 2.15 |
2.17  |
XVI.
Naenia nona
iocosa ad blandiendum
nutrix canit
Pallidus Eunomius puer est, Titiusque nigellus,
vagit et hic noctes, vagit et ille dies;
Luciolo roseus color est candore refusus,
nec vagit noctu, nec strepit ipse die.
5
Despuit Eunomius mammas tunditque papillas;
oscula dat tumidis Lucius uberibus.
Non Titium fabella juvat, non naenia Lippae;
naenia Luciolum verbaque ficta juvant.
Ridet et in somnis et Lisae Lucius haeret,
10
auferat et ne quis callidus ipse timet.