Carmina (Catullus)/51

E Wikisource
Salire ad: navigationem, quaerere

Fairytale left blue.png Carmen 50 Carmen 52 Fairytale right blue.png

Ille mi par esse deo uidetur,
Ille, si fas est, superare diuos,
Qui sedens aduersus identidem te
          Spectat et audit

Dulce ridentem, misero quod omnis
Eripit sensus mihi: nam simul te,
Lesbia, adspexi, nihil est super mi
          • • • •

Lingua sed torpet, tenuis sub artus
Flamma demanat, sonitu suopte
Tintinant aures, gemina teguntur
          Lumina nocte.

Otium, Catulle, tibi molestum est:
Otio exsultas nimiumque gestis.
Otium et reges prius et beatas
          Perdidit urbes.

Fairytale left blue.png Carmen 50 Carmen 52 Fairytale right blue.png