet.
Pater noster. Liberati a malo. fol. 2.
Lauda. Germinabunt ossa tua. fol. CLXX.
Benedictio. Christus Dominus, ut supra in Vesperis praecedentibus.
DIE XII. IN FESTO SANCTI AEMILIANI ABBATIS ET CONFESSORIS. Omnia dicantur unius Confessoris, folio CLXXIII, excepto quod sequitur.
Hymnus.
O magne rerum Christe Rector inclyte!
Parent Olympi perpetim cui sidera;
(1242D)Et vota festis annuis faventia
Largire nobis casta, praebe et sobria,
Placare quae possint tuam clementiam.
Plebs ecce cuncta debitum recursibus
Solvit dierum, prona corde et corpore;
Confisa mente deprecans suffragium;
Ut singulorum ponderata quaestibus,
Sustollat alma pectora indulgentia.
Laetum rependit carminum concentibus
Cantum, sonoro pangit ore, et faucibus
Tua potenter, supplicans, ut dextera
Probrosa tollens, acta nostra corrigas,
Sis et malorum fautor intus flentium.
Semper petentes impetrare possumus
Nostri medelam morbi, expiatos moribus;
(1243A)Si nos benignus, et pius respexeris,
Qui tanta tantis contulisti servulis,
Ut nihil Patrono isto desit gratiae.
Culpas gementes pandimus miserrimi,
Non obsequelam perdituri credimus;
Cum copiosa pascitur potentia
Regis; et adstat Supplicator optimus,
Qui flectere iram poteratque noxiam.
Ne quod beatis sentiat cohortibus,
Hostis duellis pullulare casibus:
Ne vas caducum germinaret odia,
Fraudem, dolumve permoveri machinis,
Flamma pudicis conflagrare liliis.
Haec mente fixa clara dum revolvimus,
Libet dicatum praedicare servulum;
Tuum ministrum, Christe Jesu, vernulum;
Et festa mixtis gaudiis cum pangimus,
Sequatur in die tota te laudatio.
Tu sacra templa, tu Pater, coelestia
Habes sacrata, tu Deus per saecula
Regno potiris, et regis praesentia
In Sancta Sanctis cerneris mirabilis,
Regnansque solus mira factis exeris.
Hinc obsecramus expiari munere,
Redire prorsus ut signas; jam perditos
Coeli receptes, collocesque in Regia:
Qui das, resurgant ut perempta corpora,
Concede, corda ut convalescant gratia.
Nostrum reatum confitentes prodimus,
Fraenatos ictus occidat sententia,
(1243C)Quae rodit atram dira conscientiam:
Rogare donat, cum voluntas prospera
Tua patentem prodit os ac januam.
Momenta nulla transvolant in tempora,
Quae non sint turpi sordidata crimine:
Succedat ante, quaesumus, contagia,
Sit digna nostris pessimis purgatio,
Quam reddat ultrix poenam factis debitam.
Videmus orbos restitutos lumine,
Claudosque plantis exilire tumidis;
Consumpta tabe membra convalescere;
Mortis sopore pressa demum surgere
Laetos deinde convenire sospites;
Tortos repelli, et fugari daemonas
(1243D)Tormentis poenis ejulantes Tartari:
Adire et coelum versipellis angeli,
[CCCXX] Suo latenter confodique vulnere,
Suisque telis sauciatum conteri.
Ut Conditoris haec patent miracula,
Sic claudicantes mentis aegritudine:
Serpens repulsus deserat nequissimus;
Sic nigra corda nubilo socordiae
Fulgore suo promicent clarissima.
Haec nempe virtus Christus est tutissima,
Aemilianum quae tulit per ardua
Vitae trophaea, quae coronat praemio:
Nostris ut esset saeculis sectabilis;
Foretque fortis advocatus infimis.
Hymnite mecum consonante carmine,
(1244A)Narrate cuncta, praedicate, et psallite
Regi perenni, cujus haec sunt omnia,
Nostri clamoris et resultent cantica,
Polique templa resonent concentibus.
Offerte Summo gloriam et Sublimi,
Offerte honorem Trinitati maximum,
Offerte grates saeculorum Principi,
Offerte psalmum vocibus, vel actibus,
Offerte laudem sempiterna in saecula.
Amen.
DIE XVII. IN FESTO SANCTI ACISCLI, ET COMITUM EJUS.
Ad Vesperum.
Lauda. Exortum est in tenebris. Sono. Alleluia. Justi in perpetuo vivent. folio CLXII.
Antiphona. Ecce odor Sanctorum meorum P. Sicut odor agri pleni, quem benedixit Dominus. V\. Deus deorum Dominus locutus est: et vocavit terram. A solis ortu usque ad occasum: ex Sion species decoris ejus. P. Sicut. V\. Gloria, et honor. P. Sicut.
Dominus sit semper. R\. Et cum.
Lauda. Sicut lilia munda. fol. CCLXXVI.
Hymnus.
Gaudete flores Martyrum;
Salvete plebes gentium;
Visum per astra mittite;
Sperate signum gloriae.
Voces Prophetarum sonant,
Venire Jesum nunciant;
Redemptionis praevia,
(1244C)Qua nos redemit, gratia.
Hic mane nostrum promicat,
Et corda laeta exaestuant;
Cum vox fidelis personat,
Praenuntiatrix gloriae.
Tantae salutis gaudium,
Quo est redemptum saeculum,
Exceptionis inclytum
Ab hinc ciamus canticum.
Adventus hic primus fuit
Punire quo non saeculum
Venisset, ulcus tergere
Salvando quod perierat:
At nunc secundus praemonet,
Adesse Christum januis -
(1244D)Sanctis coronas reddere,
Coelique regna pandere.
Aeterna lux promittitur,
Sidusque salvans promitur;
Jam nos juvar refulgidum
Ad jus vocet coelestium.
Te, Christe, solum quaerimus
Videre, sicut es Deus;
Ut laeta nos haec visio
Evellat omni tartaro.
Quo dum Redemptor veneris,
Cum candidato Martyrum
Globo, adunes caelibi
Nos tunc beatos coetui
(1245A)Deo Patri sit gloria
Ejusque soli Filio
Cum Spiritu Paraclito,
Et nunc et in perpetuum.
Amen.
Supplicatio. Oremus Redemptorem mundi, mutato nomine, fol. CLXXXVII.
Capitula. Domine Deus Omnipotens, qui glorioso dispositionis munere ante saecula cuncta disponis, quae per saecula ordinata discurrere vis; dum ex te ante omnia tempora consempiternum, coaequalemque, omnipotentem, et consubstantialem tibi unicum Filium prodire vis; quem in finem saeculorum visibus hominum visibilem hominem ostendis; ut (1245B)humanum genus, quod fraus diaboli expulerat a paradiso, ejus humilitate referres in Coelum: Quem ad conjungendam sibi Ecclesiam ut sponsum e thalamo procedentem destinasti; de cujus utero procreata Sanctorum agmina tamquam rosas, vel lilia Martyrum, Confessorum, vel Virginum aggregas copiae: qui per te tibi placentes, tuaque jussa implentes, Mundum omnem velut nihilum reputantes, pro te corpore caesi, animas sanctorum Aciscli atque [CCCXXI] Victoriae, quorum annua vice festa suscipimus, eorum meritis sempiterna praemia capiamus. Et quia odor majestatis tuae mire flagrans, jam desiderabile illud adventus tui nos invitat suscipere festum, precantes petimus, et crebra supplicatione deposcimus; ut sic inchoata adventus tui gaudia (1245C)cum hymnis, et canticis, et psalmis, modulatione vocis statutis peragamus diebus; ut ad sanctum diem Filii tui Natalem purgatis maculis delictorum, cum fructu accedamus operum bonorum.
Pater noster. Liberati a malo. fol. 2.
Benedictio. Deus Pater Omnipotens, qui fons est, et origo totius divinitatis, praemio vos muneret sempiternae salutis. R\. Amen. Jesus Christus Dei Filius, qui est coaequalis Patri, et Spiritui Sancto, ab omni vos jubeat purgari delicto; R\. Amen. Sanctus quoque Spiritus, qui est sanctitas Patris, et Filii, repleat vos gratia nominis sui. R\. Amen.
Per misericordiam ipsius.
Lauda. Gaudium sempiternum. fol. CLXII.
(1245D)Oratio. Deus, qui sanctis, gloriosisque martyribus Acisclo et Victoriae, Hierusalem illam sanctam visionem pacis, ubi cum maximo solatio beatitudinem sempiternam obtineant, polliceris; ut videntes gaudeant, et gaudia ipsa in eis infinita permaneant: praebe nobis horum obtentu, et sanctae visionis beatitudine perfrui, et spirituali gaudio in aeterna requie refoveri: ut sicut eorum ossa, quae sunt animarum virtutes, herbarum more revirescunt (dum eorum exemplis alii incitati, per sancta desideria obtinent merita sanctitatis), ita etiam nos haec eorum sequendo vestigia, perveniamus ad gaudia sempiterna. R\. Amen.
Per misericordiam tuam Deus noster.
Ad Matutinum. (1246A) Antiphona. Da nobis laetitiam salutaris tui: et spiritu principali confirma nos, Domine. Psalmus
Oratio. Redde nobis laetitiam salutaris. Quaere fol. CLXIII.
Antiphona. Dominus de Sina veniet, et cum eo sanctorum millia. In dextera ejus ignea lex. Omnes sancti in manu ejus sunt. P. Et qui appropinquant pedibus ejus, accipient doctrinam ipsius. V\. Deus manifeste veniet: Deus noster, et non silebit. P. Et qui appropinquant. V\. Gloria, et honor Patri, et Filio, et Spiritui Sancto. P. Et qui appropinquant.
Oratio. Fac nos, Domine, sicut lilia munda in atriis domus tuae florere, et odorem boni operis ad exemplum piae conversationis fidelibus exhibere: (1246B)ut sanctorum tuorum Aciscli atque Victoriae praesidiis freti, et laqueos evadamus inimici, et aeternam beatitudinem mereamur obtinere cum Sanctis omnibus, et electis. R\. Amen.
Per misericordiam tuam Deus noster.
Antiphona. Gaudium magnum erit omnibus hominibus, dicit Dominus. P. Quia ecce ego venio, ut clarificer in medio Sanctorum meorum. V\. Ecce oculi Domini super timentes eum: et in eis, qui sperant in misericordia ejus. P. Quia ecce ego venio. V\. Gloria, et honor Patri, et Filio, et Spiritui Sancto. P. Quia ecce.
Oratio. Cum exultatione magna, Domine, praestolamur videre gloriam majestatis tuae, in qua suscepti sunt Sancti, ut cum eisdem (licet immeriti) (1246C)fruamur beatitudine regni tui: ut (quia illos praecepto legis tuae impleto, vere scimus esse beatos) meritis eorum nos efficias a criminibus nostris liberos. Quo, sicut in sanctis tuis promptuariis animae eorum congregatae, cum magno requiescunt gaudio; sic etiam nos eorum suffragiis mereamur sempiternae beatitudinis consolari de praemio. R\. Amen.
Per misericordiam.
Antiphona. Expectabo nomen sanctum tuum, Domine: P. Quoniam bonum est ante conspectum omnium Sanctorum tuorum. V\. Quoniam quis in nubibus aequabitur Domino: aut quis similis erit Deo inter filios Dei? P. Quoniam bonum est. V\. Gloria, et honor. P. Quoniam bonum est.
Oratio. Deus qui sanctis gloriosisque martyribus. (1246D)Quaere in Vesperis praecedentibus.
Antiphona. Dominus de Sina veniet, descendet super montem Pharan: et apparebit ab Oriente solus: ante illum vadit Angelorum exercitus, et cum eo Sanctorum millia. P. Legem in dextera portans, ut accipiant omnes de doctrina ipsius. Ipse e thalamo suo, ut sponsus procedet, cujus benedictione omnis terra fructificat. V\. Exultavit ut gigas ad currendam viam, a summo coelo. P. Legem [CCCXXII] in dextera. V\. Gloria, et honor Patri. P. Legem.
Oratio. Te, Domine, de Sina cum Sanctorum millibus venturum, Prophetarum vaticiniis audientes, exposcimus, ut qui te ad redemptionem mundi venisse jam credimus, venturum quoque ad judicium (1247A)purgatis cordibus praestolemur: ut (quia in manu tua Sanctorum multa retributio consistit) in remedio pietatis tuae reditus ad te peccantium cumuletur; qualiter adpropinquantes pedibus tuis, satiemur semper doctrina intimae visionis. R\. Amen.
Per.
Antiphona. Videbunt cum exultatione magnam gloriam Dei, quae suscepit justos: quia viventes servaverunt legem. P. Nunc in promptuariis ejus animae eorum congregatae requiescunt cum silentio multo. V\. Clamaverunt justi, et Dominus exaudivit eos: et ex omnibus tribulationibus eorum liberavit eos. P. Nunc. V\. Gloria, et honor. P. Nunc.
Oratio. Deus Dei Filius, quem Sancti omnes cum exultatione magna praestolantes visuri sunt in ea (1247B)gloria, in qua Patri similis es in natura; sanctorum tuorum Aciscli et Comitum ejus devote celebrantes solemnia, peccatorum dele chirographa: ut qui adventus tui in hoc die inchoamus gaudia, cum eis in illa futura Beatitudine post transitum mereamur jocundari in patria. R\. Amen.
Per misericordiam tuam.
Antiphona. Gaudium, et laetitiam tenebunt Sancti, dolor, et gemitus fugiet ab eis. P. Ego Dominus consolabor eos Alleluia. V\. Beati immaculati in via: qui ambulant in lege Domini. P. Ego Dominus. V\. Gloria, et honor Patri. P. Ego Dominus.
Oratio. O gaudium magnum laetitiae sempiternae, Christe Filius Dei: quod post luctum amarum Sanctis tuis dulcedinis tuae praestas obtutum, ut dolor, et (1247C)gemitus ibidem jam non habeat locum; nobis non merentibus consolationis tandem impende remedium: ut qui a te elongati sumus per culpam, Sanctorum coetibus aggregari mereamur, et cum eis obtinere laetitiam infinitam. R\. Amen.
Per.
Antiphona. Audite populi omnes: quia Dominus egredietur de loco suo, P. Et descendet conculcans extrema terrae. V\. Audite haec omnes gentes: auribus percipite qui habitatis orbem. P. Et. V\. Gloria, et honor. P. Et.
Oratio. Audivimus, Christe, confitemur, et credimus, quod de sinu Patris egrediens veneris, ut carnis nostrae vestimento cingereris: liberaturus scilicet, (1247D)susceptae Incarnationis mysterio, quod perierat naturae vitiatae contagio. Fac ergo nos pronuntiata adventus tui gaudia promptissima susceptionis devotione excipere: et quia tu e loco patrio, secretoque progrediens, salvaturus homines, humanum properasti ad publicum, nos a loco criminis exeuntes, mundatiores concitum Divinitatis tuae prospectemus adventum: ut extrema vitae nostrae nullius discriminis conculcatione involvens; sic provoces terrore justitiae, ut solita justifices pietate. R\. Amen.
Per misericordiam.
Antiphona. Beati servi illi, quos cum venerit Dominus, invenerit vigilantes: P. Amen dico vobis, quia praecinget se, et ministrabit illis. Alleluia. V\. (1248A)Et si venerit in secunda et tertia vigilia, invenerit eos vigilantes. P. Amen dico. V\. Gloria, et honor. P. Amen dico.
Oratio. Beati vere Domine, servi illi, et multo honore digni, qui legem meditantes, adventus Filii tui invenerit vigilantes. Idcirco quaesumus Omnipotens Pater, ut a somno experrecti, ejus praestolemur, sicuti est, videre faciem usquequaque intrepidi: ut quia revera exigentibus meritis, ejus non sumus digni adipisci gratiam, intervenientibus Sanctis tuis, quorum hodie celebramus solemnia, et hic in bonis actibus resurgamus ad vitam, et illic ultricem evadamus aeterni ipsius Judicis iram. R\. Amen.
Per misericordiam.
In Laudibus. (1248B)Ad Canticum. Antiphona. Apparuit Dominus de monte Pharan, et cum eo Sanctorum millia.
Canticum. Dominus de Sina venit.
Oratio. Venisse te Dominum. fol. CLXVI.
Ad Benedictus. Antiphona. Sancti, et humiles.
Canticum. Benedictus es. fol. 6.
Oratio. Aspicimus, Domine, et purgato fidei oculo jam videmus, quod inenarrabilis sit [CCCXXIII] laetitia illa, quae Hierusalem civitati tuae ad orientem prospicienti, a te Domino in muneris conlatione refulsit; et ideo quaesumus, ut, qui eam Incarnationis tuae gaudiis praetulisti, nos in sinu ejus inlaesos conserves a contagione totius piaculi: quo in illa, et operum nos dignitas salvet, et praestolatio adventus (1248C)tui sine fine justificet. R\. Amen.
Per misericordiam tuam.
Sono. Via justorum. Lauda. Alleluia. Laudate Dominum. Psalmus. CXLVIII. Prophetia. Justorum animae. fol. CLXVII. Hymnus. Gaudete flores Martyrum. Supplicatio. Oremus, Retro in Vesperis.
Capitula. Flagrat, Christe, tuus pretiosior in gentibus odor, quo terrena appetis, et coelestia non relinquis; quo in regionibus abdicatos longinquis, ad nuntium bonum in odorem unguentorum tuorum post te currere facis. Praesta ergo, ut quod in odoris hujus percipimus fide, aeterno capiamus in munere: ut ob hoc quod te concinimus affectibus vocum, plenissime laetemur in retributione justorum.
Pater noster. Liberati a malo. fol. 2.
(1248D)Lauda. Gaudium sempiternum. Benedictio. Deus Pater Omnipotens. In Vesperis praecedentibus.
DIE XVIII. IN FESTO SANCTI ROMANI MARTYRIS. Ad Vesperum. Lauda. Exortum est. Sono. Justorum animae. fol. CLXII.
Antiphona. Gaudete, quia nomina vestra scripta sunt in coelo. P. Beati oculi, qui vident quae vos videtis; et aures, quae audiunt quae auditis. V\. Beati qui custodiunt judicium, et faciunt justitias in omni tempore. P. Beati. V\. Gloria, et honor. P. Beati.
Lauda. Sanguinem Sanctorum requiram. folio CLXII.
Hymnus. (1249A)
Romane, Christi fortis adsertor Dei,
Elinguis oris organum fautor move:
Largire comptum carmen, et faustissimum,
Fac ut tuarum mira laudum concinam.
Qui scis et ipse posse mutos eloqui:
Plectrum palati, et faucium saevus tibi
Tortor revulsit; nec tamen silentium
Indixit ori, quo fatebaris Deum:
Vox veritatis testis extingui nequit;
Vel si recisis palpitet meatibus,
Christum loquendi lingua numquam defuit,
Cum praedicatur ipse verborum dator.
Nunc, martyr Sancte, poscit te plebs infirma,
Sordes emundes, dira pellas crimina:
(1249B)Ignes averni rore digno comprimas,
Et nos beandos ad superna pertrahas.
Honor sit aeterno Deo, sit gloria
Uni Patri, ejusque soli Filio,
Cum Spiritu; quae Trinitas perenniter
Vivit potens in saeculorum saeculis.
Amen.
Supplicatio. Oremus, ut supra.
Capitula. Amabilis servi beatissimi Romani tui, Christe Deus noster, victorias celebrantes, quibus inimicum fidei Christianae templi tui lumina intrare non passus est, te quaesumus, te rogamus; ut per eum nobis aperias Paradisum, per quem infidelibus Ecclesiae tuae obserasti introitum: ut per quem incredulorum est repulsa perfidia, per eum fides nostra (1249C)perveniat ad coronam, Piissime.
Pater noster. Liberati a malo. fol. 2.
Benedictio. Christus Dominus, qui elinguem Romanum suum martyrem fecit mirabiliter eloquentem, os vestrum sibi faciat semper fructificare; R\. Amen. Et qui in illo post abscissionem linguae formavit verba flammantia, in vobis post confessionem oris virtutum conferat dona: R\. Amen. Ut disciplinati oris habentes semper officium, in ea lingua, qua confitemini Deo peccata, in ea etiam mereamini impetrare peccatorum omnium indulgentiam. R\. Amen.
Per misericordiam ipsius.
Lauda. Gaudium sempiternum. fol. CLXII.
Oratio. Omnipotens Deus, qui per beatissimum (1249D)Romanum fores Ecclesiae infidelibus clausit, claustra nobis credentibus aperiat regni sui; et qui elinguis oris ejus officium sua declaravit in laude, suffragia ejus suscipiat pro vestrorum criminum emundatione: ut in quo parvuli Theoduli fides roborata [CCCXXIV] peregit martyrium, in eo et vos habeatis praemium sempiternum. R\. Amen.
Per misericordiam.
Ad Matutinum. Antiphona. Da nobis laetitiam. Psalmus L. Oratio. Redde nobis. fol. CLXIII.
Antiphona. Testamentum aeternum disponam Sanctis meis, dicit Dominus: et cognoscetur inter Gentes germen eorum; P. Quia hi sunt semen, cui benedixit Dominus. V\. Beati, quorum remissae sunt (1250A)iniquitates: et quorum tecta sunt peccata. P. Quia hi. V\. Gloria, et honor Patri. P. Quia hi sunt.
Oratio. Sancte Domine, in cujus amore, martyris tui Romani pia confessione laetamur: oramus te, quaesumus; ut, qui propter David servum tuum, Christi tui faciem non avertis, propter nos famulos tuos Sanctorum tuorum suffragia non retardes. R\. Amen.
Per.
Antiphona. Dabo Sanctis in gloria; et nominatos in universa terra, dicit Dominus. P. Et non confundentur in tempore illo, quomodo eis benefecero. V\. Gloriam regni tui dicent: et potentiam tuam loquentur. P. Et non. V\. Gloria, et honor Patri. P. Et non.
(1250B)Oratio. Te Domine, fideliter in amore sanctorum tuorum Romani et ejus Comitum suppliciter invocamus; ut adsit pietas tua timentibus te in salutem, quae amantibus diffusa est in virtute: ut perficiat cursum vocationis in minimis, qui consummavit fructum dilectionis in Sanctis. R\. Amen.
Per misericordiam.
Antiphona. Dabo Sanctis meis regnum in Hierusalem: lignum enim vitae erit eis in odorem unguenti. P. Et non laborabunt, neque fatigabuntur. Alleluia. V\. Beati immaculati in via: qui ambulant in lege Domini. P. Et non. V\. Gloria, et honor. P. Et non.
Oratio. Vita Sanctorum, omniumque fidelium vivifica animas nostras, Omnipotens Deus; et qui beneficiis tuis adjuvas servientes, coronasque vincentes, (1250C)intervenientibus sanctis Romano et ejus Comitibus martyribus, quaesumus, ut nos tua semper voluntate sanctifices, ac misericordiae largitate confirmes. R\. Amen.
Per misericordiam tuam.
R\. Ecce Dominus veniet, et omnes Sancti ejus cum eo: et erit in die illa lux magna; et exiet de Hierusalem quasi aqua munda. P. Et regnabit Dominus in aeternum super omnem terram. V\. Veniet in nubibus Dominus: et videbit eum omnis oculus. P. Et regnabit. V\. Gloria, et honor. P. Et regnabit.
Oratio. Omnipotens Deus, qui. In Vesperis praecedentibus.
In Laudibus. Ad Canticum. Antiphona. Omnes Sancti. Canticum. (1250D)Dominus de Sina. Oratio. Venisse te Domine. Ad Benedictus. Antiphona. Sancti, et humiles. Sono. Via justorum. Lauda. Laudate Dominum. Psalmus CXLVIII. Prophetia. Justorum animae. Quaere folio CLXVII. Hymnus. Romane, Christi ut supra. Supplicatio. Oremus Redemptorem. fol. 2.
Capitula. Deus, qui beatissimo Romano martyri tuo hoc specialiter in dono gratiae praestitisti, ut post abscisionem carnalis linguae melius te verborum datorem, et affluentius praedicaret: te supplices quaesumus, ut organum linguae nostrae tuis semper facias legibus deservire: ut sanctis tantum officiis mancipatum, beneplacita tibi semper devotione famuletur.
(1251A)Pater noster. Liberati a malo. fol. 2.
Lauda. Gaudium sempiternum. fol. CLXII. Benedictio. Christus Dominus, qui elinguem. In Vesperis praecedentibus.
DIE XIX. IN FESTO SANCTI CRISPINI EPISCOPI, ET CONFESSORIS. Omnia dicantur unius Confessoris Pontificis, folio CLXIX, excepto
Hymno.
Insignem Christi Crispinum laudemus martyrem,
Qui suum lavit sacro corpus sanguine;
[CCCXXV] Et unum Deum sequens Trino nomine,
Mundum relinquens, simul ejus copias,
In regno Dei consors factus Angelis.
(1251B)Non blandimenta hujus aevi aspiciens,
Rectorem Mundi Dominum perspiciens
Illum secutus magna cum laetitia,
Paradisoque properans feliciter,
Nefandum hostem repulit perniciter.
Frontique suae signum Christi posuit,
Quod ipsum Dei pietas edocuit;
Quandoque serpens insultare voluit,
Sed ille forti et alacri animo
Renuntiavit invido diabolo.
Omnipotentis Dei vera gratia
Tantam Crispino tribuit constantiam;
Ut carcer, poenae, flagra, vel incendia,
Nec sitis corpus famesve commaculent;
Ejusque fidem violare poterant.
(1251C)Laetusque miles cum coelum aspiceret;
Parata cervix gladium suscipiens;
Suoque fuso dedicato sanguine,
Sepulchro corpus humatum reconditur,
Astigitanae urbique reponitur.
Ad cujus corpus sacrum aegri veniunt,
Claudique, surdi, caeci vel lunatici,
Christum confessi salutem recipiunt:
Et vera sancti Martyris oracula,
Sanitatisque medelam accipiunt.
Tu intercessor alme Martyr praevius
Pro nostris malis intercede crebrius;
Ut abluantur nostra cuncta crimina:
Animas nostras, corpusque omne liberet
De persequentis inimici insidiis.
(1251D)Indulge nobis, Pater clementissime,
Pro tui sancti intercessu Martyris,
Dele secreta, cuncta laxa crimina;
Ut annuis in tuis semper laudibus
Istud canamus festum laeti cordibus.
Gloriam Patri personemus famuli:
Gloriam Christo concinamus pariter;
Qui nos redemit pretioso sanguine:
Mittens in nobis Spiritum Paraclitum,
Haeredes fecit in coelesti gaudio.
Amen.
DIE XXII. IN FESTIVITATE SANCTAE CAECILIAE VIRGINIS, ET MARTYRIS, ET COMITUM EJUS. (1252A) Ad vesperum. Lauda. Exortum est in tenebris lumen. folio CLXII. Sono. Gaudete justi in Domino. fol. CLXV.
Antiphona. Gaudium magnum erit omnibus hominibus, dicit Dominus: P. Quia ecce ego venio; ut clarificer in medio Sanctorum meorum. V\. Omnes gentes plaudite manibus: jubilate in voce exultationis. P. Quia. V\. Gloria, et honor. P. Quia.
Dominus sit. R\. Et cum.
Lauda. Veniet Dominus Deus, et omnes Sancti cum eo. Alleluia. P. Et erit in die illa quae nota est Domino. Alleluia, alleluia. V\. Venite, et videte (1252B)opera Domini, quae posuit prodigia super terram. P. Et erit in die illa. V\. Gloria, et honor Patri et Filio. P. Et erit.
Hymnus.
Inclyti festum pudoris
Virginis Caeciliae
Gloriosa praecinamus
Voce prompti pectoris,
Quo soluta lege mortis
Tollitur in aetheris:
Germine haec Virgo clara,
Sanctitate clarior,
Pectore Christum retentans,
Huncque solum praedicans,
Ore Sponsum mente saeculum
(1252C)Vicit hostem sanguine.
Pectoris sacri recessum
Munit Evangelio:
Squalido corpus beatum
Proterit cilicio,
Noctis horas et diei
Mentis implens cantico.
Haec enim sortita sponsum
Germinis perfulgidi,
Angelum Dei fatetur
Se habere vindicem:
Hunc verendo, ut pudori
Det honorem commonet.
Sponsus hic furore caeco
(1252D)Comminatur Virgini;
Sed beata Virgo factis
Dicta prorsus comprobans,
Angelum, munusque Coeli
Mox adesse praestitit:
Affuit promissus idem
Vir coruscis vestibus,
Exhibens sertis coronas
Floribus praefulgidas
In rosis docens cruorem;
Castitatem liliis.
Munere hoc provocatus
Sponsus ad Christi fidem
[CCCXXVI] Illico fratris salutem
Imprecatus obtinet;
(1253A)Hincque ambo passionis
Consecrantur sanguine.
Tunc deinde Virgo Christi
Consequens Caecilia,
Hanc triumphalis honoris
Promeretur gloriam;
Igneis termis retrusa
Fit caloris nescia.
Plus calens sic igne Christi
Vicit ignem Saeculi;
Et vibrantis ensis ictum
Ter, valenter sustulit;
Postque terris membra ponit,
Spiritu Coelos petit.
Inde nobis sacra Virgo
(1253B)Mitte coeli munera,
Liliorum, vel rosarum
Munus inde proroga;
Unde hausisti superna
Veritatis gaudia.
Liliis corusca in nos
Castitas praefulgeat,
Punicis rosis voluntas
Passionis ferveat;
Criminis mole subacta,
Innovemur gratia.
Ecce adventum futuri
Praestolamur Judicis:
Sustinemus et beata
(1253C)Illa lucis gaudia:
Non rei tunc puniamur,
Non crememur ignibus;
Martyrum sed sacrosanctis
Aggregati coetibus,
Evadamus, quod timemus,
Contuentes gloriam,
Regis almi ad coronam
Evocati dexteram.
Ut tuam, Christe, videntes
Servuli praesentiam
Gratulemur, gaudeamus,
Personemus gloriam,
Curiae coelestis arce
Confovendi in saecula.
(1253D)Amen.
Supplicatio. Oremus Redemptorem, ut supra.
Capitula. Attendite dilectissimi fratres, quid Sanctorum oratio valeat, quidve pro impiis oppositae justorum intercessiones obtineant: cum orante Urbano, et virginis Caeciliae vota implentur, et Valeriani atque Tiburtii fides aucta, martyrii gloria decoratur. Proinde extensis ad coelum palmis petamus nobis auxilium de supernis, invocantes eum ex pietate, Patremque terribilem venturum expavescamus judicem; profecto etenim erit per illum nobis vita aeterna, per quem virgo Caecilia non fuit in ardoribus concremata. Qui enim illos in martyrii certamine positos exaudivit, exaudiet nos, cum ad eum fuderimus (1254A)clamorem gemitus nostri, proclamantes atque dicentes:
Pater noster. Liberati a malo. fol. 2.
Benedictio. Omnipotens Dominus, qui inter Valerianum atque Caeciliam spirituale sanxit esse connubium, ipse vobis coelestis concordiae tribuat incrementum: R\. Amen. Quique Tiburtium fratris prece perduxit ad fidem, ipse per vos accendat plurimos ad diligendam aeternae gloriae mansionem; R\. Amen. Ut horum semper foveamini praesidiis, quorum nunc patula exultatione laetamini de triumphis. R\. Amen.
Per misericordiam.
Lauda. Fideles in dilectione sustinebunt Deum; P. Quia regnum, et pax est electis ejus. Alleluia, alleluia. V\. Clamaverunt, et Dominus exaudivit eos: (1254B)et ex omnibus tribulationibus eorum liberavit eos. P. Quia regnum. V\. Gloria, et honor Patri. P. Quia regnum.
Oratio. Domine Jesu Christe, qui solus nominis tui scientiam habes, et magnificae virtutis potentiam obtines: quem nemo cognovit nisi Pater, ejusque revelatio; per interventum Martyrum tuorum Caeciliae, et ejus Comitum revela nobis tanti mysterii majestatem: et ita te unum cum Patre, et Spiritu Sancto credentes, inseparabilem cognoscamus, ut fidei merito semper propitium, mitemque in confessione inveniamus. R\. Amen.
Per misericordiam.
Ad Matutinum. Antiphona. Da nobis laetitiam. Psalmus L. Oratio. (1254C)Redde nobis. fol. CLXIII.
Antiphona. Implebitur visio, dicit Dominus. P. Ut veniat Sanctus Sanctorum, et finem accipiet peccatum. V\. Verumtamen in diluvio aquarum multarum, ad eum non aproximabunt. P. Ut veniat. V\. Gloria, et honor. P. Ut veniat.
[CCCXXVII] Oratio. Deus, qui in loco sanctificationis, te ungi Sanctum Sanctorum prophetali vaticinio praedixisti; conlata in nos tuae unctionis mysteria, inviolata conserva: ut iniquitate deleta, ita finem peccatum nostrum accipiat, ut merito perveniamus ad justitiam sempiternam. R\. Amen.
Per misericordiam.
Antiphona. Non deficiet princeps de populo Juda, (1254D)neque dux de femoribus ejus, quoadusque veniet Sanctus Sanctorum, P. Et ipse erit expectatio Gentium. V\. Juravit Dominus, et non poenitebit eum: tu es sacerdos in aeternum secundum ordinem Melchisedech. P. Et ipse. V\. Gloria, et honor. P. Et ipse.
Oratio. Deus, qui Jacob Patriarchae nostro Prophetae atque famulo tuo pietatis sacramentum revelas; dum per eumdem nobis adnuntias dicens: Non deficiet princeps de Juda, neque dux de femoribus ejus, usque ad unigenitum Dominum nostrum Jesum Christum Filium tuum: aperi nobis mysteria pietatis tuae, quo quicquid in nobis obscurum observabat antiquitas, verborum tuorum aperiat veritas: qualiter ut, luce sua Jesus Christus Filius tuus, qui est expectatio (1255A)nostra, nos accendens, ab omni mereamur expiari criminis labe. R\. Amen.
Per.
Antiphona. Corpora Sanctorum flamma non constristavit: P. Et dum ambularent per eam non comburebantur. V\. Invocabant Dominum, et ipse exaudiebat eos: in columna nubis loquebatur ad eos. P. Et dum. V\. Gloria, et honor. P. Et dum.
Oratio. Unigenite Dei Filius, qui corpora Sanctorum tuorum tanquam aurum fornacis igne examinas; cordium nostrorum, quaesumus, vires inspicias, et juxta posse nostrum (si placet tibi) ita nos igni tribulationum tentari permittas, ut de bono patientiae hereditatem mereamur in coelestibus obtinere. R\. Amen.
(1255B)Per misericordiam.
R\. Iste qui advenit: nemo scit nomen ejus; nisi ipse solus: vocabitur verbo Dominus: et habet vestem praeclaram, et omnis chorus Sanctorum. P. Cum hymnis sequuntur eum. V\. Dominus de Sina veniet, et de Seir ortus est nobis: apparuit de monte Pharan, et cum eo Sanctorum millia. P. Cum. V\. Gloria, et honor. P. Cum.
Oratio. Domine Jesu Christe, in Vesperis praecedentibus.
In Laudibus. Ad Canticum. Antiphona. Omnes Sancti. Canticum. Dominus de Sina veniet. Oratio. Venisse te Dominum. Ad Benedictus. Antiphona. Sancti, et humiles. (1255C)Canticum. Benedictus es Domine. Sono. Via justorum. Lauda. Laudate Dominum. Psalmus CXLVIII.
Lectio libri Zachariae Prophetae (Cap. XIV).
R\. Deo gratias.
Egredietur Dominus, et praeliabitur contra gentes illas, sicut praeliatus est in die certaminis. Et stabunt pedes ejus in die illa super montem olivarum, qui est contra Hierusalem ad orientem: et scindetur mons olivarum ex media parte sui ad Orientem, et ad Occidentem, praeruptio grandis valde; et separabitur medium montis ad Aquilonem, et medium ad Meridiem. Et veniet Dominus Deus, omnesque Sancti cum eo. Et erit in die illa: Exibunt aquae vitae de Hierusalem: medium earum ad mare Orientale, et medium earum ad mare novissimum: in aestate (1255D)et bieme erunt. Et erit Dominus Rex super omnem terram: in die illa erit Dominus unus, et erit nomen ejus unum. Et revertetur omnis terra usque ad desertum, de colle Remon ad Austrum Hierusalem: et exaltabitur, et habitabit in loco sancto suo. R\. Amen.
Hymnus. Inclyti festum pudoris virginis Caeciliae Quaere in Vesperis praecedentibus.
Supplicatio. Oremus Redemptorem, ut supra.
Capitula. Christe lux vera Sanctorum, qui inlustratione adventus tui saevientem in electos tuos destruis inimicum, veni ad nos, et inlumina cor nostrum luce illa, qua sanctorum tuorum Caeciliae et ejus Comitum Martyrum perlustrare dignatus es corda: (1256A)ut a nostrorum criminum onere sublevati, diem adventus tui praestolemur inlaesi.
Pater noster. Liberati a malo. fol. 2. Lauda. Fidelis in dilectione, ut supra.
Benedictio. Christus Dei Filius, cum quo Sanctorum millia ad judicium venient, sanctorum Caeciliae et ejus Comitum martyrum nos coetibus coronandos adsociet: R\. Amen. Et, qui electis daturus est judicii sessionem, [CCCXXVIII] peccatoribus ultionis pro merito non restituat vicem: R\. Amen. Quo gaudio adventus sui sic remuneret justos, ut fides, qua illi creditur, a suppliciis eruat miseros. R\. Amen.
Per.
DIE XXIII. IN FESTO SANCTI CLEMENTIS PAPAE ET MARTYRIS. Ad Vesperum. (1256B) Lauda. Gloria, et honore. fol. CLIX. Sono. Benedic anima mea. fol. CLX.
Antiphona. Fecisti Domine in mari viam: et inter fluctus semitam firmissimam ostendens, P. Quia potens es transeuntes mare salvare. V\. Mira sunt opera tua, et anima mea novit nimis. P. Quia. V\. Gloria, et honor. P. Quia.
Dominus sit. R\. Et cum.
Lauda. Infixus sum in limum profundi: ubi non est substantia. Veni in altitudinem maris: et tempestas dimersit me. P. Laboravi clamans, exaudi me. Alleluia, alleluia. V\. Salvum me fac Deus: quoniam intraverunt aquae usque ad animam meam. P. Laboravi. V\. Gloria, et honor. P. Laboravi.
Hymnus. (1256C)
Clementis festum celebratur hodie:
Venite plebes, et miramini compotes
Adseclam Petri Domini Apostoli,
Romanae sedis tertium Antistitem,
Quem Christus sibi consecravit Martyrem.
Hic habitando in Urbe Romulea
Adnuntiando Christum Dominum
Inluminavit Theodore Sisinium,
Dum visum Petrum in soporem perspicit;
Sic a Clemente baptizatus credidit.
Hic praedicando Christi Evangelium,
Et convocando catervas fidelium,
Trajani jussu ducitur in exilium,
Trans Pontum mare in praeruptum eremum
(1256D)Ibi peregit insigne miraculum:
Aquarum venas ex abysso eduxit,
Et satiavit sitientes incolas;
Qui per metalla excidebant marmora
Et aestuabant tabe, et siti valida,
Pro Christi nomine portantes supplicia.
Quos ubi cernit beatus Pater, bino
Poculum ferre sibi, milliario,
Hortatur cunctos ad praedicandum Dominum;
Ut suis fontem aperiret laticum,
Sacris salubrem mire confessoribus.
Quorum oblata dum litaret immolans
Sacer Antistes, meritis insignior,
Agnum adstare cernit sibi Dominum,
(1257A)Signantem locum, quem ut idem pupugit,
Elicit undam affluentem in fluvium.
Haec fama cunctas per gyrum provincias
Complens, tunc plebes ad credendum excitat:
Quae confluentes, suscepto baptismate,
Capiunt normam fidei catholicae;
Condunt et aedes quindecennas quinquies.
Ob hoc crescente aemula invidia,
Profundo mari mergitur cum anchora,
Ibi humatur sepulchrali camera,
In qua receptus extat nunc Ecclesia,
Ubi fideles confluunt per saecula.
Qui cursu anni tectus aqua valida
Alto in mari subtus undas latitat:
Cujus recurrens annua festivitas,
(1257B)Recedens mare fere tria milliaria,
Per septem dies vias praebet fulgidas.
Cujus sepulchrum velut aurum rutilat,
Anchora colli ut argentum emicat:
Fiunt virtutes per fideles petitas
Agentes Deo gratias multimodas;
Qui praestat Sanctis tanta mirabilia.
Te ergo, Clemens martyr alme, supplices
Agonis tui celebrantes gaudia,
Te hodierno poscimus cum fletibus,
Ut reis adsis: succurras labentibus;
Ac per te culpae careamus cumulo.
Exemplo tuo versi a pejoribus,
Ad meliora adtendamus jugiter,
Optima ambientes, et nos dignius,
(1257C)Mandata vitae servemus, felicius
Ut post Sanctorum adunemur coetibus.
Ipsum rogemus Verbum Patris Unicum,
Et obsecremus almumque Spiritum;
Ut mundi procul auferat jactantiam:
Virtutum nobis donet abundantiam:
Per quem aeternam habeamus gloriam.
Praesta, quaesumus, unita potentia,
Replensque globi cunctam solus machinam,
Virtute firmans, ingens adesto gloria
Aeterna, cujus laus, et clementia,
Et honor jugis, affatim per saecula.
Amen.
Supplicatio. Oremus Redemptorem, ut supra.
Capitula. Omnipotens Deus, qui beatissimum Clementem (1257D)episcopum, et martyrem passionum [CCCXXIX] stimulis, quasi minantium fluctuum cumulis, probari, non obrui, permisisti: cum dimicantem nec poena superaret, nec immersum unda supprimeret: quia ei et illic adfuisti, ne cruciatibus vinceretur, et hic praestitisti, ut contra naturam fluctibus portaretur: Miraculis tantis fidem omnibus praesta, ut quod a celebrantibus devotissime creditur, credentibus impensissime conferatur.
Pater noster. Liberati a malo. fol. 2.
Benedictio. Christus Dominus, qui beatissimum Clementem episcopum, nec infixum in limo profundi, nec marinorum fluctuum fecit lege teneri: ipse vos a vestris coenosae voluptatis eripiat colluvionibus. (1258A)R\. Amen. Et qui in altitudinem maris corpus Martyris scopulis non permisit teneri, a cunctis vos tentationibus liberet, et a profundo flagitiorum eripiat; R\. Amen. Ut eodem patrocinante, pervenire vos faciat ad gaudia infinita. R\. Amen.
Per misericordiam.
Lauda. Concluserunt me aquae in medio mari: et tempestas demersit. Alleluia. P. Clamavi ad te Domine: et sanasti me. Alleluia, alleluia. V\. Ego vero orationem meam ad te Domine: tempus beneplaciti Deus. P. Clamavi. V\. Gloria, et honor. P. Clamavi.
Oratio. Deus, qui consecratum tibi corpus Clementis martyris infixum in limo profundi ad superos revocasti, ut cujus mens tibi placita devotione inhaeserat, (1258B)ejus corpori marina famularentur obsequia; te quaesumus, te rogamus, ut meritis hujus Martyris nulla nos tentationum aqua operiat, nulla etiam tempestas criminum in peccatorum profundo demergat; sed leni manus tuae remigio sustentati, ad litus mereamur pervenire justitiae liberi. R\. Amen.
Per misericordiam.
Ad Matutinum. Antiphona. Labia mea. Psalmus L. Oratio. Exultent Domine. fol. CLXXX. Antiphona. Infixus sum, ut supra in Vesperis praecedentibus. Oratio. Deus qui consecratum tibi, ut hic supra.
Antiphona. Emitte, Domine, manum tuam de alto, eripe me, P. Et libera me de aquis multis; et de manu filiorum alienorum. V\. Benedictus Dominus (1258C)Deus meus, qui docet manus ad bellum, et digitos meos ad praelium. P. Et libera. V\. Gloria, et honor. P. Et.
Oratio. Domine, qui beatissimum Clementem martyrem tuum de malignorum consilio liberas eruens illum de aquis multis; et victorem efficiens in passionibus universis: libera nos de manu filiorum alienorum; ut insidiantibus inimicis vita nostra laedenda non pateat: nec illorum proceritas saeva de ruinae nostrae casibus hilarescat: sed gladio verbi tui accincti, et hic adversa superemus intrepidi, et post ad te mereamur pervenire inlaesi, et beati. R\. Amen.
Per misericordiam.
Antiphona. Beatus homo, qui spem habet in (1258D)Deum: erit Dominus fiducia ejus. P. Ossa ejus florebunt quasi lignum, quod plantatum est super aquas, V\. Quod fructum suum dabit in tempore suo: et folium ejus non defluet, et omnia quaecumque fecerit prosperabuntur. P. Ossa ejus. V\. Gloria, et honor. P. Ossa ejus.
Oratio. Domine Deus, qui beatissimum Clementem martyrii corona decorasti, ut sanctificatus inter collegas, coronatus inter coelicolas praefulgeret: sit nunc, te annuente, plebi tuae praecipuus Patronus, qui magnus extitit in electis: ut, quia non speravit in homine, sed te posuit in adjutorium, ejus suffragio firmetur spes aucta credentium. R\. Amen.
Per misericordiam.
(1259A)R\. Infixus sum in limum profundi: et non est substantia. Deveni in altitudinem maris: et tempestas demersit me. Laboravi clamans, P. Et exaudi me Domine, quoniam benigna est misericordia tua. V\. Non me demergat tempestas aquae, neque absorbeat me profundum. P. Et exaudi. V\. Gloria, et honor. P. Et exaudi.
Oratio. Deus, qui corpus beatissimi Martyris tui Clementis in limo profundi nulla marinorum fluctuum fecisti lege teneri: ut altitudo illum nullo modo maris demergeret; qui insurgentes contra se pro tuo nomine catervas hostium devicisset: interventu Martyris tui a cunctis nos tentationibus libera; et a profundo flagitiorum ereptos, in te placita conversationis luce exalta: ut, te opitulante, et vitiis (1259B)careamus, et virtutibus [CCCXXX] abundemus. R\. Amen.
Per misericordiam.
In Laudibus Ad Canticum. Antiphona. Fluctus tui, Domine, super me transierunt. Et ego dixi: Expulsus sum ab oculis tuis, putans videbo templum sanctum tuum.
Canticum. Clamavi ad Dominum. fol. 315.
Ad Benedictus. Antiphona. Benedictio Domini in mercedem justi festinat.
Canticum. Benedictus es. fol. 6.
Sono. De profundis clamavi ad te Domine: Domine exaudi vocem meam. Fiant aures tuae intendentes, P. Ad orationem servi tui. Alleluia. V\. Si iniquitatem observaveris Domine: Domine quis sustinebit? (1259C)Quoniam apud te propitiatio est: et copiosa redemptio. P. Ad orationem.
Lauda. Laudate Dominum. Psalmus CXLVIII.
Lectio libri Sapientiae Salomonis (Cap. VI).
R\. Deo gratias.
Fili, Qui custodierint justitiam, justificabuntur: et qui didicerint ista, invenient quid respondeant. Concupiscite ergo sermones meos, diligite illos, et habebitis disciplinam. Clara est, et quae nunquam marcescit sapientia, et facile videtur ab his qui diligunt eam, et invenietur ab his qui quaerunt illam. Praeoccupat qui se concupiscunt; et illis se priorem ostendit. Qui de luce vigilaverit ad illam, non laborabit: assidentem illam in foribus suis inveniet. Cogitare (1259D)enim de illa, sensus est consummatus: et qui vigilaverit propter illam, cito erit securus. Quoniam dignos se ipsa circuit quaerens, et in viis suis ostendit se illis hilariter, et in omni prudentia occurret se illis. Initium illius verissimum est, et disciplinae concupiscentia. Secura ergo disciplinae dilectio est: et dilectio, custoditio legum illius est; custoditio autem legum consummatio incorruptionis est. Qui autem legem non custodit, coinquinat incorruptionem. Incorruptio autem facit Deo proximum. Concupiscentia itaque sapientiae ducit ad regnum perpetuum. R\. Amen.
Hymnus. Clementis festum celebratur. Supplicatio. Oremus Redemptorem, ut supra in Vesperis praecedentibus.
(1260A)Capitula. Christe Domine, qui es Ecclesiae tuae caput, praesta, ut Clemens beatissimus martyr tuus in corpore Ecclesiae constitutus, qui tunc membra pro Capite dedit, nunc Caput pro membris adire non cesset; sed Capiti proximus regat totum, et protegat corpus: id impendens liberius, quod se exultat obtinuisse felicius
Pater noster. Liberati a malo. fol. 2.
Lauda. Concluserunt me aquae.
Benedictio. Christus Dominus, qui beatissimum Clementem. Quaere in Vesperis praecedentibus.
DIE XXIX. IN FESTO SANCTI SATURNINI EPISCOPI, ET MARTYRIS. Ad Vesperum. (1260B)Lauda. Gloria et honore. Sono. Fac mecum Deus. Fol. CLIX. Antiphona. Posuisti, Domine, super caput. Fol. CCXCII.
Antiphona. Videbunt gentes justum tuum, Sion, et cuncti reges inclytum tuum: et vocabitur tibi nomen novum, quod Dominus nominavit: P. Et eris corona gloriae in manu Domini, et diadema regni in manu Dei tui. V\. Et timebunt gentes nomen tuum Domine, et omnes reges terrae gloriam tuam. P. Et eris. V\. Gloria, et honor. P. Et eris.
Dominus sit semper. R\. Et cum.
Lauda. Alleluia. Omnis qui vicerit, faciam illum sedere in throno Patris mei. Alleluia. P. Sicut et ego vici, et sedeo in illo. Alleluia, alleluia. V\. Et ego primogenitum ponam illum excelsum apud reges (1260C)terrae. P. Sicut et ego. V\. Gloria, et honor. P. Sicut.
Hymnus.
Vocis auditae novitas refulsit,
Regis adventum recinens Superni:
Det suos Terra pariendo flores
Jure colonis.
Ninguidis septa spatiis Tolosa
Flagret accensa fidei calore;
Quae Saturnino, reboante Christo,
Martyre coepit.
Dogmate cujus simulachra cedunt;
Cujus accessu reticere discunt
Doemonum vafra dominantis ora
(1260D)Voce sopita.
[CCCXXXI] Hic, Dei Patris Genitum colendum
Praedicans voce, simul et cruore,
Vincitur Tauri pedibus litandus
Victima Christo.
Hujus inlaesi cineres, dicato
Rite transferri tumulo merentur;
Quo fides cultu, gemini honoris
Aucta maneret.
Inde te, Christe, veniens, rogamus,
Mitis apparens veniendo justis,
Nosque victorum socians coruscis
Junge coronis.
Gloriam psallat chorus, et resultet;
Gloriam dicat, canat, et revolvat:
(1261A)Nomini Trino, Deitati soli
Sidera clament.
Amen.
Supplicatio. Oremus Redemptorem mundi, ut supra
Capitula. Magnum, Domine, pietatis est sacramentum, quod ostensum est in carne, justificatum est in spiritu, apparuit Angelis, praedicatum est Gentibus, creditum est in mundo, assumptum est in gloria; quo justus ex fide vivit, quo impius ad te recurrit: Quaesumus ergo, ut, qui inlustratione adventus tui praesentis martyris Saturnini Episcopi cor perlustrare dignatus es, quo extortam poenis vitam, te in munere percepturus, amitteret, nostrum quoque cor digneris dono tuae gratiae emollire, quo tibi peccata (1261B)nostra devota pandamus fide; a te etiam postulatum remedium impetremus: ut te, quem ille nobiscum olim venisse jam credidit pro Mundi salvatione, nos quoque per eum te venturum mereamur liberatorem nostrum excipere.
Pater noster. Liberati a malo. fol. 2.
Benedictio. Christus Dei Filius cujus fides justificat impium, Justi hujus precibus vestrorum solvat vincula peccatorum: R\. Amen. Et qui venturus ad Judicium sustinetur, ejus, cujus festum colitis, faciat vos obtinere consortium; R\. Amen. Ut, cum hoc Martyre adventus Christi gloria vos et in futuris gaudiis societ, et aeternitatis praemio ditet. R\. Amen.
Per misericordiam ipsius, etc.
Lauda. Beatus vir, qui timet. Fol. CCXCIII.
(1261C)Oratio. Deus, qui os beatissimi martyris tui Saturnini Episcopi, ita sapientiae ubertate replesti, ut diversitate virtutum circumseptus apparens, jocunditate, et decore illum coelesti gloriosum ostenderes: quo et labia sua custodiens, scientiam et legem in ore ejus exquireres: porrige ori nostro scientiae lucem, et sapientiae verae perfectionem: ut in eo quod ille tibi multos convertit ab iniquitate, in eo nos jubeas perenniter converti, et jocundari. R\. Amen.
Per misericordiam.
Ad Matutinum. Antiphona. Labia mea. Psalmus L. Oratio. Exultent te Domine. fol. CLXXX. Antiphona 1. Homo Dei ostendit. Oratio. Debitas tibi Domine. Antiphona 2. (1261D)Homo iste perfecit omnia. Fol. CCXCIII.
Oratio. Christe Deus, omnium gratiarum largitor, qui primum, ac summum Tolosanae civitatis famulum tuum Saturninum Sacerdotem instituisti: ad te, qui es retributor justissimus, sine confusione perveniamus. R\. Amen.
Per misericordiam.
Antiphona 3. Iste homo honorificatus est. fol. CCXCIII.
Oratio. Domine Jesu Christe, qui es ineffabilis bonitas, et invicta potestas, pro cujus nomine beatissimus Saturninus Praesul, et martyr, dum litari aris doemoniacis renuit, ad Capitolium a turbis attrahitur, furentique tauri supplicio consecratur: tu ejus meritis (1262A)nostras suscipe preces, et omnes fideles in commune pro tua miseratione justifica. R\. Amen.
Per misericordiam.
Responsorium. Labia sacerdotis custodiunt. fol. CCXCIV.
Oratio. Deus, qui os beatissimi martyris. Quaere in Vesperis praecedentibus.
In Laudibus. Ad Canticum. Antiphona. Thronum gloriae. Canticum. Confirmatum est cor meum. Ad Benedictus. Antiphona. Benedictio Domini. Canticum. Benedictus es Domine. fol. 6. Sono. Alleluia. Cantabo virtutem. Lauda. Laudate Dominum. Psalmus CXLVIII. Prophetia. Vir iste conservavit. Fol. CCXCIV. [CCCXXXII] Hymnus. Vocis auditae. Supplicatio. Oremus Redemptorem. (1262B)In Vesperis praecedentibus.
Capitula. Christe, Dei Filius, qui justis judex ad judicium sustineris, da nobis justi hujus precibus emundari ab injustitiis nostris: ut, qui adventus tui triumphis ejus celebranda admiscitur celebritas, ejus exceptione, dona perennis muneris consequamur.
Pater noster. Liberati a malo. fol. 2.
Lauda. Beatus vir. Benedictio. Christus Dei Filius. Quaere in Vesperis praecedentibus.
DIE XXX. IN FESTIVITATE SANCTI ANDREAE APOSTOLI. Ad Vesperum. Lauda. Gloria, et honore. fol. CLIX.
Sono. O bona crux. Fol. CCXXXIX.
Antiphona. Alleluia. Ego enim per legem, legi (1262C)mortuus sum, P. Ut Deo vivam: Christo confixus sum cruci. Vivo autem, jam non ego: vivit vero in me Christus. V\. Dominus pars hereditatis meae, et calicis mei: tu es, qui restitues mihi hereditatem meam. P. Ut Deo. V\. Gloria, et honor. P. Ut Deo.
Dominus sit. R\. Et cum spiritu.
Lauda. Loquebar de testimoniis tuis in conspectu regum: et non confundebar. P. Et meditabar in mandatis tuis, quae dilexi. Alleluia, alleluia, alleluia. V\. Et veniat super me misericordia tua Domine: salutare tuum, et eloquium tuum. P. Et meditabar. V\. Gloria, et honor. P. Et meditabar.
Hymnus.
Decus sacrati nominis,
Nomenque vitam exprimens,
(1262D)Hic te decorum praedicat
Crucis beatae gloria.
Andrea Christi Apostole,
Hoc ipse jam vocabulo
Decorus; idem mystice
Signaris isto nomine.
Quem Crux ad alta provehit,
Crux quem beata diligit,
Cui Crux amata praeparat
Lucis futura gaudia.
In te Crucis mysterium
Cluit gemello stigmate;
Dum probra vincis per Crucem,
Crucisque pandis sanguinem.
(1263A)Jam nos foveto languidos,
Curamque nostri suscipe;
Quo per Crucis victoriam
Coeli petamus patriam.
Praesta Pater omnipotens,
Per Jesum Christum Dominum,
Qui tecum in perpetuum
Regnat cum Sancto Spiritu.
Amen.
Supplicatio. Oremus, ut supra.
Capitula. Christus Dominus noster, qui beatissimum Andream, et Apostolatus gratia, et martyrii decorasti corona; hoc illi specialiter in munere praestans, ut Crucis praedicando mysterium, ad Crucis mereretur pervenire patibulum: da nobis, ut (1263B)sanctae Crucis tuae verissimi amatores effecti, abnegantes nosmetipsos tollamus Crucem nostram, et sequamur te: ut passionibus tuis in hac vita communicantes, ad aeternam vitam pervenire mereamur felices.
Pater noster. Liberati a malo. fol. 2.
Benedictio. Omnipotens Dominus, qui animam Andreae Apostoli suscepit in Cruce, ab omni cruciatu vos liberet damnationis aeternae; R\. Amen. Et, quo praedicante, adquisivit sibi populos credituros, eo precante, credentes efficiat gloriosos; R\. Amen. Ut exemplo Apostoli sui Crucis Christi amatores effecti, et hic vitiorum superetis incendia, et post ad aeternitatis mereamini pervenire promissa. R\. Amen.
Per misericordiam.
(1263C)Lauda. Statuit Dominus supra. fol. CLVII.
Oratio. Vir Dei sanctus Andreas, Christe, tuus ille Apostolus, qui te vidisse illa visione pacis novissima protestatur, dum secreta sanctae Crucis se agnovisse fatetur, sit pro nobis apud te intercessor assiduus: ut, qui te praedicavit voce simul et corpore, et sanguine, nobis apud te opituletur, et doctrina simul, et prece. R\. Amen.
Per misericordiam.
Ad Matutinum. Antiphona. Labia mea Domine. Psalmus
Oratio. Exultent Domine. Fol. CLXXX.
Antiphona. Mihi absit gloriari, nisi in Cruce Domini nostri Jesu Christi: P. Per quem [CCCXXXIII] mihi mundus crucifixus est, et ego mundo. V\. Expectans (1263D)expectavi Dominum, et respexit me: Et exaudivit deprecationem meam. P. Per quem. V\. Gloria, et honor Patri. P. Per quem.
Oratio. Fac nos, Deus Pater, in Jesu Christi Filii tui Domini nostri Cruce plenissime gloriari, ut confessio oris cum efficientia operis, sic concordet in nobis, qualiter verissime crucifigentes nos Mundo, aeternitatis mereamur satiari de praemio. R\. Amen.
Per misericordiam.
Antiphona. Salve Crux, quae diu fatigata requiescis expectans me certissime. Scio gaudere te, suscipiens Discipulum ejus, qui pependit in te. V\. Audivit Dominus, et misertus est mihi: Dominus factus est (1264A)adjutor meus. P. Scio. V\. Gloria, et honor. P. Scio.
Oratio. Sancte Dei Apostole, qui, diu fatigatam, Crucem in tua expectatione, tandem requievisse in tua perventione, piis affectibus clamas: concede plenum nobis gaudium in tua passione habere, ut suffragio tuo nobis futurum praepares regnum, quibus non tam verbo, sed et sanguine reliquisti exemplorum, virtutumque documentum. R\. Amen.
Per misericordiam.
Antiphona. Bona Crux, accipe me, et redde me Domino meo: P. Quia per te redemit me ille, qui pependit in te. V\. Deus in te speravi Domine, non confundar in aeternum: in tua justitia libera me, et eripe. P. Quia per te redemit. V\. Gloria, et honor (1264B)Patri. P. Quia per te.
Oratio. Crucis tuae, Domine, amore Apostolus tuus et martyr Andreas mirifice flagrans, per eam se tibi Domino suo reddi exoptat, per quam se redemptum esse non dubitat: quaesumus ergo, ut obtentu ejus, qui in ea Cruce pependit, feliciter nos a cunctis potenter digneris futurae ultionis cruciatibus liberare. R\. Amen
Per misericordiam.
R\. Vir sanctus Dei, dum aspiceret coelum, voce magna dicebat: Tu es Deus meus, et Dominus meus, quem vidi, in quo credidi, quem dilexi. P. Ne me patiaris ab impio judice deponi, qui jam secreta sanctae Crucis agnovi. V\. Homo iste supplicabat in conspectu Domini, dicens: Deus Pater, et (1264C)Dominator vitae meae. P. Ne me patiaris. V\. Gloria, et honor Patri. P. Ne me patiaris.
Oratio. Vir Dei sanctus Andreas. Quaere in Vesperis praecedentibus.
In Laudibus. Ad Canticum. Antiphona. Ego in Domino gloriabor, gaudebo in Deo, Jesu meo.
Canticum. Domine audivi auditum. fol. 22.
Ad Benedictus. Antiphona. Benedictio Domini in mercedem justi festinat.
Canticum. Benedictus es Domine. fol. 6.
Sono. O bona Crux. Quaere in Vesperis praecedentibus.
Lauda. Laudate Dominum de coelis Alleluia: laudate eum in excelsis Alleluia, alleluia. Psalmus (1264D)CXLVIII.
Prophetia. Justus si morte praeoccupatus. fol. 53.
Hymnus.
Omnipotenti Domino Prostrati omnes supplices Reddamus gratias pro Sancti Andreae certamine.
Redemptorem deprecans,
Ipsum verum agnoscere,
Doemonibus invidere,
Fallacibus resistere.
Juvatus Christo Domino
Praedicavit Achaiae:
Convertitur omnis populus,
(1265A)Et sese Cruci tradidit.
En tibi Jesus omnipotens,
Cujus Cruce suspensus est,
E coelis evocatus est,
Per fidem coronatus est.
Non timens cruciatibus;
Sed se in Cruce postulat,
Ut inde emigraverit
Ad sedem veri Domini.
Tunc populi clamoribus
Dantes voces in auribus,
Aegaee inique, perfide,
Defende Apostolum.
Jam jam in Cruce positus
Veritatem praedicans,
(1265B)Ornatus moribus bonis,
Pius, sanctus, castissimus.
Aegaeas vero teterrimus
Doemonibus arripitur,
Inferno suscipitur,
Tenebris sociatus est.
Frater vero ipsius,
[CCCXXXIV] Tenens corpus Apostoli,
Sepelivit intrepidus,
Cum magna multitudine.
Deo Patri sit gloria,
Ejusque soli Filio,
Cum Spiritu Paraclito
Regnans per omne saeculum.
Amen.
(1265C)Supplicatio. Oremus Redemptorem mundi Dominum nostrum Jesum Christum, ut supra.
Capitula. In tuo, Christe, corpore Crucis tuae venerantes arcanum, quae, et te Dominum redemptionem inferentem Mundo suscepit, et Discipulum morientem melius victurum tibi restituit: rogamus te, atque exposcimus, ut nos illi jungas in munere, cujus hic venerantes incolimus passionem.
Pater noster. Liberati a malo. fol. 2.
Lauda. In psalterio et cithara. Require folio CLX.
Benedictio. Omnipotens Dominus. Quaere in Vesperis praecedentibus.
Exeunte Vespera.
(1265D)Lauda. Lucerna pedibus meis. fol. CLX.
Sono. O bona Crux, quae. In Vesperis praecedentibus.
Antiphona. Qui mihi ministrat, me sequatur; P. Et ubi ego sum, ibi erit et minister meus. V\. Quid retribuam Domino, pro omnibus quae praestitit mihi? Calicem salutaris accipiam: et nomen Domini invocabo. P. Et ubi ego sum. Gloria, et honor Patri. P. Et ubi.
Dominus sit semper. R\. Et cum.
Lauda. Euge serve bone, et fidelis, super pauca fuisti fidelis, in multa te conlocabo. P. Intra in gaudium Domini tui. Alleluia, alleluia. V\. Labores fructuum tuorum manducabis: beatus es, et bene (1266A)tibi erit. P. Intra. V\. Gloria, et honor Patri. P. Intra.
Hymnus. Deus sacrati nominis. Quaere in Vesperis praecedentibus.
Supplicatio. Oremus Redemptorem mundi Dominum, ut supra.
Capitula. Deus a quo Unicus Filius tuus in hunc Mundum missus, ac pro nobis in Cruce suspensus, nostrae redemptionis pretium dedit sanguinem suum; ut reconciliati per ejus mortem, filiorum apud te promereamur adoptionem; ejusdem nostri mediatoris obtentu, nobis nec merentibus tribue: ut possimus te Patrem fiducialiter appellare, et oratione, quam ipso Domino docente, didicimus, ad te non solum vocibus, sed et meritis proclamemus (1266B)e terris:
Pater noster. Liberati a malo. fol. 2.
Benedictio. Sanctus Andreas Apostolus, qui pro crucifixo Domino, ac Redemptore nostro est in Cruce suspensus, coram ipso Domino gratiae, providus vobis existat semper Patronus; R\. Amen. Et ob cujus celebrandam solemnitatem, alacer est hodie vester conventus, sit pro peccatis vestris ante Deum intercessor assiduus: R\. Amen. Ac sicut hic Sanctus virtute fretus Domini crucifixi, per Crucis victoriam diabolum superavit; ita vos per mortificationem Crucis cuncta vitia conculcetis. R\. Amen.
Per.
Lauda. Statuit Dominus. fol. CLVII.
(1266C)Oratio. Vir Dei Sanctus. In Vesperis praecedentibus.
FESTA DECEMBRIS. DIE IV. IN FESTO SANCTAE BARBARAE, VIRGINIS ET MARTYRIS Omnia dicantur unius Virginis, fol. CLXXIX, exceptis Hymnis, ad Vesperum, et Matutinum:
Hymnus.
O Christi Martyr, et inclyta Virgo, sacrata Barbara, Cujus pugnae sunt subdita Caro, mundus, et tartara!
Tu lux orta de tenebris,
(1266D)Luce perfundens saeculum,
Abstracta ab illecebris
Frangis salutis aemulum.
Mire fenestra triplici
Ornas patris palatium,
Fide demonstrans simplici
Trinitatis mysterium.
Das naturam marmoream,
Maledicendo rustico,
Qui mentem gerens saxeam,
Nutu te prodit publico.
Abscindit natae jugulum
Pater fera crudelior,
Sed per coeleste spiculum
Mors ipsum ferit saevior
(1267A)[CCCXXXV] Patri, Nato, Paraclito,
Decus, honor, et gloria:
Sanctae sint hujus merito
Nobis aeterna gaudia.
In coelesti collegio
Nova collega colitur,
In Sanctorum rosario
Novellus flos producitur.
Barbara florens gratia
Forma facta humilium,
Laeta potitur gloria,
Sortis consors sublimium.
Metit de sparso semine
Plenae messis manipulum,
Fallens subter tegimine
(1267B)Nostrae salutis aemulum
Haec carnis supercilia
Spiritui dat subdita:
Mundum vicit, et vitia,
Se victa, victrix inclyta.
De tenebris miseriae
Sequaces stellae praeviae,
Quaeramus Patrem gratiae,
Consortes tandem gloriae.
Amen.
Ad Matutinum, Hymnus.
Gaude mater Ecclesia, Maternis plaudens plausibus, Pro benedicta filia Frequens in Dei laudibus.
(1267C)Barbaram Christi famulam
Laudemus unanimiter,
Et crucis Christi bajulam
Imitemur feliciter.
Christum fatendo siquidem
Astruit fidem, clarius
Disceptans contra praesidem,
Vincit tormenta fortius.
Paternam premit rabiem,
Certans in Christi nomine,
Hostilem frangit aciem
Glorioso certamine.
Manus paterna jugulat
Puellam, et continuo
(1267D)Perit: doemon stimulat
Parricidam tonitruo.
Nos in campo certaminis,
Sanctae zelantes gloriam,
Divini ductu luminis,
Tendamus ad victoriam.
Praestet hoc Sancta Trinitas,
Sanctae Barbarae meritis,
Ad te, summa Suavitas,
Rectis nos ducens semitis.
Amen.
DIE VI. IN FESTO SANCTI NICOLAI EPISCOPI, Omnia dicantur unius Confessoris Pontificis, fol. CLXIX, exceptis Hymnis ad Vesperum et ad Matutinum.
Hymnus. (1268A)
Adest dies sanctissima Virtute sacra splendida, Qua Nicolaus sedibus Locatur in coelestibus.
Sic parvus infans corpore;
Magnus tamen Dei fide:
Quarta, et sexta feria,
Semel sugebat ubera.
Virtute fulgens nobili,
Jejuniis, vigiliis
Domabat corpus juvenis;
Ne foedaretur vitiis.
Sic Praesul Christi nobilis
(1268B)Pro sanctitate meriti,
Qui illum exornaverat
Coelestis regni gloria.
Adesto Praesul inclyte,
Precesque nostras suscipe,
Offerque summo Praesuli,
Preces devotas populi.
Sit Trinitati gloria,
Aeterna laus, et inclyta
Deo Patri, et Filio,
Et flamini cum Spiritu.
Amen.
Ad Matutinum, Hymnus.
Exultet aula coelica, (1268C)Laetetur mundi machina, Dum refert solis orbita Nicolai memoriam.
Qui vagitus infantiae
Decoravit mirifice,
Dans virtutum primordia
Inter ortus crepundia.
Quarta, cum sexta feria,
Semel sugebat ubera,
Jam in aetate tenera
Hac usus abstinentia.
Cujus tumba fert oleum,
Matres olivae nesciunt:
Quod natura non protulit,
Marmor sudando parturit.
(1268D)O venerande Pontifex!
Pius, nec tardus opifex
Cunctis, qui corde credulo
Te quaerunt in periculo:
[CCCXXXVI] Aufer mentis dispendia,
Confer vitae stipendia;
Ut post carnis exilia,
Tecum simus in gloria.
Praesta Pater ingenite,
Jesu, cum sacro Neumate;
Ut Nicolai precibus,
Coeli jungamur civibus.
Amen.
DIE IX. IN FESTO SANCTAE LEOCADIAE VIRGINIS. (1269A) Ad Vesperum. Lauda. Confessionem, et decorem induisti. Sono. Confitebor tibi Domine in toto corde meo. Fol. CLXIX.
Antiphona. Confitebor tibi Domine in toto corde meo: qui exaudisti verba oris mei. P. In conspectu Angelorum psallam tibi: V\. Deus meus es tu, et confitebor tibi: Deus meus exaltabo te. P. In conspectu Angelorum psallam tibi. V\. Gloria, et honor Patri. P. In conspectu.
Dominus sit semper vobiscum. R\. Et cum spiritu tuo.
Antiphona. Exulta satis filia Sion, jubila tu Israel: (1269B)P. Ecce Rex tuus venit tibi justus, et salvator. V\. Confessio, et magnificentia opus ejus: et justitia ejus manet in saeculum saeculi. P. Ecce Rex tuus. V\. Gloria, et honor Patri. P. Ecce Rex tuus.
Dominus sit semper. R\. Et cum.
Lauda. Confitebor tibi Domine rex. Alleluia. fol. CLXIX.
Lauda. Confitebor Domino Alleluia, secundum justitiam ejus. Alleluia. P. Et psallam. Alleluia. V\. Laetabor et exultabo in te: et psallam nomini tuo Altissime. P. Et psallam. V\. Gloria, et honor Patri, et Filio. P. Et psallam.
Hymnus.
Sanctissimae Leocadiae Solemne festum prodiit, (1269C)Quo vana terrae despuens, Ad Regna coeli transiit.
Omnes venite supplices;
Cordis reatum pandite:
Gaudendo vota solvite,
Deoque grates reddite.
Haec namque Virgo nobilis,
Exorta claro germine,
Confessa Christum fortiter,
Poenas libenter pertulit.
Correpta jussu Praesidis,
Vaccis ligatur ferreis;
Ut, vinculorum pondere
Fides puellae cederet.
(1269D)Illic per abstinentiam
Christo placere cogitans,
Laudum rependit gratias,
Precumque defert victimas.
Sed mox beatae Eulaliae
Mortem sacratam comperit:
In carcerali vinculo
Coelo refudit spiritum.
Nunc Virgo sancta, quaesumus,
Et lachrymando poscimus;
Ut probra nostra diluas,
Et vota Christo deferas.
Tu nostra Civis inclyta,
Tu es Patrona vernula,
Ab urbis hujus termino
(1270A)Procul repelle taedium.
Non hostis hic praevaleat,
Non morbus aut penuria:
Recedat omne noxium,
Et conferatur commodum.
Sic vita rebus affluat,
Ne corda luxu sordeant;
Cunctisque propter crimina
Donetur indulgentia.
Deo perennis gloria,
Et gratiarum copia,
Qui cuncta volvit tempora,
Et regnat ante saecula.
Amen.
Supplicatio. Oremus Redemptorem mundi Dominum (1270B)nostrum, mutato nomine, fol. CLXXXVII.
Capitula. Domine Jesu Christe, qui es sponsus Virginum, et munere coelesti remunerator Confessorum: qui sanctam Leocadiam, et permanere virginem praestas, et confessorem glorificas; te acclives rogamus; ut interventu ejus, sicut illa confitendo coeleste promeruit regnum, ita nos perpituum evadamus supplicium.
Pater noster. Liberati a malo. fol. 2.
Benedictio. Christus Dominus, qui beatissimam Leocadiam se digne confiteri coram hominibus fecit in terris, confiteatur vos coram Patre suo, qui est in coelis: R\. Amen. Et qui [CCCXXXVII] in ore ejus accepta sibi confessionis contulit cantica, ipse devotionem vestram remunerandam suscipiat; R\. Amen. (1270C)Ut exemplo beatae virginis Leocadiae, confitendo et laudando nomen Jesu Christi in saeculo, participes ejus, quem confessi estis, mereamini esse in coelo; R\. Amen. Qui in Trinitate permanet Deus in saecula saeculorum. Amen.
Lauda. Germinabunt ossa tua quasi salices Alleluia P. Juxta fluentes aquas. Alleluia, alleluia. V\. Et erit tanquam lignum, quod plantatum est secus decursus aquarum, quod fructum suum dabit in tempore suo. P. Juxta. V\. Gloria, et honor. P. Juxta.
Oratio. Domine, qui es magnus, et gloriosus, da nobis famulis tuis, ut, dum operum tuorum magnitudinem admiramur, magnificentiam tuam debita confessione laudemus; atque intercessione gloriosae virginis (1270D)et confessoris tuae Leocadiae tribue nobis, perfectum intelligentiae decus timoris obedientia agere, et mandata tua fidelia omni custodia cordis diligenter explere. R\. Amen.
Per misericordiam tuam Deus noster, etc.
Ad Matutinum. Antiphona. Laudabit lingua mea justitias tuas Deus meus. Psalmus
Oratio. Laudet te, Domine, lingua nostra. fol. CLXX.
Antiphona. Filia Sion, ego dilexi te, dicit Dominus, P. Et misericordia mea non recedet a te. V\. Audi filia, et vide, et inclina aurem tuam: et obliviscere populum tuum, et domum patris tui. P. Et misericordia mea. V\. Gloria, et honor Patri, et Filio. P. Et misericordia.
(1271A)Oratio. Beata Dei virgo, quae in Sion speculatione gloriosa consistis, quam Deus ipse dilexisse testatur, ex quo tibi non recessuram ultra misericordiam pollicetur: da nobis Domine meritis suis, ut amore divino flagrantes, in futuro judicio inveniamur indemnes. R\. Amen.
Per misericordiam tuam.
Antiphona. Laetare filia Sion, quia gaudebit super te Deus tuus: silebit in dilectione tua, P. Et exultavit super te in laude. V\. Lauda Hierusalem Dominum: conlauda Deum tuum Sion. P. Et exultavit. V\. Gloria et honor. P. Et exultavit.
Oratio. Laetare filia Sion, quia gaudet Unigenitus Dei Filius super te, et exulta in laude, dum te, et incorruptam Virginem esse praestat, et confessionis honore (1271B)glorificat: quaesumus proinde, ut per te, qui utroque munere clares, vita nostra, quae dono virginitatis caret, confessionis saltim virtute fructificet. R\. Amen.
Per misericordiam tuam, etc.
Antiphona. Exulta satis filia Sion, jubila tu Israel: P. Ecce Rex tuus venit tibi justus, et salvator. V\. Non det in commotionem pedem tuum: neque dormiet qui custodit te. P. Ecce Rex tuus. V\. Gloria, et honor. P. Ecce Rex tuus.
Oratio. Propera in occursum Dei tui Virgo filia Sion, quia ipse veniet tibi mansuetus, confortans, et redintegrans te in confessione sua: proinde petimus, ut vita nostra intercessione tua augeatur in meritis tuis: ut, qui tibi occurrit in saeculo gratissimus coronator, in judicio sit nobis futuro clementissimus (1271C)liberator. R\. Amen.
Per misericordiam.
R\. Exulta satis filia Sion, lauda et laetare filia Hierusalem: quia ecce Rex tuus veniet tibi mitis, et salvator: ipse pauper ascendens super pullum filium subjugalis. Et dissipabitur arcus belli: et loquetur pacem gentibus, P. Quoniam potestas ejus a mari usque ad mare et a fluminibus usque ad fines terrae. Quid enim bonum ejus, aut quid pulchrum ejus est, nisi frumentum electorum, aut vinum germinans virgines? Petite ab eo pluviam in tempore serotino, et dabit imbrem vobis, et herbam in agris. V\. Visitabit Dominus populum suum, domum Juda et constituet eum sicut equum speciosum in certamine. P. Quoniam potestas. V\. Gloria, et honor. P. Quoniam (1271D)potestas.
Oratio. Exulta satis filia Sion: quia ecce Rex tuus veniet tibi mansuetus, cujus dono et frumentum Confessorum clarescit virtutibus, et integritas Virginum fulgescit in laudibus. Praesta ergo nobis, ut inter frumenta electorum mereamur justificati quandoque admitti, qui nunc nostrorum operum manemus flagitiis cooperti: ut, quae apud Deum meruisti de confessione coronam, nobis confitentibus obtineas apud ipsum peccatorum nostrorum omnium indulgentiam. R\. Amen. Quia pius est, et miserationis dignoscitur Dominus, in omnia saecula saeculorum. R\. Amen.
Per misericordiam.
(1272A)Antiphona. Benedicta tu a Deo altissimo [CCCXXXVIII] prae omnibus mulieribus. P. Propter hoc non discedat laus tua de ore hominum, usque in saeculum. V\. Gloriosa dicta sunt de te civitas Dei. P. Propter. V\. Gloria, et honor. P. Propter.
Oratio. Gloriosa facta est virgo tua, Christe, Leocadia, quae consurgenti aurorae comparata, pulchra ut luna, atque electa ut sol, probatur: dum clariori rutilans lumine, et ut luna plena, clarescit in confessione, et ut sol flagrans, atque imminutionem sui nesciens, sanctitatis persistit in opere: da ergo nobis, ut per eam apud te pro votis obtinere indulgentiam mereamur, qui nunc pro delictis, vel lachrymas fundimus, vel gemitus exhibemus. R\. Amen.
Per.
(1272B)Antiphona. Egredere quasi aurora consurgens, P. Pulchra ut luna, et electa ut sol, et ornata. V\. Audi filia, et vide, et inclina aurem tuam: et obliviscere populum tuum, et domum patris tui. P. Pulchra. V\. Gloria, et honor. P. Pulchra.
Oratio. Deus, qui navem Ecclesiae tuae, pro Mundi istius periculis fluctuantem, optimus nauta gubernas; et ne infidelitatis procella obruatur, vigilantissimus custos sollicitas: omnibus ejus lavacro renatis tribue per intercessum gloriosae confessoris et virginis tuae Leocadiae, persecutionum tempestates in tui nominis confessione devincere, tibique placitum sacrificium nosmetipsos offerre: quique mirabiliter prospiciunt in profundum, remigio dexterae tuae perducantur in coelum. R\. Amen.
(1272C)Per misericordiam tuam Deus.
Antiphona. Speciosa facta es Alleluia. fol. CLXXIX. Oratio Domine, qui es magnus, ut supra, fol. CCCXXXVII. Responsorium. Speciosa, et decora.
Oratio. Domine Jesu Christe, qui es supra omnes gentes excelsus, et in coelestibus habitas gloriosus; humilitatem nostram ab excelso intende placatus; ac sicut Ecclesia tua, quae erat sterilitatis vitio impedita, nunc est, in te credens, virtutum meritis plena, et filiis numerosa; ita mens nostra, ab sterilitate operum infoecunda, te tribuente, per interventum gloriosae confessoris et virginis tuae Leocadiae, possit et semen verbi suscipere, et copiosis fructibus redundare: nomenque tuum, a solis ortu usque ad occasum praeclarum, cordis ambiat unanimitate diligere, (1272D)et fidei assensione laudare. R\. Amen.
Per misericordiam tuam Deus noster, etc.
In Laudibus. Ad Canticum. Antiphona. Confitebor tibi, Domine, quia. Canticum. Confitebor.
Ad Benedictus. Antiphona. Filia Sion benedic Domino Deo excelso in omni benedictione, et laude.
Canticum. Benedictus.
Sono. In conspectu. Psal. CXLVIII. fol. CLXXIII. Prophetia. Longe Dominus. fol. CLXXXI. Hymnus. Sanctissimae Leocadiae. Supplicatio. Oremus. In Vesperis praecedentibus.
Capitula. Gloriose ac misericors Domine, qui beatae Leocadiae tibi nimis in ore suo confiteri dedistiteque (1273A)in medio Justorum ejus confessione laudare voluisti; ut eam et in terris confitentem, et in consilio Sanctorum glorificans faceres exultantem: exposcimus tui muneris donum; ut ejus precibus tribuas nobis a peccati contagione purgari; ab ardoribusque perpetuis erui; et gloriae tuae beatitudinem consequi.
Pater noster. Liberati a malo. fol. 2.
Lauda. Germinabunt ossa tua. fol. CLXX.
Benedictio. Deus, qui confessione inclytam Leocadiam, ad Confessorum fecit pervenire decorem, justificet vos ab omni contagione culpae: R\. Amen. Et qui illam confessionis ubertate fecit esse conspicuam, vos evidentia verae poenitentiae gloriosos efficiat; R\. Amen. Ut sicut dulcis fuit in ore hujus Virginis confessio Christi, ita dulcescat in vestris (1273B)cordibus amor regni perpetui. R\. Amen.
Per.
Exeunte Vespera, omnia dicantur, ut in primis Vesperis exceptis Capitula, et Benedictione, quae sequuntur.
Capitula. Accipe, Deus, nostrorum confessionem labiorum, omniumque ligamenta solve facinorum: quo hujus virginis tuae Leocadiae prece, et vitiis careamus, et muneribus ampliemur, cum ad te proclamaverimus e terris:
Pater noster. Liberati a malo. fol. 2.
[CCCXXXIX] Benedictio. Christus Deus Filius, qui in confessione sui nominis spiritum suscepit Leocadiae, vestram suscipiat fidelem remuneraturus devotionem: R\. Amen. Quique Confessoris hujus festum (1273C)in canticis confessionum attollitis, a Deo remuneremini sempiternis; R\. Amen. Ut illic remuneranda proveniat devotio vestra, quo beatissimae Leocadiae confessio perducta est muneranda: R\. Amen. Concedente gratia divinitatis illius; qui est benedictus in saecula saeculorum. R\. Amen.
Per misericordiam ipsius, etc.
Lauda. Germinabunt.
Oratio. Domine, qui es magnus, ut supra in Vesperis praecedentibus.
DIE X IN FESTO SANCTAE EULALIAE, VIRGINIS ET MARTYRIS. Ad Vesperum. Lauda. Speravit anima mea in Domino. Quaere fol. CLXXIX. Sono. Dominus Deus coeli. Fol. CLXXXI.
(1273D)Antiphona. Alleluia. Gaude, et laetare filia Sion: quoniam ecce ego venio, et habitabo in medio tui, dicit Dominus. P. Et applicabuntur gentes multae ad Dominum in illa die. V\. Eructavit cor meum verbum bonum: dico ego opera mea regi. Lingua mea calamus scribae, velociter scribentis. P. Et applicabuntur. V\. Gloria, et honor Patri etc. P. Et applicabuntur.
Oratio. Gaude. et laetare filia Sion, quia in medio tui habitaturum se Dominus promittit, dum te, et in passione victricem, et ab omni contagio haeresum reddidit innocentem; quaesumus ergo, ut meritis tuis ab omni tentatione salvemur, qui diem tuum venerantes incolimus, et qui in te vicisse credimus (1274A)Christum, nos per eum vicisse laetemur impulsiones carnalium passionum; R\. Amen. Quia nunc unum cum Patre, et Spiritu Sancto possidet nomen in saecula saeculorum. R\. Amen.
Dominus sit semper. R\. Et cum.
Antiphona. Columna speciosa, perfecta auro, gemmisque praecincta. P. Cujus caput plenum est rore, et crines guttis. V\. Audi filia, et vide, et inclina aurem tuam: et obliviscere populum tuum, et domum patris tui. P. Cujus caput. V\. Gloria, et honor Patri. P. Cujus caput.
Dominus sit semper. R\. Et cum.
Lauda. Filia Sion, usque ad te veniet Dominator Israel. P. Et veniet potestas prima regnum filiae Hierusalem: egressus ejus a diebus aeternitatis. Alleluia. (1274B)V\. Lauda Hierusalem Dominum: conlauda Deum tuum Sion. P. Et veniet potestas. V\. Gloria, et honor Patri. P. Et veniet
Hymnus.
Germine nobilis Eulalia, Mortis et indole nobilior, Emeritam sacra virgo suam, Cujus ab ubere progenita est, Ossibus ornat, amoreque colit.
Proximus Occiduo locus est,
Qui tulit hoc decus egregium,
Urbs potens, populis locuplex:
Sed mage sanguine martyrii,
Virgineoque potens titulo.
Curriculis tribus atque novem
(1274C)Tres annos quater attigerat;
Cum crepitante pyra trepidos
Terruit aspera carnifices,
Supplicium subit dulce rata.
Jam dederat prius indicium,
Tendere se Patris ad solium;
Et sua membra dicata thoro
Ipsa crepundia repulerat,
Ludere nescia pusilla.
Spernere succina, flores, rosas,
Fulva monilia respuere:
Ore severa, modesta gradu,
Moribus et nimium teneris,
Caniciem meditata senum.
(1274D)Ast ubi se furiata lues
Excitat in famulos Domini,
Christicolasque cruenta jubet
Thura cremare, jecur pecudis
Mortiferis adolere diis:
Infremuit sacer Eulaliae
Spiritus, ingeniique ferox
Turbida frangere bella parat,
Et rude pectus, anhela Deo
Femina provocat arma virum.
Sed pia cura parentis agit,
Virgo animosa domi ut lateat,
Abdita rure, et ab urbe procul;
Ne fera sanguinis in pretium
Mortis amore puella ruat.
(1275A)Illa perosa quietis opem
Degeneri tolerare mora,
[CCCXL] Nocte fores sine teste movet,
Septaque claustra fugax aperit,
Inde per invia carpit iter.
Ingreditur pedibus laceris
Per loca senta situ, et vepribus,
Angelico comitata choro:
Et licet horrida nox sileat,
Lucis habet tamen illa ducem.
Sic habuit generosa Patrum
Turba columniferum radium:
Scindere qui tenebrosa potens
Nocte viam face perspicua
Praestitit, intereunte Chao.
(1275B)Non aliter pia Virgo viam
Nocte secuta, diem meruit,
Nec tenebris adoperta fuit,
Regna Canopica cum fugeret,
Et super astra pararet iter.
Illa gradu cita pervigili,
Millia multa prius peragit,
Quam plaga pandat Eoa polum:
Mane superba tribunalia adit,
Fascibus adstat et in mediis.
Vociferans ita: Quis furor est,
Perdere praecipites animas;
Et male prodiga corda
Sternere rasilibus scopulis;
Omnipatremque negare Deum?
(1275C)Quaeritis, o miseranda manus,
Christicolum genus? En! ego sum
Doemonicis inimica sacris:
Idola protero sub pedibus;
Pectore, et ore Deum fateor.
Isis, Apollo, Venus nihil est,
Maximianus et ipse nihil:
Illa nihil, quia facta manu;
Hic, manuum quia facta colit:
Frivola utraque, et utraque nihil.
Maximianus opum Dominus,
Et tamen ipse cliens lapidum,
Prostituat, voveatque suis
Numinibus caput ipse suum;
Pectora cur generosa quatit?
(1275D)Dux bonus, arbiter egregius
Sanguine pascitur innocuo:
Corporibusque piis inhians,
Viscera sobria dilacerat,
Gaudet et excruciare fidem.
Ergo age tortor adure, seca,
Divide membra coacta luto.
Solvere rem fragilem, facile est;
Non penetrabitur interior
Exagitante dolore animus.
Talibus excitus in furias
Praetor, ait; Rape praecipitem
Lictor, et obrue suppliciis.
Sentiat esse deos patrios,
(1276A)Ne temneat Principis imperium;
Quam cuperem tamen, ante necem,
Si potis es revocare tuam
Torva Puellula nequitiam!
Respice, gaudia quanta metas,
Quae tibi fert Genialis honor!
Te lachrymis labefacta domus
Prosequitur, generisque tui
Ingerit anxia nobilitas
Flore quod occidis in tenero,
Proxima dotibus, et thalamo.
Non movet aurea pompa thori?
Non pietas veneranda senum,
Quos temeraria debilitas?
Ecce parata ministeria
(1276B)Ex cruciabilibus exitiis.
Aut gladio feriere caput;
Aut laniabere membra feris;
Aut facibus data fumificis,
Flebiliterque ululanda tuis
In cineres resoluta flues.
Haec, rogo, quis labor est fugere?
Si modicum salis eminulis,
Thuris et exiguum digitis
Tangere Virgo benigna velis,
Poenam gravem proh aufugeris.
Martyr ad ista, nihil: sed enim
Infremit, inque Tyranni oculos
Sputa jacit: simulachra dehinc
Dissipat, impositamque molam
(1276C)Thuribulis pede prosilivit.
Nec mora, Carnifices gemini
Lancea pectora dilacerant;
Et latus ungula Virgineum
Pulsat utrumque, et ad ossa secat,
Eulalia numerante notas.
Scriberis ecce mihi, Domine
Quam libet hos apices legere,
Qui tua, Christe, trophaea notant,
Nomen et ipsa sacrum loquitur
Purpura sanguinis eliciti.
Haec sine fletibus et gemitu
Laeta canebat et intrepida:
Dirus abest dolor ex animo,
(1276D)Membraque tincta cruore novo,
Fonte cutem recalente lavant.
Ultima carnificina dehinc,
Non laceratio vulnifica
Cratis genus, nec arata cutis;
Flamma, sed undique lampadibus
In latera, stomachumque furit.
[CCCXLI] Crinis et odor ut in jugulos
Fluxerat, involitans humeris,
Quo pudibunda pudicitia,
Virgineusque lateat honos,
Tegmine verticis opposito.
Flamma crepans volat in faciem,
Perque comas vegetata, caput
Occupat, exuperatque apicem:
(1277A)Virgo citum cupiens obitum,
Appetit et bibit ore rogum.
Emicat inde Columba replens
Martyris os, nive candidior
Visa relinquere, et astra sequi:
Spiritus hic erat Eulaliae
Lacteolus, celer, innocuus.
Colla fluunt, abeunte anima,
Et rogus igneus emoritur:
Pax datur artubus exanimis,
Flatus in aethera plaudit ovans,
Templaque celsa petit volucer.
Vidit et ipse satelles Avem
Feminae ab ore meare palam:
Obstupefactus, et attonitus
(1277B)Prosilit, et sua gesta fugit;
Lictor et ipse fugit pavidus.
Ecce nivem glacialis hyems
Ingerit, et tegit omne forum:
Membraque tegit simul Eulaliae,
Ossa jacent sub gelido,
Pallioli vice linteoli.
Cedat amor lachrymantum hominum,
Qui celebrare suprema solent:
Flebile cedat et officium:
Ipsa elementa, jubente Deo,
Exequias tibi, Virgo, ferunt.
Nunc locus Emerita est tumulo
Clara Colonia Vettoniae,
(1277C)Quam memorabilis amnis Ana
Praeterit, et viridante rapax
Gurgite moenia pulchra pluit.
Hic, ubi marmore perspicuo
Atria luminant alma viator,
Et peregrinus, et indigena:
Reliquias, cineresque sacros
Servat humus veneranda sinu.
Tecta corusca super rutilant
De laquearibus aureolis,
Saxaque caesa solum variant:
Floribus ut rorulenta putes
Prata rubescere multimodis.
Carpite purpureas violas,
Sanguineosque crocos metite:
(1277D)Non caret his gemellis hyems,
Laxat et arctat tepens glacies,
Floribus ut cumulet calathos.
Ista comantibus e foliis
Munera, virgo puerque date;
Ast ego serta choro et in medio
Texta feram pede Dactylico,
Vilia, marcida, festa tamen.
Sic venerari ossa libet,
Ossibus Altare et impositum:
Illa Dei sita sub pedibus
Prospicit haec, populosque suos
Carmine propio tali foveat.
Laudibus efferant eximiis
Astra, solum, mare, quicquid habet,
(1278A)Te, Genitor, Genitumque tuum,
Simplicem etiam et Spiritum
Perpetuis resonent modulis.
Festi hujus in laudibus, Domini
Vocibus intonet alma cohors,
Victricem qui fecit Eulaliam,
Secians aethereis civibus perpetim
Trinus, Unus Dominus.
Amen.
Supplicatio. Oremus Redemptorem, mutato nomine, fol. CLXXXVII.
Capitula. Jesu, Dei Filius, qui hortum Electorum ingrediens, inter lilia pasceris, quando in corpore tuo, quod est Ecclesia, Sanctarum Virginum coetibus decoraris, ubi beatissimam Eulaliam mirabiliter (1278B)introducens, ita mirificis eam floribus maluisti fulcire, ut odor virtutum ejus tanquam floscula aromatum ad nos usque descenderet: te supplici intentione rogamus, ut, amotis figuris veteris Testamenti, quae, velut umbrae, in typicis observationibus praecesserunt, dies illa, Evangelica utique traditio, in nobis aspirando proficiat, qualiter ita exemplo virginis Eulaliae Evangelii lucem tota devotione sequamur, ut umbras praeteriti erroris, et criminis nesciamus.
Pater noster. Liberati a malo. fol. 2.
Benedictio. Deus virtutum, per quem sancta Eulalia, dum ad passionem vadit, ad gloriam pervenit, det vobis, nec vitiorum passionibus adstringi, et a passionum vitiis liberari: R\. Amen. Quae sua membra (1278C)non vitiis, sed pro Deo passionibus subdidit, obtineat vos numquam tentationum certaminibus vinci; R\. Amen. Ut, sicut illa post passionem obtinuit coronam, ita vos per poenitentiam veniatis ad veniam. R\. Amen.
Per misericordiam.
[CCCXLII] Lauda. Sicut palma exaltata sum in gaudio. Alleluia. Et sicut oliva speciosa in campis, Alleluia. P. Sicut vitis fructificavi suavitatem odoris. Alleluia, alleluia, alleluia. V\. Ego autem, sicut oliva fructifera in domo Domini, sperabo; et in misericordia Dei mei in aeternum, et in saeculum saeculi. P. Sicut vitis. V\. Gloria, et honor. P. Sicut vitis.
Oratio. Domine Jesu Christe, qui beatam Eulaliam virginem in tenero aetatis statu, nec mundi inlecebris, (1278D)nec persecutorum permisisti superari tormentis: in qua munere tuo, nec sexus vincitur, nec affectus; cujus constantiam nec saevitia terruit, nec poena edomuit, nec ungula minuit, nec flamma compescuit: Hujus ergo deprecatio pro nobis ita apud te praevaleat, ut mala a nobis praesentia, futuraque removeat. R\. Amen.
Per misericordiam.
Ad Matutinum. Antiphona. Labia mea aperies. Psalmus L. Oratio. Exultent Domine. fol. CLXXX.
Antiphona. Surge, propera sponsa mea, et veni. Jam enim hyems transiit, et recessit. Flores apparuerunt in terram nostram. P. Quam pulchra es amica mea, et quam decora! Pulchriores oculi tui (1279A)columbarum, absque eo quod intrinsecus latet. V\. Specie tua et pulchritudine tua intende, prospera procede, et regna, propter veritatem, et mansuetudinem, et justitiam: et deducet te mirabiliter dextera tua. P. Quam pulchra. V\. Gloria, et honor Patri. P. Quam pulchra.
Oratio. Virgo Christi Eulalia, quae ad vocem vocantis Sponsi surrexisti ad fidem, properasti ad requiem, sponsata de sanguine, formosa Baptismate, ecce jam hyems transiit, imber abiit; quia omnis temporalis tribulatio a te devicta recessit: recedat ergo a nostris mentibus, te orante, impugnatio virtutum: ut, qui credulitatis dono pleni consistimus, sanctitatis ope plenissima fulgeamus. R\. Amen.
Per misericordiam.
(1279B)Antiphona. Quae est ista, quae progreditur ut aurora consurgens, P. Pulchra ut luna, electa ut sol, terribilis ut castrorum acies ordinata? V\. Gloriosa dicta sunt de te, civitas Dei. P. Pulchra. V\. Gloria, et honor Patri. P. Pulchra.
Oratio. Christe Dei Filius, ad quem beata Eulalia desiderabili voto progreditur ut aurora; exaudi plebem tibi supplicantem per eam: tribue nobis, et servare quod sumus a te potentialiter conditi, et copiosius amare quod existimus miseratione redempti: ut et lunae comparati Ecclesiae fulgeamus in gremio, et electi ut sol, claritatis niteamus exemplo. R\. Amen.
Per.
Antiphona. Adventus tuus mihi sicut vitis florescit: (1279C)et quasi myrrha electa dedisti suavitatem odoris: P. Et quasi balsamum non mixtum odor tuus: et ut rosa fragrans tabernacula tua. V\. Non det in commotionem pedem tuum: neque dormitet qui custodit te. P. Et quasi. V\. Gloria, et honor Patri. P. Et quasi.
Oratio. Mira satis Domine, quod in adventu tuo martyr tua Eulalia quasi vitis vera fructificans, et quasi myrrha electa odorem gratiae fidelibus propinans in saeculo, aeterno promeretur consolari de praemio: te quaesumus, te rogamus, ut suffragiis ejus, odore virtutum odores criminum fugiamus: ut coelesti illo inspiramine recreati, cunctorum vitiorum foetoribus exules reperiamur, et sobrii. R\. Amen.
Per misericordiam.
(1279D)R\. Procede inter lilia opaca, filia Hierusalem: quia perfecta es et decora, et reprehensio in te non est. Ascende quasi sponsa a Libano, et percipe benedictionem fidei P. A Domino Deo tuo. V\. Veni sponsa a Libano, veni, coronaberis. P. A Domino. V\. Gloria, et honor. P. A Domino.
Oratio. Domine Jesu Christe, qui beatam Eulaliam Virginem. Quaere in Vesperis praecedentibus.
Antiphona. Vox turturis audita est in terra nostra: vineae florentes dederunt odorem. P. Vox tua suavis, et facies tua decora. Dilectus meus mihi, et ego illi. V\. Adducentur Regi virgines post eam: proximae ejus adducentur tibi. P. Vox tua. V\. Gloria, et honor. P. Vox tua.
(1280A)Oratio. Sponsa Christi Dei Filii in oculis fidelium quasi turtur, virgo Eulalia annuis recursibus quodammodo providetur; dum honor sepulchri ejus humanis obtutibus praesentatur, et obsequendus honorifice aperitur; dum vox ejus suavis, et facies ejus pulchrior exundanti claritate fructificat: Concede ergo [CCCXLIII] nobis, ut odor virtutum ejus sopitum cordis nostri sensum ad poenitentiam excitet; ut, qui nunc percipimus ex odore laetitiam, post percipiamus ex poenitentia gloriam indefessam. R\. Amen.
Per misericordiam.
Antiphona. Egredere tanquam sponsa consurgens, P. Pulchra ut luna, et electa ut sol, et ornata. V\. (1280B)Per diem sol non uret te: neque luna per noctem. P. Pulchra. V\. Gloria, et honor. P. Pulchra.
Oratio. Gloriosa facta est virgo tua, Christe, Eulalia, quae consurgenti aurorae comparata, pulchra ut luna, atque electa ut sol, probatur: dum clariori rutilans lumine, et ut luna plena, clarescit passione, et ut sol flagrans, atque imminutionem sui nesciens, sanctitatis persistit in opere: da ergo nobis, ut per eam apud te pro votis obtinere indulgentiam mereamur, qui nunc pro delictis, lachrymas fundimus, vel gemitus exhibemus. R\. Amen.
Per misericordiam.
Antiphona. Gaude virgo filia Sion, jocundare, et laetare filia Hierusalem: P. Quoniam ecce Rex tuus venit tibi mitis. V\. Lauda Hierusalem Dominum: (1280C)conlauda Deum tuum Sion. P. Quoniam ecce. V\. Gloria, et honor. P. Quoniam ecce.
Oratio. Domine Deus, qui Prophetali vaticinio filiam Hierusalem jocundari, et laetari pronuncias; fac nos in Sacramentis profluentibus exultare et Filii tui Domini nostri operum adsurgere dignitate: ut dum his fidem conjungimus, per intercessum virginis Eulaliae coelorum gaudiis potiamur; Per ineffabilem divitiarum tuarum potentiam summe, et admirabilis Deus noster, qui es benedictus in saecula saeculorum. R\. Amen.
Per misericordiam.
R\. Veni sponsa mea: quam pulchra facta es, et decora valde! Surge, accipe oleum sapientiae, propera P. In adventum Domini Dei tui. V\. Specie tua (1280D)et pulchritudine tua intende, prospera procede, et regna. P. In adventum. V\. Gloria et honor Patri. P. In adventum.
Oratio. Sponsa Christi virgo Eulalia, quae pulchra facta es, et decora, quae oleum sapientiae accipiens, candorem utique Baptismatis vehis; dum ex Lavacro fidem percipis, per quam inter filias Hierusalem mirifice coronaris: per te, quaesumus, ut candorem castitatis mereamur adtingere, quae Christo de virginitate meruisti placere: ut per te profectum obtineamus virtutis, per quam devicta est crudelitas persequentis; ut sit nomen benedictum in saecula saeculorum. R\. Amen.
Per misericordiam.
(1281A)Antiphona. Gaude et laetare in omni corde, filia Sion: P. Ecce Dominus in medio tui fortis exultabit super te in laude. V\. Delectare in Domino: et dabit tibi petitiones cordis tui. P. Ecce Dominus. V\. Gloria, et honor Patri. P. Ecce Dominus.
Oratio. Gaude et laetare filia Sion, quia abstulit Dominus inimicos tuos, dum te, et in passione victricem, et ab omni contagio haeresum reddidit innocentem; quaesumus ergo, ut meritis tuis ab omni tentatione salvemur, qui diem tuum venerantes incolimus; et qui in te vicisse credimus Christum, nos per eum vicisse laetemur impulsiones carnalium passionum. R\. Amen.
Per misericordiam.
Antiphona. Veni sponsa ad praeparatum regnum (1281B)coelorum, intra in gaudium, P. Et percipe benedictionem a Domino. V\. Non det in commotionem pedem tuum: neque obdormitet qui custodit te. P. Et percipe. V\. Gloria, et honor Patri. P. Et percipe.
Oratio. Domine Jesu Christe, qui beatissimae martyris tuae Eulaliae corpusculum in Cruce pendentem superna adsparsione vestisti, ut et candor virginem, et refrigerium indueret martyrem: adsiste nobis propitius, et tantis in martyre semper ostende beneficiis; dum per illam, et superna dona praerogas, et martyris excubias miraculis propagas, et Ecclesiae festa, eadem visitando dignanter inradias. R\. Amen.
Per misericordiam tuam.
Antiphona. Virgo Israel, ornaberis tympanis tuis, (1281C)P. Et egredieris in choro psallentium. V\. Audi filia, et vide, et inclina aurem tuam: et obliviscere populum tuum, et domum patris tui. P. Et egredieris. V\. Gloria, et honor. P. Et egredieris.
Oratio. Domine Jesu Christe, qui animam famulae tuae Eulaliae beatissimae martyris pro te feliciter triumphantem examinas per flammam, suscipis per columbam, et tibimet copulas in gloria sempiterna: adesto [CCCXLIV] nobis, ut Spiritus martyris non desit supplicantibus in suffragio, qui etiam persequentibus refulsit insigni miraculo; nec aliquando recedat benficiis ab Ecclesia, quae apud te requiescit in coelesti aula. R\. Amen.
Per misericordiam tuam.
R\. Haec dicit Dominus: Dilectione aeterna dilexi (1281D)te. P. Propterea attraxi te ad misericordiam. Adhuc aedificabo te, et aedificaberis virgo Israel: tolle tympanum tuum, et procede in choro psallentium, quoniam veniet tibi dies consolationis. R\. Recordatus sum tui, miserans adolescentiam tuam, et charitatem desponsationis tuae. P. Propterea attraxi. V\. Gloria, et honor Patri. P. Propterea.
Oratio. Audi, et suscipe precantium vota, dilecta Dei virgo Eulalia, quae sponsa Christi de fide, soror monstraris esse de sanguine: effluant in nobis flores virtutum, effugiant umbrae tentationum: exemplo tuo proficiamus in melius, ne in deterius consistentes, vitae dona perdamus: ut cum tempus putationis advenerit; et fides, qua Christum credimus, (1282A)nos liberet a suppliciis, et affectus, quo illi propinquare nitimur, nos ditet muneribus sempiternis. R\. Amen.
Per misericordiam.
In Laudibus. Ad Canticum. Antiphona. Tu nosti, Domine, quia non comederim in mensa execrationis, nec biberim vinum libaminum: nunquam enim laetata est ancilla tua, nisi in te, Domine.
Canticum Esther (Cap. XIV).
Domine mi, rex omnipotens, adjuva me sollicitam, et cujus praeter te nullus auxiliator est alius. * Periculum meum in manu mea est.
Audivi enim a patre meo, quod tu Domine tulisti (1282B)Israel de cunctis gentibus, * et patres nostros ex omnibus retro majoribus suis,
Ut possideres hereditatem sempiternam, * fecistique eis sicut locutus es.
Peccavimus in conspectu tuo, et idcirco tradidisti nos in manu inimicorum nostrorum:
Justus es Domine: * et nunc non eis sufficit, quod durissima nos opprimunt servitute,
Sed robur manuum suarum, idolorum potentiae deputantes, * volunt tua mutare promissa, et delere hereditatem tuam,
Et claudere ora laudantium, * atque extinguere gloriam templi et altaris tui,
Ut aperiant ora gentium, et laudent idolorum fortitudinem, * et praedicent carnalem regem in sempiternum.
(1282C)Ne tradas Domine sceptrum tuum his, qui non sunt, * ne rideant ad ruinam nostram:
Sed convertere consilium eorum super eos, * et eum, qui in nos coepit saevire, disperde.
Memento Domine, et ostende te nobis in tempore tribulationis nostrae, * et mihi da fiduciam rex deorum, et universae, Domine, potestatis:
Tribue sermonem compositum in ore meo in conspectu leonis, et transfer cor illius in odium hostis nostri, * ut et ipse pereat, et caeteri qui ei consentiunt.
Nos cum libera manu tua adjuva, nullum alium habemus auxiliatorem, * nisi te, Domine, habens omnium scientiam; et nosti quod oderim gloriam iniquorum.
(1282D)Et detester cubile incircumcisorum, * et omnis alienigenae.
Tu scis necessitatem meam, quod oderim signum superbiae et gloriae meae, * quod est super caput meum in diebus ostentationis meae,
Et detester illud quasi pannum menstruatae, * et quod non comportem illud in diebus silentii mei.
Et quod non comederim in mensa Aman, * nec mihi placuerit convivium regis, nec biberim vinum libaminum:
Et quod nunquam laetata sit ancilla tua, ex quo huc translata sum usque in praesentem diem, * nisi in te Domine Deus Abraham.
Deus fortis super omnes, exaudi vocem eorum (1283A)qui nullam aliam spem habent, et libera nos de manu iniquorum, et erue me a timore meo.
Oratio. Auxilio tuo, Domine, defendendam, tuendamque nostram committimus imbecillitatem, ut tuum sit, nos evadere de muscipulis impiorum, cujus fuit, venerandam Eulaliam non cedere terroribus persequentium; ac sicut illam atrocitas non terruit saevientis, ita non queant inducere nos decipula oblatrantis; ut ipse unus per nos vincatur suis convitiis et erroribus cunctis, qui expugnatus est per Eulaliam, passione superante. R\. Amen.
Per misericordiam tuam.
Ad Benedictus. Antiphona. Filia Sion, benedic Domino Deo excelso in omni benedictione, et laude.
Canticum. Benedictus es Domine. fol. 6.
(1283B)[CCCXlV] Oratio. Beata Dei Virgo, quae in Sion speculatione gloriosa consistis, quam Deus ipse dilexisse testatur, ex quo tibi non recessuram ultra misericordiam pollicetur: da nobis Domine meritis suis, ut amore divino flagrantes, in futuro judicio inveniamur indemnes. Amen. Et adjuti gratia divinitatis illius, qui est pius, et misericors in omnia saecula saeculorum. R\. Amen.
Per misericordiam.
Sono. Alleluia. Egredere post vestigia gregum tuorum, virgo filia Sion, et pasce agnos tuos. Alleluia, alleluia, alleluia. V\. Alleluia. Intra in hortum meum sponsa mea, filia Hierusalem. Ecce flores tui germinabunt in terram. Pasce jam inter lilia, donec respiret dies, et amoveantur umbrae.
(1283C)lauda. laudate Dominum de coelis: Alleluia, aleluia: laudate eum in excelsis. Alleluia, alleluia Psalmus CXlVIII.
lectio libri Ecclesiastici Salomonis (Cap. XXIV).
R\. Deo gratias.
Sapientia laudabit animam suam, et in Domino honorabitur, in medio populi sui gloriabitur, in ecclesiis Altissimi aperiet os suum, et in conspectu virtutis illius honorabitur, in medio populi exaltabitur, et in plenitudine sancta admirabitur, in multitudine electorum habebit laudem, et inter benedictos benedicetur, dicens: Quasi cedrus exaltata sum in libano, et quasi cypressus in montem Sion: quasi palma exaltata sum in Cades, et quasi plantatio rosae in Jericho: Quasi oliva speciosa in campis, (1283D)et quasi platanus dilatata sum juxta aquam in plateis. Sicut cinnamomum aspalathum aromatizans odorem dedi: quasi myrrha electa dedi suavitatem odoris: quasi storax, et galbanus, et ungula, et gutta, et quasi libanus non incensus vaporavi habitationem meam, et quasi balsamum non mistum odor meus. Ego quasi terebinthus expandi ramos meos, et rami mei rami honoris et gratiae. Ego quasi vitis fructificavi odorem suavitatis: et flores mei flores honoris et honestatis. Ego mater pulchrae dilectionis, et timoris, et agnitionis, sanctae spei. In me gratia omnis vitae et veritatis, in me omnis spes vitae et virtus. Transite ad me omnes qui concupiscitis me, et a generationibus meis implemini: Spiritus enim (1284A)meus supra mel dulcis, et hereditas mea super mel et favum: Memoria mea in generatione saeculorum. Qui edunt me, adhuc esurient: et qui bibunt me, adhuc sitiunt. Qui audiunt me, non confundentur: et qui operantur in me, non peccant. Qui elucidant me, vitam aeternam possidebunt. R\. Amen.
Hymnus.
laudem beatae Eulaliae Puro canamus pectore: Quam Christus inter Martyres Casto sacravit sanguine.
Quae clausa duris postibus,
Interque fortes cardines;
Somni, cibique nescia
Christum canebat pervigil.
(1284B)Custos tremendi luminis
lux stupebat in vinculis:
In Carceris angustia
Mentis beatae gaudia.
Judex furore turbidus,
Surgit cruentis faucibus,
Et increpat noctis moram,
Sanctam daturus hostiam.
lentoque primo verbere
Christi Puella caeditur;
Sed consecrare pernegat
libamen aris impium.
Tunc in reciso stipite
Ductis in altum brachiis,
latus Puellae caeditur,
(1284C)Nudaque flammis uritur.
Victor recedit spiritus,
Corpus relinquens pallidum;
Quod lege mortis perditum
Reducat ad vitam Deus.
Jam jam quieti psallite,
Patrique laudem dicite,
Christumque laudemus pium,
Simulque Sanctum Spiritum.
Haec nos redemit Trinitas,
Cujus perennis gloria
In saecla nescit mori,
Vivens per omne saeculum.
Amen.
(1284D)Supplicatio. Oremus Redemptorem mundi, mutato nomine, fol. CLXXXVII.
Capitula. Domine Jesu Christe, cui beata Eulalia et virgo placuit, et martyr adhaesit: dum tibi et virgo permanet casta, et pro te extenditur in catasta; dum tibi corpus servat integrum, et pro te gaudet ungulis exaratum: ejus pudicitiae, atque victoriae favens, nobis propitius esse dignare; ut et immunditiae nostrae ejus oratione abluantur, [CCCXlVI] et tormenta ejus fortitudine resolvantur.
Pater noster. liberati a malo. fol. 2.
lauda. Sicut palma exaltata sum. Benedictio. Deus virtutum. Require in Vesperis praecedentibus.
In exeunte Vespera.
lauda. lucerna pedibus meis. fol. ClX
(1285A)Sono. Dominus Deus coeli. Quaere retro in Vesperis praecedentibus.
Antiphona. Gaude filia Sion, jubila Filia Hierusalem. P. Ecce Rex tuus venit tibi justus, conservans. V\. Gloriosa dicta sunt de te, civitas Dei. P. Ecce Rex. V\. Gloria, et honor. P. Ecce Rex.
Dominus sit. R\. Et cum.
lauda. Specie et pulchritudine. fol. ClXXIX.
Hymnus. laudem beatae Eulaliae.
Supplicatio. Oremus Redemptorem. Quaere retro in laudibus.
Capitula. Domine Jesu Christe, qui sanctae Eulaliae tuae arcana possidens, ei et virginitatis pudorem, et passionis tribuisti ruborem, dum et pudica in Secreto, et invicta in foro, et illic manet, ut te promereatur, (1285B)et hic vincit, ut a te coronetur: annue precibus ejus, ut conscientiam nostram ita pudor possideat, ne deserat fortitudo: illic tranquilla maneat, ne contaminetur: hic vincere studeat, ut probetur, Piissime.
Pater noster. liberati a malo. fol. 2.
Benedictio. Dominus Jesus Christus, qui sanctam Eulaliam constantia roboravit, vos in tentatione robustos statuat: R\. Amen. Qui eam passione glorificavit, a vobis passionum ignominiam tergat: R\. Amen. Qui illam inter tormenta victricem tortorum fecit, vos inter turbines Mundi eruat ab omni eventu periculi. R\. Amen.
lauda. Sicut palma exaltata. Oratio. Domine Jesu Christe, qui beatam Eulaliam. Quaere in Vesperis (1285C)praecedentibus.
DIE XII. IN FESTO SANCTAE EUGENIAE VIRGINIS, ET COMITUM EJUS MARTYRUM. Ad Vesperum. lauda. Exortum est. fol. ClXII. Sono. Gaudete justi. Fol. ClXV. Antiphona. Viri justi. fol. ClXII. lauda. Invocabant Dominum. fol. ClXVIII.
Hymnus.
Honore Sanctae Eugeniae Castis canamus laudibus; Christo fideli jubilo, Dulci psallamus modulo.
Qui dudum Sanctam Virginem
(1285D)Puro sacravit pectore,
Mentis arcana possidens,
Sacro nitore inluminat.
Fidelis Christi famula
Mundi calcat jactantiam,
Arctum callem arripiens,
Vitam coelestem sequitur.
Castam vitam dum ageret,
Coenobioque degeret,
Pater effecta Monachis,
Matrem celabat tegmine.
Edax morbi libidinis
Vexat pectus Melantiae;
Pulchrum vultumque ut viderat,
Amore coeco carpitur.
(1286A)Quem Virgo Christi pervidens
Suis pellit eloquiis,
Saevumque virus aspidum,
Certo refutans carmine.
Illa Tribunal Judicis,
Furore armata Daemonis,
Verbis malignis adpetit,
Castam expugnans animam.
Sed est cremata obscoenitas,
Sancta probatur castitas;
Praefectus, dum Eugeniam,
Prolem recepit propriam.
Illico temnunt idola:
Reseratur Ecclesia:
Pater in sacerdotio
(1286B)Martyr dicatus est Christo.
Moxque ab Alexandria
Roma revertit Claudia
Cum prole; sed Eugenia
Christi sectatur atria.
Tunc caelebsque Eugenia
Prothum, Hyacinthum socios,
Virtute Christi refertos,
Basillae offert famulos
Divinis mox oraculis
Corda perlustrant Virginis;
Ob hoc Pompejus dispuit,
Et Christum Deum credidit,
Pro quo ense percutitur,
Et Christo sponso jungitur:
(1286C)[CCCXlVII] Prothus et Hyacinthus iterum
Plectuntur collo gladio.
Tetris post haec Eugenia
Bis denis trusa feriis,
Nescia potusque cibi
Mucrone plectitur civis.
Coelis locatur Spiritus
Sanctorum cum agminibus:
Nos annuis recursibus
Hymnum Deo persolvimus;
Horum nos, Deus, meritis
Ablatos nunc a vitiis,
Sursum reduc a sordibus,
Reformans sacris sedibus.
Praesta Pater tu inclyte,
(1286D)Cuncta qui regis cum Prole
Paraclito cum Spiritu
Simul per omne saeculum.
Amen.
Supplicatio. Oremus Redemptorem mundi, mutato nomine, fol. ClXXXVII.
Capitula. Videte, videte dilectissimi fratres, mirabilia opera Dei, qualiter Eugenia virgo pro nomine Jesu martyrium sustineret: ut nec undis subjiciatur, nec ardoribus concremetur. Haec sane fides augebatur, pro qua Dominus noster praedixit, quod in ea se rogantibus, nihil difficile sit: unde hac fide, quae per dilectionem operatur, rogemus pii Patris clementiam, ut nostras recipiat lachrimas, (1287A)diluat culpas, impertiat gratiam, et arceat quaecumque nobis videntur esse adversa. Si enim rogaverimus eum fiducialiter, spes nobis est, quod exaudiet vocem nostri clamoris, cum ad eum, ea quae Domino Jesu Christo edocente didicimus, proclamaverimus e terris:
Pater noster. liberati a malo. fol. 2.
Benedictio. Deus summus, atque aeternus terribilis, in cujus servitium Eugenia virili habitu, detonsis crinibus, se obtulit servituram, faciat vos dessectis atque recisis curis saeculi, adprehendere vitam immaculatam: R\. Amen. Quique ejus virginitatem Melantiam fallentem manifestam effecit cuneis populorum, ostendat in vobis divitias misericordiarum suarum; R\. Amen. Atque cum illa post transitum (1287B)mereamini partem habere, quae pro Christo Domino suo meruit laureari. R\. Amen.
Per misericordiam.
lauda. Gaudium sempiternum. fol. ClXII.
Oratio. Deus, qui sanctis tuis Eugeniae virgini, et ejus Comitibus martyribus tantam gratiam in passione dedisti, ut insigniter apertum fidei vincerent hostem, quamprimum spiritualiter in se bella sui corporis devicissent: praebe nobis auxilium de tua pietate firmissimum, quo muniti, atque praecincti, et rebellantem spiritui carnem valeamus compescere, et nos ipsos intrepidos studeamus bellis spiritualibus praeparare. R\. Amen.
Per misericordiam.
Ad Matutinum. (1287C)Antiphona. Da nobis. Psalmus L. Oratio. Redde nobis. Fol. ClXIII. Antiphona. Sancti tui Domine. Oratio. Sanctos tuos Domine Eugeniam et ejus Comites martyris virtute tuae dexterae fultos, invicto. Quaere fol. ClXVI.
Antiphona. Sancti tui, Domine, mirabile consecuti sunt iter, deservientes praeceptis tuis, ut invenirentur inlaesi in aqua valida. P. Terra apparuit arida, et in mari rubro via sine impedimento. V\. Confiteantur Domino misericordiae ejus, et mirabilia ejus filiis hominum. P. Terra apparuit. V\. Gloria et honor. P. Terra.
Oratio. Deus, qui Sanctis, ut hic supra.
Antiphona. Salus justorum. fol. CClXVIII.
(1287D)Oratio. Deus, qui et virtutem Sanctis, et sanctimoniae ornamenta largiris; hanc Ecclesiam in honorem martyrum Eugeniae virginis, et ejus Comitum exhibentem, sanctitatis perorna insignibus: ut qui gloriantur victores triumpho stare Martyres, sint aeternis Sanctorum tuorum felicitatibus complexi. R\. Amen.
Per misericordiam.
Responsorium. Beati qui habent. fol. CCXVI.
In laudibus. Ad Canticum. Antiphona. Diligentes te. Canticum. Qui sponte. Ad Benedictus. Antiphona. Sancti et humiles. Canticum. Benedictus es. Sono. Salus justorum. lauda. laudate Dominum. Fol. ClXIV. Prophetia. Justorum animae. Fol. ClXVII. Hymnus. Honore (1288A)sanctae Eugeniae. Supplicatio. Oremus. Capitula. Videte, videte. In Vesperis praecedentibus.
[CCCXlVIII] lauda. laus Domini in Ecclesia Sanctorum. Alleluia. P. laetetur Israel in eo qui fecit ipsum Alleluia, alleluia, alleluia. V\. Cantate Domino canticum novum: quia mirabilia fecit. P. laetetur Israel. V\. Gloria, et honor. P. laetetur Israel.
Benedictio. Deus summus atque aeternus. In Vesperis praecedentibus.
DIE XIV. IN FESTO SANCTI JUSTI ET ABUNDI. Ad Vesperum. lauda. Exortum est. Sono. Gaudete justi. Fol. ClXV. Antiphona. Gaudium magnum. lauda. Veniet Dominus. fol. CCCXXV.
Hymnus. (1288B)
Vox ecce Vatum vivida personat Venire Christum, nascique nuntiat; Nunc festa cujus plebs pia celebrat; Quae ferens undam lucidam promicat.
Quem Gabrielis vox clara nuntiat;
Quem Virgo parit, quae sola rutilat,
Foetosa Virgoque lactat,
Nutrixque Virgo se cui dedicat.
Cujus dicata passio provocat,
Ut quis fidelis sanguine rubeat,
Et passionis munere polleat,
Utroque sese perimi gaudeat.
Justi, et Abundi quem sequi cursitat
Sacra voluntas; quem quoque nuntiat
(1288C)Sequi debere; qui in fide latitat
Se fore fortem voceque jubilat.
Hos hunc sequentes, perimi judicat
Numerianus, qui Olybrio hoc imperat
Ut Christianos ensi subjiciat,
Christique Servos publicitus opprima
Justum en Olybrius, ut audii
Furore raptus, nec neve quaeritat,
Si Christianus ipse sit explorat:
Sed Christi Servus illico clamitat:
Se esse fidelem: nec mori dubitat.
Praeses in ita conterritus provocat
Membra fidelis, nec neve clamitat;
Ut hunc rotarum ars saeva proterat.
(1288D)Sed mens ditata minime trepidat;
Voceque clara cantica jubilat:
Quem sibi Christus ita mirificat,
Ut vota vincens, jam liber offerat.
Ferox Tyrannus vocibus intonat:
Fornax ut atrox ignibus ardeat,
Testis et Almi membra suscipiat,
Offerre thura Martyr ut ambulat,
Aut igni ira concita pereat
Seque severae morti subjiciat,
Flammaeque rogis citus inhaereat:
Ne contraire praesidi valeat.
Sed quem ditata mens bene sublevat;
Et meritorum gratia dedicat,
Nec flamma vincit, nec poena superat;
(1289A)Sed igne trusus, illaesus ambulat.
Adhuc Abundus dum pie spectitat,
Sese citatim Martyri sociat;
Mentemque Christo subito delibat;
Ipsique Olybrio vocibus inrogat.
Cujus cum fama praesidi personat;
Infremit ira, terrere inchoat:
Sanctus Abundus, ut idolis cedat;
Illisque cedens thus liber offerat.
Sed quia Sanctus vinci nequiverat,
Justum sodalem facibus imperat
Aduri, cujus ut vita pereat,
Jamque cito discrimini cedat.
Mare sed is qui pedibus ambulat;
Potensque clausos corpore transvolat;
(1289B)Ignis poenas hos fugere provocat,
Itemque tutos sistere factitat.
Hos ipse Sanctis aethere sociat,
Et ignis ille flammeus evolat,
Et quos urendo flamma susceperat,
Extrita rore frigida consecrat.
Ut nec capillus capitis ardeat;
Nec ipsa vestis ignibus haereat;
Sed rore tincta, tutave maneat:
Haec cuncta regens Spiritus actitat,
Exemplo quorum nunc pius audeat
Quisque fidelis, munus et inferat
Sui precatus, menteque serviat,
Qui misertus omnia judicat.
Ipse precantum vota suscipiat;
(1289C)Et paradisi januam aperiat,
Qui in aethere tonans nos pius adjuvat,
Cunctaque solus dimicare vult.
Sit honor illi, qui solus intonat
De sede poli, cunctaque judicat:
Eique sese lingua subjiciat;
Per omne saeculum carmina concinat.
Amen.
Supplicatio. Oremus. ut in aliis.
Capitula. Deus lumen aeternum, lucerna inextinguibilis, et lux veritatis, laetifica populum tuum in hac celebritate beatissimorum martyrum tuorum Justi et Abundi: ut [CCCXLIX] qui suis meritis contristantur, eorum orationibus consolentur.
(1289D)Pater noster. Liberati a malo. fol. 2.
Benedictio. Obtentu martyrum suorum Justi et Abundi, benedictio Domini vos comitetur in terris, qui illos provexit ad coelos: R\. Amen. Illorum vos efficiat suffragatione felices, quorum nunc estis solemnitatibus exequentes: R\. Amen. Ut sicut illi pro justitia certati sunt usque ad mortem; ita et vos eorum sequendo vestigia, liberi properetis ad coelestia regna. R\. Amen.
Per misericordiam
Lauda. Fideles in dilectione. Et omnia alia usque ad Capitulam dicantur successive, ut in festo Caeciliae virginis, fol. CCCXXVI.
Capitula. Da nobis, Domine, gaudia felicitatis aeternae, te ut semper gaudere possimus, ne despicabili (1290A)tristitia obruamur, et in nullo de temporalibus soliciti simus: ut, qui te prope esse jam credimus, mitissimum cum veneris sentiamus.
Pater noster. Liberati a malo. fol. 2.
Lauda. Fideles in dilectione.
Benedictio. Obtentu Martyrum. Quaere in Vesperis praecedentibus.
DIE XVIII. IN FESTO ANNUNCIATIONIS SANCTAE MARIAE VIRGINIS. Ad Vesperum. Lauda. Virgo Israel, ornare tympanis tuis: P. Et egredere in choro psallentium. V\. Beata es regina, quae prospicis quasi lumen. P. Et egredere. V\. Adstitit regina in vestitu deaurato. P. Et egredere. V\. Egredere, quasi Luna valde rutilans. P. Et egredere. (1290B)V\. Egredere, quasi sponsa consurgens pulchra, ut Luna. P. Et egredere.
Oratio. Virgo Israel, quae utique mater Videntis intelligeris, ornare tympanis tuis, id est, membris Ecclesiae, ut te habeamus patronam in saeculo, quam beatam reginam credimus permanere in futuro: ut prospicientes te lumen credulitatis nostrae sine dubio esse; te interpellante, favorem beatitudinis mereamur firmissime obtinere. R\. Amen.
Per misericordiam.
Sono. Apparuit Angelus Mariae, dicens: Ecce concipies, et paries filium. P. Et vocabis nomen ejus Emmanuel: Alleluia. V\. Spiritus sanctus veniet in te, et virtus excelsi obumbrabit te: quod autem nascetur ex te Sanctum, vocabitur Filius Dei. P. Et (1290C)vocabitur. V\. Gloria, et honor. P. Et vocabitur.
Dominus sit. R\. Et cum.
Antiphona. Alleluia: vidi portam in domo Domini clausam: et dixit ad me Angelus: Porta ista, quam vides, non aperietur: neque aliquis per eam transibit. P. Quoniam Dominus Deus Israel egredietur per eam, et erit clausa. V\. Tollite portas, principes, vestras, et elevamini portae aeternales: et introibit rex gloriae. P. Quoniam. V\. Gloria, et honor. P. Quoniam.
Oratio. Verbum virtutis, et sapientia Patris, quod materni uteri portam nec ingrediens violas, nec conceptus corrumpis Virginem, nec parturitione matrem virginitate privare dignosceris; praesta nobis, ut obtentu suo, quae te genuit Filium, nobis praeroget, (1290D)quod rogatur; et quae te meruit sine coitu parere, nos conceptu tuo faciat parturire: ut in portis Sion dilatantes os nostrum, salutis concipiamus spiritum: et sic novae nationis tuae praedicemus miraculum, ut cor nostrum fides semper possideat incorrupta. R\. Amen.
Per misericordiam.
Antiphona. Dabit vobis Dominus signum in terra: virgo in utero accipiet, et pariet filium, et vocabitis nomen ejus Emmanuel. P. Scitote, gentes, quoniam nobiscum est Deus. V\. Audi populus meus, et testificabor tibi: Israel, si me audieris. P. Scitote, gentes. V\. Gloria, et honor. P. Scitote, gentes.
Dominus sit. R\. Et cum.
(1291A)Lauda. Illuminare, Hierusalem, P. Ecce rex tuus venit, et majestas Domini obumbravit te. Alleluia, alleluia, alleluia. Lauda, Hierusalem, Dominum: conlauda Deum tuum, Sion. P. Ecce rex tuus. V\. Gloria, et honor. P. Ecce rex tuus.
Hymnus.
A solis ortus cardine Adusque terrae limitem, Christum canamus Principem, Natum Maria Virgine.
[CCCL] Beatus auctor saeculi,
Servile corpus induit:
Ut carne carnem liberans,
Ne perderet quos condidit.
Clausa Parentis viscera
(1291B)Coelestis intrat gratia:
Venter puellae bajulat
Secreta, quae non noverat.
Domus pudici pectoris,
Templum repente fit Dei
Intacta nesciens virum,
Verbo creavit Filium.
Enixa est puerpera:
Quem Gabriel praedixerat;
Quem Matris alvo gestiens,
Clausus Joannes senserat.
Fit porta Christi pervia,
Refecta plena gratia;
Transitque rex, et permanet,
Clausa, ut fuit per saecula.
(1291C)Genus superni Numinis
Processit aula Virginis,
Sponsus, Redemptor, Conditor,
Suae gigas Ecclesiae.
Honor Matris et gaudium,
Immensa spes credentium,
Per atra mortis pocula
Mundi resolvit crimina.
Deo Patri sit gloria,
Ejusque soli Filio.
Cum Spiritu Paraclito,
Regnans per omne saeculum.
Amen.
Supplicatio. Oremus Redemptorem mundi, Dominum (1291D)nostrum Jesum Christum, cum omni supplicatione rogemus; ut per interventum et meritum gloriosae sanctae Mariae Virginis et genitricis suae nobis remissionem peccatorum et pacem propitius donare dignetur. R\ Praesta, aeterne omnipotens Deus:
Kyrie eleison. R\. Christe eleison: Kyrie eleison.
Capitula. Virgo Christi genitrix, et humani generis reparatrix, implorantium preces auribus offer divinis: ut tuo gaudeamus munere, digni intercessu tuo, peccaminum apud Deum obtinere remissionem, cujus sexus absque pudoris corruptione omnium genuit Salvatorem.
Pater noster. Liberati a malo. fol. 2.
Benedictio. Dominus Jesus Christus, qui olim ex Virgine dignatus est nasci, suae vos Genitricis intercessu (1292A)sanctificet; R\. Amen. Quique matrem servavit a corruptelae contagio, sinum vestri cordis emaculet a delicto; R\. Amen. Et, qui eam fecit Virginem manere post partum, coelum vobis tribuat possidere post transitum. R\. Amen.
Per misericordiam.
Lauda. Ecce tempus, dicit Dominus, in quo parturiens generabit. Alleluia. P. Et erit iste pax in aeternum. Alleluia, alleluia, alleluia. V\. Audite haec omnes gentes: auribus percipite, qui habitatis orbem: P. Et erit iste. V\. Gloria, et honor. P. Et erit iste.
Oratio. Gratiam plenam habere te credimus, o Virgo Christi genitrix et humani generis reparatrix gloriosa Maria, quae tanta nobis gaudia pariendo contulisti, ut fructus ventris tui, qui est Christus (1292B)Filius Dei, a dominio in nos saevientis eriperet inimici, et in regno aeterno consortes faceret sibimetipsi. Proinde quaesumus, te rogamus, ut adsis patrona nobis, ut et merito tuo nos Filius tuus a delicto exules reddat, et post in regno suo perenniter habitaturos introducat: praesta nobis, ut, qui te concupiscens sibi advocavit in matrem, nobis concupiscentiae suae opulentam largiatur dulcedinem. R\. Amen.
Per misericordiam.
In nomine Domini.
Ad Matutinum. Antiphona. Adspersit me Dominus Deus hyssopo, et mundavit me: lavavit me, et supra nivem dealbavit me. Psalmus
(1292C)Oratio. Deus, qui semper, quae vera sunt, diligis; et quae sunt occultata tua sapientia manifestas; qui virginalem uterum pro mundi salvatione ingredi dignatus es: adsparge nos hyssopo verbi tui; et munda nos ab iniquitatibus nostris: ut qui tibi soli peccavimus, et malum gessimus coram te; non iratus peccatis tribuas poenam; sed propitius spiritum rectum, qui te invocet, in nostris infunde visceribus. R\. Amen.
Per misericordiam.
Antiphona 1. Ave Maria, gratia plena Dominus tecum: Benedicta tu inter mulieres, P. Et benedictus fructus ventris tui. V\. Diffusa est gratia in labiis tuis: propterea benedixit te Deus in aeternum. P. Et benedictus. (1292D)[CCCLI] V\. Gloria, et honor. P. Et benedictus.
Oratio. Gratiam plenam habere te. Quaere retro in istis Vesperis praecedentibus.
Antiphona 2. Magnum miraculum vidimus in Virginis conceptione, ut nec virginitatem amitteret, nec genitricum pondera didicisset. P. Sola meruit Deum ferre post coelos: sola meruit Virgo venire post partum. V\. Domini est terra, et plenitudo ejus: orbis terrarum, et universi qui habitant in eo. P. Sola meruit. V\. Gloria, et honor. P. Sola meruit.
Oratio. Magnum valde miraculum vidimus in Virginis conceptione, ut nec decore pudoris careret. nec genitricum onera sustineret: nec enim fas erat, ut illa haberet suspiria, quae omnium gaudia pariebat; (1293A)aut origo laetitiae nosceret vim doloris: sic etenim sola meruit virgo venire post partum, quia in ipsa Verbum est caro factum. Ob hoc te precamur, Jesu bone, ut, sicut Genitrici tuae contulisti hoc praemium, ita nobis miseris adsis concedendo remedium. R\. Amen.
Per misericordiam.
Antiphona 3. Spiritus Domini superveniet in te, et virtus Altissimi obumbrabit tibi. P. Propterea, quod nascetur ex te Sanctum, vocabitur Filius Dei. V\. Dilexisti justitiam, et odisti iniquitatem: propterea unxit te Deus Deus tuus oleo laetitiae prae consortibus tuis. P. Propterea. V\. Gloria, et honor. P. Propterea.
Oratio. Sancte Spiritus, qui es sanctificatio Patris, (1293B)et Filii, inlabere cordibus nostris, ut de te, quae vera sunt, sapiamus, et quae vera sunt, confiteamur: bonus enim spiritus es in omnibus, quia omnia, quae vis, recte vis; tu Virginem nostram replevisti, et alma sanctificationis tuae gratia inlustrasti: tu ex ea nobis oblationem novam in terram subito protulisti, ut in ejus lumine ambulantes salutem animarum nostrarum consequi mereamur felices. R\. Amen.
Per misericordiam
R\. Missus est a Deo Angelus Gabriel ad Mariam Virginem, dicens: Ave Maria, gratia plena: Dominus tecum: Benedicta tu inter mulieres. P. Propterea et, quod nascetur ex te Sanctum vocabitur, Filius Dei. V\. Spiritus sanctus superveniet in te, et (1293C)virtus Altissimi obumbrabit tibi. P. Propterea et, quod. V\. Gloria, et honor. P. Propterea.
Oratio. O sanctissime Gabriel, o fortitudo summi Patris, o nuncius veritatis, o destinator divini mysterii, verissimus adinventor ad Virginem venis, salutas, ut nuncius; obumbras, ut famulus. Ave, inquis, Maria: Meus Dominus tecum: benedictam esse inter mulieres affaris: Verbum ex ea prodire clangis: et ut Filius Dei vocitaretur, mirifica adtestatione profiteris. Ideo petimus, ut tu, qui nuncius veritatis ad Virginem accessisti mirificus, petitionem nostram divinis offer in auribus: et ita per te abdita cognoscamus mysteria, ut numquam incidamus inimici ergastula; ut per ipsum summi Dei Patris Verbum, (1293D)cui te praevium ad Virginem venire denuncias, habeamus et veniae redditum, et aeternae patriae verissimum incolatum. R\. Amen.
Antiphona 1. In me spes omnis vitae et virtutis. Ego mater pulchrae dilectionis. P. Et rami mei honoris et gratiae. V\. Eructavit cor meum verbum bonum: dico ego opera mea regi. Lingua mea calamus scribae, velociter scribentis. P. Et rami. V\. Gloria, et honor. P. Et rami.
Oratio. Mira satis, Domine, radix Ecclesiae tuae, quae proficit et crescit usque ad perfectum diem, cujus rami martyres, cujus perpendicula effecti sunt Confessores, inter quos beatissima Virgo Maria genitrix tua, quasi vitis vera fructificans, dum odorem gratiae fidelibus propinat in saeculo, aeterno promeretur (1294A)consolari de praemio: Quaesumus ergo, ut suffragiis ejus odore virtutum odores criminum fugiamus; ut coelesti illo spiramine recreati a cunctorum vitiorum foetoribus exules reperiamur, et sobrii. R\. Amen.
Antiphona 2. Induta es vestimentis gloriae, et ornata es ornamentis sanctis. P. Et facta es speciosa invocata Domino. V\. Dominus custodit te ab omni malo: custodit animam tuam Dominus. P. Et facta es. V\. Gloria, et honor. P. Et facta es.
Oratio. Virgo Christi Maria gloriae nunc vestimentis induta et ornamentis sanctis ornata, quae utique facta es speciosa, dum invocata a Domino mater efficeris Domini, et electa ancilla Filii, dum aure concipis verbum, et nobis et tibi generas Dominum, (1294B)concurrentis ad te plebiculae suscipe vota, [CCCLII] et Filio tuo Domino nostro nostrae servitutis defer obsequia: ut, qui vitiorum impulsu ad prona dilabimur, tuis meritis ad coelestia sublevemur: et qui meritorum ornamentis ornari non possumus, tuo interventu a criminibus expiati conceptionis tuae sacratissimum festum annuis recursibus celebremus. R\. Amen.
Per misericordiam.
Antiphona. Dedit illi Dominus sapientiam, et beatam fecit eam, et circumcinxit illam zonam gloriae. P. Et induit eam stolam decoris, et coronavit eam in vasis virtutum. V\. Potens in terra erit semen ejus: generatio rectorum benedicetur. P. Et induit eam. V\. Gloria, et honor. P. Et induit eam.
(1294C)Oratio. Domine, Deus Pater, qui beatae Genitrici Filii tui Domini nostri sapientiam contulisti, dum et beatam illam efficis, et gloriae zonam circumcingis, et stolam decoris induis, scilicet ut virgo concipiat, et virgo pariat, et sui partus gloria toto in mundo dilatata fructificet; da nobis talem spiritus sapientiam, quae nos coram te beatos efficiat opere, dignitate et splendidos reddat, et indutos decoris stola: ut, sicut Virgo Maria Dei Sapientiam concipiens universae creaturae genuit Dominum, ita nos sapientia repleamur, qua tibi efficiamur placabiles in vasis virtutum. R\. Amen.
Per misericordiam.
R\. Filia Sion, consecrabis Domino multitudines (1294D)populorum: et tu Bethlehem domus acceptionis paucissima in millibus Juda: ex te prodiet principium regni Israel, P. Cujus progressio ab initio saeculi. Propter quod tempus parturientis advenit: et paries velociter Redemptorem omnium filiorum Israel. V\. Bethlehem civitas Dei summi, ex te prodiit Dominator Israel. P. Cujus progressio. V\. Gloria, et honor. P. Cujus progressio.
Oratio. Jesu, virtutum omnium Deus, qui per beatae Genitricis tuae mysterium consecras tibi multitudines populorum, dum novo miraculo Virginem conceptione mirabili ditas, et matrem virginitatis honore non privas, ut Incarnationis tuae mysterium, et singulare citra similitudinis exemplar maneret, et admirabile sine aliqua dissertione rationis existeret; (1295A)dona nobis, hujus arcana mysterii, et plena fide cognoscere, et pleniori charitatis ardore diligere: ut per hoc, quod de te, quae vera sunt, credimus; ad hoc, quod de te diligentibus tribuis, ardentius veniamus. R\. Amen.
Per misericordiam.
Antiphona 1. Tu turris regis nebulosa, filia Sion, ad te veniet Salvator: P. Et veniet potestas prima regnum filiae Hierusalem. V\. Rogate, quae ad pacem sunt Hierusalem: et abundantia diligentibus te. P. Et veniet. V\. Gloria, et honor. P. Et veniet.
Oratio. Jesu Domine, qui nativitate divina praecedis omnia, et in fine saeculorum nasceris, universa ut redimas, miseris dans in omnipotentia initium rebus, et in humilitate justificationem reddens hominibus, (1295B)cum nebulosae turris hospitium ingrederis, et ad eam potestas prima regnaturus accedis: tribue nobis, illo te spiritu confiteri, quo per uterum Virginis humanae voluisti mortalitati conjungi. R\. Amen.
Per misericordiam.
Antiphona 2. Bethlehem domus Euphrata, non es minima in principibus Juda: ex te egredietur rex, qui regat populum meum Israel. P. Et egressus ejus a diebus aeternitatis. V\. Mater Sion dicet: Homo, et homo factus est in ea: et ipse fundavit eam Altissimus. P. Et egressus. V\. Gloria, et honor. P. Et egressus.
Oratio. Magna est, Domine, Bethlehem civitas, illa Incarnationis tuae altrix, Prophetarum inlustrata (1295C)praeconiis; dum ex ea proditurus adnunciaris, et in ea gloriosus ostenderis: cum illic specie et pulchritudine beatissimam matrem tuam ac virginem decorasti Mariam, quae te merito incorrupta edidit, sicut incorrupta concepit. Adesto proinde miseris nobis precibus ejus adsiduis: ut, sicut illam generatio tua provexit ad laudem, ita nos ejus merita provehant ad salutem. R\. Amen.
Per misericordiam.
Antiphona 3. Virgo Israel, revertere ad civitates tuas. Usquequo dolens averteris? P. Generabis Dominum Salvatorem oblationem novam in terra: ambulabunt homines in salvatione. V\. Gloriosa dicta sunt de te, civitas Dei. P. Generabis Dominum. V\. (1295D)Gloria, et honor. P. Generabis Dominum.
Oratio. Jesu Domine, qui nasciturus ex Virgine, et caput Serpentis antiqui, et totius delectationis contagia proculcasti, dum te oblationem novam Virgo mater parturiret in terris, quam exulare cupiebat serpens e sedibus suis; largire nobis, ita serpentis hujus [CCCLIII] mysticum, omniumque peccaminum odire contactum, ut te solum anima nostra diligat, quem et inimicus retributione percipiat, et in aeternitatis delectatione possideat. R\. Amen.
Per misericordiam.
R\. Audite signum a Domino, plebs Dei: Inventa est virgo in utero habens de Spiritu Sancto; et nomen Virginis Maria: Spiritus enim Sanctus supervenit illi, et virtus Altissimi obumbravit eam; ut adimpleretur, (1296A)quod dictum est per Prophetam a Domino: Ecce virgo habebit filium, P. Et nomen ejus Emmanuel vocabitur. V\. Venit Angelus Domini ad Mariam Virginem, dicens: Ecce concipies, et paries filium, P. Et nomen ejus. V\. Gloria, et honor. P. Et nomen.
Oratio. Ineffabile unigenitum Patris ingeniti Verbum, quo nascente pudor matris Virginis claruit, et claritas novae generationis inluxit: te enim faciente, facta sunt cuncta, quae Incarnationis tuae mysterio credimus operata; scilicet, quod Angelus Joseph viro Genitricis tuae apparuit, quod te in ea natum de Spiritu Sancto esse praedixit: praesta ita proinde nobis, quaesumus, meritis sanctae Matris tuae et Virginis, ut, conceptione Sancti Spiritus foecundati, sic (1296B)te concipiamus in corde, ut non aliud, quam te, semper parturiamus in opere. R\. Amen.
Antiphona 1. Magnificat anima mea Dominum: et exultavit spiritus meus in Deo salutari meo. P. Quoniam respexit humilitatem ancillae suae. V\. Quid retribuam Domino, pro omnibus quae retribuit mihi? P. Quoniam respexit. V\. Gloria, et honor Patri. P. Quoniam respexit.
Oratio. Quanta tibi sanctissima Virgo Dei et mater, divina pietas magna et ampliora distribuit, ut, cum esses virgo terrigena, facta es Altissimi mater et vernula: ut, qui sanctum ipsius nomen in omni generatione et prosapia nunciasti, nobis infirmis succurrat detersa male rancoris suggestione: Et, qui tibi adfuit (1296C)optimus habitator, in nobis praeesse dignetur mitissimus retributor: ut per unum Deum in Trinitate perfectum et credulitatis merita vigeant, et distributionis gaudia coalescant; et quia immeriti hoc deposcimus, tu regina et mater creatoris omnium saeculorum et per te fruamur paradisi florea rura qui integra permansisti virgo Deifica. R\. Amen.
Per misericordiam.
Antiphona 2. Ipsi soli sum sponsata, cui Angeli serviunt, cujus pulchritudinem Sol et Luna mirantur. P. Ipsi soli servo fidem, ipsi me tota devotione commendo. V\. Ad ipsum ore meo clamavi, et exultavi sub lingua mea. P. Ipsi soli. V\. Gloria, et honor Patri. P. Ipsi soli
Oratio. Jesu, Dei Filius, qui beatissimam Mariam (1296D)sic Virginem adprobas, ut matrem ostendas: sic matrem honoras, ut virginem admirabili coneptu efficias, dum tua Deitas ad eam Angelum destinat, a quo se inter mulieres audiat benedictam: concede supplici familiae tuae, ut ad instar ejus cor nostrum castitate fructificet, et jussis tuis obsequi non recuset: quo cum ea mereamur ultimo Judicii tempore a dextris tuis adsistere, quam nunc credimus virginem te veraciter generasse. R\. Amen.
Per misericordiam.
Antiphona 3. Gyrum coeli circuivi sola, et in fluctibus maris ambulavi: In omnem terram, et in omni populo primatum habui: superborum et humilium colla propria virtute calcavi. V\. Donec intrem in (1297A)sanctuarium Dei: et intelligam in novissima. P. Et in omni. V\. Gloria, et honor. P. Et in omni.
Oratio. Christe, Dei Sapientia summi Patris et Verbum, qui aedificas tibi comptissimam domum, Mariae Virginis uterum, in qua ipse coelestis justitia prospicis, et de qua fructum benignitatis tuae producis, dum in ea et absque veste corporea Deus ingrederis, et de qua vestitus carne procedis; praesta nobis supplicibus tuis, ut sanctificatam nos tibi domum efficias de qua, ut sponsus procedens, operum nostrorum dignitate circumfultus appareas. R\. Amen.
R\. Placuit Deo castitas et immaculata virginitas; P. Propter hoc in utero ejus ingressa est sancta pietas: de Verbo partum ostendit admirabilem genuisse (1297B)Virginem Deum et hominem. V\. Adnunciaverunt coeli justitiam ejus: et viderunt omnes populi gloriam ejus. P. Propter. V\. Gloria, et honor. P. Propter.
Oratio. Decantet tibi, Domine, omnis creatura canticum novum, qui in Virgine Maria ostendisti novae parturitionis miraculum: ut femina circumdaret virum, et virgo sine viri coitu virilem pareret sexum: [CCCLIV] Praesta igitur nobis ejus suffragio tueri in saeculo, quae te partu edidit incorrupto: mens nostra fulgore Sancti Spiritus vegetata, ita amorem tuae dilectionis concipiat, ut bonorum semper actuum parturiat incrementa. R\. Amen.
Per misericordiam.
(1297C)Antiphona. Missus est Gabriel Angelus ad Mariam Virginem desponsatam Joseph adnuncians Verbum; et expavescit Virgo de lumine: Ne timeas, Maria, invenisti gratiam apud Dominum. P. Ecce concipies, et paries: et vocabitur Altissimi Filius. V\. Quia rectus est sermo Domini, et omnia opera ejus in fide. P. Ecce concipies. V\. Gloria, et honor. P. Ecce concipies.
Oratio. Sancta Dei Genitrix, quae salutata ab Angelo, aure concipis Verbum, fide maturas obsequium, carne generas Filium, de lumine expavescens, de gratia praeveniente confidens; supplicum vota efficax accipe plebium, et preces opulenter remunera singulorum, ut materno cunctos gremio solaturos ( sic ) accipiens, quos in hac peregrinatione ad te concurrentes (1297D)respicis cernuos, Jesu Christo filio tuo Domino nostro repraesentes inlaesos. R\. Amen.
Per.
In Laudibus. Ad Canticum. Antiphona. Fecit mihi magna qui potens est, et sanctum nomen ejus. Et misericordia ejus in omni progenie et generatione.
Canticum (Lucae I).
Magnificat anima mea Dominum: * et exultavit spiritus meus in Deo salutari meo. Quia respexit humilitatem ancillae suae:
Ecce enim ex hoc beatam me dicent omnes generationes. * Quia fecit mihi magna qui potens est,
Et sanctum nomen ejus. Et misericordia ejus (1298A)in omni progenie et generatione * super timentes eum.
Fecit potentiam in brachio suo: * dispersit superbos mente intellectus cordis eorum.
Deposuit potentes de sede, * et exaltavit humiles.
Esurientes implevit bonis: * et divites dimisit inanes.
Suscepit Israel puerum suum, * memor misericordiae suae:
Quae locutus est ad patres nostros, Abraham, * et semini ejus usque in saeculum.
Gloria, et honor.
Oratio. Magnificat ecce te, Domine, redemptorem nostrum beatae Genitricis voce omnis conventus Ecclesiae: quia respexisti humilitatem Ancillae tuae, (1298B)cum te et Virgo sancta concepit; et Ecclesia credendo cognovit: cum de illa prodieris; et istam redimeres: cum illam beatam dicunt omnes gentes; in istam beatificentur populorum omnium nationes: Suscipe ergo, Domine, Israel populum tuum, memor misericordiae tuae; qui locutus es patribus nostris: ut complementum sit Divinae promissionis, totius Mundi redemptio singularis. R\. Amen.
Per misericordiam.
Ad Benedictus. Antiphona. Benedictio, et honor, et gloria, et potestas Deo nostro: quoniam venerunt nuptiae Agni, gaudeamus, et laetemur in eo.
Canticum. Benedictus. fol. 6.
Sono. Apparuit Angelus Mariae. Quaere retro in Vesperis praecedentibus.
(1298C)Lauda. Laudate Dominum de Coelis Alleluia: laudate eum in excelsis, Alleluia, alleluia, alleluia. Psalmus CXLVIII.
Lectio libri Ezechielis Prophetae (Cap. XLIII).
R\. Deo gratias.
Facta est super me manus Domini, et elevavit me spiritus, et duxit me ad portam, quae respiciebat ad viam Orientalem. Et ecce gloria Dei Israel ingrediebatur: et vox erat ei quasi vox aquarum multarum, et terra splendebat a majestate ejus. Et cecidi super faciem meam. Et majestas Domini ingressa est Domini domum. Et audivi loquentem ad me de domo, et vir qui stabat juxta me, dixit ad me: Fili hominis, locus solii mei, et locus vestigii pedum meorum, (1298D)ubi habito in aeternum. Capit. 44. Post haec converti me ad viam portae sanctuarii, quae respiciebat ad Orientem: quae erat clausa. Et dixit Dominus ad me: Porta ista, quam vides clausa, non aperietur: et vir non transibit per eam: quoniam Dominus Deus Israel ingredietur per eam, et erit clausa principi. Et princeps ipse sedit in ea, ut comedat panem coram Domino. Rursumque vidi: Et ecce gloria Domini implevit domum Dei, et audivi vocem dicentis: [CCCLV] Benedicta gloria Domini de loco sancto suo. R\. Amen.
Hymnus.
A solis ortus cardine Et usque terrae limitem, Christum canamus Principem, (1299A)Natum Maria Virgine.
Gaudete quicquid gentium
Judaea, Roma, et Graecia,
Aegyptus, Thrax, Persa, Scytha;
Rex unus omnes possidet.
Laudate vestrum Principem
Omnes beati ac perditi;
Ubi imbecilli, ac mortui,
Jam nemo post haec mortuus.
Fit porta Christi pervia,
Referta plena gratia;
Transitque rex, et permanet
Clausa, ut fuit per saecula.
Genus superni numinis
Processit aula Virginis,
(1299B)Sponsus, Redemptor, Conditor,
Suae gigas Ecclesiae.
Honor Matris et gaudium,
Immensa spes credentium
Per atra Mortis pocula
Resolvit nostra crimina.
Lapis de monte veniens,
Mundumque replens gratia,
Quem non praecissum manibus
Vates vetusti nunciant.
Qui, verbum, caro factus est
Praeconio Angelico,
De claustris virginalibus
Virginis virgo natus est.
Rorem dederunt aethera
(1299C)Nubesque Justum fuderunt;
Patens excepit Dominum
Terra salutem generans.
Mirabilis conceptio
Christum protulit sobolem,
Ut Virgo partum funderet,
Post partum virgo sisteret.
Exultet omnis anima
Nunc Redemptorem gentium,
Mundi venisse Dominum
Redimere quos condidit.
Creator cuncti generis,
Orbis, quem totus non capit,
In tua, sancta Genitrix,
(1299D)Sese reclausit viscera:
Quem, Pater ante tempora
Deus, Deumque genuit,
Matris alma virginitas
Cum tempore partum edidit,
Tollens cuncta facinora,
Et donans sancta munera,
Augmentum lucis adferens,
Tenebris damnum inferens.
Deo Patri sit gloria,
Ejusque soli Filio,
Cum Spiritu Paraclito
In sempiterna saecula.
Amen.
(1300A)Supplicatio. Oremus Redemptorem. Quaere in Vesperis praecedentibus.
Capitula. O sacratissima Verbi ancilla et mater, quam ostendit generatio Virginem, et virginitas comprobat Genitricem! patulo pietatis sinu concurrentem ad te populum suscipe: Tu profusis pietatis visceribus pascito gregem, quem suo Filius ex te progrediens mercatus est sanguine: tu praebe ubera creandis, quae nutrix facta es creatoris: tuo obsequio servitutis tuae glorifica, quos tibi dari inspicis obsequelam: simus tuo praemuniti suffragio praesidioque, qui suavi servitio tuo servitutis tuae delectamur perfrui jugo: ut omnes, qui ob honorem Conceptionis tuae hoc in loco tuis decantamus in laudibus, in tua perpetim servitute vivamus, venientes ad (1300B)eum, explosa criminum labe, cujus te votivis excolimus officiis Genitricem: ut et hic nos tu multiplici affectu tuearis in saeculum, et post ex te genitus regnaturos possideat in aeternum; qui nos docuit orare, et dicere:
Pater noster. Liberati a malo. fol. 2.
Lauda. Ecce tempus, dicit Dominus. Benedictio. Dominus Jesus Christus, qui olim ex Virgine. Quaere retro in Vesperis praecedentibus.
In exeunte Vespera.
Lauda. Virgo Israel, ornare tympanis tuis. Sono. Apparuit Angelus Mariae, dicens: Ecce. Quaere retro in primis Vesperis.
Antiphona. O quam magnum miraculum inauditum! (1300C)Virtus de coelo prospexit, obumbravit uterum Virginis. P. Potens est majestas includi infra cubiculum cordis, januis clausis. V\. Veritas de terra orta est: et justitia de coelo prospexit. P. Potens est. V\. Gloria, et honor. P. Potens est.
Dominus sit. R\. Et cum.
Lauda. Beata sum, quae credidi; P. Quoniam implebuntur omnia, quae dicta sunt mihi a Domino. Alleluia, alleluia. V\. Deus, [CCCLVI] canticum novum cantabo tibi: in psalterio decem chordarum psallam tibi. P. Quoniam implebuntur. V\. Gloria, et honor. P. Quoniam.
Hymnus. A solis ortus. Supplicatio. Oremus. Quaere in primis Vesperis.
Capitula. Beata est, Christe, gloriosa saeculi dominatrix (1300D)Maria virgo tua, quae ab Angelo credidit, quod perficerentur ea, quae a Domino dicta sunt illi: praesta ergo nobis, exposcimus, ut, qui conceptum Virginis celebrantes peregimus, ad festum nativitatis tuae emaculatis cordibus veniamus.
Pater noster. Liberati a malo. fol. 2.
Benedictio. Verbum, quod matrem fecit, ut Virgo maneret, nobis adtribuat virginitatis opem: R\. Amen. Et qui intacta ejus servavit viscera ventris, Custos dignetur vester adesse jugis; R\. Amen. Ut, qui conceptum matris celebratis ovando, Lux sitis in mundo, justificante Deo. R\. Amen.
Per misericordiam.
Lauda. Ecce tempus, dicit Dominus, in quo. (1301A)Oratio. Gratiam plenam habere. Quaere retro in primis Vesperis.
DIE XXI. IN FESTO SANCTI THOMAE APOSTOLI. Ad Vesperum. Lauda. Gloria, et honore. fol. CLIX. Sono. Deus praecinxit me. fol. CLVI.
Antiphona. Coronavit eum Dominus, et benedixit, et dilexit illum. P. Et supra multa munera constituit eum. V\. Os justi meditabitur sapientiam, et lingua ejus loquetur judicium. P. Et supra. V\. Gloria, et honor Patri. P. Et supra.
Dominus sit semper. R\. Et cum.
Lauda. Corona gratiarum coronavit eum Dominus. P. Et corona deliciarum protexit illum. Alleluia, (1301B)alleluia, alleluia. V\. Beatus vir, qui timet Dominum: in mandatis ejus cupit nimis. P. Et corona. V\. Gloria, et honor. P. Et corona.
Hymnus.
Festum, Christe Rex, per orbem Inluxit almificum, In quo tibi confitetur Cuncta cohors fidelium Gloriam, persolvunt hymnum Pro triumphis Martyrum.
Gloriosus, ecce, tuusque
Thomas, Discipulus,
Cicatrices contractando,
Creditus est Dominus;
(1301C)Inter fratres gloriosus
Extitit Apostolus.
Nuncius venit de Indis,
Quaerere artificem:
Architectum construere
Regium palatium:
In foro deambulabat
Cunctorum venalium.
Habeo servum fidelem,
Locutus est Dominus,
Ut exquiris talem, aptum
Esse hunc artificem:
Abbanes videns, et gaudens,
Suscepit Apostolum.
Traditur Regis ministris
(1301D)Sanctus Dei Apostolus:
Eliophorum ingressus,
Suscepit convivio;
Digna sui percussoris
Reddita est ultio.
Rex ut vidit, et audivit
Insigne miraculum,
Juvenes, ut benedicat,
Supplicanter postulat:
Sic Baptismo candidatos
Consecrat velamine.
Gundaphorus Rex Indorum,
Iniquus, ac perfidus,
Romanorum more, sibi
Voluit palatium;
(1302A)Hujus opus construere
Praecipit Apostolo.
Sed beatus, atque sanctus
Didymus Apostolus
Erogando Regis aurum,
Construit palatium,
Rutilum, coruscum gemmis,
In supernis sedibus.
Carcere mox Rex Abbanem
Trusit cum Apostolo:
Gath infirmus Regis frater
Migrat ab hoc saeculo;
Coelo ductus vidit dignum,
Fratrisque palatium.
Angeli expetunt Christo;
(1302B)Ut resurgat mortuus;
[CCCLVII] Gundaphoro reddat aurum;
Emat aedificium,
Et resolvat vinculatum
Domini Discipulum.
Illico surgens, exponit
Sacrum regi ordinem:
In carcerem deinde petit;
Ejicit Apostolum,
Obsecrant undique fratres
Veniamque criminum.
Nunc Thomas in campum vocat
Populos Indanicos;
Lapidem conscendit altum,
Corda mulcet gentium;
(1302C)Per Baptisma pollicetur
Veniam peccaminum.
Indiam superiorem
Visitans adgreditur,
Dogma Christi praedicando,
Fundavit Ecclesiam;
Infinita per Baptisma
Consecravit millia.
Mira quippe, ac stupenda
Faciens miracula,
Sinticaeque restauravit
Corporalia lumina;
Laticis perfundit undam,
Illam et Mindoniam.
Christiana jam probata
(1302D)Regis uxor Treptia,
Regnum Christi concupiscens,
Respuit terrestria,
Ulcerosus scaber
Ut sanetur, postulat.
Precibus Thomae a Christo
Angelus dirigitur,
Exuit in parte totam
Ulcerosam tunicam;
Novae cutis indumenta
Vestivit corporea.
Templum Solis comminutum,
Corruit cum idolo;
Ac metallum pretiosum
(1303A)Solvitur in pulverem
Rex illius civitatis
Fugit cum Carisio.
Tunc sacerdos idolorum
Furibundus astitit
Gladio transverberavit
Sanctum Christi Martyrem
Glorioso passionis
Laureatum sanguine.
O beata inter omnes
Edessena civitas,
Quae pignus suscepit almum
Domini Discipulum,
Ubi corpus requiescit
Cum honore conditum.
(1303B)Inde cuncti te precamur
Summi Patris Filium,
Mitte nobis den supernis
Invictum auxilium:
Ut credentes evadamus
Aeternum supplicium;
Ut sub uno cuncta cohors
Conjuncta fidelium,
Te sequamur, te canamus,
Te fruamur perpetim:
Humili confessione
Proclamemus gloriam.
Gloria Patri, etc.
Supplicatio. Oremus Redemptorem mundi, mutato nomine, folio CLXXXVII.
(1303C)Capitula. Domine Deus, omnipotens Pater, qui regnas in aeternum, et in saeculum saeculi, qui in lumine habitas, incomprehensibilis: Deus qui coelum, terramque firmasti: qui duo luminaria magna fecisti: Deus qui hominum genus condidisti, ut te non solum coelestia, sed etiam terrestria conditorem suum congrua laudatione magnificarent: qui Dominum nostrum Jesum Christum Filium tuum ad nos de sede Gloriae tuae dirigere dignatus es, qui nos ab originali delicto liberaret, et tibi Deo, ut pius Dominus reformaret; ut hominem, quem invidus praedo sua deceptione demerserat in infernum, ejus invicta potentia ad sedem, unde nunquam discesserat, sublevaret in coelum; rogamus te, Domine, ut in hujus (1303D)vespertini sacrificii hora incensi, ob honorem sancti Thomae Apostoli, et martyris tui, plebi tuae propitieris, et abstergas ab eis sordes cuncti delicti: ut qui in nomine tuo vicit callidum hostem, pro nobis famulis tuis ferre non deneget opem: ut et de diaboli insidiatoris muscipula liberemur; et, cunctis peccatis abstersis, cum Sanctis tuis in regno tuo pariter tripudiemus, Piissime:
Pater noster. Liberati a malo. fol. 2.
Benedictio. Omnipotens Deus per interventum beatissimi Apostoli sui Thomae veniam vobis delictorum tribuat, et culpas vestras miseratus ignoscat. R\. Amen. Peccata vestra a vobis sustollat, et delicta vestra laxando [CCCLVIII] dimittat. R\. Amen. Criminum vestrorum maculas abluat; et intercedente (1304A)beatissimo Apostolo suo, indulgentiam vobis propitius concedat. R\. Amen.
Per misericordiam ipsius, etc.
Lauda. Statuit Dominus. fol. CLVII.
Oratio. Omnipotens Deus, qui Martyrem tuum Thomam Apostolum in miseratione, et misericordia coronasti: dum illi, et in te credere, et per te pati donasti: ut temporalem sustinens poenam, coronam raperet sempiternam: intercessione ejus praesta nobis famulis tuis, ut si passionis eminentiam non attingimus, passionis ignorantia careamus: ut quibus virtutum tituli non adscribantur ad gloriam, vitiorum dedecora deleantur, ne veniamus in poenam. R\. Amen.
Per misericordiam tuam.
Ad Matutinum. Antiphona. Labia mea aperies. (1304B)Psalmus I. Oratio. Exultent Domine. fol. CLXXX.
Antiphona. Posuisti Domine super caput ejus coronam de lapide pretioso. P. Gloriam, et magnum decorem super eum imponens. V\. Beatus vir, qui non abiit in consilio impiorum, et in via peccatorum non stetit, et in cathedra pestilentiae non sedit. P. Gloriam, et magnum. V\. Gloria, et honor Patri. P. Gloriam.
Oratio. Domine Jesu Christe, qui posuisti in capite martyris tui Thomae Apostoli coronam de lapide pretioso, in fundamento fundatam; ut non confundatur, quia in te credidit; coronetur, quia pro te animam posuit: Sit ergo intercessionibus ejus in nobis famulis tuis fides vera qua in te credamus; confessio sedula, qua te etiam coram persecutoribus promptissima (1304C)devotione confiteamur: quatenus interveniente tanto Martyre, coram te, et Angelis tuis minime confundamur. R\. Amen.
Per misericordiam tuam.
Antiphona. Perfectio, et doctrina viro sancto tuo, quem probasti, Domine, in tentatione; obtulit thymiama in conspectu tuo, P. Et adolevit incensum super altare tuum. V\. Os justi meditabitur sapientiam, et lingua ejus loquetur judicium. P. Et adolevit. V\. Gloria, et honor Patri. P. Et adolevit.
Oratio. Omnipotens Deus, qui martyrem tuum, ut supra in Vesperis.
Antiphona. Protexisti eum, Domine, a conventu malignantium Alleluia, P. Et a multitudine operantium iniquitatem Alleluia. V\. Jocunditatem fecisti cum (1304D)servo tuo Domine, secundum verbum tuum. P. Et a multitudine. V\. Gloria, et honor. P. Et a multitudine.
Oratio. Deus, qui vitam sancti tui Thomae Apostoli martyris, ea ratione erexisti, ut ille coronaretur meritis, nosque provocaremur exemplis: tribue, ut cujus hodie natalitii diem debito honore veneramur, ipsi defensori ante conspectum majestatis tuae sociemur. R\. Amen.
Per misericordiam tuam.
R\. Inveni unum justum, qui placuit ante me, et dedi signum meum inter me et ipsum: ut dum coeperit sacrificare mihi, odorabo odorem suavitatis; P. Et memor ero testamenti sancti mei: ut jam ultra non deleam universam carnem. V\. Quoniam in me speravit, liberabo eum: protegam eum, quoniam (1305A)cognovit nomen meum. P. Et memor. V\. Gloria, et honor Patri. P. Et memor.
Aliud R\. Alleluia. In labiis justi haerebit gratia: os ejus quaeretur in Ecclesia, et verba illius P. Cogitabunt recta Alleluia, alleluia. V\. De ore justi procedunt mella: dulcedo mellis est lingua ejus: favum distillans labia ejus. P. Cogitabunt. V\. Gloria, et honor. P. Cogitabunt.
Oratio. Praesta nobis, omnipotens Deus, beatissimi testis tui Thomae Apostoli assiduum patrocinium: ut ejus quoque praeclarum assequi mereamur exemplum, et sentientes impensissime suffragantem, sequamur fortissime praeliantem. R\. Amen.
Per misericordiam tuam Deus, etc.
In Laudibus. (1305B)Ad Canticum. Antiphona. Laetor in sanctitate. Canticum. Confirmatum est cor meum. Ad Benedictus. Antiphona. Benedictio Domini in mercedem justi festinat. Canticum. Benedictus es Domine Deus. folio 6. Sono. Deus praecinxit me virtutem. folio CLVI. Lauda. Laudate Dominum. Psalmus CXLVIII.
[CCCLIX] Lectio libri Ecclesiastici Salomonis (Cap. XXXI).
R\. Deo gratias.
Beatus vir, qui inventus est sine macula: qui post aurum non abiit, nec speravit in pecuniam et thesauros. Quis est hic, et laudabimus eum? fecit enim mirabilia in vita sua. Qui probatus est in illo, et perfectus inventus est, et erit illi gloria aeterna: qui potuit transgredi, et non est transgressus; et facere mala, et non fecit: ideo stabilita sunt bona illius in (1305C)Deo, et eleemosynas illius enarrabit Ecclesia sanctorum. R\. Amen.
Hymnus.
Cunctus mundus patule triumphat: Jesus e coelis veniens coruscat, Cujus adventu renovatur orbis Perpetim omnis,
Promite ob Thomae gens mores beatos:
Hinc dies summus dicatur almus,
Quod fidem Christi cecinens in Indos,
Numerat illos.
Sanctus, et conscius Patriae supernae,
Gentem adquirit pietate Christi;
Rite conjunxit sibi Hymnum
(1305D)Illa potenter.
Aedem exponit nimiam in arvam
Regis ipsorum merito fruendam,
Quem potius reserata ibidem
Intulit illam.
Inde hic Martyr inciditur serris,
Sanctus accitus, inlita cruore
Membra sic ponit, succurrat terra
In die altera.
Doctus insignia socius peremptus:
Aulam frater parat, et Redemptori
Copiam reddens, Creatori nostro
Illico parens.
Christe cum Sanctis veneris in die,
Adtrahe Princeps populos jam ad te;
(1306A)Ignem atrocem fugiamus; ipsumque
Coelitus canamus.
Gloriam psallat Chorus, et resultet:
Gloriam dicat, canat, et revolvat:
Nomini Trino, Deitati soli
Sidera clament.
Amen.
Supplicatio. Oremus Redemptorem mundi, ut supra.
Capitula. Exaudi, Domine, has familiae tuae voces, quas humiliter in preces fundimus; et propitiatus tribue, quae supplices deprecamur: ut qui hunc celeberrimum diem in honorem beatissimi martyris tui Thomae Apostoli colimus, tam digni omnes inveniamur in hoc ipso nostrae devotionis obsequio, (1306B)quam ille hoc suo potuit obtinere suffragio, quo te jubente, dicamus:
Pater noster. Liberati a malo. fol. 2.
Lauda. In Psalterio et cithara. fol. CLX.
Benedictio. Beatissimi Martyris Thomae Apostoli vos Dominus intercessione custodiat. R\. Amen. Sperantium in se necessitates placatus intendat; R\. Amen. Et supplicantium culpas propiciatus dimittat; R\. Amen.
Per misericordiam ipsius Dei nostri, qui est benedictus, et vivit, etc.
Dominus sit semper vobiscum, R\. Et cum spiritu tuo.
DIE XXX. IN FESTO SANCTI JACOBI APOSTOLI FRATRIS SANCTI JOANNIS APOSTOLI ET EVANGELISTAE. Ad Vesperum. (1306C) Lauda. Exortum est. Sono. Justorum animae. fol. CLXII.
Antiphona. Dabo sanctis meis regnum in Hierusalem: lignum enim vitae in odorem unguenti. P. Et non laborabunt, neque fatigabuntur. V\. Qui confidunt in Domino sicut mons Sion: non commovebitur in aeternum, qui habitat in Hierusalem. P. Et non. V\. Gloria, et honor. P. Et non.
Dominus sit. R\. Et cum.
Lauda. Sanguinem sanctorum. fol. CLXII.
Hymnus.
O Dei Verbum Patris ore proditum, Rerum Creator, et verum principium, (1306D)Auctor perennis, lux, origo luminis, Enixus alvo gloriosae Virginis, Christe tu noster revera Emmanuel,
Rex, et sacerdos, cui sacri lapides
En ter quaterni onychinus, achates,
Nitens beryllus, saphirus, carbunculus,
Vel amethystus, sardius, topazius,
Smaragdus, iaspis, ligurius, chrysolitus
Riteque gemmis Sol, dies, duodenis
Enitens horis, margaritis optimis,
Inluxit mundo jam fugatis tenebris,
Et candelabro tibi superposito,
[CCCLX] Micans lucernis bis senis Apostolis.
Petrusque Romam, frater ejus Achajam,
Indiam Thomas, Levi Macedoniam,
(1307A)Jacobus Jebus, et Aegyptum Zelotes,
Bartholomaeus tenens Lycaoniam
Mathias Pontum, et Philippus Gallias.
Magni deinde filii tonitrui,
Adepti fulgent prece Matris inclytae
Utrique vitae culminis insignia:
Regens Joannes dextram solus Asiam,
Ejusque frater potitus Hispaniam.
Clari Magistro, clateris innoxia
Adsciti dextram, pacis unus foedera
Tractus: sinistram alter in sententiam,
Utrique regna, bis electa pignora,
Mitridepoli properant ad gloriam.
Advectus, inquam, gloriosus praemio,
Electus isthinc abitur martyrio,
(1307B)Christi vocatur Zebedaei Jacobus,
Apostolatus jure implens debita,
Victorque rapit passionis stigmata.
Divino quippe obsitus suffragio
Idem Magorum sontes iras, daemonum
Coercens virus, punit aemulantia:
Vivaxque demum in stolis, oraculis
In signo detur poenitens cor credulum.
Perplexus olim voti compos commodat
Rima petenti aegro adminicula:
Optanti pandit fidei charismata,
Vexilla pacis ad salutis copiam,
Enseque functus se communit gloria.
O vere digne sanctior Apostole
(1307C)Caput refulgens aureum Hispaniae!
Tutorque nobis, et patronus vernulus,
Vitando pestem, esto salus coelitus:
Omnino pelle morbum, ulcus, facinus.
Adesto favens gregi, pius creditor,
Mitisque pastor gregi, clero, populo;
Ope superna ut fruamur gaudio:
Regno potiti vestiamur gloria
Aeterna: per te evadamus tartarum.
Praesta, quaesumus, Unica potentia,
Replensque gloria cunctam solus machinam,
Virtus perennis ingens, adesto gloria
Aeterna; cujus laus est et clementia;
Et honor jugis affatim per saecula.
Amen.
(1307D)Supplicatio. Oremus Redemptorem, mutato nomine, fol. CLXXXVII.
Capitula. Subjuga, Clementissime Deus, nostras tuo jugo cervices; ut onus tuum, quod amantibus leve est, ita optabili devotione feramus, sicut Jacobus Apostolus tuus pro innexo collo suo fune ad passionem tractus est laetabundus: atque hoc miraculo cor inludentis sibi ita compunxit, ut eum sacramentis instructum fidei, faceret ad gloriam pervenire martyrii: sicque ipse post in confessione Filii tui capite desecto interemptus occubuit perveniens ad eum in pace; pro quo hanc sustinuit passionem: Ipse est enim Unigenitus tuus Filius, qui dedit animam suam redemptionem pro multis; per (1308A)quem nostris, tu Deus Pater, jubeas parcere delictis.
Pater noster. Liberati a malo. fol. 2.
Benedictio. Christus Deus, Dei Patris Filius, quem Jacobus, relicto patre in navi, tota secutus est intentione cordis, indesinenter vos faciat suis inhaerere vestigiis: R\. Amen. Quique hoc Apostolo cultores daemonum convertit ad fidem, concedat nobis vana saeculi respuendo, se in veritate diligere; R\. Amen. Ut ejus remuneremini praesidiis, cujus hodie triumphum excolitis passionis. R\. Amen.
Per misericordiam.
Lauda. Gaudium sempiternum. fol. CLXII.
Oratio. Christus, cujus virtus, atque potentia tantum in Apostolo tuo Jacobo emicuit, ut in nomine (1308B)tuo emissis a se daemoniorum catervis potentialiter meruit imperare; tu Ecclesiam tuam ab adversantium impugnatione defende: ut virtute spiritus exsuperando adversa, illius doctrinam opere compleat, cujus hodie exemplum piae passionis honorat. R\. Amen.
Per.
Ad Matutinum. Antiphona. Da nobis laetitiam. Psalmus L. Oratio. Redde nobis laetitiam. fol. CLXIII.
Antiphona 1. Dedit eis Dominus potentiam regni adversus eos, qui persequebantur illos. P. Et fuit illis in velamento diei, et in luce stellarum tota nocte. V\. Misit verbum suum, et sanavit eos: et eripuit eos de interitu eorum. P. Et fuit. V\. Gloria, (1308C)et honor. P. Et fuit.
Oratio. Christus, cujus virtus. Quaere supra in Vesperis praecedentibus.
Antiphona 2. Venite ad me, omnes sancti mei, dicit Dominus: vindemiate fructum laborum vestrorum, germen justitiae, P. Cujus odor est magnus, sicut odor liliorum et [CCCLXI] rosarum in tempore suo. V\. Venite, filii, audite me: timorem Domini docebo vos. P. Cujus odor. V\. Gloria, et honor. P. Cujus odor.
Oratio. Sancte et misericors Deus, qui glorificaris in concilio Sanctorum; magnusque metuendus super omnes gentes potentialiter existens; quem Jacobus relicto Zebedaeo patre ita secutus est, ut obnixe diligendo fieret electus in vita, mundus in conscientia, (1308D)probabilis in doctrina; postremo ita scientiam commendans ex opere, ut pro te truncato interierit capite, quem pro se vel omnibus noverit animam posuisse: tu, Domine, precibus nostris ejus obtentu fave placatus, ut veniam nostrorum mereamur apud te obtinere delictorum. R\. Amen.
Per misericordiam.
Antiphona 3. Sanctorum ossa germinabunt de loco suo, P. Et nomina eorum sicut lilia munda floruerunt. V\. O Domine salvos nos fac. O Domine bona prosperare. P. Et nomina. V\. Gloria, et honor Patri. P. Et nomina.
Oratio. Pretiosa est tuo, Domine, in conspectu mors Sanctorum tuorum: qui ad te vocans Jacobum (1309A)Apostolum utique tuum in navi retia componentem, spiritualibusque doctrinis populos ut erudiret, elegisti, et pro effusione sui sanguinis laetaretur in coelo; petimus omnipotentiam tuam, ut, dum praesentia mala patientissime toleraverimus, et nunc et in aeternum in pace, et charitate tecum sine fine vivamus. R\. Amen.
Per misericordiam.
R\. Sancti qui certamen habuerunt pro fide, inimicus in eis potestatem non habebit, quia clamaverunt una voce dicentes: P. Sanctus Deus, Sanctus fortis, exaudi nos: Sanctus immortalis, miserere nobis. V\. Vidi in coelo turbam magnam, quam dinumerare nullus poterat, et clamabant voce magna dicentes: P. Sanctus Deus. V\. Gloria, et honor. P. (1309B)Sanctus Deus.
In Laudibus. Ad Canticum. Antiphona. Qui propria voluntate obtulistis vos discrimini, benedicite Dominum narrantes justitias ejus et clementiam in fortes Israel.
Canticum. Qui sponte obtulistis.
Ad Benedictus. Antiphona. Sancti et humiles. Canticum. Benedictus es Domine. fol. 6.
Sono. Via justorum. Lauda. Laudate Dominum. Psalmus CXLVIII. Prophetia. Justorum animae. fol. CLXVII.
Hymnus.
Gaudeat cuncta pia plebs alumna: Resultet voce simul et cruore: Pacis foenore semper Christum roget (1309C)Laudis honore.
Veritas, vita, spes semper tranquilla
In tui almi Jacobique sancti
Jam cruciamur, ignibus cremamur
Catenis magnis.
Magnus hic ait Dominusque noster:
Dira resolve ignea catena
Nihil nocente: mihi nunc afferte
Magum iniquum;
Ad cujus jussu protinus occurrerunt:
Eum jam vinctum ante pedes sistunt;
Ut dimicentur, atque vindicentur,
Et crucientur.
Respice post hinc te habere patrem
(1309D)Quamquam iniquum, generi humano
Christum quem negabas, Creatorem esse,
Verum agnosce.
Verum agnosco, ait, Salvatorem,
Teque exposco, Sancte intercessor:
Veniam, credo, Domino favente,
Te dare posse.
Sustulit post hinc ferientis ulcus;
At collo fune tractatus, colligatur
Sic ab Herode capite plectitur,
Sic ordinatur.
Et ducunt vinctum transeuntem vicum,
Claudus ab eo quaerit alimentum,
Cujus virtute agitur rectus: sanus
Pergit ad horam.
(1310A)Tunc cernit tortor clodo gressu dato
Sic affatus: Christus conlaudatur;
Cujus virtute aegris salus datur
Per suos Sanctos.
Gloriam psallat chorus, et resultet;
Gloriam dicat, canat, et revolvat:
Nomini Trino, Deitati soli
Sidera clament.
Amen.
Supplicatio. Oremus redemptorem. Capitula. Subjuga clementissime Deus. Lauda. Gaudium sempiternum. Benedictio. Christus Deus Dei Patris, ut supra in Vesperis praecedentibus.
DIE XXXI. IN FESTO SANCTAE COLUMBAE VIRGINIS. Ad Vesperum. (1310B) [CCCLXII] Lauda. Speravit anima mea. fol. CLXXIX. Sono. Dominus Deus coeli. Antiphona. Virgo prudentissima. fol. CLXXIX. Lauda. Sicut palma. fol. CLXXX.
Hymnus.
Nardus Columbae floruit, Ligustra flagrant hortuli; Fulcite laetam floribus, Stipate malis Virginem.
Haec Regis apta amplexibus,
Et osculis: gratissima
Christo fidem, quam sponderat
Cruoris arrha consecrat.
Igne gemellos saeculi
(1310C)Stravit, subegit, depulit;
Flammam petulcam Barbari,
Focosque admotos sibi.
Cum in lupanar posita
Intrantes ad se, luridam
Libidinem compescuit,
Seseque flammis exurit.
Sic liberata ab ignibus,
Locis retracta scenicis,
Mucrone stricto plectitur,
Nuptura coelo adsciscitur;
Cui vox ab astris resonans:
Veni Columba, personat;
Tu vocibus nostris favens,
Fac nos Polorum compotes.
(1310D)Praesta, Pater piissime,
Patrique compar Unice,
Cum Spiritu Paraclito
Regnans per omne saeculum.
Amen.
Supplicatio. Oremus Redemptorem mundi Dominum nostrum Jesum Christum, cum omni supplicatione rogemus; ut nos gratia nativitatis suae, et per intercessionem sanctae Columbae virginis et martyris suae, nobis remissionem, et pacem donare dignetur. R\. Praesta Aeterne Omnipotens Deus.
Capitula. Deus, qui beatissimam Columbam columbarum simplicitate fecisti esse mirificam, ut innocentia fidei Christianae te et Virgo sequeretur et Martyr: dum tibi et corpus intactum servavit. et victrix (1311A)jam Martyr adhaesit: dum data a te, formata e coelis voce, vocatur, et per te in coelis mirifice coronatur; optata nostris mentibus gaudia praesta, ut ejus meritis nostrorum criminum victores effecti, in coelestibus mereamur sedibus conlocari.
Pater noster. Liberati a malo. fol. 2.
Benedictio. Deus, qui beatissimam Columbam virginem victricem esse voluit flammae, extinguat in vobis omnem carnis titillationis ardorem: R\. Amen. Et per quem illa coeleste voce meruit vocari ad praemium, per eam vos mereamini sanctitatis obtinere propositum; R\. Amen. Ut exemplo ejus, sicut illa pro eo cervicem suam materiali subdidit gladio, ita vos animas vestras divino semper subjugetis imperio. R\. Amen.
(1311B)Per misericordiam ipsius, etc.
Lauda. Speciosa facta es. fol. CLXXIX.
Oratio. Omnipotens, sempiterne Deus, qui beatam Columbam virginem, et martyrem tuam, per martyrii palmam hodierna die fecisti conscendere gloriam: da nobis, ejus suffragantibus meritis, cunctorum veniam delictorum, ut ad ejusdem mereamur pertingere consortia. R\. Amen.
Per misericordiam.
Ad Matutinum. Antiphona. Labia mea aperies. Psalmus
Oratio. Exultent Domine. fol. CLXXX.
Antiphona. Columba speciosa, perfecta, auro gemmisque praecincta; P. Cujus caput plenum est rore, et crines guttis. V\. Audi filia, et vide, et inclina (1311C)aurem tuam: et obliviscere populum tuum, et domum patris tui. P. Cujus caput. V\. Gloria, et honor Patri, etc. P. Cujus caput.
Oratio. Una, et perfecta virgo Christi Columba, quae et unitate fidei clara, et perfectione operum monstraris esse conspicua; fac nos ergo precibus tuis intra sinum matris Ecclesiae ita inculpabiliter degere, ut coronandi ad promissa mereamur coelestia pervenire. R\. Amen.
Per misericordiam tuam, etc.
Antiphona. Una es proxima mea: una es Columba mea, P. Et macula non est in te. V\. Per diem sol non uret te: neque luna per noctem. P. Et macula non. V\. Gloria, et honor. P. Et macula.
(1311D)[CCCLXIII] Oratio. Una, nec divisa proxima tua, Christe, Ecclesia: una est ecce Columba, quae nec in fide habens rugam, nec in opere maculam; interpellet te, quaesumus, pro criminibus nostris, ut in ejus corpore felicitate perpetua consistentes, aeternorum civium mereamur esse participes. R\. Amen.
Per misericordiam.
Antiphona. Veni Columba sponsa a Libano, veni a montibus pascuae. P. Curramus in odorem unguentorum tuorum. V\. Non det in commotionem pedem tuum: neque obdormiet qui custodit te. P. Curramus. V\. Gloria, et honor. P. Curramus.
Oratio. Bona est, Domine, proxima tua virgo Columba, quae dum proxima tibi efficitur, soror tua de sanguine speciosa monstratur per propriam passionem; (1312A)ejus ergo interventu passionum a nobis maculas terge, ut speciosi a te et votis, et operibus redditi, portas aeternae Hierusalem mereamur introire beati. R\. Amen.
Per misericordiam.
R\. Gaude filia Sion, dicit Dominus: Spiritus meus, qui est in te, et verba mea, quae posui in corde tuo, non recedant de ore tuo, nec de ore seminis tui P. Usque in sempiternum. V\. Lauda Hierusalem Dominum: conlauda Deum tuum Sion. P. Usque. V\. Gloria, et honor, etc. P. Usque.
Oratio. Omnipotens sempiterne Deus, qui. Quaere in Vesperis praecedentibus.
In Laudibus. Ad Canticum. Antiphona. Filia Sion. Canticum. (1312B)Gaudens gaudebo. Ad Benedictus. Antiphona. Benedictus Dominus. Canticum. Benedictus es Domine Deus. Sono. Dominus Deus coeli. Lauda. Laudate Dominum. Psalmus CXLVIII. Prophetia. Longe Dominus apparuit mihi. Quaere fol. CLXXXI. Hymnus. Nardus Columbae. Supplicatio. Oremus Redemptorem mundi Dominum nostrum; supra in Vesperis.
Capitula. Domine Jesu Christe, qui sermonibus Columbae beatissimae virginis et martyris, evertis sensum juvenis petulantis: ut, qui nomen tuum blasphematurus, ad Virginis prostitutionem ingreditur, praedicator tuus esse, egrediens monstraretur; da nobis meritis Virginis tuae, ut de malis actibus vitam in melius commutemus, quo incentivis carentes libidinum, aeternorum mereamur percipere praemia (1312C)gaudiorum.
Pater noster. Liberati a malo. fol. 2. Lauda. Speciosa facta es, et suavis, supra in Vesperis.
Benedictio. Deus, qui unitate et perfectione Columbae virginis gaudet, innocentia vos columbarum remuneret: R\. Amen. Et qui se de coelo vocibus intonans, apertos ejus meritis nuntiat coelos, vos in coelestibus conlocet sedibus numerandos; R\. Amen. Ut qui illam oblectatur post gloriam passionis, illic muneranda semper dirigatur acies mentis nostrae. R\. Amen. Per misericordiam ipsius Dei nostri.
Ad Tertiam de Defunctis quae debet ingredi in fine Laudum de Defunctis, fol. CLVI. Ubi dicit: Incipit Officium.
Antiphona. Redime me Domine, et miserere mei; (1312D)ut in Ecclesiis benedicam te Domine.
Psalmus XXV.
Judica me Domine, quoniam ego in innocentia mea ingressus sum: * et in Domino sperans non infirmabor.
Proba me Domine, et tenta me: * ure renes meos et cor meum.
Quoniam misericordia tua ante oculos meos est: * et complacui in veritate tua.
Non sedi in concilio vanitatis: * et cum iniqua gerentibus non introibo.
Odivi congregationes malignorum: * et cum impiis non sedebo.
Lavabo inter innocentes manus meas: * et circumdabo altare tuum Domine.
(1313A)Ut audiam vocem laudis tuae, * et enarrem universa mirabilia tua.
Domine dilexi decorem domus tuae, * et locum habitationis gloriae tuae.
Ne perdas cum impiis animam meam, * et cum viris sanguinum vitam meam:
In quorum manibus iniquitates sunt * dextera eorum repleta est muneribus.
Ego autem in innocentia ingressus sum: * [CCCLXIV] redime me, et miserere mei.
Pes enim meus stetit in via recta: * in ecclesiis benedicam te Domine.
Gloria, et honor.
Oratio. Redime nos Domine, et miserere nobis; ut vox nostra tibi in Ecclesiis psallat, et vita te in (1313B)plebibus benedicat: ure renes nostros et cor nostrum tuae charitatis examine; atque a nobis omnes hactenus reseca voluptates: ut nec libido renum nostrorum compagem solvat; et fluxus malae cogitationis a sede nostri cordis abscedat. R\. Amen.
Per.
Antiphona 1. Exaudi Domine vocem meam, quam clamavi ad te: miserere mei, et exaudi me.
Psalmus XXVI.
Dominus illuminatio mea, et salus mea, * quem timebo?
Dominus defensor vitae meae, * a quo trepidabo?
Dum appropiant super me nocentes, * ut edant carnes meas:
(1313C)Qui tribulant me inimici mei, * ipsi infirmati sunt et ceciderunt.
Si consistant adversum me castra, non timebit cor meum. * Si exurgat adversum me praelium, in hoc ego sperabo.
Unam petii a Domino, hanc requiram, * ut inhabitem in domo Domini omnibus diebus vitae meae:
Ut videam voluntatem Domini, * et protegar in templo sancto ejus.
Quoniam abscondit me in tabernaculo suo in die malorum: * protexit me in abscondito tabernaculi sui.
In petra exaltavit me: * et nunc ecce exaltavit caput meum super inimicos meos.
(1313D)Circuibo, et immolabo in tabernaculo ejus hostiam jubilationis: * cantabo, et psalmum dicam Domino.
Exaudi Domine vocem meam, quam clamavi a te: * miserere mei, et exaudi me.
Tibi dixit cor meum, quaesivi faciem tuam: * vultum tuum Domine requiram.
(1314A)Ne avertas faciem tuam a me: * et ne declines in ira a servo tuo.
Adjutor meus es tu Domine * ne derelinquas me, neque despicias me Deus salutaris meus.
Quoniam pater meus et mater mea derelinquerunt me: * Dominus autem assumpsit me.
Legem mihi constitue Domine in via tua: * et dirige me in semita recta propter inimicos meos.
Ne tradas me in animas persequentium me: * quoniam insurrexerunt in me testes iniqui, et mentita est iniquitas sibi.
Credo videre bona Domini * in terra viventium.
Expecta Dominum, viriliter age: * et confortetur cor tuum, et expecta Dominum.
(1314B)Gloria, et honor.
Oratio. Exaudi Domine vocem nostram, qua clamamus ad te; et cor nostrum quaerat faciem tuam: ut qui te nunc conspicimus per aenigma; facie ad faciem praesentes domus tuae possimus beatitudinem promereri. R\. Amen.
Per.
Antiphona 2. Dominus adjutor meus: et in ipso speravit cor meum et adjutus sum. Psalmus David XXVII.
R\. Defensor juste, defende nos, et libera nos P. De manu inimicorum nostrorum. V\ Deus in nomine tuo salvos nos fac: et in virtute tua libera nos. P. De manu. V\. Gloria. Reiteretur Responsorium.
(1314C)Lauda. Alleluia, alleluia, alleluia. Deus exaudi orationem nostram: P. Alleluia, alleluia, alleluia. V\. Et clamor noster ad te veniat. P. Alleluia, alleluia, alleluia.
Preces. Miserere Domine; P. Qui potens es in misericordia, V\. Audi preces supplicum; P. Qui potens. V\. Benigno vultu nos conspice; P. Qui potens. V\. Crimina nostra dilue; P. Qui potens. V\. Delictis tribue veniam; P. Qui potens. V\, Defunctis dona requiem; P. Qui potens. Reiteretur Miserere.
Capitula. Adjutor et Redemptor noster et Domine adjuva nos: et refloreat caro nostra vel virore pudicitiae, vel sanctimoniae novitate: et quia tu fortitudo (1314D)plebis tuae es, populum tuum salva, et hereditatem tuam copia benedictionis exalta.
Pater noster. A malo nos libera. fol. 10.
In nomine Domini nostri Jesu Christi, omnes animae fidelium defunctorum per misericordiam Dei sine fine requiescant in pace. R\. Deo gratias.
(no apparatus)