Pagina:Ad Alpes.djvu/166

“Posteā, locīs pūrgātīs,^[1] aedificia exstrūcta sunt nōn (ut post Gallicum incendium) passim et prōmiscuē, sed dīmēnsīs vīcīs^[2] et viīs lātissimīs. Haec est urbs splendida, quam tū tantopere admīrāris.”

Dum haec dīcuntur, equī lēniter prōgrediēbantur; ac Lūcius, aurā tepidā^[3] languidus, iam cōnsōpītus erat. Quem cum vīdisset somnō lēnī quiēscentem, Pūblius ex memoriā prōnūntiāre coepit:

“‘Somne, quiēs rērum, placidissime,^[4] Somne, deōrum,

Pāx animī, quem cūra fūgit,^[5] quī corpora dūrīs

Fessa ministeriīs^[6] mulcēs^[7] reparāsque^[8] labōrī.’”^[9]

“Hī versūs mihi maximē placent,” inquit Drūsilla, “nec meminī mē eōs ante audīre. Unde sunt, obsecrō?”

At Pūblius: “Hōs et multōs aliōs aequē bonōs invēnī apud poētam Ovidium, quem adsiduē legō. Nam paucī sunt, quī tam facile et ēleganter^[10] scrībere possint.”

Interim diēs abībat; ac sub vesperum viātōrēs ad domum Drūsillae avunculī pervēnērunt, ubi libenter ā Cornēliō receptī sunt.

1. pūrgō, -āre, -āvī, -ātus, tr., clear.
2. vīcīs, wards.
3. tepidus, -a, -um, adj., warm.
4. placidissime: voc.; governing partit. gen. deōrum.
5. fūgit, has left.
6. ministerium, -ī, n., labor.
7. mulceō, mulcēre, mulsī, mulsus, tr., soothe.
8. reparō, -āre, -āvī, -ātus, tr., restore.
9. labōrī, service; dat. of purp.
10. ēleganter, adv., beautifully.