Migne Patrologia Latina Tomus 129
Versus ad tumulum S. Remigii
Versus ad tumulum S. Remigii (Haldoinus abbas), J. P. Migne
Versus ad tumulum S. Remigii
129.1033D| Haldoinus, quondam abbas monasterii Altivillarensis, hoc memoriale disgessit XII videlicet versuum, si episcopus Hincmarus voluisset, in circuitu scrinii, ubi sanctus Remigius transponendus erat, de transferendo corpore pretioso ejusdem Remigii a Carolo rege pariterque praefato Hincmaro praesule eo loco quo exstitit, quousque anno 881, ob infestationem 129.1034D| paganorum, occulto Dei judicio sinit se inde levari, et ultra Matronam ad usque Orbacis monasterium nequiquam deportari pertulit, hymnizando exorsus est:
Doctor Francorum primus pastorque Rhemorum
Hoc recubat sacro Remigius tumulo.
129.1035A| Limina quem templi quondam tenuere sepultum,
Servantem Domini saepta gregemque sui,
Extemplo ut populus hujus jam dogmate plenus
Concrevit, pariter crevit et ista domus:
Transtulit et sanctum sublimi sede locavit,
Cerneret ut plebem, plebs quoque fide Patrem.
Rex verum Carolus Ludovici Caesaris almus
129.1036A| Filius, ac praesul Hincmar utique sacra
Tecta augent decorantque simul, bustoque recondunt
Francorum magnum pontificale decus.
Anno a Nativitate Domini 852, IV Kal. Junii, regni vero Caroli XII, ordinatione quoque episcopatus Hincmari XIII, indictione XV.
(no apparatus)