 XLIV |
XLVI  |
Sinas, deos per oro,
Vacare me usque Baccho:
Est, est mihi furendum.
Thebis parentis ultor
Furebat et Mycenis,
Uterque matricida:
Non sanguinis madenti,
Sed vitium liquore
Est, est mihi furendum.
Et Hercules furebat
Quassans gravem pharetram,
Arcus et Iphiteos;
Olim furebat Aiax
Scutum suum Hectorisque
Ensem manu coruscans:
Modo hunc scyphum tenenti,
Vincto caput corolla,
Sine arcubus, sine ense
Est, est mihi furendum.