LexUniv:Ianizeri
| Lexicon Universale Navigatio | |
|---|---|
|
|
Posterius |
 In Vicipaedia: | |
 In Victionario: | |
IANIZERI seu IANIZARII, praetoriani milites Turcici Imp. Divisi in Constantinopolitanos & Damascenos, magni ad augendum & turbandum Imperium momenti. An ab Amurathe I. A. C. 1362. an ab Osmanno I. Imp. instituti? Hi enim in potestatem suam dudum traxêrunt, ut regnum transferant quò velint. Unde & nostro Sec. Osmanem ac Ibrahimum è medio sustulêrunt; nec meliora Fata hodiernum Muhammedem mansissent, nisi prudentiâ Magni Vezirii conservatus, ac loco eius ipsa insidiarum architecta Avia, Achmedis Imp. quondam Saltana, strangulata fuisset. Vide Auctor. descr. St. Turc. l. 1. c. 4. Proin ne simili licentiâ in posterum in fam. Ottomannicam grasserentur, feruntur omnibus modis nunc enervari: crediturque id inter consilia ultimi belli Hungarici Mag. Vezirius posuisse, ut Ianizarios praesentissimis periculis obiiceret, eosque in tantum minueret, quò eò citius viam sibi ad novam & obsequii patientiorem militiam pararet. Vide Leunclav. Ann. Turc. & in Pandect. 35. Chalcondyl. l. 1. inprimis P. de la Valle, Itin. tom. 1. 2. & 3.