 Mater Gracchorum |
| Numitor. | |
| Romulus. |  gemini.
|
| Remus. | |
| Faustulus, | pastor. |
| Senex. | |
| Ministri. | |
| Pastores. |
Rom. salvē, senex!
sen. salvētē!
Rom. estne haec Numitōris domus?
sen. Numitōris est domus.
Rom. [Faustulum alloquēns] haec, pater, est Numitōris domus.
Faust. tu, domum, Rōmule, intrā. ego ibi tē exspectābō. heu miserum! multum doleō quod fīlius meus, Remus, captivus est.
Num. ecce! quem dūcunt pastōrēs?
min. captīvum dūcunt catenīs vinctum?
Num. hic homō, quis est?
pastor. hic ūnus est, domine, pastōrum Amūliī, quem captum ad tē addūcimus.
Num. cūr hunc ad mē addūcitis vinctum?
past. pastōrēs Amūliī nōbīs sunt inimīcī.
Num. quam est formōsus! [Remum alloquēns] venī, homō! volō tē aspicere, ō mē miserum! quantum est Rēae Sylviae similis, fīliae meae cārissimae, quam Amūlius necāvit!
min. quis inde venit?
Rom. salvē, ō domine!
Num. quis es tū, quī captīvī nostrī tam similis es?
Rom. Rōmulus appellor. hic est frāter meus, Remus.
Num. quid petis, Rōmule?
Rom. Remum petō, quī ā servīs tuīs hūc ductus est captīvus.
Num. unde vēnisti?
Rom. ab Aventīnō vēnimus, ubi Amūlī gregēs custōdīmus.
Num. quis vōbīs est pater?
Rom. Faustulus est pater noster, Amūliī pastor.
Num. [ministrum alloquēns] abī! Faustulum hūc addūc!
Rom. iam ille apud portam exspectat.
min. hic, domine, est Faustulus.
Faust. salvē, ō domine!
Num. aspice hōs! suntne fīliī tuī?
Faust. per multōs annōs, domine, hōs ēducāmus et ego et uxor mea.
Num. quid tum? nōnne sunt vestrī fīliī?
Faust. nōn sunt nostrī fīliī, sed cum līberīs nostrīs hōs ēducāvimus.
Num. quid? unde sunt?
Faust. hōs diū abhinc in rīpā fluviī inventōs ad casam meam addūxī—tum parvulī erant.
Num. quid? in rīpā fluviī! parvulī!
Faust. ibi relictī erant.
Num. tibi magnā dabō praemia et uxōrī tuae. venīte hūc, Rōmule et Reme! audīte omnēs! frāter meus, Amūlius, homō improbus, ōlim rēgnum meum occupāvit, fīlium meum necāvit et fīliam Rēam Sylviam, et līberōs eius parvulōs in fluvium praecipitāvit. ecce, Rōmulus et Remus, fīliae meae līberī, ā Faustulō servātī!
ministri et pastores. salvētē, ō dominī!
Rom. et Rem. nōs Amūlium superābimus et Numitor rursus erit rēx.
| Mater Gracchorum |