Colloquium II  |
Personae:
Cornelius, Martialis.
C.
Quid legis?
M.
Literas.
C.
A quo?
M.
A patre.
C.
Quando accepisti?
M.
Heri, vesperi.
C.
Quis attulit?
M.
Nescio.
C.
Nescis? Quis tibi reddidit eas?
M.
Ancilla quaedam a caupone.
C.
Unde sunt datae?
M.
Lutetia, credo.
C.
Quo die?
M.
Nondum licuit inspicere.
C.
Nempe ego te interpellavi.
M.
Parum refert, non adeo sum occupatus.
C.
Age, perlege tuam Epistolam, ego interea studebo.
M.
Ego quoque mox idem faciam.