Migne Patrologia Latina Tomus 138
Versus in coena Domini et Parasceve et Sabbato Sancto (Auctor incertus), J. P. Migne
cc_id: cps_2.AucInc.VeInCoD, cc_idno: 9647
Versus in coena Domini et Parasceve et Sabbato Sancto ¶
138.1077A| Qui prophetice promisisti ero mors tua o mors. Kyrie eleison. Domine miserere. Christus Dns factus est obediens usque ad mortem. Vita in ligno moritur, infernum ac mortem spoliavit. Kyrie eleison. Qui expansis in cruce manibus traxisti omnia ade (ad te) saecula. Kyrie eleison. III. Domine.
VERSUS FLAVII AD MANDATUM.
138.1077B|
Victori mortis inclita pangamus laude gloriam
Cum Patre et sancto Spiritu, qui nos redemit obitu. Victori.
Tellus ac aethra jubilent in magni coena principis.
Qui protoplasti pectora vitae purgavit ferculo. Victori.
Hac nocte factor omnium potenti sat mysterio.
Carnem suam cum sanguine in escam transfert animae. Victori.
138.1078A| A celsis surgens dapidus praebet formam mortalibus.
Humilitatis gratia Petri petens vestigia. Victori.
Pallet servus obsequio cum angelorum Dominum
Ferendo lympham linteam cernit coeno procumbere. Victori.
Permitte Simon ablui, acta figurant mystica.
138.1078B| Dum summus ima bajulo quid cinit servet cineri. Victori.
Lavator thoris accubat, verbique favos agerat.
Quos inter hostem denotat necis qui dolos ruminat. Victori.
Tu ex lupe Juda pessime fers agno misi basia.
Dans membra loris regia, quae sorde tergunt saecula. Victori.
Nexi solvuntur hodie carnis, cordisque carcere
Unguens sacratur crismatis spes inde crescit miseris Victori.
VERSUS IN PARASCEVE.
138.1079A|
Popule meus quid feci tibi? Aut in quo contristavi te? Responde mihi? Quia eduxi te de terra Aegypti parasti crucem Salvatori tuo. Agios o Theos. Agios ischyros. Agios athanatos eleyson ymas. Sanctus Deus, Sanctus fortis. Sanctus immortalis miserere nobis. Qui eduxi te per desertum quadraginta annis, et manna cibavi te, et introduxi in terram satis optimam parasti crucem Salvatori tuo. Agios. Quid ultra debui facere tibi et non feci? Ego quidem plantavi te vineam meam speciosissimam, et tu facta es mihi nimis amara. Aceto namque sitim meam potasti, et lancea perforasti latus Salvatori tuo. Agios. Ant. Ecce lignum crucis in quo salus mundi pependit, venite adoremus. 138.1079B| Ant. Dum Salvator mundi mortis supplicium pateretur in cruce, clamans voce magna tradidit spiritum. Et ecce velum templi divisum est, monumenta aperta sunt. Terrae motus enim factus est magnus, quia mortem Filii Dei clamabat mundus se sustinere non posse. Aperto ergo lancea militis latere crucifixi Domini, exivit sanguis et aqua in redemtionem salutis nostrae. O admirabile pretium cujus pondere captivitas redemta est mundi, tartarea confracta sunt claustra inferni, aperta est nobis janua regni. V\. Crux fidelis inter omnes arbor una nobilis. Nulla silva talem profert, fronde flore germinans. Dulce lignum, dulces clavos, dulce pondus sustinet. Crux f. Pange lingua gloriosi praelium certaminis. Et super crucis trophaeum dic triumphum 138.1079C| nobilem. Qualiter redemtor orbis immolatus vicerit. Crux. De parentis protoplasti etc. Hymnus. Vexilla. Ant. Crucem tuam. Ant. Tuam crucem.
ORATIONES IN PARASCEVE AD SALUTANDAM CRUCEM.
Domine Jesu Christe Deus verus de Deo vero, qui pro redemtione generis humani serpentina suasione decepti, mundum erroribus implicatum illuminare et crucis patibulum subire voluisti, ut lignum ligno vinceres, et peccati haereditariam mortem morte potentissima superares. Exaudi me miserum et indignum prostratum ante oculos tuae benignissimae Majestatis adorantem te, et benedicentem nomen tuum sanctum atque terribile, et 138.1079D| concede mihi te puro corde sapere, te laudare, te praedicare, et per vexillum istud sanctae crucis, quam hodie in tuo nomine adoraturus adveni, mentem meam corpusque sanctifica, scuto fidei tuae 138.1080A| me circumtege, galeam salutis mihi impone, gladio spiritali me accinge, ut contra hostem nequissimum bellaturus et tuo muniar miserationis auxilio, et salutiferae crucis vexillo: cunctique tuo sancto nomine insigniti ab hostis perfidi sint incursione securi per te Jesu Christe.
Alia. Deus qui Moysi famulo tuo in via squalentis heremi serpentem aeneum in media populi multitudine ad liberendas letali viro infestas animas exaltare jussisti; ut si quis mortifero vulnere inflictus ad eum respiceret, et venenum exiciale evaderet, et optatae salutis vitam adipisceret. Significans teipsum futura post curricula pro tui salute plasmatis, crucis extollendum patibulo, ut quos diabolus armis invidiae captivaverat, tua desiderabilis 138.1080B| passio ad patriam revocaret. Concede tam mihi misero et peccatori, quam omnibus tuo cruore mercatis, qui hodie sanctam passionem tuam supplices venerantur, lignumque vitae adorant, ut diabolicas insidias, te adjuvante vincamus et aeternae vitae participes esse mereamur. Qui cum Patre vivis.
Alia. Domine Jesu Christe, qui nos per crucis passionem hodierna die a diabolica servitute liberasti, ut quo die hominem condideras, eodem et reformares! Exaudi me miserum et peccatorem coram hoc signaculo crucis facinora confitentem, et deprecantem, ut hujus venerabilis et vitalis signi tuitione munitus et hostis nequissimi ignita tela repellere, et ab inflictis evacuari vulneribus 138.1080C| et ad vitam aeternam valeam pervenire. Qui cum Patre et Spiritu sancto vivis et regnas Deus per.
BENEDICTIO IGNIS NOVI (Ex cod. th. bibl. Vind. n. 685, saec. X.)
Domine Deus noster Pater omnipotens exaudi nos lumen indeficiens, tu es Domine conditor omnium luminum bene+dic quaeso hoc lumen quod per te sanctificatur atque bene+dicitur. Tu illuminasti Domine omnem mundum. Praesta quaesumus, ut igne claritatis tuae accendamur, et illuminemur: et sicut illuminasti ignem Moysi, ita illuminare dignare corda et sensus nostros, ut ad vitam aeternam pervenire mereamur. Per.
138.1080D| Benedicat vos trina majestas Domine. Benedicat Spiritus sanctus, qui in specie columbae in Jordane fluvio super Christum requievit. Ille vos benedicat, qui de coelo dignatus est descendere 138.1081A| in terram, et de suo sanguine vos redemit. Benedicat Dominus sacerdotium vestrum, et introitum vestrum. Alleluia. Ant. Vidi aquam egredientem de templo de latere dextro, alleluia. Et omnes ad quos pervenit aqua ista salvi facti sunt et dicent Alleluia alleluia. Ant. In die resurrectionis meae dicit Dominus alleluia congregabo gentes et colligam regna et effundam super vos aquam mundam. Alleluia. Ant. Maria et Martha cum venissent ad monumentum angeli splendentes apparuerunt dicentes: Quem quaeritis viventem cum mortuis, non est hic venite et videte locum ubi jacuit. Cito euntes dicite discipulis ejus, et Petro: Surrexit Christus, qui creavit omnia, et misertus est humano generi. Allel.
IN DIE RESURRECTIONIS DNI.
138.1081B|
Ant. Cum rex gloriae Christus infernum debellaturus intraret, et chorus angelicus ante faciem ejus portas principum tolli praeciperet sanctorum populus, qui tenebatur in morte captivus, voce lacrimabili clamaverat: advenisti Desiderabilis, quem exspectabamus in tenebris, ut educeres hac nocte vinculatos de claustris. Te nostra vocabant suspiria, te larga requirebant lamenta cum factus es spes desperatis magna consolatio in tormentis. Alleluia. Ant. Sedet Angelus ad sepulcrum Domini stola claritatis coopertus. Videntes eum mulieres nimio terrore perterritae astiterunt a longe. Tunc locutus est angelus et dixit eis. V\. Crucifixum in carne laudate, 138.1081C| et sepultum propter nos glorificate, resurgentemque a morte adorate. Nolite metuere, dico vobis quia ille quem quaeritis mortuum jam vivit et vita hominum cum eo surrexit. Alleluia. Ant. Christus resurgens ex mortuis jam non moritur, mors illi ultra non dominabitur: quod enim vivit, vivit Deo. Alleluia Alleluia.
LAETANIA METRICA.
Ardua spes mundi solidator et incliti coeli
Christe exaudi nos propitius famulos. Ardua
Virgo Dei genitrix rutilans in honore perennis
Ora pro famulis sancta Maria tuis. Ardua spes
Angele summe Dei Michahel miserescito nostri
Adjuvet et Gabrihel atque pius Raphahel. Ardua.
138.1081D| Aspice nos omnes clemens Baptista Johannes.
Petreque cum Paulo nos rege doctiloquo. Ardua.
Coetus apostolicus sit nobis fautor et omnis
Ac patriarcharum propheticusque chorus. Ardua.
Poscere nunc Stephanum studeamus carmine summum
Ut cum martyribus nos juvet ipse pius. Ardua.
Inclyte Laurenti qui flammas exuperasti
Victor ab etherio nos miserere choro. Ardua.
Care Deo martyr patriae decus hujus herile.
138.1082A| Sancte Albane tuis esto favens meritis. Ardua.
Victor, Alexander meritis utrique beati
Nobis orate de Domino veniam. Ardua.
Splendide Silvester Gregorie sancte magister.
Nos quoque cum sociis ferte juvando polis. Ard.
O Martine Dei, confessor summe sacerdos
Gemma sacerdotum auxilium fer ymon. Ardua.
O Benedicte Pater monachorum Galleque frater
Cum reliquis sanctis nos refovete polis. Ardua.
Maxime de Francis superis conjuncte catervis
Sancte Othmare tuum laetifica populum. Ardua.
Inclite Magne tuam clemens nunc inspice plebem
Pontifices fidos ac reliquos famulos Ardua.
Virgineos flores Agnes Agathesque ferentes
Auxilio vestris addite nos sociis. Ardua.
138.1082B| His Waldburga comes nostras pia suscipe voces
Nos et cum Dno protege sancta polo. Ardua.
Innocuos pueros resonemus laude peractos
Qui modo nos pueros dant resonare melos. Ard.
Omnes o sancti nostrae succurrite vitae
Perque crucem sanctam salva nos Xpe redemtor. Omnes.
Ira deque tua clemens nos eripe Christe. Omnes.
Nos peccatores audi te Christe rogamus. Omnes.
Ut pacem nobis dones te Christe rogamus. Omnes.
Crimen ut omne tuis solvas te Xpe rogamus. Oms.
Aurae ut temperiem dones te Xpe rogamus. Omnes.
Ut fruges terrae dones te Xpe rogamus. Omnes.
Ut populum cunctum salves te Xpe rogamus. Oms.
Ecclesiamque tuam firmes te Xpe rogamus. Oms.
138.1082C| Fili celsithroni nos audi Christe rogamus. Omnes.
Agne Dei Patris nobis miserere pusillis. Omnes.
Christe exaudi nos o Kyrie ymon eleyson. Omnes.
INCIPIUNT LETANIAE. (Ex cod. 685, sub Ottone).
Humili prece et sincera devotione
Ad te clamantes semper exaudi nos. Humili.
Summus et omnipotens genitor, qui cuncta creasti
Aeternus Xps filius atque Deus.
Necnon sanctificans dominator Spiritus almus
Unica Majestas trinaque sola Dei Ad te clam.
Ipsa Dei genitrix reparatrix inclita mundi
Quae Dnm casto corpore concipiens
Perpetua semper radians cum virginitate
Indignos famulos Virgo Maria tuos. Humili.
138.1082D| Angelici proceres coelorum exercitus omnis
Aeterno semper lumine conspicuus
Agmine ter trino Supero per sidera regno
Laudibus aeternum concelebrant Dominum. Ad te.
Petrus cum Paulo, Thomas cum Bartholomaeo
Et Jacobi sancti nos relevent precibus,
Andreas, Matthaeus, Barnabas atque Joannes,
Mathias, Lucas, Marcus et altisonus. Humili.
Coetus apostolicus duodeno sidere comptus.
Propitius cunctos protege nos famulos
138.1083A| Et quos multiplices lacerant per crimina pestes
Peccata absolvens fac bona cuncta sequi. Ad te.
Nunc Stephanus, Linus, Clemens, Anacletus et almus
Xistus, Alexander, Corneliusque, Pius,
Ypolitus, Vitus, Laurentius atque Modestus
Gregoriusque pius nos miserando juvent. Humili.
Theodole summi miles fortissime Christi
Nobis nunc famulis auxiliare tuis.
Nil sic perspicuum poterit vox clara referre.
Ut decet in tali nunc Patris obsequio. Ad te.
Hic tibi perpetuis resonant concentibus aedes
Ossibus et sacris semper habetur honos
Cum laeti famuli celebrent hic festa benigne
Laudibus instantes nocte dieque tuis. Humili.
138.1083B| Dirige corda pius et tempora dirige nostra
Atque dies laetos ducere da famulos
Ut semper valeant tibimet cantare quieti
Te quoque coelesti cernere luce poli. Ad te
O dilecte Deo radians virtute corusca
Sancte Albane, pater juge preces pariter
Intercede pius veniam poscendo misellis
Aureque jam blanda carmina percipiens. Humili
O vos mysterio decorati in nomine Christi
Conspicui testes purpurei proceres
Ex bello invicti superastis daemonis iras
Conspirata manus vincere morte minas. Ad te.
Silvester, Damasus, Gregorius, Ambrosiusque
Hilarius, Zeno, Maximus atque Leo
Martinus, Proculus, Caesarius Eusebiusque
138.1083C| Orent pro nostris criminibus variis. Humili.
Ordo sacratus Confessorum praecipuorum.
Auxilio tutos undique redde tuos
Atque tua nosmet prece dimittendo reatum
Nos fragiles multum cladibus omnigenis. Ad te.
Paulus et Antonius, Macharius Arseniusque
Bahomius, Beda, Atala, Pafnutius
Bertoltus, Libertinus, Basilius atque
Ieronimus doctor nos miserere precor. Humili.
Summe Dei cultor monachorum rector et abba
O Benedicte sacer atque benigne pater,
Istud coenobium coetumque tibi famulantum
Nostraque sanctificans cuncta tuere simul. Ad te.
Felicitas, Felix, Eulalia digna, Verena
Petronellaque cum perpete Perpetua.
138.1083D| Agnes atque Agathes, Cristina, Euprepia, Thecla
Eufemia, Regula, Eugenia atque bona. Humili.
Virginitate chorus resplendens Candidularum
Turba puellarum integritate manens
Quae geminis gaudens pulcrum decorata coronis
Laude pudicitiae mysteriique simul. Ad te.
Omnes nunc Sancti nostris succurrite lapsis
Et veniam cunctis ferte juvando polis
Jam vestris precibus petitis quaecunque rogantes
Annuit ipse pius nilque negat Dominus. Humili.
Pacem perpetuam rogitamus prospice Christe
Ut sanae vitae gaudia longa diu
138.1084A| Temperiem coeli tribuens, ut copia frugum
Omnibus exundet ubere laeticiae. Ad te.
Agne Dei Patris, qui mundi crimina tollis
Optatae pacis munera dona tuis.
Kyrie pantocrator yson so disse te pantos
Sub basileos ymon Xpe eleyson ymos.
ITEM METRICA LETANIA.
Salve vesta dies toto venerabilis aevo
Qua Deus infernum vicit et astra tenet
Ecce renascentis testatur gratia mundi
Omilium (Homilium) Domino dona redisse suo.
Namque triumphanti post tristia tartara Christo
Undique fronde nemus gramine flore favent
Legibus inferni oppressis super astra meantem
Laudant rite Deum lux polus arva fretum
138.1084B| Qui crucifixus erat Deus ecce per omnia regnat
Dantque creatori cuncta creata precem
Nobilitas anni mensum decus, arma dierum
Horarum splendor scrupula puncta fovens
Christe salus rerum bone conditor atque redemtor
Unica progenies ex Deitate Patris.
Funeris exequias pateris vitae auctor et orbis
Intrans mortis iter dando salutis opem
Pollicitam sed redde fidem precor alma potestas
Tertia lux rediit surge sepulte meus.
Solve catenatas inferni carceris umbras
Et revoca sursum quidquid ad ima ruit.
Redde tuam faciem videant in saecula lumen
Redde diem qui non te moriente fuit
Eripis in numerum populum de carcere mortis
138.1084C| Et sequitur liber quo suus auctor adit.
Hinc tumulum repetens post tartara, carne resumta
Belliger ad coelos ampla trophaea refers.
LAETANIA.
Rex Salvator alme, suscipe nostrarum munuscula pr.
Indulgere nobis assis tuis servis scelere gravatis
O sancta Maria mater atque virgo Postula pro nobis
Archangele summe Michahel virtus Dei Postula pro nobis
Condigne Gabrihel fortitudo Dei Postula pro nobis
O consors Raphahel medicina Dei Postula p. nobis
O almitas sancta patriarcharum Postula pro nobis
O sors impleta Deo virtutis propheticae Postula p. n.
O principalitas apostolorum Postula pro nobis
O martvres sancti veniam precamini pro peccatis nostris
138.1084D| Confessores sancti precibus assiduis poscite pro nobis
O sanctarum chori virginum corusci poscite pro nobis
Faventes sanctarum viduarum preces nobismet nunc prosint
Insontes pueroli martyrum floretum poscite pro nobis
O sancti omnes virtutes innumerae poscite pro nobis
Maligno ab hoste ut Deus defendat nos hic et in aevum
138.1085A| A gente pagana ut Deus defendat nos hic et in aevum
Ab omni periculo ut Deus defendat nos hic et in aevum
Ab omni terrore ut Deus defendat nos hic et in aevum
Ab omni periculo ut Deus defendat nos hic et in aevum
Ut aurae temperiem bonam ac frugiferam det nobis Salvator
Ut commoditatem aeris, roris det nobis Salvator
Ut imbrem fetosum, bona germinantem det nobis Salvator
Ut tranquillam vitam pacem et perennem det nobis Salvator
138.1085B| Ut indulgentiam criminum nostrorum det nobis Salvator
Ut summum pastorem apostolicum Dominus conservet
Ut dignum pontificem N. dominum Dominus conservet
Ut Ottonem regem et ejus exercitum Dominus conservet
Ut per totum orbem Ecclesiam sanctam Dominus conservet
Preces ante altare. Prima die.
Clamemus omnes una voce Domine miserere.
Deipara nobis est vita nostra Domine miserere.
Precamur excelse fidem largire Domine miserere.
Curvamur peccatis opprimimur malis Domine miserere.
138.1085C| Delicta dele pacem concede Domine miserere.
Excelsus respice pius indulge Domine miserere.
Flagella remove veniam tribue Dne miserere.
Exaudi nos Pater pie Domine miserere.
Nunc et in aevum salva mundum Dne miserere.
Hymnum dicamus tibi Xpe Dne miserere.
Gloria tibi aeterno Patri Dne miserere. Clamemus.
In die secunda.
Tibi laus tibi gloria tibi gratiarum actio in saecula sempiterna. O beata Trinitas.
Te invocamus, te adoramus, te laudamus. O beata Trinitas.
Exaudi Exaudi Exaudi O beata Trinitas.
Libera nos, salva nos, justifica nos. O beata Trinitas.
138.1085D| Auge in nobis fidem, auge spem, auge charitatem.
O beata Trinitas.
In die tertia.
Aufer a nobis iniquitates nostras, ut mereamur puris mentibus introire ad sancta sanctorum.
Exaudi exaudi exaudi preces nostras, sancta Maria ora pro nobis.
Miserere, miserere, miserere populo tuo quem redemisti.
Christe sanguine tuo, ne in aeternum irascaris nobis.
LETANIA.
Dicamus omnes Domine miserere.
138.1086A| Ex toto corde et ex tota mente oramus te Dne.
Pro sancta Ecclesia catholica quae est in toto orbe diffusa supplicamus tibi Dne.
Pro pastore nostro N. et omni clero ejus imploramus
te Dne.
Pro abbate nostro N. et grege sibi commisso obsecramus
te. Dne.
Pro aeris temperie et foecunditate terrae precamur te,
Dne.
Pro his qui infirmantur et diversis languoribus detinentur
exoramus te. Dne.
Pro remissione peccatorum vel emendatione morum
rogamus te. Dne.
Exaudi nos Deus in omni oratione nostra quia pius
es. Dne.
LETANIA GALLICA.
138.1086B|
Pater de coelis Deus miserere nobis.
Filius redemtor Deus miserere nobis.
Spiritus sanctus Deus miserere nobis.
Sancta Trinitas miserere nobis.
Qui es trinus et unus Deus miserere nobis.
Sancta Virgo virginum ora pro nobis.
S. Michahel ora pro nobis.
S. Gabrihel. Ora.
S. Raphahel. Ora.
S. Joannes. Ora.
S. Petre. Ora.
S. Paule. Ora.
S. Andrea. Ora.
S. Johannes. Ora.
138.1086C|
S. Jacobe. Ora.
Omnes sancti Apostoli. Orate.
Omnes sancti Evangelistae. Orate.
Omnes sancti discipuli. Orate.
S. Stephane. Ora pro nobis.
S. Laurenti. Ora.
S. Vincenti. Ora.
S. Georgi Ora.
S. Vite. Ora.
S. Pancrati. Ora.
S. Albane. Ora.
Omnes sancti Martyres. Orate
S. Silvester. Ora pro nobis.
S. Martine. Ora.
S. Gregori. Ora.
138.1086D|
S. Benedicte. Ora.
Omnes sancti Confessores. Orate.
Omnes sancti Monachi. Orate.
S. Felicitas. Ora.
S. Perpetua. Ora.
S. Agatha. Ora.
S. Margaretha. Ora.
Omnes sanctae Virgines. Orate.
Omnes Sancti. Orate.
Gratiam tuam concede nobis Dne Deus.
Salutem et sanitatem dona nobis.
Aeris temperiem bonam concede nobis.
Ab inimicis nris tuere nos Dne.
Gaudium et pacem dona nobis Dne.
138.1087A|
Filius Dei miserere nobis.
Nunc et in perpetuum miserere nobis.
Agnus Dei qui tollis peccata mundi, miserere nobis. R\. Agnus.
Suscipe deprecationem nostram, qui sedes ad dexteram Patris. R\. Agnus.
Gloria usque saeculorum amen. R\. Agnus.
Sancte Sanctorum Deus miserere nobis.
Sancta Dei genitrix intercede pro nobis.
S. Michahel intercede pro nobis.
S. Gabrihel intercede pro nobis.
S. Raphahel intercede pro nobis.
S. Petre intercede pro nobis.
S. Paule intercede pro nobis.
S. Andrea intercede pro nobis.
138.1087B|
S. Stephane intercede pro nobis.
S. Vite intercede pro nobis.
S. Albane intercede pro nobis.
S. Martine intercede pro nobis.
S. Maximine intercede pro nobis.
S. Benedicte intercede pro nobis.
S. Felicitas intercede pro nobis.
S. Perpetua intercede pro nobis.
S. Agatha intercede pro nobis.
S. Brigida intercede pro nobis.
S. Cristina intercede pro nobis.
S. Margaretha intercede pro nobis.
Omnes Sancti intercedite pro nobis.
In die, ad missam.
138.1087C| Ant. Exaudivit etc. Praesta q. o. D. ut qui in afflictione etc. Alia. Deus qui beatum Marcum etc. Lectio epistolae Beati Jacobi Apostoli. Kmi Confitemini alterutrum etc. Alleluia. Confitemini Dno etc. Alleluia. Jam non estis. Secundum Lucam. In illo tempore. Dixit Ihs discipulis suis. Quis vestrum etc. Off. Confitebor etc. Alleluia. Secreta. Haec munera etc. Alia Secreta. Hanc Dne qs oblationem pro commemoratione beati Marci etc. Com. Petite et accipietis. Alleluia. Ad complendum. Vota nostra etc. Al. ad compl. Pasti cibo spiritalis alimoniae qs Dne Ds nr, ut quod mysterio frequentamus, intercedente beato Marco evangelista et pontifice plena veritate consequamur. Per.
Aliae orationes.
138.1087D| Mentem familiae tuae qs Dne intercedente beato N. martyre tuo et munere compunctionis aperi, et largitate pietatis exaudi. Alia. Deus qui culpas delinquentium districte feriendo percutis, fletus quoque lugentium non recuses, ut qui pondus tuae animadversionis cognovimus, etiam pietatis gratiam sentiamus. Per. Alia. Parce Dne, parce populo tuo, ut nullis jam patiaris adversitatibus fatigari, quos pretioso Filii tui sanguine redemisti, qui tecum.
Ad crucem.
Deus qui culpas nostras piis verberibus percutis, ut nos a nostris iniquitatibus emundes, da nobis et de verbere tuo proficere, et de tua citius consolatione gaudere. Per.
138.1088A| In atrio.
Adesto Dne supplicationibus nostris, et sperantes in tua misericordia intercedente beato Petro apostolo tuo, coelesti protege benignus auxilio. Per.
In atrio.
Praesta qs omnipotens Deus, ut ad te toto corde clamantes, intercedente beato N. martyre tuo tuae pietatis indulgentiam consequamur. Per.
Alia. Concede nos famulos tuos quaesumus Domine Deus perpetua mentis et corporis sanitate gaudere, et gloriosa beatae Mariae Virginis intercessione a praesenti liberari tristitia, et futura perfrui laeticia. Per.
Alia. Concede misericors Deus fragilitati nostrae praesidium, ut qui sanctae Dei genitricis gloriam celebramus, 138.1088B| intercessionis ejus auxilio a nostris iniquitatibus resurgamus. Per.
Alia. Da nobis quaesumus Domine de tribulatione laetitiam, ut qui diu pro peccatis nostris affligimur, intercedente beato illo martyre tuo in tua misericordia respiremus. Per.
Alia. Deus qui juste irasceris, et clementer ignoscis afflicti populi lacrimas respice, et iram tuae indignationis, quam juste meremur propitiatus averte. Per.
Alia. Afflictionem familiae tuae quaesumus Dne intende placitus, ut indulta venia peccatorum de tuis semper beneficiis gloriemur. Per.
Alia. Praesta quaesumus omnipotens Deus, ut qui iram tuae indignationis agnovimus, misericordiae tuae 138.1088C| indulgentiam consequamur. Per.
Alia. Misericordiam tuam Domine nobis quaesumus interveniente beato confessore tuo ill. clementer impende, et nobis peccatoribus ipsius propitiare suffragiis. Per.
Alia. Ne despicias omnipotens Deus populum tuum in afflictione clementem, sed propter gloriam nominis tui tribulantibus succurre placatus. Per.
LAETANIA.
Votis supplicibus voces super astra feramus
Trinus ut et simplex nos regat omnipotens.
Sancta mundi Domina stella maris Maria tu pro
nobis Filium ora Christum Dominum.
Summo sedis minister quis ut Deus Michahel cum
supernis civibus nos juvato precibus.
138.1088D| Preco Christi Johannes Agni Dei ostensor redemtoris
Baptista nos Deo concilia.
Sancte Petre cum Paulo cunctisque apostolis implorate
pro nobis majestatis Dominum.
Martyr Christe Theodole patroneque Albane simul
junctis meritis nos solvite criminibus.
Protomartyr Stephane omnes atque martyres vos
orate pro cunctis plebibus catholicis.
O Bodarde confessor Martineque pariter nos cum
confessoribus adjuvate precibus.
O sa martyr Felicitas cohors atque virginum precibus
continuis postulate pro nobis.
Omnes sancti Domini Angeli et homines commendate
populos Domino Catholicos.
138.1089A| Ut nobis remissio peccatorum donetur, aeris temperies,
terraeque fertilitas.
Ut pacis tranquillitas, corporumque sanitas a Christo
detur nobis obtinete meritis.
Ut N. praesulem, ejus clerum, et omnem plebem
conservare digneris oramus Christe audi nos.
Ut rex noster Otto ejus et exercitus hinc et inde
servetur oramus Christe audi nos.
Ut saeviens gladius et paganus populus depellatur a
nobis oramus Christe audi nos.
Xpe Xpe audi nos Kyrie eleison canimus, Xpe eleison
psallimus Xpe pie audi nos.
Homo quidam erat dives valde in deliciis, purpura et bysso induebatur, epulans splendide, caducam vitam diligendo amisit perpetuam. Lazarus 138.1089B| quidam mendicus circumdatus ulcere ad januam divitis cum dolore nimio cupiebat saturari de micis mensae divitis. Homo. Postulabat nemo dabat, nemo miseretur. Tantum canes veniebant, consolantes pauperem. Ulcera ejus lingebant, curabantur vulnera. Homo. Mortuns est autem dives in infernum ducitur. Misericordiam non fecit, eam non consequitur. Pro micis panis quas negavit, in infernum ducitur. Homo. Patrem vocat Abraham, ut admittat 138.1090A| Lazarum, digiti extremi sui guttam aquae petit, ut refrigeretur lingua ejus, in flammis ardentibus. Homo. Fili mi recordare quod de puero recepisti in vita tua valde bona plurima. Lazarus hic contra mala, modo consolabitur. Homo quidam.
IN LAETANIA MAJORE, ANTEQUAM CRUX ELEVETUR.
Ant. Exaudi nos Domine, quoniam benigna est misericordia tua, secundum multitudinem miserationum tuarum respice nos Domine. Ps. Salvum me fac Deus.
In die secunda.
Ant. Exurge Domine adjuva nos, et libera nos propter nomen tuum. Ps. Deus auribus nostris.
In die tertia.
Ant. Propitius esto Domine peccatis nostris propter 138.1090B| nomen tuum, nequando dicant gentes, ubi est Deus eorum. Ps. Deus venerunt gentes in haeredit.
In die quarta.
Ant. Clementissime exaudi Domine populum tuum. Alleluia. Ps. Deus misereatur nostri.
Ant. Cum esset desponsata mater Jesu Maria Joseph antequam convenirent inventa est in utero habens, quod enim in ea natum est de Spiritu sancto est. Alleluia.