The seven great hymns of the mediaeval church/Vexilla Regis/Fortunatus

e libro The seven great hymns of the mediaeval church Caroli Cooper Nott

Vexilla Regis	Vexilla Regis (Neale)

VEXILLA REGIS.

FORTUNATUS.

I.

VEXILLA regis prodeunt,
Fulget crucis mysterium,
Quo carne carnis conditor
Suspensus est patibulo.

II.

Quo vulneratus insuper
Mucrone diro lanceæ,
Ut nos lavaret crimine
Manavit unda sanguine.

III.

Impleta sunt quæ concinit
David fideli carmine
Dicens: In nationibus
Regnavit a ligno Deus.

IV.

Arbor decora et fulgida,
Ornata regis purpura,
Electa digno stipite
Tam sancta membra tangere.

V.

Beata cujus brachiis
Pretium pependit sæculi,
Statera facta sæculi
Prædamque tulit tartaris.

VI.

O crux ave, spes unica!
Hoc passionis tempora,
Auge piis institiam
Reisque dona veniam.

VII.

Te summa Deus Trinitas
Collaudet omnis spiritus
Quas per crucis mysterium
Salvas, rege per sæcula.

Vexilla Regis	Vexilla Regis (Neale)

Tabula navigationis