Cornelia Puella Americana/VI

E Wikisource
 V VII 
VI

Cornēlia, pulchra fīlia agricolae, cēnam parat. Cornēlia est puella parva et agricola est laetus quod Cornēlia cēnam parat. Pater Cornēliam amat et Cornēliae pecūniam dat. Pater Cornēliae nōn mihi pecūniam dat; nōn tibi pecūniam dat; sed Cornēliae pecūniam dat. Pecūnia est dōnum. Agricola puellae dōnum dat quod puellam amat. Pater cēnam laudat et dōnum dat. Cornēlia est laeta quod pater pecūniam dat.

Sunt nautae in terrā sed nautae Cornēliae pecūniam nōn semper dant quod pecūniam nōn semper habent. Interdum ubi pecūniam habent, pecūniam dant. Nunc nauta pecūniam habet et Cornēliae pecūniam dat. Cornēlia nautae grātiās agit. Cornēlia nunc in viā pecūniam portat. Ubi pecūniam nautae portat, agricolae pecūniam ostendit. Nauta est amīcus agricolae sed nōn in Americā habitat. Pecūnia nōn est pecūnia Americāna; est pecūnia nova. Saepe hic vir pecūniam novam habet quod multās terrās videt. (Saepe poētae dē aquā pulchrā scrībunt et nautās laudant, sed vīta nautārum est perīculōsa.)

Agricola Cornēliae pictūrās mōnstrat et fābulam dē pecūniā nārrat. Cornēlia pecūniam spectat et legit. Nunc Cornēlia intellegit. Sed Cornēlia pecūniam nautae cupit.

Quid portat Cornēlia? Cornēlia pecūniam nautae portat. Cūr? Cornēlia discipulīs pecūniam novam ostendere cupit. Multī discipulī laetī pecūniam vident … Nunc ex scholā pecūniam Cornēlia portat.

 V VII