Ólim/Vestis sanguine tíncta

Virgínia	Léx Oppia

VESTIS SANGUINE TÍNCTA

Drámatis Personæ.

Pýramus	. .	iuvenis Balylónius.
Thisbé	. .	virgó Babylonia.
Pater Pýramí.
Máter Pýramí.
Pater Thisbés.
Máter Thisbés.
II. Puellæ Babylóniæ.

(Domús Pýramí et Thisbés contiguæ sunt.)

Scaena Príma

(Extrá casís contiguás.)

(Intrat Thisbé cum duábus puellís.)

Thisbé (suspírat). Hei mihi!

Puella I. Dic nóbís, Thisbé, quamobrem suspírés.

Puella II. Cur numquam nóbíscum lúdis, ut anteá solébás?

Thisbé. Nesció quae sit mihi causa trístitiæ.

Puella I. Pýramum equidem crédó causam esse.

Puella II. Gaudére té oportet, nam haud dubium est quín ille té céterís puellís, praeferat.

Thisbé. Abíte vós, precor. Nam sermonis vestri mé taedet.

Puella I. Abeámus, Thisbé enim sóla esse cupit.

Puella II. Valé, Thisbé. (Pýramus intrat.) Ecce! Pýramus ipse adest. [Exeunt puellæ.

Thisbé. Valéte vós. Salvé, mí Pýrame.

Pýramus. Salvé tú quoque, Thisbé mea. Tecum loquí cupió.

Thisbé. Quid vís, Pyrame?

Pýramus. Ó Thisbé, iamdídum amici sumus, ut ipsa cognovistí, iamdúdum contiguís domás habitámus. Sed quando mihi licobit té uxorem dúcere?

Thisbé. Nescio quando hoc futúrum sit, nam parentibus nostris haudquãquam placet. Sed ego tibi quam primum nubere volo.

Pýramus. Quomodo parentibus nostrís hoc persuádáre poterimus?

Thisbé. Utinam né tam sevárí essent patros nostrí!

(Patrés intrant.)

Pater Pýramí. Heus tú, Pýrame, quid facis?

Pater Thisbés. Heus tú, Thisbé, quid facis?

Pýramus. Nihil té célábó, mí pater: hanc puellam uxórem dúcere cupió.

Thisbé. Omnia fatébor, mí pater: huíc iuvení núbere cupió.

Pater Pýramí. Hem! Vení mécum, mí filí. Domum redeundum est tibi.

Pater Thisbés. Hem! Vení mécum, fília mea. | Domum redíre necesse est.

Pýramus. Valé, Thisbé. Mox té revísam.

Thisbé. Valé, Pýrame. Breví tempore té revísam.

(Suam quisque domum intrant.)

Scaena Secunda.

(In casís contiguís.)

(Pýramus et Thisbé suæ quisque domí sedent.)

(Máter Pýrami domum suam intrat.)

Máter P. Díc mihi, mí filí, quáré tam mæstus sís.

Pýramus. Multís dé rébus cogitó, máter mea.

Máter P. Nónne mihi loquí vís ?

Pýramus. Ita, máter, tibi omnia dícam, ut mé moneás. Nam mé Thisbén amáre adfírmó; eam uxórem dúcere cónstituí.

Máter P. Tú-ne illam amás ? Tú-ne illam dúcere vís? At humilióre genere orta est quam tú. Nóbís eam indígnam esse cénseó.

Pýramus. Nós eá indígnós esse dícere oportet; omnibus enim, quás Oriéns habet, puellís præferenda est.

Máter P. Quidnam pater tuus dícet ? Sed ipse adest.

(Intrat pater Pýramí.)

Pater. Ohé, mí fílí! Cum vícínó nostró núper locütus sum, quem interrogáví quantam dotem fíliae suae dare posset. Is multam dotem sé esse datúrum negávit. Ergó té puellam, illam dúcere vetó.

Pýramus. At, mí pater …

Pater. Veté té dé eá loquí.

Pýramus. Sed, pater, …

Pater. Imperó tibi né dé eá dícás; nam quae díxí, díxí. Uxor mea, mécum vení.

[Exeunt pater et máter P.

(Pater et máter Thisbés domum suam intrant.)

(Thisbé lacrimat.)

Máter Th. Stultissima puella, désine lacrimáre

Thisbé. Éheu, máter, tú et pater meus causa estis mihi dolóris.

Máter. Nólí tália dícere, fília ; nihil enim féciinus nisi quod té dé Pýramó cógitáre vetuimus.

Thisbé. At eí núbere cupió.

Máter. Sed pater tuus núptiás istás vetat.

Thisbé. Licet igitur mihi dolére.

Pater. Praetereá, patrí Úius díxí mé dótem mágnam tibi dáre nequíre.

(Thisbé lacrimat.)

Pater. Parentibus párendum est á fíliábus : imperó tibi ut lacrimáre désinás.

Máter. Vení mécum, mi coniunx; fíliam nostram híc relinquámus.

[Exeunt pater et máter.

Thisbě. Pró parentős crúdelés! Tamen, sí palam loquí nón licet, at nútú sígnís-que loquémur, ego et Pýramus.

(Pýramus ad parietem appropinquat, per rímam loquitur.)

Pýramus. (submissã vóce). Thisbé, húc vení, ut técum loquar.

(Thisbé ad rímam appropinquat.)

Thisbé. Sólus-ne es, mí Pýrame?

Pýramus. Sólus, Thisbé. Némo adest.

Thisbé. Gaudeó quia hanc rímam invénimus.

Pýramus. Doleó cquidem quod pariés nóbís obstat.

Thisbé. Quómodo conveníre poterimus?

Pýramus. Consilium inií; nocte cnim cústódés fallémus, domó exíbimus, urbem quoque relinquémus, ad tumulum Niní conveniémus.

Thisbé. Quómodo locum ágnóscam?

Pýramus. Ardua mórus ibi est, haud procul í fonte gelidó.

Thisbé. Euge! Nólí má fallere.

Pýramus. Té nón fallam. Valé, Thisbé.

Thisbé. Valé, Pýrame.

(Suae quisque parlí óscula dant.)

SCAENA TERTIA

(In agrá látó, nocte; arbor prope fontem est; á dextrá caverna est, á tergó sunt silvæ.)

(Thisbé intrat.)

Thisbé. Quam callidé cústódés fefellí! Haec est arbor dé quá Pýramus locútus est. Cónsídam ut eum maneam.

[Cónsídit; leaena é silvís exit.

Hei mihi! Quam feram illíc videó? Leaena est! Quó mé referam? In antrum illud fugiendum est.

(In cavernam fugit, vélámine luumí relictó. Leaena é fonte bibit; vélámen cúnspicit, quod deinde laniat; postrémó discédit.)

(Pýramus intrat.)

Pýramus. Féstínandum est mihi, né Thisben fallam .… Ades-ne, inea Thisbé? (Subito vélámen cónspicit.) Ecce! quid est ? Nónne Thisbés vestem repperí, sanguine tínctam? Et feræ alicúius vestígia in pulvere videó. Hei mihi! Mortua est Thisbé—ego té, miseranda, perémí; nam hunc ad locum té veníre iussí, neque ipse prior adfuí. Ó leónés, quicumque sub hác rúpe habitítis, meum quoque corpus dívellite ! . . . Immó véró, meá ipse manú vítam effundam. (Vélámen tollit.) Ó vestis meæ amantis, sanguine tíncta, meum quoque sanguinem accipe. (Sé gladió cónfodit.)

(Thisbé é caverná redit.)

Thisbé. Redíre nunc licet, nain leaena discéssit. Quandó Pýramus veniet ? Dé periculó meó eí nárráre cupió.

(Pýramí membra solum pulsant; Thisbé subitó pedem retró fert.)

Á! Pýramum ipsum humí iacentem cónspició. Pýrame, respondé. Tua té cárissima Thisbé nóminat. Audí!

(Pýramus oculós érigit, seil, vísá Thisbé, recondit.)

Ó miseram mé! Té mortuó vívere nón possum, itaque mo gladió tuó occídam. Síc mortem úná obeámus.

(Ferró incumbit.)

SCAENA QUARTA.

(Ibidem. Máne.)

(II. Puellæ Babylóniae intrant; urceós portant.)

Puella I. Salvé! Quid agis tú ?

Puella II. Salvé, amíca mea. Máter mea mé aquam é fonte illó hauríre iussit.

Puella I. Mihi quoque máter imperávit ut aquam domun reportárem.

Puella II. Nun Thisbén hodié vídistí? Domó hác nocte égressa, nondum rediit.

Puella I. Nesció equidem ubi sit. Sed Pýramum quoque domó abesse audíví.

Puella II. Ad fontem pervenimus. ... Hei! Quós humí iacentés videó ? Sanguine tínctás vestés gerunt.

Puella I. Ó dí immortálés! Pýramus et Thisbé sunt.

Puella II. Gladium cruentátum Thisbé tenet.

Puella I. Ambó mortuí sunt.

Puella II. Parentés eórum arcessere nós oportet.

Puella I. Currámus, ego et tú, ad eós arcessendós.

[Exeunt puellæ.

SCAENA QUINTA.

(Circum urnum parentés puellæ-queque lenté circumeunt.)

Pater et Máter Pýramí. Pýramus mortuus est. Lacrimáte omnés, quia Pýramus mortuus est.

(Corónás urnae impónunt.)

Pater et Máter Thisbés. Thisbé mortua est. Lacrimáte omnés, quod Thisbé mortua est.

(Corónás urnae impónunt.)

Puellæ. Et Pýramus et Thisbé mortuí sunt. Lacrimáte oinés, cuin Pýramus et Thisbé mortuí sint.

(Corónás urnae impónunt.)

Omnés parentés. “Sed quod rogís superest, uná requiéscit in urná."

Pater et Máter Pýramí. Avé atque valé, Pýrame! In úná urná requiéscunt Pýramus et Thisbé.

Pater et Máter Thisbís. Avé atque valé, Thisbé. In úná urní requiéscunt Thisbé atque Pýramus.

Puellæ. Avéte atque valéte, Pýrame et Thisbé.

Omnés. In úní urná requiéscunt.

[Exeunt.

FÍNIS

Virgínia	Léx Oppia