 Colloquium ΧΙI |
Colloquium XΙV  |
Personae:
Israel, Matthaeus.
I.
Estne domi frater tuus?
M.
Cur istud rogas?
I.
Pater meus volebat eum convenire.
M.
Non est in hac urbe.
I.
Ubi igitur?
M.
Peregre profectus est.
I.
Quando?
M.
Nudiustertius.
I.
Quonam ivit?
M.
Lutetiam.
I.
Qua iter facturus est?
M.
Lugduno.
I.
Utrum pedes an eques ivit?
M.
Ivit in equo.
I.
Quando est rediturus?
M.
Nescio.
I.
Sed quem terminum constituit illi pater?
M.
Iussit ut hic adesset ad vicesimum huius mensis diem.
I.
Ducat illum Deus, ac reducat.
M.
Ita precor.