Usor:ShakespeareFan00/Sandbox

E Wikisource

EDWARDUS Dei gratia Rex Angl' Dominus Hibernie & Dux Aquit' Omnibus ad quos presentes littere pervenerint salutem. Inspeximus Magnam Cartam domini H. quondam regis Angl' patris nostri de Libertatibus Angl' in hec verba. Henricus Dei gratia Rex Ang' Dominus Hibern' Dux Norman' Aquit' & Comes Andegav' Archiepis' Epis' Abbatibus Prioribus Comitibus Baronibus Vicecomitibus Prepositis Ministris & omnibus ballivis & fidelibus suis presentem cartam inspectur' salutem. Sciatis quod nos intuitu Dei & pro salute anime nostre & animarum antecessorum & successorum nostrorum ad exaltationem sancte ecclesie & emendationem regni nostri spontanea & bona voluntate nostra dedimus & concessimus Archiepiscopis Epis' Abbatibus Prioribus Comitibus Baronibus & omnibus de regno nostro has libertates subscriptas tenendas in regno nostro Angl' imperpetuum.