Surrexit Christus hodie

by 0

Sine Nomine

Surrexit Christus hodie

saeculo XIV

editio: incognita
fons: incognitus

Surrexit Christus hodie

Humano pro solamine.

Mortem qui passus pridie

Miserrimo pro homine.

Mulieres ad tumulum

Dona ferunt aromatum,

Album cernentes angelum

Anuntiantes gaudium.

Mulieres o tremulae,

In Galilaeam pergite,

Discipulis hoc dicite,

Quod surrexit rex gloriae.

Ubique praecedet suos,

Quos dilexit, discipulos.

Sit benedictus hodie,

Qui nos redemit sanguine.

Ergo cum dulci melodo

Benedicamus Domino.

Laudetur sancta trinitas,

Deo dicamus gratias.