Migne Patrologia Latina Tomus 52
Testimonia veterum de S. Niceta
AucVar.TeVeDeS2 52 Auctores varii Parisiis J. P. Migne 1846 early modern edition, no apparatus this file was encoded in TEI xml for the University of Zurich's Corpus Corporum project (www.mlat.uzh.ch) by Ph. Roelli in 2013 Classical Latin orthography latin
S. LEONIS MAGNI epistola ad Nicetam.
Regressus ad nos, etc. (Vide reliqua tomo nostro LIV, Epist. 159.)
GENNADIUS MASSILIENSIS, de Viris Illustribus cap. 22.
Niceas, Romacianae civitatis episcopus, composuit simplici et nitido sermone competentibus ad baptismum instructionis libellos sex. In quibus continet primus, qualiter se debeant habere competentes qui ad baptismi gratiam cupiunt pervenire. Secundus est de gentilitatis erroribus: in quo dicit suo pene tempore Melodium quemdam patremfamilias ob liberalitatem, et Gadarium rusticum ob fortitudinem ab ethnicis esse inter deos translatos. Tertius liber de fide unicae Majestatis; quartus adversus Genethlologiam ; quintus de Symbolo; sextus de agni Paschalis victima. Edidit et ad lapsam virginem libellum, pene omnibus labentibus emendationis incentivum.
HONORIUS AUGUSTODUNENSIS de Scriptoribus Ecclesiasticis lib. II, cap. 22.
Niceas, Romacianae civitatis episcopus, composuit simplici et nitido sermone sex competentibus ad baptismum instructionis libellos. Ex quibus primus est de competentibus baptismi; secundus de gentilitatis erroribus; tertius de fide unicae Majestatis; quartus adversus Genealogiam; quintus de Symbolo; sextus de agni Paschalis victima. Condidit et ad lapsam virginem libellum pene omnibus labentibus emendationis incentivum.
JOANNES TRITHEMIUS de Scriptoribus Ecclesiasticis § 118.
Niceas, Romacianae urbis episcopus, vir in divinis Scripturis studiosus et eruditus, ingenio acutus, sermone apertus et nitidus, scripsit ad aedificationem legentium non contemnendae lectionis opuscula, de quibus subjecta feruntur: Ad Competentes qui ad Baptismum disponuntur Praeparatorium, lib. I; de Erroribus Gentilitatis lib. I; de Fide unicae Majestatis lib. I; adversus Genealogiam lib. I; de Symbolo quoque lib. I; de victima Agni Paschalis lib. I; ad Virginem lapsam lib. I.
CASSIODORIUS de Institutione divinarum Scripturarum cap. 16.
Si quis vero de Patre, et Filio, et Spiritu sancto aliquid summatim praeoptat attingere, nec se mavult longa lectione fatigare, legat Niceti episcopi librum quem de Fide conscripsit, et doctrinae coelestis claritate completus, in contemplationem divinam compendiosa brevitate perducetur. Qui voluminibus sancti Ambrosii sociatus est, quos ad Gratianum principem destinavit.
Ex Martyrologio ms. membranaceo, venerandae antiquitatis, monasterii Sancti Galli Mosacensis, dioecesis olim Aquileiensis dein Utinensis, ex Notkero et Usuardo probabiliter conflato; cujus apographum, ex originali eductum et illustratum manu et studio clarissimi viri Josephi Binii archipresbyteri Glemonensis ac ejusdem monasterii et abbatiae vicarii in Spiritualibus Generalis, exstat in Tabulario penitiori Metropolitani Capituli Utinensis. Ad. X kal. Julii.
Sancti Nicee Romane Civitatis episcopi.
Ex Martyrologio vetustissimo sancti Hieronymi presbyteri nomine insignito, quod ex codice ms. monasterii Corbeiensis sexcentorum circiter annorum Dacherius primum edidit Spicilegii tomo II, pag. 1, editionis in-fol., deinde Vallarsius in sua divi Hieronymi Operum editione inseruit tomo XI, pag. 457.-- Ad X kal. Julii.
Depositio sanctae memoriae Niceti episcopi.
Ex vetustiori Occidentalis Ecclesiae Martyrologio divo Hieronymo tributo, quod Franciscus Maria Florenlinius Lucensis ex suo praesertim, ac Patriae Majoris Ecclesiae, pluribusque aliis probatae fidei codicibus integre vulgavit; quodque nuncupandum esse Romanum a Magno Gregorio descriptum, ab Adone laudatum, proximioribus saeculis praeteritum et expetitum, non leviora argumenta suadere in ipso voluminis titulo pronuntiavit. Lucae 1668.-- Ad X kal. Julii.
Depositio sanctae memoriae Nicei episcopi.
Ex Martyrologio Gellonensi, sive monasterii Sancti Guillelmi de Deserto, O. B. dioecesis Lutevensis; quod exstat in Spicilegio Dacherii tomo II, pag. 25, praecitatae editionis in-folio, et conscriptum creditur anno circiter 804, ut ex Monito praecedenti.--Ad X kal. Julii.
Nicae episcopi.
Ex antiquo Martyrologio Gallicano, quod ex ms. domini Chauvelin regiorum sigillorum custodis, publici juris fecerunt Martenius et Durandus Veterum Scriptorum et Monumentorum, etc. tomo VI, col. 658, et ab annis circiter septingentis conscriptum ab eisdem dicitur in Observatione praevia.--Ad X kal. Julii.
Sancti Niceti episcopi.
Ex Martyrologio insignis Ecclesiae Antissiodorensis, quod ex ms. Colbertino publici juris fecerunt iidem Martenius et Durandus Veterum Scriptorum et Monumentorum, etc. tomo VI, col. 685.-- Ad X kal. Julii.
Beati Nicei Romatianae civitatis episcopi.
ADO in Martyrologio, opera et studio Dominici Georgii. Romae 1745.-- Ad X kal. Julii.
Depositio Beati Nicetae Romatianae civitatis episcopi.
USUARDUS in Martyrologio, etc., opera Joannis Molani. Lovanii. Anno 1568.-- Ad X kal. Julii.
Depositio sancti Niceae, Romatianae civitatis episcopi.
USUARDUS in Martyrologio apud Bollandianos, Socios tom. VI. Junii parte I, pag. 353, editionis Antuerpiensis. --Ad X kal. Julii.
Depositio sancti Niceae, Romatianae civitatis episcopi.
USUARDUS in Martyrologio sincero, ad autographi, in San-Germanensi abbatia servati, fidem edito, etc.; opera et studio (D. Jacobi Bouillart presbyteri et monachi Benedictini e congregatione Sancti Mauri. Parisiis. 1718.-- Ad X kal. Julii.
Depositio sancti Niceae, Romatianae civitatis episcopi.
NOTKERUS in Martyrologio, apud Canisium Thesaurus Monumentorum, etc., seu Lectiones Antiquae, etc., ex editione Antuerpiensi Jacobi Basnage, to. H, parte III, pag. 89.-- Ad X kal. Julii.
Depositio beati Nicetii, Romanae urbis episcopi.
Ex Martyrologio ad usum Romanae curiae, Venetiis impresso per Fratres de Sabio, anno 1522.-- Ad X kal. Julii.
Depositio sancti Niceae, Romacianensis episcopi.
Ex Martyrologio, multo quam antea purgato et locupletato a Francisco Maurolyco, etc.; Venetiis, apud Juntas 1568.-- Ad X kal. Julii.
Depositio sancti Niceae, episcopi Romacianensis, doctrina et pietate conspicui.
Ex Martyrologio, sacrae Romanae Ecclesiae usui in singulos anni dies accommodato a Petro Galesinio. Mediolani, apud Pontium, 1578.-- Ad X kal. Julii.
In Romatiana civitate sancti Niceae episcopi et confessoris; qui multis libris conscriptis, ac vita religiose acta, sanctimoniae et doctrinae laude florens, abiit ad Dominum.
Ex Martyrologio Romano, ad novam Kalendarii rationem, et Ecclesiasticae Historiae veritatem restituto, et Gregorii XIII pontificis maximi jussu edito. Venetiis, apud Juntas, 1601.-- Ad X kal. Julii.
Sancti Nicaeae Romatianae civitatis episcopi, doctrina sanctisque moribus clari.
Ex Martyrologio Romano, Gregorii XIII pontificis maximi jussu edito, et Urbani VIII auctoritate recognito, etc. Venetiis, apud Juntas, 1630.-- Ad X kal. Julii.
Sancti Nicaeae Romatianae civitatis episcopi, doctrina sanctisque moribus clari.
Ex Martyrologio Romano, Innocentii XI pontificis maximi auctoritate recognito, etc. Romae, 1681. Typis reverendae camerae apostolicae.--Ad X kal. Julii.
Sancti Nicaeae Romatianae civitatis episcopi, doctrina sanctisque moribus clari.
Ex Martyrologii Romani Editione novissima, a Benedicto XIV pontifice maximo aucta et castigata, etc.--Ad X kal. Julii.
Sancti Nicaeae Romatianae civitatis episcopi, doctrina sanctisque moribus clari.