 Colloquium XXXIX |
Colloquium XLI  |
Personae:
Noaeus, Capellus.
N.
Vidistine librum meum?
C.
Quem librum quaeris?
N.
Ciceronis Epistolas.
C.
Ubi reliqueras?
N.
Oblitus eram in auditorio.
C.
Tua fuit negligentia.
N.
Fateor: sed interim indica, si quem scias accepisse.
C.
Cur non adis praeceptorem? solet enim (ut scis) quae a nobis relicta sunt aut ferre in musaeolum, aut alicui dare qui reddat.
N.
Bene mones. O me obliviosum, cui id in mentem non venit!