Ora Maritima/V
 IV. Delectamenta puerorum |
VI. Britannia antiqua  |
Scopulus Altus ad Dubras situs, ex poeta Nominatus.
V. Magister noster.
[Nouns and Adjectives like magister]
15. Magister noster vir doctus est, sed lūdōrum perītus. Nōbīs puerīs cārus est. Inter fēriās patruum meum interdum vīsitat. Dextra magistrī nostrī valida est, et puerī pigrī nec dextram nec magistrum amant.
- “Nōn amo tē, Sabidī, nec possum dīcere quārē.
- Hōc tantum possum dīcere: nōn amo tē.”
Magistrum nōn amant quia librōs Graecōs et Latīnōs nōn amant. Nam discipulī scholae nostrae linguīs antīquīs operam dant, atque scientiīs mathēmaticīs. Magistrō nostrō magna cōpia est librōrum pulchrōrum. Schola nostra antīqua et clāra est: nōn solum librīs sed etiam lūdīs operam damus. Schola nostra nōn in Cantiō est. In vīcō nostrō est lūdus litterārius, crēber puerīs et puellīs, līberīs agricolārum. Sed ego cum Marcō et Alexandrō, amīcīs meīs, ad Ventam Belgārum discipulus sum.
| IV. Delectamenta puerorum |
VI. Britannia antiqua |