 XLVI |
XLVIII  |
Armis Cupido non superabilis,
Qui, dum puellae mollibus in genis
Custodiam exerces, repente
Non dubiam ruis in rapinam.
Tumultuosi per maris impiger
Discurris undas nec tenuis casam
Temnis coloni. Quis deorum
Aut hominum tua tela fugit f
Victis furores inicis impios,
Iustos relicta iustitia facis
Iniuriosos, atque iunctos
Sanguine in arma nefanda pellis.
Mentes revincit virginis ebriis
Dulcis venustas luminibus nitens
Unaque regnat cum tyrannis:
Nam Venus inviolata ludit.