Castrorum,bis, vel ter durante eorum infirmitate,etomnino continue ad petitionem quorumcunque languentium signa videre,
medelas instruere, et ordinare, et reliqua facere quae ad officium
diligentis Medici pertinere dignoscentur nulla alia accepta mercede. Poterit etiam in hac nostra Terra , et Territorio mederi forensibus non habitantibus, et in nostro libro non descriptis, eisdemque parare medelas accepta sua competenti mercede quae in
ejus salario minime computetur. Et ut praedicta facilius exequi possit, sit obligatus continuo tenere suis sumptibus, et expensis unum equum, vel mulam pro usu suo, et accessu in Comitatu huj us nostrae Terrae , ad medendum , et curandum tam
civibus quam comitativis. Nec possit aliquis forensis , qui artem
Physicalem profiteatur, accedere in hanc nostram Terram, et ejus
Territorium pro ea exercenda, sine sua expressa licentia, et voluntate. Durante vero tempore suae conductionis, et electionis,
non possit discedere a districtu dictae nostrae Terrae sine expressa licentia Dominorum Capitaneorum , et si ejus absentia ultra
tres dies foret duratura sine licentia Consilij generalis , a quo ultra dictos tres dies non possit illam obtinere , nisi durante tempore dictae ejus absentiae relinquat in Terra nostra alium Medicum
expertum , et approbatum , ac idoneum arbitrio Dominorum Capitaneorum. Et si secus fecerit amittat salarium unius mensis pro
qualibet vice , qua contrafecerit. Debeat etiam dictus Medicus in
Festivitatibus, et processionibus nostris, ac in primo ingressu Capitaneorum in officio adesse una cum nostro Magistratu, et semper post Dominos Capitaneos , et Commissarium locum habere.
Teneatur postea dare , et solvere de suo proprio pro oblatione in
Festo Divi Marini Protectoris nostri paulum unum argenteum
Massarijs dicti Sancti. Item Cancellario Dominorum Capitaneorum pro mercede , et registro electionis , et confirmationis , quas
ubi advenerit,ethabueritomnino per dictum Cancellarium in libris capitulorum , una cum ejus capitulis registrari curabit , scutum unum auri pro prima vice tantumpersolvendum. Habeat autem Medicus a Communitate nostra pro ejus salario pro quolibet
anno scutos centum quinquaginta mutilos ad rationem grossorum
viginti pro singulo scuto sibi persolvendos de bimestre in bimestre per generalem exactorem nostrum , et domum habilem pro
sua , et ejus familiae habitatione , sumptibus nostrae Communitatis , pro cujus pensione non teneatur ipsa Communitas solvere plusquam scutos quinque similes , ac etiam habebit salmas octuaginta lignorum , et octuaginta fasces palearum ponderis
librarum centum pro singulo fasce sibi per deputatos danda , et
consignanda ad domum , et habitationem ipsius Medici , videlicet paleas per totum mensem Septembris, et ligna per totum mensem Octobris singulo anno , quae si praedicti deputati
Pagina:Leges statutae reipublicae Sancti Marini.pdf/47
Haec pagina nondum emendata est
STATUTORUM