Jump to content

A First Latin Reader/49

Nexus addere
Unchecked
E Wikisource
Herbert Chester Nutting
A First Latin Reader
Lesson 49. The Attempt to surprise Detroit (continued)


1912

fons: librum vide
 48. The Attempt to surprise Detroit 50. A Successful Ruse 
LESSON 49
The Attempt to surprise Detroit (Continued)

Māne ad castellum cum comitibus circiter sexāgintā vēnit Pontiac, conciliumque postulāvit. Haud magnō intervāllō[1] sequēbātur reliqua multitūdō Indōrum, quī simulābant sē extrā mūnītiōnēs pilā[2] lūsūrōs[3].

Portīs castellī patefactīs, Pontiac, quī nihil suspicābātur, ūnā cum comitibus, quī omnēs[4] arma vestīmentīs[5] tēcta ferēbant, sine morā intrāvit; deinde autem vehementer permōtus mīlitēs omnēs et complūrēs negōtiātōrēs cum armīs[6] circumstāre[7] animadvertit. Postquam vērō ad prīncipia[8] dēductus est ac vīdit duōs trēsve tantum adesse centuriōnēs, audācter cum lēgātō loquī coepit.

Priusquam ad castellum perventum est, comitēs rēx monuerat sē, cum pauca[9] prius dē pāce locūtus esset, lēgātō zōnam[10] datūrum[11]; quō sīgnō[12] impetum statim in lēgātum centuriōnēsque faciendum esse, cum interim Indī cēterī[13], quī extrā mūnitiōnēs relictī erant, per portās inrumperent praesidiumque adorīrentur.

Cum vērō porrigere zōnam[14] ille cōnārētur, lēgātus sīgnum dedit[15], et subitō prīncipia[16] sonō armōrum complēta sunt. Tum dēmum barbarī, quī iam plānē sentiēbant omnia cōnsilia sua patefacta esse, vultū dēmissō ē castellō silentiō sunt ēgressī, atque in silvās properāvērunt; ubi ē cōnspectū Britannōrum mox āmissī sunt.

————————
  1. ↑ intervāllō: translate the abl. “at” (strictly, abl. of manner).
  2. ↑ pilā: (at) ball; abl. of means (pila,-ae, f.).
  3. ↑ lūsūrōs: sc. esse.
  4. ↑ quī omnēs: all of whom.
  5. ↑ vestīmentīs: abl. of means; but translate “under.”
  6. ↑ cum armīs: i.e. (fully) armed.
  7. ↑ cīrcumstāre: i.e. in such a way as to encircle Pontiac and his followers.
  8. ↑ prīncipia: prīncipia, -ōrum, n., headquarters.
  9. ↑ pauca: note the gender; cf. multa, p. 5, l. 9.
  10. ↑ zōnam: zona, -ae, f., belt.
  11. ↑ datūrum: would offer.
  12. ↑ quō signō: abl. of time when; translate “at.”
  13. ↑ cēteri: i.e. reliquī.
  14. ↑ zōnam: see p. 57, l. 16.
  15. ↑ signum dedit: i.e. made a motion.
  16. ↑ prīncipia: see p. 57, l. 11.
Receptum de "https://la.wikisource.org/wiki/A_First_Latin_Reader/49"