Migne Patrologia Latina Tomus 115
Versus
Versus (Prudentius Trecensis), J. P. Migne 115.1420C
Versus
115.1419C| Augustam Thrici [ f., Trini] nutu statuere monachi
Augusti, quondam Romuleaeque manus:
Ac Domini Christi cunctum radiante per orbem
Nomine Christicolis conditur alta domus,
Quam pulvis Petri decorat, Paulique verendus,
Culmen apostolicum qui pietate gerunt.
Hinc ego devoto famulans Prudentius actu
Hoc Evangelii solvo libenter opus
Hesperia genitus, Celtas deductus et altus
Pontificis trabeis officioque datus.
Quattuor afflati supero quod lumine scribae
Veraci nimium composuere stylo.
Initiis [Principiis] Christum variis ac fine fatentes,
At non disparili gesta beata fide.
Virgine Matthaeus hominem gennente Maria,
115.1419D| Mandantem gentes instruierque refert.
Fine tenus secli sanctos comitarier omnes,
Spondentem semper adfore, seque suis.
Altithroni Marcus subolem fremituque leonis
Scandentem pulso celsa sopore canit.
Discipulos autem mundum peragrasse docendo,
Doctrinam signis ac stipulasse novis.
Conceptum Lucas reboat Spiramine sancto
Oblatum vitulum dira subiisse crucis
Ast illos celebris trivisse sacraria templi,
Perciperent donec, aethere dona Patris.
115.1420C| Verbum Joannes praevertens tempora prima
Atque hominem factum, esse simulque Deum.
Praepetibus pennis aquilae volitando perennem
Intuitu solem non hebetante tuens
Commissis ovibus pascendi munere Petrum,
Tranquilla narrans se quoque sorte datum.
Christus ab his Jesus, Dominusque Deusque refertur,
Omnia praecedens, omnia sponte creans.
Aeterno aeternus, Genitoris pectore manans,
Filius omnipotens, Omnipotente satus.
Virginea sumens hominem matrice creatum,
Criminis expertem, terrigenique patris.
Admiranda docens, faciens miranda potenter,
Traditus in risus, fixus et inde cruci.
115.1420D| Emittens animam propria ditione beatam,
Tartaridis [Tartareis] solvens eripiensque suos.
Hinc incorruptus, triduana morte resurgens,
Libravit summis, vivida membra polis.
Consessusque throni donatus ire paterni,
Exsultat pedibus subdita cuncta suis.
Perstrictis breviter, referat quae codicis hujus
Actio: nunc ad te, Rex bone, verto preces.
Respice devoti miseratus munia servi,
Ac miserando mei, annue grata tibi