Carmina (Catullus)/49

E Wikisource
Jump to navigation Jump to search

Fairytale left blue.png Carmen 48 Carmen 50 Fairytale right blue.png

Disertissime Romuli nepotum,
Quot sunt quotque fuere, Marce Tulli,
Quotque post aliis erunt in annis,
Gratias tibi maximas Catullus
Agit pessimus omnium poeta,
Tanto pessimus omnium poeta
Quanto tu optimus omnium patronus.

Fairytale left blue.png Carmen 48 Carmen 50 Fairytale right blue.png