extraxisse. Alias, dictis terminis, et temporibus elapsis, et praedictis non factis, vel observatis, amplius non audiatur, et praesumatur ipsum solutum, et satisfactum fuisse, nisi in scriptis appareat ipsum debitorem> protestatum fuisse infra illud tempus sibi tempus non currere formiter citato Procuratore Fiscali.
Addentes, quod Gancellarius praedictas non possit, nec valeat etiam iussu, et mandato Dominorum Capitaneorum huiusmodi credita in dictis libris scribere, elapso anno praedicto sub poena privationis omnium Officiorum Communis, et Terrae praedictae.
Et Capitanei, qui huiusmodi debita contra formam praesentis Statuti solverint, seu solvi fecerint, a successoribus ad restituendum Gommunitati duplum quantitatis per eos solutae, de facto cogantur.
Quod forenses civilitatem, et incolatum temporis cursunon acquirant .
Rubrica LXXIII.
Quoniam Reipublicae interest ad civilitatem, et incolatum illos dumtaxat recipi, quos morum probitas, et honestas ad id dignos fecerit, ideo statuimus, quod nutla persona forensis cuiuscumque qualitatis fuerit, possit fieri, dici, vel intelligi civis, terrigena, sive incola Terrae Sancti Marini, vel eiusdem Castrorum, etiam si per spatium centum annorum in dictis locis, sive eorum Territorijs, et Comitatu continue habitasset, et ibidem sedem suam cum maiori parte fortunarum suarum detinuisset etiam immobilia possidendo.
Immo non obstantibus dicti temporis cursu , et alijs praemissis, sic remaneat, et intelligatur forensis cum tota sua familia, et in eorum personis locum habeant omnia statuta dictae Terrae, et iura communia de forensibus loquentia.
Volentes illos solum incolatum, seu civilitatem dictae Terrae, et aliorum ut dictum est, locorum acquirere, quibus id specialiter, scriptura publica interveniente, concessum fuerit per Capitaneos, et Consiliarios duodecim dictae Terrae pro tempore existentes, secundum formam statutorum loquentium de civilitate, et incolatu acquirendo, et civibus faciendis.
