Carmina (Horatius)/Liber I/Carmen XX

E Wikisource
Jump to navigation Jump to search
Liber I
Carmen XX
23 a.Ch.n.
Fairytale left blue.png I, XIX I, XXI Fairytale right blue.png


Vile potabis modicis Sabinum
cantharis, Graeca quod ego ipse testa
conditum levi, datus in theatro
cum tibi plausus,

clare Maecenas eques, ut paterni
fluminis ripae simul et iocosa
redderet laudes tibi Vaticani
montis imago.

Caecubum et prelo domitam Caleno
tu bibes uvam: mea nec Falernae
temperant vites neque Formiani
pocula colles.

Fairytale left blue.png I, XIX I, XXI Fairytale right blue.png