 95. A Prize Won and Lost (Continued) |
97. Early Days in Liberia  |
Colōniīs multīs iam in Americam dēductīs[1], Gallī etiam in Indōrum fīnēs sacerdōtēs mittere cōnsuēverant, nōn sōlum ut barbarī ad suam religiōnem converterentur, sed etiam ut illī amīcī essent, sī quandō[2] cum Britannīs dīmicandum esset. Quī hominēs sānctī[3] interdum maximīs in perīculīs versābantur[4]; sīcut ōlim in regiōnibus longinquīs, quae posteā cīvitātis Noveborācēnsis pars factae sunt, sacerdōtēs complūrēs, quī cum negōtiātōribus paucīs castellum parvum ibi tenēbant, subitō certiōrēs factī sunt Indōs peregrīnōs omnīs occīdere cōnstituisse.
Palam fugere nōn audēbant sacerdōtēs, neque eīs[5] ūllae erant nāvēs, quibus ad Canadam veherentur. Itaque clam intrā castellum scaphās facere statim coepērunt; deinde, postquam omnia[6] ad fugam iam sunt parāta, barbarōs ad convīvium[7] vocāvērunt. Illī convēnērunt laetī; cumque ēdissent omnia, quae sacerdōtēs apposuerant, domum regressī in tabernāculīs mox sōpitī iacēbant. Tum Gallī silentiō scaphās ad rīpam portāvērunt, et flūmine secundō ad Canadam versus profectī sunt.
Māne Indī vīdērunt castellum clausum; quā rē animadversā, prīmō sacerdōtēs vōta facere[8] crēdēbant. Postrēmō tamen, fenestrīs[9] ingressī, intus esse nēminem timōre maximō[10] sēnsērunt; nesciēbant enim Gallīs ūllās esse scaphās, eōsque arte magicā effūgisse iūdicābant.
 |
Imago hoc loco in textu apparere debet, vide Normas imaginum. Si eam praebere potes, vide Auxilium:Imagines addendae pro instructionibus onerandis. |
The Oriental fashion of reclining at meals was much in vogue among the Greeks and Romans. The above illustration is taken from a wall decoration at Pompeii.
- ↑ colōniīs . . . dēductīs: translate by a “when” clause.
- ↑ sī quandō: cf. p. 54, l. 4.
- ↑ sānctī: sānctus, -a, -um: pious.
- ↑ versābantur: freely, were exposed (to).
- ↑ eīs: dat. case.
- ↑ omnia: note the gender.
- ↑ convīvium: convīvium, -ī: n, Cf. the illustration on the opposite page, feast.
- ↑ vōta facere: vōtum, -ī, N., prayer, to be at prayers.
- ↑ fenestrīs: cf. the note on p. 76, l. 3.
- ↑ timōre maximō: lit. what?, to their great alarm.