Carmina (Horatius)/Liber I/Carmen XXVI

E Wikisource
Jump to navigation Jump to search
Liber I
Carmen XXVI
23 a.Ch.n.
Fairytale left blue.png I, XXV I, XXVII Fairytale right blue.png


Musis amicus tristitiam et metus
tradam protervis in mare Creticum
portare ventis, quis sub Arcto
rex gelidae metuatur orae,

quid Tiridaten terreat, unice
securus. o quae fontibus integris
gaudes, apricos necte flores,
necte meo Lamiae coronam,

Piplei dulcis. nil sine te mei
prosunt honores: hunc fidibus novis,
hunc Lesbio sacrare plectro
teque tuasque decet sorores

Fairytale left blue.png I, XXV I, XXVII Fairytale right blue.png