CLAUDIUS MALTRETUS
E SOCIETATE IESU
LECTORI OPTIMO S. D.
Ανεκδοτα iam semel anno 1623 Lugduni separate edita, adiungo caeteris Procopii Caesariensis Operibus. Quae quidem ita recenset Nicephorus Callisti F. ut locum Arcanae huic Historiae postremum tribuat. Eso vero dedissem primum, si mutare ob Interpretis meritum. licuisset. Novi quantus vir fuerit Nicolaus Alemannus: amplector nitorem styli: Notas, quas historicas appellavit, singulari plenas eruditione deosculor. Addiderat censorias, sive Graeci textus recognitionem, in lectionum diversitate, et eorum, quae Typographus peccaverat, correctione maxime positam. Eius modi notas omisi, utpote iam inutiles; cum et lectiones varias in margine disposuerim, et mendas editionis Lugdunensis vitarim. Nonnulla tamen collegi seorsum, retulique in emendationes meas: ubi etiam interpretationem ipsam correxi. Nam hoc in libro ter aut quater Procopius, nisi fallor, aliud Graece, aliud Latine dicit. ld quod valde humanum est. Vix enim potest fieri, ut cum Author quispiam evasit δίγλωσσος ac lingua duplici loquitur, utraque semper constet, nec diversa interdum proferat. Quamobrem cautius cum iis agere soleo, qui, ut ita dicam, ore eunt gemino praediti, diligenterque attendo, num uno verum pronuntient, altero falsum. Sic attendas velim ad ea, quae ipse in Latinum verti. Iam vero sine, Lector, paucis commemorem beneficium R. P. Possini. Eram admodum adolescens, et a consilio suscipiendae interpretationis Procopii longissime aberam; quando inter ipsius manus Codicem vidi huius Historiae MS. quem habet amplissima Bibliotheca Illustrissimi Cancellarii Petri Seguierii. Ex eo ille in exem-
