Ólim/Imber Impendet

E Wikisource
Jump to navigation Jump to search
Fairytale left blue.png Lúdi Magister
IMBER IMPENDET.
(In parvá casá mulier rústica ante focum stat; duæ filiæ lánam faciunt.)
Fília príma. Quid agis, máter?
Máter. Calidam aquam patrí tuó paró; fessus enim ex agrís redíbit, et frígidus.
Fília altera. Ventum-ne surgentem audís? Metuó né imber impendeat.
Fília I. Ecce lucernam! Ut oleum in téstá scintillat!
Fília II. Vidés-ne etiam fungós putrós quí in eá concréscunt? Haud dubium est quín hiems adpetat.
Máter. Nunquam imber nóbís imprúdentibus obstat. Superióre nocte enim lúna, cum orírétur, obscúra erat; inde intellegá máximum imbrem terrá marí-que parárí.
Fília I. Ecquid cógnóscere licet sí lúna rubro colóre suffúsa est?
Máter. Pater tuus ventum fore saepe adfírmávit, cum lína rubró colóre suffúsa esset.
Fília II. Nónne sól etiam sígna imbris nóbís dat?
Máter. Immó veró certissima sígna sólem et orientem et occidentein sequuntur. Saepe enim colórés variós in vultú éius vidémus: cæruleus color “pluviam dénúntiat, igneus Eurós."
Fília I. Sólem quis dícere falsum audeat?
Fília II. Avés etiam nóbís pluviam nonnunquam prædícunt, sícut grués imbrem surgentem in vallibus ímís fugiunt, áeriæ-que volant.
Máter. Cum hirundó lacús circumvolitat, tum imbrés sint tibi súspectí.
Fília I. Ex omnibus avibus nónne corví cornicés-que præcipué pluviam prædícunt?
Fília II. Equidem imbrem nunc impendére pró certó habeó, nam hodié corvórum exercitus ó pástú ágimine mágnó discédéns, ális suís dénsís increpábat; et ego et soror mea, dum ad vícum ímus, cornícem vídimus quæ pluviam pléná vóce vocábat, et sóla siccá haréná spatiábátur.
Máter. Máne vaccæ, cum pábulum eís darem, caelum súspiciébant, aurás-que patulís náribus captábant: indo quoque pluviam impendére cógnóví.
Fília II. Ránás hodié audiví dum aquam haurió; querélam suam veterem in límó canébant.
Fília I. Etiam formíca parva sígnum dat, ut crédé, cum óva é téctís penetrálibus, impendente imbre, effert.
Máter. Désinite nunc pénsa vestra carpere, ut cénam patri frátrí-que vestró parétis. Pater enim nunciam ovés domun sequitur, et fílius ágnós.
[Fíliae cénam paráre incipiunt.
(Intrant pater et filius.)
Pater. Ohé, mea uxor! Iam pluere incipit; crás, nisi fallor, imber frígidus nós domí continébit.
Máter. Multa tamen mátúráre poteritis, quæ mox, cæló serénó, properanda erunt. Licébit enim frúgés ígní torrére, vel saxó frangere.
Fílius. Equidem dentem dúrum vómeris pró cúdam, vel lintrés ex arbore cavábó.
Pater. Mé sígnum pecorí imprimero aut numerós acervís ínscríbere oportébit.
Máter. Dum vós in agrís hodié laborátis, ego et fíliæ nostrae dé sígnís pluviam prædícentibus, inter nós loquébámur.
Fílius. Meministí-ne versús poétæ Vergilí Marónis hác dé ré scriptós?
Máter. Verba tenére nequeó. Nárrá nóbís, sódés, versús illós.
Fílius. Illós sólum memoriá teneó:
“Nunquam imprúdentibus imber
Obfuit: aut illum surgentem vallibus ímís
Aeriæ fúgére grués, aut búcula caelum
Súspiciéns patulís captávit náribus aurás,
Aut argúta lacús circumvolitávit hirundó,
Et veterem in límó ránæ cecinére querélam.
Sæpius et téctís penetrálibus extulit ova
Angustum formíca teréns iter, et bibit ingens
Arcus, et é pástú discédéns ágmine mágnó
Corvórum increpuit dénsís exercitus álís. …
Tum cornix pléná pluviam vocat improba vóce
Et sóla in siccá sécum spatiatur haríná.
Né nocturna quidem carpentés pénsa puellæ
Nescívére hiemem, téstá cum ardente vidérent
Scintilláre oleum et putrés concréscere fungós.”
Pater Ó vátem optimum, et rúris amantissimum!
Fília II. Céna apposita est. Veníte.
Pater et fílius. Gaudémus, nam valdé ésurimus.
FÍNIS


Fairytale left blue.png Lúdi Magister